خبر بخصوص ازمة تمويل السيارات

[بـن عدوان]

السلام عليكم ورحمة الله وبركاته

شخباركم ان شاءالله طيبين

اخواني واخواتي

مثل ماتعرفون البنوك قامت تزيد الشروط اذا الواحد يبي يشتري سيارة

وفي بنوك وقفت التمويل

الخبر:

قبل كم من يوم شريت سيارة عن طريق شركة الجزيرة الاسلامية


وقالي الموظف : من شهر 4 البنوك بتوقف تمويل السيارات

وعندنا راح تزيد نسبة المرابحة ( شفتوا الاستغلال )
وبروحها زايدة اصلا


وشركات التمويل فقط هي الي بتمول

مثل الاولى للتمويل والاجارة والجزيرة .. الخ

مع العلم في الاول ماكانوا يطلبون دفعة اولى

والحين لما شريت السيارة طلبوا مني دفعة مع انه سعر السيارة مايتجاوز الــ 50 الف


حــد يقدر يفيدنا اذا كان كلامه صحيح ؟؟

يعني معقولة الحين الواحد صعبه يشتري سيارة ؟؟؟؟


الظاهر الازمة المالية بتبتدي تأثر فينا للأسف .. :(


وأصحاب الوكالات لين الحين مب راضيين ينزلون الاسعار :anger1:


ياارب تطيح السيارات في جبودهم

[قطراوي للأبد]

والله ياخوووي ! ...

شاقوول لك .. انا بخصوص البي ام اللي عندي ..

كل ما يجيني واحد صامل .. ويبي ياخذها عالبنك .. البنك يعطيه 140 ! .. 160 .. < هالحدود ..

ولا جان من زمان راح الموتر ..

عالعمووم ربك كريم ان شاء الله .. وكل تأخيره وفيها خيره !


اما بخصوص شركات التمويل .. وسعر المرابحه .. الصراحه هالشغله نصب !

يعني يجوفون الناس محتاجين .. يرفعون النسبه ؟ . . ويحتكرون هالشي بما ان البنوك ماتمول !

كفايه ان الناس فـ أزمه اقتصاديه .. بعد يزيدون الطين بله ..

لا حول ولا قوه إلا بالله

[بـن عدوان]

كل ما يجيني واحد صامل .. ويبي ياخذها عالبنك .. البنك يعطيه 140 ! .. 160 .. < هالحدود ..




ياخوفي من الجاي انه البنك يعطيه 100 ألف او اقل او مايعطيه كلش :rolleyes2:

[سطح القمر]

خلها تخيس عندهم ..... سياراتنا عندنا وسياراتهم عندهم :)

[جنيه ذهب]

سلامتك يالغالي من يومين كنت في بنك الدولي الاسلامي واعرف الموظف الي هناك وقلت له ابي اشتري سياره بحدود 170 الف قالي مستعجل على السياره قلت له لا قالي انطر شهر شهرين لان الفايده بتنزل ما قال لي ان البنوك ما بتمول ....

[هيبة^ملك]

البنوك قاعدين يعوضون خسايرهم برفع الفائده

وماأعتقد انهم راح ينزلون الفائده لانهم قاعدين يستغلون حاجه الناس لهم

يعني اتوقع انهم في شهر 4 راح تزيد الفائده على شان الزياده

[بـن عدوان]

الله يستر ...

[PoBox]

*
*
*


كلام غير صحيح
واشاعات مالها اساس

البنوك غالب ربحها من عمليات التمويل
سواء العقارية او للسيارات وغيره
والربح من فرق سعر البيع عن سعر شرائهم
او فرق سعر التسليف عن سعر السداد


توقف هالعملية ،
يعني البنك يسكر بابه ويبيع ذرة احسن

يكفينا اشاعات ياشباب

[qatar.com]

*
*
*


كلام غير صحيح
واشاعات مالها اساس

البنوك غالب ربحها من عمليات التمويل
سواء العقارية او للسيارات وغيره
والربح من فرق سعر البيع عن سعر شرائهم
او فرق سعر التسليف عن سعر السداد


توقف هالعملية ،
يعني البنك يسكر بابه ويبيع ذرة احسن

يكفينا اشاعات ياشباب






الله ينور عليك قلت الي في قلبي والباقي كله كلام شريطية

[Al-Kuwari]

شوف بحكم اني موظف في احد البنوك اقدر اقولك هالكلام غير صحيح

نعم في تحفظات وفي طلبات تعتبر تعجيزيه لبعض الناس وفي شرط الدفعه الاولى من قبل بعض البنوك

بس ما وقفوا ولا راح يوقفون

معادله البنك هي كالاتي = خذ وديعه بـ5% وعط قرض بـ8% والربح هو الفرق بين نسبه الوديعه والقرض

فاذا وقف البنك القروض خلاص يصكر بابه ويبيع ذره مثل ماقال واحد من الشباب فوق..

واللي حاب ياخذ قرض شخصي او قرض سياره يراسلني عالخاص وبشوف اذا اقدر اساعده..

ملاحظه: للمعلوميه فقط البنك ربوي :)

[مافيا قطر]

الكوارى ممكن التفاصيل على الخاص

[بـن عدوان]

ان شاءالله كلامكم يطلع صحيح ..

[khaled-qatar]

الله المستعان

[مستثمر 999]

بن عدوان

كلامك 100% وسبقني قطراوي للابد .

احنا صا لنا 6 شهور نعاني من مشاكل التمويل لدرجة اني ما أخذ عربون على كوتيشن لاني متأكد انه مب راجع والفلوس بتكون فلوس حرام

اخوي الكواري

لا تزعل من انت قد تكون موظف عادي مثلنا (( بلاوي تصير في اداراتنا ولا ندري عنها واخر الشهر ما نسأل الا عن الراتب ))

عموما كلها ايام وتطلع الميزانيه الجديده ونتأمل خير وخاصه ان قطر وللحه الحمد هي الدوله الخليجيه الوحيده الي ما عندها عجز بفضل سياسة حكومتنا الرشيده

وللعلم الدوائر الحكوميه والمؤسسات جايتها اوامر بتقليص النفقات حتى الشاي والقهوه والجرايد

[مستثمر 999]

قبل لا أي احد يرد وهو حاط بخاطره

الرجاء الرجوع الى جريدة الشرق ملحق (تحقيقات )

صفحه 2 و 3

والله يكون بعون الناس

[Al-Kuwari]

بن عدوان

كلامك 100% وسبقني قطراوي للابد .

احنا صا لنا 6 شهور نعاني من مشاكل التمويل لدرجة اني ما أخذ عربون على كوتيشن لاني متأكد انه مب راجع والفلوس بتكون فلوس حرام

اخوي الكواري

لا تزعل من انت قد تكون موظف عادي مثلنا (( بلاوي تصير في اداراتنا ولا ندري عنها واخر الشهر ما نسأل الا عن الراتب ))

عموما كلها ايام وتطلع الميزانيه الجديده ونتأمل خير وخاصه ان قطر وللحه الحمد هي الدوله الخليجيه الوحيده الي ما عندها عجز بفضل سياسة حكومتنا الرشيده

وللعلم الدوائر الحكوميه والمؤسسات جايتها اوامر بتقليص النفقات حتى الشاي والقهوه والجرايد

ماعاش من يزعل عليك الشيخ

بس انا اتكلم معاك من واقع خبره ومن واقع كلام منطقي

البنك كل شغله ماشي على التمويل والاقراض فأذا وقف مصدر من مصادر الاقراض خلاص ليش يفتح من الاساس ؟؟

[مستثمر 999]

ماعاش من يزعل عليك الشيخ

بس انا اتكلم معاك من واقع خبره ومن واقع كلام منطقي

البنك كل شغله ماشي على التمويل والاقراض فأذا وقف مصدر من مصادر الاقراض خلاص ليش يفتح من الاساس ؟؟


بارك الله فيك اخوي الكواري ورحم الله والديك

حتى شركات الـتأمين ربحانه من الـتأمين على السيارات (( ضد الغير )) ولكن للأ سف
يتغلون ويتدعون على الناس ولا حسيب ولا رقيب

انا تعرضت لمشكلة مع شركة التأمين والسياره عليها تأمين ضد الغير لمدة سنه وفي الملكيه
بالغلط انهاء التأمين 2008

يمين يسار ولا احد عبرني ولا شركة رضت تأمن السياره والشراي سعودي وما يقدر يصبر

وطبعا اختربت البيعه والسبب تفاهة موظفي التأمين وللاسف الشركه اسلاميه

وفي النهايه سوداني طباع طلع صورة من التأمين من الميكرو فلم في المرور

[مستثمر111]

الكلام ليس له صحه الفترة الجايه راح تنزل اسعار الفوايد في البنوك

[مخاوي اليل]

بتنزل .... ماراح تنزل الفوائد
بتنزل ... ماراح تنزل
بتنزل .... ماراح تنزل
بتنزل ... ماراح تنزل
بتنزل .... ماراح تنزل
بتنزل ... ماراح تنزل
ان شاء الله مافيه تمويل لمدة سنتيين على شان التجار ينزلون من قيمة المواتر... ما ينفع مع الناس الا جذيه على شان ما يفكرون بسيارات لمدة سنتين.. وبعدها خلهم يفتحون التمويل

[السد]

حصريا
وسبق لي ان كتبت عن هذا الموضوع
ما الجديد في موضوعك يا صاحب الموضوع
لكن الله المستعان من البنوك وشركات التمويل !!
وهذا الرابط
http://www.qatarshares.com/vb/showthread.php?t=242342&highlight=%C7%D2%E3%C9+%CA%E3%E6%ED%E1+%C7%E1%D3%E D%C7%D1%C7%CA+%CF%E6%E1%C9+%DE%D8%D1