المساعد الشخصي الرقمي

مشاهدة النسخة كاملة : بخصوص ارض الهبه من الدوله (لاخاب من استشار)


السرمد
17-03-2009, 07:58 AM
السلام عليكم ورحمة الله وبركاته

شباب عندي ارض هبه من الدوله في دحيل الشمالي .. مساحتها 1200 م2

وانا عازب وقرض بنك التنميه مايطلع الا للمتزوجين..

المهم ودي اعرف كم اقل مساحه البيت المسموح بنائه فالارض..

انا كنت ناوي اشتري فله جاهزه بس صادتني ظروف قويه..(الله يبعدها عنكم)

المهم انا ابغي ابني فيها مثلا بيت صغير مثل غرفتين بحمامهم وانتوا بكرامه وصاله ومطبخ ومجلس..

هل ممكن اني ابنيها ولا لازم في شروط؟؟

انا قالي رجال اذا بتبني هالبيت لازم يكون في نص الارض (يعني فالمستقبل ماقدر ابني فيها شي).. ولازم ماتقل مساحته عن 350 مثل ماقال ومادري شنو..
انا ودي اعرف شنو قوانينهم عشان ماتوهق بكره..

وادري فيكم الخير والبركه..
السرمد
17-03-2009, 09:30 AM
9 مشاهدات ولا رد
كبير المتداولين
17-03-2009, 09:36 AM
والله هالامور الواحد يعجز يرد عليها لانه بصراحه حتى موظفين الاسكان وبنك التنميه مايعرفون يردون علينا كل واحد يعطيك كلام
السرمد
17-03-2009, 09:38 AM
مشكور يالغالي على ردك
BoFahed
17-03-2009, 10:20 AM
والله هالامور الواحد يعجز يرد عليها لانه بصراحه حتى موظفين الاسكان وبنك التنميه مايعرفون يردون علينا كل واحد يعطيك كلام

عزا الله انك صادق كل ما اسال كل واحد في بنك التنمية يقولي كلام
السرمد
17-03-2009, 10:22 AM
عزا الله انك صادق كل ما اسال كل واحد في بنك التنمية يقولي كلام

والحل ياجماعة الخير ؟؟
MLAAS
17-03-2009, 05:39 PM
حبيبي .. الي يعرف القوانين هو الاستشاري الي يعملك الخرايط .. روح لأي استشاري وخليه يفيدك بهالموضوع .. وأظن لو بتبنيها على حسابك الخاص مافي اي مشكله بخصوص المساحه .. بس الاستشاري هو الي بيعطيك كل شي

تحياتي
السهم الثابت
20-03-2009, 11:05 AM
اخوي يصير انك تسورها وتبني فيهااا ملحق خارجي بس تاخذ خرايط بنيان في الاول وتبني على حسابك
السرمد
20-03-2009, 11:36 AM
اخوي يصير انك تسورها وتبني فيهااا ملحق خارجي بس تاخذ خرايط بنيان في الاول وتبني على حسابك

تصدق اخوي كلمت 3 مستشارين ..واحد يقولي 250 اقل شي تقدر تبنيه

والثاني يقول عادي كيفك ان شاء الله تبني 160 محد له خص فيك

والثالث يقول لا ماتقدر تبني الملحق قبل البيت ..

قسم بالله ضعت..

ياخي انا عندي ارض من الدوله ..وماقدر اعمرها ب800 الف ولا 900 ..ياخي انا عزابي ..باعمرها ب300 ولا 400 ..بشي على قدي صغير

يعني لازم اعمر فله وبمساحه معينه ..ياخي مب كلام هذا

ابي شخص اروح له هو الي يعطيني الكلام الاكيد..ويكون صاحب قرار

كل واحد يالف لي على كيفه ..قسم بالله تحس ان مافي قانون واضح بخصوص هالموضوع..
بوهزاع
20-03-2009, 12:07 PM
اخوي الي اعرفه حسب معلوماتي البسيطه انك تبني فوق 500 متر مع الملاحق


وممكن تسال في بنك التنميه وهذا الافضل