لوجين098
23-03-2009, 09:28 PM
مابي جفى وصدود يازين مابي
يكفي مع الأيام تعذبت وعانيت
كل اللي أبيه ياأغلى أحبابي
تحبني مثل ماأنا لك حبيت
يكفي عذاب وجروح وهم سطى بي
يكفي حبيبي ياما من الدمع هليت
من متى وأنت ماتدري وش جرابي
وأنا من أوجاع العناء ياخل مليت
لا لا تقول ذنبي وكله من أسبابي
ياما على شانك تجرعت وونيت
قلبي أنا باالتضحيه والوفاء رابي
وشلون أترك من على شوفه تمنيت
ليتك تحس بقيمتي وبلحظة غيابي
حتى تعرف شلون على قلبي أخطيت
من كثر ماأعاني صرت ألحق سرابي
وأنت الجفى وياك ولا أنت تغليت
هذا قلم وهذا ورق وهذا كتابي
أكتب ولكن كيف باالمشاعر تسليت
همي ودمعي وضيقتي وأكتئابي
معي ترافقني وين ماصبحت وأمسيت
أحبك وتمون وفتحت لك بابي
ومن كثر ماأحبك بأسبابك بكيت
صحيح أني أحبك وشديت أعجابي
وإنك على قلبي وروحي تعليت
بس بصراحه أحرقت جفني وأهدابي
وأنت ولا كنك بأوجاعي حسيت
لا تفكر أني قاصدتك بجرح ولاعتابي
وإني على أفعالك لخلق الله تشكيت
ماني مصدقه كيف أفقد صوابي
لجل الحبيب اللي له القلب أهديت
ياحبيبي ماكنت حاسبه حسابي
وما أعتقد إني أخذلتك أو تخليت
أنا الجريحه اللي محدآ درابي
وأنا اللي باالعشره ماعمري تناسيت
وأخر كلامي تذكرني لاصرت بترابي
ألقى سبب واحد وأقول كفيت ووفيت
بوعلي2
23-03-2009, 09:44 PM
لا لا تقول ذنبي وكله من أسبابي
ياما على شانك تجرعت وونيت
قلبي أنا باالتضحيه والوفاء رابي
وشلون أترك من على شوفه تمنيت
اختياااااار رائع جدا
سلمت الانامل والله لايحرمنا من جديدج
lusail
24-03-2009, 11:20 AM
مابي جفااا
لوجين متميزه دوما بالرائع ...لاهنتي وتقبلي مروري..
صباحك عطر:)
لوجين098
27-03-2009, 02:44 PM
تعبت من الزمن أبحث
أبلقى لدنيتي عنوااان..
أبلقى لغربتي معنى
أبلقى أسباب غلطاتي..
هلكني الصبر بغيابك
طواااني عالم النسيان..
جفتني دنيتي بعدك
تعال وشوف مأسااااتي..
تعال وشوف بغيابك
سكني موطن الحرماااان..
يانور العين ياروحي
أنا لشوفك أنا ظمياااان..
أنا محتاج لك ترجع
تجيني وتجمع شتااااتي..
ورب الكون يا أعذب
يا أجمل ماخلق إنساااان..
أنا مالي أحد غيرك
ينسيني معاااانااااتي..
وربي ماسكن غيرك
صميم القلب والوجدااان..
ياأغلى من الغلا نفسه
ياروحي يابدااايااااتي..
أنا العاشق أناالصادق
أنا الهايم أنا الولهاااان..
أنا اللي لجل بسمااااتك
هجرت أفراااح بسمااااتي..
أنااللي عشت من أجلك
حياتي كلها سهرااان..
شريت الفرحه لأيامك
ثمنها كان دمعااااتي..
أنا أحيان أشوف الموت
بغيـــــــــــاااابك..
وأشوف أحيان..
ظلام الكون يرسم لي على كيفه نهايااااتي ..
دخيلك لاتخليني أعيش بعالمي خسرااان..
دخيلك يانظر عيني تلطف في متاهااااتي..
لأني لازم بصدك أحاول أحفظ الكتماااان ..
أخاف أحكي عن جراااحي
تطيب أجراااح شمااااتي..
كفاني من العنا ماجاء
كفاني لوعه وهجرااان...
تعبت من الزمن أبحث أبي حل لعذاااباتي..
محتاج أضمك..
وأترك الدمع ينسااااب
يكتب على خدي بلاوي سنيني..
بالحيل ميت من زمن مابه أحبااااب..
الكل منهم بالمصايب يجيني
إلا أنت..
وينك لاتعذر بالأسباب...!
أبيـــــــــــــك ..
تترك كل شــــــــــيء وتجيني.........
############
أبد مانساك,,
لايمكن ولافكرت يوم أنســـاك
ومهما غبت عن عيني
أشوفك وأنت بغيابك,,
أشوفك صورة حلوه
تصبرني بعد فرقاك,,
ونارالشوق تحرقني
بدمع صار بسبـــابك,,
ولوجسمي يصير بعيد
ترى قلبي جلس وياك,,
وقلبك صارمن حظي
ومهما صابني صـــابك,,
أحبك يابعد عمري
وشمعة حبنا ذكـــراااك,,
أحبك حــاضر وغــايب
وأحب الليل لاجـــاااابك,,
خيالك هو رفيق الليل
ألاسبحــان من سواااك,,
جميل أخلاق ولك صوره
جميلة تقتل أحبـــاااابك,,
حزين وطــالت الفرقى
وأنا صابر وأقول أهواااك,,
غريب الدااار ياحبـــي
وأقول أمــوت وأحيابك,,
ترى الهاتف يقربني
ولكني أبي لقيـــاك,,
أبي شوفك ولو نظره
تكفيني على بابك,,
ومهما قلت ياحبـــي
حيااااتي كلها تفداااك,,
أنا ودي أقرب لك
وأصير أقرب من أهدااابك,,
باواااصل وحدتي
وأطلب من المولى عسى القـــاك,,
ترى حبـــي رضى حظه
وأنا ياحظ برضـــاااابك..........
############
لو تعاني مثل ماأعاني في غيابك
لوتشوف وشلون أشتاق لحنانك
أنت موعادي ولاأنت مثل غيرك
واللي فيني لك ولا قد شفته بحياتك
أنت ياأغلى من عيوني وحياتي
الفرح غايب في بعدك ياغناتي
أنا مو عاشق ولاني حيل أحبك
أنا ميت فيك ياأغلى من غلاتي
صعبه ألقى شي فيني مايحبك
أنت في قلبي مثل ماأنا في قلبك
روحي تسألني متى ترجع حبيبي
ياضوى العالم أنا أحبك وربك........
############
ممكن أسأل...
ليه أحبك..؟؟
ليه قلبي راحته في حضن قلبك..؟؟
ممكن أعرف...
ليه أيامي بلا وجودك تموت..؟؟
وليه أحلامي بلا نورك يغطيها الحزن
ويسجن شعوري السكون..؟؟
ليه أضيع إن كنت غايب..؟؟
وليه أشوفك كل أهلي وكل ناسي والحبايب..؟؟
ليه أشوف الدنيا حلوه معاك..؟؟
ليه أحب أكون نجمه تضوي في سماك..؟؟
وليه أشوف الوقت ورده ذابله لو غبت يوم..؟؟
وليه أحسك جنتي والهنا بقربك يدوووم..؟؟
ليه أشوف الناس من بعدك سراااب..؟؟
وليه أشوف الحب من بعدك سراااب..؟؟
ليه يحييني حضورك ويقتل أيامي الغياب..؟؟
ممكن أعرف...
ليه أحسك كل كلي شمسي أنت وأنت ظلي..؟؟
ممكن أعرف...
ليه كل هذا ياحبي..؟؟
ليه أحبك وبكل حالاتك أبيك..؟؟
بهدؤك
بأنفعالك
وبرودك وبجنونك
محتـــوووويك,,,
إيه أحبـــك
بكثر جووورك وبحنانك
ودااافي إحساسك وأمانك
إيه أحبـــك
وحـــدك حبيـــبي
إيه أحبـــك
وأفقـــدك لما تــــغيب.......
############
من عز نومي صحيت
وشفت في عيني
دمع تهادى على جفني..وأنا غاااافي
سترت دمعي بكمي قبل يغرقني
وأخذت هذا الجسد من باقي لحاااافي
وسريت تايه ورى خطوااات رجليني
لاالوجه وجهي ولاأوصافي هي أوصافي
أمشي وأقول لطريقي لاتوديني
لعيون ناس تبي تدري عن الخافي
أمانتك...خلها مابينك وبيني
خابرك يالدرب خوة عمر وأسناااافي
ماودي الناس تدري وش يبكيني
كرامة النفس ورث أبوي وأسلافي
أمشي وأحس الخناجر في شراااييني
والبرد يمشي وراي وينهش أطرااافي
وحيد والليل برده يغطيني
تقول كن البلد روح بها الساااافي
إلين ماأوحيت صوت يناديني
صوت أعرفه مثل ما أجهل وش خلافي
قمت أتلفت وأنـــــــادي ...لاتخليني
ماغيره...الصوت هذا صوته الدافي
ولمحت زوله من أقصى الدرب لافيني
مدري وش أقول لكن..حي هااللافي
تعـــال...شف غيبتك كيف أثرت فيني
تعـــال...شفني وأنا أغرق عقب مجدافي
تعـــال...خذني ورحبي من عنااااويني
تعبت أعدي على جمرك وأنا حافي
تعـــال...وأقطف بصوتك زهرة سنيني
كل المواااعيد عقبك شمعها طاااافي
تعـــال...أوزع خصل شعرك بكفيني
بضمها لين أحس بليلك الظاااافي
تعـــال...وشفيك خـــايف..؟!!
أنت نـــاسيني...؟!!
قطعت صوتي عليك وطال ميقـــــافي
حتى بديت أشعر إن الحب معميني
وأن أنت حلم عثى فيني وأنا غافي
لكن..أمـــانه ترى اللي فيني كافيني
إن رحت منك كذا مارحت متعــــــافي
بصدق الحلم ,,وأحذر لا تصحــيني
في خـــاطري كلمتين إن قلتها كاااافي
~أمانة الله عليك..إن غبت عن عيني
لايكون قلبك مثل قلب الزمن جـــافي
مع كل دمعه..تذكر رعشة يديني
ومع كل ضحكه..تذكر قلبي الوااافي ~......
############
الشوارع تختنق بالدمع في حضن الظلام
و البحر كنه يقول الليل هذا ما أطوله . . .
و الشجر لو شح بأغصانه أسراب الحمام
ضاق به صدر الفضا المفتوح وأعلن مقتله . . .
و السماء تنزف دموع الغيم في لحظة هيام
و النجوم تسوق خطواتي لدرب أجهله . . .
الهبايب في وصوفك رددت أحلى الكلام
و البدر من زود نورك قايل ياعيني ما أجمله . . .
و الحزن يا هاجسي ينسج مواويل الغرام
و الغروب أعلن شروقة للمدى و أستثقله . . .
في غيابك صوتي المبحوح نادى للغمام
و ارتسم لك في جبين الشوق ترنيمة وله . . .
وين أببعد يا هوى الخاطر ونفحات الخزام
و أنت أقرب مني لروحي مقام و منزله . . .
أذكرك يا ساكن العينين و ياطير المنام
و يمتلي كل الفضا حولي دموع و أسأله . . .
من كثر ما أشتاق لك قلبي تفطر..يا حرااام
صرت أنا عقبك أحس الموت عندي ما اسهله . . .
صرت أنا عقبك مثل طفل تلحف بالظلام
أكتب اسمك في نهايات الغرام وأوله . . .
ذقت أنا عقبك عذاب الويل من ظلمك هيام
ليه تبغى دم روحي تحلله !! . . .
عقبك القلب أرتحل.....خلاني حطام
و صدري المهجور يرعب كل حي يدخله . . .
أمتطيت الهم وحدي بين غربه و أزدحام
كن مالي غير وجهك في الجهات أتامله . . .
الجسد في غيبتك ما عاد تحمله العظام
و الأراضي كلها عقبك صحاري قاحله . . .
من رحل عطرك و أنا كلي سهام في سهام
إرتمى كلي وسهم العشق صابه بأكمله . . .
زرت أنا كل الكواكب أسأل بكل النظام
رد علي يابرجي فقال العشق أكبر مشكلة . . .
آآآآآآآآآآآآآهـ . . . . .
كم ضحيت لين أصبحت في قلبي وسام
ياخفوقي من يعزك واجب إنك توصله . . .
############
فقدتك..!
والزمن مايرحم اوجاع الحزين ولايداريها..،
فقدتك ..!
وأنكسر قلبي مدري كيف تاليها..،
فقدتك ..!
وأنطفى فرحي من الدنيا ومافيها..،
فقدتك..!
وآآآهـ لوتدري حياتي كيف اقضيها...؟؟
على بالي على قلبي على عمري على بابي
يجول الطيف وتشب الحنين أجراس همساتك..
وتشعل ذاكرة عيني من الجفنين لأهدابي..
إذا مريت بحدود النظر من بعد غيباتك..
أمد الشوف بكفوف الوله و الشوق وعتابي..
وأحط الروح في روح المساء لعناق نظراتك
ابسأل حتى مايذبل شعور يبعثر أعصابي
(على وين القمر سافر وسافر ضي بسماتك)..؟؟
سألت الليل وعيون السهر والكل نادى بي
وتلعثم كل حرف من الشعر نادى مسافاتك
سألت الصبح وطيور الفجر والعطر بثيابي
وتمتم كل مابي يشتكي بعد خطواتك...
تعال وشوف شباك الخفوق مشمع
ولابي سوى ليل وسهر وآمال بشعلها بو مضاتك
حبيبي كان تسمعني
تعال وضمد صوااابي
ولف الجرح بكفوفك
وخل نبضاتك تدق أجراااس بيباني,,,
وتحضن بوح ترحابي
إذا فاح الوله وأشعلت جمر الشوق في ذاتك
وأبيك تبوح لي وتهمس ياأول وآخر أحبابي......
############
أسولف بك مع أشواقي
ونبض الشوق لك مشتاق
وأزين ليلي بصوتك
وصوتك ملهم أشعاري
كتبت أسمك باأول كتابي
وحبيتك من الأعماق
أشوفك ماخذ قلبي
وكلك ماخذ أفكاري
بأعبر لك عن أشواااقي
وأشوفك أصدق الأشواااق
وأشوفك يابعد روحي
حبيبي وأجمل أسراااري
سكن حبك هوى فكري
وبعدك شي ماينطاق
أنا دونك حبيبي
شي ماله إسم أو طااااري
بدت أيامي تتفاءل
وعطر السعد لي يشتاق
وعشانك أحرق همومي
مثل ماتحترق الأوراااق
عشانك أوقد شموعي
تضوي دنيتي وداااري
عسى ربي يسلمنا
حبيبي من ألم الفراااق
وإذا كانت محبتك شقا
فهذي أقــــــداااري
وإذا ضاعت عناوينك
حبيبي الشوق لك ينساق
ترى كلك عناويني
ودروب الشوك أزهااااري
حبيبي وحبي الأول
تراني لشوفتك أشتااااق
أبيع إللي بها الدنيا
وأجي لك للوصل شااااري
أحبك وأعشقك والله
كثر ماقالوا العشااااق
أحبك يابعد كلي
حبيبي ومشغل أفكاري
أسولف بك مع أحلامي
وأسولف بك مع الأشواق
وأزين حرفي بحرفك
وأحطك بأول أشعــــااااري.......
############
بنت المنتدى
27-03-2009, 07:29 PM
ليتك تحس بقيمتي وبلحظة غيابي
حتى تعرف شلون على قلبي أخطيت
تسلم ايدينج حبيبة قلبي لوجين ^_^
لاهنتي فديتج
لوجين098
29-03-2009, 06:35 PM
ليتك تحس بقيمتي وبلحظة غيابي
حتى تعرف شلون على قلبي أخطيت
تسلم ايدينج حبيبة قلبي لوجين ^_^
لاهنتي فديتج
شكرا حبيبتي على المرور
:weeping:
نفسي عزيزه
29-03-2009, 08:49 PM
تسلم يدج على النقل والاختيار
Powered by vBulletin® Version 4.2.5 Copyright © 2024 vBulletin Solutions Inc. All rights reserved.