المساعد الشخصي الرقمي

مشاهدة النسخة كاملة : نصب عند الوكيل....


halah
14-03-2009, 02:07 PM
السلام عليكم ورحمة الله وبركاته

اخواني أعضاء منتدى شبكة الأسهم حبيت أقولكم عن موقف صادني علشان ناخذ حذرنا من النصابين اللي منتشرين فبلادنا وينصبون علينا تحت أغطية عديدة.

انا عندي لاب توب ماركة Hp مواصفات عالية واصدار محدود شريته ب حدود 5000ريال.

اللي صار ان العيال طيحو اللاب توب من على الطاولة ولي شغلت الجهازتشوف الشاشة سودة لكن الأيقونات لي دققت النظر تقدر تشوفها فتوقعت ان الشاشة خربانة مب الجهاز نفسه.
فخذته لوكيل Hp اللي موجود عقب اشارة المنتزة ف اللفة اللي على يدك اليمين واللي العاملين فيه من جالية آسيوية منتشرة عندنا بشكل كبير وعطوني ورقة وقالوا مر علينا عقب كم يوم وبنقولك وش المشكلة اللي فجهازك وقيمة التصليح قلتلهم Ok.
رجعت لهم بعد كم يوم وقالولي المذر بورد خربان ومحتاج تبديل وبيكلفك 1600ريال
بصراحة المبلغ كبير يعني أزيده شوي وأشتري لابتوب جديد أحسن لي.

ماعجبني السعر وخذت لاب توبي العزيز وسألت الأخوان فمنتدنا اللي فقسم الكمبيوتر وقلتلهم الموقف الي صار معاي وان التكلفة غالية قالولي روح المحلات اللي فالسوفتيل بيصلحونه لك بقيمة أقل.

وفعلا أخذت لاب توبي المحلات اللي فالسوفتيل وفحصوه وقالولي ان المشكلة مب فالمذر بورد مثل ما قالولي فالوكالة ولكن المشكلة فالكرت اللي فالشاشة وصلحه لي الرجال ب300ريال.
وكلامه كان منطقي لو المذر بورد خربان كان اللاب توب ما اشتغل خير شر لكن اللاب توب كان يشتغل والشاشة كانت سودة والأيقونات وسطح المكتب كان باين بشكل خفيف فمعناه ان الشاشة هي اللي خربانة.

لكني انقهرت من محاولة النصب اللي كان الوكيل يحاول ينصبها علي لكن الله انقذني منهم وانا مادري ‘ من 300ريال الى 1600ريال يعني نصب أشكره.
حاولت أدور لهم عذر وقلت يمكن شخصوا وضع كمبيوتري بشكل خاطئ لكن هذا الوكيل مب معقول يغلط بشي واضح مثل هذا.

فأنا قلت أنبهكم أخواني من مثل محاولات النصب هذي واذا اخترب جهازكم لفوا على اكثر من محل لين تلقون السعر المناسب.
قطري vip
14-03-2009, 02:28 PM
ليش مادويتيه وكيل ثاني او الوكيل اللي ضامن اللاب توب مثل اميتاك بس صج نصب بعد وين ال300 ريال

وين ال1600 ريال الله يعين بس
dewyguy
14-03-2009, 02:31 PM
يسلمووووو عالنصيحة


واكثر شي ينصبون فيه هو اجهزة الكمبيوتر ....
أحلى وسيطه
14-03-2009, 04:27 PM
عليك السلام والرحمه

عادي حتى انا جهازي سوني ونفس الشي طاح بالعدال وصار بطئ وايد يوم وديته البيت الحديث قالو لي الهارد دسك وتصليحه يكلف 1750 ريال قلت لهم عطوني اشوف برع كم

يكلف اذا الفرق بسيط برده لكم وعطيته زميل لي من جنسيه عربيه الله يفتحها بوجهه وربي صلحه لي ولا كلفني ريال واحد طلع موضوعه فرمته وشويه شغلات بدون تكالف ابد

فموضوع الوكالات كله نصب في نصب
جمال اليافعي
14-03-2009, 04:35 PM
النصب مب على لاب توب وبس , انا عندي Xbox360 اخترب فيه كرت الفيديو وديت الموزع قال لي المذر بورد اخترب ويبغى 1800 ريال . . خذيت الجهاز وشريت جهاز سكراب من الحراج ( خربان ) ب 350 ريال , وحطيت كرت الفيديو واشتغل , انا الي ابغى افهمه ليش كل ما تصير مشكلة قالوا مذربورد , والله مهزله.



اضافه :
من متى المذر بورد بـ1600 ؟ ليكون يركبون لنا احدث و اقوى نوع , في النهاية الي يركبونة ما يزيد عن 250 ريال
الـقـاسـي
14-03-2009, 04:51 PM
هذي المشكلة يستغلون جهلنا في بعض الامور
J & N
14-03-2009, 04:57 PM
انا صارت لي نفس مشكله باضبط ونفس نوع للاب توب اج بي :nice:
بس انا وديته عند مكتبه جرير نفس المبنى من وراء مع اني ماشريته من عندهم :victory: وصلحوه لي تغريبا 200 او 250 وعاملوني احلى معامله مع ان كل المحلات اللي وديته لهم قالوا لي 1500 :weeping: بس الحمدالله اني ما استعجلت
Gentleman
14-03-2009, 08:17 PM
أخوي هؤلاء النصابين يجب أن نذكر أسماؤهم وأن نفضحهم.
وكيل ال HP اللي تقصده هو:
Redington
وهم من أكبر النصابين في البلد ويصلحون للهندي بسعر غير... ولغيره من الأجانب بسعر غير.. وللقطري بسعر غير.
Store
14-03-2009, 10:11 PM
عيل انا باقولك موقف صار معاي مع هال hp التعبان وشركتة الي اسمها ايمتاك بعد برج عبد الغني مقابل المجلس الاعلى للتعليم

خذ كمبيوتر والصيانه عندهم من اول ماخذته الواير ليس مايشتغل قلت مل مشكله انا باستخدم اليو اس بي وبعدين اخترب ال يو اس بي وبعدها استخدمت الفيشه مالت الشبكة وبعد اختربت وديته الشركة قالوا لي انه بتأخر القطعه مالت الواير ليس 4 شهور لين توصل وبعد ماطافت ال 4 شهور رحت لهم قالوا لي خلص الضمان قلت خلاص مابي اصلحه حاولوا معاي بكل الطرق ان احنا بنحول قلت خلاص خل يولي

المهم تميت على كمبيوتر الديسك توب اكثر من سنه وبعدها قلت خلني اشغل الاب توب وبعده تصدقون يوم شغلته اشتغل بدون اي شي


الله المستعان ترا الي يقدر يستغل يستغل واحنا ناس طيبين
شيط ويط
14-03-2009, 10:19 PM
أخوي أقل القليل تسويه وهذا من حقك .. ترسل إيميل حق الشركة وتشرح لهم الموقف اللي صار معاك .. واحد من الربع كان عنده لابتوب ماركة Dell وكانت عنده مشكله واللي هي اول مايشغله يسوي ريستارت بروحه .. وداه الوكيل اهنيه وقالوا له بيكلفك 1200 ريال والمشكلة في الشاشة والماذربورد (الجهاز ع الضمان) قام وطرش ايميل للشركة وحط بياناته ويتصلون فيه من فرع الشركة في (دبي) وتموا يعتذرون له وقالوا له يراجع الوكيل وبتنحل مشكلته يوم ودا لهم الجهاز تم عندهم اسبوع وخلال هالفترة عطوه جهاز بداله (يقزر فيه) لين يخلص تصليح وفي الاخير غيروا له المذربورد وكل اللي ادفعه (150ريال) .
بويوسف
14-03-2009, 10:41 PM
انه شريت جهاز ماك من اوفيس ون وبعد كم شهر صار مايشتغل بدون سبب اشغله ويطفي ..

المهم كم يوم ويوم رحت اراجع قال لي صلحناه وسوينا له اعادة برمجة .. طيب بوالشباب قال لي تدفع قلت له ليش والضمان؟

قال لي لا الضمان على الهاردوير قلت له طيب هالمشكلة مش انه اللي تسببت فيها بروحها صارت يعني في خطأ في السوفت وير وبعدين انتو سويتوا لي سيرفس وبس مادفعتوا ريال ولا غيرتوا شي

اهني اهناك تدفع يعني تدفع لاعت جبدي منهم ومن جهازهم ودفعت ومن بعدها ياجماعة والله كرهت الماك ومافتحته مع اني كنت متحمس له بالبداية بس كرهوني فيه وصرت مافتحه ابد ..

الحمدلله رجعت للاب التوب العادي بلا ماك بلا شغل نصب من هالنوعيات من البشر ..
سيزن
14-03-2009, 11:37 PM
فأنا قلت أنبهكم أخواني من مثل محاولات النصب هذي

جزاك الله و الله يرحم شيبانك .



أخوي هؤلاء النصابين يجب أن نذكر أسماؤهم وأن نفضحهم.
وكيل ال HP اللي تقصده هو:
Redington
وهم من أكبر النصابين في البلد ويصلحون للهندي بسعر غير... ولغيره من الأجانب بسعر غير.. وللقطري بسعر غير.

:nice:

نعم هذا الحاصل و في كل مكان ...القطري منهوب .لكن الشره علينا وعلى طيبتنا الزايده عن الحد .
GULFSUN
14-03-2009, 11:44 PM
جزاك الله و الله يرحم شيبانك .


:nice:

نعم هذا الحاصل و في كل مكان ...القطري منهوب .لكن الشره علينا وعلى طيبتنا الزايده عن الحد .

وين حماية المستهلك ماشفناهم الا في البيبسي
استغفرالله
14-03-2009, 11:49 PM
نفس الشي في البيت الحديث

شريت كمبيوترسوني

ويخترب عندي كذا مرة لاعت تشبدي منه

وكان على الضمان ... ويبون يدفعوني


اخر شي طلع انه كمبيوترات سوني من نوع تي زيد فيهم خلل في اجهزتهم
سيزن
15-03-2009, 12:04 AM
وين حماية المستهلك ماشفناهم الا في البيبسي

معاك حق .


عزتيله المستهلك مستهلك من كل صوب .
saif-q6r
15-03-2009, 12:42 AM
وعليكم السلام ,,

الحمدلله انك استشرت الاخوان في قسم الكمبيوتر الله يعطيهم الف عافية ,,

بس ممكن تقول اسم المحل الي صلحت عنده في السوفتيل بإنتظارك ,,

علي - saif-q6r .
ابن قطر
15-03-2009, 02:14 AM
النصب في كل شي حتى سلسة مطاعم ايس كريم بلازا
محد

نشاد عن احد
بوخالد911
15-03-2009, 02:19 AM
1000 شكر لغيرتك وتنبيهك للاعضاء


مسيوو/ بوخالد911
halah
15-03-2009, 07:12 AM
ليش مادويتيه وكيل ثاني او الوكيل اللي ضامن اللاب توب مثل اميتاك بس صج نصب بعد وين ال300 ريال

وين ال1600 ريال الله يعين بس


الوكيل الثاني قال ما نصلح

مع العلم اني رحت قسم الصيانة وعندهم تصليح
halah
15-03-2009, 07:18 AM
أخوي هؤلاء النصابين يجب أن نذكر أسماؤهم وأن نفضحهم.
وكيل ال HP اللي تقصده هو:
Redington
وهم من أكبر النصابين في البلد ويصلحون للهندي بسعر غير... ولغيره من الأجانب بسعر غير.. وللقطري بسعر غير.


اللبيب بالإشارة يفهم
halah
15-03-2009, 07:30 AM
أخوي أقل القليل تسويه وهذا من حقك .. ترسل إيميل حق الشركة وتشرح لهم الموقف اللي صار معاك .. واحد من الربع كان عنده لابتوب ماركة Dell وكانت عنده مشكله واللي هي اول مايشغله يسوي ريستارت بروحه .. وداه الوكيل اهنيه وقالوا له بيكلفك 1200 ريال والمشكلة في الشاشة والماذربورد (الجهاز ع الضمان) قام وطرش ايميل للشركة وحط بياناته ويتصلون فيه من فرع الشركة في (دبي) وتموا يعتذرون له وقالوا له يراجع الوكيل وبتنحل مشكلته يوم ودا لهم الجهاز تم عندهم اسبوع وخلال هالفترة عطوه جهاز بداله (يقزر فيه) لين يخلص تصليح وفي الاخير غيروا له المذربورد وكل اللي ادفعه (150ريال) .


خدمة مابعد البيع فالدوحة تعبانة كلش فكل الأجهزة مب بس الكمبيوترات

وضمان الوكالات عندنا حبر على ورق يخترب جهازك وهو على الضمان وتدفع

ذكرتني بشركة LG التعبانة صاحبة أسوأ مكيفات وأسوأ خدمة مابعد البيع

كنت شاري مكيفات البيت من عندهم ويخترب واحد من المكيفات فقلت أتصلهم يصلحونه ويغسلون باقي المكيفات ببلاش لأن المكيفات لي الحين على الضمان ولك غسلة مجانية

اتصلهم يواعدوني وما يجون واحنا قاعين فالحر تقريبا 3أسابيع كلمتهم باللين وبالشدة وما جاوا
آخر شي اتصلت للموزع الرئيسي فدبي وشرحت له الوضع وطرشت له ايميل فيه بياناتي ومعلومات المكيف

عقب قامو ربعنا اللي هني واتصلوا علي ويتعذرون وخذوا المكيفات وغسلواها وصلحوا الخربان

من عقبها قمت أنصح الناس ما ياخذون من عنده
ALHAJAJI
15-03-2009, 08:14 AM
اخوي ليش ما رديت لهم وعطيهم كم كلمة حلوه عشان يحسون على دمهم شوي ويعرفون ان الناس كاشفه الاعيبهم .
halah
15-03-2009, 01:05 PM
وعليكم السلام ,,

الحمدلله انك استشرت الاخوان في قسم الكمبيوتر الله يعطيهم الف عافية ,,

بس ممكن تقول اسم المحل الي صلحت عنده في السوفتيل بإنتظارك ,,

علي - saif-q6r .



المحل اللي صلحت عنده فالسوفوتيل فالطابق الثاني

واسمه نجوم الصباح
الرايــق
15-03-2009, 01:33 PM
والله ياخوي قبل سنة صارلي نفس الشيئ بس لابتوب ديل دفعت 1750 بعد الخصم لنفس الغرض ..

مش مشكلة الواحد يتعلم من اخطاءة ..

وجزاك الله خيرا ..