المساعد الشخصي الرقمي

مشاهدة النسخة كاملة : lll ايش خطوات بناء بيت العمر من البداية إلى النهاية lll



الواعد
20-03-2009, 02:38 AM
السلام عليكم ورحمة الله وبركاته

أنا عندي استفسار بخصوص

( 1 ) خطوات البناء من الـ أ - الـ ي

يعني من البداية للنهاية بالتفصيل إذا امكن

أنا توني راجع من الأسكان وقالوا لي جيب لنا تصميم

ممكن تقولون لي وش الأجراءات المطلوبة التالية لو تكرمتوا؟

مع العلم ارضي في منطقة ابا الحيران ( جنوب الوجبة ) وللحين مافيها خدمات

وماادري وينها اصلا مب راضين يدلوني عليها :(

المهم

( 2 )هل اسوي تصميم خريطة البيت واكمل الإجراءات واصلا مافيه خدمات إلا بعد كم سنة ؟؟؟؟؟

او انتظر لحد ماتجي الخدمات ، لأني بصراحة ماابي ادفع هالحين حوالي 10 أو 15 ألف

على تصميم وأنا اصلا مااقدر ابني الا بعديييييييييييين ماادري متى الله العالم

ارجو المساعدة بخصوص الأستفسارين والله يعطيكم العافية

المغترب 123
20-03-2009, 02:51 AM
اذا لاتوجد خدمات لايمكنك استخراج رخصة بناء اذا لايمكنك البناء في الوقت الراهن وفي هذه الحالة لا انصحك بتصميم الخرائط ربما يعجبك شي اخر مستقبلا ووقتها تكون قد انهيت الخرائط ولا تستطيع تغيرها او التعديل عليها وتجبر ان تصمم بيتك عليها وقد يكلفك مبالغ دون فائدة انتظر حتى تصلك الخدمات وبعدها قرر والخريطة لاتستغرق اكثر من اسبوعين في جميع الظروف والله يوفقك

الواعد
20-03-2009, 03:03 AM
اذا لاتوجد خدمات لايمكنك استخراج رخصة بناء اذا لايمكنك البناء في الوقت الراهن وفي هذه الحالة لا انصحك بتصميم الخرائط ربما يعجبك شي اخر مستقبلا ووقتها تكون قد انهيت الخرائط ولا تستطيع تغيرها او التعديل عليها وتجبر ان تصمم بيتك عليها وقد يكلفك مبالغ دون فائدة انتظر حتى تصلك الخدمات وبعدها قرر والخريطة لاتستغرق اكثر من اسبوعين في جميع الظروف والله يوفقك

ألف شكر أخوي على الرد وهذا اللي بالفعل افكر فيه

انتظر آراء اخرى ومتعددة حتى نستفيد من تعدد الأفكار

بوحارب
20-03-2009, 02:33 PM
الله يوفقك يالواعد

بوحمد2
20-03-2009, 06:30 PM
السلام عليكم ورحمة الله وبركاته

أنا عندي استفسار بخصوص

( 1 ) خطوات البناء من الـ أ - الـ ي

يعني من البداية للنهاية بالتفصيل إذا امكن

أنا توني راجع من الأسكان وقالوا لي جيب لنا تصميم

ممكن تقولون لي وش الأجراءات المطلوبة التالية لو تكرمتوا؟

مع العلم ارضي في منطقة ابا الحيران ( جنوب الوجبة ) وللحين مافيها خدمات

وماادري وينها اصلا مب راضين يدلوني عليها :(

المهم

( 2 )هل اسوي تصميم خريطة البيت واكمل الإجراءات واصلا مافيه خدمات إلا بعد كم سنة ؟؟؟؟؟

او انتظر لحد ماتجي الخدمات ، لأني بصراحة ماابي ادفع هالحين حوالي 10 أو 15 ألف

على تصميم وأنا اصلا مااقدر ابني الا بعديييييييييييين ماادري متى الله العالم

ارجو المساعدة بخصوص الأستفسارين والله يعطيكم العافية

كنت باعطيك هجوم من النصائح الي لاتقدر بثمن ولاكن ماينفع تقول بسم الله والاكل عاده ماجاك؟طلع الرخصه وابشر

قطراوي للأبد
20-03-2009, 10:10 PM
بالتوفييق ياخووي .. والله يعينك عالإجرائات والمراكض =)

alwahesh
20-03-2009, 10:30 PM
الله يوفق اخوي

ومشوار الاف ميل يبدأ بخطوه

توكل على الله

على فكره اطول سالفه في البنيان الخرايط يمكن تحتاج سنه وطبعا للخرايط تقدر تنفذها بدون رخصه او خلافه

اما الاجراءات الباقيه 4 اسابيع بحد اقصى

اسبوع كهربا
اسبوع ماء
اسبوع اكركم الله ال...
واخر اسبوع كيوتل والسلام

الوفي
20-03-2009, 11:49 PM
أخوي يعتمد عليك انت لان القرار بيدك يعني اذا انت مرتاح بالوقت الحالي والا لا, يعني انت في بيت اجار او بملحق عند الاهل او بشقة اجار اذا بطول وتخلي كل شي في وقت معين يعني عند اتخاذ القرار تبي كل شي في يوم وليلة هنا تكون غلطان البنــــــاء مشوار مارثوني لازم تبداه من الان خطوة بخطوة علشان توفر على نفسك الوقت وبالنسبة للخدمات انت لين تخلص الخرايط ويعتمدون خرايطك الاسكان والبلديه وتنطر الدور علشان يحولونك لبنك التنميه هنا بتاخذ وقت ومن المحتمل بتخلص الخدمات في هذا الوقت وتكون جاهز لان الاجرأت طويلة وتاخذ وقت...
أخوي انا سويت خريطتي في 2005 وخلصتها وبنيت في 2008 انت مب مسوي خرايطك في 1979علشان تواكب الزمن انا اجريت تعديلات بالفله والمجلس والملاحق عند نفس الاستشاري وببلاش ومن حقك تعدل وكل المكاتب بالدوحه وعالم وايد يعدلون طبعا تعديل بسيط مايأثر على الحديد والقواعد واذا كبير تمر على البلدية وتاخذ الموافقه...
نصيحتي...لك
1- اتخاذ القرار مع العائله الكريمه بتحديد عدد الغرف والمجالس والصالات واحتياجكم للملاحق
2- اختيار استشاري معتمد من الدولة مصنف يدور بينك وبينه عرض المخططات القريبه من عدد الغرف والصالات والملاحق والمجالس منها تاخذ اسكيتش لك على كل مخطط. يفضل اذا فيه فيله مبنيه بالواقع تشوفها عن طريق الاستشاري لان الواقع غير الخريطة (مثال:الدرج بالخريطة حلو وبالواقع درج عمارة ضيق يعني مب عريض يضيع بالديكور
3- تفاوض بين العائلة وابداء الراي باختيار المخطط المناسب لكم ولاتستعجل اسئل للي بنوا والي عندهم بيوت حتى لو تتعرف على ناس جدد من سئل ماضاع
(مثال: لاتنسى البنتري بالدور العلوي ,الحمام فوقه حمام لتجنب التسريب للاسفل على صالات ,دكات التصريف للخارج ولا الداخل, الغرف لها كبتات دريس ولا لا, باب مدخل الفيله كبير يكفي يمر داخله طقم كنب براحه مثلا وغيره من النقاط المهمه )
4- تمر على اكثر من مقاولات تسال على سعر المخطط يعني سعر بيتك الي تبنيه لان فيه ناس ماعندهم خبره وسوى بيته قصر ولما جاء الواقع يوم يبنيه يلقاه بمبلغ خيالي واسئل بكم المتر تشطيب وعظم لان من مساحة البناء بتضربه بالمتر (مثال:سعر المتر تشطيب شعبي 2000 ريال وانا ابي قرض الحكومة كامل يعني حدي ابني ب600 متر مساحة بناء) ومع ذلك ود الاسكيتشات لان كمية الحديد بالبيت يلعب دور بالسعر
5- اتفاقك مع المكتب بالخريطة مع تخليص الدوائر الحكومية يعني الوعد مثلا بعد شهرين تستلم خرايطك كامله ومصدقه.
6-البحث عن مقاول مصنف بناء لناس تعرفهم وبناه زين.
الله يوفقك وتخلص بناك على خير ويساعدك ربك ان شاء الله.....تحياتي لك

wrc
23-03-2009, 07:43 PM
مشكورين على الافادة والتوضيح..... في سؤال وهو لو انا مقدم على قرض الاسكان وعندي الخريطة والموافقه اقدر ابنيها على حسابي الخاص وعقب اكمل من القرض؟؟؟