QatarRose
13-03-2009, 07:33 PM
رجعت البيت بعد يوم طوووويل من التعب والهم والاحداث المثيرة ، طول اليوم برع البيت اشهد احداث غريبه وعجيبه ارجع البيت ماابي افكر فيها عشان ما يزيد الهم.
اول ما وصلت البيت حذفت اغراضي في اقرب مكان وصلت له يدي ،
وقعدت جنب بنت اخوي كانت ميته من الصياح ، وانا هالصوت يزعجبني بما اني هلكانه
من التعب وابي ارتاح ..
سألت أمها : شفيها لولو من مزعلها بعد
ردت علي : واحنا رادين البيت شافت حادث يخووف ومن ذاك الوقت وهي تصيح
طالعتني بعيون كلها براءه وقالت لي : اي يخووف وايد
سألتها : لولو ليش تصيحين الحين ، قالت لي : يمكن ماتوا لان الحادث يخووف
قلت لها : لولو تدرين قبل شوي أبو وأم يابوا بيبي يجنن كانوا ينطرونه من سنين ماكانوا يقدرون يجيبون عيال ، وبعد قبل شوي في واحد تزوج وحده كان يحبها ، وبعد واحد من شوي رجع حق اهله من امريكا مخلص دراسته وبيده الشهاده اللي ينطرونها .
مسحت لولو دموعها وبكل براءه قالت لي : صج
قلت لها : اي حبيبتي صج ( شفتي شلون اللحظات اللي بحياتنا مب كلها كريهه فيها الحلو )
مثل افلام الكرتون مب كل اللحظات كريهه وتخوف .
تذكرين قصه البنت اللي ابوها عطاها الوحش
قالت : beauty and the beast
http://www8.0zz0.com/2009/03/13/15/873838310.jpg (http://www.0zz0.com)
كتمت ضحكتي وقلت لها : عليج نور ،لو أنج شفتي المشهد اللي انطردت فيه من القصر كنتي بتقولين القصة حزينة؟
إي.
بس لو تابعتي للاخير بتشوفين النهايه سعيده صح
إي.
حبيبتي لولو هالحادث كان نقطه حزينه في حياة الناس اللي تعرضوا له ،وصدقيني بتكون لهم لحظات حلوه في حياتهم مثل عالم Walt Disney ، لولو احنا وايد نجوف افلام في البدايه تكون حزينه لكن بعدين نستانس لان النهايه تكون حلووه ،، حياتنا كلها مشاهد عابره .
ابتسمت لي وقالت ، يعني يوم أروح الصف ، تكون لحظه حزينه .؟
ضحكت من كل قلبي على براءتها ، قلت لها : يالله لولو روحي الحين عيشي كل لحظه حلوه بحياتج
لولو تحس بالآم الآخرين وهذي هي الانسانيه في ابسط ملامحها :)
خذت اغراضي وطلعت غرفتي ، حطيت راسي عشان انام وانا مرتاحه ، في ناس بهالدنيا تحس بمآسي الغير ..
اغلب نهايات حياتنا مثل Disney ، بتكبر لولو وبتكتشف هالشي بنفسها وبتغفر لي هالتشبيه بس كنت مضطره بهالوقت اشبه حياتنا ونهايتنا بهالتشبيه .
QatarRose سوري على أسلوبي بس حاولت أألف القصه على السريع :)
اول ما وصلت البيت حذفت اغراضي في اقرب مكان وصلت له يدي ،
وقعدت جنب بنت اخوي كانت ميته من الصياح ، وانا هالصوت يزعجبني بما اني هلكانه
من التعب وابي ارتاح ..
سألت أمها : شفيها لولو من مزعلها بعد
ردت علي : واحنا رادين البيت شافت حادث يخووف ومن ذاك الوقت وهي تصيح
طالعتني بعيون كلها براءه وقالت لي : اي يخووف وايد
سألتها : لولو ليش تصيحين الحين ، قالت لي : يمكن ماتوا لان الحادث يخووف
قلت لها : لولو تدرين قبل شوي أبو وأم يابوا بيبي يجنن كانوا ينطرونه من سنين ماكانوا يقدرون يجيبون عيال ، وبعد قبل شوي في واحد تزوج وحده كان يحبها ، وبعد واحد من شوي رجع حق اهله من امريكا مخلص دراسته وبيده الشهاده اللي ينطرونها .
مسحت لولو دموعها وبكل براءه قالت لي : صج
قلت لها : اي حبيبتي صج ( شفتي شلون اللحظات اللي بحياتنا مب كلها كريهه فيها الحلو )
مثل افلام الكرتون مب كل اللحظات كريهه وتخوف .
تذكرين قصه البنت اللي ابوها عطاها الوحش
قالت : beauty and the beast
http://www8.0zz0.com/2009/03/13/15/873838310.jpg (http://www.0zz0.com)
كتمت ضحكتي وقلت لها : عليج نور ،لو أنج شفتي المشهد اللي انطردت فيه من القصر كنتي بتقولين القصة حزينة؟
إي.
بس لو تابعتي للاخير بتشوفين النهايه سعيده صح
إي.
حبيبتي لولو هالحادث كان نقطه حزينه في حياة الناس اللي تعرضوا له ،وصدقيني بتكون لهم لحظات حلوه في حياتهم مثل عالم Walt Disney ، لولو احنا وايد نجوف افلام في البدايه تكون حزينه لكن بعدين نستانس لان النهايه تكون حلووه ،، حياتنا كلها مشاهد عابره .
ابتسمت لي وقالت ، يعني يوم أروح الصف ، تكون لحظه حزينه .؟
ضحكت من كل قلبي على براءتها ، قلت لها : يالله لولو روحي الحين عيشي كل لحظه حلوه بحياتج
لولو تحس بالآم الآخرين وهذي هي الانسانيه في ابسط ملامحها :)
خذت اغراضي وطلعت غرفتي ، حطيت راسي عشان انام وانا مرتاحه ، في ناس بهالدنيا تحس بمآسي الغير ..
اغلب نهايات حياتنا مثل Disney ، بتكبر لولو وبتكتشف هالشي بنفسها وبتغفر لي هالتشبيه بس كنت مضطره بهالوقت اشبه حياتنا ونهايتنا بهالتشبيه .
QatarRose سوري على أسلوبي بس حاولت أألف القصه على السريع :)