مغامراتي مع الانتربول القطري

[جمال اليافعي]

السلام عليكم ورحمة الله وبركاته

تحية طيبه وبعد ,,,

حبيت أشاركم اليوم مع أحدى مغامراتي سنه 2003 بمشاركة أخواننا في العاصمة والانتربول , مع العلم أسماء عناصر الانتربول والعاصمة لن تذكر نظرا لعدم حصولي على أذن بذلك .

بدأت مغامرتي عندما كنت متملل وأتصفح شبكة الانترنت , دخلت أيميلي كالعادة أشوف الي واصل لي و شفت أحدى الرسائل المعتادة " من فلان بن فلان , انا ابن فلان بن فلان و والدي توفى في حادث سير وعندي 12 مليون دولار ابغى ابعثها لك ولك نظير الخدمه 10% و 5% لتكاليف البنوك ..

انا دريت من اولها انه نصاب وخاصه انه من بلد أفريقي . فقلت مادمت أعرف أنه نصاب يالله أنصب عليه وانا مهب خسران شي , فابعثت له أيميل وقلت له انا أسمي عبدالله جاسم ( أسم وهمي ) وأشتغل في الماليه وانا مستعد أخلص له الموضوع , وطلبت منه لاظهار حسن النية ارسال صورة من جواز سفره.

وبعث لي ثاني يوم صورة من الجواز .. و الله اني ما أكذب عليكم اني بدون ما أشوف الصورة بعثت له رد ان الجواز مزور ومبين عليك انك ما تبغى تتعامل وانك نصاب . رد علي في أقل من 30 دقيقة بأعتذار وصورة ثانية وقلت له نفس الشي واني كنسلت السالفه وقلت له أقلب وجهك بالعاميه .

بعد ثلاث ايام جاني منه رد انه متأسف للي صار وانه كان حابب يتأكد اني جاد في الموضوع , فتتطورت العلاقه وعطاني تلفونه وعطيته تلفوني , وصارت بينا عده أتصالات , حاول فيها انه ياخذ مني 2500 دولار ولكني كنت أرفض بشده وأقول له حبيبي ألعب غيرها ولا تضيع وقتي , لين ما وثق فيني وسألني أشلون نحول الفلوس ويكون الموضوع أمان للطرفين .. قلت له وثق مستندات من المركزي عندكم ابعثها بالـ دي أتش أل على انها أسهم ملكي انا ( عبدالله ) وانك أنت بتشتريهم وبتدخل الفلوس في الرصيدي .. عملية قانونيه 100% ..

بعد كم من يوم جاني أتصال من الدي أتش أل يقولون لي عندك باكيج هاي بريروتي وبنوصله لبيتك .. جابو لي المستندات وحبيت أتأكد خذيتهم لبنك قطر الوطني وأكد لي البنك ان المستندات رسميه .. أهنيه حسيت ان الموضوع صار جد ..

شليت نفسي ورحت أمن العاصمة .. فتحت محضر بالواقعه وقالوا لي بالحرف الواحد احنا مالنا سلطة بأي شي بالأنترنت .. بس في ضابط قال لي عطني رقم تلفونك وبرد عليك بكرة ..

طبعا خذو بيانات عملي وكل شي .. اليوم الثاني وانا في الدوام الا أنشوف المدير العام للشركة متوتر وداخل علينا القسم ويسأل وين فلان بن فلان .. اقوم واقول له انا هو .. يقول لي تعال معاي المكتب .. والله وانا ماشي معاه يخزوني الادارة كاني ذابح واحد ...

دخلت المكتب وقال لي تفضل تبغى تشرب شاي ولا كوفي ويزاعج على الصبي يقول له شوف ايش يشرب , مع انه الدير هاي عمره ماطلع من مكتبه .... وانا مستغرب وناسي السالفه .

الا يسألني ويقول لي يا فلان في حد مزعلك ولا في عندك اي مشكله تراني مثل ابوك لا تستحي من شي .. وانا ضايع اقول في نفسي شيقول ذي . الا يقول لي جاني أتصال من نص ساعه من الانتربول ويبغونك ضروري عندهم .

انا اهني فهمت السالفه , قلت له لا تحاتي يا بو فلان السالفه مافيها الا كل خير .

وهو مستغرب وشو الخير من الانتربول .. فطلعت من عنده ورحت الانتربول في مبنى ما يخطر على البال ... ( الشباب يغيرون موقعهم كل أسبوعين ) وخذوا أقوالي وقالوا لي تم تكلم معاه ونسق معانا لا تخليه يحس انه في شي غلط .

وقالوا لي ترا كل تلفوناتك مراقبه للأحتياط ووقعوني على ورقه انه لامانع لدي من مراقبه تلفوناتي ..

كلمت الاخ الي يبغى يغسل أمواله ( جيمس كابيندا ) وقلت له كل شي تمام وطرش امر الشراء , وطبعا لاظهار حسن نيتي طلعت له بيزنس فيزا وحجز في الريتز كارلتون ..

الاخ استانس وصار يشكرني وتم الامر تم تحويل المبلغ لحساب قطر الوطني , وحجز الرجال وقلت له سكرتيري بيستقبلك في المطار وبيوديك الفندق وانا بقابلك أهناك .. وجا الرجال للدوحه ومستانس مايدري ان الي استقبلوه الانتربول القطري وما سمعته عنه شي مره ثانيه ..

بعد هاذي الحادثة بأسبوعين نزل في الجرايد انه بمساعدة مواطن غيور على بلده تم القبض على رئيس عصابه غسيل اموال بالتعاون بين الانتربول والعاصمه .. وتم أصدار بنفس اليوم قرار بمكافحه غسيل الاموال ..

طبعا ماخذيت المكافأه وهي 300,000 ريال لاسباب أجهلها حتى الان ولكني لم أقم بهذا العمل لاجل المال بل لاجل الحفاظ على وطني قطر ..

في النهاية أقدم كل شكري لعناصر أمن العاصمه والانتربول لحسن تعاملهم وأهتمامهم بالموضوع وعدم تطنيشه ..

الحدث كان في سنه 2003 للتذكير ..

[ابن مانع]

بيض الله وجهك
وجعلها في ميزان حسناتك

[قناص الاسهم]

يعطيك العافية يالغالي .. ودام السالفه فيها نصب ونصابين .. تذكرت سالفة واحد مرسل لي ايميل من بريطانيا يبشرني بالفوز بالحظ يا نصيبب والجائزة كانت عبارة عن رقم وجمبه 6 اصفار .. ملايين ههههههههههه
وقال لي :
كل المطلوب منك ان بتعث لنا 150 دولار نظير نقل المبلغ لحسابك في بلدك الاصلي .. قمت رديت عليه بايميل كان في ما معناه :

انا سعيد جدا بأني فزت بالجائزة .. وان كنت واثق ثقه عمياء بهذا الفوز .. حيث انني قد شاركت بأكثر من 150 مرة ( كله خرط في خرط طبعا :nice: ) وبالتالي فرصة فوزي كانت كبيرة .
اتمنى منك ان تدفع عني الـ 150 دولار وتحول المبلغ لحسابي في قطر بنك : ........... حساب رقم : .............. وأعدك وعد ان تحصل على 150.000 دولار مباشرة .
شكرا جزيلا لك :)

عقبها بيومين رد علي بأيميل وكان شكله معصب ههههههههههه حسيته يقول اش هالصيدة الي ما منها فايده ههههههههههه :nice:
يعطيك العافية اخوي

[Store]

الله يبارك فيك والله تستاهل كل خير وان شالله معوض خير وكله لجل قطر يهون

[_بوشهاب_]

ماشاء الله عليك سويت كل هذا لو انا جان سحبت عليه ولا دريت به
ومشكووووور عالموضوع

[Grnas]

بالمبارك والله يعوضك على الفلوس


والله احفظك منهم ويبعدنا عنهم

[OTOsan]

يعطيك العافيه يابن العم اونيشان ..

استمتعت ونا اقرا السالفه اللي صارت لك والجو البوليسي اللي فيها ،،

وايد تجيني ايميلات مثل اللي جاك بس ما اهتم لها ،،

يعطيك العافيه وجزاك الله خير على اللي سويته :)

[boooooon]

ولحد اليوم ما عطوك المكافئة ؟

[الزاجل]

يعطيك العافيه يابن العم اونيشان ..

استمتعت ونا اقرا السالفه اللي صارت لك والجو البوليسي اللي فيها ،،

وايد تجيني ايميلات مثل اللي جاك بس ما اهتم لها ،،

يعطيك العافيه وجزاك الله خير على اللي سويته :)

اتفق معاك...> وشكرا لصاحب الموضوع

[العقل الحر]

الشيخ اشكرك على غيرتك وعقليتك الفذه والله يكثر من امثالك

ولكن شكل مديركم مسوي شي كايد ؟؟ مادامه خايف من الانتربول معناها مسوي شي برا ؟؟؟:secret:

[العقل الحر]

انا اتجيني اكثر شي اتصالات بس استعبط عليهم !! بس مره جاني اتصال من الهند كلمني بالهندي رديت عليه بالعربي وكلمني بالانجليزي ورديت عليه بالعربي !! توهك الرجال قام يطقطق معاي بالعربي !! وقالي ( انتا في فلوس كتير الف الف اثنين الف ميه خمسه واحد ؟؟؟؟؟؟؟؟؟؟!!!!!!!!!!!! قام يقول جميع الارقام بالعربي مت من الضحك عليه وصكرت في وجهه :nice:

[نووون]

جذيه يسوي الملل ؟!..... والله زين :tease:


يعطيك العافية أخوي وبيض الله وجهك

[Bu Rashid]

جزاك الله خير و الله يكثر من أمثالك ...
موضووووع جميل وقصة جميلة ....

ولكن يجب أعطائك المكافئة .... وتستاهل أكثر من هذى المبلغ
وتحصلهم هم أخذوا مكافئات وترقيات من بركاتك أنت .... الله المستعان

[راعي البيرق]

يتم نقل الموضوع الى الاخ جا جاسم للتوصية

[sendarala]

الله يجزيك كل خير ويبارك فيك

[الامير]

صحيح انا يبيلك حبه على الخشم........وبيض الله وجهه في ميزان حسناتك

[درب السعادة]

والله أخوي أونيشان أن يكون لك مكافاه وماعطوك ياها على كل اللي سويته فهذا يعتبر ظلم واجحاف في حقك وتقليل من شأن وقدرات أبناء البلد ............ وين المصداقيه وأنت قدمت خدمة جليله وفي المقابل شكر شفوي وبسسسسسسسسسسسسسسس

[Q-tr]

بيض الله وجهك ويعطيك العافية.........

مادري جاه في بالي اسم "جورج صلبيا رزق" اللي بااق فلوس العالم وطق..........

يالله الف شكررررررر

[طبشور]

الظاهر الأخ متأثر بالمسلسل المصري ( رأفت الهّجان ) مال رمضان .. فحب أنه يألف مسلسل بس نسخة قطرية مثله ..:secret:

عزيزي .. الأنتربول قال عنهم وزير العدل السابق ( ومحامي الشهيد صدام حسين ) الدكتور نجيب النعيمي .. فقد قال في لقاء معه في قناة المستقلة مع المذيع محمد الهاشمي وكان الموضوع يتعلق بدور الأنتربول في القبض على ( جورج رزق ) صاحب فضيحة ( المدينة جيت ) وقد سمعت المقابلة هذه بأم أذني .. ( وهي أخت أم عيني من الرضاعة .. أشدخل ) المهم سمعته يقول : لو أن الأنتربول بهذه القدرة الخارقة على أنه يجيب ( المطلوب الأول لقطر ) جورج رزق كان قدر يجيب ( ... ) وهو شخص موجود في ( ... ) وأستطاع سرقة ( ... ) .. وطرح بعض الأمثلة على ضعف هذا الجهاز ( أنا بصراحة ما كنت أعرف أيش دوره هالجهاز بس أكيد النعيمي أبخص مني فيه )

[jajassim]

يتم نقل الموضوع الى الاخ جا جاسم للتوصية

ما يحتاج توصية ،،

المطلوب ،،

الاسم والرقم الشخصي ،، :victory:

[wesam_82]

والله أنك ذيب :app::app::app:

[روح الاطلس]

اممممم بس في نقطه ماقدرت استوعبها

يعني معقولة واحد عنده ملايين وفلوس وايد ومالقى طريقة لغسيل امواله إلا انه يستخدم شخص من الانترنت ؟؟ اذا كان نعم فهذة قمة السذاجة !

بس حرام والله خسرت فلوس تذكرة وحجز في الريتز وبالاخير ماحصلت شي :)

[eXpert*]

الحدث كان في سنه 2003 للتذكير ..


يعني يا جماعة لاحد يسنى المكافأة

بس تستاهل كل خير :secret:

[السامـي]

:confused:

[الفـــارسه]

قويه :eek5:

يا بطل

[بنت^البحرين1]

تدرووووووون

قاعده افكر لو انا صارت لي هالسالفة جان شنو بسوي خخخخخخخخخخخخخخ

بس صراحه انك بطل، ويعطيك الف عافيه وان شاءالله المكافأة توصلك بأسرع وقت وربي يكثر من أمثالك

[جمال اليافعي]

مشكورين على المرور

مافي مكافأه اكثر من ان المواطن يشوف ان الاجهزة الامنية تتفاعل معه بجديه ويحقق امر لمصلحه البلد .
هذا بالنسبه لي كل الي احتاجه.

طبعا الموضوع في تفاصيل اكثر بس ما حبيت اعقد السالفه.

وانشالله بكتب تجارب اخرى لي قريبا حين يتسنى لي الوقت

ودمتم بألف عافية وبسكم سهر , يالله كل واحد للفراش والله يعين المناوبين.

[جمال اليافعي]

الظاهر الأخ متأثر بالمسلسل المصري ( رأفت الهّجان ) مال رمضان .. فحب أنه يألف مسلسل بس نسخة قطرية مثله ..:secret:

عزيزي .. الأنتربول قال عنهم وزير العدل السابق ( ومحامي الشهيد صدام حسين ) الدكتور نجيب النعيمي .. فقد قال في لقاء معه في قناة المستقلة مع المذيع محمد الهاشمي وكان الموضوع يتعلق بدور الأنتربول في القبض على ( جورج رزق ) صاحب فضيحة ( المدينة جيت ) وقد سمعت المقابلة هذه بأم أذني .. ( وهي أخت أم عيني من الرضاعة .. أشدخل ) المهم سمعته يقول : لو أن الأنتربول بهذه القدرة الخارقة على أنه يجيب ( المطلوب الأول لقطر ) جورج رزق كان قدر يجيب ( ... ) وهو شخص موجود في ( ... ) وأستطاع سرقة ( ... ) .. وطرح بعض الأمثلة على ضعف هذا الجهاز ( أنا بصراحة ما كنت أعرف أيش دوره هالجهاز بس أكيد النعيمي أبخص مني فيه )


أخوي اللهم اشهد انه ولا شي من الي قلته كذب او تأليف , في امور تصير والناس ماتدري والانتربول ما قصرو معاي , الانتربول تولى عملية القبض وانا سويت الاستدراج للعلم .

الجهاز مهب ضعيف اخوي المشكلة في الاجهزة الامنية الاخرى الي ترفض او متساند الانتربول بالكامل .

يعني مجرد مثال ( طبعا مهب حقيقي ) الداخلية السورية ماتتعامل مع الانتربول او ماتعطيهم الاولوية , اهني الجهاز بيبين انه ضعيف ومافي منه فايدة .


واشكرك اخوي على المرور

[الفيلسـوف]

السلام عليكم ورحمة الله وبركاته

تحية طيبه وبعد ,,,

حبيت أشاركم اليوم مع أحدى مغامراتي سنه 2003 بمشاركة أخواننا في العاصمة والانتربول , مع العلم أسماء عناصر الانتربول والعاصمة لن تذكر نظرا لعدم حصولي على أذن بذلك .

بدأت مغامرتي عندما كنت متملل وأتصفح شبكة الانترنت , دخلت أيميلي كالعادة أشوف الي واصل لي و شفت أحدى الرسائل المعتادة " من فلان بن فلان , انا ابن فلان بن فلان و والدي توفى في حادث سير وعندي 12 مليون دولار ابغى ابعثها لك ولك نظير الخدمه 10% و 5% لتكاليف البنوك ..

انا دريت من اولها انه نصاب وخاصه انه من بلد أفريقي . فقلت مادمت أعرف أنه نصاب يالله أنصب عليه وانا مهب خسران شي , فابعثت له أيميل وقلت له انا أسمي عبدالله جاسم ( أسم وهمي ) وأشتغل في الماليه وانا مستعد أخلص له الموضوع , وطلبت منه لاظهار حسن النية ارسال صورة من جواز سفره.

وبعث لي ثاني يوم صورة من الجواز .. و الله اني ما أكذب عليكم اني بدون ما أشوف الصورة بعثت له رد ان الجواز مزور ومبين عليك انك ما تبغى تتعامل وانك نصاب . رد علي في أقل من 30 دقيقة بأعتذار وصورة ثانية وقلت له نفس الشي واني كنسلت السالفه وقلت له أقلب وجهك بالعاميه .

بعد ثلاث ايام جاني منه رد انه متأسف للي صار وانه كان حابب يتأكد اني جاد في الموضوع , فتتطورت العلاقه وعطاني تلفونه وعطيته تلفوني , وصارت بينا عده أتصالات , حاول فيها انه ياخذ مني 2500 دولار ولكني كنت أرفض بشده وأقول له حبيبي ألعب غيرها ولا تضيع وقتي , لين ما وثق فيني وسألني أشلون نحول الفلوس ويكون الموضوع أمان للطرفين .. قلت له وثق مستندات من المركزي عندكم ابعثها بالـ دي أتش أل على انها أسهم ملكي انا ( عبدالله ) وانك أنت بتشتريهم وبتدخل الفلوس في الرصيدي .. عملية قانونيه 100% ..

بعد كم من يوم جاني أتصال من الدي أتش أل يقولون لي عندك باكيج هاي بريروتي وبنوصله لبيتك .. جابو لي المستندات وحبيت أتأكد خذيتهم لبنك قطر الوطني وأكد لي البنك ان المستندات رسميه .. أهنيه حسيت ان الموضوع صار جد ..

شليت نفسي ورحت أمن العاصمة .. فتحت محضر بالواقعه وقالوا لي بالحرف الواحد احنا مالنا سلطة بأي شي بالأنترنت .. بس في ضابط قال لي عطني رقم تلفونك وبرد عليك بكرة ..

طبعا خذو بيانات عملي وكل شي .. اليوم الثاني وانا في الدوام الا أنشوف المدير العام للشركة متوتر وداخل علينا القسم ويسأل وين فلان بن فلان .. اقوم واقول له انا هو .. يقول لي تعال معاي المكتب .. والله وانا ماشي معاه يخزوني الادارة كاني ذابح واحد ...

دخلت المكتب وقال لي تفضل تبغى تشرب شاي ولا كوفي ويزاعج على الصبي يقول له شوف ايش يشرب , مع انه الدير هاي عمره ماطلع من مكتبه .... وانا مستغرب وناسي السالفه .

الا يسألني ويقول لي يا فلان في حد مزعلك ولا في عندك اي مشكله تراني مثل ابوك لا تستحي من شي .. وانا ضايع اقول في نفسي شيقول ذي . الا يقول لي جاني أتصال من نص ساعه من الانتربول ويبغونك ضروري عندهم .

انا اهني فهمت السالفه , قلت له لا تحاتي يا بو فلان السالفه مافيها الا كل خير .

وهو مستغرب وشو الخير من الانتربول .. فطلعت من عنده ورحت الانتربول في مبنى ما يخطر على البال ... ( الشباب يغيرون موقعهم كل أسبوعين ) وخذوا أقوالي وقالوا لي تم تكلم معاه ونسق معانا لا تخليه يحس انه في شي غلط .

وقالوا لي ترا كل تلفوناتك مراقبه للأحتياط ووقعوني على ورقه انه لامانع لدي من مراقبه تلفوناتي ..

كلمت الاخ الي يبغى يغسل أمواله ( جيمس كابيندا ) وقلت له كل شي تمام وطرش امر الشراء , وطبعا لاظهار حسن نيتي طلعت له بيزنس فيزا وحجز في الريتز كارلتون ..

الاخ استانس وصار يشكرني وتم الامر تم تحويل المبلغ لحساب قطر الوطني , وحجز الرجال وقلت له سكرتيري بيستقبلك في المطار وبيوديك الفندق وانا بقابلك أهناك .. وجا الرجال للدوحه ومستانس مايدري ان الي استقبلوه الانتربول القطري وما سمعته عنه شي مره ثانيه ..

بعد هاذي الحادثة بأسبوعين نزل في الجرايد انه بمساعدة مواطن غيور على بلده تم القبض على رئيس عصابه غسيل اموال بالتعاون بين الانتربول والعاصمه .. وتم أصدار بنفس اليوم قرار بمكافحه غسيل الاموال ..

طبعا ماخذيت المكافأه وهي 300,000 ريال لاسباب أجهلها حتى الان ولكني لم أقم بهذا العمل لاجل المال بل لاجل الحفاظ على وطني قطر ..

في النهاية أقدم كل شكري لعناصر أمن العاصمه والانتربول لحسن تعاملهم وأهتمامهم بالموضوع وعدم تطنيشه ..

الحدث كان في سنه 2003 للتذكير ..


بارك الله فيك وكثر الله من امثالك -- الغيورين على البلد

[المفكــر]

بارك الله فيك

[السيف5]

جزاك الله الف خير وماعملته عمل يدل على حب الوطن

وكثر الله من أمثالك
وأخونا العزيز جاجاسم وجهه أبيض
وسيقوم بتوصيل الرسالة والله انك تستاهل المكافاة والتقدير

[غناتي1]

هذولا اهل قطر وعيالها الغيورين 0

الله يكثر من امثالك 0

[سداوي&مدريدي]

كفو والله يالذيب

جزاك الله خير والله يكثر من امثالك

[سوق واقف]

بارك الله فيك وكثر الله من امثالك -- الغيورين على البلد

[al.wajbah]

الله يكثر من أمثالك ..


ليت كل شبابنا مثلك ..



استفدت من تجربتك ماطنش مثل هالرسايل اللي توصلنا مستقبلا ..!

[بوالفاروق]

والله انت كلك اكشن :nice:

وبارك الله فيك على حرصك للوطن :victory:

[collection]

صراحه استانست وانا اقر مغامرتك حسيت كاني اشوف فلم اكشن بس جزاك الله خير على غيرتك على بلادك والله يكثر من امثالك والله يعوضك بالمكافاه اللي ماشفتها لين الحين بشى احسن منها

[بلاهويـــــة]

بيض الله وجهك

[cârâmeł]

بيض الله ويهك ,,, والله يكثر من امثالك

[fhd4]

يبيلها قصتك نحولها على مخرج يحولها لفيلم ..:omen2:.. يعطيك العافية ....


بس تحمل من رئيس العصابة اذا طلع من السجن ولا من أفراد العصابة ... لا يسوون لك كمين ... بالايميلات ... :tease:

[بنت الصقور]

شكل مديركم مسوي شي كايد ؟؟

[مطيع الله]

ما فعلت خيراً

[جمال اليافعي]

شكل مديركم مسوي شي كايد ؟؟

ههههههههه والله مادري بس الانتربول لهم وقع على الي يعرفهم مثل ال Fbi Cia M6 Kgb ههههه