التقطير وكذبة التقطير الى اين؟؟

[امل الحب]

السلام عليكم ورحمة الله وبركااته

التقطير او ال Qatarization

يأتي إطلاق هذا الموقع في إطار الخطة الإستراتيجية للتقطير التي تهدف إلى إستقطاب العناصر القطرية الواعدة من الجنسين وتدريبهم وتطويرهم بما يمكنهم من العمل في قطاع الطاقة والصناعة والإسهام بفاعلية في بناء الوطن في ظل القيادة الحكيمة لحضرة صاحب السمو الشيخ حمد بن خليفة آل ثاني أمير البلاد المفدى.

http://www.qatarization.com.qa/Qatarization/Qatarization.nsf/ar_Pages/ar_AboutQatarization_MissionStatement

قامت قطر للبترول بالتعاون مع الشركات التابعة والمشتركة ولأول مرة في تاريخ دولة قطر بإعداد خطة إستراتيجية شاملة للتقطير تهدف إلى تقطير الوظائف في قطاع الطاقة والصناعة بنسبة 50%


موضوع قد يكون مكرر او مختلف في المعنى..

ولكن سؤال يحتااج الى وقفة صريحة من المسؤولين التقطير ماهي حقيقته ؟؟!

هل هناك تقطير حقيقي ام مجرد صورة لااكثر فقط ..لنقول ان قطر تبحث عن الشباب الواعد للاسهام في نهضة الوطن!!

:)

اولا واخيرا لااعتراض على امر رب العالمين وكل شي قسمة ونصيب ..

بس حبيت اتكلم وواوضح من جهة كوني حااصلة على شهاادة البكالوريوس في هندسة الحاسب :)

والى اليوم وانا ابحث عن عمل.. في هذي اللحظة بالذات فكرت في كون البعض يقدم على وظيفة ونقول لهم تاخروا عليك .. او مالقيت وظيفة لانك بدون شهاادة..

اصبحنا حملة الشهاادات مانلقى وظيفة ..!

لكسل منا .. لا والله العالم كم مكان بقى ماقدمنا فيه..

قدمت في احد شركاات البترول

"Oxy" : اجتزت المقابلتين الاولى مع ال HR وتم تحويلي للقسم .. قابلت الثاني شخص قطري نائب للمدير الامريكي بالوكاالة .. قالي اوك بنرد عليج..

اتصل بعد اسبوع قالي بعد تحليل شخصيتج وامتحاناتج .. انا قبلتج .. بس يبقى راي المدير الاساسي .. وتعالي قابليه .. اوكي ان شاء الله

رحت قابلته "المدير الامريكي" : سالني اغبى سؤال فالتاريخ .. انتـي تعرفين في الاتصالات .. قلت له لا .. قلت لك بكالوريوس هندسة حاسب الى مش اتصالات ..

قالي ولو .. لغتج ممتازة .. خبرتج ممتازة .. وشخصيتج ممتازة ..

بس انا ماقدر اقبل شخص غير ملم بالاتصالات .. وبدون اي تعبير لوجودي .. قال حق النائب .. وصلها الباب واتصل في الهندي الي قابلناه امس وبلغه القبول ..

طلعت دون ادن اهتمام بالي صاار .. تعاملهم ماعجبني بما معنااه المكان مايناسبني بعد ..

ومرت الايام

وتلقيت اتصال ثاني من شركة ثانية .. رحت سويت الاختبارات وتحليل الشخصية وقابلت ال HR

وقالي برفع الاوراق للقسم مع ملاحظتي بس انتي 90% مقبولة .. لان الخبرة في القطريات نادرة كخريجاات في هالفرع في الهندسة..

وسالني انتوا ليش تتهربون من الشغل معانا رغم انكم متفوقين .. قلت له انتوا تردونا .. قال لا انتوا ماتقدمون عندنا اصلا

وانتي اول قطرية في هالفرع من الهندسة تقدم عندنا .. قلنا اوكي .. انطر ردكم .. قالي ان شاء الله ..

3 ايام وجاني الرد القسم يطلب المقابلة ..قابلت النائب وعديت اسئلته والاختبارات الي اختبرني فيها.. وبعدها قالي 100% عديتي ولذلك بوديج تقابلين المسؤول الاكبر ومنها تشوفين بيئة العمل وتستعدين لها ..

اوكي خير ان شاء الله

رحنا شفنا المكاان.. قالي بنبهج لنقطة مهمة جدا ماعندنا غير قطري واحد .. ولازم تعرفين تتعاملين مع البيئات الثانية .. اوكي كنت في مثل هالبيئة قبل .. ومشينا قابلني المدير انا بكون مديرج وشرح كل شي وانتهينا بكون ان تم القبول وننطر ال HR حق يخلصون الباقي..

اليوم اتصلت لي سكرتيرة ال HR

من 3 اسابيع نتصلج ماتردين وارسلنا لج 3 ايميلات عشاان نحدد الوقت وتشوفين الاوراق ووو الخ..

والمهم الوظيفة خذاها واحد هندي نظرا لتاخرج بالرد ..

استسمحتها بالكلام .. قلت لها انا ماجاني ولااتصال واحد منكم ولاحتي ايميل قالت لا وماعرف ايش طلبت الي قابلته بال HR قالي مارديت قلته ماوصلني شي ورجع كلم القسم وقالي بهدلتينا وياهم .. بس خلاص مانقدر نفنش الي وظفناه وفي اقرب وقت لو في وظيفة بتكون لج ..

اتصلي مدير القسم يتاسف ان كاان مسافر ومايدري شصار وان الريال صار له موظف 3 اسابيع..عن طريق النائب بداله

وانهم مصريين يبوني بس لازم انتظر :)

فكاان ردي خلاص.. لان هالشركة صار عليها اكس ..

بس السؤال الي يقول تقطير وتقطير وين التقطير

هالشركااات ضعيفة في وجود القطريين وكلهم هنود !!!

ومابي اذكر غيرهم من الشركات الي حتى الرد ان عندهم اكتفاء مايردون..

تخصص موجود فالدوحة وعدد الخريجين يكفي ويزيد ليش تيبون من برا

ومن الي يتابع عملية التقطير اصلا..اشك ان في تقطير.. لان مانشوف هالشي

وياكثر الاماكن الي تردنا احنا القطريين وتوظف الجنسيات الثانية !

هذا وانا قطرية وعندي شهاادة .. ماقول غير الله يعين الي بدون شهاادة مالومهم والله ..

[المتأمل خيرا]

موضوع ذو شجون.. وشجون.. وشجون، أختي "أمل الحب"...

((وضعت اللون العنابي... ... ))

[فارس الكلمة]

أعتقد عندهم أكتفاء في It

لكن أهم شىء لدى Qp هو وجود و أتقان اللغة الإنجليزية ..

[FJQATAR]

ناس كثيره مثلك ويريت حد يهتم

[روح الاطلس]

ألم تسمعي عزيزتي بالحكمة التي تقول :

قطـــر ليست للقطريين ؟!

[حبر سري]

أنا مش مقتنع بمقولة قطر ليست للقطريين بصراحة , لو خذناها على العموم

لكن اختي امل الحب تدرين شنو يعني تقطير؟

للأسف التقطير في بعض الجهات معناه , انج تقطرين مهنة السواقة!!!

فتلاقين كل السوّاقين قطريين, فتقول لج الجهة والله التقطير عندي عالي!!!

ومن جهة أخرى للأسف بعض الجهات الأخرى التقطير يعني عندها توظيف قطريين ماعندهم أي خبرة ولا عندهم استعداد للعمل , يعني بدون كفاءة , ليش؟؟؟ علشان التقطير !!

يساهمون في تشويه صورة القطري انه مايشتغل (وشي طبيعي ان في قطريين مايشتغلون حالنا حال اي جنسية ثانية) , ولما تسألين ليش؟؟ يقولون لج تقطير!!


تقطير ياخي على عينا وراسنا بس جيب كفاءات(ومكثرها)

[Sharshooooor]

أعتقد عندهم أكتفاء في It

لكن أهم شىء لدى Qp هو وجود و أتقان اللغة الإنجليزية ..

اكيد عندهم اكتفاء وكلهم غير قطريين
ماعندهم ثقة بالقطريين


ألم تسمعي عزيزتي بالحكمة التي تقول :

قطـــر ليست للقطريين ؟!

وانت الصاج
والتقطير اكبر كذبه بتاريخ قطر
شوفوا الجرايد واسمعوا بكرة وطني الحبيب بتسمعون عن الاستقالات الجماعية
والاضدهادات اللي تمارس ضد القطريين

[dewyguy]

للأسف التقطير بس على بعض الجنسيات العربية

ولكن ما يقدرون على الاجانب بو عيون زرق

[امل الحب]

أعتقد عندهم أكتفاء في It

لكن أهم شىء لدى Qp هو وجود و أتقان اللغة الإنجليزية ..


اكتفاء من الهنود الي يشغلون هالاماكن .. ليش؟!!

هل هم اذكى ؟ انشط؟ يقدرون واحنا لا؟

اخوي تخصصنا صعب ولايأتي بالسهولة الي يتوقعها البعض ..

الاكتفاء الي ذكرته من غير القطريين.. حيث اني وضحت لك.. ان الشركة الثانية ماعندها غير قطري واحد فالقسم :) .. هل تعتقد انه اكتفاء او له مسمى ثاني ؟!

ال IT

مجااااااااال كبير ماتقدر تقول في اكتفاء مهما صار ووصل ..

وتفرق بين Engineer وبين Science


..

لي عوودة للبقية بس حبيت اوضح نقطة غير واضحة للبعض انهم يعتقدون التخصصين نفس الشي ويقدرون يغطون ال IT كله ..:)

شاكرة لك ردك اخوي فارس :)

[hich]

الغريب العجيب في بلادنا أغراب

[qatar600]

التقطير او ال Qatarization


الظاهر انها كذبة ابريل.. بس مطولة.. :tease:



بس انا ماقدر اقبل شخص غير ملم بالاتصالات .. وبدون اي تعبير لوجودي .. قال حق النائب .. وصلها الباب واتصل في الهندي الي قابلناه امس وبلغه القبول ..



الموقف قمة في الرزالة منه..:eek5:

شنو وصلها للباب واتصل في الهندي وبلغه القبول (إهـانــة..!!)

الله يعينج على هالاشكال.. اللى تقص على القطريين بأي كلام ماله معنى..

وبجد انا قاهرتني سالفة الخبرة..

انتو وظفوا وعطوهم خبراتكم وشجعوهم وبتشوفونهم افضل ناس..

لكن يظل الحاجز اللى يوقف تقطير الوظائف هو الخبرة..

فيأتون الاجانب بشهادة اغلبها مزورة وياخذون مكان القطريين..

واصبحت الوظائف الدونية التي لايستفيد منها القطري في خبرة مرجوه للقطرين بناءاً على طلب مجلس الوزراء الموقر..:rolleyes2:



من 3 اسابيع نتصلج ماتردين وارسلنا لج 3 ايميلات عشاان نحدد الوقت وتشوفين الاوراق ووو الخ..

والمهم الوظيفة خذاها واحد هندي نظرا لتاخرج بالرد ..



عذر اقبح من ذنب..
يعني لو قالوا ماقبلناج اهوون من الكذب..!!!


واكيد بالأخير بيوافقون على الهندي..
لانه ماتهمه البلد .. يهمه راتبه ونصيبه من الشركة فقط لاغير..
واي تجاوز بيشوفه راح يسكت عليه.. لانه محتاج لها بنظرهم.. ;)


والله يعينج والله.. والله يعوضج خير..

[بومحمد911]

الله يفرجها عليج

[امل الحب]

موضوع ذو شجون.. وشجون.. وشجون، أختي "أمل الحب"...

((وضعت اللون العنابي... ... ))



:)

ادري اخوي العزيز..

بس نبي رد يبرد الخاطر .. ليش يقولون نبي قطريين وهم مايبون..

مرة عالاقل بس يكون كل شي صريح وواضح ..

الى متى نعتقد ونتامل وجود شي غير موجود اصلا ..!

وحسب مافهمنا ان عملية التقطير متابعة لتكوين 50% من القطريين .. بس على مايبدو انها احدى الدعايات الي تعودنا على سماعها لاغلاق النقاشات .. واذا صار قالوا شوفوا احنا سوينا لكم تقطير :)

شاكرة لك مرورك

[امل الحب]

ناس كثيره مثلك ويريت حد يهتم

مجبورين يهتمون او يلغون هالكذبة الي اخترعوها ويخلونا في الواقع احسن :)

تحية لك

[امل الحب]

ألم تسمعي عزيزتي بالحكمة التي تقول :

قطـــر ليست للقطريين ؟!

سمعت :)

ولكن مازلنا نتامل ان تتغير هالنظرية ولو لمرة واحدة ..

ولمرة واحدة يكون في مسؤول يفيد المواطن ويعترف بالتقصير ..

ونتامل خيرا :)

[امل الحب]

أنا مش مقتنع بمقولة قطر ليست للقطريين بصراحة , لو خذناها على العموم

لكن اختي امل الحب تدرين شنو يعني تقطير؟

للأسف التقطير في بعض الجهات معناه , انج تقطرين مهنة السواقة!!!

فتلاقين كل السوّاقين قطريين, فتقول لج الجهة والله التقطير عندي عالي!!!

ومن جهة أخرى للأسف بعض الجهات الأخرى التقطير يعني عندها توظيف قطريين ماعندهم أي خبرة ولا عندهم استعداد للعمل , يعني بدون كفاءة , ليش؟؟؟ علشان التقطير !!

يساهمون في تشويه صورة القطري انه مايشتغل (وشي طبيعي ان في قطريين مايشتغلون حالنا حال اي جنسية ثانية) , ولما تسألين ليش؟؟ يقولون لج تقطير!!


تقطير ياخي على عينا وراسنا بس جيب كفاءات(ومكثرها)


بالنسبة للمقولة حتى الان وهي تعطي معناها الصحيح .. حتى يتم تغير الاوضااع ..

وبالنسبة للكفاءات قلتها يامكثرها والي عندها روح العمل والحمااس ولكن وين الي يبيهم :)

وعلى قولتك تقطير ..

تحية لك :nice:

[امل الحب]

اكيد عندهم اكتفاء وكلهم غير قطريين
ماعندهم ثقة بالقطريين



وانت الصاج
والتقطير اكبر كذبه بتاريخ قطر
شوفوا الجرايد واسمعوا بكرة وطني الحبيب بتسمعون عن الاستقالات الجماعية
والاضدهادات اللي تمارس ضد القطريين

صحيح اكتفاء ولكن غير القطريين ..

اختي او اخوي العزيز .. مازال كم شخص يثق في القطريين :)

مدير اجنبي علمني وايد اشياء الله يذكره بالخير .. وقال انتوا شاطرين ولكن تحتاجون التوجيه الصح .. لذلك لابد من صفعة تعلم هؤلاء كيف يثقون بنا ولو لمرة .. لانهم قطريين ومروا بنفس وضعنا ولولا المحاولة ماوصلوا الي مناصبهم الا ان كانت واسطات :)

الاضطهادات تمارس من قبل القطريين على القطريين .. ولاتسأل لماذا ؟

لانه بكل اختصار لاتوجد محااسبة او مراقبة ولا ذمة ..

والله يعينهم مايدرون كيف الشركاات الخارجية تسعى وراءهم !! وانهم اولا واخيرا يخسرون خبرات :)

[امل الحب]

للأسف التقطير بس على بعض الجنسيات العربية

ولكن ما يقدرون على الاجانب بو عيون زرق

ماقدر انفي اي شي بكلامك .. لانه صحيح بكل بساطة!.

والامثلة كثيرة دون ذكر احدها

شاكرة مرورك

[امل الحب]

الظاهر انها كذبة ابريل.. بس مطولة.. :tease:


:) كلامك صحيح




الموقف قمة في الرزالة منه..:eek5:

شنو وصلها للباب واتصل في الهندي وبلغه القبول (إهـانــة..!!)

الله يعينج على هالاشكال.. اللى تقص على القطريين بأي كلام ماله معنى..

وبجد انا قاهرتني سالفة الخبرة..

انتو وظفوا وعطوهم خبراتكم وشجعوهم وبتشوفونهم افضل ناس..

لكن يظل الحاجز اللى يوقف تقطير الوظائف هو الخبرة..

فيأتون الاجانب بشهادة اغلبها مزورة وياخذون مكان القطريين..

واصبحت الوظائف الدونية التي لايستفيد منها القطري في خبرة مرجوه للقطرين بناءاً على طلب مجلس الوزراء الموقر..:rolleyes2:

:) مااحتاج خبرة في الاتصالات لاني بكل بساطة درست الحاسب الالي.. ووجود تخصص الاتصالات ينفي دوري في هالمجال ..

ولكن بالنسبة حق هالشخص .. انا احتقرته بجد .. لاني ولو بشكل من الاشكال تقدر تقولي ماعندنا وظيفة .. مو تطلب مقابلتي عشاان سؤال تافه ..

واذا عالخبرة عندي خبرة ولو لمدة بسيطة !!




عذر اقبح من ذنب..
يعني لو قالوا ماقبلناج اهوون من الكذب..!!!


واكيد بالأخير بيوافقون على الهندي..
لانه ماتهمه البلد .. يهمه راتبه ونصيبه من الشركة فقط لاغير..
واي تجاوز بيشوفه راح يسكت عليه.. لانه محتاج لها بنظرهم.. ;)


والله يعينج والله.. والله يعوضج خير..

صحيح عذر اقبح من ذنب ورديت عليهم ان هالكلام ليس الا كذبة لتبرير موقف الرفض !

لان رديت على اتصالات من شركاات ثانية .. كيف لم ارد عليكم :)

وتخيل ردهم .. انتظرينا نبحث لج عن وظيفة ومانبي تروحين لغيرنا .. فكان ردي لو مافي وظايف مارجعت ..

وكلها خيرة من رب العبااد سبحاانه ..

ولكن الموضوع لكشف مايحصل والادعاء بالتقطير ..:)

[امل الحب]

الله يفرجها عليج

الله يفرجها عالجميع ..

ماهو بهم .. كثر ماهو ادعاءات بطالة ان القطريين يرفضون العمل في هالشركاات لان شغلها متعب في حين الرفض من الشركاات نفسها :)

من المظلوم .. !

الباحث عن الوظيفة طبعا لان بيسكت وبيقول غيري احسن مني .. حين ان الشركات تدعي انها سعت ولكن المواصفات غير مناسبة .. مما يجعلها في ال safe side

انها حاولت ولكن لايوجد كفاءات :)

[qatar600]

وتخيل ردهم .. انتظرينا نبحث لج عن وظيفة ومانبي تروحين لغيرنا .. فكان ردي لو مافي وظايف مارجعت ..

وكلها خيرة من رب العبااد سبحاانه ..



كان قلتي لهم (الكتاب من عنوانه باين)
نصب × كذب = شركة منحطة..




ولكن الموضوع لكشف مايحصل والادعاء بالتقطير ..:)



مشكلتج لي إن للحين مصدقة الشعارات الرنانة..:weeping:

والله يعوضج خير اختي ان شاء الله..

[سهم المراقيب]

ولله الموضوع يقهر وخصوصاً اللي صار لكم مع السكرتيره ,,
سؤال: هل قدمتوا على كيوتل ؟

[MzYoN-QaTaR]

حاس فيج أختي أمل الحب

لان صار لي مثل هالموقف

أنا خريج من جامعة قطر ... ومعدلي واايد حلو ...

وقابلتني احدى الشركات من خمس شهور ... وقالوا لي بيردون علي ... إلى الآن أنتظر ردهم

وفي النهايه ... وظفوا واحد أجنبي ... كان زميل دراسه معاي ... أنا أتمنى له الخير ... وما أحسده

لكن أنا قطري ... و الأولويه لي لنا

وين التقطير اللي يتكلمون عنه؟؟؟؟؟؟؟؟؟؟؟؟؟؟

الظاهر التقطير صار مجرد كلمه نسمعها ... ويقصون علينا فيها ...

خل يسفرون كم هندي ويحطونا بدالهم ...

والله قهر ...

يعني لازم واسطه والا ما بنشتغل؟؟؟ !!!

[فـــــواز]

الله يوفقك دنيا واخره ويرزق هل قطر من خير قطر الي للاسف ما عشناه نشوفه يروح للاجانب ونتحسب كل يوم ولنا يوم ان قاله الله

انا قبل يمكن كتبت موضوع عن التقطير

وانا اكثر واحد تاثرت وانظلمت بسبه التقطير للاسف الي فاهمنه غلط قطر للبترول وغيرهم حسبنا الله ونعم الوكيل من كان السبب وان شاء الله حقي موضايع يوم القيامه ولا الدنيا مالي فيها

40 واحد في قطر للبترول في مصنع غاز فنيين اغلبهم تغيرت تخصصاتهم الي صارلهم 4 اسنين او اكثر يدرسوون هذا التخصص وفي اخر شي قالو ا الشركه فيها اكثر من 50% من القطريين والباقي بنوزعهم في شركات ثانيه اغليهم كان من يومهم متدربيين فاهمين المصنع تخيلو في يوم وليله قالو ا لنا بتروح مصنع ثاني اختار وادرس من جديد واعرف المصنع ويبيلك 5 سنين او اكثر انت وشطارتك

بعضهم فنشوا وبعضهم غيرو تخصصاتهم وصار لهم خيره انهم ينقلوون وهذولا بواسطه
اما البقيه الا انا منهم لله الحمد ان شاء الله والله يوفقنا ويوفقهم الي راحوا حصلو وضايف علي نفس تخصصم في مصانع ثانيه بس انا متضايق جدا من شركتي الي انا فيها مافيها تطوير والقطري منبوذ فيها ولا يبونه يوصل كل المدراء اجانب وهنود هم الي يحلون ويربطون في الشركه ولا فيه دورات ابد كلش

طبعا الشركه الي كنا فيهم قالوا لنا اختارو مصانع وبنقلكم فيها انا رفضت قلت انا ابي شركتي قالو لي اذا ما رحت بنقلك اي شركه من الشركات خفت يسونه فيني

[The Watcher]

اختي

موضوع وايد حلو وحساس
ويطرح نقطة مهمة يعاني منه المجتمع القطري

انا ماراح ادافع عنهم
بس انا بقولج الواقع اللي يصير .. واشلون تقدرين تتعاملين معاه

اذا تبين تتعينيين في شركة .. فأسهل واسرع طريقة هي الواسطة

انا حالياً شغل في شركة
وكنت قبل اشتغل في شركة ثانية بعد

لما تخرجت ووديت اوراقي كل مكان .. كان في مكان كنت حاط الامل فيه .. كنت كل ما اتصل يقولي موظف الـ Hr ان للحين ماعندهم وظائف شاغرة في القسم اللي انا ابي اشتغل فيه

وصرت اكلمهم كل شهر تقريباً .. وكل مرة نفس الكلام
لين مادخلت واسطة .. نفس الموظف كلمني وخلص موضوع توظيفي
بعد ماتوظفت سألته ليش كنت تقولي ان ماعندكم وظائف شاغرة .. ولما دخلت الواسطة طلعت الوظيفة في يوم وليلة .. تم يقولي لا اصلا قسمك ماكانوا يقولون ان عندهم وظايف ومن هالكلام .. اللي اكتشتفته بعدين ان مافي واحد في الشركة توظف بطريقة عادية .. كلهم بالواسطة .. وتلاقين كل واحد له اخ او ولد عم يشتغل في الشركة .. خصوصاً موظفين الـ Hr ..وكأن عندهم كنز وكل واحد يقول اهلي اولى من غيرهم .. كنت تقريباً انا الوحيد اللي مالي احد يصيرلي في الشركة

وعقبها لما انتقلت لشركة ثانية
نفس الشي
كل ما اكلمهم يقولون ماعندنا وظيفة لك
لين ماجبت واسطة
طلعت الوظيفة من تحت الارض


هذي طريقة

الطريقة الثانية
انا مستغرب اشلون لما يسوون معاج مقابلة ماتتصلين فيهم تشوفين ايش صار
انا كنت اكلمهم يومياً تقريباً .. واذا قالي اتصل بعد اسبوع .. كنت احط عندي تذكير بالاتصال .. لين ما اعور راسهم .. لدرجة احياناً كنت اتصل اكثر من مرة في نفس اليوم
معقولة 3 أسابيع ما اتصلتي فيهم؟؟
صحيح هم المفروض اللي يتصلون .. بس معاهم لازم تمشين بمبدأ (لو لك حاجة عند الـ... قوله ياسيدي)


الطريقة الثالثة
كل فترة لازم تقدمين مرة ثانية
خصوصاً لو تغير المدير .. سواء مدير الـ Hr او مدير القسم اللي بتتوظفين فيه
وترى الشركات عندنا ماعندهم ذيك الخطط الاستراتيجية الصحيحة من ناحية التوظيف .. يعني يجون في شهر يقولون خلاص ماعندنا وظايف .. بعدها بشهرين او ثلاثة يطلع انهم يبون 100 وظيفة او اكثر .. طبعاً عاد انتي وحظج .. لو قدمتي في هذي الفترة بتتوظفين على طول .. او لو عندج احد يقولج .. وغالباً هم يخبرون ربعهم بس
ويعدسن ترى لو جات فترة طلعوا انهم يبون وظايف .. لا تتوقعين انهم بيطالعون الناس اللي فدموا من قبل .. ترى هم اغبى من جذي .. يروحون ينزلون اعلان في الجريدة او في الموقع .. او يشوفون من بيقدم الحين وهذا اللي بنقابله

لما كنت اقدم يمين ويسار بعد ماتخرجت من الجامعة .. في احد الاماكن كانوا موافقين على توظيفي .. بس لازم يوقع المدير العام على التوظيف .. والمدير كان مايوقع على اي اوراق للتوظيف .. وتتكدس عنده الطلبات من كل الاقسام .. ولا يطالعهم .. بعد ماتغير المدير بفترة بسيطة اتصلوا فيني .. قالولي للحين تبي تتوظف .. وكنت وقتها توني ثاني يوم في دوامي الجديد .. وطبعاً قلتلهم ويييييييين .. تو الناس .. بس ترى نادر ان احد يسوي هالشكل (قصدي يتصلون في الناس اللي مقدمين من قبل)

الطريقة الرابعة
لو قدمتي في شركة ومحد عطاج ويه
حاولي تقابلين احد المسؤلين
سواء مدير الـ Hr .. او مدير القسم اللي بتعينيين فيه .. او المدير العام
حاولي توصلينله الرسالة ان انتي حاولتي وايد ومحد عطاج ويه وان خااااااطرج تشتغلين وياهم لأن هذا هو المكان اللي راح يحقق طموحاتج .. خصوصاً لو مثل ماقلتي ان اوراقج تشفعلج (معدل جيد جداً او اعلى + خبرة في نفس المجال + لغة انجليزية)


في النهاية .. انا وايد اشجع القطريين على الالتحاق بالشركات .. وعندي امل ان كل هالمصاعب (اللي بعضها مسؤول عنها بع ضالقطريني) انها تزول .. وتصير الشركات فيها غالبية من القطريين الاكفاء .. بدال شغل الواسطات بين القطريين والاستعمار الهندي اللي صاير

[امل الحب]

كان قلتي لهم (الكتاب من عنوانه باين)
نصب × كذب = شركة منحطة..






مشكلتج لي إن للحين مصدقة الشعارات الرنانة..:weeping:

والله يعوضج خير اختي ان شاء الله..



هههههههههههههههههههههههههههههه..

احاول اتامل خير من ورا هالشعارات الرنانة ..

يعطيك العاافية

[امل الحب]

ولله الموضوع يقهر وخصوصاً اللي صار لكم مع السكرتيره ,,
سؤال: هل قدمتوا على كيوتل ؟

ههههههه رد غبي منها ..

اي نعم .. ولحد الان بانتظار اي رد منهم :)

[امل الحب]

حاس فيج أختي أمل الحب

لان صار لي مثل هالموقف

أنا خريج من جامعة قطر ... ومعدلي واايد حلو ...

وقابلتني احدى الشركات من خمس شهور ... وقالوا لي بيردون علي ... إلى الآن أنتظر ردهم

وفي النهايه ... وظفوا واحد أجنبي ... كان زميل دراسه معاي ... أنا أتمنى له الخير ... وما أحسده

لكن أنا قطري ... و الأولويه لي لنا

وين التقطير اللي يتكلمون عنه؟؟؟؟؟؟؟؟؟؟؟؟؟؟

الظاهر التقطير صار مجرد كلمه نسمعها ... ويقصون علينا فيها ...

خل يسفرون كم هندي ويحطونا بدالهم ...

والله قهر ...

يعني لازم واسطه والا ما بنشتغل؟؟؟ !!!


هههههههههههههههههههههههههه بسيطة ياخوي ..

يلا يدي على يدك .. ونخلي الاولوية حق القطريين ..

الواسطة هي المحرك الرئيس على مايبدو .. بس شتسوي لو تبي وظيفة بدون واسطة ..

تنطر وتنطر لين تتيسر امورك ..

الله يوفقك ولاتنسانا اذا توظفت :nice:

[امل الحب]

الله يوفقك دنيا واخره ويرزق هل قطر من خير قطر الي للاسف ما عشناه نشوفه يروح للاجانب ونتحسب كل يوم ولنا يوم ان قاله الله

انا قبل يمكن كتبت موضوع عن التقطير

وانا اكثر واحد تاثرت وانظلمت بسبه التقطير للاسف الي فاهمنه غلط قطر للبترول وغيرهم حسبنا الله ونعم الوكيل من كان السبب وان شاء الله حقي موضايع يوم القيامه ولا الدنيا مالي فيها

40 واحد في قطر للبترول في مصنع غاز فنيين اغلبهم تغيرت تخصصاتهم الي صارلهم 4 اسنين او اكثر يدرسوون هذا التخصص وفي اخر شي قالو ا الشركه فيها اكثر من 50% من القطريين والباقي بنوزعهم في شركات ثانيه اغليهم كان من يومهم متدربيين فاهمين المصنع تخيلو في يوم وليله قالو ا لنا بتروح مصنع ثاني اختار وادرس من جديد واعرف المصنع ويبيلك 5 سنين او اكثر انت وشطارتك

بعضهم فنشوا وبعضهم غيرو تخصصاتهم وصار لهم خيره انهم ينقلوون وهذولا بواسطه
اما البقيه الا انا منهم لله الحمد ان شاء الله والله يوفقنا ويوفقهم الي راحوا حصلو وضايف علي نفس تخصصم في مصانع ثانيه بس انا متضايق جدا من شركتي الي انا فيها مافيها تطوير والقطري منبوذ فيها ولا يبونه يوصل كل المدراء اجانب وهنود هم الي يحلون ويربطون في الشركه ولا فيه دورات ابد كلش

طبعا الشركه الي كنا فيهم قالوا لنا اختارو مصانع وبنقلكم فيها انا رفضت قلت انا ابي شركتي قالو لي اذا ما رحت بنقلك اي شركه من الشركات خفت يسونه فيني


ماقدر اقول غير الله يوفقك وييسر امرك..

والله المستعاان عليهم ..

[امل الحب]

اختي

موضوع وايد حلو وحساس
ويطرح نقطة مهمة يعاني منه المجتمع القطري

انا ماراح ادافع عنهم
بس انا بقولج الواقع اللي يصير .. واشلون تقدرين تتعاملين معاه

اذا تبين تتعينيين في شركة .. فأسهل واسرع طريقة هي الواسطة

انا حالياً شغل في شركة
وكنت قبل اشتغل في شركة ثانية بعد

لما تخرجت ووديت اوراقي كل مكان .. كان في مكان كنت حاط الامل فيه .. كنت كل ما اتصل يقولي موظف الـ Hr ان للحين ماعندهم وظائف شاغرة في القسم اللي انا ابي اشتغل فيه

وصرت اكلمهم كل شهر تقريباً .. وكل مرة نفس الكلام
لين مادخلت واسطة .. نفس الموظف كلمني وخلص موضوع توظيفي
بعد ماتوظفت سألته ليش كنت تقولي ان ماعندكم وظائف شاغرة .. ولما دخلت الواسطة طلعت الوظيفة في يوم وليلة .. تم يقولي لا اصلا قسمك ماكانوا يقولون ان عندهم وظايف ومن هالكلام .. اللي اكتشتفته بعدين ان مافي واحد في الشركة توظف بطريقة عادية .. كلهم بالواسطة .. وتلاقين كل واحد له اخ او ولد عم يشتغل في الشركة .. خصوصاً موظفين الـ Hr ..وكأن عندهم كنز وكل واحد يقول اهلي اولى من غيرهم .. كنت تقريباً انا الوحيد اللي مالي احد يصيرلي في الشركة

وعقبها لما انتقلت لشركة ثانية
نفس الشي
كل ما اكلمهم يقولون ماعندنا وظيفة لك
لين ماجبت واسطة
طلعت الوظيفة من تحت الارض


هذي طريقة

والله ياخوي سالفة الواسطة هااي غاسلة يدي منها .. اقدر اتوظف بين يوم وليلة لو طلبت من ابوي يكلم اي شخص هنااك .. بس ماابي منة حد علي .. وواسطتي رب العالمين ومن بعده شهاادتي الي تعبت فيها.. اما تعال يافلان وعلان .. والله ماتسوى .. واولها واخرها نصيب ومقسوم بيد رب العالمين .. فهالنقطة نو وي لو اقعد 100 سنة بدون وظيفة

الطريقة الثانية
انا مستغرب اشلون لما يسوون معاج مقابلة ماتتصلين فيهم تشوفين ايش صار
انا كنت اكلمهم يومياً تقريباً .. واذا قالي اتصل بعد اسبوع .. كنت احط عندي تذكير بالاتصال .. لين ما اعور راسهم .. لدرجة احياناً كنت اتصل اكثر من مرة في نفس اليوم
معقولة 3 أسابيع ما اتصلتي فيهم؟؟
صحيح هم المفروض اللي يتصلون .. بس معاهم لازم تمشين بمبدأ (لو لك حاجة عند الـ... قوله ياسيدي)

يمكن هااي نظرتك .. بس ماتسوى السالفة .. اذا انا مسوية مقابلة في 5 او 6 اماكن بتصل لهم كلهم!!

وااايد بصرااحة .. وتعال واحرق دمي كل من يحولني للثاني ولاحد بداري شسالفة الطلب او المقابلة .. او يرن ومحد يرد .. او يردون عليك ويقولون فلان محد !!
مع العلم اني اتصلت عليهم واحيانا كان يرن ومحد يرد والايميل محد يرد شسوي وين اوصلهم ؟


الطريقة الثالثة
كل فترة لازم تقدمين مرة ثانية
خصوصاً لو تغير المدير .. سواء مدير الـ Hr او مدير القسم اللي بتتوظفين فيه
وترى الشركات عندنا ماعندهم ذيك الخطط الاستراتيجية الصحيحة من ناحية التوظيف .. يعني يجون في شهر يقولون خلاص ماعندنا وظايف .. بعدها بشهرين او ثلاثة يطلع انهم يبون 100 وظيفة او اكثر .. طبعاً عاد انتي وحظج .. لو قدمتي في هذي الفترة بتتوظفين على طول .. او لو عندج احد يقولج .. وغالباً هم يخبرون ربعهم بس
ويعدسن ترى لو جات فترة طلعوا انهم يبون وظايف .. لا تتوقعين انهم بيطالعون الناس اللي فدموا من قبل .. ترى هم اغبى من جذي .. يروحون ينزلون اعلان في الجريدة او في الموقع .. او يشوفون من بيقدم الحين وهذا اللي بنقابله

لما كنت اقدم يمين ويسار بعد ماتخرجت من الجامعة .. في احد الاماكن كانوا موافقين على توظيفي .. بس لازم يوقع المدير العام على التوظيف .. والمدير كان مايوقع على اي اوراق للتوظيف .. وتتكدس عنده الطلبات من كل الاقسام .. ولا يطالعهم .. بعد ماتغير المدير بفترة بسيطة اتصلوا فيني .. قالولي للحين تبي تتوظف .. وكنت وقتها توني ثاني يوم في دوامي الجديد .. وطبعاً قلتلهم ويييييييين .. تو الناس .. بس ترى نادر ان احد يسوي هالشكل (قصدي يتصلون في الناس اللي مقدمين من قبل)

هههههههههههههههههههههههههههههه والله سالفة معااهم ..

ليش سالفة التقديم سهلة .. حتى اون لاين الطريقة متعبة ويطلبون ويطلبون واخر شي يطلع الاسم مسجل والسي في محفوظة فالداتا بيس !! ماسوينا شي ؟! كانهم يقولون من الاخر لو بغينا موظفين بنراجع الداتا بيس الي عندنا

الطريقة الرابعة
لو قدمتي في شركة ومحد عطاج ويه
حاولي تقابلين احد المسؤلين
سواء مدير الـ Hr .. او مدير القسم اللي بتعينيين فيه .. او المدير العام
حاولي توصلينله الرسالة ان انتي حاولتي وايد ومحد عطاج ويه وان خااااااطرج تشتغلين وياهم لأن هذا هو المكان اللي راح يحقق طموحاتج .. خصوصاً لو مثل ماقلتي ان اوراقج تشفعلج (معدل جيد جداً او اعلى + خبرة في نفس المجال + لغة انجليزية)

واذا قابلت المسؤول المفهي وتكلمت وتكلمت وياااه.. وقلت له بالي صار واخر شي طلع مفهي يقولك بحول طلبك وانتظر الرد منهم :rolleyes2:.. وياكثرهم الي قابلتهمم


في النهاية .. انا وايد اشجع القطريين على الالتحاق بالشركات .. وعندي امل ان كل هالمصاعب (اللي بعضها مسؤول عنها بع ضالقطريني) انها تزول .. وتصير الشركات فيها غالبية من القطريين الاكفاء .. بدال شغل الواسطات بين القطريين والاستعمار الهندي اللي صاير

الله المستعاان وكل شي بيد رب العالمين لان الارزاق مو بيدهم وكل من يااخذ رزقه المكتوب :)

شاكرة مرورك ونصايحك :)

[Abu Deeb]

أختي أنا لست قطري لكن فعلا قانون التقطير ماحد يشتغل فية
يعني أروح وأدور شغل وأعمل مقابلة وكل شي ويقولي تخصص الهندسة الكهربائية نادر ومرات مافي قطريين مقدمين زين ليش طلبي ماينقبل بالنهاية أكتشف للجنسية ويروح مدير القسم اللي قدمت علية يوظف واحد هندي أو فلبيني

يعني مادري ليش لا القطريين ولا مواليد البلد يحبون يوظفونهم

صارلي موقف بشركة وافقت أشتغل وبدرجه وظيفية أقل من مهندس قلت مافي مشكلة لكن كل مايكون في توقيع من مدير إدارة أو قسم بهالشركة ولازم يوافقون على الطلب يوقفون الطلب والسبب ليش مانستقدم واحد من برة حرام عليهم يعني قاعد من شهر ستة بدون وظيفة وأسهل ماعنده يجيب واحد من برة ليش الله أعلم

[امل الحب]

أختي أنا لست قطري لكن فعلا قانون التقطير ماحد يشتغل فية
يعني أروح وأدور شغل وأعمل مقابلة وكل شي ويقولي تخصص الهندسة الكهربائية نادر ومرات مافي قطريين مقدمين زين ليش طلبي ماينقبل بالنهاية أكتشف للجنسية ويروح مدير القسم اللي قدمت علية يوظف واحد هندي أو فلبيني

يعني مادري ليش لا القطريين ولا مواليد البلد يحبون يوظفونهم

صارلي موقف بشركة وافقت أشتغل وبدرجه وظيفية أقل من مهندس قلت مافي مشكلة لكن كل مايكون في توقيع من مدير إدارة أو قسم بهالشركة ولازم يوافقون على الطلب يوقفون الطلب والسبب ليش مانستقدم واحد من برة حرام عليهم يعني قاعد من شهر ستة بدون وظيفة وأسهل ماعنده يجيب واحد من برة ليش الله أعلم

هذا هو السؤال ليش؟؟؟

ووراه مليون علامة استفهام مدام متوفر ابحث فالخارج ليش..؟

خاطري القى اجابة صريحة ؟؟؟؟؟؟؟؟؟؟؟؟؟؟؟؟

بس الظاهر صحيحة المقولة "قطر لغير القطريين " :)

الله المستعاان

[مستقلة]

Try to apply in Aspire

[Abu Deeb]

هذا هو السؤال ليش؟؟؟

ووراه مليون علامة استفهام مدام متوفر ابحث فالخارج ليش..؟

خاطري القى اجابة صريحة ؟؟؟؟؟؟؟؟؟؟؟؟؟؟؟؟

بس الظاهر صحيحة المقولة "قطر لغير القطريين " :)

الله المستعاان

الإجابة بكل بساطه أختي أن الشاب القطري أو مواليد قطر والخريج الجديد به نشاط
وقدرة على إثبات النفس وخصوصا القطريين لأن إمكانية ترقيتهم وحصولهم على مناصب أسرع
فهو يريح نفسة هالمسؤول ويجيبلة واحد هندي أو فلبيني ياخذ راتب ماعمرة يحلم فيه ببلده
ويخلية على نفس الدرجه ولو حس أنه يبي يلعب بذيلة يصكة تفنيش ويجيب غيرة

أما القطري أو مواليد البلد شلون يصكة تفنيش ووين بيوديهم إذا ماقدر يثبت عليهم إهمالهم في شغلهم

هذا الكلام من شخص عاش هالمعاناة بنفسة وهو صديق لي قطري

لاحول ولا قوة الا بالله العلي العظيم

[امل الحب]

Try to apply in Aspire

:secret: I did but NO ANSWER

[امل الحب]

الإجابة بكل بساطه أختي أن الشاب القطري أو مواليد قطر والخريج الجديد به نشاط
وقدرة على إثبات النفس وخصوصا القطريين لأن إمكانية ترقيتهم وحصولهم على مناصب أسرع
فهو يريح نفسة هالمسؤول ويجيبلة واحد هندي أو فلبيني ياخذ راتب ماعمرة يحلم فيه ببلده
ويخلية على نفس الدرجه ولو حس أنه يبي يلعب بذيلة يصكة تفنيش ويجيب غيرة

أما القطري أو مواليد البلد شلون يصكة تفنيش ووين بيوديهم إذا ماقدر يثبت عليهم إهمالهم في شغلهم

هذا الكلام من شخص عاش هالمعاناة بنفسة وهو صديق لي قطري

لاحول ولا قوة الا بالله العلي العظيم

والارزاق بيد رب العالمين .. تفاائل :victory:

[صباح الخير]

الله المستعاان

[امل الحب]

الله المستعاان

والنعم بالله .. :)

[دون سيرفانتس]

ايها المسئولين والمدراء الاعزاء لشركاتنا الوطنية
نحتاج الى قليل من الشفافية
نحتاج الى معرفة نسبة التقطير
ونحتاج الى معرفة القطاعات المقطرة
ونحتاج الى معرفة خططكم لتقطير باقي الوظائف والقطاعات
بدأ الناس يملون من اسطوناتكم المشروخة وصوركم الجميلة وتصريحاتكم الرنانة
اتقوا الله في ابناء البلد

[الرسام]

أختي الكريمة
انشاله ربي يوفقج وتلقين الوظيفه المناسبة بأذن الله

1- التقطير موجود ويوجد لجان متابعة مشكلة من قطر للبترول لمتابعة نسبة التقطير في الشركات التابعة لها كل ثلاثة اشهر. ويوجد مسائله لهذه الشركات اذا نقصة نسبة التقطيير.

2- للاسف المشكلة تكمن في وجود التكتلات من الجنسيات العربية وغير العربية في جميع الادارات ووجود قطريين لا يحبذون توظيف القطري وخصوصا منهم الخريجيين لخوفهم الشديد على ارزاقهم لذلك يقومون بتشويه صورة القطري وتجد الشركات تقوم بزيادة نسبة التقطيير في المجالات الغير مهمه او على درجة فني او اداري لا يحمل شهادة جامعية وسوف تمضي عليه السنيين قبل ان يصل الى درجة ا تخاذ القرار.

3- بالنسبة لل IT هناك سيطرة للجنسيات الاسيوية والعربية في هذه الادارات وطبعا الجهل التام بما تقوم به هذه الادارات في مجال تكنولوجيا المعلومات.

4- من واقع الخبرة اختي انا من منتسبيين هذا التخصص وحصل لي الموقف الاتي بعد شهر من الدوام( جاني اسيوي في القسم وقالي فلان Are you original Qatari طبعا ردييت عليه وقلت بكل ادب ليش قال you know you don't find many Qataries they welling to do the job and show up early morning ) طبعا هو خلص الجملة وا مسح فيه الارض.

5- أيضا من واقع الخبرة وللاسف هذه ضد القطريين بالارقام.
قمنا في الشركة بأنشاء نظام يقوم بحساب الايام التي لم يقم الموظف بأداء عملة وللاسف استخرجت التالي من البيانات
عدد موظفيين الشركة 1250 موظف
عدد الموظفيين القطريين 230 موظف

للاسف للاسف السيستم طلع 57 موظف قطري و 2 اجانب لا بد من تفنيشهم اذا ما قمنا بتنفييذ اللوائح والقوانيين للحظور والانصراف .
طبعا انا انصدمت من الموقف والمدير والموارد البشرية

في الختام فيه حق لنا كقطريين وهناك ايضا حق للدولة علينا لابد من تأديته على اكمل وجه

أنشاله ربي يوفقج وتلقيين الوظيفة المناسبة وخلج في development و ال analysis يعني enterprise solution وهذي نصيحة مجرب.

تحياتي

[وحش قطر]

اااااااااااااااااااااااااااااة يالريان وين التقطير

وين يونس احمد بدال عمر باري

واللي يبي زود افادة
يسال معرض التوظيف تعطية افادة


http://http://www.qatarshares.com/vb/showthread.php?t=247499

[جوال 11]

أعتقد عندهم أكتفاء في It

لكن أهم شىء لدى Qp هو وجود و أتقان اللغة الإنجليزية ..

هذا الكلام غير صحيح
طالب درس على نفقة Qp وعند التخرج شكلوا في موعد تخرجه في شهر يناير وأدعوا بأن التخرج سيكون خلال شهر يوليو وعند أتصال قسم التدريب بالجامعة تم التعرف بأن الجامعات الأمريكية تعمل بنظام الساعات مع العلم بأن المسؤل درس في أمريكا .

وبدأ مسلسل التوظيف كل يوم يرسل لشخص أجنبي ويذكر له لا نحتاج لك ولكن سنحاول توظيفك حتى خمسة شهور وبعد ذلك ذهب مع والده الى أحد المسؤلين عن التوظيف جزاه الله كل خير وتوظف هذا الخريج بعد خمسة شهور من الأنتظار وعند سؤال عن من يعملون في قسم It أتضح بأن القطريين 1% من المجموع .

لماذا يرسل الطالب ويحدد له تخصص معين وبعد تخرجه لا يجد العمل في تخصصه هل هذا التخطيط أو التخبط ، للعلم من يخطط فلبيني وهو الذي يأمر أين يرسل كل طالب متخرج .

[دلة الرسلان]

امل للحين ما اشتغلتي انا كله في بالي صرتي باش مهندسة ئد الدنيا :telephone:

الواسطة هي الكلمة السحرية تفتح الابواب المغلقة وبعدين الشهادة في المرتبة الثانية اما

التقطير ما اتوقع ينفع لأنه فقاعة اعلامية داخلية .

التقطير يبغي له عزيمة ومتابعة وخطط وأسس ومتابعة ثانية وثالثة وعاشرة واحنا ربعنا

يصدر القرار وما يمديه كم يوم الا ظاهر قرار ثاني مضاد له في الاتجاه مساوي له في القوة.

[Nasser2006]

أختي قدمي في شركة ميرسك قطر للبترول .

أنا شغال في الاي تي في شركة ثانية مب ميرسك .

لاني قدمت عند ميرسك من مدة وبعدين اتصلوا لي حق المقابلة وأنا حاليا شغال في شركة ممتازة والحمدلله في امسيعيد ومرتاح معاهم. علشان شذيه رفضت أروح أقدم المقابلة لشركة ميرسك.

قدمي عندهم محتاجية شخص في تخصص الاي تي .

وموقع الشركة على الكورنيش جنب برج برزان التابع لوزارة العمل والشؤون الاجتماعية الي عند الاشارات.

والله يوفقك ان شاء الله.

[eXpert*]

أساساً خطة الـ 50% مالها أساس من الصحة ،، والسبب اذا بعض الشركات تقطرت بنسبة 50% فهذا راح يكون على حساب بعض الشركات الاخرى ,, الا في حالة واحده اذا وصل عدد القطريين 50% من عدد السكان في تلك اللحظة سنشاهد تقطير بنسبة 50% في جميع الشركات.

مصطلح التقطيرهو تدريب وتطوير الكفاءات القطرية أكثر من كونه توظيف و ورفع نسبة فقط .

في خطة مستقبلية للالغاء مصطلح التقطير ،، واستبداله بمصطلح التوطين .مما يجعل المهمة أصعب والله يعين الجميع.

أمل الحب : شيكي على الخاص.

[امل الحب]

أختي قدمي في شركة ميرسك قطر للبترول .

أنا شغال في الاي تي في شركة ثانية مب ميرسك .

لاني قدمت عند ميرسك من مدة وبعدين اتصلوا لي حق المقابلة وأنا حاليا شغال في شركة ممتازة والحمدلله في امسيعيد ومرتاح معاهم. علشان شذيه رفضت أروح أقدم المقابلة لشركة ميرسك.

قدمي عندهم محتاجية شخص في تخصص الاي تي .

وموقع الشركة على الكورنيش جنب برج برزان التابع لوزارة العمل والشؤون الاجتماعية الي عند الاشارات.

والله يوفقك ان شاء الله.

عذرا على تجاوز الكل ..

شكرا على اقتراحك اخوي .. بس الموقف الثاني للاسف كاان معاهم :)

واولا واخيرا كلها خيرة..

[اغلى الغاليات]

انا بنفسي مقهوره على شبابنا وبناتنا اللي يدرسون وتطلع عينهم في جامعة قطر الكحيانة وفي الاخير بعد يطلعون عينهم في الوظايف:anger1:..ولما تتوظف خذ من هالحرب اللي تضيع فيها بين الاجنبي والقطري اللي واقف مع الاجنبي في كل شي وان الاجنبي هو اللي يفهم والقطري هو والكرسي واحد:eek5:..دوم الاجنبي مسكين والقطري ماخذ حقه وزيادة ..بس ابي اعرف ليييييييش :telephone:..انا سمعت عن مدير ركض ورى الموارد البشرية لين ما رفع رواتب الاجانب وغير مسمياتهم لمسميات خياليه وهم ماعندهم الا الثانويه وشهادات حضور لكم دوره والقطريين مساكيين اللي على مسمى غلط واللي على درجته من سنين ما تحرك :anger2..وبالمره شسالفه هالجامعات اللي كل يوم مفتتحينها ومحد يدرس فيها الا الاجانب واللي عندة نص مليون ورايح..حرااااام هالقطري لا وظيفه عدلة ولا تعليم سنعcrazy::..

[Store]

في وظايف تحتاج وجود قطريين ولكن تحتاج ان يكون في اجنبي مع القطري عشان القطري يتعلم وياخذ خبره وفي وظايف القطري مايبي يشتغلها

[ام خليفة]

انا صار لي 5 شهور من قدمت اوراقي على وزاره العمل محد رد علي !!!!

تدرون اصلا خلاص انا فقدت الامل اني اتوظف :)

[eXpert*]

أمل الحب ولمن يرغب من الاعضاء


في وظائف في قسم نظم المعلومات في كلٍ من :

- شركة الملاحة القطرية .

- شركة دلالة للوساطة القابضة career@dlalaholding.com

[Nasser Mohd]

غريبة كأنك تتكلمين عن الشركة الي أعمل فيها.
فنحن وكلاء الهنود في قطر بلا منازع وتوه متوظف عندنا بقسم المالية هندي وبيتوظف هندي اخر رئيس قسم بعد ايام طبعا غير الموجودين
هاي تقططططططططططير من القطرة واحنا قطرة من نهر اجنبي جاري

[نجم سهيل]

السلا م عليكم

انا واحد من ضحايا احدى شركات قطر للبترول .. فبعد سنتين ونص من الاجتهاد علشان بس أتثبت كتقني كهرباء يجيني مدير الصيانة ويسألني في المقابلة وهذا طبعا ً بعد اجتياز اختبار القبول الذي ابتدعه ليقول : (( ماهو الفرق بين المرأة والرجل ؟ ))

ويسأل أحد الزملاء : (( لماذا سمي المربع بهذا الإسم ؟ ))

والمشكلة انه قطري .. وبعد ماكان مدير للصيانة صار مدير عام للشركة!

عموما ً الحدلله على كل حال .. توفقت بعد تقديم استقالتي من الشركة وتمنيته لو سألني هالسؤال من زمان ..

مانقدر نظلم قطر للبترول .. لكن المشكلة في الشركات التابعة لها وكل شركة على حسب ادرتها ..

يعني اشتغل واجتهد وان جا حظك على شركة ادراتها تعبانة .. يعني مكانك سر

ولا ألعب وافتلت وان جا حظك على شركة ادراتها مهتمة .. يعني أبشر بالبعثات والدورات والاهتمام حتى لو ماكنت تفهم شي بيعلمونك ..

والله الموفق

[مرت محمد]

أمل الحب تخصصك في غايه الاهميه تعالي مصرف قطر المركزي عند المحافظ الشيخ عبدالله بن سعود الله يحفظه مايرد القطريات ولا القطريين عنده عنصريه لبنات وابناء وطنه لحد النخاع يدعمهم ويمد لهم يد المساعده وهم يشتغلون ليل ونهار ودورات يعجز لساني لهذا الرجل المعطاء الكريم بخلقه واخلاقه ( ولا تتبهدلين كل البهدله عند هالاجانب الي خيرهم من قطر ) وكلمه بقولها لأخواني وأخواتي الاعضاء ستبقى قطر للقطريين .. ولن يحميها غير اهلها وخذوا العبره من اشقأئنا الكويتين )

[ولد النواخذه]

شئ مؤسف عندما ينادى بالتقطير وكأنه ليس ملزما وانما اجتهاد وافكار وشئ قد يجني الثمار مع الأيام وقد لا يجني...
التقطير هو السبيل الأول لتغطية الوظائف فالدولة ومن بعذ هذا يمكن التفكير فالبدائل حتى أن كان هنالك بعض العوائق مثل عدد السكان ووجود القطريين المؤهلين في الوظائف التقنية المختصه وغيره من أمور هذا لا يمنع من أن كل قطري يجب أن يوفر له عمل وأن توكل له المهام.
شبابنا الواعد مع العلم والمثابرة سيكون مسؤلا لكي يقود مسيرة التطور فالبلد في جميع المجالات وتواجد هذا الكم من الجامعات والتخصصات يجب أن يستغل خير استغلال لكي يقدم لنا أجيالا قوية وواعيه قادرة على خدمة هذا الوطن الغالي.

[هدهد سليمان]

كوني حااصلة على شهاادة البكالوريوس في هندسة الحاسب


افا والله والامريكي ابن الـ...ب رفضك وخذ هندي حسبي الله عليه وانتي ما تعرفين في الاتصالات الله يهداك قولي اعرف وحاضرين باللي تامرين .. والله قهر يا الربع وهذا حال هل قطر اللي يتحكم فيهم اجنبي مايدري كوعه من بوعه والله لو في ديرته زين ما خلوه يطلع برع ديرته بس عقدتنا في الاجنبي ان هو اللي يفهم اتمنى من الله عز وجل ان يتم تقطير جميع الوظائف الاداريه بجميع مؤسسات الدوله وجميع اجهزتها وان شاء الله يتم ذلك وبدايتها في جهة من الجهات الاعلاميه والله كريم والبقية تأتي .. اختي والله حرقتي قلبي

[امل الحب]

ايها المسئولين والمدراء الاعزاء لشركاتنا الوطنية
نحتاج الى قليل من الشفافية
نحتاج الى معرفة نسبة التقطير
ونحتاج الى معرفة القطاعات المقطرة
ونحتاج الى معرفة خططكم لتقطير باقي الوظائف والقطاعات
بدأ الناس يملون من اسطوناتكم المشروخة وصوركم الجميلة وتصريحاتكم الرنانة
اتقوا الله في ابناء البلد

:) يمكن بعد 100 سنة تلاقي شفافية ..

وتسمع وظيفة لكل قطري اذا ماصارت ادارات الشركات بيد غير القطريين :secret: .. اما الحين فما اعتقد

[امل الحب]

أختي الكريمة
انشاله ربي يوفقج وتلقين الوظيفه المناسبة بأذن الله

1- التقطير موجود ويوجد لجان متابعة مشكلة من قطر للبترول لمتابعة نسبة التقطير في الشركات التابعة لها كل ثلاثة اشهر. ويوجد مسائله لهذه الشركات اذا نقصة نسبة التقطيير.

:) للاسف ماعتقد..!

والا تقدر تقولي شنو معنى وجود تيم كاامل كله هنود من حول 30 موظف IT مابينهم الا قطري واحد !!!!!

2- للاسف المشكلة تكمن في وجود التكتلات من الجنسيات العربية وغير العربية في جميع الادارات ووجود قطريين لا يحبذون توظيف القطري وخصوصا منهم الخريجيين لخوفهم الشديد على ارزاقهم لذلك يقومون بتشويه صورة القطري وتجد الشركات تقوم بزيادة نسبة التقطيير في المجالات الغير مهمه او على درجة فني او اداري لا يحمل شهادة جامعية وسوف تمضي عليه السنيين قبل ان يصل الى درجة ا تخاذ القرار.

بالضبط التوظيف في المجالات غير المهمة :)

اعرف خريج هندسة كهربية قطري يشتغل كاشير في بنك :)والحيااة سعيدة

3- بالنسبة لل IT هناك سيطرة للجنسيات الاسيوية والعربية في هذه الادارات وطبعا الجهل التام بما تقوم به هذه الادارات في مجال تكنولوجيا المعلومات.

4- من واقع الخبرة اختي انا من منتسبيين هذا التخصص وحصل لي الموقف الاتي بعد شهر من الدوام( جاني اسيوي في القسم وقالي فلان Are you original Qatari طبعا ردييت عليه وقلت بكل ادب ليش قال you know you don't find many Qataries they welling to do the job and show up early morning ) طبعا هو خلص الجملة وا مسح فيه الارض.


:)

5- أيضا من واقع الخبرة وللاسف هذه ضد القطريين بالارقام.
قمنا في الشركة بأنشاء نظام يقوم بحساب الايام التي لم يقم الموظف بأداء عملة وللاسف استخرجت التالي من البيانات
عدد موظفيين الشركة 1250 موظف
عدد الموظفيين القطريين 230 موظف

للاسف للاسف السيستم طلع 57 موظف قطري و 2 اجانب لا بد من تفنيشهم اذا ما قمنا بتنفييذ اللوائح والقوانيين للحظور والانصراف .
طبعا انا انصدمت من الموقف والمدير والموارد البشرية

مو الكل .. دايما كنا ملتزمين ومثل تخصصنا لولا الالتزام ماتتخرج

في الختام فيه حق لنا كقطريين وهناك ايضا حق للدولة علينا لابد من تأديته على اكمل وجه

تأدي الواجب لو لقيت فرصة .. بس في حال عدم وجود الفرص اكيد بتدورها برا وهم الخسرانين لان بيظل الاعتماد على الخاارج بشكل دائم وذلك لقلة الثقة فينا :)

أنشاله ربي يوفقج وتلقيين الوظيفة المناسبة وخلج في development و ال analysis يعني enterprise solution وهذي نصيحة مجرب.

تحياتي


الله يسهل ان شاء الله .. توجهي شبكاات :)

[امل الحب]

اااااااااااااااااااااااااااااة يالريان وين التقطير

وين يونس احمد بدال عمر باري

واللي يبي زود افادة
يسال معرض التوظيف تعطية افادة


http://http://www.qatarshares.com/vb/showthread.php?t=247499


هههههههههههههههههههههههههههههههههههههههههههههههههه هه

على قولتك اخوي..

مجرد مناظر بس عشاان يقولون جمعنا طلبات وسوينا وتواجدنا ..

لكن هل في محااسبة ؟؟

هل بيتم التوظيف ..؟

لا

:nice:

[امل الحب]

هذا الكلام غير صحيح
طالب درس على نفقة Qp وعند التخرج شكلوا في موعد تخرجه في شهر يناير وأدعوا بأن التخرج سيكون خلال شهر يوليو وعند أتصال قسم التدريب بالجامعة تم التعرف بأن الجامعات الأمريكية تعمل بنظام الساعات مع العلم بأن المسؤل درس في أمريكا .

وبدأ مسلسل التوظيف كل يوم يرسل لشخص أجنبي ويذكر له لا نحتاج لك ولكن سنحاول توظيفك حتى خمسة شهور وبعد ذلك ذهب مع والده الى أحد المسؤلين عن التوظيف جزاه الله كل خير وتوظف هذا الخريج بعد خمسة شهور من الأنتظار وعند سؤال عن من يعملون في قسم It أتضح بأن القطريين 1% من المجموع .

لماذا يرسل الطالب ويحدد له تخصص معين وبعد تخرجه لا يجد العمل في تخصصه هل هذا التخطيط أو التخبط ، للعلم من يخطط فلبيني وهو الذي يأمر أين يرسل كل طالب متخرج .

هذي قد تكون مشكلة ثانية تخص الي ينتسبون على حسااب احدى الشركاات..

لكن في مثل حالتي تخصصي باختياري ..

وبالفعل نسبة القطريين في هالمجال 1%.. والجامعة تشهد :rolleyes2:.. ومع ذلك يقولون لك لا مافي نصيب :)

[امل الحب]

امل للحين ما اشتغلتي انا كله في بالي صرتي باش مهندسة ئد الدنيا :telephone:

الواسطة هي الكلمة السحرية تفتح الابواب المغلقة وبعدين الشهادة في المرتبة الثانية اما

التقطير ما اتوقع ينفع لأنه فقاعة اعلامية داخلية .

التقطير يبغي له عزيمة ومتابعة وخطط وأسس ومتابعة ثانية وثالثة وعاشرة واحنا ربعنا

يصدر القرار وما يمديه كم يوم الا ظاهر قرار ثاني مضاد له في الاتجاه مساوي له في القوة.

هههههههههههههههههه لا دلولة عاادني مهندسة بالاسم بس :weeping:

الواسطة مب في بالي نهاائيا .. دراستي تعبي ابي استحق الشغل عليه .. مو يافلان كلم فلان وووو الخ

وبالاخر يقولون يافلان لاتنسى ترا وظفنا بنتك !!.

لا مايناسبني هالاسلوب :)

[امل الحب]

أساساً خطة الـ 50% مالها أساس من الصحة ،، والسبب اذا بعض الشركات تقطرت بنسبة 50% فهذا راح يكون على حساب بعض الشركات الاخرى ,, الا في حالة واحده اذا وصل عدد القطريين 50% من عدد السكان في تلك اللحظة سنشاهد تقطير بنسبة 50% في جميع الشركات.

مصطلح التقطيرهو تدريب وتطوير الكفاءات القطرية أكثر من كونه توظيف و ورفع نسبة فقط .

في خطة مستقبلية للالغاء مصطلح التقطير ،، واستبداله بمصطلح التوطين .مما يجعل المهمة أصعب والله يعين الجميع.

أمل الحب : شيكي على الخاص.






ممممممم

اوكي اخوي بناء على ردك التحليلي ..

خل نقول فرضا صاار كلامك ..!

زين الشركاات القطرية ليش توظف الاجانب مثل راس غاز وقطر غاز

مو القطري اولى بها ؟؟؟

في حلول وااايد .. لكن محد يبي ينفذ :)

[امل الحب]

انا بنفسي مقهوره على شبابنا وبناتنا اللي يدرسون وتطلع عينهم في جامعة قطر الكحيانة وفي الاخير بعد يطلعون عينهم في الوظايف:anger1:..ولما تتوظف خذ من هالحرب اللي تضيع فيها بين الاجنبي والقطري اللي واقف مع الاجنبي في كل شي وان الاجنبي هو اللي يفهم والقطري هو والكرسي واحد:eek5:..دوم الاجنبي مسكين والقطري ماخذ حقه وزيادة ..بس ابي اعرف ليييييييش :telephone:..انا سمعت عن مدير ركض ورى الموارد البشرية لين ما رفع رواتب الاجانب وغير مسمياتهم لمسميات خياليه وهم ماعندهم الا الثانويه وشهادات حضور لكم دوره والقطريين مساكيين اللي على مسمى غلط واللي على درجته من سنين ما تحرك :anger2..وبالمره شسالفه هالجامعات اللي كل يوم مفتتحينها ومحد يدرس فيها الا الاجانب واللي عندة نص مليون ورايح..حرااااام هالقطري لا وظيفه عدلة ولا تعليم سنعcrazy::..


والله صاادقة .. طلعت روحنا فالجامعة .. واخرتها يقولج لا مافي وظايف :weeping:

الله المستعاان عليهم

[امل الحب]

في وظايف تحتاج وجود قطريين ولكن تحتاج ان يكون في اجنبي مع القطري عشان القطري يتعلم وياخذ خبره وفي وظايف القطري مايبي يشتغلها

:secret:

ليش القطري مايفهم ..!

او مايقدر يتعلم..!

او الاجنبي صاار شي مهم حق كل وظيفة..

ياخوي اعذار ماخوذ خيرها .. خذت فترتين تدريب .. الاولى مع عرااقي الله يذكره بالخير هالانسان كاان موسوعة ولكن ماكان يعلمني كل شي جاهز كان يعطيني الشغل ويقول تصرفي وتعلمت منه اشيا واااااااااااايد .. واخر يوم قال ادري كنت جااف بس هالاسلوب الي بيخليج ماتنسين الا تعلمتيه

والثاني مع امريكي .. بعد اول مشروع معاهم قالي انتي ليش ياية تتدربين !!.

انتي عاارفة كل شي :)

لاتقولون القطري يحتاج ويحتاج وتتعذرون باهمية وجود الاجنبي :)

[امل الحب]

انا صار لي 5 شهور من قدمت اوراقي على وزاره العمل محد رد علي !!!!

تدرون اصلا خلاص انا فقدت الامل اني اتوظف :)

الارزاق بيد رب العالمين .. مو بيد المدير الفلاني او غيره :)

الله يوفقج

[امل الحب]

غريبة كأنك تتكلمين عن الشركة الي أعمل فيها.
فنحن وكلاء الهنود في قطر بلا منازع وتوه متوظف عندنا بقسم المالية هندي وبيتوظف هندي اخر رئيس قسم بعد ايام طبعا غير الموجودين
هاي تقططططططططططير من القطرة واحنا قطرة من نهر اجنبي جاري

هههههههههههههه

مايبي لها ياخوي .. ادخل وعد كم قطري بينهم بس :)

ياكثرهم مكدسين بكل مكاان !!

[امل الحب]

السلا م عليكم

انا واحد من ضحايا احدى شركات قطر للبترول .. فبعد سنتين ونص من الاجتهاد علشان بس أتثبت كتقني كهرباء يجيني مدير الصيانة ويسألني في المقابلة وهذا طبعا ً بعد اجتياز اختبار القبول الذي ابتدعه ليقول : (( ماهو الفرق بين المرأة والرجل ؟ ))

ويسأل أحد الزملاء : (( لماذا سمي المربع بهذا الإسم ؟ ))

والمشكلة انه قطري .. وبعد ماكان مدير للصيانة صار مدير عام للشركة!

عموما ً الحدلله على كل حال .. توفقت بعد تقديم استقالتي من الشركة وتمنيته لو سألني هالسؤال من زمان ..

مانقدر نظلم قطر للبترول .. لكن المشكلة في الشركات التابعة لها وكل شركة على حسب ادرتها ..

يعني اشتغل واجتهد وان جا حظك على شركة ادراتها تعبانة .. يعني مكانك سر

ولا ألعب وافتلت وان جا حظك على شركة ادراتها مهتمة .. يعني أبشر بالبعثات والدورات والاهتمام حتى لو ماكنت تفهم شي بيعلمونك ..

والله الموفق


هههههههههههههههههههههههههههههههههههههههههههه

عادي مكثر هالاسئلة الغبية!!

عيل يسالني في المقابلة : تحبين تقرين مجلات ؟؟

وانت شدخلك وشدخل هالسؤال :rolleyes2:

الله يوفقك اخوي

[امل الحب]

أمل الحب تخصصك في غايه الاهميه تعالي مصرف قطر المركزي عند المحافظ الشيخ عبدالله بن سعود الله يحفظه مايرد القطريات ولا القطريين عنده عنصريه لبنات وابناء وطنه لحد النخاع يدعمهم ويمد لهم يد المساعده وهم يشتغلون ليل ونهار ودورات يعجز لساني لهذا الرجل المعطاء الكريم بخلقه واخلاقه ( ولا تتبهدلين كل البهدله عند هالاجانب الي خيرهم من قطر ) وكلمه بقولها لأخواني وأخواتي الاعضاء ستبقى قطر للقطريين .. ولن يحميها غير اهلها وخذوا العبره من اشقأئنا الكويتين )

:)

ياريت تفيدينا بطريقة التقديم

وجزااج الله خير

[امل الحب]

شئ مؤسف عندما ينادى بالتقطير وكأنه ليس ملزما وانما اجتهاد وافكار وشئ قد يجني الثمار مع الأيام وقد لا يجني...
التقطير هو السبيل الأول لتغطية الوظائف فالدولة ومن بعذ هذا يمكن التفكير فالبدائل حتى أن كان هنالك بعض العوائق مثل عدد السكان ووجود القطريين المؤهلين في الوظائف التقنية المختصه وغيره من أمور هذا لا يمنع من أن كل قطري يجب أن يوفر له عمل وأن توكل له المهام.
شبابنا الواعد مع العلم والمثابرة سيكون مسؤلا لكي يقود مسيرة التطور فالبلد في جميع المجالات وتواجد هذا الكم من الجامعات والتخصصات يجب أن يستغل خير استغلال لكي يقدم لنا أجيالا قوية وواعيه قادرة على خدمة هذا الوطن الغالي.


اخوي هالكلام قوله للي عنده استعداد ينفذه

بس

الي ماعنده ومايبي !! شتقول له

[سياتل]

اللي يبي يعرف التقطير

يروح لوزارة البلدية أو يروح لجامعة قطر أو يروح لديوان الخدمة البلدية أو يروح للعيئة العامة للصحة أو

وزارة الصحة ... إلخ

هالأماكن ماشاءالله عليهم مقطرين بنسبة 100%

والدليل أنك تحصل أجنبي بشهادة ثانوية عامه على الريسبشن أو في السكرتارية أو في الأرشيف

والعذر مانبي نقطع أرزاقهم ( مساكين )

وعيال قطر قاعدين في بيوتهم ( ويقولون مانبي نقطع رزق حد ) ههههههههههههههه

الله كريم

[امل الحب]

افا والله والامريكي ابن الـ...ب رفضك وخذ هندي حسبي الله عليه وانتي ما تعرفين في الاتصالات الله يهداك قولي اعرف وحاضرين باللي تامرين .. والله قهر يا الربع وهذا حال هل قطر اللي يتحكم فيهم اجنبي مايدري كوعه من بوعه والله لو في ديرته زين ما خلوه يطلع برع ديرته بس عقدتنا في الاجنبي ان هو اللي يفهم اتمنى من الله عز وجل ان يتم تقطير جميع الوظائف الاداريه بجميع مؤسسات الدوله وجميع اجهزتها وان شاء الله يتم ذلك وبدايتها في جهة من الجهات الاعلاميه والله كريم والبقية تأتي .. اختي والله حرقتي قلبي

الكذب خيبة ياخوي اقوله اعرف وانا مافهم ..!

سؤاله غبي ان تبي رايي

لان عندنا بالجامعة قسم البنين .. هندسة اتصالات .. وانا قلت له من البداية هندسة حااسب

يعني في فرق والفرق كبيير جدا ..

يعني تعمقت بدراسة الحااسب ومواده بينما باقي اممور الاتصالات والكهربية كاانت بسيطة جدا فقط كاساسيات تساعد لبدء فهم الكمبيوتر..

ومثل ماقلت لك كله خيره باذن الله :)

[امل الحب]

قطر غااز من اسبوعين او 3

كاان مسووين مايسمى باليوم المهني خااص لهم ..

تنظيم وترتيب وصورة وكل شي اوكي ..

تمت المقابلات خلال اليوم نفسه ..

مريت بمدير ال IT مقابلة طبعا هو هندي ..

قلت له متى الرد قالي انطري من اليوم لين 6 شهور جداام :eek5:..

قلت له ماسمع !!

قال ماعندنا وظايف..!

قلت ليش عيل مسوين يوم مهني وصار لكم اسبوع تتصلون وحاشرينا وووو الخ..

تدخل قطري من الموجودين بكونه موظف وقال لا كل شي اوكي ومن قال وهالامور..

مرت الامور اتصلو وطلبو مقابلة ثانية من قترة وتمت مع مدير قطري..

مفهي مايدري شالسالفة !!

ولين يومها وهم حاشرينا بالاتصال .. المهم قلت له متى الرد قال مادري !!!

من الي يدري اذا انت المدير وماتدري.. قال خير ان شاء الله..

وكنا يومها 3 صديقات ..

اليوم الصبح تم تبليغنا كلنا .. ان مافي نصيب والله !!

يوم مهني طول بعرض وحالة وحشرة وتاكدون حضورنا وعدد حضور كبير!! .. وبالاخر مافي غير وظيفة وحدة :)

اانا لاتعليق وقلت هالكلام حق الي كلمني ورد علي من عندهم

[امل الحب]

اللي يبي يعرف التقطير

يروح لوزارة البلدية أو يروح لجامعة قطر أو يروح لديوان الخدمة البلدية أو يروح للعيئة العامة للصحة أو

وزارة الصحة ... إلخ

هالأماكن ماشاءالله عليهم مقطرين بنسبة 100%

والدليل أنك تحصل أجنبي بشهادة ثانوية عامه على الريسبشن أو في السكرتارية أو في الأرشيف

والعذر مانبي نقطع أرزاقهم ( مساكين )

وعيال قطر قاعدين في بيوتهم ( ويقولون مانبي نقطع رزق حد ) ههههههههههههههه

الله كريم

:nice:

عرفنا التقطير الحين..

ماقصرت على التوضيح ..

ههههههه والله مشكلة !

[eXpert*]

اعتذر للجميع بدايةً

واسمحولي أقولها بأعلى صوتيّ

البلاء من المدراء القطريين أنفسهم ،، والله الوظائف مليانة ويجون قطريين خبراتهم اكثر من 7-10 سنين ما يقبلونه ،، لنتفاجئ بعد فتره أن أحد المدراء معين قريبه الذي للتو تخرج في تخصص لا علاقة له الوظيفة . يوم ناقشت المدير ،، قال لي : يا خي أبوه كل يوم في المجلس عندي أكل وجهيّ قدام الضيوف.

- القرابة
- المعارف
- الجيران
- المجالس

أسباب تجعل المدير يرفض الكفاءات ويعين من ذكر أعلاه بحجه الاحراج / الشيمه وألـــخ من عاداتنا أحدنا العرب .

الشئ الوحيد الذي أعجبني في الغرب من النادر أن تجد عندهم واسطة أو كما يسمونها هم Connection

[وجه الحقيقة]

السلام عليكم ورحمة الله وبركااته

التقطير او ال Qatarization

يأتي إطلاق هذا الموقع في إطار الخطة الإستراتيجية للتقطير التي تهدف إلى إستقطاب العناصر القطرية الواعدة من الجنسين وتدريبهم وتطويرهم بما يمكنهم من العمل في قطاع الطاقة والصناعة والإسهام بفاعلية في بناء الوطن في ظل القيادة الحكيمة لحضرة صاحب السمو الشيخ حمد بن خليفة آل ثاني أمير البلاد المفدى.

http://www.qatarization.com.qa/Qatarization/Qatarization.nsf/ar_Pages/ar_AboutQatarization_MissionStatement

قامت قطر للبترول بالتعاون مع الشركات التابعة والمشتركة ولأول مرة في تاريخ دولة قطر بإعداد خطة إستراتيجية شاملة للتقطير تهدف إلى تقطير الوظائف في قطاع الطاقة والصناعة بنسبة 50%


موضوع قد يكون مكرر او مختلف في المعنى..

ولكن سؤال يحتااج الى وقفة صريحة من المسؤولين التقطير ماهي حقيقته ؟؟!

هل هناك تقطير حقيقي ام مجرد صورة لااكثر فقط ..لنقول ان قطر تبحث عن الشباب الواعد للاسهام في نهضة الوطن!!

:)

اولا واخيرا لااعتراض على امر رب العالمين وكل شي قسمة ونصيب ..

بس حبيت اتكلم وواوضح من جهة كوني حااصلة على شهاادة البكالوريوس في هندسة الحاسب :)

والى اليوم وانا ابحث عن عمل.. في هذي اللحظة بالذات فكرت في كون البعض يقدم على وظيفة ونقول لهم تاخروا عليك .. او مالقيت وظيفة لانك بدون شهاادة..

اصبحنا حملة الشهاادات مانلقى وظيفة ..!

لكسل منا .. لا والله العالم كم مكان بقى ماقدمنا فيه..

قدمت في احد شركاات البترول

"Oxy" : اجتزت المقابلتين الاولى مع ال HR وتم تحويلي للقسم .. قابلت الثاني شخص قطري نائب للمدير الامريكي بالوكاالة .. قالي اوك بنرد عليج..

اتصل بعد اسبوع قالي بعد تحليل شخصيتج وامتحاناتج .. انا قبلتج .. بس يبقى راي المدير الاساسي .. وتعالي قابليه .. اوكي ان شاء الله

رحت قابلته "المدير الامريكي" : سالني اغبى سؤال فالتاريخ .. انتـي تعرفين في الاتصالات .. قلت له لا .. قلت لك بكالوريوس هندسة حاسب الى مش اتصالات ..

قالي ولو .. لغتج ممتازة .. خبرتج ممتازة .. وشخصيتج ممتازة ..

بس انا ماقدر اقبل شخص غير ملم بالاتصالات .. وبدون اي تعبير لوجودي .. قال حق النائب .. وصلها الباب واتصل في الهندي الي قابلناه امس وبلغه القبول ..

طلعت دون ادن اهتمام بالي صاار .. تعاملهم ماعجبني بما معنااه المكان مايناسبني بعد ..

ومرت الايام

وتلقيت اتصال ثاني من شركة ثانية .. رحت سويت الاختبارات وتحليل الشخصية وقابلت ال HR

وقالي برفع الاوراق للقسم مع ملاحظتي بس انتي 90% مقبولة .. لان الخبرة في القطريات نادرة كخريجاات في هالفرع في الهندسة..

وسالني انتوا ليش تتهربون من الشغل معانا رغم انكم متفوقين .. قلت له انتوا تردونا .. قال لا انتوا ماتقدمون عندنا اصلا

وانتي اول قطرية في هالفرع من الهندسة تقدم عندنا .. قلنا اوكي .. انطر ردكم .. قالي ان شاء الله ..

3 ايام وجاني الرد القسم يطلب المقابلة ..قابلت النائب وعديت اسئلته والاختبارات الي اختبرني فيها.. وبعدها قالي 100% عديتي ولذلك بوديج تقابلين المسؤول الاكبر ومنها تشوفين بيئة العمل وتستعدين لها ..

اوكي خير ان شاء الله

رحنا شفنا المكاان.. قالي بنبهج لنقطة مهمة جدا ماعندنا غير قطري واحد .. ولازم تعرفين تتعاملين مع البيئات الثانية .. اوكي كنت في مثل هالبيئة قبل .. ومشينا قابلني المدير انا بكون مديرج وشرح كل شي وانتهينا بكون ان تم القبول وننطر ال HR حق يخلصون الباقي..

اليوم اتصلت لي سكرتيرة ال HR

من 3 اسابيع نتصلج ماتردين وارسلنا لج 3 ايميلات عشاان نحدد الوقت وتشوفين الاوراق ووو الخ..

والمهم الوظيفة خذاها واحد هندي نظرا لتاخرج بالرد ..

استسمحتها بالكلام .. قلت لها انا ماجاني ولااتصال واحد منكم ولاحتي ايميل قالت لا وماعرف ايش طلبت الي قابلته بال HR قالي مارديت قلته ماوصلني شي ورجع كلم القسم وقالي بهدلتينا وياهم .. بس خلاص مانقدر نفنش الي وظفناه وفي اقرب وقت لو في وظيفة بتكون لج ..

اتصلي مدير القسم يتاسف ان كاان مسافر ومايدري شصار وان الريال صار له موظف 3 اسابيع..عن طريق النائب بداله

وانهم مصريين يبوني بس لازم انتظر :)

فكاان ردي خلاص.. لان هالشركة صار عليها اكس ..

بس السؤال الي يقول تقطير وتقطير وين التقطير

هالشركااات ضعيفة في وجود القطريين وكلهم هنود !!!

ومابي اذكر غيرهم من الشركات الي حتى الرد ان عندهم اكتفاء مايردون..

تخصص موجود فالدوحة وعدد الخريجين يكفي ويزيد ليش تيبون من برا

ومن الي يتابع عملية التقطير اصلا..اشك ان في تقطير.. لان مانشوف هالشي

وياكثر الاماكن الي تردنا احنا القطريين وتوظف الجنسيات الثانية !

هذا وانا قطرية وعندي شهاادة .. ماقول غير الله يعين الي بدون شهاادة مالومهم والله ..

انتي قطريه + مؤهلج نادر بين القطريات +.......... ماقدرت اكمل المعادله عشان اقول انظلمتي تدرين ليه؟؟
ماعندج حس الهجوم والتمسك بحقوقج..من قالوا لج لا قبلتي بردهم وسكتي؟!! ليش هالبرود؟؟
المفروض تقولين له يثبتون لج انهم اتصلوا وارسلوا ايميلات وعن طريق من بالضبط ويطبعون لج نسخ من الايميلات لان شركات البترول تستخدم شبكه انترنت داخليه وخارجيه في نفس الوقت والايميلات المرسله تخزن عند الموظفه اللي ارسلت لج ..واذا ماعطوج ادله تثبت ..اكتبي كتاب لوزاره العمل ..كتاااااااااااااااااااااااااااااااب وليس شكاوي شفويه ...بأمكانج تخلينهم يتصلون لج ويقولون لج تعالي تكفين خذي هالوظيفه واذا مافي بنستحدث لج شرايج؟؟وفي ناس سووها وجابت نتائج مذهله..بليز يابنات الدوحه شغلوا عقولكم شوي واجتهدوا ..لا تقولين انا قطريه وشهادتي تأهلني وتنطرين الوظيفه على طبق من ذهب ومابينازعج حد فيها ..تكونين غلطانه..ومن اليوم ورايح لا قدمتي في مكان وقالوا لج اصبري بنرد لج خبر ..الزميهم يتصلون ويرسلوووون لج عالايميل الرفض او القبووووول فهمتي..وبتقولين وجه الحقيقه قال

[كيفـي]

في وظايف تحتاج وجود قطريين ولكن تحتاج ان يكون في اجنبي مع القطري عشان القطري يتعلم وياخذ خبره وفي وظايف القطري مايبي يشتغلها


ومن قال ان الاجنبي بيعلم القطري..
وبيعطيه سنوات خبرته في شهور..
مستحيـــــــــل.. لاتصدقون هالكذبة..:secret:

اكيد مانبي نشتغل بناي والا مراسل والا غيره وحنا جامعيين..:rolleyes2:

[كيفـي]

غريبة كأنك تتكلمين عن الشركة الي أعمل فيها.
فنحن وكلاء الهنود في قطر بلا منازع وتوه متوظف عندنا بقسم المالية هندي وبيتوظف هندي اخر رئيس قسم بعد ايام طبعا غير الموجودين
هاي تقططططططططططير من القطرة واحنا قطرة من نهر اجنبي جاري



ياخوفي بعد كم شهر يقولون لنا نبي كفيل هندي او اجنبي يكفلك..:tease:

[كيفـي]

قطر غااز من اسبوعين او 3

كاان مسووين مايسمى باليوم المهني خااص لهم ..

تنظيم وترتيب وصورة وكل شي اوكي ..

تمت المقابلات خلال اليوم نفسه ..

مريت بمدير ال IT مقابلة طبعا هو هندي ..

قلت له متى الرد قالي انطري من اليوم لين 6 شهور جداام :eek5:..

قلت له ماسمع !!

قال ماعندنا وظايف..!

قلت ليش عيل مسوين يوم مهني وصار لكم اسبوع تتصلون وحاشرينا وووو الخ..

تدخل قطري من الموجودين بكونه موظف وقال لا كل شي اوكي ومن قال وهالامور..

مرت الامور اتصلو وطلبو مقابلة ثانية من قترة وتمت مع مدير قطري..

مفهي مايدري شالسالفة !!

ولين يومها وهم حاشرينا بالاتصال .. المهم قلت له متى الرد قال مادري !!!

من الي يدري اذا انت المدير وماتدري.. قال خير ان شاء الله..

وكنا يومها 3 صديقات ..

اليوم الصبح تم تبليغنا كلنا .. ان مافي نصيب والله !!

يوم مهني طول بعرض وحالة وحشرة وتاكدون حضورنا وعدد حضور كبير!! .. وبالاخر مافي غير وظيفة وحدة :)

اانا لاتعليق وقلت هالكلام حق الي كلمني ورد علي من عندهم



هذا يسمونه دعاية اعلانية بإنهم مهتمين بالتقطير..

والمصيبة على حساب المساكين اللى يحلمون بالوظيفة..:( :weeping:

والمفروض تاخذين كلمة الهندي لانه هو الكل في الكل.. والباقي ديكور..

واذا هالديكور ثار وثأر لنفسه حاربوه لين يفنش..

[استغفرالله]

السلام عليكم ورحمة الله وبركااته

التقطير او ال Qatarization

يأتي إطلاق هذا الموقع في إطار الخطة الإستراتيجية للتقطير التي تهدف إلى إستقطاب العناصر القطرية الواعدة من الجنسين وتدريبهم وتطويرهم بما يمكنهم من العمل في قطاع الطاقة والصناعة والإسهام بفاعلية في بناء الوطن في ظل القيادة الحكيمة لحضرة صاحب السمو الشيخ حمد بن خليفة آل ثاني أمير البلاد المفدى.

http://www.qatarization.com.qa/Qatarization/Qatarization.nsf/ar_Pages/ar_AboutQatarization_MissionStatement

قامت قطر للبترول بالتعاون مع الشركات التابعة والمشتركة ولأول مرة في تاريخ دولة قطر بإعداد خطة إستراتيجية شاملة للتقطير تهدف إلى تقطير الوظائف في قطاع الطاقة والصناعة بنسبة 50%


موضوع قد يكون مكرر او مختلف في المعنى..

ولكن سؤال يحتااج الى وقفة صريحة من المسؤولين التقطير ماهي حقيقته ؟؟!

هل هناك تقطير حقيقي ام مجرد صورة لااكثر فقط ..لنقول ان قطر تبحث عن الشباب الواعد للاسهام في نهضة الوطن!!

:)

اولا واخيرا لااعتراض على امر رب العالمين وكل شي قسمة ونصيب ..

بس حبيت اتكلم وواوضح من جهة كوني حااصلة على شهاادة البكالوريوس في هندسة الحاسب :)

والى اليوم وانا ابحث عن عمل.. في هذي اللحظة بالذات فكرت في كون البعض يقدم على وظيفة ونقول لهم تاخروا عليك .. او مالقيت وظيفة لانك بدون شهاادة..

اصبحنا حملة الشهاادات مانلقى وظيفة ..!

لكسل منا .. لا والله العالم كم مكان بقى ماقدمنا فيه..

قدمت في احد شركاات البترول

"Oxy" : اجتزت المقابلتين الاولى مع ال HR وتم تحويلي للقسم .. قابلت الثاني شخص قطري نائب للمدير الامريكي بالوكاالة .. قالي اوك بنرد عليج..

اتصل بعد اسبوع قالي بعد تحليل شخصيتج وامتحاناتج .. انا قبلتج .. بس يبقى راي المدير الاساسي .. وتعالي قابليه .. اوكي ان شاء الله

رحت قابلته "المدير الامريكي" : سالني اغبى سؤال فالتاريخ .. انتـي تعرفين في الاتصالات .. قلت له لا .. قلت لك بكالوريوس هندسة حاسب الى مش اتصالات ..

قالي ولو .. لغتج ممتازة .. خبرتج ممتازة .. وشخصيتج ممتازة ..

بس انا ماقدر اقبل شخص غير ملم بالاتصالات .. وبدون اي تعبير لوجودي .. قال حق النائب .. وصلها الباب واتصل في الهندي الي قابلناه امس وبلغه القبول ..

طلعت دون ادن اهتمام بالي صاار .. تعاملهم ماعجبني بما معنااه المكان مايناسبني بعد ..

ومرت الايام

وتلقيت اتصال ثاني من شركة ثانية .. رحت سويت الاختبارات وتحليل الشخصية وقابلت ال HR

وقالي برفع الاوراق للقسم مع ملاحظتي بس انتي 90% مقبولة .. لان الخبرة في القطريات نادرة كخريجاات في هالفرع في الهندسة..

وسالني انتوا ليش تتهربون من الشغل معانا رغم انكم متفوقين .. قلت له انتوا تردونا .. قال لا انتوا ماتقدمون عندنا اصلا

وانتي اول قطرية في هالفرع من الهندسة تقدم عندنا .. قلنا اوكي .. انطر ردكم .. قالي ان شاء الله ..

3 ايام وجاني الرد القسم يطلب المقابلة ..قابلت النائب وعديت اسئلته والاختبارات الي اختبرني فيها.. وبعدها قالي 100% عديتي ولذلك بوديج تقابلين المسؤول الاكبر ومنها تشوفين بيئة العمل وتستعدين لها ..

اوكي خير ان شاء الله

رحنا شفنا المكاان.. قالي بنبهج لنقطة مهمة جدا ماعندنا غير قطري واحد .. ولازم تعرفين تتعاملين مع البيئات الثانية .. اوكي كنت في مثل هالبيئة قبل .. ومشينا قابلني المدير انا بكون مديرج وشرح كل شي وانتهينا بكون ان تم القبول وننطر ال HR حق يخلصون الباقي..

اليوم اتصلت لي سكرتيرة ال HR

من 3 اسابيع نتصلج ماتردين وارسلنا لج 3 ايميلات عشاان نحدد الوقت وتشوفين الاوراق ووو الخ..

والمهم الوظيفة خذاها واحد هندي نظرا لتاخرج بالرد ..

استسمحتها بالكلام .. قلت لها انا ماجاني ولااتصال واحد منكم ولاحتي ايميل قالت لا وماعرف ايش طلبت الي قابلته بال HR قالي مارديت قلته ماوصلني شي ورجع كلم القسم وقالي بهدلتينا وياهم .. بس خلاص مانقدر نفنش الي وظفناه وفي اقرب وقت لو في وظيفة بتكون لج ..

اتصلي مدير القسم يتاسف ان كاان مسافر ومايدري شصار وان الريال صار له موظف 3 اسابيع..عن طريق النائب بداله

وانهم مصريين يبوني بس لازم انتظر :)

فكاان ردي خلاص.. لان هالشركة صار عليها اكس ..

بس السؤال الي يقول تقطير وتقطير وين التقطير

هالشركااات ضعيفة في وجود القطريين وكلهم هنود !!!

ومابي اذكر غيرهم من الشركات الي حتى الرد ان عندهم اكتفاء مايردون..

تخصص موجود فالدوحة وعدد الخريجين يكفي ويزيد ليش تيبون من برا

ومن الي يتابع عملية التقطير اصلا..اشك ان في تقطير.. لان مانشوف هالشي

وياكثر الاماكن الي تردنا احنا القطريين وتوظف الجنسيات الثانية !

هذا وانا قطرية وعندي شهاادة .. ماقول غير الله يعين الي بدون شهاادة مالومهم والله ..


مع اني مع التقطير

بس شلون انتي خريجة هندسة كمبيوتر وماتعرفين بالاتصال
المدير الامريكي له بعض الحق

بالنسبة للشركة الثانية ليش خليتي عليها اكس
حصل خطأ ويمكن يصححونه واتعينين
يعني انتي ماعندج صبر

بالنسبة لقطر غاز من اسبوعين فعلا عملو مقابلات وواحد اعرفه توه متخرج قدموا له عرض
بعد المقابلة ب3 ايام فقط

انتي متى تخرجتي؟

وكم تقديرك؟

[شيط ويط]

أنا (مستغرب) من انه يوجد خريجين جامعيين قطريين ومش لاقين (وظايف) .. الوظيفة حق من حقوق المواطن على الدولة .. وهي ملزمه بتوفير هذا الحق للمواطن .. شخصيا أعتقد العيب في الشخص اللي يبي يتوظف .. في انه ما يسعى للبحث عن سبب مقنع للرفض في التوظيف يعني من يقولون للواحد ماعندنا وظايف او مالك مكان .. يسكت ويقتنع .. ليش ما فكر هالشخص في انه يقابل اكبر مسؤول في الجهة اللي مقدم عليها ؟ .. ويعرف منه اسباب الرفض ومواجهته بالأسئلة عن مدى استمرار اسباب هذا الرفض ومدى زوالها في وقت زمني .

الوظيفة حق لابد ان يطالب به ولا يجب ان يتم التخلي عنه لأسباب واهية مردود عليها .

[امل الحب]

اعتذر للجميع بدايةً

واسمحولي أقولها بأعلى صوتيّ

البلاء من المدراء القطريين أنفسهم ،، والله الوظائف مليانة ويجون قطريين خبراتهم اكثر من 7-10 سنين ما يقبلونه ،، لنتفاجئ بعد فتره أن أحد المدراء معين قريبه الذي للتو تخرج في تخصص لا علاقة له الوظيفة . يوم ناقشت المدير ،، قال لي : يا خي أبوه كل يوم في المجلس عندي أكل وجهيّ قدام الضيوف.

- القرابة
- المعارف
- الجيران
- المجالس

أسباب تجعل المدير يرفض الكفاءات ويعين من ذكر أعلاه بحجه الاحراج / الشيمه وألـــخ من عاداتنا أحدنا العرب .

الشئ الوحيد الذي أعجبني في الغرب من النادر أن تجد عندهم واسطة أو كما يسمونها هم Connection





:nice:

صح لساانك اايدك 100% لاني شفت هالشي في احد الشركاات

[امل الحب]

انتي قطريه + مؤهلج نادر بين القطريات +.......... ماقدرت اكمل المعادله عشان اقول انظلمتي تدرين ليه؟؟
ماعندج حس الهجوم والتمسك بحقوقج..من قالوا لج لا قبلتي بردهم وسكتي؟!! ليش هالبرود؟؟
المفروض تقولين له يثبتون لج انهم اتصلوا وارسلوا ايميلات وعن طريق من بالضبط ويطبعون لج نسخ من الايميلات لان شركات البترول تستخدم شبكه انترنت داخليه وخارجيه في نفس الوقت والايميلات المرسله تخزن عند الموظفه اللي ارسلت لج ..واذا ماعطوج ادله تثبت ..اكتبي كتاب لوزاره العمل ..كتاااااااااااااااااااااااااااااااب وليس شكاوي شفويه ...بأمكانج تخلينهم يتصلون لج ويقولون لج تعالي تكفين خذي هالوظيفه واذا مافي بنستحدث لج شرايج؟؟وفي ناس سووها وجابت نتائج مذهله..بليز يابنات الدوحه شغلوا عقولكم شوي واجتهدوا ..لا تقولين انا قطريه وشهادتي تأهلني وتنطرين الوظيفه على طبق من ذهب ومابينازعج حد فيها ..تكونين غلطانه..ومن اليوم ورايح لا قدمتي في مكان وقالوا لج اصبري بنرد لج خبر ..الزميهم يتصلون ويرسلوووون لج عالايميل الرفض او القبووووول فهمتي..وبتقولين وجه الحقيقه قال

هجوم شسوي لهم يعني .. اقولهم بتوظفوني غصب !!
انا كلمت 90 واحد في هالشركة .. وكل من يقط اللوم عالثاني .. ليش اعور راسي وانا ادري مابطلع بنتيجة منهم!

ادارة العمل شتتحمل والا شتتحمل !!

انا ماقلت قطرية وابي الوظيفة عالجاهز ولو ابيها توظفت بالواسطة ويمكن ادراية على طول ..

بنشوف .. والله المستعاان

وانا ماتكلم عن مشكلة شخصية .. انا اتكلم بشكل عاام ليش مافي متابعة والا قلنا مسؤول وريحوا نفسهم خلاص هو الي بيمشي الشركة !!

ترا في واااااااااااااااايد مسؤولين لو تمت متابعتهم بيقعدون في بيوتهم لانهم مب قد المسؤولية :)

[امل الحب]

ومن قال ان الاجنبي بيعلم القطري..
وبيعطيه سنوات خبرته في شهور..
مستحيـــــــــل.. لاتصدقون هالكذبة..:secret:

اكيد مانبي نشتغل بناي والا مراسل والا غيره وحنا جامعيين..:rolleyes2:

مممم مانقدر نعم كل الاجانب انهم مايعلمون منهم نااس والنعم فيهم..

صج تستفيد منه ومن خبرته لدرجة ان نقول موسوعة ماشاء الله عليه :)

[امل الحب]

هذا يسمونه دعاية اعلانية بإنهم مهتمين بالتقطير..
والمصيبة على حساب المساكين اللى يحلمون بالوظيفة..:( :weeping:

والمفروض تاخذين كلمة الهندي لانه هو الكل في الكل.. والباقي ديكور..

واذا هالديكور ثار وثأر لنفسه حاربوه لين يفنش..

اي فهمنا هالشي مؤخرا ان حاله حال اليوم المهني الي يحشرونا فيه :secret:

[امل الحب]

مع اني مع التقطير

بس شلون انتي خريجة هندسة كمبيوتر وماتعرفين بالاتصال
المدير الامريكي له بعض الحق

بالنسبة للشركة الثانية ليش خليتي عليها اكس
حصل خطأ ويمكن يصححونه واتعينين
يعني انتي ماعندج صبر

بالنسبة لقطر غاز من اسبوعين فعلا عملو مقابلات وواحد اعرفه توه متخرج قدموا له عرض
بعد المقابلة ب3 ايام فقط

انتي متى تخرجتي؟

وكم تقديرك؟

بالنسبة للجزء الاول .. خريج هندسة كمبيوتر غير عن خريج هندسة اتصالات غير عن خريج هندسة كهربية ..

كل فرع منهم له اتجااه معين .. لذلك المدير الامريكي ماله اي حق يوجه لي مثل هالسؤال ..

انا درست برمجة ودرست شبكاات ودرست اشياء بسيطة في الملتيمديا والاتصالات والكهربا والالكترونيات ..

لذلك لو قلت له افهم بكون خدعته لان الجزء الي درسته مايعني كوني فاهمة..

نفس الشي بخصوص الكهربا لو قالي تعرفين اوك اعرف بس هل هو تخصصي او بفيده نفس الي انا دارسته بتعمق لا طبعا

وبخصوص تعليقك الي عطيت الاحقية للامريكي .. :) ترا تدربت في مكانين .. مروري بالاتصالات فقط للاستكشاف وهم وضحوا لي ان المختص خريج اتصالات مو كمبيوتر ..

ياريت يكون الفرق واضح قبل ماتعلق :)

الجزء الثاني .. والله اذا شركة كبيرة مثلهم ماتدري شالسالفة ولا من المسؤول عن الخطأ والتبريرات كااذبة .. فاعتقد ينعااف تاليه الي بدايته جذي ..مو معنااه ماعندي صبر :)

وبالنسبة للجزء الثالث .. توني متخرجة ..

وتقديري مايفرق وايد لو قلته لك .. بتوظفني والا بتوسط لي عندهم !!

والله يوفق الي عطوه الاوفر .. لكن انا قلت لك ردونا احنا 3 بنات :rolleyes2:سبحاان الله مافي وظايف بس هي دعااية اعلانية لهم نفس ماقال الاخ كيفي :)

[امل الحب]

أنا (مستغرب) من انه يوجد خريجين جامعيين قطريين ومش لاقين (وظايف) .. الوظيفة حق من حقوق المواطن على الدولة .. وهي ملزمه بتوفير هذا الحق للمواطن .. شخصيا أعتقد العيب في الشخص اللي يبي يتوظف .. في انه ما يسعى للبحث عن سبب مقنع للرفض في التوظيف يعني من يقولون للواحد ماعندنا وظايف او مالك مكان .. يسكت ويقتنع .. ليش ما فكر هالشخص في انه يقابل اكبر مسؤول في الجهة اللي مقدم عليها ؟ .. ويعرف منه اسباب الرفض ومواجهته بالأسئلة عن مدى استمرار اسباب هذا الرفض ومدى زوالها في وقت زمني .

الوظيفة حق لابد ان يطالب به ولا يجب ان يتم التخلي عنه لأسباب واهية مردود عليها .

اها .. لو جذي ياخوي مابيتم حد سااكت..

بس لاتنسى شلون المسؤول مشغول وبيقول راجعوا ادارة التوظيف :)

واعتقد مثل هالاعذار متعودين عليها ..

تحية لك

[MzYoN-QaTaR]

مع اني مع التقطير

بس شلون انتي خريجة هندسة كمبيوتر وماتعرفين بالاتصال
المدير الامريكي له بعض الحق

بالنسبة للشركة الثانية ليش خليتي عليها اكس
حصل خطأ ويمكن يصححونه واتعينين
يعني انتي ماعندج صبر

بالنسبة لقطر غاز من اسبوعين فعلا عملو مقابلات وواحد اعرفه توه متخرج قدموا له عرض
بعد المقابلة ب3 ايام فقط

انتي متى تخرجتي؟

وكم تقديرك؟

رحت يومهم المهني ...

وما قبلوني ...

مع اني توني متخرجه ... معدلي وايد زين ...

الظاهر يومهم المهني مجرد show





=(

=(

=(

[امل الحب]

رحت يومهم المهني ...

وما قبلوني ...

مع اني توني متخرجه ... معدلي وايد زين ...

الظاهر يومهم المهني مجرد show





=(

=(

=(


ايزي خيتووو .. مالنا الا الصبر والله كريم

حتى البنك اليوم تقولي سوري مافي وظايف رغم ان الاجانب بالهبل :)

ابتسمي وامشي وقولي الاجانب اولى منج يالقطرية :this:

[Nasser2006]

هاي أعلان صار له يمكن يومين يعرضونه
43331


والله يوفقك.

[امل الحب]

هاي أعلان صار له يمكن يومين يعرضونه
43331


والله يوفقك.

شاكرة لك اخوي ..

بس على مايبدو مافي فايدة :)

[المخفي]

العام كنت مشارك في أحدى الشركات العارضة في معرض التوظيف و كان عندنا تعليمات انه ما نبي نوظف حد و لكن ملزومين بالمشاركة

[eXpert*]

سبب عدم قبول توظيف الخريجون الجدد ، سببين :-

1- عدد الخريجون كل سنة ويكبر عن السنة الي قبلها ،،لذا يجب فرض نسبة معينة لكل جهة لتبنيها.

2- الخريجون يحتاج الى تدريب وتطوير يمتد من سنة الى 18 شهر ليتمكن الخريج من الانخراط في مجال العمل ،، بعض الجهات ترفض الخريج أما :

- لـ حاجة الشركة الماسه لذوي الخبرات ،، واستنغنائها عن الخريج الجديد

- عدم امتلاك الشركة لـ قسم للتدريب والتطوير يقوم بعلمه بجودة عالية ،، فتجده بدل لا يدرب الخريج بالعكس بعد فترة من الزمن لا الخريج استفاد ولا الشركة استفادت منه انما زادت الاعباء لا اكثر .

[anything99]

امل الحب .. للأسف تخصص هندسة الكمبيوتر تخصص عايم .. في النهاية الواحد يتخرج من الجامعة وما يحس نفسه متقن شي معين سواء في البرمجة او الاتصالات او الهاردوير .. والغالبية تتوقع ان خريج هندسة الحاسب بامكانة تركيب الشبكات و الاجهزة واشياء اخرى القليل ممن لديه الميول يكون اكتسب هذه الخبرة من تجربته الشخصية وليس من دراسته الجامعية .. وما اعرفه عن اغلب الاماكن تتهرب من تعين الخريجات والخرجين الجدد في ال It بالذات .. لان فترة التدريت ستطلب وقت وتفرغ من الموظفين او سواء بالدورات او بالاشراف .. اما اذا اكتسبتي خبرة في اي مكان فبامكانك الحصول على وظيفة وبسهولة في شركات البترول بالاخص اذا كانت لديك الخبرة واللغة..
فالطريق امامك .. اما ان تحاولي الحصول على دورات وشهادات تثبت جدارتك لهذه الشركات وفي نفس الوقت تكوني استفدتي من تفرغك في هذا الوقت .. او التوجه الى عمل لا يرضي رغباتك 100% كالمدارس المستقلة كبداية لاكتساب الخبرة ..
وبالتوفيق لك ولكل الخرجين ..

[المخفي]

سبب عدم قبول توظيف الخريجون الجدد ، سببين :-

1- عدد الخريجون كل سنة ويكبر عن السنة الي قبلها ،،لذا يجب فرض نسبة معينة لكل جهة لتبنيها.

2- الخريجون يحتاج الى تدريب وتطوير يمتد من سنة الى 18 شهر ليتمكن الخريج من الانخراط في مجال العمل ،، بعض الجهات ترفض الخريج أما :

- لـ حاجة الشركة الماسه لذوي الخبرات ،، واستنغنائها عن الخريج الجديد

- عدم امتلاك الشركة لـ قسم للتدريب والتطوير يقوم بعلمه بجودة عالية ،، فتجده بدل لا يدرب الخريج بالعكس بعد فترة من الزمن لا الخريج استفاد ولا الشركة استفادت منه انما زادت الاعباء لا اكثر .


أو سبب بسيط و هو التوفير من المصاريف و أسهل بند هو بند التدريب

[ام تميم]

:victory::victory:صح لسانك اخي......

[امل الحب]

العام كنت مشارك في أحدى الشركات العارضة في معرض التوظيف و كان عندنا تعليمات انه ما نبي نوظف حد و لكن ملزومين بالمشاركة

:nice: عندنا خبر بالموضوع والمعارض صرف فلوس و SHOW عالفاضي

[امل الحب]

سبب عدم قبول توظيف الخريجون الجدد ، سببين :-

1- عدد الخريجون كل سنة ويكبر عن السنة الي قبلها ،،لذا يجب فرض نسبة معينة لكل جهة لتبنيها.

2- الخريجون يحتاج الى تدريب وتطوير يمتد من سنة الى 18 شهر ليتمكن الخريج من الانخراط في مجال العمل ،، بعض الجهات ترفض الخريج أما :

- لـ حاجة الشركة الماسه لذوي الخبرات ،، واستنغنائها عن الخريج الجديد

- عدم امتلاك الشركة لـ قسم للتدريب والتطوير يقوم بعلمه بجودة عالية ،، فتجده بدل لا يدرب الخريج بالعكس بعد فترة من الزمن لا الخريج استفاد ولا الشركة استفادت منه انما زادت الاعباء لا اكثر .


لذلك يحرصون على جلب الهنود والاجانب وتوظيفهم بمبالغ خيالية ..

اخوي انا مدربة جاهزة الا اذا بيعيدون تدريبي :)

[امل الحب]

امل الحب .. للأسف تخصص هندسة الكمبيوتر تخصص عايم .. في النهاية الواحد يتخرج من الجامعة وما يحس نفسه متقن شي معين سواء في البرمجة او الاتصالات او الهاردوير .. والغالبية تتوقع ان خريج هندسة الحاسب بامكانة تركيب الشبكات و الاجهزة واشياء اخرى القليل ممن لديه الميول يكون اكتسب هذه الخبرة من تجربته الشخصية وليس من دراسته الجامعية .. وما اعرفه عن اغلب الاماكن تتهرب من تعين الخريجات والخرجين الجدد في ال It بالذات .. لان فترة التدريت ستطلب وقت وتفرغ من الموظفين او سواء بالدورات او بالاشراف .. اما اذا اكتسبتي خبرة في اي مكان فبامكانك الحصول على وظيفة وبسهولة في شركات البترول بالاخص اذا كانت لديك الخبرة واللغة..
فالطريق امامك .. اما ان تحاولي الحصول على دورات وشهادات تثبت جدارتك لهذه الشركات وفي نفس الوقت تكوني استفدتي من تفرغك في هذا الوقت .. او التوجه الى عمل لا يرضي رغباتك 100% كالمدارس المستقلة كبداية لاكتساب الخبرة ..
وبالتوفيق لك ولكل الخرجين ..

اعتقد كلامك خطأ اخوي ..

عندي عروض خارجية ولكن هل اتغرب وانا عندي شركاات فالدولة بس لانهم مايبون يوظفون.. وراوتب اعلى من رواتبهم ولكن الغربة صعبة جدا ..

مب سهل تكون في فرنسا او كندا او بريطانيا للشغل وهلك بعيد عنك .. هذا بيكون الخيار الاخير والي احاول اكون بعيدة عنه..

واذا عاللغة لا تحاتي لغتي ممتازة :)

الله يوفق الجميع

[امل الحب]

أو سبب بسيط و هو التوفير من المصاريف و أسهل بند هو بند التدريب

:nice:

[bluelion]

مدربة وجاهزة؟؟؟ شلون؟ وقلتي في واحد من المواضيع اللي كتبتيها أنج عندج خبرة سنتين أو ثلاث...

ما فهمت، يعني انتي اشتغلتي وقت اللي كنتي تدرسين في الجامعة؟

[امل الحب]

مدربة وجاهزة؟؟؟ شلون؟ وقلتي في واحد من المواضيع اللي كتبتيها أنج عندج خبرة سنتين أو ثلاث...

ما فهمت، يعني انتي اشتغلتي وقت اللي كنتي تدرسين في الجامعة؟

:)

بجاوبك اذا للسؤال هدف

اما

السؤال لحب الاستطلاع فقط ماله داعي ..

[mubarak2000]

ألم تسمعي عزيزتي بالحكمة التي تقول :

قطـــر ليست للقطريين ؟!

هذا الكلام صحيح وخاصة قي الشركات الحكومية

[bittersweet]

في خطة مستقبلية للالغاء مصطلح التقطير ،، واستبداله بمصطلح التوطين .مما يجعل المهمة أصعب والله يعين الجميع.

أمل الحب : شيكي على الخاص.




الله يستر

[النائب]

أنا ودي أعرف هو تقطير ولا تطيير انا اشوف تطيير .

[ليــث قطر]

هالشركات خايسة ..

قدمي في الــ ict .. ثاني يوم ياخذونج إن شاء الله :)

موفقه أختي

[نجم سهيل]

السلام عليكم

اذا انتي اسئلج ان كانت عندج دراية فالاتصالات وانتي هندسة تقهر

واللي يقهر بعد .. اني بعد اجتياز فترة التدريب بقطر للبترول كفني كهرباء .. والشركة اللي كنت فيها بنسبة 75 %

واجهزة محد اشتغل عليها قبلنا من أي متدرب .. وخبرة ليست بالبسيطة اكتسبناها

يجينا مدير الصيانة (( القطري )) علشان يسألني (( وش الفرق المرة والرجال ؟ ))

ويسأل اللي معاي (( المربع كم ضلع له وليش سموه مربع ؟ارسم لي مربع على السبورة!! ))

قررت بعدها اني أروح السد بلازا واشتكي عليهم .. وتموا يماطلون معاي شهر لحد ماطلعت من عندهم واشتغلت بشركة ثانية تميت فيها وسط شلة هنود كأني عامل وسطهم لحد ماقدمت استقالتي وانكتب لي التوفيق من رب العالمين ولله الحمد

والله يعينج اختي ويعين كل قطري عانا معاهم

نجم سهيل

[رجل من الزمن البعيد]

امل الحب

تسلمين للطرح اما بخصوص انج ماحصلتي شغل هذى مستحيل ... لان تخصصج مطلوب لكن اعتقد انج تبين تشتغلين بمكان معين او ان صح الامر جهه واحدة فقط

طبعا لو رجعنا لمعدلج بالجامعه ونسبتج ما اعتقد انه اتاهلج انج تشتتغلين بهالمكان اسف اختي بس هالصراحه لانه كثير من الخريجين ايون يبون يشتغلون باماكن وهم معدلهم تحت الجيد او جيد وطبعا في جهات تبي الناس المتفوقين .... طبعا من حقج انج تشتغلين بس مد ريلك على قد الحافك ما اقول والله انا جامعي لازم اشتغل بالمكان اللى ابي واذا انتي تبين صج تشتغلين روحي وزارة العمل واعتقد انج بتتوظفين خلال اسبوع ( بس موب بالمكان اللى انتي تبين )

اسف للمداخله طبعا وجهه نظر شخصية

[امل الحب]

هذا الكلام صحيح وخاصة قي الشركات الحكومية

نحاول ان يكون العكس

[امل الحب]

أنا ودي أعرف هو تقطير ولا تطيير انا اشوف تطيير .

:secret:

اسالهم

[امل الحب]

هالشركات خايسة ..

قدمي في الــ ict .. ثاني يوم ياخذونج إن شاء الله :)

موفقه أختي

:secret:

سويت انترفيو وخلصنا ولاسمعنا شي لين اليوم :)

يوفق الجميع

[امل الحب]

السلام عليكم

اذا انتي اسئلج ان كانت عندج دراية فالاتصالات وانتي هندسة تقهر

واللي يقهر بعد .. اني بعد اجتياز فترة التدريب بقطر للبترول كفني كهرباء .. والشركة اللي كنت فيها بنسبة 75 %

واجهزة محد اشتغل عليها قبلنا من أي متدرب .. وخبرة ليست بالبسيطة اكتسبناها

يجينا مدير الصيانة (( القطري )) علشان يسألني (( وش الفرق المرة والرجال ؟ ))

ويسأل اللي معاي (( المربع كم ضلع له وليش سموه مربع ؟ارسم لي مربع على السبورة!! ))

قررت بعدها اني أروح السد بلازا واشتكي عليهم .. وتموا يماطلون معاي شهر لحد ماطلعت من عندهم واشتغلت بشركة ثانية تميت فيها وسط شلة هنود كأني عامل وسطهم لحد ماقدمت استقالتي وانكتب لي التوفيق من رب العالمين ولله الحمد

والله يعينج اختي ويعين كل قطري عانا معاهم

نجم سهيل

هههههههههههههههههههههههههههههههههههههههههههههههههه هه

المدير هذي عنده عقدة في نفسه .. لان محد يسال هالاسئلة الغبية ..!

يعين الجميع ويوفقك :)

[امل الحب]

امل الحب

تسلمين للطرح اما بخصوص انج ماحصلتي شغل هذى مستحيل ... لان تخصصج مطلوب لكن اعتقد انج تبين تشتغلين بمكان معين او ان صح الامر جهه واحدة فقط

طبعا لو رجعنا لمعدلج بالجامعه ونسبتج ما اعتقد انه اتاهلج انج تشتتغلين بهالمكان اسف اختي بس هالصراحه لانه كثير من الخريجين ايون يبون يشتغلون باماكن وهم معدلهم تحت الجيد او جيد وطبعا في جهات تبي الناس المتفوقين .... طبعا من حقج انج تشتغلين بس مد ريلك على قد الحافك ما اقول والله انا جامعي لازم اشتغل بالمكان اللى ابي واذا انتي تبين صج تشتغلين روحي وزارة العمل واعتقد انج بتتوظفين خلال اسبوع ( بس موب بالمكان اللى انتي تبين )

اسف للمداخله طبعا وجهه نظر شخصية

ياخوي صل عالنبي ..

جهة وحدة بس

وزارة العمل اوراقي عندهم من زمان ولين اليوم ناطرين..

تحت الجيد .. عالاقل انصف الخريجين بهالكلمة ماعاد في تخريج تحت الجيد :)

بالعكس ماتدورون المتفوقين لان الي يصير شي ثاني .. معدلاتنا تأهلنا نتوظف وتثبت للكل ان محد كان متهاون..

عيل قولي وشكلك مسؤول او ماشابه.. خريجة معدلها 3.5 لين اليوم واقفة عن الشغل ليش!!!

بحجة عدم وجود مسمى وظيفي للحين :)

عيل ليش قبلتوها من الاساس ..!

في اسئلة وايد يبيي لها اجابة ..

[ديابلو]

ألم تسمعي عزيزتي بالحكمة التي تقول :

قطـــر ليست للقطريين ؟!


:nice:

[ليــث قطر]

:secret:

سويت انترفيو وخلصنا ولاسمعنا شي لين اليوم :)

يوفق الجميع



راجعي فالح النعيمي مدير الموارد البشرية .. برج النصر ب .. الدور 12


وما يقصر معاج أبداً ..

[امل الحب]

راجعي فالح النعيمي مدير الموارد البشرية .. برج النصر ب .. الدور 12


وما يقصر معاج أبداً ..

ياخوي اعرفه :)..

اروح له شقوله سويت انترفيو وماجاني ردكم ..!

شبيكون رده!!. وانا اقوله هالكلام :)

يلا ناطرين حتى اشعار اخر

يزاك الله خير..

[ليــث قطر]

^ صارت لواحد من ربعي .. راح قاله هالكلام .. بعدها بكم يوم اتصلوا عليه عشان يوقع الـ Offer


لأن فالح يكلم الإدارة المعنية وترسل كتاب الترشيح على طول ..



وبالتوفيق ..

[رجل من الزمن البعيد]

ياخوي صل عالنبي ..

جهة وحدة بس

وزارة العمل اوراقي عندهم من زمان ولين اليوم ناطرين..

تحت الجيد .. عالاقل انصف الخريجين بهالكلمة ماعاد في تخريج تحت الجيد :)

بالعكس ماتدورون المتفوقين لان الي يصير شي ثاني .. معدلاتنا تأهلنا نتوظف وتثبت للكل ان محد كان متهاون..

عيل قولي وشكلك مسؤول او ماشابه.. خريجة معدلها 3.5 لين اليوم واقفة عن الشغل ليش!!!

بحجة عدم وجود مسمى وظيفي للحين :)

عيل ليش قبلتوها من الاساس ..!

في اسئلة وايد يبيي لها اجابة ..

عليه الف من ذكره

بخصوص وزارة العمل اعتقد الشيخه لو تراجعينهم ماراح ينسونج بس قط اوراقك وانساها بعد محد بيراكض لج

ماعاد في تخريج تحت الجيد .. ما اعتقد لو ترجعين للمعدلات بتجوفين :)

اكيد الشيخه اشلون اعيين وحده بمسمى غير مسماها لازم استحدث لها هالوظفيه وعلى فكرة هذا الشي من صالح البنت لما تتعيين بالمسمى الصحيح لها عشان العلاوت والاشياء المترتبه عليها لانه كلمه باحث تنطبق عندنا على خريج القانون وخريج الانسانيات لازم تغيير المسميات حسب التخصص

[امل الحب]

^ صارت لواحد من ربعي .. راح قاله هالكلام .. بعدها بكم يوم اتصلوا عليه عشان يوقع الـ Offer


لأن فالح يكلم الإدارة المعنية وترسل كتاب الترشيح على طول ..



وبالتوفيق ..


:)

ان شاء الله والله يكتب الي فيه الخير

[امل الحب]

عليه الف من ذكره

بخصوص وزارة العمل اعتقد الشيخه لو تراجعينهم ماراح ينسونج بس قط اوراقك وانساها بعد محد بيراكض لج

:)

لين صار شي احنا بنتصل لج .. ماله داعي تتصلين كل فترة او تزورينا

ماعاد في تخريج تحت الجيد .. ما اعتقد لو ترجعين للمعدلات بتجوفين :)

راجعت وماشفت .. لان هالكلام توقف من سنة 2002 او 2003 فالجامعة

ويفضل لو انت تراجع معاناة الطلبة مع الجامعة كنت عرفت ان هالقرار صدر من زمان مو امس ولا اليوم

اكيد الشيخه اشلون اعيين وحده بمسمى غير مسماها لازم استحدث لها هالوظفيه وعلى فكرة هذا الشي من صالح البنت لما تتعيين بالمسمى الصحيح لها عشان العلاوت والاشياء المترتبه عليها لانه كلمه باحث تنطبق عندنا على خريج القانون وخريج الانسانيات لازم تغيير المسميات حسب التخصص

لاتستحدث لها ولاشي لاتقبلها وقولها ماعندي مكان اما انك معلقها جذي تصرف غلط وينم عن قصور في المسؤولين بشكل كبير ..

واخيرا الاحظ انك تحاول تحملني الغلط .. بس لاتحاول لاني سويت كل شي واعرف ان مامن قصور مني ..

بس لوم المسؤولين الي مخوخهم صغيرة .. والي منهم يفكر ان الاجنبي افضل من القطري في شنو مادري!!. بس يمكن اضمن انه مابياخذ مكانهم عبالهم عمرهم كله بيكون على هالكرسي الي وصله .. واغلبهم بالواسطة ومايدرون بالدنيا ..

شكرا لمرورك

[سهم مديون]

فعلا تقطير اسم على مسمى يعني مافي وظائف الا على قد التقطير:anger1:

[بوخالد911]

الله يسهل علييكم

[_QTR_]

قولي الحمد الله وانا اخوج

Oxy ما تنفع والله

وخليها على الله انا كنت عندهم ومابي اتكلم عنهم لان الكلام عنهم خسارة والله

[جوال 11]

ما يسمن ألا طير اللفو

[شيط ويط]

الشيخه جربي تقدمين على وظيفة في مؤسسة دوري نجوم قطر .. خبري فيهم طالبين وظايف .. ورواتبهم زوينه .. ويبون قطريين وقطريات .. مكانهم في برج اللجنة الأولومبية في منطقة الأبراج .. بس مادري أي طابق ..:rolleyes2:

كلمي حد من هلج يقابل أحمد السليطي (رئيس تحرير جريدة الوطن) .. لأن حد علمي له علاقة في الموضوع .. وربج يكتب اللي فيه الخير ..

[amego]

بالتوفيق اختي
والله يكتب لك كل خير

[رجل من الزمن البعيد]

لاتستحدث لها ولاشي لاتقبلها وقولها ماعندي مكان اما انك معلقها جذي تصرف غلط وينم عن قصور في المسؤولين بشكل كبير ..

واخيرا الاحظ انك تحاول تحملني الغلط .. بس لاتحاول لاني سويت كل شي واعرف ان مامن قصور مني ..

بس لوم المسؤولين الي مخوخهم صغيرة .. والي منهم يفكر ان الاجنبي افضل من القطري في شنو مادري!!. بس يمكن اضمن انه مابياخذ مكانهم عبالهم عمرهم كله بيكون على هالكرسي الي وصله .. واغلبهم بالواسطة ومايدرون بالدنيا ..

شكرا لمرورك

يعطيج العافيه الشيخه للرد

لا استحدث لها يعني ما اشغلها ... جذيه تناقض انه مافي توظيف للقطرين .!!
وترى لما تستحدثين اي وظيفه للعلم فقط لازم تستحدثينها بالهيكل التنظيمي تغييرين الهيكل ولازم تستحداث بالرواتب والاجور مسمى يديد ... والى اخره من امور يعني الموضوع موب بهالبساطه

طبعا اختى ما احملج الغلط وهذا وجهه نظرج وانا احترمها بس حبيت اوضح لج فقط

[واحد دوت كوم]

الله يعينك , هل قدمتي في كيوتل
جربي تقدمين وان شاء الله تتوفقين

[شارع الأصمخ]

اخوي روح الاطلس

انا ما اوافقك في عباره قطر ليست للقطرين
الصراحه وبدون مجامله الحمد لله كل يوم نشوف الموظفين القطريين من الجنسين في تطور في المهارات والاداء

وبالنسبه لموضوع برنامج التقطير كل الجهات والوزارات والادارات والهيئات شغاله بالبرنامج


الف شكر لكل موظف قطري وموظفه قطريه

(( وجهه نظر ))

[امل الحب]

يعطيج العافيه الشيخه للرد

لا استحدث لها يعني ما اشغلها ... جذيه تناقض انه مافي توظيف للقطرين .!!
وترى لما تستحدثين اي وظيفه للعلم فقط لازم تستحدثينها بالهيكل التنظيمي تغييرين الهيكل ولازم تستحداث بالرواتب والاجور مسمى يديد ... والى اخره من امور يعني الموضوع موب بهالبساطه

طبعا اختى ما احملج الغلط وهذا وجهه نظرج وانا احترمها بس حبيت اوضح لج فقط

انا ماقلت استحدث قلت لا تستحدث وقول مافي وظيفة .. احسن ماتوقع عقد وتخليها قاعدة ومعلقة عالفاضي
شكرا لمرورك