تمنيت لو كانت المواقف بفلوووس

[ولد البدر]

ربما تكون هذه الأمنية غريبة نوعا ما ، شيء نحصل عليه بالمجان ونتمنى أن يكون بمقابل ! لكن من يذهب إلى السوق ويرى هذا الازدحام والكم الهائل من السيارات والاختناقات المرورية هناك والسيارات التي تقف بالساعات ولا تتزحزح يتمنى كما تمنيت 0
فلو ذهبت إلى السوق ولو في ساعة متأخرة من الليل قليلا التاسعة أو العاشرة لا تجد مكانا لكثرة السيارات فإذا رأيت سيارة تريد أن ترجع للخلف وتريد أن تقف مكانها فإن صاحبها يذلك ذل فلا يخرج حتى يشغل الراديو أو يشعل السيجارة أو يتعمد التأخير وطابور من السيارات خلفك خاصة عندما يسمع ( الهرن ) فإنه يزداد تعنتاً وكأن الموقف في بيته 0
فلو كانت المواقف وخاصة بالأسواق بفلوس لحلت الأزمة لأن الكثيرين وخاصة غير القطريين يبخلون بدفع مبلغ مقابل الوقوف ، وإذا وقفوا فإنهم سرعان ما يخرجون خوفا من زيادة المبلغ أو المخالفة المرورية ، ودولتنا الحبيبة هي من أرخص البلدان التي تأخذ رسوما على المواقف فمعظم المواقف الموجودة إما بالمجان كمواقف مستشفى حمد متعدد الطوابق أو أسعار رمزية ( بريال للساعة ) كموقف سوق النجادة 0 نتمنى من إدارة المرور أن تجد حلاً لهذه المعضلة ألا يكفينا الازدحام الغير مسبوق حتى نصل إلى السوق بشق الأنفس فعندما نصل إليه تبدأ ماساة الحصول على موقف ، ومتى ؟ عندما يرتفع الضغط والسكر إلى أعلى مستوياتهم 0:anger1:

[قناص الاسهم]

ربما تكون هذه الأمنية غريبة نوعا ما ، شيء نحصل عليه بالمجان ونتمنى أن يكون بمقابل ! لكن من يذهب إلى السوق ويرى هذا الازدحام والكم الهائل من السيارات والاختناقات المرورية هناك والسيارات التي تقف بالساعات ولا تتزحزح يتمنى كما تمنيت 0
فلو ذهبت إلى السوق ولو في ساعة متأخرة من الليل قليلا التاسعة أو العاشرة لا تجد مكانا لكثرة السيارات فإذا رأيت سيارة تريد أن ترجع للخلف وتريد أن تقف مكانها فإن صاحبها يذلك ذل فلا يخرج حتى يشغل الراديو أو يشعل السيجارة أو يتعمد التأخير وطابور من السيارات خلفك خاصة عندما يسمع ( الهرن ) فإنه يزداد تعنتاً وكأن الموقف في بيته 0
فلو كانت المواقف وخاصة بالأسواق بفلوس لحلت الأزمة لأن الكثيرين وخاصة غير القطريين يبخلون بدفع مبلغ مقابل الوقوف ، وإذا وقفوا فإنهم سرعان ما يخرجون خوفا من زيادة المبلغ أو المخالفة المرورية ، ودولتنا الحبيبة هي من أرخص البلدان التي تأخذ رسوما على المواقف فمعظم المواقف الموجودة إما بالمجان كمواقف مستشفى حمد متعدد الطوابق أو أسعار رمزية ( بريال للساعة ) كموقف سوق النجادة 0 نتمنى من إدارة المرور أن تجد حلاً لهذه المعضلة ألا يكفينا الازدحام الغير مسبوق حتى نصل إلى السوق بشق الأنفس فعندما نصل إليه تبدأ ماساة الحصول على موقف ، ومتى ؟ عندما يرتفع الضغط والسكر إلى أعلى مستوياتهم 0:anger1:

والله يالغالي انا توني راد من احد الاسواق .. وفعلا كانت زحمة تجيب المرض .. وعلى بال ما تلقى الموقف بيكون راعي المحل سكر وراح بيته .
الله يكون بالعون

[ANONYMOUS]

انا اشهد انك صادق..

يارب يحطون فلوس ع المواقف

[قطريه ماركه]

من يوم اطلع وانا يارب احصل موقف يارب أحصل موقف ليييييين أوصل السوق *__*

[ANONYMOUS]

وبالمره ياريت يطبقون نظام سالك على الكورنيش..

[Bu Rashid]

صدقت أخي ...

أتمنى جميع المواقف في دولة قطر بفلووووووووس ......

[حنان الدنيا]

........ :)

[خشوف]

اي والله ياليت المواقف ب50 ريال وخاصه ىسوق واقف والستي سنتر

[اِقطري]

لاحول انتوا اتخلون البعض بعدين يغني ويفتح موضوع وينتقد الحكومة خلونا شذي احسن

[المفكــر]

ياريت بس في اماكن محددة تسلم على الفكرة

[المفكــر]

ياريت بس في اماكن محددة تسلم على الفكرة

[ANONYMOUS]

اي والله ياليت المواقف ب50 ريال وخاصه ىسوق واقف والستي سنتر

عسى ماشر 50 ريال..

توو متش..

3 ريال كفيله تنثرهم بعيد عن السوق

[الأغر]

والله عجيبين على طروحاتكم واخر شي بتشتكون ... وسالك على الكرنيش قويه شوي .. نسال الله العفو والعافيه

[بنت المنتدى]

والله ما ينعرف لكم ..

اوقات كله تتشكون لو زادوا نص ريال واوقات تتمنون المواقف بفلوس ...!!!

صج ارضاء الناس غايه لاتدرك !!

[أحلى وسيطه]

وأحنا ناقصين بعد... ترى السالفه مراح توقف على مواقف لو انفتح مجال للرسوم


الله يهديكم

[بو الجوري]

والله ما ينعرف لكم ..

اوقات كله تتشكون لو زادوا نص ريال واوقات تتمنون المواقف بفلوس ...!!!

صج ارضاء الناس غايه لاتدرك !!

هلا :)

إي والله صدقتي ..

بس يعني حالك حال الاجنبي فالمواقف .. والا هذي فيها بعد أولويه :eek5:
وترى أخوي في قطريين هم اللي يعاندون اذا شافوك تنطر .. تلاقيه يكشخ ويعدل غترته ويولع زقارته
ويختار قناه فالراديو .. :anger1: ياخي اطلع وعقب صف عاليمين وسو هالاشياء :anger1:

تقبل مروري وتعليقي

[همر]

نعم لمواقف بفلوس :anger1:

يعني عاجبكم منظر لدريوليه اللي ياخذون كل المواقف قريب الباب

"في المجمعات" ويا راقد في السياره يا نازل يقرقر هو وربعه

وانت اتم تحوس تحوس تدور موقف ولا في فايده !

لا واخرتها مسوين بزنس ... يعطيك الباركنج بفلوس !

لو كانت مواقف المجمعات بفلوس ؟!!

تلاقي لدريول قاط لمعزبه عند الباب والشرده من فوق لي فوق

والمشكله عنده جوال وتقدر لمعزبه تقوله اذلف خذ لك لفه

ولي طلعت بادق لك !! لكن لااااااااااااااا


تلاقي لمعزبه تقوله صف احذا الباب واياني واياك تباعد

عشان متى ما حضرتها تعبت من اللف والدوران

تنزل تلاقي سيارتها جاهزه :anger1:

والمصيبه انها تتصل له وهو احذا الباب ....

تعال طلع السياره ووقف لي عند الباب حكم ... شوفوني !!!

نعم والف نعم لمواقف بفلوس

على الاقل %25 من المواقف في المجمعات والاسواق

يسلمونها شركه ويسوون Vallet Parking مثل اللاندمارك

وسلامتكم :shy:

[eXpert*]

وبالمره ياريت يطبقون نظام سالك على الكورنيش..


سالك يا ريت يطبقونه في شارع النصر ، وفي اللاند مارك

[nnoodd]

ياريت بس في اماكن محددة
تسلم على الفكرة

[الرايــق]

بعض الناس الله يهديهم يصف السيارة في باركنج عام ويتركها لفترة ث ليست بالقصيرة ..

اذكر مرة واحد كان واقف لمدة شهر كامل على موقف بشارع رئيسي ...

يكون بيته باخر الشارع ويجيك ويصف سيارته قدام محل معين وبذلك ياثر على المحل والزبائن عموما ..بحجة ان الاخ عنده ثلاث سيارات و العمارة اللي فيها الشقة ما تتسع الا لباركنج سيارة واحد فقط !!

===========================================

اما اللي يتاخر في الخروج من الموقف وبقصد فأعتفد انها مسالة تدخل فيها قلة الادب ..
والله اذا صادف اكون طالع من موقف مجمع تجاري واشوف واحد ينطرني استعجل واطلع بسرعة علشان ما تتكدس السيارات بالخلف ..

[بنت المنتدى]

هلا :)

إي والله صدقتي ..

بس يعني حالك حال الاجنبي فالمواقف .. والا هذي فيها بعد أولويه :eek5:
وترى أخوي في قطريين هم اللي يعاندون اذا شافوك تنطر .. تلاقيه يكشخ ويعدل غترته ويولع زقارته
ويختار قناه فالراديو .. :anger1: ياخي اطلع وعقب صف عاليمين وسو هالاشياء :anger1:

تقبل مروري وتعليقي




سبحان الله نفس هالموقف صار لي في الستي ..

ركب سيارته .. ساعه لين يحط ريوله ع الدواسه .. وساعه لين يعدل قعدته .. وساعه لين يسحب الغتره لانه بالغلط قعد عليها وساعه لين يسكر الباب < انا حطيته في الـN ورديت السيت ع الاخر وقاعده اشوف اخرتها معاه وسكت مانطقت بحرف .. المهم وقام ورتب شعره ودخل قذلته من تحت القحفيه وانا ساكته واشوف وغير السيديات وانا ساكته واللهم لك الحمد والشكر بعد 50000000 ساعه استوعب ان في كائن بشري ينتظر الموقف وطلع وهو يشوفني قلت له لا الشيخ والله العظيم رد في الباركينق وتطيب لانك نسيت اقولك تفشل من قلب وتم يتعذر ...!!!

هالناس غريبه والله العظيم يوم اشوف ان فيه احد يبي الموقف ع طول ادق سلف واطلع بسرررررعه ولو ابي اضبط اي شي بعد ما اطلع اضبط اللي ابيه :anger1:

[بو الجوري]

يوم اشوف ان فيه احد يبي الموقف ع طول ادق سلف واطلع بسرررررعه ولو ابي اضبط اي شي بعد ما اطلع اضبط اللي ابيه :anger1:

المفروض .. بس وين اللي يفهمووون ؟ crazy

[بلاهويـــــة]

أنا ضد هالفكرة

أنا مع عمل مواقف جديدة تكون تحت الأرض

[بوخالد911]

هلا

السبت الفايت ؛ رحت مع العيال عند الدلة ع الكورنيش
وعيزت أدور موقف فاضي ولا حصلت


وحتى المواقف اللي ورى من صوب الألعاب ؛ كلها فل مليانة

وقمت وخذيت لي لفة ورجعت مرة ثانية
وبعد ولا حصلت موووقف !!!

:anger1::anger1::anger1:

مسيوو/ بوخالد911

[OTOsan]

احد الاعضاء كتب قبل فترة .. يشتكي من ( الدريولية) الذين يبيعون مواقفهم للسائقين الآخرين بعشرة ريالات .. واتذكر ان الكل اعترض على هذه الحركة ..

واتذكر كذلك ان مواقف الvip كان لها كذلك من المعارضين باعتبارها استغلالا.. الا ان البعض الان اصبح يطالب بما كان يعتبر من ( الاستغلال ) :)

يعني في خلاصة الامر .. انا مستغرب !!

[الخارجية]

البدر موضوعك حلو

[PoBox]

احد الاعضاء كتب قبل فترة .. يشتكي من ( الدريولية) الذين يبيعون مواقفهم للسائقين الآخرين بعشرة ريالات .. واتذكر ان الكل اعترض على هذه الحركة ..

واتذكر كذلك ان مواقف الvip كان لها كذلك من المعارضين باعتبارها استغلالا.. الا ان البعض الان اصبح يطالب بما كان يعتبر من ( الاستغلال ) :)

يعني في خلاصة الامر .. انا مستغرب !!


*
*

وفرت علي الرد مستر اوتو
لكن بعد برد نحاسة ههههه


نفترح وعقب نبكي ونتباكى ونتهم الكل بالاستغلال

بدل ما نطالب الدولة بفرض رسوم على المواقف :omen2:


ليش ما مانطالبها بتوفير شوارع سالكة
وجبر صاحب المجمع بتوفير مواقف اكثر قبل البناء بدل ان ياكل المواقف ويدخلها بالمجمع
او مواقف متعددة الطوابق صوب الابراج

احيانا فعلا ماتستاهلون الواحد يتعاطف معاكم خالص :p

فترة تركبت العدادت
ومن الفجع ( من مفجوع ) اللي فيهم
ركبوها حتى على مواقف المساجد !!:rolleyes2:

لكنهم ازالوها جميعها بأوامر عليا :telephone:

[بنت المنتدى]

أنا ضد هالفكرة

أنا مع عمل مواقف جديدة تكون تحت الأرض



فكره حلوه :nice:

[halcrow]

انا اقول خل كل واحد رياله في مخباته ويصرفه في شي ثاني ابرك له

و في حل ثاني

المترو افضل اذا خلص لا بترول ولا خساير

دورت لكم على مترو قطر ما لقيته

لكن مترو موسكو يفي بالغرض

http://www.metro.spb.ru/data/img/map1.gif

[biz-qtr]

هلا :)

إي والله صدقتي ..

بس يعني حالك حال الاجنبي فالمواقف .. والا هذي فيها بعد أولويه :eek5:
وترى أخوي في قطريين هم اللي يعاندون اذا شافوك تنطر .. تلاقيه يكشخ ويعدل غترته ويولع زقارته
ويختار قناه فالراديو .. :anger1: ياخي اطلع وعقب صف عاليمين وسو هالاشياء :anger1:

تقبل مروري وتعليقي

اخوي هالحركات اذا سواها السايق ان دل دل ع اخلاقه التجاريه

ومب كل اصابع ايدك سوا يالغالي

انا ضد المواقف بفلوس لان بيصير فيها معاند زياده بكره لو بيطلع بيقول خل ينطر شاسوي له انا دافع فلوس مب ببلاش صاف

الحين ع الاقل تنطر وياشر لك اذا بيطلع او لا بكره حتي الهندي والبندي بيتعنطز عليك


الخلاصه انا ضد ضد ضد

[حقيقه]

الصراحه لازم يطبقون هالفكره على الاقل في بعض الاماكن في المواقف مب كلها
انا اكره اطلع والسبب انه اخاف ماحصل موقف وساعات يوم افقد الامل اشوي واصيح :(

المواقف صارت شيء نادر

واخس مواقف هي مواقف المستشفى اذا عندي موعد في مستشفى حمد ماحصل مواقف فيها اوقف في الولاده واروح مشي :( مب تعب مب ظلم هاللي يصير :(

ولازم الشخص يطلع قبل موعده بساعتين ساعه للطريق وساعه للمواقف :(:anger1:

[شيزكيك]

انا مع المواقف تكون بفلوس نروح سوق الجبر نطلع من القوايل وكله خوف ان احنا مانحصل

اليمعه انسوا تحصلون مواقف في الستي



مع المواقف بفلوس قلبا وقالبا

روحوا مواقف كارفور اللاند في سياره حتره ومغبره صار لها فتره موقفه هناك

واقول يمكن راعيها مسافر وخاف عليها ووداها هناك موقف بلوشي من يعاف

[ولد البدر]

البدر موضوعك حلو
احتلت دنياك يالطيب ، بارك الله فيك وفي جميع الإخوان الذين قرأوا الموضوع أو ردوا عليه

[ولد البدر]

والله ما ينعرف لكم ..

اوقات كله تتشكون لو زادوا نص ريال واوقات تتمنون المواقف بفلوس ...!!!

صج ارضاء الناس غايه لاتدرك !!

هههههههههه لين الحين موضوع النص ما نسيتوه