بما انه موضوعي السابق اغلق بسبب بعض الشباب هذا الموضع (فشخرة على الفاضي) واقع مؤلم

[المفكــر]

بعض شباب الخليج يعيشون حياة وهميه
يتكبدون الديون ليظهروا امام الناس بمظهر الغنى والمثقف والانيق

http://www.up-00.com/wsfiles/Ke911928.jpg

يتكبدون عناء الديون
ليشتروا سيارات صنعت للطبقه الغنيه جدا
قيمتها تعادل المنزل الذى يسكن به واحيانا اغلى
ليتفشخروا بها امام اصدقائهم وليتفشخروا امام الاسواق لصيد فتاة

http://www.up-00.com/wsfiles/ytZ11928.jpg

يشترى جوال غاليا يعادل راتبه الشهرى
يشترى لاب توب يعادل راتب شهرين
يشترى ملابس او جزمة تعادل نصف راتبه
ترهقه مشترياته من المقاهى والمطاعم السريعه مع اصدقاءة
فاتورة الجوال والانترنت تسقط عليه كمصيبه
يسافر للخارج ويصرف رواتب ثلاث اشهر فى اسبوع واحد فقط

http://www.up-00.com/wsfiles/13t11928.jpg


كل هذا اذا كان موظفا

اما اذا كان طالبا فالله يعين والديه عليه
يرفض اى سيارة قديمة او صغيرة
يرفض اى جوال او لاب توب عادى

http://www.up-00.com/wsfiles/HPC12039.jpg

يزعج والديه بالطلبات المبنيه على الفشخرة

http://www.up-00.com/wsfiles/rzZ12039.jpg
المساكن هى التى تكشف الوضع الحقيقى لهولاء
يعيشون فى بيوت متواضعه
وتقف امام بيوتهم سيارات فارهه وغالية الثمن
وفى يده جوالا غاليا ويلبس ماركات غاليه

http://www.up-00.com/wsfiles/Thb12039.jpg

الفشخرة ليست حصرا على الشباب الخليجى
فالفتيات لديهم فشخرة اعجب وادهى
والاباء والامهات ايضا لديهم فشخرة ماانزل الله بها من سلطان


http://www.up-00.com/wsfiles/gfM12129.jpg
الفقر ليس عيبا ولكن العيب بتحمل الديون
لوهم الاخرين بحقيقة مزيفة والعيش بحياة شيزوفرينيه

هذه الصور من دبى
لشباب يعيشون حياة التناقض
فشخرة بسيارات غاليه امام بيوت عاديه

مثل هذه الصور موجودة فى كل دول الخليج العربى

عاد الحين على البنات يستلمونكم صح - وارجو عدم اخذ الموضوع الى مسار اخر

كما في الموضوع السابق - والذي تسبب باغلاقة - وكنت اتمنى بحذف الردود الخارجة

عن الموضوع بدل الاغلاق -وللاسف الاستفتاء لم يكتمل .



سؤال : هل تؤيد الطريقة المتبعة للفشخرة البنك والاعتماد على الوالدين ؟

اضافة سؤال ثاني
هي وسيلة ولا هدف؟

[a.a.a.qatar]

والله احلى شي واريح شي ان الواحد يمد ريوله على قد لحافه !!!!!!!!!!!!!!!!
والي ما عنده ما يلزمه !!!!!!!!!!!!!!!!!

المفكر ... شكراً على الموضوع

[بيسان]

لا حول ولا قوة الا بالله
طبعاً لا ، والف لا
وكل انسان يلبس ثوب غير ثوبه انسان ناقص بأصله،

وماذا عن لحظة السؤال: عن ماله من اين اكتسبه وفيما انفقه

[المفكــر]

والله احلى شي واريح شي ان الواحد يمد ريوله على قد لحافه !!!!!!!!!!!!!!!!
والي ما عنده ما يلزمه !!!!!!!!!!!!!!!!!

المفكر ... شكراً على الموضوع


هههههههه يستاهلون ليش تسببوا باغلاق موضوعي السابق
نعتبرك ضد الفشخرة الكذابة

(1) ضد

تسلمين وبارك الله فيك

[Only Me]

انا اشوف ان كل واحد حر براتبه والي يصرفه

اذا مااشتكى لأحد خلاص محد يقدر يلومه ومن حقه يشتري ويركب السياره الي يبيها

[المفكــر]

لا حول ولا قوة الا بالله
طبعاً لا ، والف لا
وكل انسان يلبس ثوب غير ثوبه انسان ناقص بأصله،

وماذا عن لحظة السؤال: عن ماله من اين اكتسبه وفيما انفقه


صدقتي وبارك الله فيك -- يعني ضد الفشخرة

(2) ضد

[هدهد سليمان]

رحم الله والديك ولا فض فوك للموضوع القيم والصريح لأننا فعلا نتعايشها ونراها والفقر عمره ما كان عيب لكن نقول على قد لحافك مد رجولك

[اّل ثاني 77]

فعلا موضوع مهم
المشكلة الواحد اول مايتوظف بالذات من حديثي التخرج اول شئ يفكر فيه السيارة،، على طول اقرب بنك يحط على ظهرة دين وبعد فترة يكتشف انه ما قدر يحقق شئ في حياتة ويتم يسدد في هالدين
الواحد يشتري شئ على قد امكانياتة والمفروض انه يحدد اولوياتة

[المفكــر]

انا اشوف ان كل واحد حر براتبه والي يصرفه

اذا مااشتكى لأحد خلاص محد يقدر يلومه ومن حقه يشتري ويركب السياره الي يبيها


يعطيك العافية -- نعتبرك من المؤيدين

(1) مؤيد

[لاداعي]

ضد ..

[تركي الشهراني]

تسلملي على هيك موضوع

[OTOsan]

الفشخره تختلف حسب الشخص وامكانياته المادية ..

قد يعتبر شخص ما ان من يشتري هاتفا نقالا بـ3000 ريال .. مفشخراً نظرا لعدم قدرته على الشراء بهذا المبلغ ، وقد يحدثك صاحب هذا الهاتف قائلا : والله شريته رخيص .. بس بـ3000 ريال !!
لذلك نقول : ان ما هو (فشخره) بالنسبة للبعض .. هو شئ عادي بالنسبة للبعض الآخر !!


عموما ..انا مع مد الريول على قد اللحاف ، ومد اللحاف على قد الريول ( ايهما اصح) :)

[الخارجية]

المفكر الله يسامحك ليش اتصور سيارتي اللي في الدعوس هههههههههههه الله يعطيك العافية على الموضوع الحلو بس اليوم سار معاي مقلب دخلت سيارتي الوكالة وعندي كامري قديمة تنفعني في مثل هذي الامور والله العظيم ان الناس ما تحترم اللي سيارتة قديمة او سيارة عادية وجيك رجل مش قطري ويلف على مشيتها وبعدين نفس المشكلة انا اقول ايش السالفة لازم اركب سيارة اخر موديل علشان تحترمني والله الناس مظاهر

[المفكــر]

رحم الله والديك ولا فض فوك للموضوع القيم والصريح لأننا فعلا نتعايشها ونراها والفقر عمره ما كان عيب لكن نقول على قد لحافك مد رجولك

ووالديك وبارك الله فيك اخوي هدهد

(3) معارض

[المفكــر]

فعلا موضوع مهم
المشكلة الواحد اول مايتوظف بالذات من حديثي التخرج اول شئ يفكر فيه السيارة،، على طول اقرب بنك يحط على ظهرة دين وبعد فترة يكتشف انه ما قدر يحقق شئ في حياتة ويتم يسدد في هالدين
الواحد يشتري شئ على قد امكانياتة والمفروض انه يحدد اولوياتة



جبتها اخوي ال ثاني حديثي التخرج واحيانا الطلاب وهم الفئة المقصودة في موضوعين

هنا وموضوع السيلين والحوادث 0000 يعطيك العافية

(4) معارض

[المفكــر]

ضد ..


يعطيك العافية

(5) معارض

[المفكــر]

تسلملي على هيك موضوع



الله يسلمك 00000

نعتبرك معارض
(6) معارض

[::.Silent.::]

معــــاك و بقــــوة

الله يهدي الشباب

[Suhaib]

للاسف هذه هي الحقيقه المرة اخوي المفكر
الجميع يعيش وضعا ماليا اعلى بكثير من دخله
الكل يعيش وينفق ضعف راتبه ؛ ثم يتألم الجميع من الديون والبنوك الربوية

[المفكــر]

الفشخره تختلف حسب الشخص وامكانياته المادية ..

قد يعتبر شخص ما ان من يشتري هاتفا نقالا بـ3000 ريال .. مفشخراً نظرا لعدم قدرته على الشراء بهذا المبلغ ، وقد يحدثك صاحب هذا الهاتف قائلا : والله شريته رخيص .. بس بـ3000 ريال !!
لذلك نقول : ان ما هو (فشخره) بالنسبة للبعض .. هو شئ عادي بالنسبة للبعض الآخر !!


عموما ..انا مع مد الريول على قد اللحاف ، ومد اللحاف على قد الريول ( ايهما اصح) :)



يعطيك العافية وبارك الله فيك

(7) معارض

[المفكــر]

المفكر الله يسامحك ليش اتصور سيارتي اللي في الدعوس هههههههههههه الله يعطيك العافية على الموضوع الحلو بس اليوم سار معاي مقلب دخلت سيارتي الوكالة وعندي كامري قديمة تنفعني في مثل هذي الامور والله العظيم ان الناس ما تحترم اللي سيارتة قديمة او سيارة عادية وجيك رجل مش قطري ويلف على مشيتها وبعدين نفس المشكلة انا اقول ايش السالفة لازم اركب سيارة اخر موديل علشان تحترمني والله الناس مظاهر


نظرة الناس خلها لهم فرض شخصيتك اهم -- واسعدتني بتواضعك واعترافك بامتلاك سيارة قديمة نوعا ما000بارك الله فيك وانت في نظري شيخ
(8) معارض

[عابر سبيل]

مؤييييد (لموضوعك) الممتاز اخوي المفكر..

و امعارض للفشخره...

بس...و لا اتهون..الترقيم ليش..ليكون تاليتها
تسجيل حق خروج مثلا!

[abdulla999]

هههههههههههههههههههههههههههههههههههههههههههههههههه هههههههههههههه
صج في ناس على هالاشكال سيارات اغلى من بيوتهم
اللهم لاتوخذنا بمافعل السفهاء منا يالله

[الزاجل]

مع ان الصور يمكن تكون لراعي معرض سيارات ..
لكن بالفعل نتمنى ان الواحد يعيش على قد مستواه ..

[المفكــر]

معــــاك و بقــــوة

الله يهدي الشباب


اخوي الصامت سايلنت انت كده:nice:

(8) معارض

[Hamad7788]

في مثل يقول


((حاسدين الفقير على موتة الجمعه))


أنا الصراحه أقول هالشي عادي

وهالشخص اللي ماخذ سياره بهالقيمه ماخذها لانه انسان يشتغل وعنده راتبه

وطول ماهو يشتغل وراتبه ينزل والبنك موجود .. خله يشتري ويكشخ ويلبس أحسن الملابس


ليش يبخــل على عمــره ؟؟

وياما مرينا على بيوت فخمه وفلل وقصور ولي طليت فيها شفت السياره موديل 1659

ليش يعني ماتتكلمون عن هاذولا ؟؟ ولا صورتوا بيوتهم ؟؟ ولا سياراتهم ؟؟

شنسمي هاي ...؟؟؟؟ بــخل أكيد

أقول

خلوا هالناس يتهنون دام الله رازقهم ..

وعلى فكره (( من راقب الناس .... مـات همــا )))

[mohammedhm]

بصراحة شخص يتحمل قروض من البنوك للكشخه مع أحترامي للجميع أنا أعتبره أنسان تافه وسطحي
لكن أذا أخذ القرض لعمل مشروع حتى لو خصر المشروع بحترمه لأنه حاول يحسن وضعه ومدخولة ويرفع من مستواه وأستغل القرض في شي ينفع ؟؟

[المفكــر]

للاسف هذه هي الحقيقه المرة اخوي المفكر
الجميع يعيش وضعا ماليا اعلى بكثير من دخله
الكل يعيش وينفق ضعف راتبه ؛ ثم يتألم الجميع من الديون والبنوك الربوية


بارك الله فيك وجزاك الله كل خير000 وفي النهاية يشتكون من تكاليف الزواج ويحملون الحكومة الذنب 00 والخلل فيهم-- موضوعك عن تضييق في زواج ممتاز -- ولي تعقيب
في ان شاءالله

(9) معارض

[غناتي1]

اللهم ارزقني واولادي ومن أحب

القناااااااااااااااااااااااااااااااعة

[شاي كرك]

حتى نكون موضوعيين .. بعض هذه المركبات خاصة بعمال يعملون في مناطق حساسة او سائقين لشركات خاصة أو أو ، والسكن الظاهر بجانب المركبات هو السكن الخاص بالعمال ..

ولكن بشكل عام أصبح الجميع يلبس قناع " الغنى" ليطرد به شعور الفقر الذي ينتابه كلما اراد ان يخلع ذلك القناع .. وقد لا تكون تلك هي المصيبة .. بل هي عندما يتقن أحدهم لبس ذلك القناع فيعيش تلك الحياة ، فلا يستطيع ان ينزعه بسهوله ، وقد يطال " ضرر" تلك الحالة على أهل بيته ... أكتفي بما سردت ولكم ان تتخيلوا ماذا يمكن ان ينتج عن ذلك التصرف ... :)


طرح كريم أخي المميز :) .. << قصدك طرح مميز أخي الكريم :victory:

.

[المفكــر]

مؤييييد (لموضوعك) الممتاز اخوي المفكر..

و امعارض للفشخره...

بس...و لا اتهون..الترقيم ليش..ليكون تاليتها
تسجيل حق خروج مثلا!


شهادة اعتز فيها اخوي عابر سبيل

الترقيم استفتاء في ديتك
(10) معارض

[المفكــر]

هههههههههههههههههههههههههههههههههههههههههههههههههه هههههههههههههه
صج في ناس على هالاشكال سيارات اغلى من بيوتهم
اللهم لاتوخذنا بمافعل السفهاء منا يالله


بارك الله فيك ويعطيك العافية

(11) معارض

[الزاجل]

بسم الله.

كتبت رد ما ادري وين راح ...> فضيحة شكلي كتتبته وغيرت الصفحة ..

مع مد الريول قد الشادر ..

اما غير ذلك فهو مرفوض ..

اما اذا راتبه مكفيه كيفه ياخذ اللي يبيه ..

[DEMAC]

الله يطول عمر أبو مشعل وحكومتنا الرشيده

أرجوا من الأخوه المفرقين بين أبناء الشعب و يذكرون طبقات و غيرها ان يتذكروا اننا في قطر ولسنا في الهند حيث يوجد طبقات البراهمه وغيرها

الا تحمدون الله مأعطاكم وتتوقفون عن الحسد

[بوحارب]

عجيبة الفشخره يالمفكر

انه ضد هالنوع من الفشخره

ذكرتني في واحد كان معاي في الشغل

ذيك الأيام كان موتري عاااااااادي جدا بس الجيب مليان والحمدلله

والأخ موتره كروزر واخر موديل

تصدق بعض الأحيان يوقفني ويقولي بوحارب عطني 10 حق البترول:omg:

ياخي مد ارجوك على قد الحافك:(

الله يعطيك العافية على الموضوع المتفشخر ^ ــ ^

[المغترب 123]

كم مرة بنعيش
العمره والحياة مرة
اعتقد بان الكشخة شي مطلوب ومافائدة ان اموت ولم اتمتع في حياتي وبينت نعمة الله علي ومافائدة من مات وهو مكنز ملاين على قلبه ولم يهنىء بها ساعة وترك هذه الاموال خلفة لينعم بها غيره
انا مؤيد وبقوة عيش يومك ولا تعلم اين رزقك او ماهو مكتوب لك اذا اموالي في سيارة تغنيني عن الغير وارتاح لها وفي الطلعه فيها فيكفيني سعادة بذلك وسعادتي هي بالدنيا ومافيها فالاخرين ينظرون الى سيارتي وكشختي قبل اي شي
:nice::nice::nice:

[J & N]

صحيح انا معارضه :eek5:
لييييييييييش :)
هذا كله علشان يكون ملفت بين الناس :tease:
واللي بيبدا حياته كذا (ب ديون) :( عمره ماراح يبنيها صح :nice: وفي النهايه هو الخسران الوحيد:victory:

[J & N]

عجيبة الفشخره يالمفكر

انه ضد هالنوع من الفشخره

ذكرتني في واحد كان معاي في الشغل

ذيك الأيام كان موتري عاااااااادي جدا بس الجيب مليان والحمدلله

والأخ موتره كروزر واخر موديل

تصدق بعض الأحيان يوقفني ويقولي بوحارب عطني 10 حق البترول:omg:

ياخي مد ارجوك على قد الحافك:(

الله يعطيك العافية على الموضوع المتفشخر ^ ــ ^

:eek5::omg::eek5::omg:

[J & N]

الله يطول عمر أبو مشعل وحكومتنا الرشيده

أرجوا من الأخوه المفرقين بين أبناء الشعب و يذكرون طبقات و غيرها ان يتذكروا اننا في قطر ولسنا في الهند حيث يوجد طبقات البراهمه وغيرها

الا تحمدون الله مأعطاكم وتتوقفون عن الحسد

:eek5::omg::eek5::omg:

وشدخل؟؟؟

الموضوع عن الفشخره -------------> يعني بالقطري ((المهايط ))ما له خص بالحسد :anger1:

[بوخليفة3]

:eek5::omg::eek5::omg:

وشدخل؟؟؟

الموضوع عن الفشخره -------------> يعني بالقطري ((المهايط ))ما له خص بالحسد :anger1:

:nice::nice::nice:

[حبر سري]

اقول يالمفكر

بصراحة ماعندي رد عليك الا هالكلام:


بيّض الله وجهك وقوّاك الله ورحم الله والديك


للأسف واقع مرير , وصحيح


الله يستر على جميع المسلمين ان شا الله

بالنسبة لي :
انا معارض طبعا , الا اذا :
كان الشخص مرتاح ويعرف ينظم اموره

لكن مايجي بعدين يقول حق الدولة تعالي سددي ديوني

لانك انت اللي حطيت نفسك في هالموقف

[بوخليفة3]

اللي عنده والله منعم عليه لايبخل على نفسه لكن بالمعقول على حسب مايملك يعني اللي عنده مليون يرتب نفسه على المليون واللي عنده 50 الف يرتب نفسه على الخمسين الف
وبدون لا يبهدل نفسه مع القروض

بس انا اشوف حزات الواحد ينجبر ياخذ قرض مثلا يمكن ماعنده ياخذله سياره ينجبر ياخذ سياره ع البنك بس مب عذر ان الواحد يركب سياره ب300 و400 الف
لا ياخذ شي على قده:)

وانا معارض يا المفكر
NO مهايط NO عوار راس :tease:

[عايشة]

في مثل يقول


((حاسدين الفقير على موتة الجمعه))


أنا الصراحه أقول هالشي عادي

وهالشخص اللي ماخذ سياره بهالقيمه ماخذها لانه انسان يشتغل وعنده راتبه

وطول ماهو يشتغل وراتبه ينزل والبنك موجود .. خله يشتري ويكشخ ويلبس أحسن الملابس


ليش يبخــل على عمــره ؟؟

وياما مرينا على بيوت فخمه وفلل وقصور ولي طليت فيها شفت السياره موديل 1659

ليش يعني ماتتكلمون عن هاذولا ؟؟ ولا صورتوا بيوتهم ؟؟ ولا سياراتهم ؟؟

شنسمي هاي ...؟؟؟؟ بــخل أكيد

أقول

خلوا هالناس يتهنون دام الله رازقهم ..

وعلى فكره (( من راقب الناس .... مـات همــا )))



:nice::nice::nice::nice::nice::nice::nice:

[عايشة]

كم مرة بنعيش
العمره والحياة مرة
اعتقد بان الكشخة شي مطلوب ومافائدة ان اموت ولم اتمتع في حياتي وبينت نعمة الله علي ومافائدة من مات وهو مكنز ملاين على قلبه ولم يهنىء بها ساعة وترك هذه الاموال خلفة لينعم بها غيره
انا مؤيد وبقوة عيش يومك ولا تعلم اين رزقك او ماهو مكتوب لك اذا اموالي في سيارة تغنيني عن الغير وارتاح لها وفي الطلعه فيها فيكفيني سعادة بذلك وسعادتي هي بالدنيا ومافيها فالاخرين ينظرون الى سيارتي وكشختي قبل اي شي
:nice::nice::nice:




وبعد :nice::nice::nice::nice::nice::nice:

[!الشايمه!]

مع الكشخة......على قد فلوسي :)
وضد بهدلة الديون......الله يبعدني عنها

ضد وبقوة

تحية

[PoBox]

*
*
*

فعلا المطلوب الواحد يمد رجله على قد لحافة

لكن

قد يكون صاحب هالبيت الله انعم عليه بوظيفة جيده
وبيته الحالي المتهالك ملك
لكن مايقدر يشتري بيت جديد"" يليق بسيارته "" ولا بعد 15 سنة تحويش
وبنفس الوقت مايبي يسكن ايجار
او مرتاح في بيته الحالي

راتبه يكفيه لشراء سيارة يعتبرها كشخة بالنسبة له
ويفيض من راتبه كثير فوق مصاريف البيت

نفرض راتبه 15 الف ،
وقسط سيارته 3 آلاف وفترة السداد طويلة

وفايض من راتبه 12 الف

صرف منهم 7 وبقا له 5 للتحويش !!

قد يكون مش متزوج ويعين اهله فقط

قد يكون اكثر من فرد ساكن بالبيت ويعمل

قد
قد
قد
قد
قد



خلاصة الكلام
البيوت اسرار ،

وكل بيت له حالته

فالتطفل على بيوت الناس
وتصوير السيارات قدام بيوتهم
اشوفها حركة تنم عن لقافة تفوق الوصف
وتطفل ماله داعي ووصاية على الغير في غير محلها

ولو اني اتفق معاك في فكرة الموضوع الاساسية
وهي الفشخرة ( الفاضية )

[السهم الذهبي]

اعتقد ان هالنوع من الشباب ياخذ له سيارة مستعمله ب 150 او 180 الف وكان سعرها في الشركة ب350 الف ويرجع يبيعها بعد سنه او سنتين بسعر اقل ماتفرق معاه اهم شي ان استعمل سيارة كانت حلم بالنسبة له كشخ واستمتع بقيادتها ..
ماشوف فيها شي .

[المغترب 123]

وبعد :nice::nice::nice::nice::nice::nice:


:victory::victory::victory:

[الإمبراطور]

انا معارض وبالقوة اخوي المفكر

وها النوع ياما قابلتهم في المحطة بترول ويطلون حد يصب لهم بترول

ياخوي احنا فاضيين نصرف على البيت ولا نصرف عليهم بعد

[qatar600]

والله كأني شايف هالفريج..

http://www.up-00.com/wsfiles/gfM12129.jpg


اذا ماخاب ظني هذي في دواعيس الغرافة..
واغلب المنازل مستأجرة لشباب وتجمعات...إلخ

يعني مب بيوتهم ولكن يأجرونها..
وانتم ابخص..!!

والله يهدينا وياكم..

[J & N]

:nice::nice::nice:

الله يسلمك :ok::ok::ok::strong:strong:strong

[المفكــر]

الله يطول عمر أبو مشعل وحكومتنا الرشيده

أرجوا من الأخوه المفرقين بين أبناء الشعب و يذكرون طبقات و غيرها ان يتذكروا اننا في قطر ولسنا في الهند حيث يوجد طبقات البراهمه وغيرها

الا تحمدون الله مأعطاكم وتتوقفون عن الحسد

الموضوع عن ظاهرة اخوي ولا يدخل في تعريف الحسد
(1) محايد

[المفكــر]

عجيبة الفشخره يالمفكر

انه ضد هالنوع من الفشخره

ذكرتني في واحد كان معاي في الشغل

ذيك الأيام كان موتري عاااااااادي جدا بس الجيب مليان والحمدلله

والأخ موتره كروزر واخر موديل

تصدق بعض الأحيان يوقفني ويقولي بوحارب عطني 10 حق البترول:omg:

ياخي مد ارجوك على قد الحافك:(

الله يعطيك العافية على الموضوع المتفشخر ^ ــ ^


بوحارب عطه 10 انت كريم وابن اكرمين -! بس مع العشر حط له نصيحة اخوية

(13) معارض

[المفكــر]

كم مرة بنعيش
العمره والحياة مرة
اعتقد بان الكشخة شي مطلوب ومافائدة ان اموت ولم اتمتع في حياتي وبينت نعمة الله علي ومافائدة من مات وهو مكنز ملاين على قلبه ولم يهنىء بها ساعة وترك هذه الاموال خلفة لينعم بها غيره
انا مؤيد وبقوة عيش يومك ولا تعلم اين رزقك او ماهو مكتوب لك اذا اموالي في سيارة تغنيني عن الغير وارتاح لها وفي الطلعه فيها فيكفيني سعادة بذلك وسعادتي هي بالدنيا ومافيها فالاخرين ينظرون الى سيارتي وكشختي قبل اي شي
:nice::nice::nice:



وجهة نظرك احترمة ويعطيك العافية

(1) مؤيد

[المفكــر]

صحيح انا معارضه :eek5:
لييييييييييش :)
هذا كله علشان يكون ملفت بين الناس :tease:
واللي بيبدا حياته كذا (ب ديون) :( عمره ماراح يبنيها صح :nice: وفي النهايه هو الخسران الوحيد:victory:



تسلمين وبارك الله فيك

(14) معارض

[المفكــر]

اقول يالمفكر

بصراحة ماعندي رد عليك الا هالكلام:


بيّض الله وجهك وقوّاك الله ورحم الله والديك


للأسف واقع مرير , وصحيح


الله يستر على جميع المسلمين ان شا الله

بالنسبة لي :
انا معارض طبعا , الا اذا :
كان الشخص مرتاح ويعرف ينظم اموره

لكن مايجي بعدين يقول حق الدولة تعالي سددي ديوني

لانك انت اللي حطيت نفسك في هالموقف


ويا مكثرهم الي يقطون على الدولة

بارك الله فيك وجزاك الله كل خير
(15) معارض

[المفكــر]

اللي عنده والله منعم عليه لايبخل على نفسه لكن بالمعقول على حسب مايملك يعني اللي عنده مليون يرتب نفسه على المليون واللي عنده 50 الف يرتب نفسه على الخمسين الف
وبدون لا يبهدل نفسه مع القروض

بس انا اشوف حزات الواحد ينجبر ياخذ قرض مثلا يمكن ماعنده ياخذله سياره ينجبر ياخذ سياره ع البنك بس مب عذر ان الواحد يركب سياره ب300 و400 الف
لا ياخذ شي على قده:)

وانا معارض يا المفكر
NO مهايط NO عوار راس :tease:


هذا هو المطلوب بالمعقول - NO ديون NO مشاكل - تعجبني والله :nice:

بارك الله فيك

(16) معارض

[المفكــر]

:nice::nice::nice::nice::nice::nice::nice:


يعطيك العافية

( 2) مؤيد

[المفكــر]

مع الكشخة......على قد فلوسي :)
وضد بهدلة الديون......الله يبعدني عنها

ضد وبقوة

تحية

يعطيك العافية

(17) معارض

[المفكــر]

*
*
*

فعلا المطلوب الواحد يمد رجله على قد لحافة

لكن

قد يكون صاحب هالبيت الله انعم عليه بوظيفة جيده
وبيته الحالي المتهالك ملك
لكن مايقدر يشتري بيت جديد"" يليق بسيارته "" ولا بعد 15 سنة تحويش
وبنفس الوقت مايبي يسكن ايجار
او مرتاح في بيته الحالي

راتبه يكفيه لشراء سيارة يعتبرها كشخة بالنسبة له
ويفيض من راتبه كثير فوق مصاريف البيت

نفرض راتبه 15 الف ،
وقسط سيارته 3 آلاف وفترة السداد طويلة

وفايض من راتبه 12 الف

صرف منهم 7 وبقا له 5 للتحويش !!

قد يكون مش متزوج ويعين اهله فقط

قد يكون اكثر من فرد ساكن بالبيت ويعمل

قد
قد
قد
قد
قد



خلاصة الكلام
البيوت اسرار ،

وكل بيت له حالته

فالتطفل على بيوت الناس
وتصوير السيارات قدام بيوتهم
اشوفها حركة تنم عن لقافة تفوق الوصف
وتطفل ماله داعي ووصاية على الغير في غير محلها
ولو اني اتفق معاك في فكرة الموضوع الاساسية
وهي الفشخرة ( الفاضية )






وجهة نظر نقدرها اخي الكريم

( 18) معارض

[المفكــر]

والله كأني شايف هالفريج..

http://www.up-00.com/wsfiles/gfM12129.jpg


اذا ماخاب ظني هذي في دواعيس الغرافة..
واغلب المنازل مستأجرة لشباب وتجمعات...إلخيعني مب بيوتهم ولكن يأجرونها..
وانتم ابخص..!!

والله يهدينا وياكم..

تصوير والتقرير في دبي ومن دبي اخوي الكريم

( 2) محايد

[المفكــر]

مع ان الصور يمكن تكون لراعي معرض سيارات ..
لكن بالفعل نتمنى ان الواحد يعيش على قد مستواه ..


يعطيك العافية

( 19) معارض

[المفكــر]

في مثل يقول


((حاسدين الفقير على موتة الجمعه))


أنا الصراحه أقول هالشي عادي

وهالشخص اللي ماخذ سياره بهالقيمه ماخذها لانه انسان يشتغل وعنده راتبه

وطول ماهو يشتغل وراتبه ينزل والبنك موجود .. خله يشتري ويكشخ ويلبس أحسن الملابس


ليش يبخــل على عمــره ؟؟

وياما مرينا على بيوت فخمه وفلل وقصور ولي طليت فيها شفت السياره موديل 1659

ليش يعني ماتتكلمون عن هاذولا ؟؟ ولا صورتوا بيوتهم ؟؟ ولا سياراتهم ؟؟

شنسمي هاي ...؟؟؟؟ بــخل أكيد

أقول

خلوا هالناس يتهنون دام الله رازقهم ..

وعلى فكره (( من راقب الناس .... مـات همــا )))

فرق كبير بين الحسد ومناقشة ظاهرة يعطيك العافية

(3) محايد

[المفكــر]

اعتقد ان هالنوع من الشباب ياخذ له سيارة مستعمله ب 150 او 180 الف وكان سعرها في الشركة ب350 الف ويرجع يبيعها بعد سنه او سنتين بسعر اقل ماتفرق معاه اهم شي ان استعمل سيارة كانت حلم بالنسبة له كشخ واستمتع بقيادتها ..
ماشوف فيها شي .



الحلم يتحقق بالصبر والعزم - يعطيك العافية

(3) مؤيد

[المفكــر]

بصراحة شخص يتحمل قروض من البنوك للكشخه مع أحترامي للجميع أنا أعتبره أنسان تافه وسطحي
لكن أذا أخذ القرض لعمل مشروع حتى لو خصر المشروع بحترمه لأنه حاول يحسن وضعه ومدخولة ويرفع من مستواه وأستغل القرض في شي ينفع ؟؟



صدقت بارك الله فيك

(20) معارض

[المفكــر]

اللهم ارزقني واولادي ومن أحب

القناااااااااااااااااااااااااااااااعة


يعطيك العافية

(21) معارض

[المفكــر]

حتى نكون موضوعيين .. بعض هذه المركبات خاصة بعمال يعملون في مناطق حساسة او سائقين لشركات خاصة أو أو ، والسكن الظاهر بجانب المركبات هو السكن الخاص بالعمال ..

ولكن بشكل عام أصبح الجميع يلبس قناع " الغنى" ليطرد به شعور الفقر الذي ينتابه كلما اراد ان يخلع ذلك القناع .. وقد لا تكون تلك هي المصيبة .. بل هي عندما يتقن أحدهم لبس ذلك القناع فيعيش تلك الحياة ، فلا يستطيع ان ينزعه بسهوله ، وقد يطال " ضرر" تلك الحالة على أهل بيته ... أكتفي بما سردت ولكم ان تتخيلوا ماذا يمكن ان ينتج عن ذلك التصرف ... :)


طرح كريم أخي المميز :) .. << قصدك طرح مميز أخي الكريم :victory:

.


بارك الله فيك وتحليلك في مكانة

(21) معارض

[مضارب دوسري]

لقافة صاحب الموضوع بالتصوير ماله اي داعي او عذر او حتى سبب مبرر

كان الافضل ان يكون الموضوع بدون صور

انا مؤيد ولكن بحدود

يعني ما المانع اشتريلي سياره قسطها 4000 مثلا وانا راتبي 18000 او 19000 في احدى شركات الغاز!!

14000بيصفى من الراتب

اعتقد فوق الممتاز لشخص اعزب وفي حالة الزواج طبعا بيزيد الراتب 5000

يعني الوضع تحت السيطره ولا مانع من شراء سياره فارهه اذا كانت ماراح تاخذ من الراتب الا مايعادل 20%

[المفكــر]

نقدر انقول 85 في 100 ضد الفشخرة والكشخة

10 في 100 محايدين

5في 100 مؤيدين

المحايدين هم من دخلوا من غير اي تعليق


وبارك الله في كل من شارك وساهم المؤيد والمعارض وجزاكم الله كل خير

والمثل المتداول في الموضوع بنختم في الموضوع :
الواحد يمد ريوله على قد لحافه !!!!!!!!!!!!!!!!

[qatar lady]

شكلي تأخرت عالموضوع @@


عموما حبيت اشارك ::nice:
من وجهة نظري .. مد ريولك على قد الحافك ..
اذا عندك خير .. تهنى فيه وخل ربك يباركلك فيه بعد.. اكشخ واتمتع وسو الي بخاطرك بالعربي اخذ حقوقك وفي نفس الوقت أدي واجباتك..

واذا ماعندك هالخير.. مايحتاي تذبح نفسك عشان فشخره سطحيه.. تعيشك ملك طيلة اليوم وترجع آخر اليوم ميت يوع

تلاقيلك بنت او شاب اغلب اغراضهم الشخصية الي يظهرون ويكشخون فيها برة جدام خلق الله بالشيء الفلاني اللي على قولتهم السعر: رقم بو اربع فئات وطالع
ولادشيت بيتهم.. الله لايراويك المنظر.. اقلها اقلها غرفة النوم! يعني يمكن الشخص مايقدر يغير بيت بكبره وهو ساكن وسط عائلته بحكم انه دخله هو اللي عالي بعكس باقي اهله.. لكن عالاقل يخي رتب غرفتك اللي هي من ممتلكاتك الخاصه !!

<<< هاي طبعا شي واقعي انا شفته من احدى الرفيجات الي انصدمت فيهم..

[سداوي&مدريدي]

مايفكرون بالمستقبل

مد ريولك على قد الحافك :victory:

[Ghost]

الله يعطيك العافية وجزاك الله خير
للأسف هذا حالنا يختلف عن بلاد الغرب السيارة فقط لاغير لقضاء الحاجة المهمة وتكون صغيرة الحجم

[طبـ الود ـعي]

ضد..ضد..ضد
مد ريلك على قد لحافك وعلى قولة المثل عندك تاكل قال لأ , عندك تغرم قال أيه
لا واللي يضحكك اكثر ناس يتدينون اكثر ويضغطون أعمارهم بس عشان يقعد له 10 أيام في لندن ولى لبنان:anger1: ""ههههههه الله يخلي فويرط في الصيف والغزوووول :omen2: :rolleyes2:بلا ديون بلا هم :rolleyes2:
تسلم اخوي المفكر على الموضوع الحلو والله لايحرمنا جديدك يالغالي
:victory::victory::victory:

[Sharshooooor]

هالجيل ياخوي المفكر غير قبل
يفكر بالمظاهر وصارت الناس ماتعرف بعضها الا من السيارات والارقام

قبل يقولون فلان بن فلان بن فلان تعرفونه؟
يقولون اي والنعم نعرفة
الحين تقول له فلان بن فلان تعفونه؟
يقولون لا شنو سيارته؟ السيارة الفلانية؟ اي اي نعرفه عدل راعي .....

صارت السيارات والمظاهر الكذابه هي تحدد شخصية الواحد واحترامة

واتمنى تتقبل مروري واتمنى ماكون احد اسباب اغلاق موضوعك السابق :)

[طبـ الود ـعي]

لقافة صاحب الموضوع بالتصوير ماله اي داعي او عذر او حتى سبب مبرر

كان الافضل ان يكون الموضوع بدون صور

انا مؤيد ولكن بحدود

يعني ما المانع اشتريلي سياره قسطها 4000 مثلا وانا راتبي 18000 او 19000 في احدى شركات الغاز!!

14000بيصفى من الراتب

اعتقد فوق الممتاز لشخص اعزب وفي حالة الزواج طبعا بيزيد الراتب 5000

يعني الوضع تحت السيطره ولا مانع من شراء سياره فارهه اذا كانت ماراح تاخذ من الراتب الا مايعادل 20%






انا معاك اخوي الدوسري بس تبي الصراحه انا اشوف اذا راتبي 18 أو 19 ألف في الشهر أنا من رأيي اشتري لي بيت أول شي ابرك من اني اخذ لي موتر
ويطيح سعره في جبدي وتتم الديون على ظهري :rolleyes2:

وبعدين حدث العاقل بما يعقل اللحين انا عندي مايباخ ولى فراري ولى ميزراتي :rolleyes2:وبابو الحلاق بيته أكبر من بيتي :rolleyes2:

أنا ماقول غير الحمدلله على نعمة العقل :)

[Sharshooooor]

لقافة صاحب الموضوع بالتصوير ماله اي داعي او عذر او حتى سبب مبرر

كان الافضل ان يكون الموضوع بدون صور

انا مؤيد ولكن بحدود

يعني ما المانع اشتريلي سياره قسطها 4000 مثلا وانا راتبي 18000 او 19000 في احدى شركات الغاز!!

14000بيصفى من الراتب

اعتقد فوق الممتاز لشخص اعزب وفي حالة الزواج طبعا بيزيد الراتب 5000

يعني الوضع تحت السيطره ولا مانع من شراء سياره فارهه اذا كانت ماراح تاخذ من الراتب الا مايعادل 20%

ممكن اشارك بردك بسؤال واحد

لين متى بتم مديون للسيارات؟

يعني قسطك 4000 ل 4 سنين مب اقل
بعد ال 4 سنين تصير سيارتك قديمة وينزل الشكل الجديد
وتم طول عمرك تدفع اقساط عشان سيارة!

ترى في عوائل من 11 فرد يعيشون ب4000ريال بالشهر بس
النعمه زوالة ياجماعة والاستثمار المفيد لمستقبلك هو الافضل
مثل دراسة او عقار او مشروع صغير

[ANONYMOUS]

يعني لو هم لقوا بيت ب 400 ولا 600 الف بيخلونه وبياخذون سياره !

اللي انولد وابوه عنده خير ..... وبيته جاهز وقت مايصنف يتزوج.. غير عن اللي لو شرى بيت ب 3 ملايين ويقعد يقسط عليه اقساط لمدة 40 سنه.. وال 3 ملايين بتصير 7 ملايين.. مع الفوايد..


ولو قعد يشتغل 30 سنه مابيجمع فلوس بيت..

من الأريح له .. يأجر بيت ب 3000 الاف ريال.. .. ويشتري سياره يرتاح فيها ويعوض الضغط النفسيه حتى مب اقساط.. لان 200 الف هاذي عند كل الناس... حتىلو اقساط 2000 ولا 3000 في الشهر.. ويصفى من راتبه 10 الاف ولا حولها..

[a.a.a.qatar]

:app2::app2::app2::app2::app2::app2::app2::app2::a pp2::app2::app2:
هالجيل ياخوي المفكر غير قبل
يفكر بالمظاهر وصارت الناس ماتعرف بعضها الا من السيارات والارقام

قبل يقولون فلان بن فلان بن فلان تعرفونه؟
يقولون اي والنعم نعرفة
الحين تقول له فلان بن فلان تعفونه؟
يقولون لا شنو سيارته؟ السيارة الفلانية؟ اي اي نعرفه عدل راعي .....

صارت السيارات والمظاهر الكذابه هي تحدد شخصية الواحد واحترامة

واتمنى تتقبل مروري واتمنى ماكون احد اسباب اغلاق موضوعك السابق :)
:app2::app2::app2::app2::app2::app2::app2::app2:



انا معاك اخوي الدوسري بس تبي الصراحه انا اشوف اذا راتبي 18 أو 19 ألف في الشهر أنا من رأيي اشتري لي بيت أول شي ابرك من اني اخذ لي موتر
ويطيح سعره في جبدي وتتم الديون على ظهري :rolleyes2:

وبعدين حدث العاقل بما يعقل اللحين انا عندي مايباخ ولى فراري ولى ميزراتي :rolleyes2:وبابو الحلاق بيته أكبر من بيتي :rolleyes2:

أنا ماقول غير الحمدلله على نعمة العقل :)
:app2::app2::app2::app2::app2::app2::app2::app2:


ممكن اشارك بردك بسؤال واحد

لين متى بتم مديون للسيارات؟

يعني قسطك 4000 ل 4 سنين مب اقل
بعد ال 4 سنين تصير سيارتك قديمة وينزل الشكل الجديد
وتم طول عمرك تدفع اقساط عشان سيارة!

ترى في عوائل من 11 فرد يعيشون ب4000ريال بالشهر بس
النعمه زوالة ياجماعة والاستثمار المفيد لمستقبلك هو الافضل
مثل دراسة او عقار او مشروع صغير
:app2::app2::app2::app2::app2::app2::app2::app2:

[طارق]

موضوعك ذهب مثلك
هذا واقع رهيب , راكبين كيان وبيوتهم كل3 في غرفه اتقول سكن عمال
مجلس يواجه الرجاجيل ماعنده.
بدل ما يدفع 300 الف في كيان , ياخذ 150 الف ويدرس برع احسنله

بنات العز مايبون الواحد عشان سيارته يبون الرجال بدينه وأخلاقه وعضلاته , اما بنات الفقر هم الي يقيمون الواحد بسيارته

الخروف زمان كان حده ياكل رودس
الخروف الحين يرعى من ديون البنك

[خطابه لله]

انا اشوف اذا الواحد مقتدر انه يشتري احسن السيارات فعادي ياخذ السيارة اللي تعجبه دام انه قادر ع مصاريفها ..
والبيت مش دليل الغنى والفقر وااايد ناس ساكنين ف قصور والله يعلم بحالتهم الماديه وناس ساكنين ف اخس البيوت والله منعم عليهم وهاي اللي حاصل ف هالايام ..

[مضارب دوسري]

انا معاك اخوي الدوسري بس تبي الصراحه انا اشوف اذا راتبي 18 أو 19 ألف في الشهر أنا من رأيي اشتري لي بيت أول شي ابرك من اني اخذ لي موتر
ويطيح سعره في جبدي وتتم الديون على ظهري :rolleyes2:

وبعدين حدث العاقل بما يعقل اللحين انا عندي مايباخ ولى فراري ولى ميزراتي :rolleyes2:وبابو الحلاق بيته أكبر من بيتي :rolleyes2:

أنا ماقول غير الحمدلله على نعمة العقل :)


البيت كم سعره؟؟؟

ولا بس الموضوع اشتري بيت!!!

من بيشتريلك البيت تعتقد البنك بيشتريلك بيت وانت تدري ان البنك فالقانون الجديد مايعطيك الا 50%وعلى فتره اقصاها 7 سنوات


يعني لو كان بالمقدور اشتري بيت بشتري وانا مغمض بعد:secret:

لكن!!

شركات البترول توفرلك شقق بعد الزواج باجاااااار لايتعدى ال 3500من راتبك


وفووووووق هذا انت كذا ولا كذااا مجبوووووور تنطر لين يجيك الدور وينبني بيتك

بالنسبه لي عندي ارض منحه من الحكومه ولكن !!
لازم اتزوج عشان يبنون بيتي

يعني السياره مب عيب اذا شريت الحين حتى لو كان القسط 4000 المهم اني مب محتاااااج:)




ممكن اشارك بردك بسؤال واحد

لين متى بتم مديون للسيارات؟

يعني قسطك 4000 ل 4 سنين مب اقل
بعد ال 4 سنين تصير سيارتك قديمة وينزل الشكل الجديد
وتم طول عمرك تدفع اقساط عشان سيارة!

ترى في عوائل من 11 فرد يعيشون ب4000ريال بالشهر بس
النعمه زوالة ياجماعة والاستثمار المفيد لمستقبلك هو الافضل
مثل دراسة او عقار او مشروع صغير

وانا شدخلني بالعوايل اللي يعيشون ب 4000

الله يفك ضيقتهم

فالموضوع هذا كلن يتكلم عن نفسه ورايه فالموضوع اخوي

اقدر اجيييك واقووووولك في عوايل فالهند 20 فرد يعيشون ب 500 ريال

ها وشصار ؟؟؟

بتقولي وشدخلني فيهم



قال تعالى

بسم الله الرحمن الرحيم


(واما بنعمة ربك فحدث)

[Sharshooooor]

وانا شدخلني بالعوايل اللي يعيشون ب 4000

الله يفك ضيقتهم

فالموضوع هذا كلن يتكلم عن نفسه ورايه فالموضوع اخوي

اقدر اجيييك واقووووولك في عوايل فالهند 20 فرد يعيشون ب 500 ريال

ها وشصار ؟؟؟

بتقولي وشدخلني فيهم



قال تعالى

بسم الله الرحمن الرحيم


(واما بنعمة ربك فحدث)[/quote]


هههههههههههههه
انت ترد على نفسك
انا قاعد اذكرك بنعمة ربك والنعمة زوالة وافهمك انك بتكون مديون طول عمرك واسير هالسيارات
هذي نصيحة معروفة خذت فيها والا ماخذت ماراح تضرني بشي
ويوم يصير راتبك 4000ريال وتعيل اسرة باذكرك حزتها انك اتهترت بالنعمة

انا عطيتك مثال عشان تحس وتفكر بمستقبلك واخواني الاعضاء يستفيدون

وانا قلت رايي فمافي داعي ينط لك عرج

[الخارجية]

نظرة الناس خلها لهم فرض شخصيتك اهم -- واسعدتني بتواضعك واعترافك بامتلاك سيارة قديمة نوعا ما000بارك الله فيك وانت في نظري شيخ
(8) معارض
ـــــــــــــــــــــ
المفكر أنت الشيخ والله بموضوعك الحلو
وجزاك الله خير :app2:

[بلاتينيوم]

لا حول ولا قوة الا بالله

ارضاء الناس غايه لا تدرك

اذا الواحد شرى بيت ب 4 ملايين قالوا هذا مب صاحي ومحمل نفسه ديون بالملايين
واذا اجر له بيت او شقه قالوا عنه مب صاحي راتبه طاير بالسمى ولا يشتري بيت

واذا شرى سياره غاليه قالوا السياره اغلى من البيت

وعلى فكره انا واحد من هالناس ضايع بين كلام الناس مري اصدق كم واكذب من

[Sharshooooor]

لا حول ولا قوة الا بالله

ارضاء الناس غايه لا تدرك

اذا الواحد شرى بيت ب 4 ملايين قالوا هذا مب صاحي ومحمل نفسه ديون بالملايين
واذا اجر له بيت او شقه قالوا عنه مب صاحي راتبه طاير بالسمى ولا يشتري بيت

واذا شرى سياره غاليه قالوا السياره اغلى من البيت

وعلى فكره انا واحد من هالناس ضايع بين كلام الناس مري اصدق كم واكذب من

ههههههههههههه
بلاتينيوم اطلع منها
عندك معرض سيارت وتبي تمشي سوقك

تحياتي لك يالغالي

[$$كلنا قطر$$]

اول شي نشكرك على الموضوع
بس اخوي بغيت اقوولك
ما نقدر نحكم عليهم وما نعرف ظروفهم بقولك مثال
اعرف واحد عندهم في البيت سيارات يمكن تقدر تشتري فيها عماره مب فله بس بيتهم قدييييييييم والسبب انه بيت ابوه ولا يبي يطلع منه احترام لرغبة امه
هاي مثال
يمكن الباقي عندهم عذرهم
وعندك واحد في المطار ساكن في شقه وسياراته تشتري فيها فله اخرتها شغال عن شيخ وهذي سيارات الشيخ يعني مو بأسمه
انا معاك ان الواحد يمد ريله على قد لحافه بس في أسباب لا انا ولا أنت نعرفها تخلينا نجوف المناضر الي انت صورتها ونفهما تبذير او فشخره
وأشكرك مره ثانيه على الموضوع
أخوك كلنا قطر

[عايشة]

اول شي نشكرك على الموضوع
بس اخوي بغيت اقوولك
ما نقدر نحكم عليهم وما نعرف ظروفهم بقولك مثال
اعرف واحد عندهم في البيت سيارات يمكن تقدر تشتري فيها عماره مب فله بس بيتهم قدييييييييم والسبب انه بيت ابوه ولا يبي يطلع منه احترام لرغبة امه
هاي مثال
يمكن الباقي عندهم عذرهم
وعندك واحد في المطار ساكن في شقه وسياراته تشتري فيها فله اخرتها شغال عن شيخ وهذي سيارات الشيخ يعني مو بأسمه
انا معاك ان الواحد يمد ريله على قد لحافه بس في أسباب لا انا ولا أنت نعرفها تخلينا نجوف المناضر الي انت صورتها ونفهما تبذير او فشخره
وأشكرك مره ثانيه على الموضوع
أخوك كلنا قطر

معاك 100 % .... :app2::app2:

[كيفـي]

هؤلاء اناس سفيهين تهمهم القشور..
ويبحثون عن من هم بشاكلتهم..

[الامانه]

ضد الفشخره
مد ارجولك على قد الحافك

[بنت ابوها 19]

راح ولاجا


بيظــل ولد فلان بن فلان
يعني لا يزابي ويفوشر لانه الناس عارفه بحال ابوه وهله شلون ..


في ناس تركب بنتلي
والله لما نعرف انهم ع قد حالهم
انه أناضر البنتلي الي راكبها ولا البي ام كانهاا كورسيدا
لانه مهما سوه وركب وشرا
هو بيظل بيعون الناس فقير وع قد حاله


بصراحه الي يركبون هل السياير
لو كانت كااااش

الناس بتشوووفها اقساط وديون

لانه خلاص الكل يدري بحاله
وانه ماعنده

يعني مدو ريولكم قد لحافكم
لانه مهما سويتو بتظلون اعيال فلان .. :nice:

[صقر عربي]

اولاً يعطيك الف عافية على الموضوع

ثانياً الي ذابحنا ومدمر بيوتنا الفشخرة على الفاضي الي عندة والي ماعندة

ولا واحد راتبه مايتجاوز 9000 الاف ريال عندة رنج ولا بي ام على ايش 5500 اقساط وش خلى حق باقي الشهر فاتورة الجوال الخ ............

انا اشهد مد ريلك على قد لحافك

وفي الاخير تفيكر منطقي من المفكر يعطيك العافيه

[دهــن العود]

انا اقول الواحد كم مرة بيعيش ؟ الواحد مايحرم نفسة من شيئ وخصوصا انه ماراح يدق باب حد عشان يعطية يعني من عرق جبينة .

[العداله]

نفسي اسئل المؤيدين انتم حللتوا لنفسكم السلفيات الربويه ؟
الحلال بين والحرام بين وما بينهما امور مشتبهات لايعلمها الا الله
هذا كلام رسولنا الكريم
الواحد يمتع نفسه بحدود الحلال من غير ربا
يعني افرح كم يوم بالدنيا وادخل جهنم بالآخره ليش ؟

[ليث العرين]

الا بالله ما أيد

وهي بلا شك وسيله (عاد ليوصلون أي هذف ياشينه من هدف)

ومافي أحلا ان الواحد يعيش من غير أقنعه