المساعد الشخصي الرقمي

مشاهدة النسخة كاملة : قصة حقيقية من المجتمع القطري ...!!!


Bu Rashid
22-03-2009, 12:11 AM
كتبت هذه للقصة باختصار للعبرة وأخذ الحذر ... فارجو عدم ذكر أية أسماء أن عرفتم أبطالها

شاب قطري متزوج من بنت عمه ... تزوج الثانية من بنت غير قطرية.
جاب من الثانية بنت وولد وخلال زواجهما كتب لها أرض بأسمها ...حصل خلاف معها فطلقها ..

وبعد فترة قصيرة جداٌ تقدم لها قطري أخر للزواج من المطلقة فتركت الاولاد للزوج الاول يرعاهم وتزوجت ...
رزق الزوج الجديد بالاولاد وقام الزوج ببناء الارض وسكنوا في البيت وبعد عدة سنوات حصل خلاف بينهما وتم الطلاق ...
وطلبت من الزوج الخروج من البيت لان البيت بأسمها فرفض وأشتكت علية في المحاكم ..
وحكم القاضي بان يخرج من الفيلا ويعيش في الملحق لان الارض لها وهو الذي بنى البيت..

بعد فترة قصيرة دخل الرجل المنزل ليلاٌ لشرب الماء قبل دخوله الملحق واذا برجال يهجموووون
عليه لابسيين عبائات وبراقع نسائية واخذوا يضربونه وارادوا أن يربطوا فمه كي لا يصرخ
وقاومهم وعض أحداهم الذي أراد أن يربط فمه وسال الدم ...
واذا بدخول الاطفال وقاموا بالصراخ وهرب الملثمون وقامت الزوجة المطلقة بالاتصال في الشرطه والاسعاف لنجدة طليقها ...

بعد التحقيق وأخذ عينات الدم والبصمات ... تبيين بان الزوجة أتفقت مع السائق
بهذه الجريمة .. فتم القبض على العصابة وحبس المتهمه وخرجت بالكفالة والقضية الان في المحكمة ...!!

طبعاٌ البعض سيقول البعض هذى فيلم هندي وواحد بقول مصري ولكن للاسف قصة حقيقة كالافلام الامريكية ...
وطن
22-03-2009, 12:16 AM
ما فهمت
هي اتفقت معاهم
وهي اسعفته؟
Me&OnLy
22-03-2009, 12:16 AM
لاحول ولا قوة الا بالله حسبي الله ونعم الوكيل


الله راح يحاسبهم حساب عسير


عشان تبعد الشبهه ياوطن
Bu Rashid
22-03-2009, 12:17 AM
ما فهمت
هي اتفقت معاهم
وهي اسعفته؟



نعم ... يقتل القتيل ويمشي في جنازته
GPC
22-03-2009, 12:21 AM
بعد فترة قصيرة دخل الرجل المنزل ليلاٌ لشرب الماء قبل دخوله الملحق


ليش ماعنده ماء في الملحق؟
غريبة والله ... احس انه هناك حلقة مفقودة في القصة
بنت^البحرين1
22-03-2009, 12:22 AM
والله مواضيع تبط الجبد ، عشان لين قلنا حلاة الثوب رقعته منه وفيه ، شفيها القطرية ؟؟ لازم واحد تقوله تأبرني ابن عمي و الا من هالطخه عشان تكون حياته سعيده ؟؟
زين الحين هلون ؟

ربي يفك ضيقته وماله غير كلمة حسبي الله ونعم الوكيل وان شاءالله رب العالمين مابيضيع حقه منها دام هي ظالمته
Bu Rashid
22-03-2009, 12:25 AM
ليش ماعنده ماء في الملحق؟
غريبة والله ... احس انه هناك حلقة مفقودة في القصة



الحلقه ليست مفقووووووودة .. والمجرموووون في السجن
والشكر للمحققيين والشرطة في خدمة الشعب
Bu Rashid
22-03-2009, 12:28 AM
والله مواضيع تبط الجبد ، عشان لين قلنا حلاة الثوب رقعته منه وفيه ، شفيها القطرية ؟؟ لازم واحد تقوله تأبرني ابن عمي و الا من هالطخه عشان تكون حياته سعيده ؟؟
زين الحين هلون ؟

ربي يفك ضيقته وماله غير كلمة حسبي الله ونعم الوكيل وان شاءالله رب العالمين مابيضيع حقه منها دام هي ظالمته



عجبتني ... زين الحين هلون ؟
بنت عمي أزيدج من الشعر بيت ... بنت عمة القطرية هي التي تربي البنت والولد الان
وتعاملهم معاملة أولادها ...
biz-qtr
22-03-2009, 12:29 AM
الحمدلله والشكر

الله يستر

الدنيا بارده
ولد النواخذه
22-03-2009, 12:43 AM
بل شالخبصة شل العفيسة الله المستعان
ابن قطر
22-03-2009, 12:48 AM
حلات الثوب رقعته منه وفيه

وتحصل في احسن العائلات

وموضوع واقعي تسلم بو راشد
J & N
22-03-2009, 12:57 AM
هذا اللي يأخذ من برا :eek5:

خلها تسنعه وتراويه العين الحمراء :anger1: :victory:
راعي الكدلك
22-03-2009, 01:37 AM
يدخل المنزل ( آخر الليل ) علشان يشرب ماي !
شدعوه ماعنده ماي في الملحق ؟
pure
22-03-2009, 02:01 AM
بااال شربااكه

السوالف داش ببعض !

وحلاة الثوب رقعته منه وخل يفيده الزواج من غير قطريه وعلى بنت عمه عاد !
الطيبة كلها
22-03-2009, 03:02 AM
صح كلامك وانا اعرفهم واعرف بنت عمه الطيبه وايد وايد احبها
وحش قطر
22-03-2009, 03:55 AM
يدخل المنزل ( آخر الليل ) علشان يشرب ماي !
شدعوه ماعنده ماي في الملحق ؟

الحين خليت المهم وقعت على كوب الماي

ياخي حذ العبرة وخل كوب الماي على جنب
غناتي1
22-03-2009, 06:58 AM
ان كيهن عظيييييييييييم
ANONYMOUS
22-03-2009, 07:07 AM
الحين خليت المهم وقعت على كوب الماي

ياخي حذ العبرة وخل كوب الماي على جنب


اهم شي الماي,..

وجعلنا من الماء كل شي حي

ولاحقين على الباقي

:p
بلاهويـــــة
22-03-2009, 07:28 AM
لا حول ولا قوة الا بالله العلي العظيم
::.Silent.::
22-03-2009, 07:41 AM
كلامك صحيــــح

و السالفه سمعتهـــا

و اعرف تفاصيلهـــا بعد

حتى الزوجه الثانيه من جنسيه عربيــــه :)
Only Me
22-03-2009, 07:50 AM
الله كريم ان شاء الله
بس ايش المقصد من كتابة هالموضوع
الزاجل
22-03-2009, 07:53 AM
الله كريم ان شاء الله
بس ايش المقصد من كتابة هالموضوع


وايد صرتوا ادققون من هدف نقل او كتابة المواضيع ....> شنهي السالفة بالضبط ؟
في شي صار او قوانين جديدة في المنتدى ؟
:telephone:

صباحك عسل يا بس بروحك
Only Me
22-03-2009, 08:49 AM
وايد صرتوا ادققون من هدف نقل او كتابة المواضيع ....> شنهي السالفة بالضبط ؟
في شي صار او قوانين جديدة في المنتدى ؟
:telephone:

صباحك عسل يا بس بروحك

هههههههههههههههههه بس كنت ابي اعرف ايش المعنى من كاتبه هالمواضيع يعني يا القطري لا تزوج اجنبية ولا شسالفه هذا الي ابي اعرفه وشكرا
hxamad
22-03-2009, 08:52 AM
يستاهل ماجاه وليش يسجل البيت بسمها؟؟؟؟
الزاجل
22-03-2009, 08:56 AM
هههههههههههههههههه بس كنت ابي اعرف ايش المعنى من كاتبه هالمواضيع يعني يا القطري لا تزوج اجنبية ولا شسالفه هذا الي ابي اعرفه وشكرا

شوف الرد اللي عقب ردك.. استخلص نتيجة من كتابة الموضوع
انه ليش يكتب البيت باسمها.. فالشي اللي تعرض له ممكن يحصل من بنت
بلاده يعني من رده مب شرط اجنبية .
والبعض قال انه يستاهل ليش يتزوج اجنبية..

فأنت انتظر اشوي وبتحصل اسباب ونتائج كثيرة بتطلع .. :nice:

بس بجد بشكل عام اتفق معاك ..
ياليت انشوف فكرة صاحب الموضوع او على الأقل تعقيبه
وجهة نظره من اي موضوع يطرحه .الا اذا ما كانت عنده وجهة نظر
فهذا شي ثاني ..

وعفوا :telephone:
الوان
22-03-2009, 09:02 AM
عبرة لمن يعتبر
الشباب عيونهم طايره على الزوجه الثانيه
و خاصه اذا مب قطريه
خل يشوفون شتسوي الاجنبيه
لو كانت قطريه او خليجيه ما كان صار اللي صار
بوخالد2
22-03-2009, 09:07 AM
الله المستعان ان شاءالله

لاحول ولاقوه الابالله
OTOsan
22-03-2009, 09:15 AM
عبرة لمن يعتبر
الشباب عيونهم طايره على الزوجه الثانيه
و خاصه اذا مب قطريه
خل يشوفون شتسوي الاجنبيه
لو كانت قطريه او خليجيه ما كان صار اللي صار

وهذا بعد واحد من حكم الموضوع ..
- لا تتزوجون زوجه ثانية ،
- واذا فكرتو تتزوجون ، تزوجو قطريه او خليجية .. لانهم مايسوون هالسوالف !
الزاجل
22-03-2009, 09:19 AM
وهذا بعد واحد من حكم الموضوع ..
- لا تتزوجون زوجه ثانية ،
- واذا فكرتو تتزوجون ، تزوجو قطريه او خليجية .. لانهم مايسوون هالسوالف !

ربي يسلمك و يخليك
اصلا القطرية مالها قضايا في المحاكم
والخليجة ارفع مكانة ايضا من القضايا المماثلة في المحاكم ..:telephone:
بوحماني
22-03-2009, 09:38 AM
الله المستعان
مطيع الله
22-03-2009, 10:08 AM
يا عوين اللي ما يقدر يتزوج ثانية
يا حلو الحياة مع الزوجة الثانية
يا ناس متى يتم فرض التعدد بقانون وتوفير الحماية للمعددين؟
أليس ذلك رافد استراتيجي لزيادة تعداد المواطن القطري؟
وين مجلس الأسرة لما لا يسهم في تبني مثل القانون أعلاه؟
الامانه
22-03-2009, 10:58 AM
احسن
ليش يكتب البيت بسم الزوجه الثانيه ولا يكتبه بسم بنت عمه
خايف من بنت عمه
زين سوت فيه

انا ما اتشمت
ليش يتزوج الثانيه
ان كانت بنت عمه او غيرها ليش يتزوج عليها اصلا
كل واحد يفكر يتزوج على زوجته ان شاء الله زود
msd313
22-03-2009, 11:06 AM
شوف الرد اللي عقب ردك.. استخلص نتيجة من كتابة الموضوع
انه ليش يكتب البيت باسمها.. فالشي اللي تعرض له ممكن يحصل من بنت
بلاده يعني من رده مب شرط اجنبية .
والبعض قال انه يستاهل ليش يتزوج اجنبية..

فأنت انتظر اشوي وبتحصل اسباب ونتائج كثيرة بتطلع .. :nice:

بس بجد بشكل عام اتفق معاك ..
ياليت انشوف فكرة صاحب الموضوع او على الأقل تعقيبه
وجهة نظره من اي موضوع يطرحه .الا اذا ما كانت عنده وجهة نظر
فهذا شي ثاني ..

وعفوا :telephone:

:nice::nice::nice::nice:
eXpert*
22-03-2009, 11:16 AM
كتبت هذه للقصة باختصار للعبرة وأخذ الحذر ... فارجو عدم ذكر أية أسماء أن عرفتم أبطالها

شاب قطري متزوج من بنت عمه ... تزوج الثانية من بنت غير قطرية.
جاب من الثانية بنت وولد وخلال زواجهما كتب لها أرض بأسمها ...حصل خلاف معها فطلقها ..

وبعد فترة قصيرة جداٌ تقدم لها قطري أخر للزواج من المطلقة فتركت الاولاد للزوج الاول يرعاهم وتزوجت ...
رزق الزوج الجديد بالاولاد وقام الزوج ببناء الارض وسكنوا في البيت وبعد عدة سنوات حصل خلاف بينهما وتم الطلاق ...
وطلبت من الزوج الخروج من البيت لان البيت بأسمها فرفض وأشتكت علية في المحاكم ..
وحكم القاضي بان يخرج من الفيلا ويعيش في الملحق لان الارض لها وهو الذي بنى البيت..

بعد فترة قصيرة دخل الرجل المنزل ليلاٌ لشرب الماء قبل دخوله الملحق واذا برجال يهجموووون
عليه لابسيين عبائات وبراقع نسائية واخذوا يضربونه وارادوا أن يربطوا فمه كي لا يصرخ
وقاومهم وعض أحداهم الذي أراد أن يربط فمه وسال الدم ...
واذا بدخول الاطفال وقاموا بالصراخ وهرب الملثمون وقامت الزوجة المطلقة بالاتصال في الشرطه والاسعاف لنجدة طليقها ...

بعد التحقيق وأخذ عينات الدم والبصمات ... تبيين بان الزوجة أتفقت مع السائق
بهذه الجريمة .. فتم القبض على العصابة وحبس المتهمه وخرجت بالكفالة والقضية الان في المحكمة ...!!

طبعاٌ البعض سيقول البعض هذى فيلم هندي وواحد بقول مصري ولكن للاسف قصة حقيقة كالافلام الامريكية ...



شلون يدخل البيت وهو مطلقها ؟؟
Only Me
22-03-2009, 11:24 AM
للحين مافهمت المعنى

ويعني لو كتب البيت باسم قطريه او خليجيه ما بتسوي الي سوته الاجنبية

سواء قطرية او خليجيه او اجنبية الكل لهم مشاكلهم وروحوا المحاكم وبتعرفون
مزايين
22-03-2009, 11:37 AM
للحين مافهمت المعنى

ويعني لو كتب البيت باسم قطريه او خليجيه ما بتسوي الي سوته الاجنبية

سواء قطرية او خليجيه او اجنبية الكل لهم مشاكلهم وروحوا المحاكم وبتعرفون



لا طبعا القطرية ماتحب المحاكم وعاداتنا وتقاليدنا وتربيتنا ماتخلينا نوصل للمحاكم
تربينا على ان الواحدة تصبر على حياتها مع زوجها حتى لو هي مو مرتاحة ....أو تتطلق بدون محاكم .... وفي بعد عامل الخوف والحرص على مشاعر باقي أفراد العايلة ....مانوصلهم لهل مواقف
وأنا 1000000% مع زواج القطري من قطرية وبس الا في حالة اذا أخذ خليجية وتكون من أهله أما غريبة ....لا ولا ولا
احنا عندنا القطرية ماتاخذ الا قطري ((أنا أتكلم عموما ولا تشوفون الحالات الخاصة من الزواج واللي فيها البنت القطرية تزوجت غير قطري )) .....يعني اذا الشباب القطريين تزوجوا الجنسيات الثانية..... بناتنا من لهم ....وأهلهم مايرضون بغير القطري
أنا ماراح أقبل لعيالي بغير البنت القطرية .....بنت بلادي وبس .....وهذا هو رايهم هم بعد ....والله يوفق الجميع
Only Me
22-03-2009, 11:43 AM
لا طبعا القطرية ماتحب المحاكم وعاداتنا وتقاليدنا وتربيتنا ماتخلينا نوصل للمحاكم
تربينا على ان الواحدة تصبر على حياتها مع زوجها حتى لو هي مو مرتاحة ....أو تتطلق بدون محاكم .... وفي بعد عامل الخوف والحرص على مشاعر باقي أفراد العايلة ....مانوصلهم لهل مواقف
وأنا 1000000% مع زواج القطري من قطرية وبس الا في حالة اذا أخذ خليجية وتكون من أهله أما غريبة ....لا ولا ولا
احنا عندنا القطرية ماتاخذ الا قطري ((أنا أتكلم عموما ولا تشوفون الحالات الخاصة من الزواج واللي فيها البنت القطرية تزوجت غير قطري )) .....يعني اذا الشباب القطريين تزوجوا الجنسيات الثانية..... بناتنا من لهم ....وأهلهم مايرضون بغير القطري
أنا ماراح أقبل لعيالي بغير البنت القطرية .....بنت بلادي وبس .....وهذا هو رايهم هم بعد ....والله يوفق الجميع


وجهة نظر واحترمها بس بعد اقولج سواء قطرية او خليجيه او اجنبيه تبقى البنت بنت وتصير مشاكل من الكل وتقدرين تشوفين المحاكم قدامج والمشاكل واقري جرايد 2008 وبتعرفين المشاكل
ram757
22-03-2009, 12:26 PM
لا طبعا القطرية ماتحب المحاكم وعاداتنا وتقاليدنا وتربيتنا ماتخلينا نوصل للمحاكم
تربينا على ان الواحدة تصبر على حياتها مع زوجها حتى لو هي مو مرتاحة ....أو تتطلق بدون محاكم .... وفي بعد عامل الخوف والحرص على مشاعر باقي أفراد العايلة ....مانوصلهم لهل مواقف
وأنا 1000000% مع زواج القطري من قطرية وبس الا في حالة اذا أخذ خليجية وتكون من أهله أما غريبة ....لا ولا ولا
احنا عندنا القطرية ماتاخذ الا قطري ((أنا أتكلم عموما ولا تشوفون الحالات الخاصة من الزواج واللي فيها البنت القطرية تزوجت غير قطري )) .....يعني اذا الشباب القطريين تزوجوا الجنسيات الثانية..... بناتنا من لهم ....وأهلهم مايرضون بغير القطري
أنا ماراح أقبل لعيالي بغير البنت القطرية .....بنت بلادي وبس .....وهذا هو رايهم هم بعد ....والله يوفق الجميع




وأيش رأيك فى القطرية ال أتصلت على الشرطة لزوجها لما منعها من التسوق وكان سبب فى طلاقها:threaten:
ابن مانع
22-03-2009, 04:20 PM
لاحول ولا قوة الا بالله حسبي الله ونعم الوكيل
وجه الحقيقة
22-03-2009, 04:57 PM
كتبت هذه للقصة باختصار للعبرة وأخذ الحذر ... فارجو عدم ذكر أية أسماء أن عرفتم أبطالها

شاب قطري متزوج من بنت عمه ... تزوج الثانية من بنت غير قطرية.
جاب من الثانية بنت وولد وخلال زواجهما كتب لها أرض بأسمها ...حصل خلاف معها فطلقها ..

وبعد فترة قصيرة جداٌ تقدم لها قطري أخر للزواج من المطلقة فتركت الاولاد للزوج الاول يرعاهم وتزوجت ...
رزق الزوج الجديد بالاولاد وقام الزوج ببناء الارض وسكنوا في البيت وبعد عدة سنوات حصل خلاف بينهما وتم الطلاق ...
وطلبت من الزوج الخروج من البيت لان البيت بأسمها فرفض وأشتكت علية في المحاكم ..
وحكم القاضي بان يخرج من الفيلا ويعيش في الملحق لان الارض لها وهو الذي بنى البيت..

بعد فترة قصيرة دخل الرجل المنزل ليلاٌ لشرب الماء قبل دخوله الملحق واذا برجال يهجموووون
عليه لابسيين عبائات وبراقع نسائية واخذوا يضربونه وارادوا أن يربطوا فمه كي لا يصرخ
وقاومهم وعض أحداهم الذي أراد أن يربط فمه وسال الدم ...
واذا بدخول الاطفال وقاموا بالصراخ وهرب الملثمون وقامت الزوجة المطلقة بالاتصال في الشرطه والاسعاف لنجدة طليقها ...

بعد التحقيق وأخذ عينات الدم والبصمات ... تبيين بان الزوجة أتفقت مع السائق
بهذه الجريمة .. فتم القبض على العصابة وحبس المتهمه وخرجت بالكفالة والقضية الان في المحكمة ...!!

طبعاٌ البعض سيقول البعض هذى فيلم هندي وواحد بقول مصري ولكن للاسف قصة حقيقة كالافلام الامريكية ...





وين سهيب والمفكر عن هذا الزواج هههههههههههههههههههههه مب متعدد..سدا للذرائع
وجه الحقيقة
22-03-2009, 04:59 PM
وأيش رأيك فى القطرية ال أتصلت على الشرطة لزوجها لما منعها من التسوق وكان سبب فى طلاقها:threaten:

انا اقول كفوووووو

يستاهل جزاه واقل من جزاه ..اكيد مقصر فيها ومايشوف طلباتها واخر شي احتياجاتها عنده

سفها وصكر البيبان عليها ؟؟!! والله يستاهل لا يرحم ولا يخلي رحمه الله تنزل؟؟؟؟
Bu Rashid
23-03-2009, 12:17 AM
حلات الثوب رقعته منه وفيه

وتحصل في احسن العائلات

وموضوع واقعي تسلم بو راشد


صدقت أخي أبن قطر ....
Bu Rashid
23-03-2009, 12:20 AM
هذا اللي يأخذ من برا :eek5:

خلها تسنعه وتراويه العين الحمراء :anger1: :victory:


ما يستاهل ... بس الي صار صار



يدخل المنزل ( آخر الليل ) علشان يشرب ماي !
شدعوه ماعنده ماي في الملحق ؟


أتهحقى كان يبي شي ثاني ....:rolleyes2:
Bu Rashid
23-03-2009, 12:23 AM
بااال شربااكه

السوالف داش ببعض !

وحلاة الثوب رقعته منه وخل يفيده الزواج من غير قطريه وعلى بنت عمه عاد !


هذه هي الدنيا ....



صح كلامك وانا اعرفهم واعرف بنت عمه الطيبه وايد وايد احبها



حبتج العافية ....
Bu Rashid
23-03-2009, 12:25 AM
الحين خليت المهم وقعت على كوب الماي

ياخي حذ العبرة وخل كوب الماي على جنب



والله أنك وحش ...
أتركوا المهم وراحوا حق الماي ...
Bu Rashid
23-03-2009, 12:29 AM
لا طبعا القطرية ماتحب المحاكم وعاداتنا وتقاليدنا وتربيتنا ماتخلينا نوصل للمحاكم
تربينا على ان الواحدة تصبر على حياتها مع زوجها حتى لو هي مو مرتاحة ....أو تتطلق بدون محاكم .... وفي بعد عامل الخوف والحرص على مشاعر باقي أفراد العايلة ....مانوصلهم لهل مواقف
وأنا 1000000% مع زواج القطري من قطرية وبس الا في حالة اذا أخذ خليجية وتكون من أهله أما غريبة ....لا ولا ولا
احنا عندنا القطرية ماتاخذ الا قطري ((أنا أتكلم عموما ولا تشوفون الحالات الخاصة من الزواج واللي فيها البنت القطرية تزوجت غير قطري )) .....يعني اذا الشباب القطريين تزوجوا الجنسيات الثانية..... بناتنا من لهم ....وأهلهم مايرضون بغير القطري
أنا ماراح أقبل لعيالي بغير البنت القطرية .....بنت بلادي وبس .....وهذا هو رايهم هم بعد ....والله يوفق الجميع



الله يكثر من أمثالك ... هذى هو الصواب
Bu Rashid
23-03-2009, 12:30 AM
وأيش رأيك فى القطرية ال أتصلت على الشرطة لزوجها لما منعها من التسوق وكان سبب فى طلاقها:threaten:



لكل قاعدة شوووووواذ ......
OTOsan
23-03-2009, 08:12 AM
والله يستاهل لا يرحم ولا يخلي رحمه الله تنزل؟؟؟؟

اخوي وجه الحقيقة بارك الله فيك ، هذه الجملة قرأت انه لايجوز قولها ، فلا احد يستطيع منع رحمة الله من الوصول لعباده ،،

ويعطيك العافيه ،،
أسد الجزيرة
23-03-2009, 08:36 AM
هالزمن يخوف لا تقولي قطرية ولا غيرها هو الغبي الي كتب الأرض باسم مرته
سوق واقف
23-03-2009, 08:52 AM
قلة الدين هو السبب وليس الزواج من أجنبية
ما شاء الله عليكم دايمن تدخلون المواضيع في بعضها ...

حل المشاكل ليست بهذه الطريقة ...أنتم بهذه الطريقة تريدون أن تمنعوا الزواج من الثانية ..
ياأخوان أتمنى حل المشاكل بطريقة سليمه ...
ezgert
23-03-2009, 09:25 AM
خبزٍ خبزتيه يالرفله اكليه
الطيبة كلها
24-03-2009, 03:00 AM
هي هندية امها لبنانيه والقهر صار عندها جواز قطري طلع لها زوجها الاولي المفروض تنطرد من البلد

و توضيح القاضي حكم انه يسكن بالطابق السفلي وحضرتها بالطابق العلوي وطرشت له الريايل دخلوا عليه وضربوه لا ماي ولا غيره
Bu Rashid
24-03-2009, 07:30 AM
هي هندية امها لبنانيه والقهر صار عندها جواز قطري طلع لها زوجها الاولي المفروض تنطرد من البلد

و توضيح القاضي حكم انه يسكن بالطابق السفلي وحضرتها بالطابق العلوي وطرشت له الريايل دخلوا عليه وضربوه لا ماي ولا غيره



يعطيج العافية أختي الطيبة ...
بس صراحه ... خلطة جنسيتها عجيييييييبة ...:secret: