ياسلام سلم على مجمعنا الحضاري

[miss-qatr]

السلام عليكم ورحمة الله وبركاتة ...


مساكم خير اخواني وخواتي بمنتدى الأسهم ...



اللي شفتة أمس ماادري أهني ادارة المجمع عليه ولا أحزن على الحال اللي وصلنا له


وكوني ما أحب المقدمات

بس باذكر لكم شي كان موجود بمجمع الستي سنتر .. يمكن كان موجود من قبل لكن كوني ما رحت لهذا المجمع من فتره واضطريت اني اروح أمس شفت الطامة!!!!


وكلامي موجهة لإدارة المجمع .....


الحين يا ادارة الستي ,,,,

قلت الأماكن علشان اتحطون ستيج فيه بنات يمارسون الرياضة بلبس رياضة وماراح اعلق عليه للأسف ؟؟؟؟

قلت الأماكن تعلنون عن المركز الرياضي الجديد بنص المجمع قدام خلق الله !!! قدام مئات الرجال اللي وربي مبطلين عيونهم كنهم متخرعين ولا بشايفين خير


لا تم بتاني ولا تم هندي ولا تم بنغالي ولا قطري هذا غير المارين بالمنطقة!!!!


ولا المركز بيكون فيه سكشن خلط للي حاب




أول شي اقولكم

خافو الله

ثم أقول


خافو الله

ثم

خافو الله



أغاني ايروبكس اتهز المجمع واستعراض كني مب في بلد مسلم محافظ !!!!

اوكي ...

قولو رجعية ولا قولو اللي بتقولونة

لكن اللي اعرفة شي اكبر من الرجعية والتخلف

أعرف شي اسمه حلال وحرام واللي صاير حرام ومايرضي الله



فوق هذا كله ...

يعني حادثة هزت الكل وما مر عليها يومين وانا شخصياً والله تجنبت امر صوب التزلج


ما أثر فيكم هذا الشي



الصراحة احس انه مجمع مع احترامي للكل بس فيه شي غلط ... كل المصايب اتصير فيه



مانبي منكم شي

بس ابعدو اخوانا وعيالنا عن الإثم والفجور اللي صاير

[@ كنترول @]

لا حول ولا قوة إلا بالله ..

[بيسان]

يا رسول الله! أنهلك وفينا الصالحون؟ قال: "نعم إذا كثر الخبث

[biz-qtr]

ان لم تستحي افعل ما تشتهي

شنقول وشنخلي


للاسف صرنا مجتمع مع الخيل ياشقرا كلن يقلد الثاني ,,,, لايردهم دين ولا تربيه ولاهم يحزنون


لا رجعيه ولا تخلف فديتج ,,, عمره ما كان التطور ان البنت تسوق السكيتنج قدام ريايل تطور

فاهمين التطور بالغلط شكلنا

[miss-qatr]

لا حول ولا قوة إلا بالله ..


أي والله لاحول ولا قوه إلا بالله



يا رسول الله! أنهلك وفينا الصالحون؟ قال: "نعم إذا كثر الخبث


هذا اللي مخوفني يا اختي بيسان

[الجني]

قال تعالى { واتقوا فتنة لا تصيبن الذين ظلموا منكم خاصة}

اللهم ان اردت بعبادك فتنة فأقبضنا اليك غير مفتونين

اللهم انا نعوذ بك من الفتن ما ظهر منها و ما بطن

جزاكي الله خير يا miss-qatr

قال تعالى : { لعن الذين كفروا من بني إسرائيل على لسان داود وعيسى ابن مريم ذلك بما عصوا وكانوا يعتدون ، كانوا لا يتناهون عن منكر فعلوه لبئس ما كانوا يفعلون }

[بوجاسم@قطر]

لاحول ولا قوه الا بالله

[hemoud123]

شيئ موسف الحقيقه, ولا كات الواحد يتصور مثل هالشي
الله المستعان
جزاك الله خير

[دانـة قطـر]

جزاج الله خير أختي

[hich]

أدارة المجمع مستلمته شركة ألمانية من شركة أعمال القطريه و شركة أعمال شايله ايدها نهائيا لذالك أنصحك بكتابه عريضه أعتراض بلألماني

[قناص الاسهم]

:eek5:
من صجج اختي ولا اتغشمرين ؟

[قطريه ماركه]

المجمع صاير كئيييييييب ويييب الضيجه !!

من حالات الانتحار اللي فيه والفسق والمجون !!!

[ليث العرين]

لا حول ولا قوى الا بالله العلي العظيم

الله لا يسامح المسوؤل

[مافيا قطر]

لا حول ولا قوه الا بالله

الشرهه مب عليهم الشرهه على مدير المجمع اللى سمح لهم بهاى الشى

ايش اصله هو او ديانته اذا مسلم ماعنده غيره مايخاف الله

[السيل]

الله يهديهم ويصلحهم ....
و كثر الله من امثالك ياصاحبة الموضوع

[غير البشر]

اشكرج اختي على غيرتج على الي شفتيه

ترا اهني ناس مايهمها شي لا اخلاق ولا حادثه صارت

همهم الاول الفلووس تجي وخلاص

بغض النظر شلون جات ومن وين جات ومن الي جابها

اهم شي تترس جيوبهم يعلهم الفقر


لكن احنا مانقول الا


لا حول ولا قوه الا بالله


الله يعطيج العااافيه





غير البشر

[miss-qatr]

ان لم تستحي افعل ما تشتهي

شنقول وشنخلي


للاسف صرنا مجتمع مع الخيل ياشقرا كلن يقلد الثاني ,,,, لايردهم دين ولا تربيه ولاهم يحزنون


لا رجعيه ولا تخلف فديتج ,,, عمره ما كان التطور ان البنت تسوق السكيتنج قدام ريايل تطور

فاهمين التطور بالغلط شكلنا

مب سكيتنج اختي . تمارين رياضية وحدث ولا حرج على التمارين !!!



قال تعالى { واتقوا فتنة لا تصيبن الذين ظلموا منكم خاصة}

اللهم ان اردت بعبادك فتنة فأقبضنا اليك غير مفتونين

اللهم انا نعوذ بك من الفتن ما ظهر منها و ما بطن

جزاكي الله خير يا miss-qatr

قال تعالى : { لعن الذين كفروا من بني إسرائيل على لسان داود وعيسى ابن مريم ذلك بما عصوا وكانوا يعتدون ، كانوا لا يتناهون عن منكر فعلوه لبئس ما كانوا يفعلون }




وربي يجزيك بأحسن منه ياخوي على هالرد

نورت ياخوي الجني بعد غيبة :)

[miss-qatr]

لاحول ولا قوه الا بالله




شيئ موسف الحقيقه, ولا كات الواحد يتصور مثل هالشي
الله المستعان
جزاك الله خير


جزاج الله خير أختي


وربي يجزيكم بأحسن منه

المفروض كلنا انوقف وانعارض الشي اللي صاير

ليش لازم نسكت وانخلي الغلط يصير قدامنا واحنا ساكتين !!!

أنا يوم جيت وكتب اللي صار ما كان الغرض اني انقل اللي صاير كأي حادثة شفتها !! لا

اتمنى نقدر انغير ولو شي بسيط على الأقل بإستهجان المعصية ورفضها على العلن


يعطيكم العاافية :)

[غناتي1]

رسالة لمالك المجمع وغيره ممن كثرت اموالهم من مصادر حرام

كل ما كثرت فلوسهم 00 قالوا هل من مزيد 0000000

اتقوا الله في اهلكم واخواتكم واقرب الناس عندكم 00 فالدنيا دوارة

يوم لك 0 وايام عليك 000 حسبنا الله ونعم الوكيل

[هدهد سليمان]

أغاني ايروبكس اتهز المجمع واستعراض كني مب في بلد مسلم محافظ !!!!

اوكي ...

قولو رجعية ولا قولو اللي بتقولونة

لكن اللي اعرفة شي اكبر من الرجعية والتخلف

أعرف شي اسمه حلال وحرام واللي صاير حرام ومايرضي الله




الله يستر عليك في الدنيا والاخره وكثر الله من امثالك وانتي قمه في الحضاره ويخسي من وجهه اللي يقول انك رجعيه بالعكس انت قمه في الاحترام والغيره على دينك ليت المسؤولين عندهم نص غيرتك .. ستر الله عليك في الدنيا والاخره لا فض فوك اختي

[miss-qatr]

أدارة المجمع مستلمته شركة ألمانية من شركة أعمال القطريه و شركة أعمال شايله ايدها نهائيا لذالك أنصحك بكتابه عريضه أعتراض بلألماني



والله ياخوي اذا بيفيد فيهم عريضة بالألماني لا اجيب لك من يكتبها بالألماني

بس بيفيد !!!!!!



جزاك الله خير

[miss-qatr]

:eek5:
من صجج اختي ولا اتغشمرين ؟

ليتني اتغشمر


المجمع صاير كئيييييييب ويييب الضيجه !!

من حالات الانتحار اللي فيه والفسق والمجون !!!


صدقتي ياقطرية عن ان المجمع كئيب

[miss-qatr]

لا حول ولا قوى الا بالله العلي العظيم

الله لا يسامح المسوؤل


إلا ربي يهديه وربنا لا تؤاخذنا بما فعله السفهاء منا

[هتـان قطر]

مانبي منكم شي

بس ابعدو اخوانا وعيالنا عن الإثم والفجور اللي صاير



اذا هم ما خافوا الله في انفسهم بكيفهم ..لكن مثل ماقلتي مس قطر

اهم شي عيالنا واخوانا وبناتنا..كل شي يصير قدامهم من فساد ومن عري

ومن اباحة خمور اش بنلحق عليه ..؟ احنى نبني وغيرنا يهد..يالله المستعان


مانقول الا لا حول ولا قوة الا بالله العلي العظيم

[لاداعي]

لاحول ولا قوه الا بالله

[Empress_QTR]

تمادى البعض في رسخ قيم الحرية والانفتاح

بحيث انه تناسى بانه في مجمتع من المفترض

به ان يكون محافظاً وتحكمه عادات وتقاليد

مهما حاول الانفتاح او التطور

وللاسف نرى الاستخدام السئ لهذا الانفتاح من البعض

وتغيير مفاهيم القيم والاخلاق بتحريض من البعض الاخر

لا يسعنا الا ان نقول ربنا لا تؤاخذنا بما فعل السفهاء منا

[الخارجية]

إذا كثر الخبث

[الـقـاسـي]

يا رسول الله! أنهلك وفينا الصالحون؟ قال: "نعم إذا كثر الخبث

للأسف كثر الخبث

[بو الجوري]

والله والنعم فيج أختي .. :nice:

بس سؤال .. انا اخبر رحت من فتره .. وكان في اعلان انهم بيفتحون فتنس سنتر .. وكان الاعلان فوق التزلج ..

هل هم بيفتحون GYM والا شالسالفه .. ؟ وانتي اللي شفتيه شنو بالضبط !! :omg:

انا مب فاهم عدل .. والله العماله الاسيويه بتترس الستي بزياده :anger1:

[miss-qatr]

لا حول ولا قوه الا بالله

الشرهه مب عليهم الشرهه على مدير المجمع اللى سمح لهم بهاى الشى

ايش اصله هو او ديانته اذا مسلم ماعنده غيره مايخاف الله

واحنا أهل الديره ياخوي واذا مب عاجبنا شي انغيره غصب عن اللي مايبغي

بس اتكون كلمتنا وحده :)



الله يهديهم ويصلحهم ....
و كثر الله من امثالك ياصاحبة الموضوع


تسلم الشيخ وفيه مثلي وأحسن مني لكن مثل ماقلت المفروض كلمتنا اتكون وحده وكل شي شخص فينا عنده القدره ان يوصل صوتة المفروض يوصله


ماراح نسكت عن الغلط


.

[الزاجل]

لا حول ولا قوة الا بالله
الواحد يتقضى حوايجه من الفرضة وسق السمج والخضرة والخميس والجمعة ابرك له ..

مرسي مسوه

[بوحارب]

صح كلامج انه بنفسي شفت هالعادات الخايسة وللأسف كان وقت الصلاة بعد ولا حياة لمن تنادي !

الصراحة منظر حقير وقبييييييح

جزاج الله خير مسس قطر على غيرتج وأن شاء الله حد يسمع هالكلام اللي قلتية

[miss-qatr]

اشكرج اختي على غيرتج على الي شفتيه

ترا اهني ناس مايهمها شي لا اخلاق ولا حادثه صارت

همهم الاول الفلووس تجي وخلاص

بغض النظر شلون جات ومن وين جات ومن الي جابها

اهم شي تترس جيوبهم يعلهم الفقر

لكن احنا مانقول الا


لا حول ولا قوه الا بالله


الله يعطيج العااافيه




غير البشر



هههههههههههههههه

:nice:


الله يعااافيك ياخوي وصدقني طول ما البلاد مافيها ناس تستهجن الغلط احنا بخير :)


رسالة لمالك المجمع وغيره ممن كثرت اموالهم من مصادر حرام

كل ما كثرت فلوسهم 00 قالوا هل من مزيد 0000000

اتقوا الله في اهلكم واخواتكم واقرب الناس عندكم 00 فالدنيا دوارة

يوم لك 0 وايام عليك 000 حسبنا الله ونعم الوكيل


صدقتي اختي بكل كلمة قلتيها

حسبنا الله ونعم الوكيل ..

[miss-qatr]

الله يستر عليك في الدنيا والاخره وكثر الله من امثالك وانتي قمه في الحضاره ويخسي من وجهه اللي يقول انك رجعيه بالعكس انت قمه في الاحترام والغيره على دينك ليت المسؤولين عندهم نص غيرتك .. ستر الله عليك في الدنيا والاخره لا فض فوك اختي


ولك مثله يااارب .... كلامك فرحني جعل ربي يسلمك ياخوي


كل التقدير والاحترام لك :)

[ضوى]

اخذنا قرار انا وابو العيال

طلعات ترفيهية للستي سنتر والفيلاجيو وحياة بلازا والمول ... الخ ممنوعة منعا باتا علينا وعلى ابنائنا الا للحصول على سلعة ضرورية وفي غير ايام الاجازات الرسمية شرط الذهاب للمحل المطلبو اخذ السلعة المطلوبة ومن ثم المغادرة سريعا ، حتى العشا بطلنا نروح فيلاجيو وغيره من الفساد اللي مستشري في كل مكان

عافانا الله واياكم

اشكر لك غيرتك اختي الغالية وستر الله علينا وعلى ابنائنا

[miss-qatr]

مانبي منكم شي

بس ابعدو اخوانا وعيالنا عن الإثم والفجور اللي صاير



اذا هم ما خافوا الله في انفسهم بكيفهم ..لكن مثل ماقلتي مس قطر

اهم شي عيالنا واخوانا وبناتنا..كل شي يصير قدامهم من فساد ومن عري

ومن اباحة خمور اش بنلحق عليه ..؟ احنى نبني وغيرنا يهد..يالله المستعان




مانقول الا لا حول ولا قوة الا بالله العلي العظيم

ربي يهدهم ويهد كل شخص يبيلنا ويبي لعيال ديرتنا واخوانا الشر


شاكره لك اختي الكبيرة والغالية على قلبي هتان :)


لاحول ولا قوه الا بالله

الله المستعان ياخوي


تمادى البعض في رسخ قيم الحرية والانفتاح

بحيث انه تناسى بانه في مجمتع من المفترض

به ان يكون محافظاً وتحكمه عادات وتقاليد

مهما حاول الانفتاح او التطور

وللاسف نرى الاستخدام السئ لهذا الانفتاح من البعض

وتغيير مفاهيم القيم والاخلاق بتحريض من البعض الاخر

لا يسعنا الا ان نقول ربنا لا تؤاخذنا بما فعل السفهاء منا

هذا اللي لازم يوصلهم ياخوي .. وربي مايرضى ان نسكت على اللي يصير

حسبنا الله ونعم الوكيل عليهم

[الزاجل]

اخذنا قرار انا وابو العيال

طلعات ترفيهية للستي سنتر والفيلاجيو وحياة بلازا والمول ... الخ ممنوعة منعا باتا علينا وعلى ابنائنا الا للحصول على سلعة ضرورية وفي غير ايام الاجازات الرسمية شرط الذهاب للمحل المطلبو اخذ السلعة المطلوبة ومن ثم المغادرة سريعا ، حتى العشا بطلنا نروح فيلاجيو وغيره من الفساد اللي مستشري في كل مكان

عافانا الله واياكم

اشكر لك غيرتك اختي الغالية وستر الله علينا وعلى ابنائنا

وهل هذا حل ؟
عيالنا ينحرمون من المجمعات المكيفة ؟
والترفيه فيها ؟
والسبب هالمناظر ؟

اشرايج نعلمهم يغضون البصر..

يعني يمشون وعيونهم في الأرض

مب احسن ؟

[ضوى]

وهل هذا حل ؟
عيالنا ينحرمون من المجمعات المكيفة ؟
والترفيه فيها ؟
والسبب هالمناظر ؟

اشرايج نعلمهم يغضون البصر..

يعني يمشون وعيونهم في الأرض

مب احسن ؟


مب لازم ييتريضون باماكن مكيفة مب كفاية المدارس اللي طول يومهم فيها مكيفة وشمس ماتدخلها ؟؟ الجو جميل جدا خليهم باسباير وحديقته الغناء مب لازم مجمعات حبكت يعني :)

غض البصر لازم نعلمهم شئ غريب يعني؟ يمشون وعيونهم بالارض مايصير بيدعمون الطوف عقب :)

الاحسن مايروحون مجمعات الا للضرورة من زينها يعني ؟؟ مافيها زود :)

[Empress_QTR]

اخذنا قرار انا وابو العيال

طلعات ترفيهية للستي سنتر والفيلاجيو وحياة بلازا والمول ... الخ ممنوعة منعا باتا علينا وعلى ابنائنا الا للحصول على سلعة ضرورية وفي غير ايام الاجازات الرسمية شرط الذهاب للمحل المطلبو اخذ السلعة المطلوبة ومن ثم المغادرة سريعا ، حتى العشا بطلنا نروح فيلاجيو وغيره من الفساد اللي مستشري في كل مكان

عافانا الله واياكم

اشكر لك غيرتك اختي الغالية وستر الله علينا وعلى ابنائنا

لا ارى انه الحل المناسب او الناجح

فأطفالنا مصيرهم الى الكبر ان شاء الله

فماذا ستفعيلن حين ستدخلينهم الى الجامعه

على العكس تماما

يجب اخذهم لجميع الامكان وبأشراف تام من قبلكم

وتبيان الصواب من الخطأ حتى يعي اطفالنا

ما هو المشروع بالدين وما هو المحرم



اختكم Empress

سوسن :p

[miss-qatr]

إذا كثر الخبث


للأسف كثر الخبث

الله المستعان لا تحبطوني اخواني :(



والله والنعم فيج أختي .. :nice:

بس سؤال .. انا اخبر رحت من فتره .. وكان في اعلان انهم بيفتحون فتنس سنتر .. وكان الاعلان فوق التزلج ..

هل هم بيفتحون GYM والا شالسالفه .. ؟ وانتي اللي شفتيه شنو بالضبط !! :omg:

انا مب فاهم عدل .. والله العماله الاسيويه بتترس الستي بزياده :anger1:

ابو الجوري :sneaky:

الحين موضوع طول بعرض ومافهمت فيه وش صار

:court:


زعلتني منك ولا راح ارد عليك .. ارجع اقرا الموضوع :sneaky:

[الزاجل]

لا بانه الحل المناسب او الناجح
فأطفالنا مصيرهم الى الكبر ان شاء الله
فماذا ستفعيلن حين ستدخلينهم الى الجامعه
على العكس تماما
يجب اخذهم لجميع الامكان وبأشراف تام من قبلكم
وتبيان الصواب من الخطأ حتى يعي اطفالنا
ما هو المشروع بالدين وما هو المحرم

اختكم Empress

سوسن :p
:p
اتفق معاج يا سوسن ..



مب لازم ييتريضون باماكن مكيفة مب كفاية المدارس اللي طول يومهم فيها مكيفة وشمس ماتدخلها ؟؟ الجو جميل جدا خليهم باسباير وحديقته الغناء مب لازم مجمعات حبكت يعني :)

غض البصر لازم نعلمهم شئ غريب يعني؟ يمشون وعيونهم بالارض مايصير بيدعمون الطوف عقب :)

الاحسن مايروحون مجمعات الا للضرورة من زينها يعني ؟؟ مافيها زود :)


ما ادري ماما ضوى الموضوع صعب نوعا ما
بس يبي لنا نقلب الفكرة في الراس ..

[أم حمد]

شوهتي صورة البلد مس !!

شوفي مواضيع زينه واستري على ماواجهتي

:)

[بوحارب]

اخذنا قرار انا وابو العيال

طلعات ترفيهية للستي سنتر والفيلاجيو وحياة بلازا والمول ... الخ ممنوعة منعا باتا علينا وعلى ابنائنا الا للحصول على سلعة ضرورية وفي غير ايام الاجازات الرسمية شرط الذهاب للمحل المطلبو اخذ السلعة المطلوبة ومن ثم المغادرة سريعا ، حتى العشا بطلنا نروح فيلاجيو وغيره من الفساد اللي مستشري في كل مكان

عافانا الله واياكم

اشكر لك غيرتك اختي الغالية وستر الله علينا وعلى ابنائنا

احسن قرار في ذمتي

الله يوفقكم ويسعدكم :)

[بوحارب]

شوهتي صورة البلد مس !!

شوفي مواضيع زينه واستري على ماواجهتي

:)

هههههههههههههههههههه حلوة

[بو الجوري]

ابو الجوري :sneaky:

الحين موضوع طول بعرض ومافهمت فيه وش صار
زعلتني منك ولا راح ارد عليك .. ارجع اقرا الموضوع :sneaky:
[COLOR="DarkGreen"]
:shy: انا فاهم شدعوه .. مب لهالدرجه .. بس كنت ابي اتاكد واعرف السالفه بالضبط..

بس صراحه قويه موضوع ايروبكس قدام العالم .. ولا يجوز ..

وعلى فكره انا كنت اسال عن ال جم بيكون وين ؟



بما ان مافي مسؤول يتكلم ويمنع .. اكيد بيسوون اللي يبونه ..
الله يستر على قطر وما تصير مثل بعض الدول ..
ولا تعصبين علي :(

[الزاجل]

شوهتي صورة البلد مس !!

شوفي مواضيع زينه واستري على ماواجهتي

:)

:eek5::eek5::eek5:

[miss-qatr]

لا حول ولا قوة الا بالله
الواحد يتقضى حوايجه من الفرضة وسق السمج والخضرة والخميس والجمعة ابرك له ..

مرسي مسوه


اشدعوه يا الزاجل .. شكلك راجع لنا بأفكار عجيبة :)


ولكم مره ثانية وان شاء الله ماتغيب عنا مره ثانية

صح كلامج انه بنفسي شفت هالعادات الخايسة وللأسف كان وقت الصلاة بعد ولا حياة لمن تنادي !

الصراحة منظر حقير وقبييييييح

جزاج الله خير مسس قطر على غيرتج وأن شاء الله حد يسمع هالكلام اللي قلتية



وربي يجزيك بأحسن منه ياخوي


ماينفع حد يسمع كلامي المفروض كلنا انوقف ضد هالشي

[FG]

يامس لاحياة لمن تنادي ..

[miss-qatr]

اخذنا قرار انا وابو العيال

طلعات ترفيهية للستي سنتر والفيلاجيو وحياة بلازا والمول ... الخ ممنوعة منعا باتا علينا وعلى ابنائنا الا للحصول على سلعة ضرورية وفي غير ايام الاجازات الرسمية شرط الذهاب للمحل المطلبو اخذ السلعة المطلوبة ومن ثم المغادرة سريعا ، حتى العشا بطلنا نروح فيلاجيو وغيره من الفساد اللي مستشري في كل مكان

عافانا الله واياكم

اشكر لك غيرتك اختي الغالية وستر الله علينا وعلى ابنائنا

وأنا اشكر لك ردودك اللي دايماً تثري الموضوع :)

بس للأسف اني اختلف معاك اختي ضوى


دام كلامك هالشكل خلاص عيل لا تسفرين عيالك اوروبا وامريكا علشان مايشوفون المنكر بالشوارع !!!!!


يعني تحرمينهم من المجمعات والسبب اللي صاير !!!

لا بالعكس انا لو ام باوديهم تحت اشرافي واشراف ابوهم واوضح لهم بطريق غير مباشر ان اللي يصير غلط مب شرط اقولهم دايركت ممكن اعطي اشارات ممكن ان تغرس فيهم المفاهيم الصحيحة للحياه واللي اتوافق طبعاً مع دينا


مهما كان بهالدنيا كل محروم مرغوب فلاتحرمينهم اختي ضوى

وربي يهديهم واتشوفينهم أحسن عيال بهالدنيا :)

[miss-qatr]

شوهتي صورة البلد مس !!

شوفي مواضيع زينه واستري على ماواجهتي

:)

:secret:


هههههههههههههههههههه حلوة
:sneaky:





:shy: انا فاهم شدعوه .. مب لهالدرجه .. بس كنت ابي اتاكد واعرف السالفه بالضبط..

بس صراحه قويه موضوع ايروبكس قدام العالم .. ولا يجوز ..

وعلى فكره انا كنت اسال عن ال جم بيكون وين ؟



بما ان مافي مسؤول يتكلم ويمنع .. اكيد بيسوون اللي يبونه ..
الله يستر على قطر وما تصير مثل بعض الدول ..
ولا تعصبين علي :(


بيكون في الطابق الرابع بالستي


بس للأسف المفروض ولا مسلم يشارك فيه تدري ليش؟؟

لأان بيكون خلط لكم .. يعني ترضون انتو تسوون التمارين مع بعض!!!


الصراحة شي ينرفز حسبي الله عليهم ونعم الوكيل

:eek5::eek5::eek5:


شفت الزاجل :weeping:


يامس لاحياة لمن تنادي ..

ياخوي المفروض يسمعون غصب عنهم . اذا كل واحد قال فينا لاحياه لمن تنادي ماراح انسوي شي


صح ولا لا ؟؟ :)

[السليطي]

في البداية اشكر الجميع على الغيرة على الوطن واخلاق الناس
انا لدي اقتراح مادري اشرايكم فيه بدل مانقعد نبرد حرتنا في المنتدى ليش مايقوم واحد من الاعضاء بالاتصال بالمجمع يطلب من كيوتل رقم بدالة المجمع ومنه الى مكتب المدير العام ويشرح الموضوع خلنا اشوي ياجماعة انكون ناس عمليين او نرسل رسالة على فاكس مدير المجمع او ايمله الشخصي ونقوله ملاحظتنا وننتظر رده لان كثير من الاشياء تطرح في مجالسنا لاتصل الى المختصين مما يتصور بأن الموضوع عادي لانه مافي انسان ينكر بطريقه ايجابيه واشكر الجميع

[miss-qatr]

في البداية اشكر الجميع على الغيرة على الوطن واخلاق الناس
انا لدي اقتراح مادري اشرايكم فيه بدل مانقعد نبرد حرتنا في المنتدى ليش مايقوم واحد من الاعضاء بالاتصال بالمجمع يطلب من كيوتل رقم بدالة المجمع ومنه الى مكتب المدير العام ويشرح الموضوع خلنا اشوي ياجماعة انكون ناس عمليين او نرسل رسالة على فاكس مدير المجمع او ايمله الشخصي ونقوله ملاحظتنا وننتظر رده لان كثير من الاشياء تطرح في مجالسنا لاتصل الى المختصين مما يتصور بأن الموضوع عادي لانه مافي انسان ينكر بطريقه ايجابيه واشكر الجميع



اقتراااح رااااائع اخوي السليطي يالله منمن الأعضاء بيقوم فيه ؟؟؟؟؟؟؟؟

[qatar600]

دام مافي رادع للزوار..!!

مافي رادع للباسهم ومافي قوانين تقيدهم وتخليهم يحترمون هالبلد..

ومافي رادع للأجواء الرومانسية للاجانب اللى نخجل من ذكرها..

فتوقعي كل شيء من اجل إرضاء الاجانب..!!

و اهلااااااا بالسياحة وشوائبها وعواقبها.. ووداعاً للاخلاق الاسلامية.. :(

[السامـي]

لا ترحون...قاطعوه،هذولا ما ينفع فيهم إلا الى حسوا بخسايرهم

ولا إذا الواحد أحتد،يروح بروحه لا يودي الصغار معاه.

ناس فصخت الحياء مرة وحدة.

لا حول ولا قوة إلا بالله.

اشكرك أختي/miss-qatr،على غيرتك.

[الزاجل]

في البداية اشكر الجميع على الغيرة على الوطن واخلاق الناس
انا لدي اقتراح مادري اشرايكم فيه بدل مانقعد نبرد حرتنا في المنتدى ليش مايقوم واحد من الاعضاء بالاتصال بالمجمع يطلب من كيوتل رقم بدالة المجمع ومنه الى مكتب المدير العام ويشرح الموضوع خلنا اشوي ياجماعة انكون ناس عمليين او نرسل رسالة على فاكس مدير المجمع او ايمله الشخصي ونقوله ملاحظتنا وننتظر رده لان كثير من الاشياء تطرح في مجالسنا لاتصل الى المختصين مما يتصور بأن الموضوع عادي لانه مافي انسان ينكر بطريقه ايجابيه واشكر الجميع

اضم صوتي لصوتك ومحتاجين اصوات ..

[السامـي]

الزاجل:

سعيد بعودتك ورؤية معرفك مرة أخرى.

مرحباً بك.

[الزاجل]

الزاجل:

سعيد بعودتك ورؤية معرفك مرة أخرى.

مرحباً بك.

خاطري اقول لك وانا اسعد بس مب قادر
منهو انت خلني اسعد وياك وتصير سعادة جماعية ..:shy:

اهلا وسهلا وجزاك الله كل خير ..:nice:

[tajirqatari]

ان لم تستحي افعل ما تشتهي

ادارة اجنبية ايش تنتظرين منها اختي
ومانقول غير
لاحول ولا قوة الا بالله
والله لاتحاسبنا بما فعل السفاء منا

[السامـي]

خاطري اقول لك وانا اسعد بس مب قادر
منهو انت خلني اسعد وياك وتصير سعادة جماعية ..:shy:

اهلا وسهلا وجزاك الله كل خير ..:nice:

أفتح خاصية الرسائل الخاصة.:shy:

[الزاجل]

أفتح خاصية الرسائل الخاصة.:shy:

متأكد ان المشكلة من عندي ؟

[بوخالد2]

لاحول ولاقوه الابالله

بعد لين الحين ماشفتوا شي !!!

اتمنى لو عندنا مجلس امه ( كان كلن بيعمل حساب ) قبل لايتخذ اى خطوة

[armani**]

ما شفته والله

[miss-qatr]

دام مافي رادع للزوار..!!

مافي رادع للباسهم ومافي قوانين تقيدهم وتخليهم يحترمون هالبلد..

ومافي رادع للأجواء الرومانسية للاجانب اللى نخجل من ذكرها..

فتوقعي كل شيء من اجل إرضاء الاجانب..!!

و اهلااااااا بالسياحة وشوائبها وعواقبها.. ووداعاً للاخلاق الاسلامية.. :(


لا هلا بالسياحة اللي بتجردنا عن دينا ياخوي

لا ترحون...قاطعوه،هذولا ما ينفع فيهم إلا الى حسوا بخسايرهم

ولا إذا الواحد أحتد،يروح بروحه لا يودي الصغار معاه.

ناس فصخت الحياء مرة وحدة.

لا حول ولا قوة إلا بالله.

اشكرك أختي/miss-qatr،على غيرتك.

العفو ياخوي

بس إن نقاطع مجمع مب حل .. ليش هم ما يسوون اللي نبي ويحترمون البلاد اللي هم فيها!!

ليش لازم نحرم نفسنا واعيالنا وانخليهم يعثون فساد !!!


اضم صوتي لصوتك ومحتاجين اصوات ..

:)


ان لم تستحي افعل ما تشتهي

ادارة اجنبية ايش تنتظرين منها اختي
ومانقول غير
لاحول ولا قوة الا بالله
والله لاتحاسبنا بما فعل السفاء منا

شاكره لك مشاركتك
متأكد ان المشكلة من عندي ؟

:eek5:

:secret:



لاحول ولاقوه الابالله

بعد لين الحين ماشفتوا شي !!!

اتمنى لو عندنا مجلس امه ( كان كلن بيعمل حساب ) قبل لايتخذ اى خطوة

والله يابوخالد الحمدلله بشاهده الكل احنا شعب روحنا وحده ووقفتنا وحده

يبيلنا ناس اتنفذ مب بس اتشوف وتسكت !!

شاكره لك مشاركتك


ما شفته والله
كان موجود ياخوي




__________________________________________



اخواني في شي الصراحة ماابي افرح وأخر شي اتحطم


لكن بلغني من اخت كانت متواجده أمس بالستي سنتر انها شافت فقط إعلانات المركز الرياضي بدون اللي كان صاير وذكرته لكم بالموضوع



اتمنى انهم وقفو المصخره اللي كانت صايره لأن بعدهم عن الافتتاح .. الافتتاح 18-3-2009


( وأنا كلي ثقة بأخواني سواء من داخل المنتدى أو من خارجة وناس كثير جزاهم الله خير حاولو يعملون اللي يقدرون عليه :) )


بس ابغي اتأكد ياجماعة حد منكم كان موجود أمس ؟؟

[A.L.I]

لاحول ولا قوه الا بالله

[ضوى]

وأنا اشكر لك ردودك اللي دايماً تثري الموضوع :)

بس للأسف اني اختلف معاك اختي ضوى


دام كلامك هالشكل خلاص عيل لا تسفرين عيالك اوروبا وامريكا علشان مايشوفون المنكر بالشوارع !!!!!


يعني تحرمينهم من المجمعات والسبب اللي صاير !!!

لا بالعكس انا لو ام باوديهم تحت اشرافي واشراف ابوهم واوضح لهم بطريق غير مباشر ان اللي يصير غلط مب شرط اقولهم دايركت ممكن اعطي اشارات ممكن ان تغرس فيهم المفاهيم الصحيحة للحياه واللي اتوافق طبعاً مع دينا


مهما كان بهالدنيا كل محروم مرغوب فلاتحرمينهم اختي ضوى

وربي يهديهم واتشوفينهم أحسن عيال بهالدنيا :)


هلا اختي مس صباحج خير

شوفي اختي انا لما قررت اسافر الاجازة الصيفية العام اللي طاف اوروبا كنت وايد في حالة قلق من اللي راح يشوفونه هناك من عري وخمر وخلافه لذلك لما سويت جدول الرحلة تعمدت انه طلعاتنا كلها تكون لقرى ريفية يعني اللي شفناه ماينذكر بس والله انهم استر من اللي عندنا اهني والحمد لله المناظر كانت قليلة بالمقارنة باللي نشوفه في مجمعاتنا تدرين ليش ؟؟
اللي في اروبا ثقافتهم جذي يعني مو شئ دخيل عليهم ، بس اللي هما للاسف مسوخ مشوهين لاهم مسلمين ولا هم كفار يعني كلمة مسوخ شوية شوية عليهم ، يعني لما ولدي والا بنتي يشوفون بنت بربع حجاب وتتصرمح في المول بروحها وشهي التساؤلات اللي بيطرحونها في نفسهم ؟؟؟ في حين لو شافوا واحدة بدون حجاب برع عادي لانها مسيحية مش مسلمة اذن انتهى التفكير بها من قبلهم
مدري فكرتي وصلت والا لا بس هذا اللي طلع معاي :)

عموما وارد اكرر رايي مولات ومجمعات مكيفة عيالي مالهم حاجة بها كفاية التكييف اللي ذابحهم في المدارس ، المجمعات مهي مكان ترفيه ووناسة اهي مكان استعراض اجساد وموديلات العبي واخر صيحات الماكياج والازياء
ارفه عن عيالي فيه اماكن مفتوحة تشرح الصدر وتخليهم يطلعون الطاقة اللي فيهم بشكل سليم وصحي في نفس الوقت

استمتعت جدا بنقاشي معك اختي الغالية :)

[بوخالد911]

يا رسول الله! أنهلك وفينا الصالحون؟ قال: "نعم إذا كثر الخبث

أحسنتوااا

:nice:

والله يرحمنا برررحمته بس !!!

:secret::secret::secret:

مسيوو/ بوخالد911

[ضوى]

لا ارى انه الحل المناسب او الناجح

فأطفالنا مصيرهم الى الكبر ان شاء الله

فماذا ستفعيلن حين ستدخلينهم الى الجامعه

على العكس تماما

يجب اخذهم لجميع الامكان وبأشراف تام من قبلكم

وتبيان الصواب من الخطأ حتى يعي اطفالنا

ما هو المشروع بالدين وما هو المحرم



اختكم Empress

سوسن :p


هلا اختي سوسن :)

شوفي انا بيني وبين نفسي ان شاء الله عيالي مايدخلون جامعة مختلطة يعني لو كبروا ودخلوا جامعات مارح يشوفون اللي صاير :)
معاج حق لازم يشوفون ويتعلمون بس هل من االضروري في مجمعات ومولات ؟؟ والله ان الاولاد مايجيبون سيرة مجمع او مول نهااااااائي البنت لج عليها تحن تبي تروح فيلاجيو عشان برشكا وطخة المحلات اللي هناك وانا ادور وقت مناسب عشان نروح :)
صدقيني اختي سوسن كثرة التعود على مشاهدة هذه المناظر المشوهة والممسوخة بتخلي الشئ عادي عندهم ولا بيستنكرونه في يوم من الايام لذلك تقليل هذه المشاهدات راح تخلي عندهم نوع الاستنكار ولو كان قليل بس في :)

[alwahesh]

لا حول ولا قوة إلا بالله ..


قواج الله وسدد خطاج

ولكن ايش الفايده مالنا الا نشجب ونستنكر

[ALRAYYAN]

هلا اختي مس صباحج خير

شوفي اختي انا لما قررت اسافر الاجازة الصيفية العام اللي طاف اوروبا كنت وايد في حالة قلق من اللي راح يشوفونه هناك من عري وخمر وخلافه لذلك لما سويت جدول الرحلة تعمدت انه طلعاتنا كلها تكون لقرى ريفية يعني اللي شفناه ماينذكر بس والله انهم استر من اللي عندنا اهني والحمد لله المناظر كانت قليلة بالمقارنة باللي نشوفه في مجمعاتنا تدرين ليش ؟؟
اللي في اروبا ثقافتهم جذي يعني مو شئ دخيل عليهم ، بس اللي هما للاسف مسوخ مشوهين لاهم مسلمين ولا هم كفار يعني كلمة مسوخ شوية شوية عليهم ، يعني لما ولدي والا بنتي يشوفون بنت بربع حجاب وتتصرمح في المول بروحها وشهي التساؤلات اللي بيطرحونها في نفسهم ؟؟؟ في حين لو شافوا واحدة بدون حجاب برع عادي لانها مسيحية مش مسلمة اذن انتهى التفكير بها من قبلهم
مدري فكرتي وصلت والا لا بس هذا اللي طلع معاي :)

عموما وارد اكرر رايي مولات ومجمعات مكيفة عيالي مالهم حاجة بها كفاية التكييف اللي ذابحهم في المدارس ، المجمعات مهي مكان ترفيه ووناسة اهي مكان استعراض اجساد وموديلات العبي واخر صيحات الماكياج والازياء
ارفه عن عيالي فيه اماكن مفتوحة تشرح الصدر وتخليهم يطلعون الطاقة اللي فيهم بشكل سليم وصحي في نفس الوقت

استمتعت جدا بنقاشي معك اختي الغالية :)

صباحج خير أختي ضوى
شوفي الله يسلمج
الوحده أحيانا من حرصها الشديد على عيالها ينسيها بعض الامور اللي من المفترض انها ماتغفل عنها
اللي اقصده أختي العزيزه أن حرمانج لعيالج من المجمعات التجارية بما فيها من زين وشين مو هو الحل الامثل
يعني
البنات اللي يمشون بروحهم وبعبي مخصره وبمكياج كامل وبمنظرهم اللي مايسرج مو في المجمعات التجارية وبس
بتروحين سوق بتلقينهم .. بتروحين اسباير بتلقينهم .. بتروحين الكورنيش بتلقينهم
بتروحين أي مطعم بتلقينهم .. وأنتوا مسافرين في المطار بتشوفينهم .. في أي مستشفى بتشوفينهم
يعني شي لابد أن انتي وعيالج بتشوفونه غصب مو طيب صدقيني
يعني اذا انتي حارمه عيالج من المجمعات عشان مايشوفون هالاشياء فأنا من وجهة نظري أن مالهم ذنب
المجمعات التجاريه فيها بعض أنواع الترفيه والتسوق فيها شي حلو للصغير قبل الكبير
غير المطاعم واقسام العاب الاطفال ... الخ
غيرجذي أن في قطر الحال معروف .. صيف حار جداً وشتاء بارد جداً ويالله أن الواحد يحصل له كم يوم بجو معتدل

سؤال: في صيف الدوحة الحار وبرطوبتها العاليه الممله وين بتودين عيالج أختي ؟!
بتحبسينهم في البيت من شهر 4 لين شهر 9 .... صعبه وايد
بطلعينهم في الرطوبه الحاليه اللي تخلي الواحد يزهق من ثيابه اللي عليه .... حرام

أختي عيالج اذا هم صغار تراهم بيكبرون والمجمعات داخلينها داخلينها عاجلاً أم آجلاً
وبعدها بيلومونج على حرمانهم من هالاماكن طول السنين اللي مرت
لا واللي مابيج تغفلين عنه .. أن الحال الحين والله أعلم أهون من الحال في السنين القادمه
لذلك أنا أشوف أن من الحين يتأقلمون على هالوضع عشان مايكبرون ويتفاجئون بما هو أسوء

الكبت والحرمان يسبب حلات بعيد عنج وعن عيالج الواحد مايحبها ولا يتوقعها أحياناً
لذلك اللي ابي اوصله لج .. أن المناظر اللي ماتحبين تشوفينها ولا تحبين عيالج يشوفونها لاتقتصر على الاماكن المغلقه فقط
هذه وجهة نظري وأتمنى أني ماقلت شي غلط ولا زعلتج بشي
تقبليها مني
اخوج
alrayyan

[ضوى]

صباحج خير أختي ضوى
شوفي الله يسلمج
الوحده أحيانا من حرصها الشديد على عيالها ينسيها بعض الامور اللي من المفترض انها ماتغفل عنها
اللي اقصده أختي العزيزه أن حرمانج لعيالج من المجمعات التجارية بما فيها من زين وشين مو هو الحل الامثل
يعني
البنات اللي يمشون بروحهم وبعبي مخصره وبمكياج كامل وبمنظرهم اللي مايسرج مو في المجمعات التجارية وبس
بتروحين سوق بتلقينهم .. بتروحين اسباير بتلقينهم .. بتروحين الكورنيش بتلقينهم
بتروحين أي مطعم بتلقينهم .. وأنتوا مسافرين في المطار بتشوفينهم .. في أي مستشفى بتشوفينهم
يعني شي لابد أن انتي وعيالج بتشوفونه غصب مو طيب صدقيني
يعني اذا انتي حارمه عيالج من المجمعات عشان مايشوفون هالاشياء فأنا من وجهة نظري أن مالهم ذنب
المجمعات التجاريه فيها بعض أنواع الترفيه والتسوق فيها شي حلو للصغير قبل الكبير
غير المطاعم واقسام العاب الاطفال ... الخ
غيرجذي أن في قطر الحال معروف .. صيف حار جداً وشتاء بارد جداً ويالله أن الواحد يحصل له كم يوم بجو معتدل

سؤال: في صيف الدوحة الحار وبرطوبتها العاليه الممله وين بتودين عيالج أختي ؟!
بتحبسينهم في البيت من شهر 4 لين شهر 9 .... صعبه وايد
بطلعينهم في الرطوبه الحاليه اللي تخلي الواحد يزهق من ثيابه اللي عليه .... حرام

أختي عيالج اذا هم صغار تراهم بيكبرون والمجمعات داخلينها داخلينها عاجلاً أم آجلاً
وبعدها بيلومونج على حرمانهم من هالاماكن طول السنين اللي مرت
لا واللي مابيج تغفلين عنه .. أن الحال الحين والله أعلم أهون من الحال في السنين القادمه
لذلك أنا أشوف أن من الحين يتأقلمون على هالوضع عشان مايكبرون ويتفاجئون بما هو أسوء

الكبت والحرمان يسبب حلات بعيد عنج وعن عيالج الواحد مايحبها ولا يتوقعها أحياناً
لذلك اللي ابي اوصله لج .. أن المناظر اللي ماتحبين تشوفينها ولا تبين عيالج يشوفونها لاتقتصر على الاماكن المغلقه فقط
هذه وجهة نظري وأتمنى أني ماقلت شي غلط ولا زعلتج بشي
تقبليها مني
اخوج
alrayyan


:):)

اولا اخوي الفاضل كلامك مايزعل ، كلامك منطقي وواقعي جدا

ثانياً انا اتقبل وجهة نظرك بكل ترحيب وسرور

ثالثاً وهو الاهم : المجمعات مابها زود يعني الالعاب شبعوا منها وملوا واصلا مايفكرون فيها يعني عندك مثلا :
ولدي الكبير اللي يحفظه ويبارك لي فيه : المجمعات مايحبها خير شر لانه الله رزقه باصحاب مثله ، يعني عنده اجازته الاسبوعية يقضيها في وسطهم في مجالسنا ومجالسهم احسن من انه يروح مجمع والا مول بالاجازة الاسبوعية وفي الايام العادية تلقاه هو وربعه عند المسجد بعد كل صلاة سوالف شوي ويرد البيت .
ولدي الصغير فديته الله يحفظه يارب ويهديه ويصلحه يحب لعب الكورة والسوني لعب كورة بعد يعني نفس الشئ يروح بيت ربعه يلعبون كورة وسوني لين يتعبون وبعد ماشاء الله عليهم مايتعبون ولا عمره جا في خاطره يمه ابي اروح مجمع او مول اصلا يوم كنت اوديه معاي يتقضى للمدرسة يمل ويقول لي يعني انا اروح هالاماكن انا ماحب والله ساعة يطلع روحي فيها من الحنة
بنتي وهاي هي المعضلة بالنسبة لي طبعا طلعاتها كلها معاي ولاني انا ماحب هالاماكن من زمان ومب عشان ماشوف هالاشكال بس ، لاني من الاساس ماحبها وتضيق صدري كانه احد كابس على انفاسي ، وهي تحب فيلاجيو اكثر شئ للمحلات اللي تحبها والسيتي شايلتها من بالها لاني ماروح كلش سواء بغت والا مابغت لاني ماحبه ابدا هالسيتي
قلت لي في الصيف وين اوديهم يعني قول شهر مسافرين وشهر بالبيت بين طلعات الاهل والجيران ، طلعة بحر في اللنج وانتهى الموضوع غير التلفزيون وغير السوني وغير النت يعني تعدي الاجازة ،

وبعدين اشدعوة الصيف يبدي عندك من شهر اربعة :secret: ، الجو حلو لين شهر 6 ولله الحمد صج مو جو حلو حلو بس يعني نوعا ما مقبول
اتمنى اني وضحت وجهة نظري بكل نقطة :)

وصباحك خير

[بوخالد911]

هلا


انا مع اخووي الريان

نودي العيال للمجمعات مع التنبيه والتركيز على السلوكيات الخاطئة والغير مقبولة

يعني لا نمنع السكين مثلا من البيت بحجة خطورتها !!

ولا نمنع الفيديو وال الدي في دي والنت وأشياء كثيرة بحجة الخوف منها !!

لا بد أن نوضح لهم السلبيات كي يتركونها ويتجنبوها


مع التحية

؛؛؛

:nice::victory::nice:

مسيوو/ بوخالد911

[ALRAYYAN]

:):)

اولا اخوي الفاضل كلامك مايزعل ، كلامك منطقي وواقعي جدا

ثانياً انا اتقبل وجهة نظرك بكل ترحيب وسرور

ثالثاً وهو الاهم : المجمعات مابها زود يعني الالعاب شبعوا منها وملوا واصلا مايفكرون فيها يعني عندك مثلا :
ولدي الكبير اللي يحفظه ويبارك لي فيه : المجمعات مايحبها خير شر لانه الله رزقه باصحاب مثله ، يعني عنده اجازته الاسبوعية يقضيها في وسطهم في مجالسنا ومجالسهم احسن من انه يروح مجمع والا مول بالاجازة الاسبوعية وفي الايام العادية تلقاه هو وربعه عند المسجد بعد كل صلاة سوالف شوي ويرد البيت .
ولدي الصغير فديته الله يحفظه يارب ويهديه ويصلحه يحب لعب الكورة والسوني لعب كورة بعد يعني نفس الشئ يروح بيت ربعه يلعبون كورة وسوني لين يتعبون وبعد ماشاء الله عليهم مايتعبون ولا عمره جا في خاطره يمه ابي اروح مجمع او مول اصلا يوم كنت اوديه معاي يتقضى للمدرسة يمل ويقول لي يعني انا اروح هالاماكن انا ماحب والله ساعة يطلع روحي فيها من الحنة
بنتي وهاي هي المعضلة بالنسبة لي طبعا طلعاتها كلها معاي ولاني انا ماحب هالاماكن من زمان ومب عشان ماشوف هالاشكال بس ، لاني من الاساس ماحبها وتضيق صدري كانه احد كابس على انفاسي ، وهي تحب فيلاجيو اكثر شئ للمحلات اللي تحبها والسيتي شايلتها من بالها لاني ماروح كلش سواء بغت والا مابغت لاني ماحبه ابدا هالسيتي
قلت لي في الصيف وين اوديهم يعني قول شهر مسافرين وشهر بالبيت بين طلعات الاهل والجيران ، طلعة بحر في اللنج وانتهى الموضوع غير التلفزيون وغير السوني وغير النت يعني تعدي الاجازة ،

وبعدين اشدعوة الصيف يبدي عندك من شهر اربعة :secret: ، الجو حلو لين شهر 6 ولله الحمد صج مو جو حلو حلو بس يعني نوعا ما مقبول
اتمنى اني وضحت وجهة نظري بكل نقطة :)

وصباحك خير

صباحج ورد أختي ضوى
في فرق اذا هم مايحبون يروحون مجمعات .. وأذا هم يبون يروحون وأنتي حرامتهم
وهالشي أنتي ماوضحتيه في ردج السابق
أذا هم مب حابين يروحون هالاماكن فهذا شي جيد ويحسب لج في النهاية
عندج أنا .. والله مادخل المجمع الا لغرض ادخل سيده على المحل أخذه وأطلع
لأني مو من عشاق جو المجمعات .. عندي مجلسي وربعي يتجمعون عندي ونلعب سوني :shy:
ونسولف ونتابع المباريات ابرك من دخلة أي مجمع
وبعدين وين الجو الحلو لين شهر 6 .. الشهر الجاي حر وبتشوفين
اذا الحين واحنا تونا في شهر 3 وبعض الايام حر .. بس الاهم بدون رطوبه
الرطوبه هي اللي من شهر 6 <<< صرنا محللين لأحوال الطقس .. ماعلينا

الله يستر عليج ياضوى ويخلي لج عيالج
ويطرح لج فيهم البركه وتشوفينهم وعيالهم ان شاء الله بخير دوم قدام عيونج

والسموحه من مس قطر على هالمداخلات :shy:

[SARAAB_32]

والله قالوها لي ربعي من دبي
انه الدور جاي علينا
يعني لما احط واحد مسؤول عن المجمع
لا عنده ديانة ولا مله ايش بنشوف منه غير هاذي المهازل

الله يرحمنا برحمته

[Bo3oof_80]

وين العضيد ؟
:telephone::anger1::telephone:
:discuss::omen2:
:tease:

[Store]

شوفي كل هاي من الادارة الي انا اشك انها مسلمة او تخاف من الله

سبحان الله وبحمده

[ضوى]

هلا


انا مع اخووي الريان

نودي العيال للمجمعات مع التنبيه والتركيز على السلوكيات الخاطئة والغير مقبولة

يعني لا نمنع السكين مثلا من البيت بحجة خطورتها !!

ولا نمنع الفيديو وال الدي في دي والنت وأشياء كثيرة بحجة الخوف منها !!

لا بد أن نوضح لهم السلبيات كي يتركونها ويتجنبوها


مع التحية

؛؛؛

:nice::victory::nice:

مسيوو/ بوخالد911






مثل ماعلقت على اخوي الرياني

كلامكم صحيح ، بس بعد انا ماقط عيالي بالنار واقول خلهم يشوفون واحذرهم ، وسبق وقلت عيالي مال لهم بالمجمعات والمولات وهذا شئ حلو الصراحة

شوف تعليقي على الاخ الرياني:)

[miss-qatr]

لاحول ولا قوه الا بالله

ونعم بالله

هلا اختي مس صباحج خير

شوفي اختي انا لما قررت اسافر الاجازة الصيفية العام اللي طاف اوروبا كنت وايد في حالة قلق من اللي راح يشوفونه هناك من عري وخمر وخلافه لذلك لما سويت جدول الرحلة تعمدت انه طلعاتنا كلها تكون لقرى ريفية يعني اللي شفناه ماينذكر بس والله انهم استر من اللي عندنا اهني والحمد لله المناظر كانت قليلة بالمقارنة باللي نشوفه في مجمعاتنا تدرين ليش ؟؟
اللي في اروبا ثقافتهم جذي يعني مو شئ دخيل عليهم ، بس اللي هما للاسف مسوخ مشوهين لاهم مسلمين ولا هم كفار يعني كلمة مسوخ شوية شوية عليهم ، يعني لما ولدي والا بنتي يشوفون بنت بربع حجاب وتتصرمح في المول بروحها وشهي التساؤلات اللي بيطرحونها في نفسهم ؟؟؟ في حين لو شافوا واحدة بدون حجاب برع عادي لانها مسيحية مش مسلمة اذن انتهى التفكير بها من قبلهم
مدري فكرتي وصلت والا لا بس هذا اللي طلع معاي :)

عموما وارد اكرر رايي مولات ومجمعات مكيفة عيالي مالهم حاجة بها كفاية التكييف اللي ذابحهم في المدارس ، المجمعات مهي مكان ترفيه ووناسة اهي مكان استعراض اجساد وموديلات العبي واخر صيحات الماكياج والازياء
ارفه عن عيالي فيه اماكن مفتوحة تشرح الصدر وتخليهم يطلعون الطاقة اللي فيهم بشكل سليم وصحي في نفس الوقت

استمتعت جدا بنقاشي معك اختي الغالية :)

وأنا اللي استمتعت أكثر واضفتيلي من دروسك في التربية وخوفك على عيالك الكثير اللي إن شاء الله انتعلم منه :)


بالعكس فهمت اللي تبغين اتوصلينة الغلا وعسى ربي يحفظهم لك ويخليك لهم قولي آآآمين
أحسنتوااا

:nice:

والله يرحمنا برررحمته بس !!!

:secret::secret::secret:

مسيوو/ بوخالد911

تسلم بوخالد على مرورك :)


لا حول ولا قوة إلا بالله ..


قواج الله وسدد خطاج

ولكن ايش الفايده مالنا الا نشجب ونستنكر


نستنكر انا معاك لكن بعد الاستنكار لازم يكون فعل :)[/COLOR


[COLOR="black"]


والسموحه من مس قطر على هالمداخلات :shy:


لا ياخوي مسموح

الموضوع موضوعكم :)



والله قالوها لي ربعي من دبي
انه الدور جاي علينا
يعني لما احط واحد مسؤول عن المجمع
لا عنده ديانة ولا مله ايش بنشوف منه غير هاذي المهازل

الله يرحمنا برحمته

أي والله ربي يرحمنا برحمته ياخوي

وين العضيد ؟
:telephone::anger1::telephone:
:discuss::omen2:
:tease:


هالعضيد تغربل والله شبيلحق عليه :secret:

شوفي كل هاي من الادارة الي انا اشك انها مسلمة او تخاف من الله

سبحان الله وبحمده


الله المستعان

[bu 3li]

( البعض ) وانا اكرر واقول ( البعض ) يحبون يطالعون الغرب والاجانب شيسوون ويقلدونهم بـ حجة التطور والانفتاح اللي صار ( انشكاح ) وللأسف اهم شي ان الاجانب ماياخذون فكره غلط عنا او يحطون في بالهم ان احنا مب متطورين او رجعيين ..


طبعاً هـ الكلام موجه لـ ادارة المجمعات واضيف على هـ الشي ( الشخص المسؤول عن تعيين شركات الحمايه والسكيورتي )

والسبب ( الزقاير ) اللي لوعت جبودنا ويابت لنا المرض واحنا غير مدخنين