المساعد الشخصي الرقمي

مشاهدة النسخة كاملة : ضروري ومستعجل ..احسن انواع مكيفات السبلت يونت؟



r07
18-03-2009, 10:39 AM
بغيت اعرف احسن انواع مكيفات السبلت يونت عن تجربه لو سمحتو....او اذا في نوع ما تنصحوني به.......جزاكم الله خير

سوق واقف
18-03-2009, 10:50 AM
Lg ممتاز الصراحه أو جنرال

أستعملت السامسونغ تعبان والسوني أخس

مالك أمل
18-03-2009, 10:53 AM
عليك بالجنرال اللي وكيل أسد العمادي عن تجربة

وليس جنرال إليكترك

بنت سعادة السفير
18-03-2009, 10:58 AM
جنرال وتوكل على الله

r07
18-03-2009, 11:02 AM
Lg ممتاز الصراحه أو جنرال

أستعملت السامسونغ تعبان والسوني أخس

تقصد جنرال شركة الريس؟

r07
18-03-2009, 11:06 AM
طيب احد سمع بماركة Ghree مكيف وفي نفس الوقت يعطي هواء دافي اذا بغيت؟

Qatariaaa
18-03-2009, 11:46 AM
جنرال أو فوجي عند الريس

سبورتيه..
18-03-2009, 12:17 PM
ما انصحك بالــlg احسن ماركة جنرال والسامسونج اوكي بعد

الزيبق
18-03-2009, 12:51 PM
شوف انا عندي جنرال من اربع اسنين وما شالله عليه اوكى بس رفيجي مركب كريرا وطبعا هذه من الشركات القديمه في هالمجال ويمدحه مقرهم برج المالكي اللي في اول شارع عبدالله بن ثاني والله ايوفقك

شموخ دائم
18-03-2009, 01:32 PM
,

,


مرحبا

كل الماركات المعروفه جيده

بس مثل مايقولون لو اشتريت للبيت كله بيطلع لك واحد من المكيفات يجننك لازم

انا استخدمت جنرال للبيت كامل من 9 سنوات والان غيرت الى باناسونيك

اخذتهم بعد ما سئلت والحمدالله اشوفهم ممتازين جدا

والسعر نفسه بين الجنرال والباناسونيك

والله يعينك على الاختيار

توكل على الله وكل الماركات العالميه جيده

اهم شي اسئل عن حجم المساحه بالغرف وكم يناسبه من الطن

ترى لها حسبه حتى تطلع الغرف بارده ان شاء الله

,

,


شموخ دائم

الســـهم
18-03-2009, 01:41 PM
جنرال أو فوجي عند الريس

عن تجربه ..

الجنرال وكيله اسد عمادي بطريق سلوى , والفوجي وكيله الريس بشارع الخليج ..

almaf1a
18-03-2009, 01:51 PM
فوجي الريس
واذا في فلوس ميتسوبيشي

Nasser J
18-03-2009, 01:54 PM
انا الصراحة أنصح بالبناسونيك .. خدمتهم بعد البيع جيدة

الصاعق الحارق
18-03-2009, 03:22 PM
ذا تبغي اصلي وارد اليابان لاصوت ولا خراب خذ مستوبيشي ولاتفكر في غيرة

البرونزي
18-03-2009, 08:35 PM
خذ الترتيب العدل عن تجربه وماراح تندم ان شاء الله
صح بتدفع في البدايه لاكن بترتاح من مشاكل الاعطال

1- ميتسوبيشي
2- جنرال ( شركة اسد عمادي )
3- فوجي

وأهم شي تسألهم ايش الحجم المناسب للمكيف بالنسبه لحجم الغرفه
مثلاً غرفه حجمها 4 في 4( طن ونص) كفايه ومن 5 في 5 لين 6 في 5( طنين )كفايه الخ ...

والله يوفقك

technical
18-03-2009, 09:59 PM
روح حق الدرويش في شارع سلوى , صج انه غالي مقارنه بغيره في السوق . لكنه يعطيك حقك لين هبت اللواهيب في الدوحه . مهب مثل ذيلاك الي تطيح بهم ركبهم لين جات القايله.

المغترب 123
18-03-2009, 10:11 PM
عليك بالجنرال اللي وكيل أسد العمادي عن تجربة

وليس جنرال إليكترك



اوافقك الراي وعن تجربة ايضا

ولد البدر
18-03-2009, 10:13 PM
المتسوبيشي دايا يقولون ممتاز ، وانا عندي جنرال ياباني سبيليت يمكن صار له 10سنوات وشغال ما يحتاي وبارد وصيانته قليلة شاريه من شارع الأصمخ أسد عمادي

المبرمج
18-03-2009, 11:00 PM
أخوي عليك بالياباني أذا عندك فلوس " مستوبيشي دايا " وكيله أتوقع التيسير وهو ياباني أصلي

وعندك مستوبيشي اليكتريك - كيوتل الي في شار ع مشيرب مركبين منها تقدر تسألهم طبعاً هالنوع تايلندي

بس مضمون . والفرق أنه تجميع تايلند .

وعندك الفوجي وجنرال .

لادور غيرهم ولاتسأل .. لابد ماتحدد حجم الطن من خلال الفني يطلع معاك قبل لاتشتري .

أسأل عن نظام الكمبريسر هل هو راوتر أوبستن . والي أعرفه أن البستن أفضل من الراوتر

وعند التركيب لابد مايكون المكيف مائل قليلاً حتى لايتم تسريب الماء بأتجاه فتحة التصريف .

والله يوفقك أن شاء الله - ماخاب من أستشار .

qatarairways2
19-03-2009, 01:03 AM
TRANE

Chambray
19-03-2009, 02:45 AM
موتسبيشي الاول عالمياً
توشيبـا
جنرال

r07
19-03-2009, 09:08 AM
لكل من شارك برأيه... جزاكم الله الف خير ورحم الله والديكم والله يبارك لكم في مالكم وعيالكم......

المحتار20
19-03-2009, 09:32 AM
انصحك ب مكيفات ترين Train
صارلي 7 سنين مركبهم ماشتكيت منهم وخدمه الوكيل الدرويش ممتازء

Media
19-03-2009, 03:45 PM
انصحك بـ General

المتأمل خيرا
19-03-2009, 05:26 PM
أخوي الكريم،

من تجربة.. أقترح ان تبتعد عن إلــ LG .. اشتريت اثنين "وحدات مستقلة Split Unit"، وواجهت معهم ومع الوكيل مشاكل مستمرة ، فغيرت المكيفات بنوع مختلف وهم ما زالوا في مرحلة الضمان..

لتفادي الإشكالات، الذي اقترحه أن تختار ثلاثة اسماء بناءً على نصائح الإخوة، ثم تطرح الموضوع مرة اخرى، تذكر فيه هذه الأسماء الثلاثة بالتحديد، وتسأل المجربين برأيهم.. ثم تقرر على ضوء ما يردك..

مع تمنياتي لك بالتوفيق،،

mrloverman
19-03-2009, 06:07 PM
من خلال تجربتي لمدة 3 سنوات واكثر

متسوبيشي افضل الانواع وتشتغل 24 ساعه بدون تعب او صيانه ولهذا

تستعمل في الاماكن اللي تحتاج تبريد متواصل

الوفي
21-03-2009, 12:19 AM
أخواني حد سمع عن كلفينيتور وكيلها صقر الخليج الي بشارع سلوى بعد محطة التيسير وانت رايحه الدوحه على اليمين
المكيفات كومبريسرها امريكي وتجميع البحرين ضمانها 5 سنوات يمدحونها عالم اعرفهم واحد منهم لها عنده 7 سنوات ولايشتكي منها ابدا ومن النوع الي كل حك بالمكيف يعني دايما شغال بس يقولي عليك 2 طن ومافوق والسعر مناسب مثلا ال2طن 2400 ريال وال2.5 2800 ريال
ودي اوقع معاهم العقد ومادري حد استخدمها

الكاسر007
21-03-2009, 01:18 AM
بصراحة غير المستوبيشي ولا بلاششششششششششششششششش

العنوان شركة التيسير

ونصيحة لله لا تاخذ سبيلت طن ونص خذ اكبر من طن ونص وبترتاح على السبيلت وايد

ذهب
22-03-2009, 07:23 PM
اخوي نصيحه مقولك جنرال قبل 10 سنوت معليه كلام اما الحين تردى ؟لاتقرب من سامسونك شركه ترى

فاشله اسأل من طب فيها وضظريت اغير نصهم بس الحمد لله توفقت في توشيبا ولي احسن مستيو بيشي

سيزن
22-03-2009, 11:06 PM
خدمة مـــــــــــــــا بعد البيع المرحلة الأهم .

توشيبا <<< خدمة ما بعد البيع ما تحتاجها ...لأانه مايخترب :)

yusf
22-03-2009, 11:52 PM
Lg ماراح تندم معه بارد وخدمة الصيانة جيده

بوحماني
23-03-2009, 11:09 AM
فوجي +جنرال+ توشيبا بس

r07
23-03-2009, 03:45 PM
مشكورين وما قصرتو جميعا...لاحظت ان كثيرين ينصحون بفوجي الريس وجنرال اسد عمادي و متسوبيشي .... فالاختيار بيكون واحد من هالثلاثه ان شاء الله.......

المشط
24-03-2009, 03:08 AM
واذا في فلوس ميتسوبيشي

انا اشهد

وبعد الميتسوبيشي باناسونيك

الفارس
24-03-2009, 07:08 PM
شباب يعطيكم العافية حبيت اسأل عن مكيفات كول لاين وكيلها أسد عمادي أحد ستخدمها

sidokotbi
27-03-2009, 04:59 AM
بالتوفيق اخوي

جرح الزمان
27-03-2009, 09:24 PM
مكيفات دايكن وكيلها شركة تدمر

بو راشد 1
29-03-2009, 10:37 PM
Lg ممتاز الصراحه أو جنرال

أستعملت السامسونغ تعبان والسوني أخس


اذا بتاخذ LG تاكد انه صناعه كوريا و ليس الصين

Master_qtr
29-03-2009, 10:46 PM
افضل شركتين هي جنرال ..متسوبيشي ...جنرال عن تجربة ..ماعليه كلام ..

بومحمد911
29-03-2009, 10:52 PM
الياباني وبس

daekan
01-04-2009, 09:09 AM
مكيفات ديكن عند تدمر الدائري الثالث بعد الاولى للتمويل عن تجربة

auto body
02-04-2009, 04:08 AM
مكيفات فوجي عند الريس شارع الخليج
مكيفات جنرال
مكيفات توشيبا
عن تجربة شخصية
وابعدوا عن مستوبيشي الكتريك
مكيفات فاشلة وتحتاج صيانة
والاخوان فى الصيانة فاشلين