سؤال وين يسوون الفحص للزواج ؟

[أم الزين]

السلام عليكم

حبيت اعرف وين الواحد يقدر يسوي فحص الزواج ؟

للجنسين

وياريت مستشفى حكومي لأن المستشفيات الخاصة الصراحه ما اثق فيها كثير

هاي للمقدمين على الزواج لأن اخوي يبي يعرف وهو بيملج بعد اسبوعين تقريبا

فحاب انه يطمن ويفحص هو وخطيبته للعلم

[فلفل حار]

اذا تبي حكومي

مالك الا مستشفي حمد:nice:

وان شاء الله ماعليهم شــر

وألف مبـــروك علي الملجه اخووي :)

[(عبدالله)]

عليكم السلام ورحمة الله

قبل لا أجاوبك.. مادري هل بدأ العمل بإزام الفحص قبل الزواج ولا لا؟
إذا نعم فما أدري اشلون الإجراءات ماشية

إذا لا... أعرض لك تجربة واحد من الشباب لما راح يطلب
من مركز صحي فحص الزواج.. لانه إلزامي على غير السعودي الراغب بالزواج من سعودية..

وهو أراد أنه يسوي الفحص في الدوحة ويصدقه..

فقالوا له الددكاترة والمسؤولين في المركز الصحي..
إن فحص الزواج يسوونه في حالة جاهم أمر من لجنة الزواج من الأجانب بإجراءه..

أما في هاذي الحالة (الزواج من خليجية) لأن إجراءاته غير وماله علاقة بالداخلية.. ولا هو متطلب ضمن قوانين قطر.. فيحتاج موافقة من المسؤولين في الهيئة الوطنة للصحة..


والله اعلم


(عبدالله)

:victory:

[شويهينــه]

فحوصات ماقبل الزواج لحين ماتطبق القانون بالزاميتها يبيلها تقريبا شهرين

اما وين ممكن تسوي الفحص في حالتين:
1- حاله الزواج من غير قطريه يتم الفحص في القومسيون الطبي
2- حاله انه هو حاب يسوي الفحص يروح للمركز الصحي اللي هو تابع له ويقول للدكتور حاب اسوي فحص قبل الزواج وعاده بيكون فحص شامل مثل فحوصات قبل التوظيف

ان شاء الله اكون افدتك

[بابا الضحية]

شنهي الفحوصات حد يعرف ؟؟

[المستقل]

عياده الدوحه تسويها وعندهم برنامج للفحص

[ابن قطر]

اعتقد للقطري بالدفنه

[Qt.1]

السلام عليكم

يروح المركز الصحي الي في الدفنه ويقولهم ابي اسوي فحص ماقبل الزواج بيسوون له كل الفحوصات وعقب كم يوم ايراجعهم وياخذ النتايج والله يوفق اخوك يارب وعلى البركه.

[armani**]

عل البركه

[بابا الضحية]

السلام عليكم

يروح المركز الصحي الي في الدفنه ويقولهم ابي اسوي فحص ماقبل الزواج بيسوون له كل الفحوصات وعقب كم يوم ايراجعهم وياخذ النتايج والله يوفق اخوك يارب وعلى البركه.

بس الي بالدفنه !!!ما يسير مال !!!المطار ؟:shy:

[Qt.1]

بس الي بالدفنه !!!ما يسير مال !!!المطار ؟:shy:


والله اظن ممكن لانه على حسب المركز الصحي التابع له انا رحت مركز الدفنه الصحي لان بطاقتي تابعه لهم.