المساعد الشخصي الرقمي

مشاهدة النسخة كاملة : شنو أفضل نوع من لابتوبات الماك أشتري ؟؟


rockerbabe
25-03-2009, 11:31 AM
السلام عليكم..
في البداية أشكر اللي ساعدوني و جاوبوا على أسألتي في موضيع سابقة في هالقسم.. و ما أقول لهم إلا الله يعطيكم العافية.. و يجعله في ميزان حسناتكم يا رب..

أخواني و خواتي .. مثل ما هو واضح بالعنوان.. أبي أشتري لابتوب ماك لكن محتارة شوي بالنوع .. و أنا أبي أشتري نوع ممتاز.. و أعرف إنه فيه 3 فئات الماك بوك،، و الإير،، و البرو..
يا ليت تساعدوني شوي .. و تقولون لي أفضلهم من حيث الأداء ،، و شنو أفضل أشتريهم من هنيه و لا أطلبهم من برا؟؟ و بعدين الصيانة وين أقدر اوديهم،، و شنو الفيرجن الجديد منهم،، و لا أشتري مستعمل أحسن،، أنا جربت الايسر زين بس البطارية ضعيفة جداً و جربت الديل ما عليه كلام بس أبي الماك هالمرة .. أحسه أفضل و أقوى..

أنتظر ردودكم ..
kakashi
25-03-2009, 12:21 PM
على حسب استخدامج اختي

اذا كان استخدامج خفيف مجرد تصفح ومشاهدة افلام فانصحج بالاير

حلو ووزنه ريشه ويفي بالغرض

اما اذا انج راعية برامج فانصحج بالماك بوك برو عجيب الصراحه

بس وزنه ثقيل مقارنة يالاير لكن مواصفاته اعلى من الاير

وعن المشترى انصح انج تاخذينه من الدوحه احسن

معاه ضمان وكيبورد عربي واذا فيه اي خلل تقدرين اتردينه لهم

وان شاء الله الشباب ماراح يقصرون معاج
rockerbabe
25-03-2009, 12:48 PM
بس الإير واجد خفيف .. أخاف ينكسر ..

انزين بالنسبة للماك برو برامج مثل إيش أقدر أركب فيه؟؟

و تسلم أخوي على الإفادة
blueZircon
25-03-2009, 01:08 PM
مثل ماتفضل اخوي , استخدامج للكمبيوتر يحدد الكمبيوتر اللي يناسبج

بشكل عام انا اشوف الماك بوك مناسب جداً لكل مستخدم

الماك بوك برو ينفع للمحترفين في مجال التصميم

والماك بوك اير تنقصه اشياء وايد مثلا لايوجد به سي دي درايف وعدد المنافذ فيه قليله وسعره غالي

انا توني شريت ماك بوك المنيوم الجديد بسعر 4800 ريال من استراليا . بالدوحه اظن سعره 6500 وفوق
, محلات الماك في قطر كلهم نصابين ماانصحج تشترين من قطر كلش

اطلبيه من امريكا ولا استراليا . استغلي نزول الدولار الاسترالي بيطلع عليج رخيص وايد

http://www.streetwise.com.au/index.php?cPath=25

شوفي الاسعار هني شلون واحكمي

الدولار الاسترالي = 2.4 ريال قطري
rockerbabe
25-03-2009, 01:50 PM
انزين أخوي و لو شريته من برا شلون بالنسبة للكي بورد .. وين أقدر أسوي الأزرار عربي ؟؟
blueZircon
25-03-2009, 02:03 PM
انزين أخوي و لو شريته من برا شلون بالنسبة للكي بورد .. وين أقدر أسوي الأزرار عربي ؟؟

اذا انتي حافظه اماكن الحروف على كيبورد الوندوز مابيكون عندج مشاكل لانه الماك حطوا في السستم كيبورد الويندوز

اما اذا مب حافظه الاماكن تقدرين تسوينهم بالليزر في البيت الحديث اذا ماخاب ظني

انتي حسبيها مع اذا بتشترينه من برع تكلفة الشحن واذا طلعت ماتسوى عليج تشترينه من برع اخذيه من قطر

انا بالنسبه لي صرت مستحيل اشتري قطعه الكترونيه من قطر , لانه المحلات صاروا نصابين ووصلوا لحد الجشع في الاسعار خاصه فيرجن وواي سبوت
هذلان
25-03-2009, 03:26 PM
السلام عليكم

انا لو بشتري باخذ الي اسمه ماك 2.4 شاشته حجمها 13 و حجمه جدا الي يجي الكي بورد لونه اسود
rockerbabe
25-03-2009, 03:29 PM
تسلم أخوي..
و بالنسبة للمحلات هنيه أنا مترددة أشتري لأنهم نقاط بيع مش وكلا
rockerbabe
29-03-2009, 04:34 PM
انزين .. بسأل نزل الماك الألمونيوم الجديد؟ أنا محتارة بين الماك اللي اقترحه أخوي هذلان و بين الماك بر اللي شاشته 15 .. أفيدوني
rockerbabe
31-03-2009, 10:50 AM
ما حد رد علي ؟؟
blueZircon
31-03-2009, 10:58 AM
الماك المنيوم الجديد موجود بالاسواق وينباع في معظم المحلات

انا انصحج بالماك بوك المنيوم اللي شاشته 13.3 اشوفه انه مناسب جداً لجميع الاستخامات وحجمه جداً معقول لاهو كبير ولا صغير
rockerbabe
31-03-2009, 12:29 PM
مشكور أخوي
broker11
31-03-2009, 01:38 PM
موفقه
boo-boo
31-03-2009, 05:54 PM
وانا بعد ناوي اشتري ماك و بالنسبه لي افضل الماك بوك المينيوم لانه ينفع لكل المستخدمين..
اما الاير فـ تنقصه عدة اشياء و اهمها السيدي و لكن يتمتع بخفة الوزن...
اما البروو احسه عود و انا ابي شي صغير و لكن البرووو مواصفاته قوية جدا و نفس ماقال احد الاعضاء انه لمتحرفي التصميم و هالسوالف....
(مــاك بوووـكـ)
rockerbabe
31-03-2009, 10:56 PM
تسلم أخوي بروكر على المرور
rockerbabe
31-03-2009, 10:57 PM
أخوي boo-boo تسلم على المرور .. و المعلومات المفيدة..