المساعد الشخصي الرقمي

مشاهدة النسخة كاملة : العبايات النسائيه في قطر


وجه الحقيقة
24-03-2009, 11:36 PM
السلام عليكم ورحمة الله وبركاته..والصلاه والسلام على افضل المرسلين محمد بن عبدالله وعلى اله وصحبه اجمعين..
أما بعد..

في إحدى الايام قمت باصطحاب اخواتي البنات الى السوق لتفصيل العبائات ..وبينما انا كذلك..تركتهن في احدى المحلات حتى يفصلن وينقين مايردن بما يتناسب وعاداتنا وتقاليدنا الاسلاميه..
وبقيت في خارج المحل ..ولشعوري بالملل وطول الوقت قمت بأشعال سيجاره علها تسليني ودقائق الانتظار تمر ثقيله ..فوجئت باحدى الفتيات تسير من امامي وهي تلبس تلك العبائه الفاضحه من خامه الحرير ..وقد بدت غير محتشمه لما ابرزت من تفاصيل.وصعقت ..
وقلت في نفسي ماهذا؟؟مالذي وصلت اليه بناتنا قرة اعيننا..ماهذه العبائات الفاضحه ؟؟
وماقد فهمت من اخواتي ان هناك مسميات غير طبيعيه لتلك العبائات منها الخفاش والفراشه وووو...الخ ولكن مابال العبائات اخذه في التخصير..؟؟؟
وماتلك النقوش والتطريز الذي يكسو تلك العبائات وتلك الالوان الفاضحه؟؟
تفضلوا بالنقاش
(( وجه الحقيقه بعد ماسنعه ابو علي وحذف موضوعه لان اسلوبه لم يرتقي لمستوى ذائقه اخونا في الله )):weeping:
ALRAYYAN
24-03-2009, 11:42 PM
باختصار .. ان لم تستحي افعل ماشئت
الموضوع سبق وتكلمنا فيه وايد .. واللي بنعيده بنزيده بدون فائدة
والله المستعان

التدخين سبب رئيسي لأمراض السرطان والكبد ومضايقة الناس في الاماكن العامه
وبالتوفيق لك اخوي
Bu Rashid
24-03-2009, 11:42 PM
مشكوووور أخي وجة الحقيقة ... مساع أدور عليك تراك قاعد تكتب موضوووووع

أولا أخي وشلك بـ سجاير ... الله يبعدك عنها أن شاء الله

صراحة أي عباية لا تستر البنت لا تعتبر عباية ... تعتبر فتنة
وجه الحقيقة
24-03-2009, 11:43 PM
مشكوووور أخي وجة الحقيقة ... مساع أدور عليك تراك قاعد تكتب موضوووووع

أولا أخي وشلك بـ سجاير ... الله يبعدك عنها أن شاء الله

صراحة أي عباية لا تستر البنت لا تعتبر عباية ... تعتبر فتنة



عسى ماشر اخوي تدور علي امر تدلل وانطح فالك...تراني فالشوفه وابشر بعزك ..

بخصوص التدخين انا مادخن وانا اخوك هي بس من باب حبكه القصه واعيشكم الجو اني مطرق في التفكير هههههههههه متأثر بالافلام المصريه
وجه الحقيقة
24-03-2009, 11:45 PM
باختصار .. ان لم تستحي افعل ماشئت
الموضوع سبق وتكلمنا فيه وايد .. واللي بنعيده بنزيده بدون فائدة
والله المستعان

التدخين سبب رئيسي لأمراض السرطان والكبد ومضايقة الناس في الاماكن العامه
وبالتوفيق لك اخوي

هاااااااااااا عليناااااااااا اشوف حط عينك بعيني (وحافظ التحذير الصحي صمممممم) هههههه
المهلي مايولي ..طال عمرك
NmR
24-03-2009, 11:46 PM
العبايه ماعادت عبايه في هالوقت ,,

العبايه = فستان

اي عبايه الي تكون فيها الوان ؟؟؟

اي عبايه الي تكون راصه عالجسم وتظهر المفاتن ؟؟؟؟

اي عبايه خامتها تكون من حرير وتلفت النظر ؟؟؟؟

اي عبايه الي تكون فتحت اليد اكبر من فتحة الرقبه !!!!

واي عبايه تكون طولها من فوق الكاحل ؟؟؟؟

واي شيله الي تنحط على مؤخرة الراس فقط ؟؟؟؟

واي واي واي بنقول لي مانعتب ,, لكن شنقول حسبي الله ونعم الوكيل ,,

والله يهديهم جميعا ,,
ALRAYYAN
24-03-2009, 11:46 PM
هاااااااااااا عليناااااااااا اشوف حط عينك بعيني (وحافظ التحذير الصحي صمممممم) هههههه
المهلي مايولي ..طال عمرك

الحمد لله اني قاطعها من 7 سنين والفال لك يالشيخ ... آميــــــــــن :)
ابن مانع
24-03-2009, 11:47 PM
الموضوع انقلب عن التدخين
واشله تقول انك تدخن
بس صادوك الشبابب
الله يستر على بناتنا وخواتنا وجميع بنات المسلمين
وجه الحقيقة
24-03-2009, 11:49 PM
العبايه ماعادت عبايه في هالوقت ,,

العبايه = فستان

اي عبايه الي تكون فيها الوان ؟؟؟

اي عبايه الي تكون راصه عالجسم وتظهر المفاتن ؟؟؟؟

اي عبايه خامتها تكون من حرير وتلفت النظر ؟؟؟؟

اي عبايه الي تكون فتحت اليد اكبر من فتحة الرقبه !!!!

واي عبايه تكون طولها من فوق الكاحل ؟؟؟؟

واي شيله الي تنحط على مؤخرة الراس فقط ؟؟؟؟

واي واي واي بنقول لي مانعتب ,, لكن شنقول حسبي الله ونعم الوكيل ,,

والله يهديهم جميعا ,,


ياخوي والله سوالفهم هالبنات عجيبه ..والله ايام سوق الاحمد شفت ذيك البنيه اللي لابسه عبايه عاد تعال شوف التطريز اللي فالظهر(ظ تنين احمر كبير ) يخرع ..والله قلت هذي لو حد مر من جنبها بطلع له سيف نينجاا..
والا الثانيه التطريز على كتفها كلمات باللغه اليابانيه شسالفه والله اقطع يدي اذا هي عارفه وش معناة المكتوب ههههههههههه
عاشق الشهادة
24-03-2009, 11:49 PM
مشكوووور أخي وجة الحقيقة ... مساع أدور عليك تراك قاعد تكتب موضوووووع

أولا أخي وشلك بـ سجاير ... الله يبعدك عنها أن شاء الله

صراحة أي عباية لا تستر البنت لا تعتبر عباية ... تعتبر فتنة





اولاً لازم تكون العبايه فضفاضة
وثانياً عبايه تسترها .
وجه الحقيقة
24-03-2009, 11:49 PM
الحمد لله اني قاطعها من 7 سنين والفال لك يالشيخ ... آميــــــــــن :)

الله يثبتك واشهد ان بالك طويل وعندك عزم نفس الجمس حقي هههههه
وجه الحقيقة
24-03-2009, 11:51 PM
الموضوع انقلب عن التدخين
واشله تقول انك تدخن
بس صادوك الشبابب
الله يستر على بناتنا وخواتنا وجميع بنات المسلمين

ياخي من رداه الحظ ..انا كذا من يوم شاركت بالمنتدى..اكتب الموضوع عن شي والناس تناقش شي ثاني مدري ليه جراده حظ والا شنو..الظاهر بوعلي يدعي علي هههههههههههه:rolleyes2:
بنت ابوها 19
24-03-2009, 11:53 PM
تكلمنا لهم من ناحية الدين مافهمو


خلنا نتكلم لهم من ناحية الكشخه شوي نستر عليهم


بصراحه اي بنت تلبس عبايه ضيقه ولااا حرير
ولا مزخرجه بالظهر والبطن والخشم


بنت جيب وكجرا
لانه مب هاي الموضه والكشخه كللللللللللللللللللللش


يعني بالعربي تبين تكونين كشخه ترا الحين موضة العبي العاديه

فخليج ع العبايه العاديه
والقطعه العاديه

لانه الزبده جيب وكجرا وبكل صراحه
وماعمري فكرت البس هل القطعه الماع الي هي زبده لانه متناسبني لانها عيب تفشل والله :shy:

شنسوي يمكن جي يتسنعون

لاتلبسون قطع بولماع مره ثانيه ترا تفشلون :rolleyes2: