انت متوقف عن العمل حتى اشعار اخر !!!

[armani**]

السلام عليكم ..

اخباركم ..

ان موظف من سنه و نص و اناا انسان مجتهد و مثابر في العمل و انا موظف في احدى الدوائر الحكوميه .

و اجتهادي و مثابرتي في العمل بشهاده مسؤولي في الدوام و زملائي .

و لكن حدثت لي مشكله مع احد الموظفين في العمل من اربع شهور ازعجتني وسببت لي مشاكل ...

المهم .......

30 - 12- 2008 رأيت ان اخذ اجازه مده 21 ..
و بعد عودتي للوظيفه طلب مسؤولي القدوم الى مكتبه و قال التالي ..
فلان انته متوقف عن العمل حتى اشعار اخر . و اذا عندك احد خله يكلم المدير لك ,,
(((( المسؤول قصده اذا عندك (( واسطه )) ))))
انا هنا تفاجأت .. في ذيك الحزه انربط الساني ما قدرت اكلمه و كانت اعصاابه جدا بارده
ما تحملت خفت اني اذبحه و طلعت من المكتب بعد ان سألته .
هل هذا التوقف بسبب خلافي مع زميلي في العمل ؟؟
فكان يلف ويدور و ما يعرف شنو يقول كلامه ابد ما كان واضع و متناقظ . اخر شي قال انا عندي اجتماع تعال في وقت ثاني .
ربعي في الدوام انصدموا .. ما توقعوا اللي صار كلهم قالوا هاذي حركه خسيسه ,
كلهم قالوا لي انته مجموعك في الثانويه 83 % و عمرك صغير و شاطر الوزاره محتاجه اللي مثل طاقاتك .
و بعدها بأسبوع واحد من الموظفين بس ما اعرفه وايد , توقف ايضا عن العمل مع انه جدا مجتهد و فعال في قسمه .
وهالايام صاروا يوقفون ناس عن العمل سمعت عنهم يعني مو بس انا ..!!




اللي ابي اعرفه شنو حالي شنو حقوقي شسوي حاس اني في كابوس ما صحيت منه
و انا خايف من الهدوء اللي عايش في خايف انفجر و اسوي شي يضر مستقبلي ..

الشاب اللي معاي قط اوراقه و مشي و سمعت انه توظف في مؤسسه كبيره و راتب فلكي
لانه عنده خبره اكثر مني ..

يا ناس انا حاس اني وحيد في الدنيا محد راضي يساعدني و لا يلتفت لي حاس اني وجودي في الدنيا غلط ..

ما ادري هل انا ظالم وله مظلوم ..

شلون لو انا متجنس او اجنبي شنو راح يكون حالي ..

حاس لني كاره الدنيا ..

بس تدرون ما اقول الا لا (( استغفر الله العظيم ))
ولا حول ولا قوه الا بالله .
ولا حول ولا قوه الا بالله .
ولا حول ولا قوه الا بالله .
ولا حول ولا قوه الا بالله .
ولا حول ولا قوه الا بالله .
ولا حول ولا قوه الا بالله .








!!!!!!!!!!!!!!!!!!!!!!!!!!

[hich]

أخوي هناك أكثر من حل :

1- حاول أنك تبعث بكتاب رسمي عبر مسؤولك الى مدير الاداره او ال وكيل الوزاره او الى الوزير حسب التسلسل الأداري
2- روح وزارة العمل ادارة العمل و أشرح لهم الوضع كامل وخلهم يذكرون لك الخيارات والطرق او يخاطبون وزارتك وذالك حسب التسلسل الأداري حتى وزير العمل
3- اذا لم يتم النظر في شكواك أتصل على وطني الحبيب صباح الخير وأذكر مشكلتك بالكامل.
4- في حال ان الموضوع زاد عن حده ولم يتم حل مشكلتك أطلب مقابله سموا ولي العهد وأشرح له الموضوع بالكامل ويكون وياك كتاب تشرح فيه مشكلتك وماذا تريد

وقبل كل شيء أكثر من الدعاء والأستغفار فبهما تفتح لك أبواب السماء وأبواب الرزق

[ABDALAZiZ]

الله يعينــك ..

مالك الا انك تدعي ربك .. وان شاء الله ربي يفرجها عليـــك ..

رددهم أكثــر من مــــررره
لا إله إلا الله العظيم الحليم , لا إله إلا الله رب العرش العظيم , لا إله إلا الله رب السموات و رب الأرض و رب العرش العظيم.

يا حى يا قيوم برحمتك أستغيث فأصلح لى شأنى كله و لا تكلنى إلى نفسى طرفة عين و لا أقل من هذا يا أرحم الراحمين , لا إله إلا أنت .

لا إله إلا أنت سبحانك إنى كنت من الظالمين .

اللهم إنى عبدك و ابن عبدك و ابن أمتك , ناصيتى بيدك , ماضٍ فى حكمك , عدلٌ فى قضائك . أسألك بكل اسمٍ هو لك سميت به نفسك , أو أنزلته فى كتابك , أو علمته أحداً من خلقك أو استأثرت به فى علم الغيب عندك , أن تجعل القرآن ربيع قلبى , و نور بصرى , و جلاء حزنى , و ذهاب همى .

حسبى الله لا إله إلا هو عليه توكلت و هو رب العرش العظيم .

اللهم احرسنى بعينيك التى لا تنام , و اكفنى بركنك الذى لا يرام و احفظنى بعزك الذى لا يُضام , و اكلأنى فى الليل و فى النهار , و ارحمنى بقدرتك على ّ, أنت ثقتى و رجائى يا كاشف الهم , يا مُفرج الكرب يا مُجيب دعوة المُضطرين .

ربى إنى مسنى الضُر و أنت أرحم الراحمين .

رب احكم بالحق و ربنا الرحمن المُستعان على ما تصفون .



أسأل الله أن ينفع بها قارئها ..

[دانـة قطـر]

الله يكون بعونك أخوي

وتحمل تتهور وتسوي شي يضر مستقبلك

يعني ردوك للوظيفه كان بها ما ردوك بتلقى اللي أحسن منها

اصبر وشوف لك واسطه أو دور لك على شغل لين تشوف نهاية التوقيف

وعسى أن تكرهوا شيئاً وهو خيراً لكم

[اِقطري]

السلام عليكم ..

اخباركم ..

ان موظف من سنه و نص و اناا انسان مجتهد و مثابر في العمل و انا موظف في احدى الدوائر الحكوميه .

و اجتهادي و مثابرتي في العمل بشهاده مسؤولي في الدوام و زملائي .

و لكن حدثت لي مشكله مع احد الموظفين في العمل من اربع شهور ازعجتني وسببت لي مشاكل ...

المهم .......

30 - 12- 2008 رأيت ان اخذ اجازه مده 21 ..
و بعد عودتي للوظيفه طلب مسؤولي القدوم الى مكتبه و قال التالي ..
فلان انته متوقف عن العمل حتى اشعار اخر . و اذا عندك احد خله يكلم المدير لك ,,
(((( المسؤول قصده اذا عندك (( واسطه )) ))))
انا هنا تفاجأت .. في ذيك الحزه انربط الساني ما قدرت اكلمه و كانت اعصاابه جدا بارده
ما تحملت خفت اني اذبحه و طلعت من المكتب بعد ان سألته .
هل هذا التوقف بسبب خلافي مع زميلي في العمل ؟؟
فكان يلف ويدور و ما يعرف شنو يقول كلامه ابد ما كان واضع و متناقظ . اخر شي قال انا عندي اجتماع تعال في وقت ثاني .
ربعي في الدوام انصدموا .. ما توقعوا اللي صار كلهم قالوا هاذي حركه خسيسه ,
كلهم قالوا لي انته مجموعك في الثانويه 83 % و عمرك صغير و شاطر الوزاره محتاجه اللي مثل طاقاتك .
و بعدها بأسبوع واحد من الموظفين بس ما اعرفه وايد , توقف ايضا عن العمل مع انه جدا مجتهد و فعال في قسمه .
وهالايام صاروا يوقفون ناس عن العمل سمعت عنهم يعني مو بس انا ..!!




اللي ابي اعرفه شنو حالي شنو حقوقي شسوي حاس اني في كابوس ما صحيت منه
و انا خايف من الهدوء اللي عايش في خايف انفجر و اسوي شي يضر مستقبلي ..

الشاب اللي معاي قط اوراقه و مشي و سمعت انه توظف في مؤسسه كبيره و راتب فلكي
لانه عنده خبره اكثر مني ..

يا ناس انا حاس اني وحيد في الدنيا محد راضي يساعدني و لا يلتفت لي حاس اني وجودي في الدنيا غلط ..

ما ادري هل انا ظالم وله مظلوم ..

شلون لو انا متجنس او اجنبي شنو راح يكون حالي ..

حاس لني كاره الدنيا ..

بس تدرون ما اقول الا لا (( استغفر الله العظيم ))
ولا حول ولا قوه الا بالله .
ولا حول ولا قوه الا بالله .
ولا حول ولا قوه الا بالله .
ولا حول ولا قوه الا بالله .
ولا حول ولا قوه الا بالله .
ولا حول ولا قوه الا بالله .







!!!!!!!!!!!!!!!!!!!!!!!!!!

لاحول ولاقوة الابالله اخوي اكيد في شي انت ماتدري عنه من غير سبب صعبة اشوي

الله يكون في عونك وترد لشغلك باسرع وقت ومع اعتذار منهم ان شاءالله

[بـن عدوان]

الشيخ انت شلون ساكت اذا انت مظلوم ؟؟

روح وراجع للمدير العام

[armani**]

عزيزي hich
اخي عبد العزيز
اختي دانه قطر
و اخوي اقطري .
مشكورين اخواني كلامكم هذا ساندني جدا , ما تتصورون شلون .
انا حاولت , كلمت المسؤولين قالوا مافي بيدنا شي .
في لحضه حسيت في نضراتهم كأنهم يقولون ((ترجى )) و انا اساعدك ..
انا اقص الساني قبل لا اترجى حد ..
ولما كتبت كتاب للمدير و عطيته احد المسؤولين صار يطالع الضرف و كأنه ولا شي و اخذ يقلب فيه ويتبسمون
و يقولي هو زميلته في الدوام يصير خير يصير خير .. وبدوا يتبسمون بخبث .
انا صرت اشك في عمري اكيد انا مسوي شي و انا راقد صرت اهلوس و اسأل ربعي بالدوم ..
و اللي اشوفه نظرات الاستغراب و التعجب في حالي من قبل زملائي . وصاروا يخافون على نفسهم ..
و كل واحد صار يزهب لنفسه وظيفه في مكان ثاني . خايفين يصير فيهم مثل ما صار فيني .
لان هم صارت لهم مشاكل صغيره في الدوام مثل سوء فهم او غيره..
و بعض الايام اروح اراجعهم .. يطالعوني الموظفين و يتسائلون (( شله جاي , وش عنده , شنو بعد )) .

[hich]

أخوي هناك أكثر من حل :

1- حاول أنك تبعث بكتاب رسمي عبر مسؤولك الى مدير الاداره او ال وكيل الوزاره او الى الوزير حسب التسلسل الأداري
2- روح وزارة العمل ادارة العمل و أشرح لهم الوضع كامل وخلهم يذكرون لك الخيارات والطرق او يخاطبون وزارتك وذالك حسب التسلسل الأداري حتى وزير العمل
3- اذا لم يتم النظر في شكواك أتصل على وطني الحبيب صباح الخير وأذكر مشكلتك بالكامل.
4- في حال ان الموضوع زاد عن حده ولم يتم حل مشكلتك أطلب مقابله سموا ولي العهد وأشرح له الموضوع بالكامل ويكون وياك كتاب تشرح فيه مشكلتك وماذا تريدوقبل كل شيء أكثر من الدعاء والأستغفار فبهما تفتح لك أبواب السماء وأبواب الرزق

رقم 2-3-4

[Sharshooooor]

اخوي مايصير يقولك موقوف عن العمل بدون كتاب رسمي
هل بعث لك كتاب رسمي؟
هل سبق لك ان انذرت بكتاب وانحط في ملفك؟

لاتسكت عن الموضوع وعيال الحلال وايد بيدلونك على الطرق الصح عشان تاخذ حقك

[الأغر]

اخوي مايصير يقولك موقوف عن العمل بدون كتاب رسمي
هل بعث لك كتاب رسمي؟
هل سبق لك ان انذرت بكتاب وانحط في ملفك؟

لاتسكت عن الموضوع وعيال الحلال وايد بيدلونك على الطرق الصح عشان تاخذ حقك


كلام الاخ الفاضل صحيح .... وللأسف من الملاحظ ان القطري الناجح ما يبونه ويحاولون يقلقصونه اذا صح التعبير

[جوال 11]

أطرق كل باب اذا أنت صاحب حق ولك الأجر في ذلك ولا تبحث عن الواسطة وستجد من ينصفك .

[أحلى وسيطه]

الله يعينك أخوي ارماني ويفتحها بويهك


بس خلك بقوتك ولاتشك بنفسك إذا أنت ماسويت شي خل ثقتك بنفسك عاليه علشان تقدر توصل للحلول السليمه اللي تطلع لك حق بإذن الله


وقدم في اماكن ثانيه لاتتعطل عليهم والله يوفقك ويسخرلك عباده اخوي

[بلاهويـــــة]

لا حول ولا قوة الا بالله

[book 1]

الله يعينك اخوي لا تسكت ليش ما تستشير محامي

وتعطيهم على اذانيهم

[الخارجية]

حاس اني وجودي في الدنيا غلط .. ما ادري هل انا ظالم وله مظلوم .. استغفر ربك على هذا الكلام الموضوع عادي مافي مشكلة الا اذا انت مسويها مشكلة والموضوع بسيط جداً راجع مديرك وقعد معاها وموضوعك خالص وين شغال اذا أنا اعرف احد بساعدك انت أخوي ولا يهمك

[armani**]

الف شكر اخوى لأنكم وقفتم في محنتي الصعبه ..
والله هذا انا قاعد اراجع في المشكله صار لي شهرين ونص
و بخصوص اخ sharshor لا والله لا كتاب وهم يحزنون و بخصوص المشكله
اي والله اخوي كانت عندي مشكله مع زميل معاي
حااااول بشتى الطرق انه يكبر السالفه بس ربك كبير ..
بس ما انكر ان ما عندي انذار .
بس بعد الاجازه 25 -1 -2009 طرش على مسؤول بس مب مسؤلي و قال لي
اني متوقف مع انهم يعرفوني و دايما يشجعوني و انا أكن لجميع المسؤولين كل احترام و تقدير ..
و دايما يقولون لي اني ذكي و مجتهد ..
بس يقولون كلام ويلفون و يدورون على احداث عاااديه جدا
تحدث لأي انسان في حياته العمليه و العاديه يعني يتكلمون عن اسلوبي و شخصيتي ويلف و يدور في نفس الموضوع .
و بخصوص الاخت جزاها الله خير اللي قالت ادور على وظيفه ثانيه ,,
انا صعب القى و ظيفه ثانيه و اتدرب و اتثبت و ادرس و حالتي تصير حاله ابي ارجع لوظيفتي احب المكان احب زملائي
و مرتاح في الدوام و الراتب و المميزات حلوه ..

[armani**]

اخ جوال 11 ويني ووين الواسطه انا ربع واسطه ما عندي .. ربك هو واسطتي ..

book اخوي انا خليت المحامي اخر شي اخر حل و انشاالله ما توصل لهدرجه .

اخ خارجيه الف شكر يا اخي العزيز و جزاك الله خير مثل ما قلت اخي انا مب ساكت
هم قاعدين يجوفوني لين وين يوصل صبري .. و الف شكر يا عزيزي

[الجني]

اخي الفاضل

اذهب الى ادارة العمل و و تظلم

تراهم يأخذون هذه المواضيع على محمل الجد

و بينادون المدير و بيسألونه و لا زم يجاوب

ما يقدر يلف و يدور معاهم

و صدقني اول يجيهم خطاب كتاب ادارة العمل

بينادونك و بيتوددون لك تحمل تعلق او تتطنز (لأنهم بيوسكونها عليك)

خلك هاديء و قول "انا ابي ارجع حق وظيفتي" و بس

[الـقـاسـي]

اخي الفاضل

اذهب الى ادارة العمل و و تظلم

تراهم يأخذون هذه المواضيع على محمل الجد

و بينادون المدير و بيسألونه و لا زم يجاوب

ما يقدر يلف و يدور معاهم

و صدقني اول يجيهم خطاب كتاب ادارة العمل

بينادونك و بيتوددون لك تحمل تعلق او تتطنز (لأنهم بيوسكونها عليك)

خلك هاديء و قول "انا ابي ارجع حق وظيفتي" و بس


صحيح كلامك يالجني
اخوي ارماني لاتسكت عن حقك والسالفه مايبي لها محامي
اهم شي ماتهاون في حقك

[armani**]

جزاكم الله الف خير اخواني و خواتي الاعضاء
و مشكورين على تعاونكم معاي اللي ماراح انساه ما حييت
والحين ابي اروح .. يالله الف سلام

و قبل لا اروح اتمنى من المشرف انه يسكر الموضوع لاني اتعب نفسيا لما اشوفه .

مع الف سلامه .

[Empress_QTR]

كان الله بعونك اخي الفاضل

اولا يجب ان تذهب الى مقر عملك وتطالب بكتاب رسمي يفيد قرار ايقافك عن العمل

والا فان من حق المدير ان ينكر هذا الاجراء مستقبلا ان تقدمت بأية شكوى

فان رفض اعطاؤك اياها اذهب الى العمل يوميا وكأنك لم تسمع ماامرك به

فهذا حقك ويجب ان لا تتنازل عنه


وثانياً اذهب الى وزارة العمل كما ذكر الاخ الجني وتظلم لديهم ولو كان تظلمك

مسنوداً بالكتاب الرسمي المذكور اعلاه سيكون موفقك اقوى وان استطعت

الاستشهاد بالموظف الاخر يكون افضل كذلك

وبالتوفيق ان شاء الله ولا انصحك بان تسكت عن حقك

فما حدث معك ربما يحدث ويتكرر مع الغير

[مخاوي اليل]

اخوي امرك غريب والله ... يوم قال لك موقف عن لعمل شلون سكت وماعرفت السالفه
يا اخي من حقك تعرف انت شمسوي وما فيه انسان ما يغلط ... بس لي درجة انك تتوقف عن العمل هذي قويه.. السبب اكيد قوي ...وانت شعليك منه المفروض اداوم وتخلي الامر طبيعي دام ماجاك كتاب رسمي عن توقيفك عن العمل وذا قال لك شي ليش مداوم قوله لين الحين ماجاني كتاب رسمي عن توقيفي من الدوام..انت الحين ماعندك شي تستدند عليه الا انك اتروح وطلع سبب توقيفك عن العمل وطلع دليل " كتاب " رسمي لتوقيفك عن العمل من تاريخ الفلاني علشان عقبها تعرف السبب من وزارة العمل واذا بتم قاعد ماراح تاخذ لاحق ولاباطل والحق يبله السان ونفس طويل ولا تم قاعد وانا اخوك واذا ما فيه سبب بركه يمكن ربي رايد للك الخير في مكان ثاني وبعدين لاتخاف ربك الرزاق بس وسع صدرك وروح طالب بحقك دامك متأكد ماغلطت بشي يمكن حد دبس فيك سالفه وانت ما تدري... وسع خاطرك وخل الامر بسيط عندك ودنيا قدامك ياما بتشوف فيها بس خل عندك اراده وحط في بالك ان الآرزاق بيد ربك وعسى ان تحبوا شى وهو شراً لكم وعسى ان تكرهوا شئ وهو خير لكم

[فقط قطر]

لابد ان يكون اخطارك بالتوقف عن العمل بكتاب رسمي صادر من الجهة المختصة...
غيابك 21 يوم...( الاجازة ) لابد ان تكون تقدمت بطلب رسمي للاجازة...وتمت الموافقة على الاجازة...والا سوف تكون السبب في توقيفك عن العمل..
استشر محامي مختص في القانون الاداري...
والله يوفقك....

[armani**]

ابدا ما كان فيه اي مشكله هاذي اول اجازه لي ووافقوا عليها بدون اي مشاكل ..

لو سمحتوا يا مــــــشـــــــــــــــــرفـــــــــــيـــــــــــ ـــــن ممكن تسكرون الموضوع لو سمحتوا ترى طلبت هالشي اكثر من مره و جزاكم الله الف خير .

[شعشوع]

كلام الاخ الفاضل صحيح .... وللأسف من الملاحظ ان القطري الناجح ما يبونه ويحاولون يقلقصونه اذا صح التعبير

صـــادق .. ولافض فاك ..

وهذا الي أعاني منه في دوامي .. والحمد لله على كل حال ..

أخي الغالي .. كلمتين لك :


ربــــك ماقسم الرزق بمكان واحـد ..

موفق خيـــر ..