العقار في نزول فلا تستعجل بالشراء ؟

[سوق واقف]

السلام عليكم ورحمة الله وبركاته
أخواني أخواتي الأعزاء ...أرجع إليكم في قسم النقاش الإقتصادي بعد فترة غياب ...وأحببت أن أنوه لكم كما قلت سابقا العقار في نزول قوي هذي الأيام ولا تستعجلوا بالشراء ..سوف تشترون وبأسعاركم إن شاء الله ... والي يقول غير هذا الكلام يجي معاي يوم واحد بعض المناطق الخارجية وراح تشوفون العجب...

فقط حبيت أقولكم كلمة لا تشترون الحين أصبروا (( دعوها لهم وخلوها فاضية )) بنشوف لين متى راح يصبرون الملاك الفلل خالية _ العمارات خالية - البيوت الشعبية خالية - الى متى ..

الى متى أقول أصبروا عليهم وراح تشترون بأسعاركم وبأقل من مليون يعني عقب كم شهر أنسوا سالفة الملايين خلاص ...

أدري الكل راح يدخل ويتشمت بس تعودت عليكم فديتكم ... والي مشى ورى بعض الناس راح في داهية أهو وعقاره ,,,

الصبر الصبر الصبر كم شهر بس وراح تلاقون العقار في هبوط وراح ترجع الأسعار الحقيقية مثل قبل إن شاء الله ....

وربي يوفقكم كلكم

[La Bella]

أن شاالله والكل يشترى بنص مليوون

[سوق واقف]

أن شاالله والكل يشترى بنص مليوون

إن شاء الله

[jorri]

اخوي سوق واقف يعني 800 الف بتجيب لي فيلا دورين / 450 م_500 م / في شهر 8 _ الله يسمع منك انشاألله ..

[غلا قطر]

الله يسمع منك اخوي

والله ودنا هالشي يصير

[شقران2]

والله وبدون دين ان هذي القصه حصلت معاي

فيه بيت قرب بيت اخوي مساحته تقريبا 650 م

من كم شهر ايام الغلا الله لا يعودها سايمين البيت ب 3مليون 500الف ورفض وكان طالب 3 مليون 800الف
والبيت كان عظم واكرر عظم

والليله مكلمينه والبيت مشطب كامل وواصل الكهرب والماي وطالب 2مليون و600الف

لكن خله فاضي بعد كم شهر الحمدلله كان مليون بافكر اشتريه

[ولدالدوحه]

الله كريم ان شاء الله

[المشط]

من شهر اعرف شخص اشتري فلتين على ارض وحده في عين خالد مساحه كل فله 550 ... بــــــــــــ 2 مليون وعمر البناء سنه

[وحش قطر]

كلامك مقبول

لكن اذا فتحوا تمويل البنوك ايش اللي بيصير

[قناصه]

اخوي اتمنى يتحقق كلامك ...

وانا بقولك بعد شي ..صار معاي ...

فيلا جنب بيت هلي ...

650 م من شهرين معروضه ب 4 مليون ... واليوم يبيها ب 2 مليون و800 واحنا بعد صابرين ... ان شالله نقدر ناخذها بسعرنا ..

والله كريم

[ولدالمنتدي]

الله يسمع منك اخوي

[عابرة سبيل]

الله يسمع منك اخوي

نازل نازل

[قناص الاسهم]

واحد من الاهل شاري فلتين في الخور .. تشطيب ولا أحلى بمليون ونص :)

[ولدالدوحه]

كلامك مقبول

لكن اذا فتحوا تمويل البنوك ايش اللي بيصير

الله يسلمك و متى اتسكر التمويل لجل يفتحوه
كل البنوك تمول لشراء العقار بس لازم دفعة اولى 35 % من قيمة العقار :shy:

[داااايم السيف]

الله يسمع منك اخوي واتمنى ينزل العقار لاسعاره الطبيعيه اللي كنا خابرينها ايام التسعينات

[بابا الضحية]

الله يسمع منك اخوي واتمنى ينزل العقار لاسعاره الطبيعيه اللي كنا خابرينها ايام التسعينات

ان شاءالله :nice:

[برق قطر]

كلامك صحيح وواقع ماحد يقدر يخالف هالكلام...

[غـيـد]

وفيـ شهر 7 بينزلـ وبقوهـ

ويعطيكـ العافيهــ اخويـ

[burbury]

هذا الكلام سمعته أيضا من واحد كبير بالعقار ..

قال لي أنطري على الاقل لين شهر 5 ..

وهذا احنا صابرين .. وربي كريم ..

[nooora]

الله يوفقكم جميعا

[سوق واقف]

فيلا في الخور 400 متر خلف أكاديمية القادة (( مليون ريال ))

[القلم الصريح]

زين ..وفوق الزين
عيل الفلل اللي في الهلال 450 متر مربع ..على كم وصلت اسعارها.؟

[وحش قطر]

الله يسلمك و متى اتسكر التمويل لجل يفتحوه
كل البنوك تمول لشراء العقار بس لازم دفعة اولى 35 % من قيمة العقار :shy:

بنك الدوحة الاسلامي مسكر

المصرف مسكر

بنك الريان يسمح بس يبي دفعة

[عنيــــد]

اصبروا لين شهر 6 و بتشوفون العجب ..

و قولوا عنيد ما قال

[سيزن]

ما كان ارتفاع العقار معقول ....ابداً

وتوووووو الناس العقار >>>>> رايح قوع ... كل يوم في نزول .

[بوحارب]

الصراحة العقارات اوصلت لأسعار محد كان يتوقعها

يكفي انه منطقة ازغوى صار سعر الفوت فيها 145 من 400 ريال


الله يعطيك العافية بوواقف

[الجاهلي]

دام كثر الكلام عن ان هنالك هبوط قادم في العقار , اعتقد قاربنا من استقرار الاسعار العقار او المعاوده للصعود عما قريب وكذلك نتيجه توقف الاخبار السلبيه عن الازمه و تحسن البورصات

[بابا الضحية]

الحين العقار بينزل بعد قرار مستشفى حمد باستخدام القريه !!!

[النور]

الله كريم يرجع كل شي مثل قبل ونستقر أحوال الناس
يعطيكم العافية

[بوشيخة]

الله يسمع منكم وينزل سعر العقار

ويعطيك العافية اخوي سوق واقف

[بوراكان27]

الله يسمع منك انشالله وطبعا الكل ملاحظ نزول العقار هالايام بس بعد المفروض ينزل اكثر من جذي بوايد ومشكووور اخوي على الموضوع

[لقمان]

الله يسمع منكم وينزل سعر العقار

[msd313]

اليوم اشوف اعلان في الوسيط عن اراضي في الشمال ب 40 الفوت
وننتظر النزول اكثر سواء لاسعار الاراضي او لمواد البناء
والله يعين اللي تعلقوا في الغالي

[hard to get]

اليوم اشوف اعلان في الوسيط عن اراضي في الشمال ب 40 الفوت
وننتظر النزول اكثر سواء لاسعار الاراضي او لمواد البناء
والله يعين اللي تعلقوا في الغالي

40 ريال للفوت في الشمال وايد
انا انعرضت علي من فتره ب 30
وعلى حد علمي تم بيع ارض ب 25 ريال للفوت

اعتقد فقاعة الرهن العقاري في قطر على وشك الانفجار
اشوف اعلانات المحاكم في الجرايد زادت هاليومين واغلبها قضايا مرفوعة من البنوك

اندماج شركة بروه والعقارية وسمعت ان ايضا شركة ثالثه بتنضم لهم
يدل على ضعف السوق العقاري

انهاء خدمات موظفبين من بعض شركات الاستثمار العقاري يدل على عمق الازمة
تجميد بعض المشاريع العقارية الضخمه يدل على انتهاء عصر العقار الذهبي
وجود كمية كبيرة من الفلل والشقق المهجورة والمغبرة والمنتشرة في ارجاء الدوحه وضواحيها
يدل على نزول اكبر في قيمة الايجار
ومن ثم يتبعه سعر العقار

حالة الركود الاقتصادي والتي ضربت جميع القطاعات بلا استثناء
تدل على انخفاض حاد ان شاءالله

نقول , الصبر ثم الصبر ثم الصبر

[عنابي 2010]

يالله يارب يطيح العقار وترد اسعار التسعينات بس علشان كل مواطن حرم من قانون الاسكان قرض بدون ارض يعدها يشتري بيت العمر .

[msd313]

40 ريال للفوت في الشمال وايد
انا انعرضت علي من فتره ب 30
وعلى حد علمي تم بيع ارض ب 25 ريال للفوت

اعتقد فقاعة الرهن العقاري في قطر على وشك الانفجار
اشوف اعلانات المحاكم في الجرايد زادت هاليومين واغلبها قضايا مرفوعة من البنوك

اندماج شركة بروه والعقارية وسمعت ان ايضا شركة ثالثه بتنضم لهم
يدل على ضعف السوق العقاري

انهاء خدمات موظفبين من بعض شركات الاستثمار العقاري يدل على عمق الازمة
تجميد بعض المشاريع العقارية الضخمه يدل على انتهاء عصر العقار الذهبي
وجود كمية كبيرة من الفلل والشقق المهجورة والمغبرة والمنتشرة في ارجاء الدوحه وضواحيها
يدل على نزول اكبر في قيمة الايجار
ومن ثم يتبعه سعر العقار

حالة الركود الاقتصادي والتي ضربت جميع القطاعات بلا استثناء
تدل على انخفاض حاد ان شاءالله

نقول , الصبر ثم الصبر ثم الصبر

الله يبشرك بالخير
وننتظر ان شالله الوقت اللي نشوف فيه اسعار الفوت على 9 و 8 ريال

[ahmeds]

السلام عليكم ورحمة الله وبركاته
أخواني أخواتي الأعزاء ...أرجع إليكم في قسم النقاش الإقتصادي بعد فترة غياب ...وأحببت أن أنوه لكم كما قلت سابقا العقار في نزول قوي هذي الأيام ولا تستعجلوا بالشراء ..سوف تشترون وبأسعاركم إن شاء الله ... والي يقول غير هذا الكلام يجي معاي يوم واحد بعض المناطق الخارجية وراح تشوفون العجب...

فقط حبيت أقولكم كلمة لا تشترون الحين أصبروا (( دعوها لهم وخلوها فاضية )) بنشوف لين متى راح يصبرون الملاك الفلل خالية _ العمارات خالية - البيوت الشعبية خالية - الى متى ..

الى متى أقول أصبروا عليهم وراح تشترون بأسعاركم وبأقل من مليون يعني عقب كم شهر أنسوا سالفة الملايين خلاص ...

أدري الكل راح يدخل ويتشمت بس تعودت عليكم فديتكم ... والي مشى ورى بعض الناس راح في داهية أهو وعقاره ,,,

الصبر الصبر الصبر كم شهر بس وراح تلاقون العقار في هبوط وراح ترجع الأسعار الحقيقية مثل قبل إن شاء الله ....

وربي يوفقكم كلكم

صادق.

[وجهة نظر]

حيا الله سوق واقف
وينك ما عد تسير علينا في قسم التحليل الفني
عموما بالنسبة للعقار هذه رؤيتي من ناحية تحليل فني ودورة زمنية وضعتها على هذا الرابط بتاريخ 11/10/ 2008 ، وذكرت بهذا النص ( العقار والحديد سينزل لا محالة ، وسينزف لين يقول بس وباذكركم بعدين ) مشاركة رقم 105 ، ومشاركة رقم 122 وشوف كم نزلت الأسعار بعدها
وأعيد وأذكر بأن الضربة القاضية لم تحن بعد وأن الوقت الآن للصعود وقت الأسهم ، والضربة القاضية للعقار وسجلوها على وجهة نظر
http://www.qatarshares.com/vb/showthread.php?t=204826&highlight=%E6%CC%E5%C9+%E4%D9%D1&page=3
تحياتي لك ( الإسلامية تسلم عليك ) ههههههههه

[msd313]

ننتظر النزول اكثر والله كريم

[قناص الاسهم]

السلام عليكم ورحمة الله وبركاته ..
اليوم بعد صلاة العصر .. كان عندي مشوار لمدينة الخور .. وشفت العجب العجاب .. فعلا هذا اقل وصف اقدر اقوله في الي شفته .. انه العجب العجاب .

فلل بالعشرات ان لم تكن بالمئات .. ومنها من تشطيبه تجاري أي كلام .. ومنها من تشطيبها سوبر ديلوكس .. وكلهم معروضين إما للبيع أو للأيجار .. والصدمة عندما اتصلت بأحد المكاتب المسؤوله عن بيع بعض الفلل ..

انا : السلام عليكم
راعي المكتب : عليكم السلام
انا : ياخوي انتوا عارضين فلل في الخور للايجار وللبيع .. حبيت اعرف الاسعار من فضلك !
راعي المكتب : يا هلا ويا مسهلا .. شرفني اتصالك اخوي .. العشى مستوي عندي الليله .. من زماااااان ما سمعت حد يسألني هالسؤال يالغالي ( شوي ويصيح ) :weeping: ( اتغشمر طبعا )
قال لي: الفيلا الي مساحتها 550 متر مربع وفيها 7 غرف نوم وملاحقها الداخلية والخارجية معروضة للايجار بـ 7000 ريال .. وجديدة ولم يسكنها أحد بعد .
والفيلا المعروضه للبيع وبنفس المساحه او أقل قليلا معروضه للبيع بمليون و100 الف ريال ( وقابل )
انا : ياخي ما تلاحظ الاسعار نزلت عن اول ؟؟ ليش هالنزول ؟
راعي المكتب : بيني وبينك .. لو تستنى كمان 4 شهور بتنزل زيادة .. بس لا تقول لاحد .

الخلاصة :
الي يفكر يشتري بيت .. او ارض .. او اي عقار آخر اقول له :
لا تستعجل .. انتظر حتى نهاية شهر 8 او 9 .. وبتلاقي سعر افضل بكثير من الوقت الحالي .. وبأنتظارك بتكون ضربت 3 خرفان بحجر واحد .

الخروف الاول : الاسعار بتنزل أكثر وأكثر وبتلاقي الي تبيه وبالمواصفات الي ترضيك بسعر اقل طبعا .
الخروف الثاني : بيكون عدد العقارات المعروضه ضعف العدد الحالي .. وذلك بسبب مطالبة البنوك اصحاب المجمعات والعقارات الكبير بتسديد المبالغ الي عليهم وبالتالي بيكون العرض اكثر واكبر .. وخصوصا الايجار .. وبتلاقي صاحب العقار يوفر لك كل المستلزمات المطلوبة .. بس دخيل الله تعال أجر من عنده وطلعه من الورطه الي هو فيها .. بيفور لك : انترنت .. تلفون .. مكيفات .. ستائر .. موكيت .. الخ الخ الخ .. ولا تستبعد يقول لك الخدامة علي بعد :eek5:
الخروف الاخير ( وهذا من النوع الهرفي ) : راح تخلي سيولتك في ازدياد من الان وحتى شهر 9 او 10 واذا كنت من ملاك الاسهم في السوق .. راح تستفيد من موجة الارتفاعات الحاصلة الان في كل الاسواق .. وبتقدر تبيع بسعر افضل من سعر اليوم .. وتخفف على نفسك المبلغ الاجمالي الي بتدفعه من جيبك الخاص .

اخواني .. خواتي .. الي يفكر فيكم ببيت العمر .. والي يفكر منكم بشراء بيت يسكنه ويحر عليه اخر الشهر من غير ما يدفع ريال واحد ايجار .. والي يفكر منكم يكشخ ويزين بيت يكون ملكه وما يكون ملك للغير .. خل يكون شعاره الموجه للعقارات الان :


خلوها فاضية
وسلامتكم
:)

[بوجبر]

تسلم اخوي قناص على هذه الاخبار

ومبروك عليك اللقب:)

[ولد النواخذه]

الانخفاض عالمي والازمه ماخلت أحد في حال وقطر غير مستثناه وبشوية صبر الامور بتكون ممتازة للجميع بأذن الله

[عتيج الصوف]

دراسة: تراجع مبيعات الوحدات السكنية في قطر بشكل حاد بسبب إحجام البنوك القطرية عن تقديم قروض شراء الوحدات السكنية الجديدة.. وأسعار الإيجارات تحافظ على استقرارها
أرقام 22/04/2009
قالت دراسة صادرة مؤخراً إن حجم مبيعات الوحدات السكنية تراجع بشكل حاد في قطر مع عدم استعداد البنوك القطرية في تقديم التمويل لشراء الوحدات السكنية الجديدة.

وأضافت الدراسة الصادرة عن مؤسسة "كوليرز إنترناشنال" (Colliers International)، حسبما أوردت نشرة "ميد"، أنه رغم تراجع المبيعات في الوحدات السكنية الجديدة إلا أن أسعار إيجار الفلل والشقق حافظت على استقرارها عكس ما هو حاصل في بقية البلدان الخليجية.

ومع ذلك أشارت الدراسة إلى أن تنامي عرض الوحدات السكنية قد يفرض مزيدا من الضغوط على المبيعات وعلى أسعار الإيجارات على حد سواء في المستقبل مضيفة أنه من المتوقع أن تشهد العاصمة القطرية استكمال 9 آلاف وحدة سكنية بنهاية عام 2010.

وكانت دراسة مماثلة من مؤسسة "كوليرز" أشارت مؤخرا إلى أن أسعار الوحدات العقارية في دبي قد تراجعت بنسبة تصل إلى 42% في غضون الأشهر الستة الماضية بل مرشحة لمزيد من التراجع مع استكمال تنفيذ وحدات سكنية جديدة.





http://www.argaam.com/Portal/Content/ArticleDetail.aspx?articleid=104183

[ولدالدوحه]

السلام عليكم

هل الوقت مناسب الان للشراء او الانتظار

[الغالي غالي]

اعتقد ان الاسعار الحالية .........هي الاسعار الحقيقية لاسعار العقارات ولو بنزول طفيف او طلوع طفيف

وان الاسعار السابقة ليست حقيقية........؟

حتى العقار في الفترة السابقة لم يسلم من المضاربات

[Trader QTR]

بالعكس موسم جيد للشراء

[Orion]

أود أن أدلو بدلوي في هذا الموضوع, فعلاً كان هناك وأسباب عالميه وراء أنخفاض العقارات فالعالم أجمع في الفتره السابقه.
لكن الآن تغيرت الأمور وتحولت الأوضاع للأفضل أنشالله فأمريكا نتايجها جداً إيجابيه وبيانات بيع المنازل فأمريكا ممتازه, والبورصه الأمريكيه الي هي سبب الأزمه في أخضرار مستمر, أغلب بيوت المال والتحليل العالميه تتوقع نهايه الأزمه مع الربع الأخير من هذا العام وبدايه تحسن الأقتصاد العالمي أبتداءاً من الربع الأول من 2010.
أعتقد أنه هالمعطيات هي الي يجب أن تحدد وجهه المُستثمرين وراغبين السكن وليس القيل والقال الي شفنا نتايجه الواضحه فالسنين الأخيره.

[Alpinestars]

السلام عليكم ورحمة الله وبركاته ..
اليوم بعد صلاة العصر .. كان عندي مشوار لمدينة الخور .. وشفت العجب العجاب .. فعلا هذا اقل وصف اقدر اقوله في الي شفته .. انه العجب العجاب .

فلل بالعشرات ان لم تكن بالمئات .. ومنها من تشطيبه تجاري أي كلام .. ومنها من تشطيبها سوبر ديلوكس .. وكلهم معروضين إما للبيع أو للأيجار .. والصدمة عندما اتصلت بأحد المكاتب المسؤوله عن بيع بعض الفلل ..

انا : السلام عليكم
راعي المكتب : عليكم السلام
انا : ياخوي انتوا عارضين فلل في الخور للايجار وللبيع .. حبيت اعرف الاسعار من فضلك !
راعي المكتب : يا هلا ويا مسهلا .. شرفني اتصالك اخوي .. العشى مستوي عندي الليله .. من زماااااان ما سمعت حد يسألني هالسؤال يالغالي ( شوي ويصيح ) :weeping: ( اتغشمر طبعا )
قال لي: الفيلا الي مساحتها 550 متر مربع وفيها 7 غرف نوم وملاحقها الداخلية والخارجية معروضة للايجار بـ 7000 ريال .. وجديدة ولم يسكنها أحد بعد .
والفيلا المعروضه للبيع وبنفس المساحه او أقل قليلا معروضه للبيع بمليون و100 الف ريال ( وقابل )
انا : ياخي ما تلاحظ الاسعار نزلت عن اول ؟؟ ليش هالنزول ؟
راعي المكتب : بيني وبينك .. لو تستنى كمان 4 شهور بتنزل زيادة .. بس لا تقول لاحد .

الخلاصة :
الي يفكر يشتري بيت .. او ارض .. او اي عقار آخر اقول له :
لا تستعجل .. انتظر حتى نهاية شهر 8 او 9 .. وبتلاقي سعر افضل بكثير من الوقت الحالي .. وبأنتظارك بتكون ضربت 3 خرفان بحجر واحد .

الخروف الاول : الاسعار بتنزل أكثر وأكثر وبتلاقي الي تبيه وبالمواصفات الي ترضيك بسعر اقل طبعا .
الخروف الثاني : بيكون عدد العقارات المعروضه ضعف العدد الحالي .. وذلك بسبب مطالبة البنوك اصحاب المجمعات والعقارات الكبير بتسديد المبالغ الي عليهم وبالتالي بيكون العرض اكثر واكبر .. وخصوصا الايجار .. وبتلاقي صاحب العقار يوفر لك كل المستلزمات المطلوبة .. بس دخيل الله تعال أجر من عنده وطلعه من الورطه الي هو فيها .. بيفور لك : انترنت .. تلفون .. مكيفات .. ستائر .. موكيت .. الخ الخ الخ .. ولا تستبعد يقول لك الخدامة علي بعد :eek5:
الخروف الاخير ( وهذا من النوع الهرفي ) : راح تخلي سيولتك في ازدياد من الان وحتى شهر 9 او 10 واذا كنت من ملاك الاسهم في السوق .. راح تستفيد من موجة الارتفاعات الحاصلة الان في كل الاسواق .. وبتقدر تبيع بسعر افضل من سعر اليوم .. وتخفف على نفسك المبلغ الاجمالي الي بتدفعه من جيبك الخاص .

اخواني .. خواتي .. الي يفكر فيكم ببيت العمر .. والي يفكر منكم بشراء بيت يسكنه ويحر عليه اخر الشهر من غير ما يدفع ريال واحد ايجار .. والي يفكر منكم يكشخ ويزين بيت يكون ملكه وما يكون ملك للغير .. خل يكون شعاره الموجه للعقارات الان :


خلوها فاضية
وسلامتكم
:)



:nice:

[قطري عصامي]

شباب ممكن حد يحدث لنا الاسعار ؟

[هدوء العاصفة]

الاسعار في تدهور وخذوها من داش عرض .. معليكم من التجار او اي حد يسوي نفسه خبير ويقول الاسعار بترجع ...... الوضع متدهور في داخل الجهات الدولة من شركات وغيرها هذا وراء الكواليس اما امام الكواليس فالكلام ملمع عشان يكون في زباين يشترون من الكعكعة اللي حمضت وصار طعمها مب حلو من بعد ماكان مايبقى منها شي .. وانتوا تدرون الباير كل يوم يبور وكل يوم ينزل سعره غصبا عن البايع ..

بس انتوا شفتوا بايع يقول قدام الزبون انه بضاعتي بايره ومحد يشتريها ؟ والا يمثل ان مافي ستوك والكل يشتري .. عشان مايشرد الزبون ...

[بوحارب]

سمعنا كلام عن ارتداد طفيف والله العالم

داش عرض ممكن توضيح شوي

لأني اشوف الأراضي ارتفعت شوي والطلب زاد عليها؟

[هدوء العاصفة]

سمعنا كلام عن ارتداد طفيف والله العالم

داش عرض ممكن توضيح شوي

لأني اشوف الأراضي ارتفعت شوي والطلب زاد عليها؟

الموضوع مايبغي له توضيحات يا ابوحارب .. ممكن اعرف وين ارتفعت الاراضي؟ الفلوس بححح الناس ماعندها سيولة والدولة قاعدة تراجع مشاريعها الضخمة وبدال ماتتنفذ على سنتين او ثلاث او اربع في اعادة جدولة لها الى خمس وست وسبع سنوات يعني تأجيل لبعض المشاريع وليس توقيف ..

المشاريع اللي بيتم تنفيذها تكفي عشرات الالوف من السكان ان لم يكن مئات الالوف .. روضة الحمام تم فك الحصار عنها وهناك امكانية للحصول على رخص البناء والبدء بالبناء فيها .. هناك انخفاض في النمو الاقتصادي .. هناك دمج للشركات الكبرى ... هناك اضمحلال للشركات الصغيرة .. هناك وهناك .. تبغي زود :omen2:

[بوحارب]

الموضوع مايبغي له توضيحات يا ابوحارب .. ممكن اعرف وين ارتفعت الاراضي؟ الفلوس بححح الناس ماعندها سيولة والدولة قاعدة تراجع مشاريعها الضخمة وبدال ماتتنفذ على سنتين او ثلاث او اربع في اعادة جدولة لها الى خمس وست وسبع سنوات يعني تأجيل لبعض المشاريع وليس توقيف ..

المشاريع اللي بيتم تنفيذها تكفي عشرات الالوف من السكان ان لم يكن مئات الالوف .. روضة الحمام تم فك الحصار عنها وهناك امكانية للحصول على رخص البناء والبدء بالبناء فيها .. هناك انخفاض في النمو الاقتصادي .. هناك دمج للشركات الكبرى ... هناك اضمحلال للشركات الصغيرة .. هناك وهناك .. تبغي زود :omen2:

لا لا يكفي

تسلم على التوضيح :victory:

[حسين بن عاقول]

والله ودي الاراضي تطيح عشان اشتري لي ارض او فله صغيرة بسعر معقول.

لكن والله ساعات افكر بالناس المساكين مثلنا الي تعلقو بأسعار فوق الخيال وقول حراام اتمنى هالامنيه الي فيها ضرر كبير لناس منهم منا وفينا..

عسى الله يجيب الي فيه الخير للكل

[BoFahed]

سمعنا كلام عن ارتداد طفيف والله العالم

داش عرض ممكن توضيح شوي

لأني اشوف الأراضي ارتفعت شوي والطلب زاد عليها؟

صج كلامك اخوي بو حارب فيه اراضي ارتفعت شوي من 10 ريال لين 30 في المناطق الشماليه مثل الخيسه والنعيم وام صلال جنها مضاربات قوية بس رجع السعر الطلب يخف شوي

[براتزية برازيلية]

الله يسمع منك

[عقل الدوحه]

السلام عليكم

بصراحة موضوع وكلام يشرح الصدر

بس الله يجيب الي فيه الخير ان شاء الله

واحنا صابرين لين تنزل الاسعار بشكل معقول

ويعطيكم العافية

[لقمان]

عسى الله يجيب الي فيه الخير للكل

[منتهى الحكمة]

صدقوني أسعار الأراضي كلما لها وترتفع عندي أربع أراضي بعت وحدة منهم محتاجة ومن عرضتها والمكاتب ذبحه عليها كل يوم حد يرفع لي سعر وظليت معاهم لين جاني السعر اللي ابيه من 125 للفوت لين 160 في خلال اسبوع وكاش وفي يوم واحد والحين قاعدين يرفعون السعر عشان أبيع وكل مكتب يغريني بزيادة وكله يقولون لي المشتري بيدفع كاش ومن بكرة في السجل العقاري

[المقاول 1]

الدولار والريال مربوط فيه في النازل والتضخم اعتقد قادم

ستتضح الرؤيه اخر السنه

[هدوء العاصفة]

صدقوني أسعار الأراضي كلما لها وترتفع عندي أربع أراضي بعت وحدة منهم محتاجة ومن عرضتها والمكاتب ذبحه عليها كل يوم حد يرفع لي سعر وظليت معاهم لين جاني السعر اللي ابيه من 125 للفوت لين 160 في خلال اسبوع وكاش وفي يوم واحد والحين قاعدين يرفعون السعر عشان أبيع وكل مكتب يغريني بزيادة وكله يقولون لي المشتري بيدفع كاش ومن بكرة في السجل العقاري

ذبحة !!! هههههههههه ماظن عندي صديق دلال يقول لي احنا نكش ذبان هالايام

وروحي مري على السجل التجاري شوفي شلون اذا في حركة صج والا خرطي

[تميم بن خالد]

اتوقع نزول 30بالمئه

[mubarak2000]

اتوقع نزول 30بالمئه

يعني متة النزول الصيف ماانزلت متة بتنزل

[KHALIFA]

صدقوني أسعار الأراضي كلما لها وترتفع عندي أربع أراضي بعت وحدة منهم محتاجة ومن عرضتها والمكاتب ذبحه عليها كل يوم حد يرفع لي سعر وظليت معاهم لين جاني السعر اللي ابيه من 125 للفوت لين 160 في خلال اسبوع وكاش وفي يوم واحد والحين قاعدين يرفعون السعر عشان أبيع وكل مكتب يغريني بزيادة وكله يقولون لي المشتري بيدفع كاش ومن بكرة في السجل العقاري



كلامج 100 %

أم عبيريه رجع الفوت فيها لين 80 و 90

[blackjacket]

من فترة انا كنت طالب قطعة ارض و كنت اكلم الدلالوه 10 مرات في اليوم و كلهم معطيني الطناشة بس من ااسبوعين كلمتهم مرة ثانية قلت يمكن احصل عندهم قطعة ارض والله ما تصدقون تسندرت من كثر اتصالاتهم قطعة الارض تلف ما بينهم و الكل يقول الارض عندي و تعال بخلصك غير انه يرفع السعر بس صدقوني هاي من قلة الزباين:) مافي شرايين و لين مايحصلون واحد جاد والله انه يلاحقونه ملاحق لين ما يزهق:nice:

[قطري مميز]

الله يسمع منكم وينزل سعر العقار

ويعطيك العافية اخوي سوق واقف

[أبي أربح]

يا جماعة الخير الله يصبحكم بالخير ..

يا اخوان كل ما اشوف فلل الدلالين مثبتين ع 1.800.000 في كل مكان سواء من معيذر للوكرة وانا محتار ابي المشورة ..؟؟؟

شوركم الاسعار بتثبت ولا ايشلون ..؟؟

تراني باخذ قرض عقاري من البنك اذا نويت ع هالسعر ..

دلوووووووووووني

[أبي أربح]

للرفع

[أم ريان]

اخوى أبى أربح لا تستعجل بتحصل فيلا بسعر اللي تبيه حنا مو ناقصين ديون اصبر وبالتوفيق ان شاء الله

[المقاول 1]

العقار ممكن يرتفع بعد رمضان ولاسباب

نزول الدولار = تضخم في الدول المروبطه في الدولار

ثانيا اسعار سلعه الحديد في سوق السلع ارتفعت من 93 دولار لطن الى حوالي 113 دولار

بسبب زياده الطلب الصيني وستتبعه اسواق اخرى بدا فيها الانتعاش

ثالثا صعود اسعار النفط المتوقعه وزياده الانفاق الحكومي في جميع القطاعات

رابعا ارتفاع الاسواق العالميه ومتوقع سوقنا واذا وصلل الى قمم سيتبع جني ارباح

ونتقال السيوله الى المضاربه في العقار

والله اعلم

[المزن الرياني]

الناس أستغلت الهبوط اللي صار وانتوا للحين تناقشون متى بينزل العقاار ؟

5000 أسم نزلهم بنك التنميه ,,, يا تبني يا تشتري جاهز والكل منهم مترصد السعر المناسب سواء لأرض أو لعقار جاهز ,, يعني مع الوقت سيبدأ المعروض بالتناقص

نصيحه يا أخواني ... اللي يبي يبني بيت له ولعياله لاينتظر المستقبل ويتوكل على الله مابتفرق 5 او 10 ريال للفوت أو 100 او 200 الف زياده لسعر فيلا اذا كان بناءها غير تجاري

أما اللي وده يبيع ويشتري ويربح ,, فهذا موضوع ثااني

عن نفسي أتوقع كل شي بيرتفع ولكن بوتيره أقل من السابق سواء للعقار او للأراضي

[ســـهم]

الناس أستغلت الهبوط اللي صار وانتوا للحين تناقشون متى بينزل العقاار ؟

5000 أسم نزلهم بنك التنميه ,,, يا تبني يا تشتري جاهز والكل منهم مترصد السعر المناسب سواء لأرض أو لعقار جاهز ,, يعني مع الوقت سيبدأ المعروض بالتناقص

نصيحه يا أخواني ... اللي يبي يبني بيت له ولعياله لاينتظر المستقبل ويتوكل على الله مابتفرق 5 او 10 ريال للفوت أو 100 او 200 الف زياده لسعر فيلا اذا كان بناءها غير تجاري

أما اللي وده يبيع ويشتري ويربح ,, فهذا موضوع ثااني

عن نفسي أتوقع كل شي بيرتفع ولكن بوتيره أقل من السابق سواء للعقار او للأراضي



بس بنك التنميه له شروط في شراء المسكن

اعتقد ان لاتقل عن800 متر خارج الدوحه وان تكون على حسب المواصفات لديهم

اعتقد ممكن احد يفيدنا من الشباب ..

[جنوب الدوحه]

اخوي سوق واقف يعني 800 الف بتجيب لي فيلا دورين / 450 م_500 م / في شهر 8 _ الله يسمع منك انشاألله ..

بتجيبلك ان شاء الله في بمبي .. :nice: لا تزعل مني


والله سوق واقف اني احبك .. :nice:

[mubarak2000]

الناس أستغلت الهبوط اللي صار وانتوا للحين تناقشون متى بينزل العقاار ؟

5000 أسم نزلهم بنك التنميه ,,, يا تبني يا تشتري جاهز والكل منهم مترصد السعر المناسب سواء لأرض أو لعقار جاهز ,, يعني مع الوقت سيبدأ المعروض بالتناقص

نصيحه يا أخواني ... اللي يبي يبني بيت له ولعياله لاينتظر المستقبل ويتوكل على الله مابتفرق 5 او 10 ريال للفوت أو 100 او 200 الف زياده لسعر فيلا اذا كان بناءها غير تجاري

أما اللي وده يبيع ويشتري ويربح ,, فهذا موضوع ثااني

عن نفسي أتوقع كل شي بيرتفع ولكن بوتيره أقل من السابق سواء للعقار او للأراضي

هذا الكلام صحيح وعين العقل