موقف قديم حصل قدامي [الأرشيف] - منتديات شبكة الأسهم القطرية

مشاهدة النسخة كاملة : موقف قديم حصل قدامي

جرير

21-03-2009, 05:10 AM

اتذكر هالموقف على ايام التكسي البرتقالي ....

كان فيه راعي تكسي طلع من فتحه فرعيه الى شارع رئيسي قبل دوار التضامن ب 100 متر

يعني طلع راعي التكسي من الفتحه اللي قبل الدوار والدوار كان زحمه

المهم راعي المكسيما عصب عليه:anger1: ليش تطلع من دون ما اعطيك انا مجال( موقف عادي لا

يستدعي العصبيه ) ويحشره بهرانه وراعي التكسي يطلع يده يعتذر منه وما فيه فايده وتم

يلحقه ومشى وراه في الدوار وتم يلحقه وما فيه فايده ويحاول يوقفه وراعي التكسي خايف

مسكين ما يبي يوقف . . . وراعي التكسي رايح صوب دوار بو ها مور وراعي المكسيما وراه

ويحاول يلز عليه ويجاكره وما فيه فايده (طبعا انا من زود الفضول قلت خلني اشوف شسالفه

لانه كان باقي على الغداء ساعه قلت خلني اشوف نهايتهم) المهم راعي التكسي طلع على خط

الصناعيه والحبيب وراه وانا طبعا وراهم طافو على مقبره بو هامور وصلو لين الصناعيه

(مسكين راعي التكسي كسر خاطري حاول يناور خذ لفتين على الدوار في محاوله لتظليل العدو

(راعي المكسيما) بس مافيه فايده المهم escape. . . . راعي التكسي راح صوب الصناعيه الجديده

شارع 44 او 43 اذا ما خانتني الذاكره . . . يعني مكان فاضي ما فيه حد كله هناقر(مباني

حديديه) طبعا وانا اترصد الاحداث . . . راعي التكسي كان معاه زبون . . الظاهر حاسبه قبل

لاينزل لا ن راعي التكسي اول ما وقف ما صدق خبر الزبون شرد على طولescape . . . جاك الموت:spider:

وهني راعي المكسيما وقف وصكر عليه والتكسي صاده ضيق تنفس . . . واسوداد في

العين . . من الخرعه . .. . .

وقفت انا وتفاجئو فيني وانا رايح صوبهم اللي عور قلبي وحز في خاطري راعي المكسيما

كان مشغل قران . . . لان باب السياره كان مفتوح كانت فيه خدامه راكبه في الكرسي الخلفي

المهم الحبيب راح ومسك راعي التكسي ويهاوشه ويسحبه :strongمن الموتر وانا امسكه واهديه

واقوله اذكر الله السالفه ما تسوى عليك ياشيخ تلحقه من دوار التضامن لين هني على شان

طلع قدامك في الزحمه ويسبه وشق قميصه وراعي التكسي يصيح واحاول فيه يابو الشباب

يالحبيب ما يصير هالكلام ويسالني انت تحريات قلت له لا ويزيد من رغبته في الانتقام من

راعي التكسي . . . الا يبي ياخذ الرخصه من راعي التكسي بالغصب لا واللي بط جبدي يوم

عطاني الغتره والعقال يقول امسكهم خلني اسطره هني انا استغربت من هالشخص ورفع

ضغطي . . . قمت انا قلت حق راعي التكسي عطه الرخصه . . . قام راعي التكسي وعطاه

الرخصه بس عشان افك راعي التكسي منه . . . انا ما استحملت فقمت سجلت رقم سيارته

وعطيته راعي التكسي لانه مسكين ما يعرف شيسوي وعطيته رقم تلفوني قلت له اذا رحت

مركز الشرطه وقالو لك شي اتصل لي انا بشهد وبقول كل شي. . .

(سبحان الله ناس عقولها صغيره )

Me&OnLy

21-03-2009, 05:16 AM

هههههههههههههههههههههه الحمدالله على نعمة العقل فعلا ذو عقل صغير هذا الرجل امره عجيب

غدير البورصه

21-03-2009, 08:10 AM

يقولون المسامح كريم

لاكن راعي المكسيما لامسامح ولا كريم
عنده ماكسيما وسوا جذيه عيل لو عنده بنتلي ولا رنج سبورت شبيسوي في راعي التكسي
لا حول ولا قوة الا بالله

داااايم السيف

21-03-2009, 09:11 AM

لاحول ولا قوة الا بالله العلي العظيم ، يعني معقوله يلحقه من دوار التضامن لين الصناعيه !!! اشدعوه مازهق وهو يلحقه!!! والمصيبه انه مشغل قرآن !!! والله العظيم مادري هالناس اشلون اتفكر !!! بس اخوي الغالي عندي سؤال ؟؟؟ لو كان اللي لف عليه عند دوار التضامن شخص ثاني خلونا انقول على سبيل المثال واحد راكب (لكزس فورويل !! في اكس ار !! بي ام !! بورش كيان) الخ.... هل كان يتجرأ الاخ (راعي المكسيما) ويلحقه كل هالمسافه ؟؟ اتوقع كان سلم عليه وهو رايح هههه ، عموماً موضوع جميل والله يعطيك العافية والله لايحرمنا من جديدك الرائع.

بابا الضحية

21-03-2009, 03:29 PM

لاحول ولا قوة الا بالله في ناس فعلا فاضيين وظالمين

ناصر العمادي

21-03-2009, 04:12 PM

لاحول ولا قوة الا بالله ..

أذا دعتك قدرتك على ظلم الناس ..فتذكر قدرة الله عليك ..

للأسف بعض الناس تطلع منهم تصرفات الكل يخجل منها ومايصير ريال الا على الضعيف ..

نسأل الله الهدايه للجميع يارب

يعطيك الصحه والعافيه على الموضوع والموقف الصعب

الله يوفقك ويطول بعمرك ويرضى عليك دنيا وأخره أن شاء الله

كل الشكر والتحيه والتقدير والأحترام لك

حبر سري

21-03-2009, 04:21 PM

عندي سؤال ؟؟؟ لو كان اللي لف عليه عند دوار التضامن شخص ثاني خلونا انقول على سبيل المثال واحد راكب (لكزس فورويل !! في اكس ار !! بي ام !! بورش كيان) الخ.... هل كان يتجرأ الاخ (راعي المكسيما) ويلحقه كل هالمسافه ؟؟ .

اسمح لي انا ارد يابومطر

مااظن بصراحة

ولا بيلحقه ولا شي , لكن بعض الناس الله يهداهم اذا شافوا واحد فقير ومهب قادر يتكلم , صاروا أسود

أسد عليّ وفي الحروب نعامة
ربداء تجفل من صفير الصافر

ALRAYYAN

21-03-2009, 07:51 PM

شخص سفيه وليس على السفيه حرج

وطن

21-03-2009, 08:04 PM

زين وبعدين
راح اشتكى ولا لا؟

بنت^البحرين1

21-03-2009, 08:19 PM

عادي كلش والله

انا مره دايسه فوق ال 130 على الهاي ويه ، ميته من الخوف ابي اوصل الدوام بسرعه حدي بكللللللل بروووووووووود طالع لي ميني باص جدامي والله مابالغ يمكن يمشي 30 اذا مو اقل، بالعداااااااااااااال واولع له ديم ، اكبس مافي فايدة ، أخرتها طق لي بريك ومطلع لي يده يأشر لي خير شعندج؟؟
الحل هو التطنيش وتغيير المسار، لان في بعضهم بيقعد يترصد لك خاصه لي كان فاضي ماعنده اي مشاكل انه ينزل ويتهاوش

همي علي قدي

21-03-2009, 09:10 PM

لو سمحت كمل القصه
اتصل فيك ولا شنووووووووووووو

بلاهويـــــة

22-03-2009, 08:47 AM

ما عنده سالفة

سهم المراقيب

22-03-2009, 09:40 AM

الشيطان يحظر في بعض المواقف ,,

حتى اذاجاك واحد طايش ولف عليك أو سوى حركة بايخه ...
الأفضل انك يتعوذ من الأبليس واتطنش ,,

لاداعي

22-03-2009, 09:46 AM

ماعنده سالفه

لاحول ولا قوة الا بالله

saaam

22-03-2009, 09:50 AM

صج يرفع الضغط >>>>>عصبت

بوسيف الهاجري

22-03-2009, 09:53 AM

كخخخخخخخخخخ
والله نفس الموقف حصلي

جرير

22-03-2009, 02:39 PM

هههههههههههههههههههههه الحمدالله على نعمة العقل فعلا ذو عقل صغير هذا الرجل امره عجيب

فعلا العقل نعمه

يقولون المسامح كريم

لاكن راعي المكسيما لامسامح ولا كريم
عنده ماكسيما وسوا جذيه عيل لو عنده بنتلي ولا رنج سبورت شبيسوي في راعي التكسي
لا حول ولا قوة الا بالله

السالفه موب سالفه بنتلي او رنج سبورت . . . السالفه في تفكير صاحب السياره

وطريقه تعامله مع الناس

لاحول ولا قوة الا بالله العلي العظيم ، يعني معقوله يلحقه من دوار التضامن لين الصناعيه !!! اشدعوه مازهق وهو يلحقه!!! والمصيبه انه مشغل قرآن !!! والله العظيم مادري هالناس اشلون اتفكر !!! بس اخوي الغالي عندي سؤال ؟؟؟ لو كان اللي لف عليه عند دوار التضامن شخص ثاني خلونا انقول على سبيل المثال واحد راكب (لكزس فورويل !! في اكس ار !! بي ام !! بورش كيان) الخ.... هل كان يتجرأ الاخ (راعي المكسيما) ويلحقه كل هالمسافه ؟؟ اتوقع كان سلم عليه وهو رايح هههه ، عموماً موضوع جميل والله يعطيك العافية والله لايحرمنا من جديدك الرائع.

الله يعافيك . . . ويسلمك . . . يالله احيانا الدنيا تكون مظاهر مع بعض الناس

وبالذات الاشخاص المرضى نفسيا

لاحول ولا قوة الا بالله في ناس فعلا فاضيين وظالمين

وفاهمين الدنيا غلط

لاحول ولا قوة الا بالله ..

أذا دعتك قدرتك على ظلم الناس ..فتذكر قدرة الله عليك ..

للأسف بعض الناس تطلع منهم تصرفات الكل يخجل منها ومايصير ريال الا على الضعيف ..

نسأل الله الهدايه للجميع يارب

يعطيك الصحه والعافيه على الموضوع والموقف الصعب

الله يوفقك ويطول بعمرك ويرضى عليك دنيا وأخره أن شاء الله

كل الشكر والتحيه والتقدير والأحترام لك

أذا دعتك قدرتك على ظلم الناس ..فتذكر قدرة الله عليك ..
مشكور اخوي ناصر الله يحفظك ويسلمك ويوفقك ويرضى عليك دنيا واخره

بنت^البحرين1

23-03-2009, 12:16 AM

لوليتا قطر

23-03-2009, 07:45 AM

والله متفررغ رااعي المكسيماا شكلة ماا عندة شغل

مستثمر تحت التعليم

23-03-2009, 08:09 AM

نصيحه يالربع هاليام المسائل أختلفت ولحد منكم يحاول يسوي سوات راعي المكسيما والله ثم والله أن واحد عندنا في العمل سوي أقل من هالشي مجرد أنه تلاسن مع الهندي في الشارع ومد يده وامسكه من رقبته بدون ظرب وبدون الم باعتراف الهندي نفسه ولكن الهندي أشتكي في حقوق الأنسان ورفع قضيه وجرجرو رفيجنا من محكمه لين محكمه لمده سنه واكثر وصاحبنا ايقول من القهر المحامي مال الهندي كل جلسه يطلب شي ثاني مره فحص طبي ومره الحاله النفسيه ومره الشهود وعلى هالحال حتى أن صاحبي ايقول عرضت عليه 10000ريال ورفض لأن الهندي بطران وطلع مدير فرع فبنك وذل صاحبنا وعذبه وفي الأخر غرامه ماليه 3000 ريال واتعاب المحامي بس صاحبنا كره دنياه وحالته النفسيه اتعبت على ساعة قضب سببت له المشكله

فالنصيحه للكل الأقتداء يحديث للرسول صلى الله عليه وسلم
عن أبي هريرة رضي الله عنه ، أن رجلا قال للنبي صلى الله عليه وسلم : " أوصني " ، فردّد ، قال : ( لا تغضب ) رواه البخاري .

جرير

23-03-2009, 11:55 PM

اسمح لي انا ارد يابومطر

مااظن بصراحة

ولا بيلحقه ولا شي , لكن بعض الناس الله يهداهم اذا شافوا واحد فقير ومهب قادر يتكلم , صاروا أسود

أسد عليّ وفي الحروب نعامة
ربداء تجفل من صفير الصافر

على قولتك اخوي حبر سري يمكن بعد يسوي روحه ما يشوفه بعد عسل على قلبه

شخص سفيه وليس على السفيه حرج

:nice::nice::nice::nice::nice::nice:

زين وبعدين
راح اشتكى ولا لا؟

والله ما اتصل والا كنت ناطر اتصاله بفارغ الصبر

عادي كلش والله

انا مره دايسه فوق ال 130 على الهاي ويه ، ميته من الخوف ابي اوصل الدوام بسرعه حدي بكللللللل بروووووووووود طالع لي ميني باص جدامي والله مابالغ يمكن يمشي 30 اذا مو اقل، بالعداااااااااااااال واولع له ديم ، اكبس مافي فايدة ، أخرتها طق لي بريك ومطلع لي يده يأشر لي خير شعندج؟؟
الحل هو التطنيش وتغيير المسار، لان في بعضهم بيقعد يترصد لك خاصه لي كان فاضي ماعنده اي مشاكل انه ينزل ويتهاوش

على قولتج اختي بنت البحرين فعلا الواحد لازم يكبر عقله ووووووايد

بنت ابوها 19

24-03-2009, 12:02 AM

هاي ضعفااء الشخصيه وبلا رجوله

لو فيه خير خل يطلع حرته ع قطري نفسه مب باكستاني مسكين
ناس شخصيتها ضعيفه بالمجتمع والعايله
أطلع شخصيتها وقوتها على الي اضعف منها

ترا معروفه ومفهومه :sneaky:

جرير

24-03-2009, 12:25 AM

لو سمحت كمل القصه
اتصل فيك ولا شنووووووووووووو

لا ما تصل للأسف

ما عنده سالفة

من قلب ما عنده سالفه

الشيطان يحظر في بعض المواقف ,,

حتى اذاجاك واحد طايش ولف عليك أو سوى حركة بايخه ...
الأفضل انك يتعوذ من الأبليس واتطنش ,,

لازم الواحد دايما يتعوذ من ابليس على قولتك اخوي . . . لانه ما تسوى على الواحد اذ

بيقعد حق العالم هذي لف علي وهذي طق لي هرن ما راح يخلص

ماعنده سالفه

لاحول ولا قوة الا بالله

مالقى الا المسكين يتشطر عليه

صج يرفع الضغط >>>>>عصبت

ويفقع المراره بعد

كخخخخخخخخخخ
والله نفس الموقف حصلي

ان شالله ما صارت مشكله كبيره بس

السهم الحلال

24-03-2009, 12:33 AM

الله يرحم أيام زمان

الحين ندور عليهم التكاسي الصفر

biz-qtr

24-03-2009, 03:37 PM

ماعنده ساااااالفه وبااااااايخ حدددددده وتاااااافهه

فيه نقص صدقني

مالت بس اقول

يستقوون ع الفقارا المسااكين

ياقوي فيه من اقوا منك

بط جبدي خاطري اسطره :anger1::anger1::anger1::anger1::anger1::anger1::a nger1::anger1::anger1::anger1::anger1::anger1::ang er1::anger1::anger1::anger1::anger1::anger1::anger 1::anger1::anger1::anger1::anger1::anger1::anger1: :anger1::anger1::anger1::anger1::anger1::anger1:

pure

24-03-2009, 03:43 PM

مقيوله ابوي ما يقدر الا على امي :looking:

يستقوي عل البتاني المسكييين !

بعدين بدال لا يتعوذ من الشيطان تم يلاحقه من شارع ليا شارع

لا حول ولا قوة الا بالله بكل بساطه كان يقدر يقول " اعوذ بالله من الشيطان الرجيم " وبيروح عنه الغضب

جرير

25-03-2009, 12:46 AM

سبحان الله العظيم اليوم شفت نفس الموقف تقريبا جدام عيني وسيده تذكرت الموضوع والله

وانا راده من الدوام وحشرة وزحمه ثنتين ونص والسيد صاك مايتحرك وكل واحد يبي يعرف شسالفة، وصدفه اشوف واحد في كروزر الظاهر من حسب ماشفت انه حك الاكس فايف اللي جدامه ، والله بعيني ماشفت الا راعي الاكس فايف نااازل والشر يتطاير منه ويفتح باب الكروزر ويسحب الريال من رقبته( طبعا تسكر الخط وزحمه لي مادري وين والسبه ان هالسيارتين وقفوا صكوا الشارع ) ، مادري ليش انرعبت ، بصراحه ماله داعي يسوي هلون ، الريال استوى عجينه ذاك زانطه من رقبته بس عقب انا طفت من بينهم لان يطقون هرنات ولا يندرى شصار

هل يستدعي حكه بسيطه كل ذي؟ الحين كاشخ ويازعم برستيج يتصرف هالتصرف الهمجي ؟؟

طبعا ما يستدعي هذا كله . . . هذي بس عشان حك موتره شلون لو داعمه اعتقد

يمكن راعي الاكس فايف ياكله

والله متفررغ رااعي المكسيماا شكلة ماا عندة شغل

من قلب متفرغ يدور على المساكين

مستثمر تحت التعليم;3881382]نصيحه يالربع هاليام المسائل أختلفت ولحد منكم يحاول يسوي سوات راعي المكسيما والله ثم والله أن واحد عندنا في العمل سوي أقل من هالشي مجرد أنه تلاسن مع الهندي في الشارع ومد يده وامسكه من رقبته بدون ظرب وبدون الم باعتراف الهندي نفسه ولكن الهندي أشتكي في حقوق الأنسان ورفع قضيه وجرجرو رفيجنا من محكمه لين محكمه لمده سنه واكثر وصاحبنا ايقول من القهر المحامي مال الهندي كل جلسه يطلب شي ثاني مره فحص طبي ومره الحاله النفسيه ومره الشهود وعلى هالحال حتى أن صاحبي ايقول عرضت عليه 10000ريال ورفض لأن الهندي بطران وطلع مدير فرع فبنك وذل صاحبنا وعذبه وفي الأخر غرامه ماليه 3000 ريال واتعاب المحامي بس صاحبنا كره دنياه وحالته النفسيه اتعبت على ساعة قضب سببت له المشكله

فالنصيحه للكل الأقتداء يحديث للرسول صلى الله عليه وسلم
عن أبي هريرة رضي الله عنه ، أن رجلا قال للنبي صلى الله عليه وسلم : " أوصني " ، فردّد ، قال : ( لا تغضب ) رواه البخاري [/CENTER].

يعطيك العافيه اخوي على مشاركتك في وضع هذا الحديث

هاي ضعفااء الشخصيه وبلا رجوله

لو فيه خير خل يطلع حرته ع قطري نفسه مب باكستاني مسكين
ناس شخصيتها ضعيفه بالمجتمع والعايله
أطلع شخصيتها وقوتها على الي اضعف منها

ترا معروفه ومفهومه :sneaky:

:anger1::anger1::anger1::anger1::anger1::anger1:

الله يرحم أيام زمان

الحين ندور عليهم التكاسي الصفر

الحين التكسي الاخضر عديم الجدوى

ماعنده ساااااالفه وبااااااايخ حدددددده وتاااااافهه

فيه نقص صدقني

مالت بس اقول

يستقوون ع الفقارا المسااكين

ياقوي فيه من اقوا منك

بط جبدي خاطري اسطره :anger1::anger1::anger1::anger1::anger1::anger1::a nger1::anger1::anger1::anger1::anger1::anger1::ang er1::anger1::anger1::anger1::anger1::anger1::anger 1::anger1::anger1::anger1::anger1::anger1::anger1: :anger1::anger1::anger1::anger1::anger1::anger1:

الا كان يبي له جلد في نفس المكان اللي هو فيه

مقيوله ابوي ما يقدر الا على امي :looking:

يستقوي عل البتاني المسكييين !

بعدين بدال لا يتعوذ من الشيطان تم يلاحقه من شارع ليا شارع

لا حول ولا قوة الا بالله بكل بساطه كان يقدر يقول " اعوذ بالله من الشيطان الرجيم " وبيروح عنه الغضب

الضحيه كان هندي . . . يلاحقه لانه متفرغ ويحاول يدور له على دور يبرز فيه شخصيته المهمشه

برشلوني قطر

26-03-2009, 06:15 PM

هههههههههههههههههههههههههههههههههههههههههههههههههه هههه
هههههههههههههههههههههههههههههههههههههههه

زين ماجاب ربعه فالصناعيه وارقدووبه هههههههههههههههههههه..

بس مثل ماقال احد الاخوان..الحين الدنيا مب سمردحه..والله ان يتحسف لو مشتكي عليه..

مستعد يسحبه ويلوع جبده...

ذكرتني في سالفه...مره شريت شوارما من احد المطاعم فالمرخيه وطلع لي فالستدويش قطعة

جزاز:rolleyes2: ويووم هاوشته تذكرت مالك الا الشرطه..واتصل فيهم واقدم

شكوى ... << الصراحه مب هو تلعوز...انا الي تلعوزت من المحاكم ههههههههههه:secret: << اشفيني طلعت بررع الموضوع

المهم اخوي..الله يجزيك خير ع موقفك...والا ماتدري يمكن اذبحه واحذفه عند النيبال فالصناعيه ياكلونه :eek5: