bus3od
25-03-2009, 08:19 PM
السلام عليكم ورحمة الله وبركاته
في البدايه كل الشكر و العرفان لجميع العاملين في وزارة الداخليه و كل العيون الساهره على راحة المواطن و أمن هذا البلد و بكل صراحه اللسان يعجز عن شكرهم لما يقدمونه من خدمات جليله لهذا الوطن
الموضوع :
أنا كل يوم تقريبا عندي بريك ساعتين و نص و الربع اللي عنده محاضرات واللي في البيت عاد مافي الا أني أفتر بنفسي فكرت وين أروح مالقيت مكان المجمعات زهقنا منها و صرت كل يوم اخذ فره على البحر ( من الملل ) أمس كنت عالبحر ( بدون ذكر الاسم) و كنت باخذ فره وبطلع بس أول ما وصلت شفت منظر يمكن يكون شئ عادي في هذا المكان و هو وجود أجانب ( غير عرب ) و يمكن فيهم عرب بس أغلب الظن أنهم مب عرب جالسين عالسيف قلت مب مشكله جايين يغيرون جو لكن للأسف لقيت نسوانهم مفاصيخ ولابسين لبسهم اللي مايتسمى ( لبس البحر) و بعدهم ب50 متر تقريبا يعني في نهاية السيف في شله ثانيه و نفس الحاله معاهم مفاصيخ ... و شفت وراهم مواتر وايد قلت يمكن مواترهم بس يوم ركزت الا المواتر اما فيها هنود أو شباب مساكين مزبدين و كل واحد فاتح حلجه وفي شباب رايحين و رادين عليهم و المشكله أن وسط هالأجانب عوايل قطريه يعني تخيلوا الياهل يشوف هالمنظر وهو صغير أعتقد إذا كبر بيصير عنده شي عادي و يمكن يسوي مثلهم ... المهم أنا ارتفع ضغطي لأني جاي اخذ فره و في هالفره أشوف بلاوي عاد قلت هالمره مب ساكت و اتصلت فالعضيد و بلغتهم و جزاهم الله خير أقل من 5 دقايق اتصل لي العسكري و خذ مني كل التفاصيل و في ربع ساعه شفتهم متواجدين فالمكان و كلموا الأجانب و سوو المطلوب منهم و طبعا هذا كله بدون مايدخلوني أنا فالسالفه يعني راحوا و شافوا الوضع بنفسهم و سجلوا البلاغ و يعطيهم العافيه و ماقصروا و عساهم عالقوه
لكن يا جماعة الخير اليوم نفس الحاله كان عندي بريك و رحت نفس المكان ( صار روتين تقريبا ) و قلت خلاص مب شايف شي لأني أمس بلغت و أكيد حطوا عينهم عالمكان و بيكونون متواجدين فيه بس لما وصلت شفت نفس المنظر بس هالمره مب عالسيف هالمره تتمشى وسط السيارات الصراحه انقهرت و طلعت و كنت ببلغ بس قلت أولا أنا غلطان لأني رحت نفس المكان و ثانيا دام هالمنظر يتكرر كل يوم فلازم يحطون دوريه هناك و انا تقريبا كل يوم هناك اذا كل يوم ببلغ بمصخها
اللي حاب أوصله ياجماعة الخير في أماكن معروفه وفيها اجانب مفاصيخ كل يوم و من ضمنها هالمكان ليش مايحطون فيها دوريه أو عساكر من الأمن الوقائي عشان مانشوف مثل هالمناظر و طبعا في أشياء ثانيه تصير غير هالحالات و الكل عارفها فمن مبدأ درءا للمفاسد ليش مايحطون دوريه للأمن الوقائي في هذه الأماكن و يريحونا
واللي يشوف السالفه بسيطه و أنا مكبرها أعتقد الانفتاح أثر فيه و صار عنده شي عادي يجلس بين هالمفاصيخ هم عندهم البحر اللي فالفنادق خلوهم يسوون اللي يبونه هناك اما يناشبونا و يتفصخونا فوسطنا هذا اللي مانرظاه كفايه مناشبينا فالشوارع و المدارس و في كل شي
أعتقد قبل كم سنه ماكنا نشوف هالمناظر و كانت العوايل القطريه كل نهاية اسبوع تروح البحر تغير جو بس مع انتشار هالظواهر محد صار يروح البحر و ( بعض ) الشباب مطيحين في هالأماكن عشان هالسوالف و أكيد في شباب مالهم خص في هالسوالف و رايحين يستمتعون بالبحر و يمارسون رياضة الجت سكي
يا جماعة هالمواضيع اللي البعض يشوفها بسيطه ممكن تكون نتايجها سلبيه و احنا لازم مانسكت على أي شي مهما كان صغير و اللي يشوف هالمناظر و يسكت والا يقعد و يطالع هذا ماعنده غيره على بلاده ياخي على الأقل خذ كم حسنه اذا ماعندك غيره على بلادك و العضيد والللله مب مقصرين و اسألوا أي واحد جربهم و ماسمعت حد يذمهم ولله الحمد
فالنهايه أتمنى وضع دوريه في هذه المناطق و تفعيل دور العضيد أكثر و اكثر و أتمنى من جميع المواطنين التكاتف و التعاون مع الجهات المختصه و الابلاغ عن مثل هذه الحالات حتى نتخلص منها في مجتمعنا المحافظ ... ولانملك سوى الدعاء لحماة الوطن و العيون الساهره على أمنه يا جماعة ترى الدعاء بظهر الغيب له فضل كبير ( اللهم وفقهم و يسر لهم عملهم و أعنهم على حفظ هذا البلد و بارك لهم في رزقهم امين يا رب العالمين )
دمتم بود و محبه
اخوكم/ بوسعود
في البدايه كل الشكر و العرفان لجميع العاملين في وزارة الداخليه و كل العيون الساهره على راحة المواطن و أمن هذا البلد و بكل صراحه اللسان يعجز عن شكرهم لما يقدمونه من خدمات جليله لهذا الوطن
الموضوع :
أنا كل يوم تقريبا عندي بريك ساعتين و نص و الربع اللي عنده محاضرات واللي في البيت عاد مافي الا أني أفتر بنفسي فكرت وين أروح مالقيت مكان المجمعات زهقنا منها و صرت كل يوم اخذ فره على البحر ( من الملل ) أمس كنت عالبحر ( بدون ذكر الاسم) و كنت باخذ فره وبطلع بس أول ما وصلت شفت منظر يمكن يكون شئ عادي في هذا المكان و هو وجود أجانب ( غير عرب ) و يمكن فيهم عرب بس أغلب الظن أنهم مب عرب جالسين عالسيف قلت مب مشكله جايين يغيرون جو لكن للأسف لقيت نسوانهم مفاصيخ ولابسين لبسهم اللي مايتسمى ( لبس البحر) و بعدهم ب50 متر تقريبا يعني في نهاية السيف في شله ثانيه و نفس الحاله معاهم مفاصيخ ... و شفت وراهم مواتر وايد قلت يمكن مواترهم بس يوم ركزت الا المواتر اما فيها هنود أو شباب مساكين مزبدين و كل واحد فاتح حلجه وفي شباب رايحين و رادين عليهم و المشكله أن وسط هالأجانب عوايل قطريه يعني تخيلوا الياهل يشوف هالمنظر وهو صغير أعتقد إذا كبر بيصير عنده شي عادي و يمكن يسوي مثلهم ... المهم أنا ارتفع ضغطي لأني جاي اخذ فره و في هالفره أشوف بلاوي عاد قلت هالمره مب ساكت و اتصلت فالعضيد و بلغتهم و جزاهم الله خير أقل من 5 دقايق اتصل لي العسكري و خذ مني كل التفاصيل و في ربع ساعه شفتهم متواجدين فالمكان و كلموا الأجانب و سوو المطلوب منهم و طبعا هذا كله بدون مايدخلوني أنا فالسالفه يعني راحوا و شافوا الوضع بنفسهم و سجلوا البلاغ و يعطيهم العافيه و ماقصروا و عساهم عالقوه
لكن يا جماعة الخير اليوم نفس الحاله كان عندي بريك و رحت نفس المكان ( صار روتين تقريبا ) و قلت خلاص مب شايف شي لأني أمس بلغت و أكيد حطوا عينهم عالمكان و بيكونون متواجدين فيه بس لما وصلت شفت نفس المنظر بس هالمره مب عالسيف هالمره تتمشى وسط السيارات الصراحه انقهرت و طلعت و كنت ببلغ بس قلت أولا أنا غلطان لأني رحت نفس المكان و ثانيا دام هالمنظر يتكرر كل يوم فلازم يحطون دوريه هناك و انا تقريبا كل يوم هناك اذا كل يوم ببلغ بمصخها
اللي حاب أوصله ياجماعة الخير في أماكن معروفه وفيها اجانب مفاصيخ كل يوم و من ضمنها هالمكان ليش مايحطون فيها دوريه أو عساكر من الأمن الوقائي عشان مانشوف مثل هالمناظر و طبعا في أشياء ثانيه تصير غير هالحالات و الكل عارفها فمن مبدأ درءا للمفاسد ليش مايحطون دوريه للأمن الوقائي في هذه الأماكن و يريحونا
واللي يشوف السالفه بسيطه و أنا مكبرها أعتقد الانفتاح أثر فيه و صار عنده شي عادي يجلس بين هالمفاصيخ هم عندهم البحر اللي فالفنادق خلوهم يسوون اللي يبونه هناك اما يناشبونا و يتفصخونا فوسطنا هذا اللي مانرظاه كفايه مناشبينا فالشوارع و المدارس و في كل شي
أعتقد قبل كم سنه ماكنا نشوف هالمناظر و كانت العوايل القطريه كل نهاية اسبوع تروح البحر تغير جو بس مع انتشار هالظواهر محد صار يروح البحر و ( بعض ) الشباب مطيحين في هالأماكن عشان هالسوالف و أكيد في شباب مالهم خص في هالسوالف و رايحين يستمتعون بالبحر و يمارسون رياضة الجت سكي
يا جماعة هالمواضيع اللي البعض يشوفها بسيطه ممكن تكون نتايجها سلبيه و احنا لازم مانسكت على أي شي مهما كان صغير و اللي يشوف هالمناظر و يسكت والا يقعد و يطالع هذا ماعنده غيره على بلاده ياخي على الأقل خذ كم حسنه اذا ماعندك غيره على بلادك و العضيد والللله مب مقصرين و اسألوا أي واحد جربهم و ماسمعت حد يذمهم ولله الحمد
فالنهايه أتمنى وضع دوريه في هذه المناطق و تفعيل دور العضيد أكثر و اكثر و أتمنى من جميع المواطنين التكاتف و التعاون مع الجهات المختصه و الابلاغ عن مثل هذه الحالات حتى نتخلص منها في مجتمعنا المحافظ ... ولانملك سوى الدعاء لحماة الوطن و العيون الساهره على أمنه يا جماعة ترى الدعاء بظهر الغيب له فضل كبير ( اللهم وفقهم و يسر لهم عملهم و أعنهم على حفظ هذا البلد و بارك لهم في رزقهم امين يا رب العالمين )
دمتم بود و محبه
اخوكم/ بوسعود