الغرافه يحصل اول ثلاث نقاط في دوري ابطال اسيا ! [الأرشيف]

عابر سبيل

17-03-2009, 09:23 PM

السلام و التحيه..

مبروك اخ SpeedSter...و مبروك للغرافه
و لكل الغرفاويين و كل الرياضيين في قطر...
على فوز احد ممثلينا ( و متصدر دورينا) باول ثلاث نقاط اسيويه....

و و ين..في عقر دار خصمه....الشارقه...

هالاسبوع...من الممكن ان الواحد يقترح على ادارة الغراه...تسكير ملعبهم نهائيا
و لعب كل مبارياتهم خارج ارضهم...
سواء في عرين الاسود..ام الافاعي...و لا في ضيفة هل شرق...الشارقه...
انتصارين في 5 ايام...
تعطينا انطباع مشرف اينسينا مرارة الهزيمة الاسيوية الاسبوع الماضي..

عالعموم...

كل الاقوياء...هشكل..ان طاح احدهم..عثرته قويه....و عزة نفسه
اكبر همه..

لكن...سرعان ما يسترد الابطال بريقهم...حتى لو كان
باستخدام "كيمو"...او ناصر كميييل...

اعتقد..ان على الغرفاويين...تقديم اكالييل زهور للاخوة الاعداء...الريانيين...
و حتى العرباويين...

كل من هو مقطوط على جنب في ام الافاعي و اسلطه...
ايبدع في ارض اعيال ثاني بن جاسم..

برهان...احمد فارس...و اغيرا كيمو...
هل هي لعبة حظ..و لا حسن توظيف من ادارة الغرافه و اجهزتها الفنيه...
و في هالحله...العكس ايضا صحيييح:secret:...

تحايا لكل من سبقني في الرد على صاحب الموضوع...كبيرنا و اصغرنا...

لاداعي

17-03-2009, 09:40 PM

ألف ألف مبروك للغرافـــه

:) :) :)

شاهيناز

17-03-2009, 10:47 PM

عابر سبيل تحتاج لخلفيه عن مستوى الانديه الخليجيه

الشارقه الاماراتي الوحده ولا الزعيم الاماراتي العين ولا حتى وصل دبي

يعني اذا الغرافه ماهزم الشارقه من بيهزم مع احترامي لشارقه

الشباب السعودي مب الهلال ولا اتحاد جده
نادي مستواه اقل منهم

بس قدر يهزم الغرافه وبين ارضه ماقدر اقول جمهوره لان ماعنده جمهور

اليوم لوشفت لعب الشباب مع بيروزي الايران وفي ارضه وبين جمهوره
تعادل الشباب الي هزم الغرافه 3

هنيه تقدر تقيس مستوى الغرافه

نشوف وش بيسوي الغرافه في الرياض
ولا في ايران
مع بيروزي

اخيرا

مابين سطورك
ماحبيته

ناصر العمادي

17-03-2009, 10:49 PM

مبروووووووووووووووك للغــرافــــــــــــــــــه الف مبرووووووووووووووووك

والى الأمـــــــــــــــام دائمـــــــــــــــــــــا

تستــــــــــــــــاهلــــــــــــــون كـــــــــــل خيرررررررررررررررر :nice::nice:

مضارب دوسري

17-03-2009, 11:00 PM

مضارب دوسري

17-03-2009, 11:01 PM

مبرووووووووووووووووووك لكل الغرفاويين

شاهيناز

17-03-2009, 11:03 PM

الحمدلله رب العالمين

قل العقل مصيبه

صااار الحقد ينسي بعض الناس انهم قطريين:secret:

متنازله للعقل لك

مضارب دوسري

17-03-2009, 11:05 PM

متنازله للعقل لك

الحمدلله رب العالمين:secret:

صج انهم بنص عقل

شاهيناز

17-03-2009, 11:08 PM

الحمدلله رب العالمين:secret:

صج انهم بنص عقل

حد حشمه وحد احشم نفسك عنه

عاشق الشهادة

17-03-2009, 11:08 PM

الف مبروك للي شرفو قطر :)

ا لـغـرافـة

مضارب دوسري

17-03-2009, 11:11 PM

حد حشمه وحد احشم نفسك عنه

الحمدلله رب العالمين:secret:

قل العقل مصيبه

غير البشر

17-03-2009, 11:40 PM

الف الف مبروووك للغرافه

والى الامام ان شاء الله

وربي يوفقكم ودووم الفوز لكم يارب

تقبلو تهنئتي وتحياااتي العطره للفهوود واعيال الفهووود

غير البشر:victory::discuss::victory:

البرونزي

17-03-2009, 11:42 PM

الغرافه
وبس

SpeedSter

18-03-2009, 08:25 AM

الله يبارك فيكم جميعآ والله يعطيكم العافيه :)

اختي شاهيناز اسمحيلي بس على هذي المداخله ..

((يعني اذا الغرافه ماهزم الشارقه من بيهزم مع احترامي لشارقه ))

قبل المباراه ماكان هذا كلامج وكنتي تعيدين وتزيدين فموضوع الثلاثه !! :)

((الشباب السعودي مب الهلال ولا اتحاد جده نادي مستواه اقل منهم ))

على اي اساس حكمتي ان الشباب مستواه اقل من الهلال والاتحاد؟!
على فكره الشباب لعب نهائي هذا الموسم مع الهلال وخسر ولعب نهائي ثاني مع النصر وفاز بالكاس !! :)

((بس قدر يهزم الغرافه وبين ارضه ماقدر اقول جمهوره لان ماعنده جمهور ))

مب مشكله انشالله جماهير (( الرهيب )) بتكون معانا فالمباريات الجايه :)

أمير المحبه

18-03-2009, 08:35 AM

حقق الغرافه فوزه الأول في بطولة آسيا للأنديه المحترفه
بعدما فاز على مضيفه الشارقه الاماراتي 2-0

افتتح التسجيل ناصر كميل العائد للتسجيل في الشوط الأول في الدقيقه الـ 16
واضاف كليمرسون الهدف الثاني في الدقيقه الـ 54 من الشوط الثاني

الف مبروك للغرافه وعقبال ام صلال بكره :victory:

العبوووووو والله ويستاهلون الفوز :victory:

مبروك للغرفاويه الفوز

ALRAYYAN

18-03-2009, 08:50 AM

الله يوفق أم صلال اليوم ويشرفونا مثل ماشرفونا المباراة اللي طافت
ولو أن الاتحاد السهودي مب سهل .. نادي كبير والفوز عليه صعب لكن مو مستحيل ان شاء الله

OTOsan

18-03-2009, 08:55 AM

لنترك خلافات الدوري جانبا ونقف مع من يمثل قطر من الانديه في هذا المحفل الاسيوي ،،
اصابتنا الكآبة من اخفاقات الانديه اسيويا .. واصبحنا نستحي ان نقول ان الدوري في قطر قوي مقارنة بالدوريات المجاورة وذلك بسبب عدم القدرة على المنافسة اسيويا ..لذا ففوز ممثلي قطر في هذا المحفل يعتبر سمعة للدوري ودليل على قوته ،،

الف مبروك للغرافة ، وان شاء الله ام صلال يقدم اداء مشرف امام الخصم العنيد ( الاتحاد السعودي ) ولو انها مهمة ليست سهلة ابدا .. فالخصم هنا صعب المراس !!

عابر سبيل

18-03-2009, 10:27 AM

الله يوفق أم صلال اليوم ويشرفونا مثل ماشرفونا المباراة اللي طافت
ولو أن الاتحاد السهودي مب سهل .. نادي كبير والفوز عليه صعب لكن مو مستحيل ان شاء الله

اخوي...OTOsan...
اسبقك بلحظات..الكبير..ريان...

و اعلن تاييده القوي لاحد ممثلينا في الاسيوي...
اللي هو بعد بكره خصمه في المحلي..

و انا...طبعي يا اخي..و الكلام للست/شاهيناز...
تعلمته و انا في امريكا...
ان اجلس في كرسي
الDevil side...

حتى تحلو الحوارات و النقاشات...
موب للتشفي و العيارات...

و الحصى..في قطر الله امكثره...
يعني اللي يفلع الناس...
لا ايظن ما اتجيه هو بعد "فلعه"...

بس.. مني انا...فلعتي بالقطن...موب بالحصى...

لاني ما احب اودي احد للمستشفى اذا طلع من راسه دم:discuss:

ريان و دوسري...
Otosan و شاهيناز...

يبى..كنكم نسيتو عوايدنا في
السلام و التحيه لراعي المكان:swoon2:

OTOsan

18-03-2009, 12:19 PM

اخوي...OTOsan...
اسبقك بلحظات..الكبير..ريان...

و اعلن تاييده القوي لاحد ممثلينا في الاسيوي...
اللي هو بعد بكره خصمه في المحلي..

و انا...طبعي يا اخي..و الكلام للست/شاهيناز...
تعلمته و انا في امريكا...
ان اجلس في كرسي
الDevil side...

حتى تحلو الحوارات و النقاشات...
موب للتشفي و العيارات...

و الحصى..في قطر الله امكثره...
يعني اللي يفلع الناس...
لا ايظن ما اتجيه هو بعد "فلعه"...

بس.. مني انا...فلعتي بالقطن...موب بالحصى...

لاني ما احب اودي احد للمستشفى اذا طلع من راسه دم:discuss:

ريان و دوسري...
Otosan و شاهيناز...

يبى..كنكم نسيتو عوايدنا في
السلام و التحيه لراعي المكان:swoon2:

اولا .. شكرا جزيلا لصاحب الموضوع .. سبيد ،،

ثانيا : لا يوجد هنا مكان للحوار والنقاشات ( بالنسبة لي على الاقل ) ، فالهدف هنا واحد وغير مشتت وهو مصلحة الاندية القطرية ، بعيدا عن منافسات الدوري بالطبع ..

وان كنا نريد ربط الدوري بما يجري حاليا من المباريات .. فاصدقك القول انني سعدت بفوز الغرافة بالامس .. الا ان شعورا راودني ان هذا ليس في مصلحة الريان .. فالفوز ربما سيرفع من معنويات لاعبي الغرافة وهو ماسينعكس عليهم بالايجاب في باقي مبارياتهم في الدوري ..

وربما ادى كذلك الى نوع من الاحباط لدى لاعبي الريان لشعورهم بان الغرافة اصبح عصيا على الهزائم ومدمنا على الفوز فيؤدي ذلك الى عدم تقديمهم للاداء المطلوب ..

من وجهة نظري كذلك ، انني ارى ان يهتم لاعبو الريان بمستواهم ومبارياتهم ولاينظروا لنتائج الفريق الخصم .. فكل ما اخشاه اننا نتطلع الى خسارة الغرافة فتأتي الصاعقة بخسارة الريان او تعادله في احدى مبارياته القادمة ..

اهداء لعابر سبيل .. فيصل القاسم ( في الامور الرياضية ) :

ياحب عابر للجدل والنقاشات .. خلى ردود الكل تزداد حده
مابين تصريح ومابين نغزات .. يبغي الكلام يصير صده ورده
الوان يدمجها مع الاقتباسات .. ماناقص الا يحط ضمه وشده
ينفع محاور في برامج حوارات .. تعطيه رايك ثم(ن) يجيب ضده

:)

الزقرت

18-03-2009, 12:35 PM

مرحبا بالكل
الف مبروك للغرافه.وللأسف في ناس إتحدنا انزل مستوانا لهم
وأقول للست ( شاهيناز) الغرافه فاز غصبن عنك
والأنديه القطريه مب محتاجه اجانب تدافع عنها

جلمود

18-03-2009, 12:37 PM

هاردلك لشارقه

وحظ اوفر لشباب السعودي

رووووووح وقلب شاهيناز داعيلك

حق أي نادي الشباب :anger1:

ولا الغرافه :tease:

ALRAYYAN

18-03-2009, 12:40 PM

مرحبا بالكل
الف مبروك للغرافه.وللأسف في ناس إتحدنا انزل مستوانا لهم
وأقول للست ( شاهيناز) الغرافه فاز غصبن عنك
والأنديه القطريه مب محتاجه اجانب تدافع عنها

هدي وتعدي ياولد :nice:

جلمود

18-03-2009, 12:43 PM

مرحبا بالكل
الف مبروك للغرافه.وللأسف في ناس إتحدنا انزل مستوانا لهم
وأقول للست ( شاهيناز) الغرافه فاز غصبن عنك
والأنديه القطريه مب محتاجه اجانب تدافع عنها

حـــــكيت يوم حكو الرجاجيل ياولد :nice:

الزقرت

18-03-2009, 12:43 PM

هدي وتعدي ياولد :nice:

الصراحه مصختها وايد شاهيناز وهي اتطنز عالغرافه واتمدح الاندية الخليجية
حتى لو تشجع الريان بيبقى الغرافه نادي قطري

ALRAYYAN

18-03-2009, 12:47 PM

الصراحه مصختها وايد شاهيناز وهي اتطنز عالغرافه واتمدح الاندية الخليجية
حتى لو تشجع الريان بيبقى الغرافه نادي قطري

لا تلومها ياخوي .. لأن في واحد هني كرها في الغرافه
مع أن معروف أن جمهور الريان يحب نادي الغرافه ونوقف معاه في أي بطولة الريان مو مشارك فيها
لكن هالشخص الله يهديه بس .. حاط دوبه ودوب البنت

يالله يالله حصل خير وشاهيناز طيبه ماعليك :)

بندرصالحي

18-03-2009, 12:49 PM

الشارقه اضعف الفرق

مضارب دوسري

18-03-2009, 01:03 PM

عابر سبيل

18-03-2009, 02:15 PM

.. فكل ما اخشاه اننا نتطلع الى خسارة الغرافة فتأتي الصاعقة بخسارة الريان او تعادله في احدى مبارياته القادمة ..

اهداء لعابر سبيل .. فيصل القاسم ( في الامور الرياضية ) :

:)
يا طويل العمر...

المانيا...اللي هي المانيا...و في دارهم و عقر دارهم...
و اي بطوله (مش بطـّوله)...
كاس العالم....

يوم انها اخسرت من ايطاليا...

اشسوى جمهور الريان ....اسف الراين...
طقهم ابنعل و لا حذفهم اببيض و طماط...
و لا راح غزو فضائي على موقع غريمهم
الغرفاوي..اسف الآزوري..

(اسف عالاخطاء الملائيه غير المقصوده طبعا)..

له...و لا...لع...
يوم انهم شافو لعيبتهم اصلا مجتهدين و موب امقصرين...
الا احتفلوا ابهم..و كافؤهم و هنوهم...
و احلى احتفال....حق الي كسرهم..و ابلعبه اسرهم...
شلّو و فلّو...

فاذا انكم ريانيين...يا شاعرهم...
قول حق لعيبتكم...

عليكم باللعب الرياني...
و خلوا عنكم الهرج من هدافكم "الادياني"...
و ش انت يا اديانيه عشان
اتدق على صدرك و اتصرح..الدرع رياني...

خلوا هالهرج..حق هل الهرج...بو ناصر
و مندوبكم في المنتدى ريان"ي"...

اما لعيتكم..خل يلحقون الكوره...عدل..
و ايحطونها في بطن الهدف...
موب من الشبك الوراني..

يبى...اذا انت اتسبني بفيصل القاسم...
انا اسبك بانك جرير...يالرياني...

(الشعر..ابي احطه في توقيعي...ممكن اتساعدني
او اتدلني كيف احطه..كمل لي احسانك)...

اما...انت يالدوسري...
تبي ام خمس..و لا مسدس 9 مل..
اهم شي..اتحطه في يمينك..و تثني ذراعك
175 درجه..و في راسك...
اتفرغ المشط...

و تسقينا...شرباااات يا حلو..
و الااقول...راسك اصلا فارغ الا من هالكرك...
اللي لونه اصفر و ازرق..

كل هالمشاكل..من يوم غاب عنا
"عدولتكم" او الاستاز..بوحارب..

وين الكرك...برد الجو يالحربي...
It is very very very hot
:victory:

OTOsan

18-03-2009, 02:28 PM

فاذا انكم ريانيين...يا شاعرهم...
قول حق لعيبتكم...

عليكم باللعب الرياني...
و خلوا عنكم الهرج من هدافكم "الادياني"...
و ش انت يا اديانيه عشان
اتدق على صدرك و اتصرح..الدرع رياني...

خلوا هالهرج..حق هل الحرج...بو ناصر
و مندوبكم في المنتدى ريان"ي"...

اما لعيتكم..خل يلحقون الكوره...عدل..
و ايحطونها في بطن الهدف...
موب من الشبك الوراني..

يبى...اذا انت اتسبني بفيصل القاسم...
انا اسبك بانك جرير...يالرياني...

(الشعر..ابي احطه في توقيعي...ممكن اتساعدني
او اتدلني كيف احطه..كمل لي احسانك)...

:victory:

المشكله ياعابر .. انك اقتبست النص اللي ودك تسوي فيه بلبله عشان البرنامج ونسيت باقي الرد ههههههههههههههه

شوف اوتوسان اشقال :

..

من وجهة نظري كذلك ، انني ارى ان يهتم لاعبو الريان بمستواهم ومبارياتهم ولاينظروا لنتائج الفريق الخصم .. فكل ما اخشاه اننا نتطلع الى خسارة الغرافة فتأتي الصاعقة بخسارة الريان او تعادله في احدى مبارياته القادمة ..

:)

اما الشعر ماهو سب .. هذا مجرد مداعبة بسيطة من اخوك الصغير ،،

وحلالك .. سوله كوبي وروح تعديل التوقع وسوله بيست !
ايزي ،،

وبعدين تعال العام .. ابيك بسالفة في موضوع تحداني الزمن :)

مضارب دوسري

18-03-2009, 02:31 PM

يا طويل العمر...

المانيا...اللي هي المانيا...و في دارهم و عقر دارهم...
و اي بطوله (مش بطـّوله)...
كاس العالم....

يوم انها اخسرت من ايطاليا...

اشسوى جمهور الريان ....اسف الراين...
طقهم ابنعل و لا حذفهم اببيض و طماط...
و لا راح غزو فضائي على موقع غريمهم
الغرفاوي..اسف الآزوري..

(اسف عالاخطاء الملائيه غير المقصوده طبعا)..

له...و لا...لع...
يوم انهم شافو لعيبتهم اصلا مجتهدين و موب امقصرين...
الا احتفلوا ابهم..و كافؤهم و هنوهم...
و احلى احتفال....حق الي كسرهم..و ابلعبه اسرهم...
شلّو و فلّو...

فاذا انكم ريانيين...يا شاعرهم...
قول حق لعيبتكم...

عليكم باللعب الرياني...
و خلوا عنكم الهرج من هدافكم "الادياني"...
و ش انت يا اديانيه عشان
اتدق على صدرك و اتصرح..الدرع رياني...

خلوا هالهرج..حق هل الهرج...بو ناصر
و مندوبكم في المنتدى ريان"ي"...

اما لعيتكم..خل يلحقون الكوره...عدل..
و ايحطونها في بطن الهدف...
موب من الشبك الوراني..

يبى...اذا انت اتسبني بفيصل القاسم...
انا اسبك بانك جرير...يالرياني...

(الشعر..ابي احطه في توقيعي...ممكن اتساعدني
او اتدلني كيف احطه..كمل لي احسانك)...

اما...انت يالدوسري...
تبي ام خمس..و لا مسدس 9 مل..
اهم شي..اتحطه في يمينك..و تثني ذراعك
175 درجه..و في راسك...
اتفرغ المشط...

و تسقينا...شرباااات يا حلو..
و الااقول...راسك اصلا فارغ الا من هالكرك...
اللي لونه اصفر و ازرق..

كل هالمشاكل..من يوم غاب عنا
"عدولتكم" او الاستاز..بوحارب..

وين الكرك...برد الجو يالحربي...
It is very very very hot
:victory:

ابي كلاشينكوف:shy:

وان ماحصل بلجيك:tease:

عابر سبيل

18-03-2009, 03:15 PM

ابي كلاشينكوف:shy:

وان ماحصل بلجيك:tease:

الله يرحمك....
وين عزاكم..و وين بيقدون النسوان...
عشان نعلن اعلان...
اللي يبي ايعزي الدوسري..في خيمه شمال احدود الريان...
و اللي فرحان بفرقته..انقوله..تعال
راح الشر..و خل الاحزان..

ترى احنا كلنا اخوان و زملاء و خلان...
كان منا الغرفاوي..و لا عاشقين الريان...

العتب كل العتب..على مشعين الملك..
ما ذبحو ذبايح و لا جابو حلو من "فوشون"...

ALRAYYAN

18-03-2009, 04:08 PM

قولي من هو !!

خليني اطخوا بالنار:shy:

ههههههههههههههههههه

ماينفع .. لأنك اذا طخيتوا بعتبر أنتحار .. والى جهنم وبأس المصير

لذلك نقول الله يستر عليه مانبي نقول من :tease:

سداوي&مدريدي

18-03-2009, 04:14 PM

مبروك فوز الغرافه والله يستاهلون

الفريقين كانو يعانون من نقص والغرافه ضيع فرص بالهبل

والثلاث نقاط هي الأهم :victory:

مبروك مره ثانيه للغرافه وان شاء الله عقبال التأهل مع ام صلال :nice:

ALRAYYAN

18-03-2009, 04:16 PM

الله يرحمك....
وين عزاكم..و وين بيقدون النسوان...
عشان نعلن اعلان...
اللي يبي ايعزي الدوسري..في خيمه شمال احدود الريان...
و اللي فرحان بفرقته..انقوله..تعال
راح الشر..و خل الاحزان..

ترى احنا كلنا اخوان و زملاء و خلان...
كان منا الغرفاوي..و لا عاشقين الريان...

العتب كل العتب..على مشعين الملك..
ما ذبحو ذبايح و لا جابو حلو من "فوشون"...

اقطع الهرج يافلان ... تراك دخلت في أمور الواحد فيها مايستهان
خلكم في قلب الحدث ولا بتاريخ الريان .. أيام ماكان وكان وكان
وهذا هو عاد ريان زمان .. بقلبي له حب مثل حب الاوطان

شاهيناز

18-03-2009, 06:57 PM

لا تلومها ياخوي .. لأن في واحد هني كرها في الغرافه
مع أن معروف أن جمهور الريان يحب نادي الغرافه ونوقف معاه في أي بطولة الريان مو مشارك فيها
لكن هالشخص الله يهديه بس .. حاط دوبه ودوب البنت

يالله يالله حصل خير وشاهيناز طيبه ماعليك :)

اخي الريان في اسماء ماينفع معاهم الا انا نحشم نفسنا عنهم

مايستحقون الحشيمه

لانهم مجرد اسماء رجاليه ماتلبس لشماغ الا خلف الكمبيوتر ولا الاب توب

والله بالذمه قطري يقول يا"" ست "هذي من جهور المريخ والهلال في دوله البشير

اخر رد في موضوع يكتبه صاحب الموضوع

اوبس:):):)

البرونزي

18-03-2009, 07:20 PM

قولا عالمي لنادي ام اصلال على الاتحاد السعودي
1-0 والحين الدقيه 35

البرونزي

18-03-2009, 07:33 PM

الشوط الاول ينتهي بالتعادل
1-1

البرونزي

18-03-2009, 08:38 PM

انتهت مباراة ام الصلال والاتحاد السعودي

بفوز نادي الاتحاد السعودي 3-1

وهارد لك لفريق ام اصلال

SpeedSter

18-03-2009, 08:49 PM

مشالله الموضوع ولع :nice:
وردينا على سالفة الغرافه والريان :rolleyes2:
المباراه انتهت يا شباب والفريقين نسوها .. مافي داعي نزيد ونعيد فهالموضوع :)
والله يعطيكم العافيه جميعآ على مشاركاتكم الطيبه هذي :)

وزعلتو الاخت شاهيناز

اخر رد في موضوع يكتبه صاحب الموضوع

اوبس:):)

:rolleyes2: انا مالي شغل الشيخه !

SpeedSter

18-03-2009, 08:51 PM

انتهت مباراة ام الصلال والاتحاد السعودي

بفوز نادي الاتحاد السعودي 3-1

وهارد لك لفريق ام اصلال

هاردلك لفريق ام صلال وانشالله يعوضونها المباريات الجايه

ومبروك للاتحاد السعودي

ويعطيك العافيه الشيخ
:)

مضارب دوسري

18-03-2009, 11:07 PM

الله يرحمك....
وين عزاكم..و وين بيقدون النسوان...
عشان نعلن اعلان...
اللي يبي ايعزي الدوسري..في خيمه شمال احدود الريان...
و اللي فرحان بفرقته..انقوله..تعال
راح الشر..و خل الاحزان..

ترى احنا كلنا اخوان و زملاء و خلان...
كان منا الغرفاوي..و لا عاشقين الريان...

العتب كل العتب..على مشعين الملك..
ما ذبحو ذبايح و لا جابو حلو من "فوشون"...

احس شاهيناز بتجي ترزف :tease:

ههههههههههههههههههه

ماينفع .. لأنك اذا طخيتوا بعتبر أنتحار .. والى جهنم وبأس المصير

لذلك نقول الله يستر عليه مانبي نقول من :tease:

يعني كيف؟؟:shy:

مافهمتهاش:shy:

ليكون المقصود انا:tease:

شاهيناز

18-03-2009, 11:09 PM

مشالله الموضوع ولع :nice:
وردينا على سالفة الغرافه والريان :rolleyes2:
المباراه انتهت يا شباب والفريقين نسوها .. مافي داعي نزيد ونعيد فهالموضوع :)
والله يعطيكم العافيه جميعآ على مشاركاتكم الطيبه هذي :)

وزعلتو الاخت شاهيناز

:rolleyes2: انا مالي شغل الشيخه !

اعذرني اخوي نسيت انك كاتب الموضوع مانتبهت

اقصد شخص ثاني

عابر سبيل

19-03-2009, 08:42 AM

ترى احنا كلنا اخوان و زملاء و خلان...
كان منا الغرفاوي..و لا عاشقين الريان...

العتب كل العتب..على مشعين الملك..
ما ذبحو ذبايح و لا جابو حلو من "فوشون"...

اعيد و اكرر...
ان حن كلنا...اخوان لمن ايحب الاخوه..
و لا زملاء في مشوار النقاش و النديه...

بس..باحترام...كااامل ...و فصل بين
الخصوصيات...

لا قلنا عن احد انهم
موب من النسوان ...
و لا حد يرضى على نفسه ان ينعد من الرخوم...
لا رجّال و لا هو من النسوان...

و قبل ما ينشره علينا اكثر و اكثر...
في الكلام اعلااااه...

سبقنا
بالاعتذار نيابه عن
كل هل قطر.. لكل الرياضيين في قطر..
و خصّيينا...هل الغرافه والريان..و انضيف معاهم
مسيو بوخالد(الله ايحفظه) و جمهور الاحلام..

و كابناء الملك..هم تحملنا
العزيمه...و الحلى من "فوشون"...

ترى ما بعد العتب و الاعتذار اي داعي
للزعل والقطيعه...
لكن على اي حال..كل انسان حر في
اختياره...

عن نفسي..يشهد الله اني ما احب ابات..
و اظن ان في حد علي زعلااان..

و اللي يبي الحق..ينشد عن طبعي..
في هالصفحه...الاخ/ريان..
و في غير هالاستراحه...الاخ/OTOsan

و السلااااام حسن الختام...

انشوفكم في نقاشات الجوله الجايه...
ان كان حد منكم...بيقتح للحوار صفحه و بيجهّز المكاااان

الزقرت

19-03-2009, 09:03 AM

اخي الريان في اسماء ماينفع معاهم الا انا نحشم نفسنا عنهم

مايستحقون الحشيمه

لانهم مجرد اسماء رجاليه ماتلبس لشماغ الا خلف الكمبيوتر ولا الاب توب

والله بالذمه قطري يقول يا"" ست "هذي من جهور المريخ والهلال في دوله البشير

اخر رد في موضوع يكتبه صاحب الموضوع

اوبس:):):)

هذا اللي قاصر.وحده اسمها مايونيز واتكلم عن المراجل وتقيم الرجاجيل
اقول:حاسبي عالكلام اللي تكتبينه