نبسة القطريين من عدد سكان قطر ..هل نحتاج زيادة ... !! [الأرشيف]

مشاهدة النسخة كاملة : نبسة القطريين من عدد سكان قطر ..هل نحتاج زيادة ... !!

ديمقراطي

20-03-2009, 06:19 PM

السلام عليكم ..

من فتره تم اعلان عدد سكان قطر وكان تقريبا مليون ونصف والمليون .. واليوم علمت إنه عدد القطريين بالنسبة للسكان يشكل 16% وعلى ما اعتقد إنه المفروض نكون النصف على الاقل ..
هل الحالة الاجتماعية لا تسمح بزيادة عدد الابناء ؟
ام الوضع والاسعار للبناء لاتسمح ؟

لما لا يكون هناك زيادة فالراتب للمواطن على كل ابن ؟ مثلاً انا سمعت إنه الكويت تقوم بزيادة تقريباً 500 ريال قطري لكل أبن ؟

الـقـاسـي

20-03-2009, 06:23 PM

وين تبون العدد يزيد واغلب الشعب مايقدر
العرس يكسر ظهر الواحد والدوله ماسوت شي
العنوسه زادت والدوله ماتخذت قرار في هالشي
ولا بعد كم سنه بيصير نسبه القطريين 1% لعدد السكان في قطر

ديمقراطي

20-03-2009, 08:21 PM

طيب انت ماتشوف الرفاهييه "الواجبه" هي وراء هل شي ؟ يمكن ماتسمي سيارة الواحد يشتريها 200 الف اقل شي رفاهيه ولا هو لازم يشتريها عشان مايكون اقل من الناس ؟ يعني السياير الي قيمتها اقل من 100 الف ماتصلح ؟ ليش ؟ يعني في البلدان الثانيه مثل سوريا مصر الاردن الواحد الي يسوق كامري هذا انسان مقتدر احنا نحمل على نفسنا زياده !
الأعراس غالية .. من غلاها غير احنا ؟

مستثمر تحت التعليم

20-03-2009, 09:02 PM

تركتوا التعدد وتطالبون بزياده عدد السكان احنا عددنا 250000 ولو كل واحد من الرجال عدد بيكون عددنا 1000000علال فتره قصيره

الله ايعيني على الردود النسائيه والمعارضه لهالموضوع على طول بس هذي وجهة نظر وليكن لنا في رسولنا(صلى الله عليه وسلم) اسوه حسنه في كل الأمور ولا بد من ان تشجع الدوله التعدد بزياده العلاوه الزوجيه للمتعددين وللأبناء

والله من وراء القصد

بابا الضحية

20-03-2009, 09:48 PM

:nice:
تركتوا التعدد وتطالبون بزياده عدد السكان احنا عددنا 250000 ولو كل واحد من الرجال عدد بيكون عددنا 1000000علال فتره قصيره

الله ايعيني على الردود النسائيه والمعارضه لهالموضوع على طول بس هذي وجهة نظر وليكن لنا في رسولنا(صلى الله عليه وسلم) اسوه حسنه في كل الأمور ولا بد من ان تشجع الدوله التعدد بزياده العلاوه الزوجيه للمتعددين وللأبناء

والله من وراء القصد

:nice: انا مع التعدد للقادرين على التعدد :nice: ماديا ومن ناحية العدل :nice:

الهـواوي

20-03-2009, 09:54 PM

السلام عليكم

والله بالنسبه للسكان القطريين انا شوف يالطيب عددهم تقريبا 250 الألف في أسباب ولعلمك عدد سكان قطر سنة 1900 كان أكثر من 30 الألف بالراحه هذا الشيء الم يكن 50 الألف ولأكن انت تعرف المنطقه فيها حساسيه بين بعضها وشاركت قطر وقبائل قطر في كثير من الحروب حتى قيل ان احد الحروب كان ضحايها الي هم من قبيلة المعاضيد دون آل ثاني كأن أكثر من 100 رجل !!؟؟ قول لو كانُ موجودين هذولا ال 100 رجل لكان زاد عددنا بالعكس دول الجيران مثل مصر وسوريا ولبنان وبرطانيا وغيرهم من الدول وان كثير من أهل من هاجر الى الدمام والى البحرين والى الامارات والى الكويت أيام القحط ولو تروح اهناااك تلقى نفس القبائل اللي اشتهرت في قطر تحصله اهنااك مثل الكعبان متواجدين في الدمام و البحرين والبوكواره في الدمام والبحرين والكويت ومنهم في الأمارات وآل بوعينين في الجبيل والبحرين وغيرهم من اهالي قطر وغير اللي راحو ضحية حروب اهليه في الدوله بين القبائل او في الخفوس او يوم الأنقلاب اللي حزن عليه اهالي قطر هذا االيوم لما راح ضحيته من العساكر الوافيين والمنقلبين وغير الشباب اللي اتبعو طريق الظلام والفساد وكثرو هذي الأيام بعدما حل التحاليل في الجيش وأكتشاف بال 4 و 8 و7 مصابين بالأيدز وغير اللي راحوا ضحية انتشار (( السرطان)) في قطر كالزكام وانتشار الأوبئه وغير اللي راحوا ضحية مستفى حمد الطبي وغيرهم من المستشفيات فأعذرن لأقول لك الدابه الكبرا وهي السيارات !! (( السيارات))
اللي قضة على 20 % من شباب دولة قطر

ديمقراطي

20-03-2009, 10:43 PM

ماجات السالفه على 100 رجل قتلوا فالحروب .. اذا بنقول جذيه عيل شنقول على فلسطين الي من شهر اشتهد اكثر من 1400 تقريباً .. الموضوع إنه عددنا قليل جداً وهذا قاعد يجبرنا نستقبط كثير من العمالة الخارجية (ما اتكمل عن عمالة صغار موظفين) اتكلم عن كبار الموظفين الي نجيبهم من برا .. يعني لو كنا نصف مكتفين ذاتياً ما وصول سوق العمالة القطريه بين ال 8 لين ال 15% ..

الوان

20-03-2009, 10:54 PM

على جذيه
لازم تنزل ال 500 في حساب المرأه لترغيبها في الحمل و الولاده
بالإضافه الى تسليمها دفعه اولى لتكاليف غرفة الولاده
و لازم تمنع صرف حبوب منع الحمل!!!
و بناء على ذلك لازم الدوله تدعم حليب الاطفال
لأن اذا الام بتحمل كل سنه فمن بيرضع اليهال!!

Me&OnLy

20-03-2009, 11:08 PM

والله صراحه الموضوع يخص الدوله ويخص العوائل فيه عوائل ماتشبع من المهور وفيه عوائل تبي الستر لكن المشكله شلون نوصل الى نقطه بين العوائل والدوله على اساس نحث شبابنا على الزواج ونحثهم على الانتاج لكن هي مشكله وحلها شبه مستحيل لانه يقف امام الكثير من العتبات فالشكوى لله

OREO

20-03-2009, 11:09 PM

وثيقة قطرية

23-03-2009, 06:32 AM

والله في ناس من أهل البلد مايحملون الجنسية القطرية ليش مايعطونهم ويزيد عدد القطرين
على الاقل عندهم عادات وتقاليد قطر ومن أبناء قطريات
الله كريم