المساعد الشخصي الرقمي

مشاهدة النسخة كاملة : كلب ضال ينقض على سيدة قطريه


&شهد&
23-03-2009, 01:03 AM
السلام عليكم ورحمة الله وبركاته

أكتب هذا الموضوع وقلبي يعتصر ألماً على ماآل اليه حالنا في بلدنا الغالي
نقلاً عن شاهد عيان فقد أنقض كلب بوليسي من الحجم الكبير على سيدة قطرية كان تقف بجوار أحد المجمعات السكنية المأهولة بالاوروبيين منتظرة سائقها
انقض عليها الكلب وأوقعها أرضاً وأحدث بها اصابات بليغة وذلك كله على مرأى ومسمع وبمقربة مترين عن مجموعه من الاوروروبيين الذين أخذوا في التفرج عليها وهي تقع على الاسفلت وتحت هذا الكلب المنقض عليها( وهي تحاول الفرار وتقع أرضاً عدة مرات بسبب الحجم الكبير للكلب) دوووووووووووووون تحريك ساااااااكن وكأنهم في عرض مسرحية وهي تستنجد بهم ولكن دون فائدة!!
وبعد تمكنها من الهرب منه والركوب بالسيارة ترك هذا الكلب في نفس المكان مع اعتراض من أصحاب المجمع من الاقتراب منه (بحجة شعوره بالوحدة!!!!!!!!!!!!!) وأنه يتألم نفسياً!!!!!!وهم لايعرفون صاحبه!!وفي نفس الوقت لايريدون ادخاله للمجمع!!!((((عجباً والله)))
وبتصرف جيد استعانت السيدة برجال الفزعه بعد فرارها من المكان( خوفاً من انقضاضه على أشخاص آخرين) اللذين تواجدوا في المكان بسرعه هائلة ولحسن الحظ صادف تواجدهم مع انقضاااااااااااض الكلب على سيدة اخرى مرتية للعباءة وبصورة شنيعه فكان لابد من التخلص منه
والله والله والله كفو عليكم يالفزعه
تحيه اجلال وتقدير واحترام لهؤلاء الشباب وللحكومة التي دعمت فكرة الفزعه
وجعلهم الله عز وجل ذخراً لهذا البلد....وجزاكم الله الخير كله....والله والله والله المجمع بمن سكن فيه لايساون ظفر واحد من باب الفزعه!!
ماعندي كلام....قسم بالله جاتني الصيحة....الله يستر
hamoor4ever
23-03-2009, 01:06 AM
واهاهاه خوش دعايه لرجال الفزعه ، البركه بالكل سواء لخويا او الفزعه
Qa6ar
23-03-2009, 01:07 AM
بشرني عسى الشوزن ثارت فيه واوقعته ميتا

ماعليهم الخوف لخويا رجال المهمات الصعبه.... والفزعه هذي شغلتهم وشغله الخويا الاسناد اي صف ثاني
tajirqatari
23-03-2009, 01:07 AM
اهم شي سلامت الحرمه
وشبابنا في قوة الفزعه مايقصرون عن اي طلب يجيهم
ويعطيهم الف عافيه
ولكن السؤال يطرح نفسه لماذا لم يتحرك هؤلاء الخنازير لمساعدة المراء وهي تحت الكلب؟؟؟؟؟؟؟؟
&شهد&
23-03-2009, 01:22 AM
لم أكتب هذا الموضوع ليأتيني من يقول (دعايه لفزعه ولا مادري وشو)
الله يخليكم اقروا الموضوع عدل!!!
بنت قطرية ......على الاسفلت.....في مكان عام......كلب ضال ينهشها......خنااااااااااازير تتفرج!!!!!
وكل اللي لفت اتنباهك دعايه لفزعه!!!!!!!!!!!!!!!!!!!!!!!!!!!!!!!!!!!!!!!!!!!!!
آآآآآآآآآآآآآآآآآآآآه اذا هذا حال شبابنا.....على الدنيا السلام!!!!!!!!!!!!:secret:
تخيل اختك ولا بنتك ولا امك في مكانها!!!!!!!!!!!!!
خاصة وانه هالمجمعات بكلااااااااااااااااااااابها صارت موجودة بجوارنا.....
الله المستعان
وأرد وأقول ...جزاكم الله خير يالفزعه.....
ابن قطر
23-03-2009, 01:25 AM
تستاهل السلامه
&شهد&
23-03-2009, 02:08 AM
فعلا تستاهل السلامه
بس يقولون حالتها النفسيه متدهورة
بوخليفة3
23-03-2009, 02:19 AM
تستاهل السلامه عاد شسووا فالكلب وراعيه اللي من شماليه انشاء الله ثوروا فيه

والله مصخره حسبي الله ونعم الوكيل
سداوي&مدريدي
23-03-2009, 02:36 AM
أخ يالقهر تكفين قوليلي وينه الكلب (( الله يعزكم )) لين الحين موجود !!

لو لاحق عليه والله لدعمه بالموتر
دلة الرسلان
23-03-2009, 06:45 AM
في بلادهم لازم كلابهم مربوطة اشلون هادينه عندنا ؟

اكثروا واستقووا يا مال الضعفة:anger1:
miss-qatr
23-03-2009, 06:59 AM
ياجماعة ولله تخرعنا


قولولنا وين هذا المجمع علشان مانروح مايصير جذيه حتى اسم المجمع ماتقولونه



مب في جريده احنا علشان كل شي اتخشونه !!!




قولونا وين الله بعزكم هالكلاب موجودين :(
شنغـار
23-03-2009, 06:59 AM
الحمدالله على سلامة المره وانشالله انها ماتاثرت جسميا ونفسيا ...
ويعطيهم العافيه الفزعه كفو عليهم ....
ANONYMOUS
23-03-2009, 07:01 AM
فعلا تستاهل السلامه
بس يقولون حالتها النفسيه متدهورة


خليها تروح المستشفى تتنشنتر
ريان قطر
23-03-2009, 07:02 AM
أخ يالقهر تكفين قوليلي وينه الكلب (( الله يعزكم )) لين الحين موجود !!

لو لاحق عليه والله لدعمه بالموتر

وليش ماتنزل له :tease:
الخير كله
23-03-2009, 07:18 AM
الاجانب عادي لازم يكفلون واحد من ارحامهم علشان كذيه تلقى كل واحد مربي له كلب...:nice::secret:لكن شسالفة بناتنا اللي كل وحده تمشي والبوبي يلحقها...برستيج يعني؟؟؟؟؟:eek5:
ANONYMOUS
23-03-2009, 07:20 AM
الاجانب عادي لازم يكفلون واحد من ارحامهم علشان كذيه تلقى كل واحد مربي له كلب...:nice::secret:لكن شسالفة بناتنا اللي كل وحده تمشي والبوبي يلحقها...برستيج يعني؟؟؟؟؟:eek5:


وشهو البوبي !
بلاهويـــــة
23-03-2009, 07:26 AM
يا كثرهم الكلاب الضالة في فريجنا
الله يحفظنا يارب
miss-qatr
23-03-2009, 07:36 AM
وشهو البوبي !

http://tbn0.google.com/images?q=tbn:X_usxsIkXH1sZM:http://kecute.files.wordpress.com/2007/11/baby-puppies.jpg


puppy:nice:


أنا راضيحة ذيه يلحقني بس لايعضني :omen2:
بلاتينيوم
23-03-2009, 07:36 AM
كل اهل قطر فيهم الخير والبركه

وخدماتهم مجانيه

ما اعتقد ان في بني ادم يشوف الموقف وما يتصرف بسرعه الا كلب اعزكم الله

اشلون لو اسد او نمر

ما شاء الله على الهنود والبنقال يوم توحدوا على الاسد الضخم وذبحوه ولا قالوا وين الشرطه ولا نطروا احد
الخير كله
23-03-2009, 07:48 AM
وشهو البوبي !

تفضل؟؟؟؟؟؟؟؟؟
http://http://www12.0zz0.com/2009/03/23/04/635496103.gif
سعد آل شريم
23-03-2009, 07:55 AM
اهم شي سلامت الحرمه
وشبابنا في قوة الفزعه مايقصرون عن اي طلب يجيهم
ويعطيهم الف عافيه
ولكن السؤال يطرح نفسه لماذا لم يتحرك هؤلاء الخنازير لمساعدة المراء وهي تحت الكلب؟؟؟؟؟؟؟؟

سؤال يجاوب نفسه .. لأنهم خنازير

ويعطيهم العافيه الفزعه كفو عليهم
ANONYMOUS
23-03-2009, 08:02 AM
http://tbn0.google.com/images?q=tbn:X_usxsIkXH1sZM:http://kecute.files.wordpress.com/2007/11/baby-puppies.jpg


puppy:nice:


أنا راضيحة ذيه يلحقني بس لايعضني :omen2:


تفضل؟؟؟؟؟؟؟؟؟
http://http://www12.0zz0.com/2009/03/23/04/635496103.gif


يحليله النيّس..

بس وش له يلحقهم..

ويلحقهم وين.. في الدوام.. ولا الجامعه.. ولا وين.. ماعمري شفت وحده تمشي مع بوبها..
Revamp
23-03-2009, 08:08 AM
لم أكتب هذا الموضوع ليأتيني من يقول (دعايه لفزعه ولا مادري وشو)
الله يخليكم اقروا الموضوع عدل!!!
بنت قطرية ......على الاسفلت.....في مكان عام......كلب ضال ينهشها......خنااااااااااازير تتفرج!!!!!
وكل اللي لفت اتنباهك دعايه لفزعه!!!!!!!!!!!!!!!!!!!!!!!!!!!!!!!!!!!!!!!!!!!!!
آآآآآآآآآآآآآآآآآآآآه اذا هذا حال شبابنا.....على الدنيا السلام!!!!!!!!!!!!:secret:
تخيل اختك ولا بنتك ولا امك في مكانها!!!!!!!!!!!!!
خاصة وانه هالمجمعات بكلااااااااااااااااااااابها صارت موجودة بجوارنا.....
الله المستعان
وأرد وأقول ...جزاكم الله خير يالفزعه.....

يا ريت تعطينا المصدر ...مع تحديد الزمان والمكان...لاني مب مقتنع بهاي القصه..
متسبب
23-03-2009, 08:29 AM
جعلهم للنار الكلب وصاحب الكلب واللي كان قاعد يتفرج
جمال اليافعي
23-03-2009, 08:30 AM
المفروض ماتسوون شي للكلب . المفروض تثور في راعي الكلب
هتـان قطر
23-03-2009, 08:36 AM
:eek5: الله يشفيها يارب ..والله يعينها على الكوابيس

ليكون المجمع اللي في الناصريه..كله اجانب الله لا يبارك فيهم
خنور
23-03-2009, 08:38 AM
ياويلكم انصحكم مااحد يذبح كلب , جمعية الرفق بالحيوان بترفع عليكم دعوى

انصحكم بالابتعاد لاننا تقدمنا وقطعنا اشواط طويله بين الامم والشعوب العربيه

عشان كذا اذا شفتوا هذا المنظر اضربوا له تحيه وطوفوه لاتجعلون انفسكم رجعيين

اهم شي نكون حلويين امام الغرب وحبوبين ويكونون راضيين علينا فديتهم .:tease:
عالي الغيم
23-03-2009, 08:47 AM
ياويلكم انصحكم مااحد يذبح كلب , جمعية الرفق بالحيوان بترفع عليكم دعوى

انصحكم بالابتعاد لاننا تقدمنا وقطعنا اشواط طويله بين الامم والشعوب العربيه

عشان كذا اذا شفتوا هذا المنظر اضربوا له تحيه وطوفوه لاتجعلون انفسكم رجعيين

اهم شي نكون حلويين امام الغرب وحبوبين ويكونون راضيين علينا فديتهم .:tease:

لابوهم لابو ستين كلب:omen2::omen2:
ذيبه مزاجيه
23-03-2009, 09:41 AM
حسبي الله عليهم اللي ما يخافون الله .. لانها مب نفسهم ما فزعوا لها

مسكينه و الله عورت قلبي البنت :( عسى ما تعورت وايد وهي بخير !!!

وجزاهم الله خير شبابنا و الله انهم راعيينها ..
أم ريليه
23-03-2009, 09:49 AM
القصة غير واقعية .
اول شي الكلب البوليسي اذا كان مسعور كانت في خبر كان ..........واذا خايف ما يهاجم واهومب محاصر شكله كان يلعب معاها او صاحبته اصلا تلبس عباية وضايع .لان الكلب لين لعب معاك يطيحيك لانه قوي .........القصة مالها اساس من الصحة
Mo0o0oM
23-03-2009, 09:50 AM
الاجانب عادي لازم يكفلون واحد من ارحامهم علشان كذيه تلقى كل واحد مربي له كلب...:nice::secret:لكن شسالفة بناتنا اللي كل وحده تمشي والبوبي يلحقها...برستيج يعني؟؟؟؟؟:eek5:

والله لايلحقني بوبي ان اموت من الخرعــــــــــة :eek5:

escape
عكاس
23-03-2009, 09:59 AM
القصة غير واقعية .
اول شي الكلب البوليسي اذا كان مسعور كانت في خبر كان ..........واذا خايف ما يهاجم واهومب محاصر شكله كان يلعب معاها او صاحبته اصلا تلبس عباية وضايع .لان الكلب لين لعب معاك يطيحيك لانه قوي .........القصة مالها اساس من الصحة

ثالث شي قطرية وواقفة قدام مجمع اجانب وتنتظر الدريول !!!! :whistling:
رابع شي شاهد العيان وين موقعه من الاعراب وراه مافزع لها لو كانت القصة حقيقية؟
لاداعي
23-03-2009, 10:01 AM
حسبي الله عليهم..
بوخالد2
23-03-2009, 10:12 AM
اهم شي سلامت الحرمه
وشبابنا في قوة الفزعه مايقصرون عن اي طلب يجيهم
ويعطيهم الف عافيه
ولكن السؤال يطرح نفسه لماذا لم يتحرك هؤلاء الخنازير لمساعدة المراء وهي تحت الكلب؟؟؟؟؟؟؟؟

لاانهم مستانسين على المنظر هذا

عبالهم بوغريب :)

الله يشفيها ان شاءالله


وبالنسبه للي يكذب الخبر

لاتستعجل بالرد لين تسمع الحقيقه من صاحبة الموضوع
ولدالمنتدي
23-03-2009, 10:13 AM
تستاهل السلامه
دنيا الاسهم
23-03-2009, 10:24 AM
حسبي الله ونعم الوكيل في الاجانب
المفروض يمنعون الكلاب الدخول للبلاد لانها نجسة وخطرة واذا بوعيون خضرا صمم يكونون حازمين ان البلد
فيها قانون يمنع الكلاب لانها نجسة وخطيرة
ويمنعونها نهائيا من النزهة للخطورتها على الاطفال والمارة
اول الكلاب يثورون فيهم الشرطة لانها مسعورة وتسبب الوفاة الحين مادري شلي خبص كل شي حلو في البلاد
الاجانب في بلادهم يغرمون صاحب الكلب اذا ترك كلبة بدون كمام الفم وبدون سلسة ...مادري في بلادنا ليش
مايمنعون الكلاب نهائيا
لابارك الله فيهم ما اكثرهم ..يا ناس الكلاب الضالة صارت تدخل البيوت من كم يوم داخلين بيتنا مادري من وين يجون ...نتمنى من الداخلية تتبع النظام القديم في قتل الكلاب
وشكرا
Store
23-03-2009, 11:52 AM
انزين هي ليش كانت هناك الموضوع احس انه ناقص ومب مرتب المهم تستاهل السلامه وكفو والله على الفزعه
nedoo
23-03-2009, 01:19 PM
تذكرت موقف صار في us في تاريخ 4/7 عندهم اليوم الوطني في الليل كان في احتفلات والعاب ناريه كنت نازل من الشقه انشوف هالاحتفلات مكان نفس الكورنيش عندنا وكان كل العالم متجمعين حشره واحد من الي كانو موجودين طاح في البحر ومايعرف يسبح وغرق وكل الشعب الامريكي يطالعه هالخنازير ولا حد تحرك وحاول يساعده
&شهد&
23-03-2009, 02:16 PM
يا ريت تعطينا المصدر ...مع تحديد الزمان والمكان...لاني مب مقتنع بهاي القصه..\


مب مقتنع!!!!!!!!
الخبر مليووووووووووووون بالميه صح...وانا مااكتب شي الا وانا متأكدة منه لأنه اللي قال لي جاااااار للمجمع
وصار في مجمع بالدفنة
والكلب ثوروا عليه الفزعه واذبحوه بعد ماانقض على المرأه الثانية
&شهد&
23-03-2009, 02:20 PM
انزين هي ليش كانت هناك الموضوع احس انه ناقص ومب مرتب المهم تستاهل السلامه وكفو والله على الفزعه

اخوي المجمعات هاذي اتجاورها في الاغلب محلات سوبر ماركت أو مخابز....
يعني مادري انتوا تنظرون للمواضيع من زوايا وايد غريبة

الحمدلله الحمدلله انه المرة ماكانوا معاها يهال لان الاغلب الاطفال دايماً هم الي يروحن للسوبر ماركت هذا
&شهد&
23-03-2009, 02:24 PM
تذكرت موقف صار في us في تاريخ 4/7 عندهم اليوم الوطني في الليل كان في احتفلات والعاب ناريه كنت نازل من الشقه انشوف هالاحتفلات مكان نفس الكورنيش عندنا وكان كل العالم متجمعين حشره واحد من الي كانو موجودين طاح في البحر ومايعرف يسبح وغرق وكل الشعب الامريكي يطالعه هالخنازير ولا حد تحرك وحاول يساعده

صح كلامك
آنا أقولك سالفة
وحدة من صديقاتي تشتغل في لفان وتسوق بروحها اذا تأخرت عن الباص وراح عنها
تعرضت لبنشر ع الخط وتمت واقفة ربع ساعه وأكثر ولاحد وقف لها من الاجانب الخمه اللي يمرون مع انه اغلبهم معاها في الشغل ويعرفونهااا!!!!!!!!!!!!!
يااااااااااااالله الحمدلله على نعمة الدين
مافيهم نخوة ولا ذمة
&شهد&
23-03-2009, 02:27 PM
ثالث شي قطرية وواقفة قدام مجمع اجانب وتنتظر الدريول !!!! :whistling:
رابع شي شاهد العيان وين موقعه من الاعراب وراه مافزع لها لو كانت القصة حقيقية؟


الله يسامحكم...
لو صايرة لوحدة من أهلكم ماقلتوا هالكلام البايخ
آنا وحدة عن يميني مجمع وعن يساري مجمع...يعني مااطلع من بيتي عشان ماتقولون ليش قطريه واقفة جنب مجمع!!!!!!!!!!!!!!!!!!!!!!!!!!!!!!!!!!
عجبي
&شهد&
23-03-2009, 02:29 PM
جعلهم للنار الكلب وصاحب الكلب واللي كان قاعد يتفرج

آآآآآآآآآآآآآآآآآآآآآآمين ياااااااااااااااااااااارب
&شهد&
23-03-2009, 02:30 PM
المفروض ماتسوون شي للكلب . المفروض تثور في راعي الكلب

صح السانك والله
وطن
23-03-2009, 02:33 PM
وهالكلب شمعنى يحب اللي لابسين عبايات !!

في القصة سيدتين لابسين عبايات !!

القصة غريبة جدا

ويستاهلون السلامة البنتين اللي في الحاث
&شهد&
23-03-2009, 02:35 PM
أبي أقول كلمه بس للأشخاص الي يدخلون ويشككون في القصة
شنهي مصلحتنا في تأليف قصة مثل هاذي!!!!!!!!!!!!!!!!!!!!!
ابن مانع
23-03-2009, 02:39 PM
لا حولة ولاقوة الا بالله
جعل ربي يستر عليها
والحمدلله على سلامتها
هدهد سليمان
23-03-2009, 02:39 PM
واهاهاه خوش دعايه لرجال الفزعه ، البركه بالكل سواء لخويا او الفزعه


خلها بالكل افضل لا خويا ولا فزعه كل الشرطه بجميع فئاتها مكمله لبعض ماكو احد احسن من الثاني مجرد الاختلاف بالصلاحيات فقط

والحمدلله على سلامة السيده ونتنمى القضاء على الكلاب الضاله
&شهد&
23-03-2009, 02:40 PM
كل المطلوب هو الحذر ياجماعه
مثلاً وحدة مثلي كنت دايما اخلي اعيالي يلعبون جنب البيت وعاااادي عندي
لكن الحين لا....صرت أخاف من كلابهم...ينهش عيالي ولا حتى يخرعهم ويسبب لهم أزمات نفسية (((اذا الكلب دلوع وحاس بالوحدة بس!!!))))
ثاني شي لازم هالاجانب هم اللي يحترمون عادات البلد وتقاليده ودينه قبل كل شي مب احنا اللي لازم ناخذ على طبايعهم!!!
آآآآآآه بموت من القهر
ثالث شي انه الواحد مايستحي انه يستنجد ومايرتكب تصرف شخصي يندم عليه

دعواتي للغاليه اللي انقض عليها الكلب بالشفاء من الالم الجسدي والنفسي الكبير اللي أصابها
اناقه
23-03-2009, 02:45 PM
صح كلامك
آنا أقولك سالفة
وحدة من صديقاتي تشتغل في لفان وتسوق بروحها اذا تأخرت عن الباص وراح عنها
تعرضت لبنشر ع الخط وتمت واقفة ربع ساعه وأكثر ولاحد وقف لها من الاجانب الخمه اللي يمرون مع انه اغلبهم معاها في الشغل ويعرفونهااا!!!!!!!!!!!!!
يااااااااااااالله الحمدلله على نعمة الدين
مافيهم نخوة ولا ذمة

حبيبتي شهد هذا طبع الاجانب

و هالشي معروف ما يفزعون حق اي واحد حتى اذا كان اجنبي مثلهم

و بعدين خل نناقش المسألة من جهة ثانية شوي و بشكل اوضح

لو كانو الموجودين قطريين و ما في اي شي معاهم يضربون فيه الكلب

تتوقعين كان في اخد ممكن يتحرك ؟

الجواب بكل بساطه : لا

لان كل واحد يخاف على نفسه

و ترى حتى لو اللي موجوده اجنبية ما كانو بيتحركون لاني قلت لج مب من طبعهم النخوة

ولا بيعرضون نفسهم للخطر في حال عدم وجود شي لضرب الكلب او شي يمنع الكلب من مهاجمتهم

والف تحية لرجال الامن كافة بدون اي استثناء

تقبلي مروري
الكونجرس
23-03-2009, 02:51 PM
لا حول ولا قوة الا بالله
مستثمره جديده
23-03-2009, 02:51 PM
تعرفون ان فيه قانون عندنا انه اذا اشتكى عليك اجنبي بأنك أذيت كلبه ممكن تتحاكم وتنسجن علشان الكلب ..

بقول لكم سالفة وحده من ربعي صارت لاحدى قريباتها .. كانت موصله ولدها مدرسته الاجنبيه وقبل لايدخل ولدها من باب المدرسه لحقه كلب كان برفقة مدرسه اجنبيه وعضه في رجله وعلى طول اتصلت بالشرطه والاسعاف علشان يسعفون ولدها لان الولد كان مريض بالقلب ... المهم جات الاسعاف وخذت الولد وجاو الشرطه وشلوا الكلب وخذوه يفحصونه .. الشرطه نادوا ابو الولد ويوم
راح لهم لقى صاحبة الكلب تنتظره هناك ومعصبه لانه اشتكى على كلبها وجايبه شهادات التطعيم مالت الكلب وشهاده صحيه له وبلغوه الشرطه ان فحوصات الكلب طلعت سليمه والكلب مب مسعور ودام ان ولدك طلع بخير مافيه داعي ان الكلب يتم في السجن لان الاجنبيه كانت مصره انهم يطلعون كلبها .. ابو الولد رفض انهم يطلعون الكلب وطلب منهم انهم يخلونه مسجون عندهم كم يوم لين يتاكد ان ولده ماتصير له مضاعفات وقال لهم اذا طلع في ولدي شي انا اللي بذبح الكلب .. تدرون اشقال له الضابط ؟؟
قال له لو تتعرض لكلب يملكه واحد من الاجانب واشتكى عليك الاجنبي تنسجن فتره وتتغرم علشان هالكلب !! استغرب الرجال وقال له احنا في قطر مب في لندن قال له الضابط وفي قطر عندنا قانون يضمن حقوق الاجانب وويحمي ممتلكاتهم ومن ضمنها كلابهم !!

هالكلام انا نقلته على لسان احدى قريبات الطالب والعهده عليها .. وحسبنا الله ونعم الوكيل ..
miss-qatr
23-03-2009, 02:56 PM
اختي صاحبة الموضوع انتي اتردين على ناس وناس!!!

يعني انا حاطة رد قد موضوعك اسأل عن اسم المجمع وليش مارديتي



هالمره الواحد يعرف يرد على من ويكتب حق من
jassim_9
23-03-2009, 02:57 PM
لو كانو الموجودين قطريين و ما في اي شي معاهم يضربون فيه الكلب

تتوقعين كان في اخد ممكن يتحرك ؟

الجواب بكل بساطه : لا

لان كل واحد يخاف على نفسه





كل من يرى الناس بعين طبعا
&شهد&
23-03-2009, 03:02 PM
القصة غير واقعية .
اول شي الكلب البوليسي اذا كان مسعور كانت في خبر كان ..........واذا خايف ما يهاجم واهومب محاصر شكله كان يلعب معاها او صاحبته اصلا تلبس عباية وضايع .لان الكلب لين لعب معاك يطيحيك لانه قوي .........القصة مالها اساس من الصحة

اخوي مادري يعني انت اشرايك
اذا هجم علي كلب بهالضخامه اسأله أول : انت مسعور ولا بس تلعب معاي يالحبيب؟؟؟؟
واذا كان مسعور اهني أشرد!!!!
واذا يبي يلعب اقوله اوكي طيحني في الشارع بعبايتي ونقابي على القار وخل اللس مايشتري يتفرج!!!!!!!!!!!!

آآآآآآآآآآآآآآآه عورتو قلبي أكثر من ماهو معورني على المرة
&شهد&
23-03-2009, 03:06 PM
اختي صاحبة الموضوع انتي اتردين على ناس وناس!!!

يعني انا حاطة رد قد موضوعك اسأل عن اسم المجمع وليش مارديتي



هالمره الواحد يعرف يرد على من ويكتب حق من

اختي الغاليه
اقري الردود عدل
وبتلقين اني قلت ان المجمع في الدفنه
جزاج الله خير ع المرور
المغترب 123
23-03-2009, 03:07 PM
الله يشفيها
مطيع الله
23-03-2009, 03:15 PM
فزعة للمواقف الصعبة
والله احترت وش اكتب تعليقاً على هذا الخبر
بين مصدق ومكذب
...
وش علينا
ما نبي نخرب على أحد
عاديــــــــــــــــــــــــــــــــــــــــــــــ ـي
&شهد&
23-03-2009, 03:19 PM
تعرفون ان فيه قانون عندنا انه اذا اشتكى عليك اجنبي بأنك أذيت كلبه ممكن تتحاكم وتنسجن علشان الكلب ..

بقول لكم سالفة وحده من ربعي صارت لاحدى قريباتها .. كانت موصله ولدها مدرسته الاجنبيه وقبل لايدخل ولدها من باب المدرسه لحقه كلب كان برفقة مدرسه اجنبيه وعضه في رجله وعلى طول اتصلت بالشرطه والاسعاف علشان يسعفون ولدها لان الولد كان مريض بالقلب ... المهم جات الاسعاف وخذت الولد وجاو الشرطه وشلوا الكلب وخذوه يفحصونه .. الشرطه نادوا ابو الولد ويوم
راح لهم لقى صاحبة الكلب تنتظره هناك ومعصبه لانه اشتكى على كلبها وجايبه شهادات التطعيم مالت الكلب وشهاده صحيه له وبلغوه الشرطه ان فحوصات الكلب طلعت سليمه والكلب مب مسعور ودام ان ولدك طلع بخير مافيه داعي ان الكلب يتم في السجن لان الاجنبيه كانت مصره انهم يطلعون كلبها .. ابو الولد رفض انهم يطلعون الكلب وطلب منهم انهم يخلونه مسجون عندهم كم يوم لين يتاكد ان ولده ماتصير له مضاعفات وقال لهم اذا طلع في ولدي شي انا اللي بذبح الكلب .. تدرون اشقال له الضابط ؟؟
قال له لو تتعرض لكلب يملكه واحد من الاجانب واشتكى عليك الاجنبي تنسجن فتره وتتغرم علشان هالكلب !! استغرب الرجال وقال له احنا في قطر مب في لندن قال له الضابط وفي قطر عندنا قانون يضمن حقوق الاجانب وويحمي ممتلكاتهم ومن ضمنها كلابهم !!

هالكلام انا نقلته على لسان احدى قريبات الطالب والعهده عليها .. وحسبنا الله ونعم الوكيل ..

صج!!!!
يالله ياااارب تست على هالبد وأهلها يارب
&شهد&
23-03-2009, 03:22 PM
فزعة للمواقف الصعبة
والله احترت وش اكتب تعليقاً على هذا الخبر
بين مصدق ومكذب
...
وش علينا
ما نبي نخرب على أحد
عاديــــــــــــــــــــــــــــــــــــــــــــــ ـي


الله سيتر على بناتنا اللي صارت اتمسخرهم كلاااااب الاجانب

وانتوا للحين بين مصدق ومكذب!!!!!

ترى خلاص فرجان الجسرة والدوحة اليديدة ومشيرب وأهلها الطيبين راااااااااااااااااح زمانها!!!
وصدق اخوي صدق!!!
وتحيا الحضارة والعولمه
&شهد&
23-03-2009, 03:42 PM
كل من يرى الناس بعين طبعا

:nice::nice::nice:

بعد اذا القطريين راحت منهم النخوة
لاااااااااااااااااا
هاذا موضوع ثاني ألعن من سالفة الكلب!!!!!!!!!!!!!!
طارق
23-03-2009, 05:39 PM
شيمودي هالقطريه جمب مجمع سكني بروحها بدون رجال معاها
والكلب ( اعزكم الله ) مانبح قبل مايهجم ( هذا هجوم ستيلث )
وبعد الجلب هجم على قطريه أخرى بعد ( هالجلب ميوله ليبراليه )
المهم
سلامه المره من العض , والله يعينها عالأبر
والمثل يقول
يكرم الكلب عشان راعيه
:):):)
أم ريليه
23-03-2009, 09:46 PM
والله يا اخت شهد ضحكت من قلبي لين نزلت دموعي ..........الله يفرحتش دنيا واخرة
المهم اختي انا عايش في بلد كلها كلاب عشان تشيه قلت لتش انه مستحيل مسعور وانه كان يلعب معاها لانه اذا كان مسعور كانت لجنة حمد مجتمعة تسفرها اي دولة للعلاج في الخارج .
والكلب يشم ريحة الادرينالين اذا الشخص خايف فينبح عليه ويمكن كانت حاطه عطر او لاعبه مع قطوتها في البيت اهو يتاثر بالروايح ههههههههههههههه معلومات عامة
وحيد-الشوق
23-03-2009, 10:08 PM
تعرفون ان فيه قانون عندنا انه اذا اشتكى عليك اجنبي بأنك أذيت كلبه ممكن تتحاكم وتنسجن علشان الكلب ..

بقول لكم سالفة وحده من ربعي صارت لاحدى قريباتها .. كانت موصله ولدها مدرسته الاجنبيه وقبل لايدخل ولدها من باب المدرسه لحقه كلب كان برفقة مدرسه اجنبيه وعضه في رجله وعلى طول اتصلت بالشرطه والاسعاف علشان يسعفون ولدها لان الولد كان مريض بالقلب ... المهم جات الاسعاف وخذت الولد وجاو الشرطه وشلوا الكلب وخذوه يفحصونه .. الشرطه نادوا ابو الولد ويوم
راح لهم لقى صاحبة الكلب تنتظره هناك ومعصبه لانه اشتكى على كلبها وجايبه شهادات التطعيم مالت الكلب وشهاده صحيه له وبلغوه الشرطه ان فحوصات الكلب طلعت سليمه والكلب مب مسعور ودام ان ولدك طلع بخير مافيه داعي ان الكلب يتم في السجن لان الاجنبيه كانت مصره انهم يطلعون كلبها .. ابو الولد رفض انهم يطلعون الكلب وطلب منهم انهم يخلونه مسجون عندهم كم يوم لين يتاكد ان ولده ماتصير له مضاعفات وقال لهم اذا طلع في ولدي شي انا اللي بذبح الكلب .. تدرون اشقال له الضابط ؟؟
قال له لو تتعرض لكلب يملكه واحد من الاجانب واشتكى عليك الاجنبي تنسجن فتره وتتغرم علشان هالكلب !! استغرب الرجال وقال له احنا في قطر مب في لندن قال له الضابط وفي قطر عندنا قانون يضمن حقوق الاجانب وويحمي ممتلكاتهم ومن ضمنها كلابهم !!

هالكلام انا نقلته على لسان احدى قريبات الطالب والعهده عليها .. وحسبنا الله ونعم الوكيل ..


اخخخخ يالقهر انقهرت من الموضوع ومن هالسالفه :anger1:

وين قطر اول والله زمن :weeping:

الله يرحمنا برحمته والله يعلن هالخنازير حسبي الله عليهم

خاطري قطر تكون خاليه منهم :weeping:
وجه الحقيقة
23-03-2009, 11:44 PM
والله يا اخت شهد ضحكت من قلبي لين نزلت دموعي ..........الله يفرحتش دنيا واخرة
المهم اختي انا عايش في بلد كلها كلاب عشان تشيه قلت لتش انه مستحيل مسعور وانه كان يلعب معاها لانه اذا كان مسعور كانت لجنة حمد مجتمعة تسفرها اي دولة للعلاج في الخارج .
والكلب يشم ريحة الادرينالين اذا الشخص خايف فينبح عليه ويمكن كانت حاطه عطر او لاعبه مع قطوتها في البيت اهو يتاثر بالروايح ههههههههههههههه معلومات عامة

كان عندي فالبيت كلب بوليسي اذا يشوف اي حد لابس ثوب ابيض يجن..واذا نفس الشخص يطلع بلبس رياضه يصير اليف ..
قناص الاسهم
23-03-2009, 11:57 PM
والله يا اخت شهد ضحكت من قلبي لين نزلت دموعي ..........الله يفرحتش دنيا واخرة
المهم اختي انا عايش في بلد كلها كلاب عشان تشيه قلت لتش انه مستحيل مسعور وانه كان يلعب معاها لانه اذا كان مسعور كانت لجنة حمد مجتمعة تسفرها اي دولة للعلاج في الخارج .
والكلب يشم ريحة الادرينالين اذا الشخص خايف فينبح عليه ويمكن كانت حاطه عطر او لاعبه مع قطوتها في البيت اهو يتاثر بالروايح ههههههههههههههه معلومات عامة

وبعدين يعني :eek5:
هذي حالتك معاي ؟ :eek5:
عبث الموت + كل واحد تزورة يموت + وكله تهاوش وتبي تطق وفوق هذا كله عايش ببلاد كلها جلاب !!
ياخي اتق الله فيني :weeping:
وجه الحقيقة
24-03-2009, 12:01 AM
شيمودي هالقطريه جمب مجمع سكني بروحها بدون رجال معاها
والكلب ( اعزكم الله ) مانبح قبل مايهجم ( هذا هجوم ستيلث )
وبعد الجلب هجم على قطريه أخرى بعد ( هالجلب ميوله ليبراليه )
المهم
سلامه المره من العض , والله يعينها عالأبر
والمثل يقول
يكرم الكلب عشان راعيه
:):):)



وين اذنك ياجحا ..:omg:
قناص الاسهم
24-03-2009, 12:05 AM
شيمودي هالقطريه جمب مجمع سكني بروحها بدون رجال معاها
والكلب ( اعزكم الله ) مانبح قبل مايهجم ( هذا هجوم ستيلث )
وبعد الجلب هجم على قطريه أخرى بعد ( هالجلب ميوله ليبراليه )
المهم
سلامه المره من العض , والله يعينها عالأبر
والمثل يقول
يكرم الكلب عشان راعيه
:):):)

هههههههههههه ذكرتني بدرب الزلق يوم حسينوه يورد لحم جلاب ويبيعها على انها تونه :nice:
بوحمد2
24-03-2009, 12:08 AM
واهاهاه خوش دعايه لرجال الفزعه ، البركه بالكل سواء لخويا او الفزعه

ليتك ماشاركت؟
hemoud123
24-03-2009, 12:19 AM
وبعدين يعني :eek5:
هذي حالتك معاي ؟ :eek5:
عبث الموت + كل واحد تزورة يموت + وكله تهاوش وتبي تطق وفوق هذا كله عايش ببلاد كلها جلاب !!
ياخي اتق الله فيني :weeping:

والله ضحكني هالرد
اتق الله فيني :nice:

المهم يا اخت شهد الله يجزاك خير على اهتمامك وغيرتك على اهل ديرتك
بس الى الان ما فيه اي بلاغ لا في لخويا ولا في الفزعه , يا ريت مصدرك يتاكد و واذا كانت مابلغت الشرطه فالافضل انها تبلغ الشرطه وتثبت حالتها في طوارئ حمد علشن حقها ما يروح
وما دام الكلب عايش قريب من المجمعات السكنيه , هذا يعني ان له صاحب ولازم يتحمل المسئوليه
وجه الحقيقة
24-03-2009, 12:39 AM
بدعمه بالجمس............ بس اخاف يعض التاير
بنت ابوها 19
24-03-2009, 12:48 AM
وين قاعدين في شيكاغو ولا الدوحه :sneaky:
wqatar
24-03-2009, 12:54 AM
كلام شهد صحيح

الواقعة حدثت يوم الأحد الساعة السابعة صباحاً وعلى فكرة السيدة الثانية من الجنسية الأسيوية بس مرتديه عبايه

إلي ما عنده مصادر موثوقة لا يفتي لو سمحتوا

المتضرره سجلت الحادثة في المستشفى حتى عطوها أجازة يومين والحمدالله بس الله يعين حالتها النفسية
&شهد&
24-03-2009, 01:01 AM
شيمودي هالقطريه جمب مجمع سكني بروحها بدون رجال معاها
والكلب ( اعزكم الله ) مانبح قبل مايهجم ( هذا هجوم ستيلث )
وبعد الجلب هجم على قطريه أخرى بعد ( هالجلب ميوله ليبراليه )
المهم
سلامه المره من العض , والله يعينها عالأبر
والمثل يقول
يكرم الكلب عشان راعيه
:):):)

موديها انه بيتها جنب المجمع....وتتسوق من السوبر ماركت الي جنب المجمع
&شهد&
24-03-2009, 01:05 AM
والله يا اخت شهد ضحكت من قلبي لين نزلت دموعي ..........الله يفرحتش دنيا واخرة
المهم اختي انا عايش في بلد كلها كلاب عشان تشيه قلت لتش انه مستحيل مسعور وانه كان يلعب معاها لانه اذا كان مسعور كانت لجنة حمد مجتمعة تسفرها اي دولة للعلاج في الخارج .
والكلب يشم ريحة الادرينالين اذا الشخص خايف فينبح عليه ويمكن كانت حاطه عطر او لاعبه مع قطوتها في البيت اهو يتاثر بالروايح ههههههههههههههه معلومات عامة

تبارك الله..
ضحكتك السالفة....!!!!!!!!!!!!!!!!!!!!!!!!!!!!!!!
ومنو اللي قال انه مسعوووور
احنا قلنا ضااااااااااااااااااال.....بالعربي ماله صاحب وليحين مايدرون منهو صاحبه؟
قال ضحكتني قال!!!!!!!!!!!!!!!!
&شهد&
24-03-2009, 01:07 AM
هههههههههههه ذكرتني بدرب الزلق يوم حسينوه يورد لحم جلاب ويبيعها على انها تونه :nice:

يتهيأ لي الطنازة والعبط مكانها ثاني غير هالموضوع
صج ناس مااتحس!!!!
ونلوم الاوروبيين والله ماينلامون!!!
&شهد&
24-03-2009, 01:08 AM
ليتك ماشاركت؟

اي والله صح لسانك
ليت وايد ناس ماشاركوا
الله لايراويهم في أهلهم....كان مب هذا ردهم
&شهد&
24-03-2009, 01:11 AM
والله ضحكني هالرد
اتق الله فيني :nice:

المهم يا اخت شهد الله يجزاك خير على اهتمامك وغيرتك على اهل ديرتك
بس الى الان ما فيه اي بلاغ لا في لخويا ولا في الفزعه , يا ريت مصدرك يتاكد و واذا كانت مابلغت الشرطه فالافضل انها تبلغ الشرطه وتثبت حالتها في طوارئ حمد علشن حقها ما يروح
وما دام الكلب عايش قريب من المجمعات السكنيه , هذا يعني ان له صاحب ولازم يتحمل المسئوليه

لا اخوي غلطان
في بلاغ
والتقرير الطبي اليوم طلع
ومستعده أقولك اسم (((الضاااااااااااااااابط))))) اللي ثور على الكلب
وبس عاد تشكيك...لأني متأكدددددددددددددددددددددددددده
ومافي داعي أوضح أكثر من جذي!!
&شهد&
24-03-2009, 01:13 AM
كلام شهد صحيح

الواقعة حدثت يوم الأحد الساعة السابعة صباحاً وعلى فكرة السيدة الثانية من الجنسية الأسيوية بس مرتديه عبايه

إلي ما عنده مصادر موثوقة لا يفتي لو سمحتوا

المتضرره سجلت الحادثة في المستشفى حتى عطوها أجازة يومين والحمدالله بس الله يعين حالتها النفسية

صح كلامك
وعلى فكرة مددوا اجازتها عشان حالتها النفسيه زفت....
مزايين
27-03-2009, 11:57 PM
يا ريت تعطينا المصدر ...مع تحديد الزمان والمكان...لاني مب مقتنع بهاي القصه..




الا أقتنع ونص

السالفة حقيقية .....والبنت كانت رايحة دوامها ....وهجم عليها الكلب ولا حد من الأجانب اللي كانوا واقفين ساعدوها .....كانوا يطالعونها وبس ....لي جات صديقتها في الشغل وقدرت تنقذها وتوديها المستشفى ...لا..والأجانب بعد مو راضيين على الكلب يقولون هو من نوع زين ولازم ماأحد يتعرض له
مزايين
28-03-2009, 12:00 AM
القصة غير واقعية .
اول شي الكلب البوليسي اذا كان مسعور كانت في خبر كان ..........واذا خايف ما يهاجم واهومب محاصر شكله كان يلعب معاها او صاحبته اصلا تلبس عباية وضايع .لان الكلب لين لعب معاك يطيحيك لانه قوي .........القصة مالها اساس من الصحة



القصة واقعية .....ومافي داعي تكذبونها لأني أعرف البنت الله يعينها
بويوسف
28-03-2009, 12:05 AM
والله اليوم شفت 3 كلاب الله يعزكم بالفريج وكانت كلاب ضخمة وبوليسية .. اتصلت على الشرطة ودليتهم المكان ورحت مباشرة صلاة الجمعة

اول ماخلصت الصلاة لقيت مس كول اتصلت قال لي انت وينك مبلغ قلت اي مبلغ انتوا وينكم قال لي خلاص ..

ولازالت الكلاب طليقة .. وصراحة فيها خطورة مادري اشلون مهدودة بهالشكل ومافي اي دورية تمسكها ..
مزايين
28-03-2009, 12:14 AM
حسافة والله

قريت الردود كلها ....وللأسف مجموعة كبيرة خذت السالفة طنازة وردودها كانت عكس ماكنت أتصور

كنت أحسب ان عيالنا بيعورهم قلبهم على بنت بلادهم .....وبيكتبون الشيء اللي يستاهله هل أجانب واللي أحس انهم كانوا مستانسين انهم يشوفون هل منظر والا كان تحركوا

بس شنقول ....اذا كلام عيالنا ..عيال بلادنا ....رجالنا ...كذا
اذا لاعتب على الأجانب
الاستاندر
28-03-2009, 12:27 AM
تستاهل السلامه وماعليها شر ان شاء الله
&شهد&
28-03-2009, 12:30 AM
حسافة والله

قريت الردود كلها ....وللأسف مجموعة كبيرة خذت السالفة طنازة وردودها كانت عكس ماكنت أتصور

كنت أحسب ان عيالنا بيعورهم قلبهم على بنت بلادهم .....وبيكتبون الشيء اللي يستاهله هل أجانب واللي أحس انهم كانوا مستانسين انهم يشوفون هل منظر والا كان تحركوا

بس شنقول ....اذا كلام عيالنا ..عيال بلادنا ....رجالنا ...كذا
اذا لاعتب على الأجانب

هلا والله يامزايين
اي والله وانتي الصاجة ماكنت اتوقع بعض الردود اللي خلتني فعلاً ماألوم الأجانب اللي كانوا يتفرجون...
الله المستعان..
&شهد&
28-03-2009, 12:35 AM
والله اليوم شفت 3 كلاب الله يعزكم بالفريج وكانت كلاب ضخمة وبوليسية .. اتصلت على الشرطة ودليتهم المكان ورحت مباشرة صلاة الجمعة

اول ماخلصت الصلاة لقيت مس كول اتصلت قال لي انت وينك مبلغ قلت اي مبلغ انتوا وينكم قال لي خلاص ..

ولازالت الكلاب طليقة .. وصراحة فيها خطورة مادري اشلون مهدودة بهالشكل ومافي اي دورية تمسكها ..

لاتسكت اخوي
وكرر بلاغك
وان شاالله ماراح يقصرون
وحيد-الشوق
28-03-2009, 12:36 AM
حسافة والله

قريت الردود كلها ....وللأسف مجموعة كبيرة خذت السالفة طنازة وردودها كانت عكس ماكنت أتصور

كنت أحسب ان عيالنا بيعورهم قلبهم على بنت بلادهم .....وبيكتبون الشيء اللي يستاهله هل أجانب واللي أحس انهم كانوا مستانسين انهم يشوفون هل منظر والا كان تحركوا

بس شنقول ....اذا كلام عيالنا ..عيال بلادنا ....رجالنا ...كذا
اذا لاعتب على الأجانب


صدقتي والله :weeping:

اكثر شيء قهرني في الموضوع الطنازه والردود الغريبة الواحد ياقول خير او يسكت :)

مشكلة بعض الناس ياحبها حق الطنازة :rolleyes2:
bus3od
28-03-2009, 12:39 AM
حسافة والله

قريت الردود كلها ....وللأسف مجموعة كبيرة خذت السالفة طنازة وردودها كانت عكس ماكنت أتصور

كنت أحسب ان عيالنا بيعورهم قلبهم على بنت بلادهم .....وبيكتبون الشيء اللي يستاهله هل أجانب واللي أحس انهم كانوا مستانسين انهم يشوفون هل منظر والا كان تحركوا

بس شنقول ....اذا كلام عيالنا ..عيال بلادنا ....رجالنا ...كذا
اذا لاعتب على الأجانب

لا تلومينهم هم يمكن مب مصدقين السالفه لأنهم ماشافوا اللي صار و طبعا انا ما اكذب صاحبة الموضوع هي محشومه ... وصدقيني اذا شافوا هالشي يصير قدامهم بيفزعون لها ترا احنا في قطر و كلنا نقوم ببعض و كل واحد قلبه على الثاني و هالشي الحمدلله معروفين فيه هل قطر اما الاوربيين و الاجانب هاذيل كل واحد فيهم يفكر في نفسه يعني لو انه يشوف اخوه ينذبح بيخاف و بيشرد عشان هو مايموت ... فالنهايه الامر كله ردود فالمنتدى و ان شاء الله فالواقع شي ثاني

تقبلي رأيي
&شهد&
28-03-2009, 12:46 AM
صدقتي والله :weeping:

اكثر شيء قهرني في الموضوع الطنازه والردود الغريبة الواحد ياقول خير او يسكت :)

مشكلة بعض الناس ياحبها حق الطنازة :rolleyes2:

عاد تدرون آنا رحت للبنت أتشكرلها بالسلامه ويوم فتحت لها الموضوع في المنتدى انصدممممممممممممت من بعض الردود البايخة...
بس في الاخير الحمدلله اللي الله سلمها وعلى قولتها خلهم اللي يشككون الله لايراويهم ولا كان بيحسون عدل ......
وفي الاخير احنا هدفنا تحذير الناس بس....
&شهد&
28-03-2009, 12:50 AM
لا تلومينهم هم يمكن مب مصدقين السالفه لأنهم ماشافوا اللي صار و طبعا انا ما اكذب صاحبة الموضوع هي محشومه ... وصدقيني اذا شافوا هالشي يصير قدامهم بيفزعون لها ترا احنا في قطر و كلنا نقوم ببعض و كل واحد قلبه على الثاني و هالشي الحمدلله معروفين فيه هل قطر اما الاوربيين و الاجانب هاذيل كل واحد فيهم يفكر في نفسه يعني لو انه يشوف اخوه ينذبح بيخاف و بيشرد عشان هو مايموت ... فالنهايه الامر كله ردود فالمنتدى و ان شاء الله فالواقع شي ثاني

تقبلي رأيي

هل كثر القصة خيالية عشان ماتتصدق؟؟
ليش احنا في المدينه الفاضله؟؟؟؟
ولا بلادنا خاااااااااااااالية من الاجانب وكلابهم؟؟؟؟؟؟؟؟؟؟
ولا ماعندنا مجمعات سكنيه الله يعلم شنو يصير فيها ملااااااااصقة للعوايل القطرية؟؟؟؟؟وكلابهم ليحين مش متعودين على مناظرنا ولبسنا ياحرام؟؟؟؟

خلونا منطقيين ....وديروا بالكم على اعماركم وعلى عيالكم قبل كل شي...
اليوم كلاب تتهجم عل حريمنا...باجر الله يستر من بيتهجم عليهم!!!
استغفرالله
28-03-2009, 12:58 AM
الحمد لله على سلامتها

بس في شي لازم يتوضح: وهو اشمعنا الجلب اختار هالاقطرية

جواب : الكلب يشم ريحة اللي يخاف منه


وصارتلنا سالفة مشابهة من زمان يوم كنا في بلاد اجنبية نتمشى في حديقة عودة

الكلب هد كل الناس -كانو واجد- وهجم علينا بس احنا من بعيد

ليش

لان احنا مب بالعين الكلب ومب متعودين على الكلاب ونياستهم
&شهد&
28-03-2009, 01:07 AM
الحمد لله على سلامتها

بس في شي لازم يتوضح: وهو اشمعنا الجلب اختار هالاقطرية

جواب : الكلب يشم ريحة اللي يخاف منه


وصارتلنا سالفة مشابهة من زمان يوم كنا في بلاد اجنبية نتمشى في حديقة عودة

الكلب هد كل الناس -كانو واجد- وهجم علينا بس احنا من بعيد

ليش

لان احنا مب بالعين الكلب ومب متعودين على الكلاب ونياستهم

لا والله هي أصلاً ماشافته الا هو هاد عليها....مادري ليش هي بالذات
مع ان في وحدة قطريه ثانيه كانت واقفة جنبها...
مادري ليش؟؟
ولا هي تدري ليش؟؟
قدر الله وماشاء فعل
بس صراحة راوتني عبايتها...مأسااااااة...والله تعور القلب....ماأتخيل الموقف
GAS
28-03-2009, 01:16 AM
على حسب معلوماتي اللي اتطلعت عليها من فتره بهذا الخصوص

ان القانون ينص على الغرامه الف ريال فقط

لي مالك الكلب الذي ما اربطه وتسبب في اذية الاخرين

هذا اللي اعرفه والله اعلم
&شهد&
28-03-2009, 01:42 AM
على حسب معلوماتي اللي اتطلعت عليها من فتره بهذا الخصوص

ان القانون ينص على الغرامه الف ريال فقط

لي مالك الكلب الذي ما اربطه وتسبب في اذية الاخرين

هذا اللي اعرفه والله اعلم

المشكلة ليحين مااعرفوا من صاحب الكلب!!