لهادرجة الاستهتار بقانون المرور .. آخ يالاجانب..

[الرايــق]

السلام عليكم

أول أمس صار حادث كبير نوعا ما كنت ماشي 80 باتجاه البريد من صوب نادي قطر
وحدة أجنبية (من الغرب يعني ) دخلت علي من فتحة فرعية vertical طبعا ما قدرت أوقف دعمتها من الخلف وسيارتها فوروييل..

سيارتي تكنسلت وماتمشي .. وهي حركت ولا مسكت بريك يالربع

ولولا شباب قطريين مشكورين وقفوا وقت الحادث وركبت معاهم علشان نصيدها وناخذ رقمها والا كان الان البلاغ ضد مجهول..

المهم لحقناها على اشارات نادي قطر وزين كانت الاشارة حمرا
يالربع اقولها دعمتيني تقولي انا مش غلطانه وسكرت الجامة ...!!!!!!!
اقولها طيب الشرطة بالطريق!!
ولا على بالها سهالات .. فتحت الاشارة وحركت ..:secret:
طبعا الشكر موصول ايضا لرجال الفزعة 3 دقايق وكانوا بالموقع


سؤالي الان ليش هالاستهتار بقانون المرور وهم غلطانيين بعد ؟؟
هل الواحد منهم يتصرف هكذا في بلاده ؟؟
وما موقفي انا قانونيا من هذا الحادث علما باني دعمتها من الخلف لكنها دخلت علي من الفتحة الفرعية !! << يعني في امل الحق ينقلب ويصير علي انا ؟:secret:

[qatar lady]

بال قسم بالله قهر !!
الموضوع فيه كذا مشكله: اول شي انها تدعم عيني عينك وتشرد<<< حتى لو هي مو غلطانه هاي مو سبب مقنع! اي والله بدعم وبنحاش؟ وين قاعدين!
والمشكله الثانية: الدعمه من الخلف في قانون المرور في اي حاله معناته انك انت الغلطان !! قهر والله .. واحد لف علي ومتعمد وقعد يجاكر وبالاخر ضرب بريك ودعمني! وطلعوا الغلط علي.. لا والشرطي الي جاني يقول ماعليه عديها انتي عندج تأمين !! خير انشالله..؟ بس عديت السالفه لاني كنت جديده بالسواقه وماعرفت اتصرف حزتها..

المشكله الثالثة ويمكن البعض يعتبرها عنصرية!! <<<< اجنبية وتقوي راسها علي عيال البلد<< لا ومو بس عيال البلد.. الا على قانون البلد !! هاي القهر بالنسبة لي !!

الله يعينك اخوي والحمدلله عالسلامة.. اهم شي سلامتك وعافيتك.. والا السيارة حديد وتجيب غيرها وربك يعوضك انشالله..!

[Only Me]

الظاهر ظهرها قوي يمكن زوجه سفير او رجل مهم بالبلد
احنا نشوف الاجانب اكثر ناس ملتزمين بقواعد المرور

[سهم متردد]

اول شي الحمد لله على السلامه

للاسف مافي اي اجراء قانوني للي(يشرد من مكان الحادث )
وثاني شي ممكن لانها (حرمه) من الخوف شردت
وثالث شي والله يكون في عونك من خبرتي في الحوادث
1 - اذا دعست بريك وكان خط البريك 20 قدم او أكثر انت غلطان لانك مسرع (الي قالي هل القانون شرطي في امن المطار )
2 وهو الخيار الاجمل والامثل بالنسبه لي اذا خميييتها بدون بريك تكوت هي خلطانه(بتهمة الاهمال والانحراف)

(وطبعا ُ وليس غؤيب على الاخوان في التحقيق قواهم الله ان لكل شخص قانونه الخاص به )

[Abu Deeb]

أخي الكريم إذا فعلا خرجت من الفتحه الفرعية فجأه وبسرعه ممكن يضعون عليها الحق أخوي صارله نفس الموقف مع هندي وأخوي دعمه من ورا نفس القصة تقريبا وكان الحق على الهندي لانه طلع فجأه من فتحه فرعية على الخط الثاني مرة وحده ويومها ربي اللي سلم أخوي وطلع سليم بعد ماخبط راسة بالزجاج الأمامي

وحمدلله على سلامتك أخوي

[Abu Deeb]

الظاهر ظهرها قوي يمكن زوجه سفير او رجل مهم بالبلد
احنا نشوف الاجانب اكثر ناس ملتزمين بقواعد المرور

ياخوي ولا ملتزمين ولا شي قدام عيني مرات الإشارات ماعليها كاميرات يقطعونها عادي

[صقر عربي]

اول شي الحمدلله على سلامتك

2 من امن العقوبه ساء الادب

هذيلا الله يسلمك اجانب ضهورهم قويه ببلدانهم خاصه اذا كان اوروبي او من عيال سام

[عاشق الشهادة]

الخبر اليقين بأذن الله سوف تحصلة عند الاخ والصديق جاجاسم .

[halcrow]

شوف اقولك بدايه الله يعينك غالب الظن بتطلع انت الغلطان

انا صار معاي حادث خشن ودعمت واحد من الخلف والزين في الحادث ان الشخص الثاني واحد مثلك وشرواك ( وطني ) قال انا الغلطان وانا لفيت عليك ولا المرور 99 في الميه علطول ردهم ( الغلطه عليك ) اذا كانت دعمه خلفيه وعذرهم ماتركت مسافه كافيه بينك وبين الي جدامك ونت المفروض تنتبه ونت ونت .......

لكن شتسوي امرك لله اذا ماعترفت ... يمكن تتحول للمحكمه

[سمو]

الحمد لله على سلامتك في الحديد ولا فيك يا اخوي والله يعوضك خير ..

ان شاء الله يا الرايق ما يطلع الحق عليك هذا نفس الحادث الي صار لي وسيارتي بعد وقفت مكانها وما تمشي طلع لي اجنبي من شارع فرعي بكل سرعته وما قدرت اتفاداه والحمد لله اني توني طالعه من الاشارة وما امداني اسرع ولا كان انقلبت زين الي ربي لطف له الحمد والشكر بس الخطأ طلع عليه ( تهمة الخروج من شارع فرعي دون التأكد من خلو الشارع الرئيسي ) هذا الي قريته في الاوراق ...

الله يكفينا شرهم من اسبوع في مواقف اللاند جاني اوروبي رونج سايد ما حركت قلت له يريوس وبعدين وقفت جنبه وقلت له انك تمشي في الاتجاه الغلط بكل برود رد
(( يس آي نوو)) حرق قلبي واحنا لما نسوق في بلادهم يدنا على قلبنا لا نخالف القوانين ..بس ارجع واقول نستاهل لو شافوا ان فيه قانون يردعهم ما استهانوا فيه القانون علينا يتطبق بحذافيره اما الاجنبي فحرااااام متغرب وظهره قوي سفارة ساندته الكلام في هالموضوع يعور قلبي خلاااااص

[eXpert*]

مع الاسف لانه في دولهم الشخص الغير متضرر ما يوقف على طول يروح التأمين ويتكفلون بالتصليح ، ما يحتاج ينتظر الشرطة .

نقطة ثانية اثاروها الشباب ان قانون المرور اي اصطدام من الخلف تعتبر انت المتسبب !!! وهذا شئ غير عادل ؟ يعني انا لو اكره اي شخص واريد اتسبب عليه اروح قدامه و بــــــــــــريـــــــــــــــــــــــــــــــــــ ــــــــــــــك:omg:

وعفى الله عما سلف :)

[الفريق أول ركن]

الحمد لله ع السلامه
وماتشووف شر ( وعوض خير ان شاء الله من الحادث)

من امن العقوبة اساء التصرف .. وهي ماتعاملت وياك بهالتصرف الا انها تدري ان وراها ظهر

بس مانقول الا حسبي الله ونعم الوكيل

[eXpert*]

اول شي الحمد لله على السلامه

للاسف مافي اي اجراء قانوني للي(يشرد من مكان الحادث )
وثاني شي ممكن لانها (حرمه) من الخوف شردت
وثالث شي والله يكون في عونك من خبرتي في الحوادث
1 - اذا دعست بريك وكان خط البريك 20 قدم او أكثر انت غلطان لانك مسرع (الي قالي هل القانون شرطي في امن المطار )
2 وهو الخيار الاجمل والامثل بالنسبه لي اذا خميييتها بدون بريك تكوت هي خلطانه(بتهمة الاهمال والانحراف)

(وطبعا ُ وليس غؤيب على الاخوان في التحقيق قواهم الله ان لكل شخص قانونه الخاص به )

شكراً على النصيحة ،، اذا طلع واحد على طول ريـــــــــــــــــــــــس:victory:

[الريان]

الاجانب مصخوها

لا احترام قانون ولا احترام بلد ولا احترام بشر

من يومين اجنبي قطع اشارة المشاه على الكورنيش

لحقته ويوم وقف اقوله تقطع اشارة المشاة ولا معتبر في احد وعليك غرامة ستة الاف

كان رده شو يعني ستة الاف
يعني موب مهتم ولا مفتكر

انتم ايش رايكم في هذا الاستهتار

[قطري33]

اول شي ياخوي الرايق الحمدالله على سلامتك والله يعوضك خير ان شاء الله
ثانيا دام سيارتها مافيها شي وسيارتك تكنسلت فاسمحلي اقولك ياخوي انك انت الغلطان 100 %
ليش ماركبت صدام صب او لو سيارتك صالون كان ركبت قطعه الحديد اللي يركبونها على صدام اللومينا حقت المرور قبل كنت دخلتها في ليت وسيارتك ماصار لها شي .
قدر الله وماشاء فعل ياخوي ..عليك بالصبر ..وان شاء الله يطلع الحق عليها وتصلح سيارتك

تــقـــبـــل مروري

اخوك
قــطــري 33

[سمو]

لا تقهرني الريان خلاااااص

بس تكفون لا تكلمونهم ترى بالتطيح في راسكم بتهمة التحرش بأجنبي ... يا ويلي علينا فقعوا مرارتنا

الله يرحم اول يوم كان ابوي يقول اذا ضايقنا الاجنبي نفصخه نعاله ونمشيه ع القار حافي بعز القيض مهب كفو يحط راسه براس القطري

[qatar2009]

والله انا صار لي نفس الشي وحدة داخلة عكس السير ووقفتها وكانت اجنبيةمش عربية .. وقلت لها لش مستعجلة وعكس السير تقول لي وليش انت ماتشوف الاشارة وتوقف وتخليني اطلع اقولها انت احترمي الطريق تقولي انت احترم الطريق !!

طبعا خليتها وقلت لها روحي خلاص وعصبت علي وحفصت بعد :)

لكن شنقول غير حسبي الله وعنم الوكيل .. المشكلة بنت سنقول لها ..

[وحيد-الشوق]

بل حسبي الله عليها :(

والله قهر فيني حره عليهم حسبي الله ونعم الوكيل فيها الله ياخذ حقك منها

لكن المشكلة تدري في من في المرور بيطلعونك انت الغلطان ليش عشان الاهمال وعدم الانتباه

والطامه الكبرى تدري شنو ان القانون مع المرأة << صارت سالفه لرفيج اخوي والشرطي قاله هالكلام

[Abu Deeb]

أهم شي ياخوي إذا الشباب اللي خذوك من مكان الحادث شافوه يروحون معاك للتحقيق ويقولون اللي شافوة ليعزز موقفك

[bus3od]

والله اخوي أنا أي موضوع يكون فيه أجنبي يفقع مرارتي

ما أقول غير الله يعينك واذا لك حق بتاخذه ان شاء الله

[jajassim]

السلام عليكم

أول أمس صار حادث كبير نوعا ما كنت ماشي 80 باتجاه البريد من صوب نادي قطر
وحدة أجنبية (من الغرب يعني ) دخلت علي من فتحة فرعية vertical طبعا ما قدرت أوقف دعمتها من الخلف وسيارتها فوروييل..

سيارتي تكنسلت وماتمشي .. وهي حركت ولا مسكت بريك يالربع

secret:[/COLOR]



الحمد لله على السلامة ،، أخوى ماتشوف شر ،،

بس أخوى متأكد من انك تمشي 80 ك/س وتكنسلت السيارة ،،

قولي كم كنت تمشي ،، :telephone:

وممكن ترسل رقم سيارتها وسيارتك ،،

[عالم المحيطات]

....اول شي ياخوي الحمدالله على سلامتك وخطاك الشر...


بس كان لعبتها بذكاء .... واول ما اشردت تاخذ رقمها وتبلغ 999 انه في وحده دعمتك وشردت وسببت اضرار كبيره... ونت متعور ومن ها السوالف وانك محتاج اسعاف...

تقدر تسوي شي ثاني انك تبلغ 999 ونت في طريقك لاقرب مركز شرطه وتبلغ عليها وبهالحاله بيفتحون فيها بلاغ هروب وبتكون سيارتها مطلوبه للتحريات في سستم المرور والمراكز الجنائيه + وبيخالفونها هروب من حادث+ ويمكن تنسجن+ وتنحجز سيارتها+وبتصلح سيارتك على حسابها او على تأمين سيارتها...

والماده هي / 4/57 وعقوبتها لاتقل عن شهر ولازيد عن ثلاث سنوات وغرامه لاتقل عن 10 الف ريال ولاتزيد عن 50 الف ريال...

هذا وماتشوف شر مره ثانيه...

وكل الي ابي اقوله (من له حيله فل يحتال)
تحياتي

Vip-99

[بيانو]

الله يكون بعونك

وفعلا الاجانب (الغرب يعنى ) زودوها فى اداب الطريق قوى وبيمشو ولا هممهم احد وكأنهم اصحاب البلد

وصار معايا نفس الموقف بس الحمد لله ربك ستر وتفاديت الشخص وفى الاخر فضل :omen2: يشاور بأديه كده وكأنه له حق

سبحان الله
المشكله انهم حاسين حلهم هم العقل والاتيكات والشياكه فى المعامله وهم والله فى بلادهم ولااااا يسوو شى

وربنا يسترها معاك ومع جميع المسلمين

[بيانو]

الحمد لله على السلامة ،، أخوى ماتشوف شر ،،

بس أخوى متأكد من انك تمشي 80 ك/س وتكنسلت السيارة ،،

قولي كم كنت تمشي ،، :telephone:

وممكن ترسل رقم سيارتها وسيارتك ،،




يعطيك العافيه اخوى جاجاسم على متابعه الموضوع واسترداد الحق

جعله الله فى ميزان حسناتك

[بيانو]

مع الاسف لانه في دولهم الشخص الغير متضرر ما يوقف على طول يروح التأمين ويتكفلون بالتصليح ، ما يحتاج ينتظر الشرطة .

نقطة ثانية اثاروها الشباب ان قانون المرور اي اصطدام من الخلف تعتبر انت المتسبب !!! وهذا شئ غير عادل ؟ يعني انا لو اكره اي شخص واريد اتسبب عليه اروح قدامه و بــــــــــــريـــــــــــــــــــــــــــــــــــ ــــــــــــــك:omg:

وعفى الله عما سلف :)






كلامك صحيح

ولازم من نظره فى الموضوع هذا حيث ان كثير من الاشخاص ممكن يضربون بريك دون داعى بسبب جهلهم بالسواقه
وفى الاخر انت اللى غلطان :omg::eek5:

[الرايــق]

الحمد لله على السلامة ،، أخوى ماتشوف شر ،،

بس أخوى متأكد من انك تمشي 80 ك/س وتكنسلت السيارة ،،

قولي كم كنت تمشي ،، :telephone:

وممكن ترسل رقم سيارتها وسيارتك ،،

اي نعم 80
وقت ما ضربتها 80 كيلو بالساعة .. وهي سيارة فوروييل ..
طبعا السيارة ما تكنسلت بمعنى تكنسلت لكنها تكفي انها وقفت وحصلت اضرار للسيارة يمكن تكلفت تصليحها اكثر من حقها اصلا .. لذلك التامين يمكن يككنسلها


على العموم الشرطة اليوم اتصلو مرة اخرى وحددوا مني المكان مرة اخرى يمكن علشان يعاينوا خطوط لبريك .. ولله الحمد بعد الظهر تقريبا رحت مدينة خليفة والشباب ما قصروا .. وطلعت هي الغلطانة ..

شكرا ..

[الرايــق]

اشكر جميع من رد بدون استثناء وجزاكم الله خيرا ..

[Fahad Alqahtani]

....اول شي ياخوي الحمدالله على سلامتك وخطاك الشر...


بس كان لعبتها بذكاء .... واول ما اشردت تاخذ رقمها وتبلغ 999 انه في وحده دعمتك وشردت وسببت اضرار كبيره... ونت متعور ومن ها السوالف وانك محتاج اسعاف...

تقدر تسوي شي ثاني انك تبلغ 999 ونت في طريقك لاقرب مركز شرطه وتبلغ عليها وبهالحاله بيفتحون فيها بلاغ هروب وبتكون سيارتها مطلوبه للتحريات في سستم المرور والمراكز الجنائيه + وبيخالفونها هروب من حادث+ ويمكن تنسجن+ وتنحجز سيارتها+وبتصلح سيارتك على حسابها او على تأمين سيارتها...

والماده هي / 4/57 وعقوبتها لاتقل عن شهر ولازيد عن ثلاث سنوات وغرامه لاتقل عن 10 الف ريال ولاتزيد عن 50 الف ريال...

هذا وماتشوف شر مره ثانيه...

وكل الي ابي اقوله (من له حيله فل يحتال)
تحياتي

Vip-99

حتى التامين مايصلح سيارتها

[jajassim]

اي نعم 80
وقت ما ضربتها 80 كيلو بالساعة .. وهي سيارة فوروييل ..
طبعا السيارة ما تكنسلت بمعنى تكنسلت لكنها تكفي انها وقفت وحصلت اضرار للسيارة يمكن تكلفت تصليحها اكثر من حقها اصلا .. لذلك التامين يمكن يككنسلها


على العموم الشرطة اليوم اتصلو مرة اخرى وحددوا مني المكان مرة اخرى يمكن علشان يعاينوا خطوط لبريك .. ولله الحمد بعد الظهر تقريبا رحت مدينة خليفة والشباب ما قصروا .. وطلعت هي الغلطانة ..

شكرا ..

الحمد لله ،، امورك طيبة ،، :nice:

[الرايــق]

الحمد لله ،، امورك طيبة ،، :nice:

بارك الله فيك

[بنت ابوها 19]

اووووف قهر :weeping:


الله يفكنا من شهرهم

وصدقني هاي الي مستقوين جي
جوووف من فوق راسهم

قبل كانو يخافون والله من ظلهم بالبلاد

الحين ماخذين راحتهم وكنا القطري اجنبي وهم المواطنين

يااااااااااااااااغريب كون اديب

متى يفهمونها ياربي :rolleyes2:

[q6ri_vip]

الحمد لله ،، امورك طيبة ،، :nice:

اموره طيبه والحمدلله ومعوض بالموتر اهم شي سلامتك يالرايق

طيب واللي سوته انها ادعمت ولاهتمت وشردت من موقع الحادث فهالحاله بتتغاضون عن

هالتصرف بس ابي رد وافي اخوي جاسم ؟