ما افضل العيادات لتبـيـيــض الاســنـــاان ؟.!

[فلفل حار]

صباح الخير :)

بناء علي طلب احد الاخوان عن كم سؤال بخصوص تنظيف الاسنان وتبييضها !

1 - ما افضل عياده في قطر ؟!
2 - هل توجد اضرار جانبيه او مفعول مؤقت للتبيض ؟!
3 - كم التكلفه التقريبيه ؟!

واذا توجد أي اضافه وتعليقات اكون شاكر لكم

ويفضل تكون من تجاربكم الشخصيه :telephone:


وجزاكم الله خيرا
:tooth:

[فلفل حار]

http://www.dohaup.com/up/2009-03-01/dohaup_1852686768.jpg

:tooth:

[هتـان قطر]

صباح الخير فلفل حار

دايما اسمع ان الاسنان تصبح حساسه جدا بعد التبييض واسعارهم

من 700 الى 1000 ريال

ويقولون فيه طريقه جديده وهي تلبيس الاسنان خزف بدون برد الاسنان

يعني اسنانك مثل ماهي بس ياخذون قياسات لها ويلبسونها ماده خزفيه

امس اقرى هذا الخبر في مجلة الجميله اللي مع جريدة الوطن

وكان اللقاء مع مركز ماجيستيك في المرخيه :secret: سويت لهم دعايه

[فلفل حار]

صباح النور اختي هتان :)

يعطيج الف عافيه علي المعلومات:)

وجزاج الله خير الشيخــه:nice:

[الوان]

إذا اسنانك اصلا عليها تلبيس ما تقدر تبيضها بالطريقه العاديه
اما اذا كانت اسنانك سليمه و طبيعيه (( ما شاء الله)) يعطونك
مثل الجل تحطه على اسنانك و تحط عليه شي بلاستك و بعد اعتقد نص ساعه تشيله
و تكون اسنانك بيضا
هذا اللي اعرفه
ان شاء الله الاعضاء يفيدونك
خاصه اذا كان بينهم طبيب اسنان

[!قطريـة بنت القمـر!]

ماعندي فكره شامله عن تبييض الاسنـان ولكن .... انصـح بالعيادة اللبنانيه القطرية للاسنان وتعاملت معاهم و من بعدها وديت اهلي لهم وبصـراحة شغل ممتاز ....

[المتأمل خيرا]

أخوي العزيز "فلفل حار" - على الرغم أن الفلفل الحار مايناسبني كثير :) - ، إذا كان عندك صبر لمدة اسبوعين، خلالهم جرّب معجون :

Crest 3D White Deluxe

لأني جربته ووجدت إنه فعـّـال جداً..

وأنا أتكلم عن اسنان عادية ليس عليها تلبيس.. "فقط للإيضاح"..

مع خالص التحية،،،

[eXpert*]

يا جماعة احذروا كذبة التبيض ترى كلها كلام فارغ .


تبيض الاسنان يتم عن طريق ازالة الطبقة السطحية من المينا ،، لتظهر تحتها ظبقة بيضا تستمر معك في افضل الاحوال ما لا يجاوز الشهر وبعدها ترجع الاسنان شديدة الاصفرار ويجب عليك ان تعود وتعمل تبيض مرة أخرى وازالة طبقة سطحية مرة اخرى وهلما جري الى ان يصبح السن ضعيفاً قابلاً للسقوط والالتهابات .

أما التنظيف والتلميع لا خوف منهم ان شاء الله .

في طريقة طبيعية لتبيض الاسنان :

وهي بـ أخذ الفحم الطبيعي ((وليس الصناعي)) وطحنه لـ يصبح نفس البودرة ، وتوضع كمية قليلة منه على فرشاة الاسنان وتفرشّ الاسنان بلطف (( يرجى العلم ان الضغط الشديد على الفرشاة قد يسبب خدوش في طبقة الاسنان )) .

[pure]

ما انصحك كلش بالتبيض شاللي حادك اخوي استعمل معجون الاسنان فيه انواع خاصه

لان الاسنان تصير حساااسه وااااايد ماتقدر حتى تبتسم

تصير حساسه حتى من الهوا !

بعدين خل يبعد عن مسببات اصفرار الاسنان من تدخيين - شرب القهوه والجاي ... الخ من العادات الغذائيه الخاطئه

[المتأمل خيرا]

.. .. ..

في طريقة طبيعية لتبيض الاسنان :

وهي بـ أخذ الفحم الطبيعي ((وليس الصناعي)) وطحنه لـ يصبح نفس البودرة ، وتوضع كمية قليلة منه على فرشاة الاسنان وتفرشّ الاسنان بلطف
.. .. ..




أتفق مع كلام اخونا "eXpert" عن الفحم الطبيعي لتبييض الأسنان، و كانوا الناس يستخدمون هذه الطريقة.. وانا شخصياً جربتها..

[المرونة]

وين نحصل الفحم الطبيعي وين يبيعونة ؟؟

[N7eEeS]

عن نفسي سوية تبييض ماذكر بس اعتقد ب 1000.
ونصايح لاتشرب شي فيه الوان اسبوع وسمعنا النصايح وعقب فتره رجعت الاسنان كما كانت عليه قبل التبييض.
يعني من وجهة نظري مامنه فايده.
افضل شي هو السراميك بس مادري اذا في احد يسويه في قطر او لا :)

[Me&OnLy]

افضل شي للتبيض دون منازع هو المسواك خلك وياه :)