المساعد الشخصي الرقمي

مشاهدة النسخة كاملة : ابي اخلي المستند للقراءه فقط ( Read Only) في الوورد


BURBERRY
23-03-2009, 04:38 PM
السلام عليكم

عندي ميكروسوفت وورد 2007 و حاب اخلي الدوكمنت (المستند) إلى للقراءه فقط ( Read Only) بس ماعرف الطريقه ياريت الي يعرف يعلمي ...

و هل فيه طريقه اعرف ان الي كاتب المستند مسوي كوبي من النت و بيست في الوورد .. سمعت عن هالحركه لكن ابي اعرف الطريقه الله لايهينكم
sad-o-bas
23-03-2009, 04:57 PM
السلام عليكم..

إخوي عندي 2003 ومادري عن 2007 بس جرب منت بخسران..

عشان تخليه Read Only، رايت كلك على الملف قبل لاتفتحه واختار Attributes اختار من الجك بوكس الRead only..

في كمبيوتر الدوام يعطي هالخاصية من المنيو الرئيسية وأعتقد إن هالخاصية مش مجانية.. س ياريت الأعضاء الباقيين يصححون إذا غلط..

بالنسبة للكوبي بيست، أمره بسيط.. إختار Key sentence من الفقرة الي تبي تشيكها، بحيث إن هالجملة متأكدة بنسبة كبيرة إنها مش كتابة الي جاك المقال من صوبه، المهم حط هالجملة بين دبل كوتيشنس "KEY SENTENCE" وجوجلها!

وبتطلع لك الفقرات بالظبط.. هاي إذا كانت كوبي بيست من النت..

تحياتي
qatar lady
25-03-2009, 02:37 PM
اخوي انا ماعندي فكرة عالطريقة ... بس جربت وهاي الي طلع لي :

تفتح ملف الوورد الي انت كاتبه او الي تبيه..
تروح من القايمة فوق وتختار : مراجعه
من ضمن خيارات المراجعه بتلاقي حماية المستند..اختاره
على جنب بتطلع لك قايمة فيها مجموعه خيارات :
حط علامة صح على : قيود على التحرير
وبعدين اختار : بلا تغييرات للقراءة فقط

وعقب : نعم ابدأ بفرض الحماية


وبيطلعلك بوكس عشان تكتب فيه الباسوورد .. وبتكتبه مرتين..سو له حفظ وصكره ..

وخلاص انتهى الموضوع.. جرب تفتحه ثاني ومابتقدر تضيف عليه اي حرف..
الا اذا رجعت على نفس النقاط السابقة: مراجعة: حماية المستند : بتلاقي على جنب نفس القايمة مالت مساعه بس تحت مكتوب ايقاف الحماية.. حط عليه صح.. وبيرجع الملف بدون حماية.. وسو له حفظ ..

بس ترى اذا نسيت الباسوورد .. مستحيل تفتحه ثاني مرة؟ <<< يعني ماعرف اذا فيه طريقة ؟

انشالله اكون افدتك؟ لان هاي توي مكتشفته خخخ ما دري اذا عدل او لا الا لما جربته بروحي؟