المساعد الشخصي الرقمي

مشاهدة النسخة كاملة : سؤالين استشييركم فيهم


اهل قطر
13-03-2009, 05:38 AM
الاول:
عندي سايق فلبيني يسوق زين وعنده ليسن بلاده من ثلاث سنوات
ولكنه نجح في الباركنج وال
ونجي للشارع من يركب معاه الشرطي تخصبق فرسب مرتين يعني ايش اقتراحكم شاسوي معاه

الثاني :
قدمت طلب لخدامه في الجوازات وكل ما افتح موقعه يطلع لي الطلب تحت الاجراء يعني شمعناته , خلص والا موقف
h9466
13-03-2009, 07:54 AM
صباح الخير اخوي ...بالنسبة للسواق اطلب من الشرطي اللي يختبره اطلب منه وبشكل ودي انه يحاول يهدي السايق بكم كلمة لانه الفلبيني يخاف بسرعة ويرتبك...
وبالنسبة لفيزة الخدامة اريد اسالك من تاريخ كم انت قدمت الطلب؟وهل دفعت الرسوم للفيزا ام للان لم تدفعها؟؟
مستثمره جديده
13-03-2009, 12:57 PM
هلا اخوي .. بخصوص السايق وعلى حسب ماسمعت انك لازم انت تروح وقت الاختبار وتدهن سير الشرطي اللي يختبره ودريولك ناجح ان شاءالله .. :)
هدوء العاصفة
13-03-2009, 01:04 PM
هلا اخوي .. بخصوص السايق وعلى حسب ماسمعت انك لازم انت تروح وقت الاختبار وتدهن سير الشرطي اللي يختبره ودريولك ناجح ان شاءالله .. :)

ياناس خافوا الله في اللي تكتبونه !
فارس الكلمة
13-03-2009, 01:29 PM
بخصوص السايق وعلى حسب ماسمعت انك لازم انت تروح وقت الاختبار وتدهن سير الشرطي اللي يختبره ودريولك ناجح ان شاءالله .. :)

هذا حرام شرعاً .. و مخالف قانوناً .. و يعاقب عليه في قانون العقوبات ..

هذا نصيحة غير حكيمة .. أختي الكريمة ..
بابا الضحية
13-03-2009, 01:33 PM
صباح الخير اخوي ...بالنسبة للسواق اطلب من الشرطي اللي يختبره اطلب منه وبشكل ودي انه يحاول يهدي السايق بكم كلمة لانه الفلبيني يخاف بسرعة ويرتبك...
وبالنسبة لفيزة الخدامة اريد اسالك من تاريخ كم انت قدمت الطلب؟وهل دفعت الرسوم للفيزا ام للان لم تدفعها؟؟

فعلا هذا افضل رد قول للشرطي ترى خف عال رجال شوي :nice:

بالتوفيق ان شاءالله ينجح المرة الجاية :nice:
مستثمره جديده
13-03-2009, 01:34 PM
ياناس خافوا الله في اللي تكتبونه !

اخوي لاتفهمني غلط انا اقصد انه يروح مع السواق وقت الاختبار ويتفاهم مع الشرطي انه يراعي الدريول ويخف عليه من العصبيه وقت الاختبار ومايخرعه بالصراخ والكفوف اللي يستخدمونها للسواقين ويخسبقونهم ويخلونهم يرسبون في الاختبار ومب شرط دهان السير يكون بالفلوس ممكن يكون بالأسلوب الحلو والكلام الطيب ..

شوفوا حل لمشكلة الرجال ولاتقلبون موضوع استفساره لموضوع انتقادات لردود الاعضاء كالعاده خلاص انا وضحت اللي اقصده
بابا الضحية
13-03-2009, 01:36 PM
اخوي لاتفهمني غلط انا اقصد انه يروح مع السواق وقت الاختبار ويتفاهم مع الشرطي انه يراعي الدريول ويخف عليه من العصبيه وقت الاختبار ومايخرعه بالصراخ والكفوف اللي يستخدمونها للسواقين ويخسبقونهم ويخلونهم يرسبون في الاختبار ومب شرط دهان السير يكون بالفلوس ممكن يكون بالأسلوب الحلو والكلام الطيب ..

:nice: هني لازم تكتبين بالتفصيل !!!ولا تروح عليج :nice:
مستثمره جديده
13-03-2009, 01:40 PM
:nice: هني لازم تكتبين بالتفصيل !!!ولا تروح عليج :nice:

اي والله الحين بينسون استفسار الرجال وبيحطون ردود على ردي واستفساره بيذهب مع الريح :nice:
بوحارب
13-03-2009, 01:46 PM
اخوي لاتفهمني غلط انا اقصد انه يروح مع السواق وقت الاختبار ويتفاهم مع الشرطي انه يراعي الدريول ويخف عليه من العصبيه وقت الاختبار

نفس الطريقة صارت مع واحد من ربعي كان عند دريوله اختبار وراح كلم الشرطي ان يراعيه ونجح

مع انه كان ساقط في الأختبار الأول ولكن من عقب الكلام اللي صار نجح وسوى عزيمة كرك:(


مستثمره جديدة

مرة ثانية وضحي قصدج ولا بنكتب موضوع كامل عن ردج خخخخخخخخخخخخ :nice:

الله يوفقج اهل قطر وييسر لدريولكم الليسن
قطرى مزمن
13-03-2009, 01:46 PM
الاول:
عندي سايق فلبيني يسوق زين وعنده ليسن بلاده من ثلاث سنوات
ولكنه نجح في الباركنج وال
ونجي للشارع من يركب معاه الشرطي تخصبق فرسب مرتين يعني ايش اقتراحكم شاسوي معاه

الثاني :
قدمت طلب لخدامه في الجوازات وكل ما افتح موقعه يطلع لي الطلب تحت الاجراء يعني شمعناته , خلص والا موقف

الله يرحم والديك لما شفت العنوان سؤالين هامين انتظرت موضوع بالغ الاهميه وافاجأ بان كلمة الاهميه ذاتها اصبحت كلمه مبتذله اين الاهميه فى ذلك لما تطرحها فى مكنتدى عام مسألة دريول ولا خادمه المنتدى هذا اصبح تجمع للغث والسمين فلذلك لا ارى جدوى مالم يكون هناك فرز وتحديد الاهميه كمعنى وكاجماع
فارس الكلمة
13-03-2009, 01:58 PM
للعلم فقط ..

(( أهل قطر )) امرأة .. و ليست رجل ..!
الموضوعي
13-03-2009, 03:11 PM
الله يرحم والديك لما شفت العنوان سؤالين هامين انتظرت موضوع بالغ الاهميه وافاجأ بان كلمة الاهميه ذاتها اصبحت كلمه مبتذله اين الاهميه فى ذلك لما تطرحها فى مكنتدى عام مسألة دريول ولا خادمه المنتدى هذا اصبح تجمع للغث والسمين فلذلك لا ارى جدوى مالم يكون هناك فرز وتحديد الاهميه كمعنى وكاجماع

هد اعصابك بليز ترى هذا احد اهم اسباب نجاح المنتدى يعني لو المنتدى معتمد على المواضيع اللي دمها ثقيل كان حاله حال غيره من المنتديات
الموضوعي
13-03-2009, 03:12 PM
بالنسبة لراعي السؤوال حاول انك تكلم الشرطي اللي راح يختبره او تشوف لك واحد من الهنود للي له واسطه بالمرور والجوازات يخلص الموضوع لك بفلوس
قطرى مزمن
13-03-2009, 03:18 PM
بالنسبة لراعي السؤوال حاول انك تكلم الشرطي اللي راح يختبره او تشوف لك واحد من الهنود للي له واسطه بالمرور والجوازات يخلص الموضوع لك بفلوس

انا معاك لولا استعمال كلمة " الاهميه" ولو كل شخص يستخدمها شخصيا ويطرحها كشأن عام فنحن بصدد اهميات لاتعد ولاتحصى وفى الحقيقه نحن اضعف من ان نفكك اهميه واحده هنا الاشكال
بابا الضحية
13-03-2009, 04:32 PM
انا معاك لولا استعمال كلمة " الاهميه" ولو كل شخص يستخدمها شخصيا ويطرحها كشأن عام فنحن بصدد اهميات لاتعد ولاتحصى وفى الحقيقه نحن اضعف من ان نفكك اهميه واحده هنا الاشكال

سوري تعرف حكم العمر الحين ما اقدر اشوف زين :eek5:

بس الاخ ما قال للاهمية ؟؟قال سؤالين استشييركم فيهم ؟؟:omg:
عقد اللولو
13-03-2009, 08:03 PM
بالنسبه للسايق انا نفس الشي للاسف صار له دريولي عندي من اول رمضان وراسب 4 مرات مع مرتبة الشرف نجح فالبارك والباقي ورسب فالشارع اللي هو اسهل من البارك ووالسبه ان يخاف من الشرطي وما يفهم شيقولون يعني اخر مره قاله الشرطي ريوس راح جدام لان مب فاهم - والمشكلة اني متمسكة فيه لان طيب وفقير .