المساعد الشخصي الرقمي

مشاهدة النسخة كاملة : بغيت رايكم في نصب بعض معارض السيارات


ابن مانع
19-03-2009, 11:17 AM
السلام عليكم

الحمدلله رب العالمي انا شخص هاوي بيع وشراء السيارت من زمان
والحمد لله سمعتي طيبه بين ربعي والمعارض الي اتعامل معاهم بس مريت في موقف نصب وحبيت اخذ رايكم فيه :
عندي سيارة موديلها نادر وعرفت انه في معرض يهتم بهالفئه من السيارات طرشتها له مع واحد من الاخوان , وانا سامع انه سمعت المعرض هذا في شكه غالي وياخذ عموله كثيره ,
والرجال الي ودا الموتر عرضه عندهم 55 الف على طلبي وذكر لي عندهم موتر ثاني حبيت امر اشوفه ، دخلت عليهم ورحت لموتر المذكور وشفته حبيت اسومه قالي المندوب بتصل في راعيه وكلمه انت اخذ من راسك لراسه قلت مافي داعي اكلمه لزم علي ( طعم ) سالته من الرجال قالي فلان بن فلان ال فلان ناس معروفين ونعم فيهم بس الي انا اكلمه لهجته من نفس جنسية المندوب شكية في الموضوع ركبت السيارة وضربت هرن صاح عندي وعنده طلع المدير الي انا اكلمه دريت السالفه فيها لعبه رحت لسيارتي وسمتها بعد ( طبعاً حطيت جوالي على الصامت ) عشان مايتصل فيني سمة السيارة 40 الف وقالي عمولتنا 3000 طبعاً زايدة واجد المفروض 1000 قلت توكل على الله كلم الرجال الحين رفض قلت له فلوسي معاي خلني اكلمه عشان نروح انسجل اذا وافق واصر بالرفض وتوه ملزم اني اكلم صاحب السيارة الي قبل عطيته رقمي الثاني عشان يرد لي خبر ماركبت سيارتي الا وهو متصل فيني يقولي في رجال واقف عندي وفلوسه كاش اذا انت بياع قلت له حلو كم رد علي 20000 ضحكت لا شعورياً نصب 23000
هذي سالفتي .
واسف على الاطاله
وين اقدر اشتكي عليه ؟
مع العلم في الطريقه القانونيه مافيها شي هم في السليم
بو الجوري
19-03-2009, 11:30 AM
ما يحتاي تشتكي عليه .. روح خذ موترك من عنده وسفل فيه .. وحط اسم المعرض عشان يتادب ..

والله انا عارض موتر .. بـ105 ورحت معرض معين .. قالي 90 عالفحص .. وانا خسران طبعا لان عليه اقسااااط .. قلت اوكي .. عقب يومين قالي انا مافحصت بس اذا موافق على 80 بفحص !!! ( عقب ماخلى السياره عنده يومين ) وخلاني ااجر موتر ..
قلتله اوكي لاني مستعجل.. فحص وقالي 70 :omg:

وبس مب لازم تعرف الباقي :) المهم خذت منه الموتر .. قلتله مع السلامه :anger1:
Sharshooooor
19-03-2009, 11:40 AM
عادي هالسوالف فالمعارض دايما
وعلى قولة المثل شر لابد منه
ابن مانع
19-03-2009, 11:54 AM
ما يحتاي تشتكي عليه .. روح خذ موترك من عنده وسفل فيه .. وحط اسم المعرض عشان يتادب ..

والله انا عارض موتر .. بـ105 ورحت معرض معين .. قالي 90 عالفحص .. وانا خسران طبعا لان عليه اقسااااط .. قلت اوكي .. عقب يومين قالي انا مافحصت بس اذا موافق على 80 بفحص !!! ( عقب ماخلى السياره عنده يومين ) وخلاني ااجر موتر ..
قلتله اوكي لاني مستعجل.. فحص وقالي 70 :omg:

وبس مب لازم تعرف الباقي :) المهم خذت منه الموتر .. قلتله مع السلامه :anger1:

بيض الله وجهك اخوي هذا الشي بيصير بس ادور حل ثاني من القهر كلمة حماية المستهلك ماعندهم رد كتبة الموضع قلت يمكن حد يدلني على جهة رقابيه على المعارض
ابن مانع
19-03-2009, 11:56 AM
عادي هالسوالف فالمعارض دايما
وعلى قولة المثل شر لابد منه

انا معاك هذي السوالف موجوده في بعض المعارض وانتشرت عقب مادخلوا الاجانب بكثره لسوق
بس يمكن حد الاخوان يفيدنا بحل
ومشكور على المرور
الزاجل
19-03-2009, 11:58 AM
يعتبرونها شطارة ..
فتك العديد
19-03-2009, 12:00 PM
السلام عليكم

الحمدلله رب العالمي انا شخص هاوي بيع وشراء السيارت من زمان
والحمد لله سمعتي طيبه بين ربعي والمعارض الي اتعامل معاهم بس مريت في موقف نصب وحبيت اخذ رايكم فيه :
عندي سيارة موديلها نادر وعرفت انه في معرض يهتم بهالفئه من السيارات طرشتها له مع واحد من الاخوان , وانا سامع انه سمعت المعرض هذا في شكه غالي وياخذ عموله كثيره ,
والرجال الي ودا الموتر عرضه عندهم 55 الف على طلبي وذكر لي عندهم موتر ثاني حبيت امر اشوفه ، دخلت عليهم ورحت لموتر المذكور وشفته حبيت اسومه قالي المندوب بتصل في راعيه وكلمه انت اخذ من راسك لراسه قلت مافي داعي اكلمه لزم علي ( طعم ) سالته من الرجال قالي فلان بن فلان ال فلان ناس معروفين ونعم فيهم بس الي انا اكلمه لهجته من نفس جنسية المندوب شكية في الموضوع ركبت السيارة وضربت هرن صاح عندي وعنده طلع المدير الي انا اكلمه دريت السالفه فيها لعبه رحت لسيارتي وسمتها بعد ( طبعاً حطيت جوالي على الصامت ) عشان مايتصل فيني سمة السيارة 40 الف وقالي عمولتنا 3000 طبعاً زايدة واجد المفروض 1000 قلت توكل على الله كلم الرجال الحين رفض قلت له فلوسي معاي خلني اكلمه عشان نروح انسجل اذا وافق واصر بالرفض وتوه ملزم اني اكلم صاحب السيارة الي قبل عطيته رقمي الثاني عشان يرد لي خبر ماركبت سيارتي الا وهو متصل فيني يقولي في رجال واقف عندي وفلوسه كاش اذا انت بياع قلت له حلو كم رد علي 20000 ضحكت لا شعورياً نصب 23000
هذي سالفتي .
واسف على الاطاله
وين اقدر اشتكي عليه ؟
مع العلم في الطريقه القانونيه مافيها شي هم في السليم


اخوي المفروض انك تحط اسم المعرض علشان نحاسب منه
asadfg
19-03-2009, 01:03 PM
ايه المعارض تشتري منك الموتر بخساره وتبيعه بربح عندكم مثلن احمد نجم يشتري المواتر برخيص ويبيعها باغلى ولو الموتر مايربح فيه مايبيعه لو وشو عنده مواتر منقعه بسنين مايبيع بخساره لو وشو
ابن مانع
19-03-2009, 01:50 PM
يعتبرونها شطارة ..

للاسف هذا رايهم مافتكرو في الحلال والحرام
ابن مانع
19-03-2009, 01:51 PM
اخوي المفروض انك تحط اسم المعرض علشان نحاسب منه

ودي والله بس قوانين المنتدى ماتسمح
ابن مانع
19-03-2009, 01:54 PM
ايه المعارض تشتري منك الموتر بخساره وتبيعه بربح عندكم مثلن احمد نجم يشتري المواتر برخيص ويبيعها باغلى ولو الموتر مايربح فيه مايبيعه لو وشو عنده مواتر منقعه بسنين مايبيع بخساره لو وشو

انا معاك يشترون الموتر مني ويبيعون بربح هذي شطارة مب غش مثل المعرض المذكور
والله يرزقهم بس اكون عارف انا بكم بعت مب بفلوسي يشترون ويبيعون علي هذا الفرق
واحمد نجم انا اتعامل معاه دايم هو يرفع السعر انا معاك ومواتره غاليه وااااااجد بس رجال امين وصريح اذا سالته انت بكم ماخذ الموتر يذكر لك ويقول فيادتي كذا وهذي شطارة
بس اهم شي مايغشني
بوعلي2
19-03-2009, 02:06 PM
صدقني لو انا منك اخذ دفتر واكفخه على راسه بالدفتر الي عنده مال الارقام لين يوصل دمه في بطنه

واخذ موتري واطلع عنه لان صج صج صج يحرقون القلب وواااااايد تصير

حسبي الله ونعم الوكيل
ابن مانع
19-03-2009, 02:39 PM
صدقني لو انا منك اخذ دفتر واكفخه على راسه بالدفتر الي عنده مال الارقام لين يوصل دمه في بطنه

واخذ موتري واطلع عنه لان صج صج صج يحرقون القلب وواااااايد تصير

حسبي الله ونعم الوكيل

يستاهل الزود بس مش بدفتر قوال الكرسي او المكتب وشوي في حقه

بس ياخوك كان ركبني الحق وطلعت انا القلطان
Store
19-03-2009, 02:41 PM
انا لو مكانك اواجه واقول حق راعي المعرض
The Watcher
19-03-2009, 03:10 PM
اول شي احييك على ذكائك في التعامل

ورأيي تشتكي عليهم .. في الشرطة او في وزارة الاقتصاد .. المهم لازم تشوفلهم مشكلة يتورطون فيها عاشن مايكررون هالحركات المصرية الخايسة
ابن مانع
19-03-2009, 04:06 PM
انا لو مكانك اواجه واقول حق راعي المعرض

ودي لو في فايده بس المشكله هو الراس العود وهذي سياسته
ابن مانع
19-03-2009, 04:10 PM
اول شي احييك على ذكائك في التعامل

ورأيي تشتكي عليهم .. في الشرطة او في وزارة الاقتصاد .. المهم لازم تشوفلهم مشكلة يتورطون فيها عاشن مايكررون هالحركات المصرية الخايسة

الله يجزاك خير
المشكله مافي شي يدينهم عشان اشتكي عليهم لانهم بياخذون الفلوس 43 الف وبيشترون الموتر مني اذا بعت 20000 طريقه قانونيه بس فيها نصب كبير
وانا خليت الموتر عندهم لين الاحد افكر في وطني الحبيب يمكن حد المسؤالين يرد علينا
والمشكله جنسيتهم عربيه بس مب خوانا المصرييين
بن درويش
19-03-2009, 04:19 PM
انا معاك يشترون الموتر مني ويبيعون بربح هذي شطارة مب غش مثل المعرض المذكور
والله يرزقهم بس اكون عارف انا بكم بعت مب بفلوسي يشترون ويبيعون علي هذا الفرق
واحمد نجم انا اتعامل معاه دايم هو يرفع السعر انا معاك ومواتره غاليه وااااااجد بس رجال امين وصريح اذا سالته انت بكم ماخذ الموتر يذكر لك ويقول فيادتي كذا وهذي شطارة
بس اهم شي مايغشني

كلامك صح 100%:nice:
بن درويش
19-03-2009, 04:32 PM
احسن شي تبيع سيارتك على الشاري على طول بدون وسيط وله معرض ودها سوق بدل هههههه
او حط اعلان فى الجريده
ابن مانع
19-03-2009, 06:16 PM
كلامك صح 100%:nice:

مشكور على التاييد
ابن مانع
19-03-2009, 06:18 PM
احسن شي تبيع سيارتك على الشاري على طول بدون وسيط وله معرض ودها سوق بدل هههههه
او حط اعلان فى الجريده

المشكله الموتر كلاسك يعني ماينفع لابدل ولا اعلان في الجريده لازم الواحد يجي ويشوف الموتر
البيت القديم
19-03-2009, 06:20 PM
"""

مدام فتحتو سالفة نصب المعارض ... فـ خلوني اقولكم سالفتي.....

كانت عندي سياره وحبيت ابيعها عند احد المعارض ... السيارة كانت مطلوبة للبنك (( عليها اقصاد))

وراعي المعرض خلاص كان ناوي ياخذ السياره مع اقصادها ... اتفقت معاه على سعر 50000 الف ريال ... لي الـ50000 والقصد هو يسدده..

المهم رحنا البنك عشان انسدد القصد الي كان على السياره ... ومن اهنيه بدت المشكله…

ادري ان الحين بتقولون لي القانون مايحمي المغفلين.. بس صدقوني ماتوقعت ان قطري يسوي

هاي الحركه ... وانا خذته بالشيمه يوم شفته رايح البنك معاي وسدد قصد السياره ... المهم بعد ما

سدد القصد قالي يله بنروح المرور عشان انسجل الموتر.. وبعدين انروح المعرض وتستلم افلوسك قتله توكلنا على الله..

بعد ما سجلنا السياره بسمه رحنا المعرض عشان استلم لفلوس ... يوم وصلنا المعرض دخل الريال وجلس على الطاوله

ومسك الحاسبه وقالي كم لك الحين قتله على حسب الاتفاق ان

لي 50000 الف ريال ... قال لا احنا اتفقنا ان يكون الخصم من الخمسين الف.. قتله لا انت

قتلي انك بتعطيني 50000 الف ريال في يدي والقصد انت بتسدده من غير..

اهنيه قامت الدنيا ادور جدامي ... صدمه ما كنت اتوقعها ... يعني قطري يسوي هالحركات والله حز في خاطري..
.........

قتله اوكي وتعوذت من ابليس .. وانا ماحبيتله المشاكل لاكن هو اللي جاب الكلام حق نفسه..

اليوم الثاني كلمت واحد من الجماعه والله ماقصر اتصل على راعي المعرض وكلمه... خلاه

ايروح ابروحه يركض المرور عشان أسجل السيارة بسمي ورجعت

عليه فلوسه إلي سدد فيهم القصد... والحمدلله انتهت السالفة على خير..

اتمنى اتكون سالفتي عبره للكل...

.،
الرايــق
19-03-2009, 07:17 PM
مثل ما قالوا الاخوان ما في افضل من التعامل المباشر .. من اعلان جريدة او غيره ..

لكن مثل ما قلت انت السيارة نادرة .. ولهالشي انا اقترح عليك تعلنا بشكل شخصي على الموقع الشهير
www.qatarsale.com وما ياخذ عمولة كبيرة


والله يعينك
القارمن
20-03-2009, 12:44 AM
على سالفه نصب السيارات ذكرتني بغش تاجره من تاجرات المنتدى

باعتنني اقلام داخلهم كوره ورق مادري فاين على اساس يفتح ويتصكر لا وزيدك من الشعر بيت اسبوع واحد وماقامو يكتبون

ادري ان موضوعي ماله علاقه في موضوعك بس شي تذكرته والسلام
فلفل حار
20-03-2009, 03:27 AM
في معرض لافتــتـــه كبيـــــــره علي شارع المطار

قبل سنه تقريبا ..... سوا حركة أخساس في صاحبي وشفط منه ألفين مادري 3 الاف ريال ..... علي موتر باعه عن طريقهم بمبلغ 25 ألف:secret:

هذي سوالف أغلب المعارض ..... ومايعيش الأ ألي فاهمها وعارفها ...... ولي انصبوا واحتالوا .... قالو هذي شطارة التجاره !:rolleyes2:

في فرق بالشطاره وفي النصب والاحتيال ياشريطية المعارض ;)


أفضل حــل للبيـــــع الشخصـــي:telephone: ..... تحط لك أعلان بالوسيط بمبلغ معين للسياره ....... أو تعرضها علي مجلس ربعك ومعارفك ......... وأذا لك نصيب بتأخذه :victory:
ووســـــع خاطـــــــرك ياخــــــوي ....... :nice:
المشط
20-03-2009, 04:21 AM
مع احترامي لمعارض السيارات لكن 99% مب صادقين

انا اكثر من مرة انصبو علي

من بعدها اقسمت اني ابيع على شخص من برع ولا ابيع عليهم حتي لو هم ادفعو لي اكثر

على الاقل الشخص بيستخدمها استخدام شخصي لكن هم تجاره وبيرفون السعر على اخوي القطري

صار لي اكثر من 3 سنوات كل سياره عندي ابيعها على اشخاص عن طريق اخوي او طريق صديق لي .. عندي كم صديق عندهم معارض سيارات يدفعون لي اكثر لكن اقول لهم احرقها ولا ابيعها عليكم
ابن مانع
20-03-2009, 08:54 AM
"""

مدام فتحتو سالفة نصب المعارض ... فـ خلوني اقولكم سالفتي.....

كانت عندي سياره وحبيت ابيعها عند احد المعارض ... السيارة كانت مطلوبة للبنك (( عليها اقصاد))

وراعي المعرض خلاص كان ناوي ياخذ السياره مع اقصادها ... اتفقت معاه على سعر 50000 الف ريال ... لي الـ50000 والقصد هو يسدده..

المهم رحنا البنك عشان انسدد القصد الي كان على السياره ... ومن اهنيه بدت المشكله…

ادري ان الحين بتقولون لي القانون مايحمي المغفلين.. بس صدقوني ماتوقعت ان قطري يسوي

هاي الحركه ... وانا خذته بالشيمه يوم شفته رايح البنك معاي وسدد قصد السياره ... المهم بعد ما

سدد القصد قالي يله بنروح المرور عشان انسجل الموتر.. وبعدين انروح المعرض وتستلم افلوسك قتله توكلنا على الله..

بعد ما سجلنا السياره بسمه رحنا المعرض عشان استلم لفلوس ... يوم وصلنا المعرض دخل الريال وجلس على الطاوله

ومسك الحاسبه وقالي كم لك الحين قتله على حسب الاتفاق ان

لي 50000 الف ريال ... قال لا احنا اتفقنا ان يكون الخصم من الخمسين الف.. قتله لا انت

قتلي انك بتعطيني 50000 الف ريال في يدي والقصد انت بتسدده من غير..

اهنيه قامت الدنيا ادور جدامي ... صدمه ما كنت اتوقعها ... يعني قطري يسوي هالحركات والله حز في خاطري..
.........

قتله اوكي وتعوذت من ابليس .. وانا ماحبيتله المشاكل لاكن هو اللي جاب الكلام حق نفسه..

اليوم الثاني كلمت واحد من الجماعه والله ماقصر اتصل على راعي المعرض وكلمه... خلاه

ايروح ابروحه يركض المرور عشان أسجل السيارة بسمي ورجعت

عليه فلوسه إلي سدد فيهم القصد... والحمدلله انتهت السالفة على خير..

اتمنى اتكون سالفتي عبره للكل...

.،



للاسف ماعرف ايش ارد على موضوعك جد صعبه بس هذي فلوس تغير النفوس
والحمدلله عدت على خير
ابن مانع
20-03-2009, 08:55 AM
مثل ما قالوا الاخوان ما في افضل من التعامل المباشر .. من اعلان جريدة او غيره ..

لكن مثل ما قلت انت السيارة نادرة .. ولهالشي انا اقترح عليك تعلنا بشكل شخصي على الموقع الشهير
www.qatarsale.com وما ياخذ عمولة كبيرة


والله يعينك

معروضه عندهم بس حبيت اوقفها في معرض عشان المعاينه
ابن مانع
20-03-2009, 08:56 AM
على سالفه نصب السيارات ذكرتني بغش تاجره من تاجرات المنتدى

باعتنني اقلام داخلهم كوره ورق مادري فاين على اساس يفتح ويتصكر لا وزيدك من الشعر بيت اسبوع واحد وماقامو يكتبون

ادري ان موضوعي ماله علاقه في موضوعك بس شي تذكرته والسلام


لا تظلمها يمكن ماعندها خبر لانها تاجره تجيب البضاعه وتبيع من دون استخدام
ابن مانع
20-03-2009, 09:06 AM
في معرض لافتــتـــه كبيـــــــره علي شارع المطار

قبل سنه تقريبا ..... سوا حركة أخساس في صاحبي وشفط منه ألفين مادري 3 الاف ريال ..... علي موتر باعه عن طريقهم بمبلغ 25 ألف:secret:

هذي سوالف أغلب المعارض ..... ومايعيش الأ ألي فاهمها وعارفها ...... ولي انصبوا واحتالوا .... قالو هذي شطارة التجاره !:rolleyes2:

في فرق بالشطاره وفي النصب والاحتيال ياشريطية المعارض ;)


أفضل حــل للبيـــــع الشخصـــي:telephone: ..... تحط لك أعلان بالوسيط بمبلغ معين للسياره ....... أو تعرضها علي مجلس ربعك ومعارفك ......... وأذا لك نصيب بتأخذه :victory:
ووســـــع خاطـــــــرك ياخــــــوي ....... :nice:


اشهد ان كلامك حار
جبتها على العوق
انا مشكلتي مع ولد عمه او واحد من جماعته
لانهم من طينه وحده
وهذا بلا ابوك ياعقاب
ابن مانع
20-03-2009, 09:10 AM
مع احترامي لمعارض السيارات لكن 99% مب صادقين

انا اكثر من مرة انصبو علي

من بعدها اقسمت اني ابيع على شخص من برع ولا ابيع عليهم حتي لو هم ادفعو لي اكثر

على الاقل الشخص بيستخدمها استخدام شخصي لكن هم تجاره وبيرفون السعر على اخوي القطري

صار لي اكثر من 3 سنوات كل سياره عندي ابيعها على اشخاص عن طريق اخوي او طريق صديق لي .. عندي كم صديق عندهم معارض سيارات يدفعون لي اكثر لكن اقول لهم احرقها ولا ابيعها عليكم

مشكور اخوي على الرد بس النسبه الي حطيتها عاليه واجد
هم يمكن الاغلبيه بس مايوصولن لنسبه ذي
ومافيها شي اذا شرا السيارة مني بسعر انا راضي فيه ويكسب هو من وراي
هذا رزقه ورزق عياله دامه بالحلال وبدون نصب
ابن مانع
21-03-2009, 10:33 AM
وين اخوانا القانونين؟