المساعد الشخصي الرقمي

مشاهدة النسخة كاملة : من يعرف انواع الكناري في سوق واقف او اي طير مغرد


القطرية1
23-03-2009, 06:57 PM
السلام عليكم ورحمة الله وبركاته
ابي طير يغرد احطه في صالته البيت
على حسب معلوماتي افضل صوت هم صوت الكناري
فهل معلومتي صح
الشي الثاني للي زار سوق الطيور في سوق واقف
اي انواع الكناري موجود .. وبكم اسعاره اذا تعرفون
شكرا لمساعدتكم
qatar2929
23-03-2009, 07:24 PM
السلام عليكم ورحمة الله وبركاته
ابي طير يغرد احطه في صالته البيت
على حسب معلوماتي افضل صوت هم صوت الكناري
فهل معلومتي صح
الشي الثاني للي زار سوق الطيور في سوق واقف
اي انواع الكناري موجود .. وبكم اسعاره اذا تعرفون
شكرا لمساعدتكم

أختى في الكناري الهولندي وسعره من 350 الى 500 تقريباً على حسب جودتة
الكناري الهولندي شكل بس

وفي الكناري الايراني ويبداء من 550 ويوصل سعره قريب ال 1000 ريال

الكناري الايراني تغريد عجيب


وبالتوفيق
الخير كله
23-03-2009, 08:47 PM
نصيحه لااتشترين الصيف جاي وختى بالمكيف نفسية الكناري تتغير...
افضل وقت للشراء شهر 11
لان الكناري حساس
عالم المحيطات
23-03-2009, 10:18 PM
السلام عليكم ورحمة الله وبركاته
ابي طير يغرد احطه في صالته البيت
على حسب معلوماتي افضل صوت هم صوت الكناري
فهل معلومتي صح
الشي الثاني للي زار سوق الطيور في سوق واقف
اي انواع الكناري موجود .. وبكم اسعاره اذا تعرفون
شكرا لمساعدتكم

مرحبا...

اختي انا خذت لي جولة الاسبوع الي طاف في سوق واقف قسم الطيور.. سويت نفسي غشيم وماعرف الاسعاروقعدت الف من محل لين محل والله الاسعار نار مع انه الجو بدا يصير حار كل بنغالي يقولي سعر فوق وكل انواع الكناري من هولندا تقريبا الي لقيتهم واسعارهم من 350 الى 800 وتوصل الف على حسب الفصيله والون بعد... اسعارهم نااااااار

انا اختي بما اني اداوم في مركز ابوسمره اشوف الناس تجيبهم من الحسا واسألهم بك ماخذينهم يقولون من 170 ريال الى 270 ريال بس المشكله الجمارك يحولونهم قسم البيئه في المركز والسبب انهم ماخذو ورقة موافقه من البيئه الي عندنا في قطر وقسم البيئه يعدمهم بأبره سامه في نفس الوقت واذا حاولو يساعدونه يحولون الطيور الدوحه علشان يشوف له واسطه وياخذهم...

الاستنتاج انه اي واحد يبي يشتري له طير من الخليج عن طريق البر لازم ياخذ موافقه من البيئه الي في الدوحه علشان يرويها الجمارك في ابوسمره وهو راجع....

نكمل الموضوع ..

وفي سوق واقف عجبني ببغاء الكوكتيل.. وكان يركب على اليد ومايعض اليف ومدرب وصوته وتغريده حلو قريت عنه انه لو حطيتوه جنب الكاسكو ممكن يتكلم شوي...

هاذي صورته..

http://file12.9q9q.net/img/79193641/get-11-2008-osulsbvk.jpg (http://file12.9q9q.net/preview/79193641/get-11-2008-osulsbvk.jpg.html)

وشريته بسعر حلو ب 220 ريال بس..

كان سعره الغير متدرب ب 1000 ريال قبل سنه...


واسمحولي على الاطاله واي ستفسار انا بالخدمه

اخوكم

vip-99
ابن قطر
24-03-2009, 01:37 AM
اختي عليج بالكناري الصيني

روعععععععععععععععععععععععه
عاشق الشهادة
24-03-2009, 01:42 AM
الكناري السوري وبعده الكناري الايراني والخيار لكم
عاشق الشهادة
24-03-2009, 01:52 AM
مرحبا...

اختي انا خذت لي جولة الاسبوع الي طاف في سوق واقف قسم الطيور.. سويت نفسي غشيم وماعرف الاسعاروقعدت الف من محل لين محل والله الاسعار نار مع انه الجو بدا يصير حار كل بنغالي يقولي سعر فوق وكل انواع الكناري من هولندا تقريبا الي لقيتهم واسعارهم من 350 الى 800 وتوصل الف على حسب الفصيله والون بعد... اسعارهم نااااااار

انا اختي بما اني اداوم في مركز ابوسمره اشوف الناس تجيبهم من الحسا واسألهم بك ماخذينهم يقولون من 170 ريال الى 270 ريال بس المشكله الجمارك يحولونهم قسم البيئه في المركز والسبب انهم ماخذو ورقة موافقه من البيئه الي عندنا في قطر وقسم البيئه يعدمهم بأبره سامه في نفس الوقت واذا حاولو يساعدونه يحولون الطيور الدوحه علشان يشوف له واسطه وياخذهم...

الاستنتاج انه اي واحد يبي يشتري له طير من الخليج عن طريق البر لازم ياخذ موافقه من البيئه الي في الدوحه علشان يرويها الجمارك في ابوسمره وهو راجع....

نكمل الموضوع ..

وفي سوق واقف عجبني ببغاء الكوكتيل.. وكان يركب على اليد ومايعض اليف ومدرب وصوته وتغريده حلو قريت عنه انه لو حطيتوه جنب الكاسكو ممكن يتكلم شوي...

هاذي صورته..

http://file12.9q9q.net/img/79193641/get-11-2008-osulsbvk.jpg (http://file12.9q9q.net/preview/79193641/get-11-2008-osulsbvk.jpg.html)

وشريته بسعر حلو ب 220 ريال بس..

كان سعره الغير متدرب ب 1000 ريال قبل سنه...


واسمحولي على الاطاله واي ستفسار انا بالخدمه

اخوكم

vip-99





مافي طير انعدم ولاشي كل الطيور تتحول الى الحجر الصحي وبعد يومين من الفحوصات واذا النتيجه ان الطائر او الحيوان سليم يسلمونه الى حديقه الحيوان ,
ويكون بعلمك في طيور وحيونات لي اشخاص يعتبرون من الدرجه الاولى الى ابومشعل موجودين بالحديقه والله يطول بعمر ابو مشعل مايعرف درجه اولى او اي شخص واتحدى اي شخص يقول انه طلع حيوان بعد ما استلموه من عنده الجمارك ...
المشط
24-03-2009, 02:27 AM
الاستنتاج انه اي واحد يبي يشتري له طير من الخليج عن طريق البر لازم ياخذ موافقه من البيئه الي في الدوحه علشان يرويها الجمارك في ابوسمره وهو راجع....


vip-99

اخوي متاكد ان لازم اورقه

انا اعرف شخص اول امس جايب من الحساء كاسكو مدرب ويتكلم بالف ريال .. ودخل عادي من الجمارك ولا احد قال له شي
هذلان
24-03-2009, 04:16 AM
السلام عليكم ورحمة الله و بركاتة


بالنسبه للكناري لي خبره متواضعه فيهم.

اذا كنتي تبين تغريد .. قدامج واحد من اثنين .. يا كناري يا طير ثاني اسمه حسون كلهم يغردون و الكناري متوفر والحسون نادر لكن تغريده حلو و احلى من الكناري.
نشوف المتوفر .. الي هو الكناري .. بدرجه الاولى الكناري الايراني هو الافضل ويصدر 19 نغمه مختلفه على حسب التدريب واحيانا يطلع صوتين بنفس الوقت (لحد يسئلني شلون) :) .
كيف تعرفين الكناري الايراني من غيره .. الايراني يكون اطول و يكون خفيف في حركته ,, رشيق جدا في القفز داخل القفص و رجيله طويله شوي و اذا وقف تلقين الارجل مفرقه عن بعض شوي .. عموما نادر جدا تلقين الايراني و اصحاب المحلات الله يهدي بعظهم مستعد يحلف ان الكناري ايراني و هو ماشاف ايران ولا يدريبها .. يكون سوري ولا هولندي

ملاحظه1: اذا الله وفق وشريتي كناري طبعا اشتري ذكر لانه الانثى ماتغرد ابد ابد
ملاحظه2: لو شريتي كناري و ظمنولج انه يغرد و جبتيه البيت و ماغرد هذا امر طبيعي لانه يكون متغير عليه البيت و الناس فا يوقف عن التغريد ايام.
ملاحظه3: فيه وقت من السنه الطير يغير ريشه في هذي الفتره يوقف عن التغريد ويفضل تحطين له نص بيضه مفيوحة (تعويض بروتين).
ملاحظة4: اذا تبينه يغرد اخلطيله مع الماي شوي عسل طبيعي و حطيله جرجير.
ملاحظة5: اذا تبينه يفتل في التغريد و يستعرظ حنجرته لاتجيبين له نثيا و اذا تبينه يستخف من التغريد .. اشتري نثيا و حطيها في قفص ثاني وخليه يشوفها من بعيد هههههههه راح تاذين الجيران من التغريد.

انا عندي كناري ايراني ما شالله شكله حلو جدا بدور له صوره ان شالله و بحطها 1000 لااله الا الله احيانا تغريده يصحيني من النوم وخصوصا يوم ماتت النثيا جنني عندي فرخ كاسكو توه يتعلم .. الكاسكو صار يقلد تغريد الكناري .. طبعا النتيجه هي نتيجه الغراب الي يبي يقلد مشيت الحمامه و ضيع مشيته ولا ظبط مشية الحمامه .
hxamad
24-03-2009, 07:38 AM
بالتوفيق
OTOsan
24-03-2009, 09:21 AM
شكرا لمن ساهم في الافادة للسائل .. فقد استفدت انا كذلك :)
سمو
24-03-2009, 09:31 AM
احنا شرينا الكوكتيل

يبغي له تدريب لكنه مززززززعج

ذكي جدا لكن صوته عالي وسنداره
قناص قطر
24-03-2009, 09:48 AM
السلام عليكم

اختي اخذي الكناري السوري او الايراني

وخذي الخطه العدله

عطيه جرجير تغريد عجيب ما شاء الله

الجرجير اخليه يغرد تغريد

وجربي وعطيني الاخبار
هداف
24-03-2009, 02:17 PM
صوت ام سالم في الريضان اول الصباح وحزة عصير احلا من مليون كناري ,,, ياليت نقدر نربيها في البيوت
الزاجل
24-03-2009, 02:26 PM
شكرا لمن ساهم في الافادة للسائل .. فقد استفدت انا كذلك :)

بالفعل شكرا لهم
سبحان الذي علم الانسان مالم يعلم ..
معلومات مفيدة و ممتعة ..
OTOsan
24-03-2009, 02:28 PM
بالفعل شكرا لهم
سبحان الذي علم الانسان مالم يعلم ..
معلومات مفيدة و ممتعة ..

روهم عصفور الحب مالك :)

نسيته ؟!
الزاجل
24-03-2009, 02:38 PM
روهم عصفور الحب مالك :)

نسيته ؟!
ودي تيجي انساه
ان ضاع الرابط احوس في منتدى قدييييييييم اطلعه من هناك ..
:shy:

للاستماع الى صوت عصفور حبنا صاحب الصوت الشجي
فضلا اضغط على الرابط التالي ..
http://www.flashgames247.com/play/372.html
القطرية1
24-03-2009, 05:18 PM
السلام عليكم ورحمة الله و بركاتة
ملاحظه3: فيه وقت من السنه الطير يغير ريشه في هذي الفتره يوقف عن التغريد ويفضل تحطين له نص بيضه مفيوحة (تعويض بروتين).
ملاحظة4: اذا تبينه يغرد اخلطيله مع الماي شوي عسل طبيعي و حطيله جرجير.
.

شكراللمعلومات القيمة
هل تختلف هذه الفترة من كناري لاخر
والبيضة اعطيه كل يوم نص بيضة والا مره وحدة ولا كل اسبوع
هل احطله جرجير ورق
يعني هو ياكل اوراق اللي اخبره حبوب وبس

سوري على الاسألة بس خبرتي فيهم ضعيفة

الشي الاخير من وين شريتي الكناري اللي عندج .. وماعندج حد يبي يبيع

شكرا مرة ثانية
قناص قطر
24-03-2009, 09:51 PM
شكراللمعلومات القيمة
هل تختلف هذه الفترة من كناري لاخر
والبيضة اعطيه كل يوم نص بيضة والا مره وحدة ولا كل اسبوع
هل احطله جرجير ورق
يعني هو ياكل اوراق اللي اخبره حبوب وبس

سوري على الاسألة بس خبرتي فيهم ضعيفة

الشي الاخير من وين شريتي الكناري اللي عندج .. وماعندج حد يبي يبيع

شكرا مرة ثانية

الشيخه بخصوص الجرجير بس الورق قطع صغيره لا تكثرين 3 الى 4 اوراق فقط

3 مرات بالاسبوع

عادي الكناري ياكل حتى التفاح بس قطع صغيره
هذلان
25-03-2009, 12:34 AM
السلام عليكم.. الشباب جاوبو على الاسئله.
في البدايه انا M not F

الكناري ياكل شي بسيط من البيضه .. خليها ساعه ولا ساعتين و شيليها لانها تتعفن.
الجرجير غصن يكون فيه كم ورقه . و الطيور تاكل اي شي خس تفاح عنب وغيره.
بالنسبه للريش .. تلقين في القصف تحت كم ريشه في فصل الصيف لكن متى بالظبط ما ادري (كل الطيور في الصيف تغيير ريشها)
الكناري شريته من صديق محترف تربيه طيور .. تلقين في المحلات كلها تقريبا