المساعد الشخصي الرقمي

مشاهدة النسخة كاملة : بغيت النصيحه منكم يالي خلصتوا بنيانكم؟



بوحمد2
19-03-2009, 06:15 PM
اتمنى الافاده من اهل الخبره,اي احسن لارضيات البيت حق غرف النوم السيراميك ولا البورسلان او غيره وياريت معا ذكر السبب معا العلم العالم كله سيراميك وقالي مهندس ابعد عن السيراميك لانه يتكسر هل ذالك صحيح؟ وبالنسبه للمجلس والصاله وشوه الاحسن رخام او جرانيت وشيكون صناعته؟؟؟ وجزا الله الف خير الي يساعدني ويرزقه من حيث لايعلم

المسكين
20-03-2009, 08:07 AM
السلام عليكم ورحمته الله وبركاته
بالنسبه للأرضيات فالأفضل هو البورسلان اقوى واحسن وكلام المهندس صحيح نفس كلام المهندس اللي بنا بيتي واغلب كلام الناس توكل على الله سبحانه وخذ البورسلان ومنت بخسران انشاء الله ...
وبالنسبه للمجلس والصاله في بورسلان يتركب زيرو جوينت يطلع روعه كأن الارضية عندك
قطعه وحده راكبه بس يبيلها واحد فنان تركبه مثل ماتركب الرخام بدون فواصل..
واذا لك خاطر على الرخام او الجرانيت فالرخام افضل للبيت من من داخل واشكل أما لجرانيت
فنصيحتي اذا بتركب ركب برا عند مداخل البيت لان لجرانيت قوي ولا يتأثر بالشمس مثل الرخام


اتمنى اني وفيت لك المعلومات وبالتوفيق انشاء الله والله يعينك على التشطيب
ويجعله منزل مبارك انشاء الله

ANONYMOUS
20-03-2009, 10:36 AM
العالم طايحين في البورسلان..

بس انا اقول حط بلاط عادي.. وفوقه زوليه محترمه..

بوحمد2
21-03-2009, 12:55 PM
السلام عليكم ورحمته الله وبركاته
بالنسبه للأرضيات فالأفضل هو البورسلان اقوى واحسن وكلام المهندس صحيح نفس كلام المهندس اللي بنا بيتي واغلب كلام الناس توكل على الله سبحانه وخذ البورسلان ومنت بخسران انشاء الله ...
وبالنسبه للمجلس والصاله في بورسلان يتركب زيرو جوينت يطلع روعه كأن الارضية عندك
قطعه وحده راكبه بس يبيلها واحد فنان تركبه مثل ماتركب الرخام بدون فواصل..
واذا لك خاطر على الرخام او الجرانيت فالرخام افضل للبيت من من داخل واشكل أما لجرانيت
فنصيحتي اذا بتركب ركب برا عند مداخل البيت لان لجرانيت قوي ولا يتأثر بالشمس مثل الرخام


اتمنى اني وفيت لك المعلومات وبالتوفيق انشاء الله والله يعينك على التشطيب
ويجعله منزل مبارك انشاء الله
جزاك الله خير وبعد حد عنده شي يفيدنا فيه؟

المغترب 123
21-03-2009, 01:43 PM
للغرف سراميك ويفضل السراميك الاماراتي وابتعد عن الصيني وهو افضلهم وللممرات بورسلان ويفضل الاسباني او الاماراتي وللمجلس والمطعم والصالات رخام ومدخل الفيلا ايضا رخام اما بلاط الحوش عليك بالاماراتي افضلهم او الاسباني ولاطقم الحمامات وانتم بكرامة عليك بالالماني من بلاط وقطع مع الاكسسورات الخ ,,,,ايضا وابتعد عن الصيني لانة ديكور فقط ولكنه لايتحمل ويتلف بسرعه

بوحمد2
22-03-2009, 12:23 AM
للغرف سراميك ويفضل السراميك الاماراتي وابتعد عن الصيني وهو افضلهم وللممرات بورسلان ويفضل الاسباني او الاماراتي وللمجلس والمطعم والصالات رخام ومدخل الفيلا ايضا رخام اما بلاط الحوش عليك بالاماراتي افضلهم او الاسباني ولاطقم الحمامات وانتم بكرامة عليك بالالماني من بلاط وقطع مع الاكسسورات الخ ,,,,ايضا وابتعد عن الصيني لانة ديكور فقط ولكنه لايتحمل ويتلف بسرعه

جزاك الله خير بس بالنسبه للحمامات الله يعزكم لقيت عند نابينا اطقم وجدران وارظيات اسباني اشرايكم فيه؟

الزيبق
22-03-2009, 07:16 AM
شوف من واقع خبره في البلاط انا اقولك كل البلاط زين صج يمكن في نوعيات مثل ماذكروه الاخوان الصيني والهندي والايراني يتغير لونه ويقشر الصبغ اللي عليه بس انا اقولك شوف احسن بلاط امدحولك ايه اذا ما ركب عدل يعني خلطة الاسمنت تحته كامله مب اشوي فيه واشوي مافيه صدقني بيتكسر يعني بالعربي الرك على التركيب وانا ايد النوع الاماراتي حلو وسعره معقول

بوحمد2
24-03-2009, 12:00 AM
شوف من واقع خبره في البلاط انا اقولك كل البلاط زين صج يمكن في نوعيات مثل ماذكروه الاخوان الصيني والهندي والايراني يتغير لونه ويقشر الصبغ اللي عليه بس انا اقولك شوف احسن بلاط امدحولك ايه اذا ما ركب عدل يعني خلطة الاسمنت تحته كامله مب اشوي فيه واشوي مافيه صدقني بيتكسر يعني بالعربي الرك على التركيب وانا ايد النوع الاماراتي حلو وسعره معقول

وبعد من يفيدنا؟

المشط
24-03-2009, 02:51 AM
اتمنى الافاده من اهل الخبره,اي احسن لارضيات البيت حق غرف النوم السيراميك ولا البورسلان او غيره وياريت معا ذكر السبب معا العلم العالم كله سيراميك وقالي مهندس ابعد عن السيراميك لانه يتكسر هل ذالك صحيح؟

اخوي السراميك مايستحمل الوزن وينحط اكثر شي في الحمامات الله يعزك لكن البورسلان اسمك ويستحمل اوزان اكثر ( مثل سرير او خزائن كبيره ) .. وانا افضل بلاط عادي وسجاد بالنسبه لي

وبالنسبه للمجلس والصاله وشوه الاحسن رخام او جرانيت وشيكون صناعته؟؟؟ وجزا الله الف خير الي يساعدني ويرزقه من حيث لايعلم

اكيد الرخام افضل وارقي وخصوصا اذا تطيح على واحد فنان يسوي لي تشكيله ويكسر لك الالوان ... افضل الرخام الاسباني او الايطالي واخر زياره لي لمحل رخام من 5 شهور تقريبا ... كان سعر المتر 600 او 700 ريال

الجرانيت عادي وينحط عند مدخل الفله لانه يستحمل الشمس والرطوبه وشكله مايتغير بسرعه




نصيحه اخوي اذا بتاخذ رخام خذ معاك واحد يعرف حق الرخام لان بعض المحلات يبيعون لك رخام صيني او هندي او مصري على انه ايطالي

امير البحر
24-03-2009, 01:38 PM
تبي الصراحة

غرف النوم بلاط عادي و فوقه سجاد اي موكيت ادفى في الشتاء
الصالات بورسلان مطفي اي مش لماع فيه منه انواع كثيرة أو رخام
لكن اليهال الله يهديهم ما يقرون اذا الارضية مش ناشفة ميه بالمية خطر عليهم

تحياتي

بوحارب
26-03-2009, 09:43 PM
اذا البيت بيكون بدون زل ( زولية )

ركب سيراميك اسباني

واذا بتركب زل

البلاط الشعبي والسلام عليكم