المساعد الشخصي الرقمي

مشاهدة النسخة كاملة : أسرار المراهقين..كيف كانت مراهقتك .. .؟


هتـان قطر
27-03-2009, 02:35 PM
من منا لم يمر بفترة المراهقة..تلك الفترة الحرجة من اعمارنا

كيف كانت أفكارك وانت في هذا السن..؟

كيف كنت تنظر للضغوط اللي حواليك من الوالدين..؟

هل منظورك للامور الان..هي نفسها لما كنت مراهق..؟

اغلبنا في هذا المنتدى عندنا اولاد او اخوان في هذا السن..

ونبي نتناقش في امور المراهقين..والعذاب اللي يعيشه الاباء والامهات

والصعوبة اللي يواجهونها في تربية هؤلاء سواء من بنات او صبيان..

خلونا قبل ..نشوف كل واحد كيف كانت مراهقته..

وبعدين نتناقش في المشاكل اللي نتعرض لها ونصادفها من ابنائنا وبناتنا..

:)
العقل الحر
27-03-2009, 03:48 PM
اختي هتان قطر المراهقه مرحله صعبه جدا ومضطربه الى ابعد الحدود

ولكن يقدر السيطره عليها بصعوبه

واما اسراري هي اسراري ولا ليش سموها اسرار !! :nice:
المتأمل خيرا
27-03-2009, 06:05 PM
من منا لم يمر بفترة المراهقة..تلك الفترة الحرجة من اعمارنا


أنا بصراحة ما مريت بفترة مراهقة.. :tease:

..

:)



:) لي عودة إن شاء الله "بس حبيت آضحك معاكم شوي".. :)

موضوع غير عادي.. لك الشكر اخت هتـّـان قطر
ANONYMOUS
27-03-2009, 06:42 PM
الصراحه ما اذكر ان مريت بفترات صعيبه

يمكن كل واحد وتعامل والديه معاه
!قطريـة بنت القمـر!
27-03-2009, 06:57 PM
كيف كانت أفكارك وانت في هذا السن..؟

الافكـار تكون بسيـطه .... لكن دايما نكبـر الامور ونشوفها من منظـار صغيـر بحكم صغر السـن ....

كيف كنت تنظر للضغوط اللي حواليك من الوالدين..؟
كنـا نشـوفها على اساس انها جحيم ونعيـش حالة من الـ ( التحلـطم ) و اليأس والاكتئـاب .... ولما يلتقون البنات مع بعض كل من يشتكي من اهله وسوالف وبلاوي ترى وايد من المراهقين تعقدوا من ضغوط اهاليهم في امـور معينه او من معامله غير عادله او تفرقه بينهم وبين احد الاخووه او التضييق عليهم في امر ما وامور كثيـرة ترى تترك اثر في نفس المراهق ....

هل منظورك للامور الان..هي نفسها لما كنت مراهق..؟

شي طبيعي تغيـر المنظـور تماما و العقـل كبـر و ركز والشعـور والعواطـف ركزت ونضجـت .... في فترة المراهقة على اي كلمة كنا نزعل ونسويها ماساه والامـوور ما ناخذها من باب اوسع .... تفكيرنا يكون في منظار ضيق نوعا ما جذي تضيق علينا الدنيا يوم نمر بمشكله .... لما نكبـر اكيـد البعض يتغيـر لان البعض الاخـر للاسف يعيش المراهقه لاخر عمره :secret: .... بس اهم شي بالنسبه لي احـس تجاوزت امـور كثيـره وفهمتها .... وعرفت من امـور المراهقيـن واهتماماتهم .... ولما نتعامل معاهم لازم نوصل شوي لمستواهم الفكري عشان نقدر نفهم كيفية تفكيرهم ونتعامل على هالاساس لاننا ان ظللنا نفكر بعقولنا بنفس المرحلة العمرية اللي احنا عايشينها ما بنقدر نفهم طريقة تفكير اللي قدامنا .... نفس الطفل ان بغيتي توصلين للي يحبه واللي يكرهه وللامور التي يفضلها لازم نوصل احنا لنفس مستواه الطفولي عشان نفهم كيفية فهمه وادراكه للامور .... و هذي مهـارة نادر من يمتلكها الا وهي المرونـه والتكيـف مع طبيعة البشـر واعمارهم ونصغـر الهوّه والفجـوه بين اختلاف الاعمـار والاجيـال ....



في النهايـة .... تسلمين اختـي الغاليه ( هتـان ) ع الطـرح وهو موضوع هـام .... يعطيج الف عافيـة ....
بومحمد911
27-03-2009, 07:45 PM
ايش يعني مراهقة

لا يوجد في ديننا فترة اسمها المراهقة
المتأمل خيرا
27-03-2009, 08:09 PM
أولاً لابد من ذكر أنه من الصعب - عند محاولة الإجابة - أن نتذكّر الكثير "ولا أقول حتى كل شيء.. لأن هذا مستحيل"، لكن يمكن ذكر بعض الأشياء.. وإذا جاء في البال أشياء أخرى تستدعي الذكر، فيمكن الإشارة لها في وقت آخر..


من منا لم يمر بفترة المراهقة..تلك الفترة الحرجة من اعمارنا

"صحيح"



كيف كانت أفكارك وانت في هذا السن..؟

" - في هذه السن - بالطبع ليس من السهل تحديد الفترة العمرية، لكن لنفترض أنها من حوالي الثانية عشر وأكثر.. حتى الثامنة عشر؟، ..

وبالنسبة للأفكار، فيتوقف الامر على الموضوع.. حيث أن الأفكار لايمكن أن تكون مقتصرة على مجال واحد.. فلا شك أن كل منا يعيش ظروفه، وبالتالي فقد تكون هناك أمور تشغلني وتمثل هاجساًَ "شاغلاً" لي، بينما لا تمثل لجاري "الذي هو في عمر مماثل لي" شاغلاً على الإطلاق"..

كيف كنت تنظر للضغوط اللي حواليك من الوالدين..؟

"حقيقة لم تكن هناك ضغوط بمعنى الكلمة.. حيث آنذاك كانت الحياة - في مجملها - بسيطة، ماعدا الحث على أهمية الدراسة.. وهذا أمر كنت أجتهد فيه ..".

هل منظورك للامور الان..هي نفسها لما كنت مراهق..؟

"من المؤكـّـد لا - ولأسباب كثيرة - ، ولا أتوقع أن أحداً سيقول نعم.. :)"

اغلبنا في هذا المنتدى عندنا اولاد او اخوان في هذا السن..

ونبي نتناقش في امور المراهقين..والعذاب اللي يعيشه الاباء والامهات

والصعوبة اللي يواجهونها في تربية هؤلاء سواء من بنات او صبيان..

خلونا قبل ..نشوف كل واحد كيف كانت مراهقته..

وبعدين نتناقش في المشاكل اللي نتعرض لها ونصادفها من ابنائنا وبناتنا..

"كل ما يمكنني قوله - بالنسبة لتربية الأولاد - ، أن يحاول الوالدان أن يأخذا الأمور بهدؤ.. وأن يكونا صديقين لأولادهم.. أكثر من كونهما آمرين ناهيين.."

لكن بعد أحس أن ما قلته ليس كل شيء.. وبالتالي قد تكون لي عودة..
:)
بنت الحرمي
27-03-2009, 09:48 PM
والله من احلى الايام تسعينات القرن الماضي :weeping:


كنت احب اكتب مذكراتي كل يوم ،، كان عندي مذكرة اكتب فيها الاحداث اليومية

كانت مذكرتي هي متنفسي ،، انفس فيها عن غضبي\حزني\ سعادتي\ وكل ما يكنه قلبي وعقلي


والحمدلله الى الآن مذكراتي ما طاحت في يد حد ولا راح يكون حسابي عسير :secret:
بابا الضحية
27-03-2009, 09:54 PM
والله ايام المراهقة كانت زينه !!!

بس ام العيال دايما تخاف علي من المراهقه الثانيه:shy:
QatarRose
27-03-2009, 10:28 PM
فتره صعبه جدا

أتوقع أنها تترتب على مرحله الطفوله اللي ممكن تحدد أخطار المراهقه

بالنسبه لي : أصعب اللحظات اللي مرت علي فيها ما كنت اقدر اسيطر على اعصابي

واي شي ينرفزني ويزعجني ..

بسرعه كنت أعصب بس الحيــــــــــــــن بروووود الدنيا فيني

في الشغل يوم اعصب يضحكون علي لاني ما اعرف اتصرف اقول لهم انا معصبه لكن اتكلم بكل

برود يستغربون من عصبيتي .

بس فعلا يوم اتذكر ايام المراهقه استغرب من الجنون اللي مريت فيه ..

الحمد لله عدينا هالمرحله :)

ثااانكس على موضوعج هتان قطر .. يعطيج العافيه .

تقبلي مروري ومشاركتي الطويله :shy:
هتـان قطر
28-03-2009, 12:20 AM
اختي هتان قطر المراهقه مرحله صعبه جدا ومضطربه الى ابعد الحدود

ولكن يقدر السيطره عليها بصعوبه

واما اسراري هي اسراري ولا ليش سموها اسرار !! :nice:



عادي اخوي العقل الحر..تقدر تفصح عن جانب من هالاسرار بما انك

متخفي خلف اسم مستعار..

انا نفسي اعرف امور اكثر عن مراهقة الصبيان علشان عيالي اللي في هالسن

احيانا احس ما يفهموني بالشكل المطلوب..او انا اللي ما افهمهم صح..
هتـان قطر
28-03-2009, 12:24 AM
:) لي عودة إن شاء الله "بس حبيت آضحك معاكم شوي".. :)

موضوع غير عادي.. لك الشكر اخت هتـّـان قطر





بانتظارك اخوي الكريم..شكلك من اللي يستفاد منهم:)


الصراحه ما اذكر ان مريت بفترات صعيبه

يمكن كل واحد وتعامل والديه معاه

يابخت اهلك..المراهقة تختلف من شخص الى اخر

فيه اللي الله هاديهم ومراهقتهم تعدي بدون مشاكل

وفيه اللي يطلع روح اهله..وما يكبر الا لما يطلع لهم قرون
الساهرة
28-03-2009, 04:17 AM
بصراحه طفولتي ومراهقتي متشابه كنت هادئيه وكنت حالمه لعبد الحدود
كنت احس محد يقدر يفهمني ويفهم شعوري وافكاري مرات كثيرة كنت اتضايق من هالشعور
لكن كان عندي ام رائعه كان وجودها له الفضل ان اكون كما انا الان

على فكره دور الاهل مهم في هالفتره الحرجه من العمر ومع الاسف مصار فيه ترابط بين الاباء والابناء
ومع الاسف انه ابهات وامهات هالايام كلهم متعلمين ومن المفترض انهم اكثر اطلاع وعي في هالفتره من عمر الابناء امي كانت انسانه اميه غير متعلمه ولكن وجدت فيها ماشكر ربي على انها امي

الجهل هو قلت الوعي وليس مرتبطه بالكتابه والقراءة
وبالنسبه لسر معين اختي هتان ( مابقول ) هذا سر :tease:

واخر مرة لااتعودينها :anger1:


الساهرة
بوشيخة
28-03-2009, 06:44 AM
مراهتي كانت صعبية جداً
وعلى قولتج كنت اطلعلهم
( الوالد والوالده الله يحفظهم آمين )
موب قرون إلا قرونين


هذا والباقي احتفظ فيه لي نفسي
واعلم به عيالي حتى لا يقعوا في الخطء الذي وقعت به في سن مراهقتي
والله يحفظ لي عيالي ويحفظ لكم عيالكم
آمــــــــــــــــــــــــــــــين


مشكوره على الموضوع
هتـان قطر
28-03-2009, 10:32 AM
كيف كانت أفكارك وانت في هذا السن..؟

الافكـار تكون بسيـطه .... لكن دايما نكبـر الامور ونشوفها من منظـار صغيـر بحكم صغر السـن ....

كيف كنت تنظر للضغوط اللي حواليك من الوالدين..؟
كنـا نشـوفها على اساس انها جحيم ونعيـش حالة من الـ ( التحلـطم ) و اليأس والاكتئـاب .... ولما يلتقون البنات مع بعض كل من يشتكي من اهله وسوالف وبلاوي ترى وايد من المراهقين تعقدوا من ضغوط اهاليهم في امـور معينه او من معامله غير عادله او تفرقه بينهم وبين احد الاخووه او التضييق عليهم في امر ما وامور كثيـرة ترى تترك اثر في نفس المراهق ....

هل منظورك للامور الان..هي نفسها لما كنت مراهق..؟

شي طبيعي تغيـر المنظـور تماما و العقـل كبـر و ركز والشعـور والعواطـف ركزت ونضجـت .... في فترة المراهقة على اي كلمة كنا نزعل ونسويها ماساه والامـوور ما ناخذها من باب اوسع .... تفكيرنا يكون في منظار ضيق نوعا ما جذي تضيق علينا الدنيا يوم نمر بمشكله .... لما نكبـر اكيـد البعض يتغيـر لان البعض الاخـر للاسف يعيش المراهقه لاخر عمره :secret: .... بس اهم شي بالنسبه لي احـس تجاوزت امـور كثيـره وفهمتها .... وعرفت من امـور المراهقيـن واهتماماتهم .... ولما نتعامل معاهم لازم نوصل شوي لمستواهم الفكري عشان نقدر نفهم كيفية تفكيرهم ونتعامل على هالاساس لاننا ان ظللنا نفكر بعقولنا بنفس المرحلة العمرية اللي احنا عايشينها ما بنقدر نفهم طريقة تفكير اللي قدامنا .... نفس الطفل ان بغيتي توصلين للي يحبه واللي يكرهه وللامور التي يفضلها لازم نوصل احنا لنفس مستواه الطفولي عشان نفهم كيفية فهمه وادراكه للامور .... و هذي مهـارة نادر من يمتلكها الا وهي المرونـه والتكيـف مع طبيعة البشـر واعمارهم ونصغـر الهوّه والفجـوه بين اختلاف الاعمـار والاجيـال ....



في النهايـة .... تسلمين اختـي الغاليه ( هتـان ) ع الطـرح وهو موضوع هـام .... يعطيج الف عافيـة ....

الله يعطيك العافيه ياقطرية قمر..ماشالله عليك ماقصرت فالرد

انا معك ان الامور تتغير لما يكبر الواحد ويمسك عقله..لكن خلال هالفتره

بالذات على الاهل انهم يتحملون عيالهم ويصبرون عليهم مع انهم احيانا

يطلعون الواحد من طوره لكن ما علينا الا الصبر ثم الصبر..واهم شي الدعاء لهم

بالهداية ..

تحية كبيييرة لك قطرية يابنت القمر
هتـان قطر
28-03-2009, 10:41 AM
ايش يعني مراهقة

لا يوجد في ديننا فترة اسمها المراهقة


اخوي بومحمد انا معك ان المسمى غير موجود في ديننا

خصوصا ايام قبل.. يوم كان الاب يربي والعم والجاروالمعلم..اما الحين

دخلت علينا اطراف اخرى وهي المدرسة بما فيها من سلبيات طغت على الايجابيات

الفضائيات وما ادراك ما الفضائيات..النت وبلاويه..

اصبح الطفل محاصر من كل الجهات بالزين والشين وهو اكيد ما يعرف

اللي بيصلح له من اللي بيضره..

في هذه الفترة الزمنية من العمر تقريبا من 12 الى 18 سنة

يكون الولد والبنت في صراع مع المتغيرات النفسية والسيكيولوجية

النمو عنده يسير بشكل سريع جداً يكون خلالها كله متنرفز ومهب عارف

شاللي يصير له..احنا لابد ان نعي مايمر به من متغيرات ونحاول

نمشي معه الى بر الامان..الى ان يثبت عقله ويكتمل نموه..

ومثل ما قلت قبل اهم شي الصبر عليهم ونعلمهم الصح من الغلط باسلوب لطيف

وبعدين الدعاااء لهم بالهداية..
miss-qatr
28-03-2009, 10:55 AM
هلا اختي هتان


شكلك اتحاتين عيالك :p



أنا مراهقتي كانت كريهة ولا اتمنى ارجع حتى بالذكرى لها :secret:



لأن عواقبها لحقتني لحد الحين :weeping: صرت حساسة زيادة :weeping:



هتان تخيلي ما كنت اتكلم :nop


كله أحس ان امي وأبوي ايحبون الكل أكثر مني واقعد أصيح :eek3:


( بس لحد الحين يراودني نفس الشعور هل كانو يحبونهم أكثر :con2: )



حتى الأفكار اتحسين مب متزنة وطموحاتك بسيطة لكن سبحان الله كل ما كبر الإنسان ايتعدل تكيره ويفكر بعقلانية أكثر


اللي عنده بنات بسن المراهقة المفروض يكون قريب منهم ويحسسهم بحبه لهم سواء من الأب والأم


مهما كان البنت وحتى الولد محتاج بهالسن حق العاطفة أكثر من غيره ومهما عطيتوهم بيحسون انكم ماتحبونهم -----> مثلي كنت جاحده :looking:




موضوع حلو ويعطيك العاافية :)
Bu Rashid
28-03-2009, 11:01 AM
أختي ... أنا لين الحين ما أنتهيت من هذه الفتره ...
بس أنتهي باقولج ...:rolleyes2:

بس أنا متابع ...:)
هتـان قطر
28-03-2009, 01:11 PM
[COLOR="RoyalBlue"]أولاً لابد من ذكر أنه من الصعب - عند محاولة الإجابة - أن نتذكّر الكثير "ولا أقول حتى كل شيء.. لأن هذا مستحيل"، لكن يمكن ذكر بعض الأشياء.. وإذا جاء في البال أشياء أخرى تستدعي الذكر، فيمكن الإشارة لها في وقت آخر..




المتأمل من خلال ردك فهمت ان الاباء قبل ما كانوا يركزون على الاشياء الصغيرة

في حياتنا..كانوا احيانا يوجهونا بشكل غير مباشر..يعني من خلال محيط البيت والحياة

اللي نعيشها نكتسب اساسيات في التربية بشكل تلقائي..بدون ما يأمرونا بذلك..

الحين في زمنا هذا صرنا نركز على عيالنا بشكل كبير وما نخلي لهم مجال هم بأنفسهم

يقررون شاللي يبونه..من خوفنا عليهم صارت حياتنا وحياتهم كلها أوامر

اكل ..اشرب..البس هذا..لا تلبس هذا..حلق شعرك طويل..ادرس ..والا..

نأمر أمر بالشي بدون ما نوضح لهم احنا ليش نبغيهم يسوون هذا الشي..

احس الغلط فينا احنا قبل لا يكون غلطهم..لابد من احتوائهم وفهمهم حتى يسهل

علينا تربيتهم بشكل سليم..

المتأمل مازلنا نأمل منك الكثير ..لا تحرمنا من تواجدك معانا :)
بوحارب
28-03-2009, 01:16 PM
مراهقتي كانت حلوة وايد

كنت اطلع من البيت الساعة 2 الظهر وما أرجع الا اليوم الثاني الساعه 8 الصبح http://www.qatarshares.com.qa/data/689/692/storm_355786047_1135007333.gif


يا سلااااااااااام ذكرتيني في ايام حلوة http://www.qatarshares.com.qa/data/689/692/storm_4301361_1868836579.gif

على قولة نوال ايام حلوة كانت ايام حبك http://www.qatarshares.com.qa/data/689/692/storm_2050223021_1299946808.gif


الله يعطيج العافية هتان :)
هتـان قطر
28-03-2009, 01:20 PM
والله من احلى الايام تسعينات القرن الماضي :weeping:


كنت احب اكتب مذكراتي كل يوم ،، كان عندي مذكرة اكتب فيها الاحداث اليومية

كانت مذكرتي هي متنفسي ،، انفس فيها عن غضبي\حزني\ سعادتي\ وكل ما يكنه قلبي وعقلي


والحمدلله الى الآن مذكراتي ما طاحت في يد حد ولا راح يكون حسابي عسير :secret:



هههههههه الى الان ماطاحت في يد أحد..؟

اتمنى تحرقينها قبل لا يطل عليك فارس الاحلام..وتصير علوم :nice:

بالنسبة لفارس الاحلام..البنات في هذا السن يرسمون لهم صورة لزوج

المستقبل ويتخيلون فيه مواصفات مستحيل تكون موجوده في اي رجل..

واهم شي انهم مايتمادون في التفكير ..ويبحثون عن فارس الاحلام على ارض الواقع


لابد ان الامهات بطريقة غير مباشره يوضحون لبناتهم ويسولفون

معهم ان البنات كلهم في هالسن نفس الشي ..بس يكبرون راح يتغيرون

ويتغير تفكيرهم ..ويطغى جانب العقل على العاطفة..
Bu Rashid
28-03-2009, 01:22 PM
مراهقتي كانت حلوة وايد

كنت اطلع من البيت الساعة 2 الظهر وما أرجع الا اليوم الثاني الساعه 8 الصبح http://www.qatarshares.com.qa/data/689/692/storm_355786047_1135007333.gif
يا سلااااااااااام ذكرتيني في ايام حلوة http://www.qatarshares.com.qa/data/689/692/storm_4301361_1868836579.gif

على قولة نوال ايام حلوة كانت ايام حبك http://www.qatarshares.com.qa/data/689/692/storm_2050223021_1299946808.gif
الله يعطيج العافية هتان :)


بوحارب .. نبي نسمع عن بعض من هذه الايام الحلوووووه:con2:
بوحارب
28-03-2009, 01:28 PM
بوحارب .. نبي نسمع عن بعض من هذه الايام الحلوووووه:con2:


وليش تبي تعرف :anger1:


يعني لازم الواحد يطلع فضايحه

عالعموم بقولك بأختصار بس بيني وبينك :(

كنت اطلع وارجع وارقد واقوم واروح واجي ولا حد يسأل عني:nice:

يعني عايش بروحي وتربيت في الشارع على يد أرجال

كانوا ربعي كلهم اكبر مني وانه مثل النونو بينهم :omg:

وتعلمت منهم الحياة لين ما صرت اقول

انا الذي خاويت واجد من الناس & واعرف مزاج الشخص بابسط طريقة

بس صج صج صج كانت ايام حلوة

وسلامتك :nice:
Bu Rashid
28-03-2009, 01:31 PM
وليش تبي تعرف :anger1:


يعني لازم الواحد يطلع فضايحه

عالعموم بقولك بأختصار بس بيني وبينك :(

كنت اطلع وارجع وارقد واقوم واروح واجي ولا حد يسأل عني:nice:

يعني عايش بروحي وتربيت في الشارع على يد أرجال

كانوا ربعي كلهم اكبر مني وانه مثل النونو بينهم :omg:

وتعلمت منهم الحياة لين ما صرت اقول

انا الذي خاويت واجد من الناس & واعرف مزاج الشخص بابسط طريقة

بس صج صج صج كانت ايام حلوة

وسلامتك :nice:



أن شاء الله دووووووم تكون أيامك حلووووووه ...
هتـان قطر
28-03-2009, 01:36 PM
وليش تبي تعرف :anger1:


يعني لازم الواحد يطلع فضايحه

عالعموم بقولك بأختصار بس بيني وبينك :(

كنت اطلع وارجع وارقد واقوم واروح واجي ولا حد يسأل عني:nice:

يعني عايش بروحي وتربيت في الشارع على يد أرجال

كانوا ربعي كلهم اكبر مني وانه مثل النونو بينهم :omg:

وتعلمت منهم الحياة لين ما صرت اقول

انا الذي خاويت واجد من الناس & واعرف مزاج الشخص بابسط طريقة

بس صج صج صج كانت ايام حلوة

وسلامتك :nice:


:omg: بوحارب بيني وبينك..كيف كان تأثيرهم عليك

هل كان ايجابي والا سلبي..؟

يعني كل شي يدعو للقلق ..اغلب وقتك في الشارع..!!!

ربعك كلهم اكبر منك..!!! محد يسأل عنك..!!

كيف ما انحرفت وصرت مجرم..؟

مقيوله ..الهادي الله..

يعني ظنك يابو حارب نعطي عيالنا مجال انهم يهيتون في الشوارع

وما نفرض عليهم رقابة صارمة..؟

هل تظن ان كثرة الصك عليهم ومراقبتهم بينتج عنها سلوك عكسي..

انت شتت افكاري بردك..:rolleyes2:
قناص الاسهم
28-03-2009, 01:42 PM
الله يا الزمن .. ايام المراهقة وما ادراك ما المراهقة ..
ذكرتوني بالماضي الأليم :nice:

ايام الجاهلية ( المراهقة ) اتذكر اني ما كنت اروح البيت الا لثلاث أسباب فقط :
اخذ فلوس من الماما الله يطول بعمرها
اروح بيت الراحة ( الحمام عزكم الله )
اروح انام

موفر عليهم 3 وجبات يوميا :nice:
وأتذكر ان الوالد مرة سوى لي مثل ما يسوون لمعتقلي جوانتناموا .. ضرب مبرح حتى الاغماء .. والسبب مالكم أمل اذكره :nice:

وبالنسبة للدراسة .. الحمدلله بالرغم من حياة الجاهلية .. ومن السهر يوميا خارج البيت .. ومن اعتبار ايام الاسبوع كلها ويك اند .. الا انني ولله الحمد خلصت الثانوية وبمعدل 82%

والان .. اتذكر ذيك الايام واقول بيني وبين نفسي :

الا ليت الشباب يعود يوما .. تجري الرياح بما لا ( تبي ) السفنوا :nice:
بوحارب
28-03-2009, 01:47 PM
أن شاء الله دووووووم تكون أيامك حلووووووه ...

وايامك يالغالي :)


وأتذكر ان الوالد مرة سوى لي مثل ما يسوون لمعتقلي جوانتناموا .. ضرب مبرح حتى الاغماء .. والسبب مالكم أمل اذكره :nice:

:nice:

خلني ساكت بس ههههههههههههههههههههههههههههههه

الله يرحم ايام منصور راعي الشروكي http://www.qatarshares.com.qa/data/689/692/storm_355786047_1135007333.gif

استر علي وبستر عليك :(


هتان لي عوده أن شاء الله %
هتـان قطر
28-03-2009, 01:49 PM
الله يا الزمن .. ايام المراهقة وما ادراك ما المراهقة ..
ذكرتوني بالماضي الأليم :nice:

ايام الجاهلية ( المراهقة ) اتذكر اني ما كنت اروح البيت الا لثلاث أسباب فقط :
اخذ فلوس من الماما الله يطول بعمرها
اروح بيت الراحة ( الحمام عزكم الله )
اروح انام

موفر عليهم 3 وجبات يوميا :nice:
وأتذكر ان الوالد مرة سوى لي مثل ما يسوون لمعتقلي جوانتناموا .. ضرب مبرح حتى الاغماء .. والسبب مالكم أمل اذكره :nice:

وبالنسبة للدراسة .. الحمدلله بالرغم من حياة الجاهلية .. ومن السهر يوميا خارج البيت .. ومن اعتبار ايام الاسبوع كلها ويك اند .. الا انني ولله الحمد خلصت الثانوية وبمعدل 82%

والان .. اتذكر ذيك الايام واقول بيني وبين نفسي :

الا ليت الشباب يعود يوما .. تجري الرياح بما لا ( تبي ) السفنوا :nice:


والله صدمتوني بمراهقتكم..لا وجايب نسبه ماشالله عيك :rolleyes2:

اتهقى ياقناص الاسهم بتكون صارم مع ولدك لو سوى اللي سويته..

وبتضربه مثل ما ضربك ابوك..والا بتكون اكثر تفهما للوضع وبتحاول

تسايره وبتكون قريب منه..؟

اللي لاحظته في هالوقت ان الاباء على قد ما هم متعلمين على قد ما هم

بعيدين كل البعد عن عيالهم ..مع انهم عاشوا الفتره اللي هم الحين يعيشونها

ليش نبي عيالنا ملائكه ما يغلطون..؟ ليش نبيهم احسن منا يوم كنا في سنهم..؟

اتمنى مشاركات اكثر صراحه..حتى نحاول نفهم عيالنا وبناتنا ونحل مشاكلهم
قناص الاسهم
28-03-2009, 03:19 PM
والله صدمتوني بمراهقتكم..لا وجايب نسبه ماشالله عيك :rolleyes2:

اتهقى ياقناص الاسهم بتكون صارم مع ولدك لو سوى اللي سويته..

وبتضربه مثل ما ضربك ابوك..والا بتكون اكثر تفهما للوضع وبتحاول

تسايره وبتكون قريب منه..؟

اللي لاحظته في هالوقت ان الاباء على قد ما هم متعلمين على قد ما هم

بعيدين كل البعد عن عيالهم ..مع انهم عاشوا الفتره اللي هم الحين يعيشونها

ليش نبي عيالنا ملائكه ما يغلطون..؟ ليش نبيهم احسن منا يوم كنا في سنهم..؟

اتمنى مشاركات اكثر صراحه..حتى نحاول نفهم عيالنا وبناتنا ونحل مشاكلهم

والله يالغالي انا اعتقد ان فترة مراهقتنا كانت نعمة علينا وليست نقمة .. لاننا فهمنا وعرفنا أغلب حركات اللواته ان لم يكن أغلبها .. ايام ابائنا كانوا مساكين .. ينقص عليهم بسهولة .. وأي عذر يصدقونه .. لكن احنا الحين ما ينقص علينا بسهوله .. حتى مع التقدم التكنلوجي الحاصل الان فاهمين كل الحركات تقريبا .
انا افضل ان اكون صديق لولدي وقت مراهقته بدل ان اكون ابوه .. لكن لو لاحظت ان الصداقة ما جابت النتيجة المطلوبة معاه .. هذيك الساعه بسوي له معتقل جديد اسمه : هاتونا بتاتا .. والله لا أخليه يفح من الجلد .
ولما يكبر بيقول : تسلم يد ابوي الي ربتني .. لان هذا الكلام الي انا اقوله الحين :)
يعطيك العافية اخوي هتان :)
قناص الاسهم
28-03-2009, 03:20 PM
وايامك يالغالي :)



خلني ساكت بس ههههههههههههههههههههههههههههههه

الله يرحم ايام منصور راعي الشروكي http://www.qatarshares.com.qa/data/689/692/storm_355786047_1135007333.gif

استر علي وبستر عليك :(


هتان لي عوده أن شاء الله %

بوحارب اذا ما تكلمت عدل مرة ثانية بقول سالفة العراوي الابيض الي كنت تبيع عليه لومي يابس في الخميس والجمعه .. وبقول لهم سالفة الجي مالك الي بادلتك فيه بالمكيف الخربان الي عندي وزدتني 1550 ريال فوق المكيف .
هذاني حذرتك :nice:
جمال اليافعي
28-03-2009, 03:26 PM
كيف كانت أفكارك وانت في هذا السن..؟
أفكاري كانت أكبر من سني كنت أفكر بنصره فلسطين ورفع شأن الوطن و و و و .. ( تأثير الوالد الله يحفظه )
كيف كنت تنظر للضغوط اللي حواليك من الوالدين..؟
الضغوط كانت هائله من ناحيه الوالد ولكن الحمدالله عطف حنان أمي جعلني أتحمل
هل منظورك للامور الان..هي نفسها لما كنت مراهق..؟
تقريبا نفسها ولكن تشعبت وصارت تشمل أمور أكثر كانت خافيه بالنسبه لي
اغلبنا في هذا المنتدى عندنا اولاد او اخوان في هذا السن..
نعم لدي أخ يصغرني سنا والحمدالله طالع أعقل مني الله يحفظه


الخلاصه بالنسبه لي لم تتغير طريقه تفكيري , حتى الأن وطنيتي وحبي للعالم الاسلامي تزداد قوة وبحثي المستمر لأمور لرفع مستوى الوطن وان كانت خارج نطاقي العقلي أحاول جاهدا ايصالها لذوي الاختصاص ... لدي الكثير من الاهداف والوقت ضيق وبأذن الله عندما اتزوج سوف أجعل من أطفالي حمله أهدافي .
غزلان
28-03-2009, 03:51 PM
موضوع حلو

مراهقتي كانت من امتع المراحل روعه بمعنى الكلمه

صديقاتي بالمدرسه كانوا يجننون كنا يد وحده مشاغبتنا انفذها مع بعض على المدرسات
مساكين صيحناهم من كثر مانزعجهم بالصف
اذكر مره مدرسه بصف أول اعدادي اتفقنا كل ماتتكلم نضحك لين خليناها تصيح وتنادى المديره طبعا نادوا امهاتنا ...احسن مااكمل:(
قناص الاسهم
28-03-2009, 03:52 PM
موضوع حلو

مراهقتي كانت من امتع المراحل روعه بمعنى الكلمه

صديقاتي بالمدرسه كانوا يجننون كنا يد وحده مشاغبتنا انفذها مع بعض على المدرسات
مساكين صيحناهم من كثر مانزعجهم بالصف
اذكر مره مدرسه بصف أول اعدادي اتفقنا كل ماتتكلم نضحك لين خليناها تصيح وتنادى المديره طبعا نادوا امهاتنا ...احسن مااكمل:(

من شاف النك نيم .. والبراءة في الصورة .. قال : بس هذي المسكينة الفقيرة .. اتاريج طلعتي داهية :eek5:
الله يحفضج اختي :nice:
غزلان
28-03-2009, 04:00 PM
من شاف النك نيم .. والبراءة في الصورة .. قال : بس هذي المسكينة الفقيرة .. اتاريج طلعتي داهية :eek5:
الله يحفضج اختي :nice:




يام بكل مكان مظاليم<< أشدخل هههههه

قلت بمرحلة المراهقه بس بالجامعه عقلت شوى سبحان الله
Just a Gurl
29-03-2009, 01:06 AM
كنت هاديه وبريئه وامشي جنب الحيطه :shy:
الزاجل
29-03-2009, 05:50 AM
كنت طفل بريء كلش
وهادي.. وامش جنب الحيط
والحيط يمشي جنبي..

امأدب و مالي مشاكل ابدا..
ما اتضارب في الشارع ابدا ..

كنت كامل والكامل الله ..
بنت الحرمي
29-03-2009, 06:28 AM
هههههههه الى الان ماطاحت في يد أحد..؟

اتمنى تحرقينها قبل لا يطل عليك فارس الاحلام..وتصير علوم :nice:

بالنسبة لفارس الاحلام..البنات في هذا السن يرسمون لهم صورة لزوج

المستقبل ويتخيلون فيه مواصفات مستحيل تكون موجوده في اي رجل..

واهم شي انهم مايتمادون في التفكير ..ويبحثون عن فارس الاحلام على ارض الواقع


لابد ان الامهات بطريقة غير مباشره يوضحون لبناتهم ويسولفون

معهم ان البنات كلهم في هالسن نفس الشي ..بس يكبرون راح يتغيرون

ويتغير تفكيرهم ..ويطغى جانب العقل على العاطفة..




هتان ،، اشوفج صرتي اخصائية اجتماعية ومحلله نفسية :victory:

وش دخل فارس الاحلام في مذكراتي،، كانت عندي اولويات اهم والله :tease:،،

مراهقتي ولله الحمد كانت مستتبة ،، بدون اي اضطربات :nice:

حتى اول مقال نشرته في الجريدة كان عمري 15 (كنت مراهقة ) وكان عن الطلاق:secret:
هتـان قطر
29-03-2009, 07:08 AM
هتان ،، اشوفج صرتي اخصائية اجتماعية ومحلله نفسية :victory:

وش دخل فارس الاحلام في مذكراتي،، كانت عندي اولويات اهم والله :tease:،،

مراهقتي ولله الحمد كانت مستتبة ،، بدون اي اضطربات :nice:

حتى اول مقال نشرته في الجريدة كان عمري 15 (كنت مراهقة ) وكان عن الطلاق:secret:



اشدراني..؟ قلتي خاشتهم..قلت يمكن فيهم شي..:unsure:

بس ماشالله عليك..كتبتي عن الطلاق مرة وحدة..؟

مرتي هوى على الخطوبة والزواج ..:nice:
هتـان قطر
29-03-2009, 07:10 AM
كنت طفل بريء كلش
وهادي.. وامش جنب الحيط
والحيط يمشي جنبي..

امأدب و مالي مشاكل ابدا..
ما اتضارب في الشارع ابدا ..

كنت كامل والكامل الله ..


:eek5:

:confused:
ضوى
29-03-2009, 07:12 AM
هلا اختي هتان صباحك معطر بمسك وريحان

مراهقتي كانت حلوة ماتعدت براءة الطفولة ( بس تبين الصج وايد كنت عبثية وشقية بشكل لا يعقل )

سبحان اللي يغير ولا يتغير

بس بشكل عام مراهقة حلوة مافيها اي اذى لنفسي او لوالدي او اي احد اخر
ضوى
29-03-2009, 07:14 AM
كنت طفل بريء كلش
وهادي.. وامش جنب الحيط
والحيط يمشي جنبي..

امأدب و مالي مشاكل ابدا..
ما اتضارب في الشارع ابدا ..

كنت كامل والكامل الله ..



:eek5::eek5::eek5:

عيني في عينك كده :rolleyes2:

اييييييييييييييه سكيك راس بوعبود تشهد على هدؤك ومثاليتك يالزاجل ، وكنت ماشاء الله عليه تاخذ شهادة الطالب المثالي :secret:
هتـان قطر
29-03-2009, 07:17 AM
كنت هاديه وبريئه وامشي جنب الحيطه :shy:


الحمدلله..

كل شخص يختلف عن الثاني..وانتي الحمدلله

عديتي المرحلة بدون اي مشاكل..

لكن على النقيض فيه غيرك الكثير من اللي معذبين

اهاليهم والتفاهم بينهم صعب..

المراهق دايما يحس ان اهله ما يحبونه او يحبون

اخوانه اكثر منه..وانه يكسر الخاطر

لذلك غالبا ما يحاول المراهق انه يلفت الانتباه له

او انه يبرز نفسه وقوته ويقوم باشياء يمكن تكون خطره

بس ما يهمه مادام هو يلفت الانظار صوبه..

الشباب وتفحيصاتهم والمغازل وهالامور كلها للفت الانتباه

لا اكثر ولا اقل..

ما نقول الا عسى الله يهديهم
الزاجل
29-03-2009, 07:19 AM
:eek5::eek5::eek5:

عيني في عينك كده :rolleyes2:

اييييييييييييييه سكيك راس بوعبود تشهد على هدؤك ومثاليتك يالزاجل ، وكنت ماشاء الله عليه تاخذ شهادة الطالب المثالي :secret:

تدرين.. اصلا احنا ما تربينا على شي اسمه مراهقة
التربية تربية كانت سواء مراهق والا ناضج..

وهذا هو سبب تمرد الكثيرين من جيل هذا اليوم
اللي يبرر تصرفاته غير المسؤولة انه يمر بمرحلة مراهقة
بينما احنا كنا ننضرب واحنا مقتنعين ان احنا غلط
بس الضرب كان يعور من جذيه ما كنا نبيه ..
هتـان قطر
29-03-2009, 07:22 AM
هلا اختي هتان صباحك معطر بمسك وريحان

مراهقتي كانت حلوة ماتعدت براءة الطفولة ( بس تبين الصج وايد كنت عبثية وشقية بشكل لا يعقل )

سبحان اللي يغير ولا يتغير

بس بشكل عام مراهقة حلوة مافيها اي اذى لنفسي او لوالدي او اي احد اخر



صباح النور والسرور ضوى..

الحمد لله اهم شي ما تعبتي الوالد والوالده معك..


ضوى كيف تشوفين عيالك الحين وكيف تقدرين

تسايرين كل واحد فيهم..أكيد كل واحد منهم له شخصيته

تشوفين ان كل واحد محتاج معامله غير عن اخوه..؟

والا بتعاملينهم بنفس الطريقة..؟

:omen2:
ضوى
29-03-2009, 07:24 AM
تدرين.. اصلا احنا ما تربينا على شي اسمه مراهقة
التربية تربية كانت سواء مراهق والا ناضج..

وهذا هو سبب تمرد الكثيرين من جيل هذا اليوم
اللي يبرر تصرفاته غير المسؤولة انه يمر بمرحلة مراهقة
بينما احنا كنا ننضرب واحنا مقتنعين ان احنا غلط
بس الضرب كان يعور من جذيه ما كنا نبيه ..



بالضبط يالزاجل

اصلا ماعرفنا بمراهقتنا شنو يعني مراهقة ، كل اللي عرفناه انا صرنا كبار وخلاص لازم ماتطلعين ولازم تتحجبين ولازم تصومين ..... الخ ، اذا على الطق انطقينا واحنا صغار بس طق محبة ورحمة وتربية ، ومثل ماقلت الضرب كان يوجع لذلك كنا نتجنب الغلط وتكراره خوف من العقاب ،
المراهقة سن حرجة شئنا ام ابينا ، بس اشلون نخليها سن طبيعية ومرحلة عادية كاي مرحلة عمرية نمر فيها ويمرون عيالنا فيها ؟؟
هتـان قطر
29-03-2009, 07:31 AM
تدرين.. اصلا احنا ما تربينا على شي اسمه مراهقة
التربية تربية كانت سواء مراهق والا ناضج..

وهذا هو سبب تمرد الكثيرين من جيل هذا اليوم
اللي يبرر تصرفاته غير المسؤولة انه يمر بمرحلة مراهقة
بينما احنا كنا ننضرب واحنا مقتنعين ان احنا غلط
بس الضرب كان يعور من جذيه ما كنا نبيه ..


بالضبط يالزاجل

اصلا ماعرفنا بمراهقتنا شنو يعني مراهقة ، كل اللي عرفناه انا صرنا كبار وخلاص لازم ماتطلعين ولازم تتحجبين ولازم تصومين ..... الخ ، اذا على الطق انطقينا واحنا صغار بس طق محبة ورحمة وتربية ، ومثل ماقلت الضرب كان يوجع لذلك كنا نتجنب الغلط وتكراره خوف من العقاب ،
المراهقة سن حرجة شئنا ام ابينا ، بس اشلون نخليها سن طبيعية ومرحلة عادية كاي مرحلة عمرية نمر فيها ويمرون عيالنا فيها ؟؟


هذا أول وأول تحول..:omen2:

احنا نبي الحين في هذا الوقت..ليش احيانا نشعر بالفشل مع عيالنا

وان احنا ما قمنا نسيطر عليهم..؟؟

في رد بوحارب قال انا اغلب وقتي في الشارع ومحد يسأل عني

ومع ذلك مشت اموره وكل شي تمام..

وماشالله عليه اكثر من ينبه للصلاه هو هنا في المنتدى

شخص محترم..مكافح..

هذا دليل وشو..؟

هل الكبت والمحاصره اللي نفرضها على عيالنا لها اثر سلبي عليهم..؟

كيف نقدر نتحاور معهم وهم دايما ينظرون لنا ان احنا نقوم بدور الشرطي

نوقف لهم على كل صغيره وكبيره..

مثلا شفت ولدك يدخن..وشو الاجراء السليم اللي راح تتبعه..؟

الزاجل..ضوى..جاوبوا..؟:omen2:
ضوى
29-03-2009, 07:34 AM
صباح النور والسرور ضوى..

الحمد لله اهم شي ما تعبتي الوالد والوالده معك..


ضوى كيف تشوفين عيالك الحين وكيف تقدرين

تسايرين كل واحد فيهم..أكيد كل واحد منهم له شخصيته

تشوفين ان كل واحد محتاج معامله غير عن اخوه..؟

والا بتعاملينهم بنفس الطريقة..؟
:omen2:


اختي هتان والله مدري شاقولج عن مراهقة عيالي

الكبير مراهقته بدت بحب والحمد لله تخطينا هالفترة ان شا ءالله وصارت ماضي :(
حاليا مراهقته اغاني اجنبية وكتابة اشعار وغصب زور الا يحلق :secret:ذقنه وهو اساسا مافي بس يقول يضايقني شكلي :(
مراهقته عادي نوعا ما اكيد فيها بعض التجاوزات الغير مقبولة بس الحمد لله ان شاء الله تحت السيطرة
هو مطيع ويسمع الكلام والاهم من هذا مايجادل وايد :) وهذا مخليه الكل في الكل عندي وعند ابوه :)

الوسطية : بنت مشاكسة تحب الدلع تحب تقلد ، شخصيتها قيادية تحب تكون هي الكل في الكل ، تجادل وايد مراهقتها تتركز في الاهتمام بنفسها يعني متولعه بنفسها بشكل اشمل واعم ، طبعا غير انها تحب تكتب كلمات اغاني من وين تجيبها مادري ماشوف الا قصاصات ورقية فيها اشعار واكتشف انها كلمات اغاني ، لحد الحين مراهقتها مقبولة وتحت السيطرة والله يستر ان شاء الله( امس اخذت لها جلباب ( عباية ) للسوق او اسباير حتى تكون مسترة بدل العباية اللف ، لبستها قالت لي يمه خلصا انا مب طالعة مكان ليش يمه تقول لي انتي مفكرتني عيوز تلبسين جلباب واسع :secret: قلت لها عيل خيسي في البيت طلعة من البيت مافي بدون جلباب خاصة الحدايق والسوق بيت اهلج لبسي اللي تبين اماكن عامة مشي بوزج ، بوزت علي وتقول لابوها انتوا حاكريني تبون تلبسوني على كيفكم قال لها عاجبج زين مب عاجبج اقبضي حجرتج :rolleyes2: شوي ولا كأنها زعلانة ونست الموضوع :) وهذا احلى مافيها تحن وتجادل وتخاصم بس بعد عشر دقايق ولا كأنه شئ صاير

الصغير ايييييييييييييييه الصغير ومادراك ماالصغير ، للحين مامر بمرحلة المراهقة بس شكله على وشك لانه معجب بمدرسة الشرعية :secret: وله سوالف باقولها لاحقاً ( الحلقة القادمة )
اسفة هتان وايد شطحت بعيد صح ان شاء الله ماكون خربت موضوعج :(
ROSE
29-03-2009, 07:36 AM
الجو بديع اليوم :shy:


بخصوص مراهقتي تصدقين


كنت هااااااااااااااااااديه بالبيت واشرطة موسيقى رومانسيه

مونامور ولوف ستوري وقصص وروايات ولا اتكلم ولا علي من اللي في البيت


وبالعكس وعلى النقيض تماما بالمدرسة :secret:

كنت شااااااااطره ولله الحمد بس كل اسبوع ينادون امي

ولولا ان الوكيله كانت تحبني لانها كانت ماسكه المدرسه بدل المديره

جان من زمان نقلوني من المدرسة كنا شلة ميعلمش فيها الا ربنا

والله للحين اذكر المسكينه مدرسة الشريعه فيها ربو وبسبتنا تنومت بالمستشفى

ومدرسة الانجلزي قدمت استقالتها :secret:

والكيميا استخفت اكثر من ما كانت مستخفه ههههههههههه

ايام حلوه كانت وغير لما كنا نوسخ الفصل عشان ماندرس ويعاقبونا

وننظف ونقضي اليوم كله في الصابون :secret:


ولا يوم كنت اسافر واجيب لهم حلويات ونزعها وقت الحصة احذفها عليهم وجات في المدرسة



بنتي طالعه مثلي بهدوئي والحمدلله كل مره اسال عنها في المدرسة اخاف تصير مثلي

ويمدحونها لي ولله الحمد

ولو مرت بنفس التجربه كنت بخليها لان فيها شطانه حلوه بس مع توجيه بسيط انه عيب ومايصير خاصة

اني مربيتها ولله الحمد على الاحترام انها تحترم اللي اكبر منها وتحترم راي غيرها
ضوى
29-03-2009, 07:42 AM
مثلا شفت ولدك يدخن..وشو الاجراء السليم اللي راح تتبعه..؟
الزاجل..ضوى..جاوبوا..؟:omen2:

مممممممم اتوقع لو شفت ولدي يدخن اني اضربه ولو ابوه شافه بياخذه وبينصحه وبيقول له تجربته السيئة مع التدخين

اخوي اللي اكبر مني بكم سنة دخن وهو صغير ، وحصل ضرب لين قال بس ، ابوي ماخلى شئ معاه ماسواه بس كل اللي سواه اخوي انه صار يتجنب ابوي يكشفه هو يدخن ولازال على هالعادة السيئة مع انع عمره تجاوز الاربعين
الزاجل
29-03-2009, 07:43 AM
هذا أول وأول تحول..:omen2:

احنا نبي الحين في هذا الوقت..ليش احيانا نشعر بالفشل مع عيالنا

وان احنا ما قمنا نسيطر عليهم..؟؟

في رد بوحارب قال انا اغلب وقتي في الشارع ومحد يسأل عني

ومع ذلك مشت اموره وكل شي تمام..

وماشالله عليه اكثر من ينبه للصلاه هو هنا في المنتدى

شخص محترم..مكافح..

هذا دليل وشو..؟

هل الكبت والمحاصره اللي نفرضها على عيالنا لها اثر سلبي عليهم..؟

كيف نقدر نتحاور معهم وهم دايما ينظرون لنا ان احنا نقوم بدور الشرطي

نوقف لهم على كل صغيره وكبيره..

مثلا شفت ولدك يدخن..وشو الاجراء السليم اللي راح تتبعه..؟

الزاجل..ضوى..جاوبوا..؟:omen2:

اممم
اول شي لازم نؤمن ان البذرة الصالحة ما ينخاف عليها ..
بس بعد مرات كثيرة طبيعة الطفل لها دور في تقبل الأمور الطيبة..

الوالدين مرات كثيرة ما يكونون مقصرين مع عيالهم
لكن يبقى في العيال امور خاطئة تغضب الأبوين ..

احنا ما نبي عيالنا يغلطون
نبيهم كتاب مفتوح نقرا منه كل تصرفاتهم
نبي نحميهم من كل شي..

وهالشي غلط
هم لازم يغلطون مثل ما غلطنا احنا
بس نكون معاهم ونوجههم..

فلو دخن الولد شي طبيعي بنطلع من طورنا
ومدى وعينا وحكمتنا في علاج الموضوع راح يستفيد الولد..
فالدنيا ما بتوقف عند تدخين الولد.. ممكن نفتح صفحة يديدة
مع كل طفل في البيت في سبيل دعمه والوقوف معاه
الأهم انه ما ينحرف مب غلط انه يغلط لكن الغلط انه يستمر
في الغلط ..

عندي واحد من عيالي ذبحني من كثر ما افتح وياه صفحات يديدة
مرات اروح اشتري دفاتر يديدة من كثر مااستخدمت الصفحات :secret:
ومع هذا كل مرة له سالفة يديدة..

اشك فيه انه يدخن.. لكن ابدا ما اشم منه ريحة ولا بسيارته حتى..
واجهته قال لي لا مستحيل ادخن اتشوفني مينون ..

اخر مرة عرضت عليه نروح نكشف نسبة النيكوتين في الدم..
قال لي جدااااااااااااام :eek5:
في الوقت اللي اصلا مستحي اروح معاه علشان هالشي
ومتردد ومب عارف اشلون اقول له تعال معاي انروح
المركز او العيادة ..مع انه المفرو ض عدا سن المراهقة..

فالمراهقة بحد ذاتها مب سن لارتكاب الأخطاء
الأخطاء ترتكب في كل الأعمار,, بس احنا وايد معطين هالعمر
اهمية زيادة عن اللزوم لدرجة ان الابناء يستغلونه ضدنا وضدهم ..
هتـان قطر
29-03-2009, 07:45 AM
اختي هتان والله مدري شاقولج عن مراهقة عيالي

الكبير مراهقته بدت بحب والحمد لله تخطينا هالفترة ان شا ءالله وصارت ماضي :(
حاليا مراهقته اغاني اجنبية وكتابة اشعار وغصب زور الا يحلق :secret:ذقنه وهو اساسا مافي بس يقول يضايقني شكلي :(
مراهقته عادي نوعا ما اكيد فيها بعض التجاوزات الغير مقبولة بس الحمد لله ان شاء الله تحت السيطرة
هو مطيع ويسمع الكلام والاهم من هذا مايجادل وايد :) وهذا مخليه الكل في الكل عندي وعند ابوه :)

الوسطية : بنت مشاكسة تحب الدلع تحب تقلد ، شخصيتها قيادية تحب تكون هي الكل في الكل ، تجادل وايد مراهقتها تتركز في الاهتمام بنفسها يعني متولعه بنفسها بشكل اشمل واعم ، طبعا غير انها تحب تكتب كلمات اغاني من وين تجيبها مادري ماشوف الا قصاصات ورقية فيها اشعار واكتشف انها كلمات اغاني ، لحد الحين مراهقتها مقبولة وتحت السيطرة والله يستر ان شاء الله( امس اخذت لها جلباب ( عباية ) للسوق او اسباير حتى تكون مسترة بدل العباية اللف ، لبستها قالت لي يمه خلصا انا مب طالعة مكان ليش يمه تقول لي انتي مفكرتني عيوز تلبسين جلباب واسع :secret: قلت لها عيل خيسي في البيت طلعة من البيت مافي بدون جلباب خاصة الحدايق والسوق بيت اهلج لبسي اللي تبين اماكن عامة مشي بوزج ، بوزت علي وتقول لابوها انتوا حاكريني تبون تلبسوني على كيفكم قال لها عاجبج زين مب عاجبج اقبضي حجرتج :rolleyes2: شوي ولا كأنها زعلانة ونست الموضوع :) وهذا احلى مافيها تحن وتجادل وتخاصم بس بعد عشر دقايق ولا كأنه شئ صاير

الصغير ايييييييييييييييه الصغير ومادراك ماالصغير ، للحين مامر بمرحلة المراهقة بس شكله على وشك لانه معجب بمدرسة الشرعية :secret: وله سوالف باقولها لاحقاً ( الحلقة القادمة )
اسفة هتان وايد شطحت بعيد صح ان شاء الله ماكون خربت موضوعج :(

بالعكس ضوى..الموضوع اساسا عن عيالنا وكيف نتساير معهم

ونمشي معهم الى بر الامان بهدوء وحب..

بالنسبه لبنتك ضوى..انتي قصدك جلباب والا عبايه..؟

البنات الحين ما يعجبهم الا اللي هم يختارونه ولازم يكون على الموضه

وديها معك محل العبايات وخليها تختار تحت عينك..وشوفي اذا يناسبها

اخذيه لها..اهم شي تكون هي مقتنعه مهب مجبوره..

بالنسبه لبناتي في هذا الموضوع كان لمدرسات الشرعيه اثر كبير عليهم

بنتي الكبيره كانت تلبس حجاب وهي بالصف الرابع..لما صارت في السادس

تصادف وجود مدرسه ممتازة بمعنى الكلمه وترى المدرسه لها اثركبير على البنات

وفعلا كلمتهم عن العبايه والستر وحببتهم في لبس العبايه..وتفاجأت ببنتي تقول

يمه اشتري لي عبايه مع اني كنت اشوفها صغيره..بس ما صدقت خبر طرت وشريتها لها

فانتي اتفقي مع مدرسة الشرعيه او اي مدرسه تشوفينها قريبة من البنات

وخليها تكلمهم بخصوص هذا الموضوع..

الله يخليهم لك وتسعدين بكبرهم وتشوفين عيالهم

:)
هتـان قطر
29-03-2009, 07:55 AM
الجو بديع اليوم :shy:


بخصوص مراهقتي تصدقين


كنت هااااااااااااااااااديه بالبيت واشرطة موسيقى رومانسيه

مونامور ولوف ستوري وقصص وروايات ولا اتكلم ولا علي من اللي في البيت


وبالعكس وعلى النقيض تماما بالمدرسة :secret:

كنت شااااااااطره ولله الحمد بس كل اسبوع ينادون امي

ولولا ان الوكيله كانت تحبني لانها كانت ماسكه المدرسه بدل المديره

جان من زمان نقلوني من المدرسة كنا شلة ميعلمش فيها الا ربنا

والله للحين اذكر المسكينه مدرسة الشريعه فيها ربو وبسبتنا تنومت بالمستشفى

ومدرسة الانجلزي قدمت استقالتها :secret:

والكيميا استخفت اكثر من ما كانت مستخفه ههههههههههه

ايام حلوه كانت وغير لما كنا نوسخ الفصل عشان ماندرس ويعاقبونا

وننظف ونقضي اليوم كله في الصابون :secret:


ولا يوم كنت اسافر واجيب لهم حلويات ونزعها وقت الحصة احذفها عليهم وجات في المدرسة



بنتي طالعه مثلي بهدوئي والحمدلله كل مره اسال عنها في المدرسة اخاف تصير مثلي

ويمدحونها لي ولله الحمد

ولو مرت بنفس التجربه كنت بخليها لان فيها شطانه حلوه بس مع توجيه بسيط انه عيب ومايصير خاصة

اني مربيتها ولله الحمد على الاحترام انها تحترم اللي اكبر منها وتحترم راي غيرها



صباح الخير روز..الله يسعد ايامك وتكون كلها بديعه مثل هاليوم..:)

يعني انتي كنتي شخصية مركبة..في البيت هادية..وفي المدرسة مشاكسة !!

طفشتوا المدرسات المسكينات..

بس حلو تعليم الابناء احترام الغير واحترام ارائهم..مهما اختلفوا معهم

الله يخليهم لك يارب
هتـان قطر
29-03-2009, 05:37 PM
والله يالغالي انا اعتقد ان فترة مراهقتنا كانت نعمة علينا وليست نقمة .. لاننا فهمنا وعرفنا أغلب حركات اللواته ان لم يكن أغلبها .. ايام ابائنا كانوا مساكين .. ينقص عليهم بسهولة .. وأي عذر يصدقونه .. لكن احنا الحين ما ينقص علينا بسهوله .. حتى مع التقدم التكنلوجي الحاصل الان فاهمين كل الحركات تقريبا .
انا افضل ان اكون صديق لولدي وقت مراهقته بدل ان اكون ابوه .. لكن لو لاحظت ان الصداقة ما جابت النتيجة المطلوبة معاه .. هذيك الساعه بسوي له معتقل جديد اسمه : هاتونا بتاتا .. والله لا أخليه يفح من الجلد .
ولما يكبر بيقول : تسلم يد ابوي الي ربتني .. لان هذا الكلام الي انا اقوله الحين :)
يعطيك العافية اخوي هتان :)



مرحبا اخوي قناص الاسهم..انت قلت الحين ما ينقص علينا مثل ما قصينا

على ابائنا قبل..ما تحس انك بتقعد تشك في ولدك وبتقعد تتصيدله على كل صغيرة

وكبيرة ظنا منك انه ماشي في درب انت ما ودك انه يمشيه..؟

زين ولو مثلا ما فاد معه النصح تشوف انك تسجنه وتحاصره هي الطريقة

السليمه في المحافظه عليه..؟

فيه امور لابد منا كأباء ان احنا نعرفها ..لازم نفهم شخصية كل واحد من عيالنا

علشان نقدر نتفاهم معهم..

وشي اكيد ان الشده غالبا لا تؤتي ثمارها ..وان اللين والصبر والنصح هم افضل وسيلة

من وجهة نظري..
قناص الاسهم
29-03-2009, 06:03 PM
مرحبا اخوي قناص الاسهم..انت قلت الحين ما ينقص علينا مثل ما قصينا

على ابائنا قبل..ما تحس انك بتقعد تشك في ولدك وبتقعد تتصيدله على كل صغيرة

وكبيرة ظنا منك انه ماشي في درب انت ما ودك انه يمشيه..؟

زين ولو مثلا ما فاد معه النصح تشوف انك تسجنه وتحاصره هي الطريقة

السليمه في المحافظه عليه..؟

فيه امور لابد منا كأباء ان احنا نعرفها ..لازم نفهم شخصية كل واحد من عيالنا

علشان نقدر نتفاهم معهم..

وشي اكيد ان الشده غالبا لا تؤتي ثمارها ..وان اللين والصبر والنصح هم افضل وسيلة

من وجهة نظري..

مرحبا اخوي هتان قطر .. وانا اتفق معك بخصوص اللين مع الولد كحل أولي .. وعن نفسي اخي الكريم .. افضل ان يكون ولدي صديق لي وان اكون صديق له في بداية نشأته .. وافضل الحوار معه .. ولكن هناك اخطاء ومساوىء لا تغتفر .. ولا ينفع معها اللين .. هناك امور اخي الكريم يجب ان يكون الأب فيها حازم وصارم وبقوة .. والا قد يكون فات الاوان .
عموما .. لا تكن لينا فتعصر .. ولا تكن يابسا فتكسر .. خير الامور الوسط :)
هتـان قطر
29-03-2009, 06:22 PM
مرحبا اخوي هتان قطر .. وانا اتفق معك بخصوص اللين مع الولد كحل أولي .. وعن نفسي اخي الكريم .. افضل ان يكون ولدي صديق لي وان اكون صديق له في بداية نشأته .. وافضل الحوار معه .. ولكن هناك اخطاء ومساوىء لا تغتفر .. ولا ينفع معها اللين .. هناك امور اخي الكريم يجب ان يكون الأب فيها حازم وصارم وبقوة .. والا قد يكون فات الاوان .
عموما .. لا تكن لينا فتعصر .. ولا تكن يابسا فتكسر .. خير الامور الوسط :)

وهذا هو مربط الفرس..وهذا هو الهدف من الموضوع

كل شي وسط يكون هو الصح..

لا تفريط ولا افراط..

ومنكم نستفيد..

اختك هتان
fahad ..gh
29-03-2009, 07:34 PM
والله عن نفسى ..خلونى استانس فيها ..
لى رجعه للموضوع بعد كم سنه..
كلام حلو و الصراحه عجبنى >> لا تكن لينا فتعصر .. ولا تكن يابسا فتكسر .. خير الامور الوسط
مشكوره اختى هتان و بالتوفيق لكم..
بوحارب
29-03-2009, 10:47 PM
:omg: بوحارب بيني وبينك..كيف كان تأثيرهم عليك

هل كان ايجابي والا سلبي..؟

يعني كل شي يدعو للقلق ..اغلب وقتك في الشارع..!!!

ربعك كلهم اكبر منك..!!! محد يسأل عنك..!!

كيف ما انحرفت وصرت مجرم..؟

مقيوله ..الهادي الله..

يعني ظنك يابو حارب نعطي عيالنا مجال انهم يهيتون في الشوارع

وما نفرض عليهم رقابة صارمة..؟

هل تظن ان كثرة الصك عليهم ومراقبتهم بينتج عنها سلوك عكسي..

انت شتت افكاري بردك..:rolleyes2:

مرحبا خالتي هتان :D

الله يسلمج الشارع يعلم الواحد اشياء لو يتم محكور طول عمره في بيته ما راح يتعلمها:cool:

يعلمه الرجول والسنع وكيف يتصرف مع الناس والفزعه ( والأجرام ) احيانا:omg:

وبالنسبة لربعي ماقولج اني استفدت منهم كل شي

لازم هناك بعض الأمور السلبية اللي يدخلها الشيطان علينا :o

ولكن الأيجابيات اكثر

نصيحة خلي العيال يروحون للشارع ففيه التربية الحقيقية <<< من وجهة نظري :shy:

اعرف شباب تربوا على الحكرة والجلوس داخل البيت

الحين دمهم باااااارد ورفجتهم تجيب الضغط:anger1:

والسلام ختام :D



قناص الأسهم ( الله يسامحك ) :weeping:
نبـــــراس
30-03-2009, 12:43 AM
مرحبا خالتي هتان :D

الله يسلمج الشارع يعلم الواحد اشياء لو يتم محكور طول عمره في بيته ما راح يتعلمها:cool:

يعلمه الرجول والسنع وكيف يتصرف مع الناس والفزعه ( والأجرام ) احيانا:omg:

وبالنسبة لربعي ماقولج اني استفدت منهم كل شي

لازم هناك بعض الأمور السلبية اللي يدخلها الشيطان علينا :o

ولكن الأيجابيات اكثر

نصيحة خلي العيال يروحون للشارع ففيه التربية الحقيقية <<< من وجهة نظري :shy:

اعرف شباب تربوا على الحكرة والجلوس داخل البيت

الحين دمهم باااااارد ورفجتهم تجيب الضغط:anger1:

والسلام ختام :D



قناص الأسهم ( الله يسامحك ) :weeping:


شهالكلام بو حارب .. ذاك اول الاولاد في الشوارع وكل بيت يعرف البيت الثاني ويعرفون تربيتهم حق عيالهم .. كلهم فريج واحد .
الحين في شباب جدام اهاليهم رجاجيل وجدام ربعهم جنس ثالث << شيضمن الاهل ان ولدهم مرافق رجال . انت قلت احيانا يدخل الشيطان بس مب الكل يقدر يصده :rolleyes2:
الصراحه كلامك يخرع .. ما فيها شي لو الاب رافج ولده وعلمه على الرجوله و السنع
والمواقف الرجوليه .


الله يقويكم ان شالله ,, ومنكم نستفيد
fahad ..gh
30-03-2009, 02:54 AM
[QUOTE

نصيحة خلي العيال يروحون للشارع ففيه التربية الحقيقية <<< من وجهة نظري :shy:

اعرف شباب تربوا على الحكرة والجلوس داخل البيت

الحين دمهم باااااارد ورفجتهم تجيب الضغط:anger1:



[/QUOTE]


:nice::nice::nice:
fahad ..gh
30-03-2009, 02:56 AM
شهالكلام بو حارب .. ذاك اول الاولاد في الشوارع وكل بيت يعرف البيت الثاني ويعرفون تربيتهم حق عيالهم .. كلهم فريج واحد .
الحين في شباب جدام اهاليهم رجاجيل وجدام ربعهم جنس ثالث << شيضمن الاهل ان ولدهم مرافق رجال . انت قلت احيانا يدخل الشيطان بس مب الكل يقدر يصده :rolleyes2:
الصراحه كلامك يخرع .. ما فيها شي لو الاب رافج ولده وعلمه على الرجوله و السنع
والمواقف الرجوليه .


الله يقويكم ان شالله ,, ومنكم نستفيد


ههههههههههههه..

والله مشكله هذوله الجنس الثالث..

الله يعين بس..
هتـان قطر
01-04-2009, 05:38 PM
مرحبا خالتي هتان :D

الله يسلمج الشارع يعلم الواحد اشياء لو يتم محكور طول عمره في بيته ما راح يتعلمها:cool:

يعلمه الرجول والسنع وكيف يتصرف مع الناس والفزعه ( والأجرام ) احيانا:omg:

وبالنسبة لربعي ماقولج اني استفدت منهم كل شي

لازم هناك بعض الأمور السلبية اللي يدخلها الشيطان علينا :o

ولكن الأيجابيات اكثر

نصيحة خلي العيال يروحون للشارع ففيه التربية الحقيقية <<< من وجهة نظري :shy:

اعرف شباب تربوا على الحكرة والجلوس داخل البيت

الحين دمهم باااااارد ورفجتهم تجيب الضغط:anger1:

والسلام ختام :D



قناص الأسهم ( الله يسامحك ) :weeping:


ما ادري كيف ارد عليك يابوحارب..غير ان الهادي الله..

سبحان الله ..اغلب الدعاة والملتزمين كانوا على ضلاله

واعتقد صح ان الحياة تعلم..والتجارب تعلم..والفشل يعلم
تحداني
02-04-2009, 12:18 AM
...مساء يداعب صباحه ..

مراهتي ما بين :weeping:وبين :)وخليط من الحكايات العجيبه ..
بها من عفويه الطفوله ..وطيش البنات ..
بها من الالتزامات ..وتحمل المسئوليات ..
بها من محاسبه تحداني الزمن ..ومن قسوه الاصحاب ..
بها من التجارب الغريبه ..

مراهقتي هي من علمتني ان اكون انسانه ..بكل ما تحمله الكلمه من انسانيه ..
في مراهقتي تعلمت متناقضات الاشياء ..
تعلمت الحزن ونقيضه الفرح ..
تعلمت الحب ..والعشق ..وللاسف لم اتعلم الكره ..
تعلمت ان ارتب الجمل ..واخبئ الكتب تحت الفراش خوفا من الوالده لان النظر بدأ يقل ..
تعلمت الصبر ..
تعلمت ان اقف بجنب الجدار ..والمشي على ارصفه المكان ..

مراهقتي هي شخابيط ..ورسومات ..وابتسامات ...وذكريات ..
بإختصار ..
...مازلت اعيش كل سنوات عمري في يوم واحد ... ولو سألتوني كم عمرك ..ساقول عمري من عمر السنين ...

..الله يسعدكم يارب ..:) واشكرك هتان قطر ..
OTOsan
02-04-2009, 09:01 AM
مرحبا خالتي هتان :D

الله يسلمج الشارع يعلم الواحد اشياء لو يتم محكور طول عمره في بيته ما راح يتعلمها:cool:

يعلمه الرجول والسنع وكيف يتصرف مع الناس والفزعه ( والأجرام ) احيانا:omg:

وبالنسبة لربعي ماقولج اني استفدت منهم كل شي

لازم هناك بعض الأمور السلبية اللي يدخلها الشيطان علينا :o

ولكن الأيجابيات اكثر

نصيحة خلي العيال يروحون للشارع ففيه التربية الحقيقية <<< من وجهة نظري :shy:

اعرف شباب تربوا على الحكرة والجلوس داخل البيت

الحين دمهم باااااارد ورفجتهم تجيب الضغط:anger1:

والسلام ختام :D



قناص الأسهم ( الله يسامحك ) :weeping:

بوحارب .. صل عالنبي ياعزي ،،

لا تشجع الناس على (تربية الشوارع ) :)

انت بهالكلام لغيت اي دور للام والاب والاسرة .. واذا هالطريقة نجحت مع شخص او اكثر ، فصدقني انها فشلت مع الكثير !
هتـان قطر
05-04-2009, 12:58 PM
بوحارب .. صل عالنبي ياعزي ،،

لا تشجع الناس على (تربية الشوارع ) :)

انت بهالكلام لغيت اي دور للام والاب والاسرة .. واذا هالطريقة نجحت مع شخص او اكثر ، فصدقني انها فشلت مع الكثير !



اوتوسان..بوحارب لخبط كل اوراق المحللين النفسيين والاخصائيين الاجتماعيين

بكلامه..هو يتكلم عن تجربه مر بها..وعدت سليمه ولكن ياترى كل مرة بتسلم الجرة!!
OTOsan
05-04-2009, 02:29 PM
اوتوسان..بوحارب لخبط كل اوراق المحللين النفسيين والاخصائيين الاجتماعيين

بكلامه..هو يتكلم عن تجربه مر بها..وعدت سليمه ولكن ياترى كل مرة بتسلم الجرة!!

بغض النظر عن اخونا العزيز بوحارب .. والحديث ليس موجها له بالمره ،،

هل يعقل ان يتولى (ربع) المراهق تربيته .. بدلا عن ابيه وامه ..؟

واذا افترضنا ان الاجابة هي (نعم ) فبالتالي فالخطأ خطأ الاسرة اولا واخيرا ، والا لما استعاض المراهق بالاصدقاء في التربيه عوضا عن الاهل ،،

قد يجد البعض اصدقاءا يدلونهم على الطريق الصحيح وهو من النوادر .. الا ان الاكثريه لايدلونه الا الى الطريق الخطأ ..
الزاجل
05-04-2009, 02:34 PM
بغض النظر عن اخونا العزيز بوحارب .. والحديث ليس موجها له بالمره ،،

هل يعقل ان يتولى (ربع) المراهق تربيته .. بدلا عن ابيه وامه ..؟

واذا افترضنا ان الاجابة هي (نعم ) فبالتالي فالخطأ خطأ الاسرة اولا واخيرا ، والا لما استعاض المراهق بالاصدقاء في التربيه عوضا عن الاهل ،،

قد يجد البعض اصدقاءا يدلونهم على الطريق الصحيح وهو من النوادر .. الا ان الاكثريه لايدلونه الا الى الطريق الخطأ ..

الصحبة الصالحة ممكن تقوم مقام الأسرة وخاصة
لو الأسرة ما كانت مهتمة..

بس هل ممكن نضمن صحبة صالحة في الشوارع ؟


كلنا طلعنا في الشوارع ونعرف خطورة الشوارع هذه..
ولولا دعاء الوالدين وصفة نواياهم لكان حالنا غير اليوم ..

الشوارع تعطي الخشونة وفنون الدفاع عن النفس
لكن ممكن تعطي انحراف كامل لو ترك المراهق على راحته فيها ..

اليوم بو حروب يمدح الشوارع
لكن مستحيل يترك عياله فيها ..

الزمن ما تغير بس
اهل الزمن ويلاه متغيرين
رحمتك رحمتك
رحمتك يا معين
ويلاه متغيرين ..
OTOsan
05-04-2009, 02:44 PM
الصحبة الصالحة ممكن تقوم مقام الأسرة وخاصة
لو الأسرة ما كانت مهتمة..

بس هل ممكن نضمن صحبة صالحة في الشوارع ؟


كلنا طلعنا في الشوارع ونعرف خطورة الشوارع هذه..
ولولا دعاء الوالدين وصفة نواياهم لكان حالنا غير اليوم ..

الشوارع تعطي الخشونة وفنون الدفاع عن النفس
لكن ممكن تعطي انحراف كامل لو ترك المراهق على راحته فيها ..

اليوم بو حروب يمدح الشوارع
لكن مستحيل يترك عياله فيها ..

الزمن ما تغير بس
اهل الزمن ويلاه متغيرين
رحمتك رحمتك
رحمتك يا معين
ويلاه متغيرين ..


ياعيني عليك :)

بوحارب قال بالنص :) :

يعلمه الرجول والسنع وكيف يتصرف مع الناس والفزعه ( والأجرام ) احيانا

ركز عالاجرام ههههههههه،،

لا انكر ان الصحبه الصالحه وراده كما قلت .. الا انني اجزم انها نادره !!

بصريح العباره .. اذا كان المراهق يقضي اكثر وقته خارج بيته بعيدا عن ابويه .. فهذا بعني انه لم يؤد حقهما .. وبالتالي تنتفي عنه صفة الصلاح !!


لايزعل علينا بوحارب :)
الزاجل
05-04-2009, 03:01 PM
ياعيني عليك :)

بوحارب قال بالنص :) :

يعلمه الرجول والسنع وكيف يتصرف مع الناس والفزعه ( والأجرام ) احيانا

ركز عالاجرام ههههههههه،،

لا انكر ان الصحبه الصالحه وراده كما قلت .. الا انني اجزم انها نادره !!

بصريح العباره .. اذا كان المراهق يقضي اكثر وقته خارج بيته بعيدا عن ابويه .. فهذا بعني انه لم يؤد حقهما .. وبالتالي تنتفي عنه صفة الصلاح !!


لايزعل علينا بوحارب :)

لا مب زعلان علينا بو حارب..

لأن احنا تربية شوارع..
ما عرفنا القعدة في البيوت..
لكن زماننا كان غير والبيئة اللي عشنا فيها كانت غير
وكانت ورانا ام تديع لنا في كل شاردة وواردة
وأب قلبه صافي نظيف يحب فعل الخير..

كل هذا اجتمع مع بيئة واحدة وعيال فريج واحد
يشاطروننا اللقمة والابتسامة والضحكة
وياقسموننا الريال والعصير بونص
والخيمة اللي في نص الفريج كل يحط ريال على ريال الثاني
وانسوي عزايم ( عصاير وربيان وكيت كات)
راعي السيكل يردف له اربع وياه..

الكل كان يربي ويعصب ويطنقر على ولد الجيران
لو بدر منه شي..
اتحصله على طول رايح عند ابوه يشتكيه..

اليوم
الجار يشوف ولد الجار منسدح في الشارع
يقول اشعلي منه دام ان هله هاملينه
يبوننا نركض ورى عيالهم..

غيييييييييير
كل شي تغير
لا تزيدون المواجع ترى قلب قد نسي ..
هتـان قطر
05-04-2009, 06:48 PM
لا مب زعلان علينا بو حارب..

لأن احنا تربية شوارع..
ما عرفنا القعدة في البيوت..
لكن زماننا كان غير والبيئة اللي عشنا فيها كانت غير
وكانت ورانا ام تديع لنا في كل شاردة وواردة
وأب قلبه صافي نظيف يحب فعل الخير..

كل هذا اجتمع مع بيئة واحدة وعيال فريج واحد
يشاطروننا اللقمة والابتسامة والضحكة
وياقسموننا الريال والعصير بونص
والخيمة اللي في نص الفريج كل يحط ريال على ريال الثاني
وانسوي عزايم ( عصاير وربيان وكيت كات)
راعي السيكل يردف له اربع وياه..

الكل كان يربي ويعصب ويطنقر على ولد الجيران
لو بدر منه شي..
اتحصله على طول رايح عند ابوه يشتكيه..

اليوم
الجار يشوف ولد الجار منسدح في الشارع
يقول اشعلي منه دام ان هله هاملينه
يبوننا نركض ورى عيالهم..

غيييييييييير
كل شي تغير
لا تزيدون المواجع ترى قلب قد نسي ..


الزاجل..قبل حتا حنا البنات كنا نلعب في الشارع

مع عيال الجيران لكن هذاك الوقت غيير ..قلوبنا

بريئة وتفكيرنا نظيف..وعالمنا ضيق ..تحس محد

في هالعالم الا فريجك وجيرانك..ما تقارن نفسك

بغيرك ..الكل كانوا متساوين..


الحين يجيك الولد..يقولك ابي سياره..اشمعنى

ربعي كلهم عندهم وانا لا..؟

البنت تبي لاب تب خاص..اشمعنى حصوه عندها

وانا لا..؟ ليكون انا البطة السودا..

الخدامه تبي زياده..اشمعنى ميري معاشها اكثر

من معاشي <<< اشدخل :secret:

المهم..ان التربيه في هذا الوقت صعبة

وما ادري احنا اللي مصعبينها ونحاول نعيّش عيالنا

عيشتنا..؟ والا كل اللي حوالينا من فضائيات ومجمعات

وسينمات ونت..هو اللي مصعب علينا التربيه..!!!
الزاجل
05-04-2009, 10:43 PM
الزاجل..قبل حتا حنا البنات كنا نلعب في الشارع

مع عيال الجيران لكن هذاك الوقت غيير ..قلوبنا

بريئة وتفكيرنا نظيف..وعالمنا ضيق ..تحس محد

في هالعالم الا فريجك وجيرانك..ما تقارن نفسك

بغيرك ..الكل كانوا متساوين..


الحين يجيك الولد..يقولك ابي سياره..اشمعنى

ربعي كلهم عندهم وانا لا..؟

البنت تبي لاب تب خاص..اشمعنى حصوه عندها

وانا لا..؟ ليكون انا البطة السودا..

الخدامه تبي زياده..اشمعنى ميري معاشها اكثر

من معاشي <<< اشدخل :secret:

المهم..ان التربيه في هذا الوقت صعبة

وما ادري احنا اللي مصعبينها ونحاول نعيّش عيالنا

عيشتنا..؟ والا كل اللي حوالينا من فضائيات ومجمعات

وسينمات ونت..هو اللي مصعب علينا التربيه..!!!

اممم
التربية صعبة
وجهاد مع النفس والأبناء..

فلا تتوقعين ان الأمور بتكون سهلة
بيكون هناك شد وجذب وتساهل وشدة..

وطلب التوافيق من رب العالمين ..
السامـي
05-04-2009, 11:09 PM
تعمقتي كثير يا هتان..أيش أعتبره،فضول..؟.

بالنسبة لي،فترة المراهقة فيها أشياء كثير ما تنذكر،وإذا ما انذكرت
خلا السرد للأحداث من الإثارة،لذلك ستبقى ماضٍ جميل وكئيب في
مخيلة صاحبها.:)
بوحارب
05-04-2009, 11:11 PM
لكل من انتقد وأيد ( تربية الشارع ) اقول له الله يعطيك العافية

والدنيا تجارب :nice:
بوحارب
05-04-2009, 11:20 PM
ما ادري كيف ارد عليك يابوحارب..غير ان الهادي الله..

سبحان الله ..اغلب الدعاة والملتزمين كانوا على ضلاله

واعتقد صح ان الحياة تعلم..والتجارب تعلم..والفشل يعلم

صح كلامج ومن خلال الهياته فالشارع التزمت

اذكر مرة كنت راجع البيت الفجر وقلت بروح المسيد للصلاة<<< ترى كنت راجع بدري ذاك اليوم:victory:

وفي المسجد كلمني أحد الدعاة كلمتين ولكن اثرهم دخل على طووول في القلب:)

الله يجزاه كل خير دنيا واخره:weeping:
الملكة الام
06-04-2009, 01:08 AM
اختي هتان




على ايامي ماكان فيه شي اسمه مراهقه....



لبسوني البخنق بسرعه وانا بزر وعقبها بكم سنه عبة راس...ومافي طلعه برع البيت...



بس اسمحيلي برد على اخوي الزاجل..



كلامك فيه شيء من الصحه وشي من الخطأ...


يعني انا مثلاً ( والعياذ بالله من كلمة انا) عندي جيران عجب يعجبونكم ..عيالهم الصغار مش بس كله في الشارع على قولة ولدي بوحارب...الا كله مع العمال الاسيوين وغير الاسيوين...يعني مايحلالهم اللعب الا في بيت توه يبنونه ومليان عمال وراعي البيت محد....وتوقع انت وش ممكن يصير ولما اطردهم :anger1: واتصل على اهلهم واعلمهم....اقول يمكن مايدرون ....اتفاجأ ثاني يوم انهم في نفس المكان في نفس العمال...وش تسوي لو كنت مكاني؟؟؟


والا هالام اللي تطرش ولدها اللي توه مكمل سنه مع السواق يمشيه في الشارع بروحه ولما تنصدمين وتتصلين بعد تتوقعين بأي تغير....تلاقيه يمشيه ثاني يوم بعد....عادي عندهم..
والا هالابو اللي مايدري وين ولده اللي ماكمل الــ9 سنوات لين الساعه 11 وهو يوم دراسي لين يتصلون فيه وهم منقهرين لأنه ولا همه يقولهم خلوه يجي بروحه البيت وبيتهم بعيد...



ما اعتقد ان هذا هو الشارع اللي تقصده ياولدي....ابد ...


قال رسول الله صلى الله عليه وسلم ( كلكم راع وكلكم مسؤل عن رعيته ) لكن من يفقه...





اختكم العوده


الملكة الام
الزاجل
06-04-2009, 10:13 AM
الملكة الأم..

ما اختلف معاج.. احنا قلنا من البداية الصحبة الصالحة
ممكن تقوم مقام الأسرة المهملة ..

لكن مب في شوارع اليوم ..

على ايامك يا الأم الملكة.. الفريج بكبره كان على يد وحدة
يعني ممكن الجار يقوم بمقام الأب ويصرخ على الولد ويهواشه
ويفر اذونه .. الحين لا..
والسبب بكل بساطة يا انه غاسل يده
او ان مسؤوليته تنحصر في الاتصال وتنبيه الأهل..

لأنه مب مسموح لها يسوي شي ثاني ..

تحية لك
شاي كرك
06-04-2009, 10:52 AM
للرفع ..<<< عجبه الموضوع وحب يرفعه :)
هتـان قطر
06-04-2009, 01:42 PM
للرفع ..<<< عجبه الموضوع وحب يرفعه :)





:) شكرا

بس حبينا نسمع رايك..او تقول لنا كيف كانت مراهقتك

هل كنت متعب امك وابوك..والا بالعكس كنت حليو وهادي

:omen2:
تحداني
06-04-2009, 01:44 PM
..مساء الخير ..
..شفت هناك فتذكرت شيئا هنا ..:)
يبدو ان مراهقتي لم تعجبك لذلك لم تردي عليها ..:weeping:
الله يسعدك يارب ..والعتاب هنا من باب الود فقط ..لا اكثر
هتـان قطر
06-04-2009, 01:46 PM
اختي هتان




على ايامي ماكان فيه شي اسمه مراهقه....



لبسوني البخنق بسرعه وانا بزر وعقبها بكم سنه عبة راس...ومافي طلعه برع البيت...



بس اسمحيلي برد على اخوي الزاجل..



كلامك فيه شيء من الصحه وشي من الخطأ...


يعني انا مثلاً ( والعياذ بالله من كلمة انا) عندي جيران عجب يعجبونكم ..عيالهم الصغار مش بس كله في الشارع على قولة ولدي بوحارب...الا كله مع العمال الاسيوين وغير الاسيوين...يعني مايحلالهم اللعب الا في بيت توه يبنونه ومليان عمال وراعي البيت محد....وتوقع انت وش ممكن يصير ولما اطردهم :anger1: واتصل على اهلهم واعلمهم....اقول يمكن مايدرون ....اتفاجأ ثاني يوم انهم في نفس المكان في نفس العمال...وش تسوي لو كنت مكاني؟؟؟


والا هالام اللي تطرش ولدها اللي توه مكمل سنه مع السواق يمشيه في الشارع بروحه ولما تنصدمين وتتصلين بعد تتوقعين بأي تغير....تلاقيه يمشيه ثاني يوم بعد....عادي عندهم..
والا هالابو اللي مايدري وين ولده اللي ماكمل الــ9 سنوات لين الساعه 11 وهو يوم دراسي لين يتصلون فيه وهم منقهرين لأنه ولا همه يقولهم خلوه يجي بروحه البيت وبيتهم بعيد...



ما اعتقد ان هذا هو الشارع اللي تقصده ياولدي....ابد ...


قال رسول الله صلى الله عليه وسلم ( كلكم راع وكلكم مسؤل عن رعيته ) لكن من يفقه...





اختكم العوده


الملكة الام



نورتي الموضوع الملكة الام..:)

" كلكم راع وكلكم مسؤول عن رعيته" هذا الحديث

يكفي لان نستشعر المسؤولية الملقاه على عاتقنا كآباء وأمهات

احنا نربي ونتعب..ونتوكل على الله وندعيلهم بالهدايه والصلاح

ونخلي الباقي على رب العالمين..



الملكة الام..انتي من ايام البخانق..:secret: ..هذا يعني انك

ديناصوره..لك طولة العمر ان شالله :nice:
هتـان قطر
06-04-2009, 01:48 PM
..مساء الخير ..
..شفت هناك فتذكرت شيئا هنا ..:)
يبدو ان مراهقتي لم تعجبك لذلك لم تردي عليها ..:weeping:
الله يسعدك يارب ..والعتاب هنا من باب الود فقط ..لا اكثر



:omg: والله ااااسفه جدا..

دائما ادخل لفتره قصيره وابدا من الاخر

وعلى اساس اني باصعد للاعلى..

ولكن ما يتم لي مرادي..

ابشري بالرد من عيوني

:telephone:
هتـان قطر
06-04-2009, 01:53 PM
...مساء يداعب صباحه ..

مراهتي ما بين :weeping:وبين :)وخليط من الحكايات العجيبه ..
بها من عفويه الطفوله ..وطيش البنات ..
بها من الالتزامات ..وتحمل المسئوليات ..
بها من محاسبه تحداني الزمن ..ومن قسوه الاصحاب ..
بها من التجارب الغريبه ..

مراهقتي هي من علمتني ان اكون انسانه ..بكل ما تحمله الكلمه من انسانيه ..
في مراهقتي تعلمت متناقضات الاشياء ..
تعلمت الحزن ونقيضه الفرح ..
تعلمت الحب ..والعشق ..وللاسف لم اتعلم الكره ..
تعلمت ان ارتب الجمل ..واخبئ الكتب تحت الفراش خوفا من الوالده لان النظر بدأ يقل ..
تعلمت الصبر ..
تعلمت ان اقف بجنب الجدار ..والمشي على ارصفه المكان ..

مراهقتي هي شخابيط ..ورسومات ..وابتسامات ...وذكريات ..
بإختصار ..
...مازلت اعيش كل سنوات عمري في يوم واحد ... ولو سألتوني كم عمرك ..ساقول عمري من عمر السنين ...

..الله يسعدكم يارب ..:) واشكرك هتان قطر ..



توهتيني..ياتحداني الزمن..

افهم انك كنتي مسالمه..بريئه نوعا ما..حبوبه

لكن سؤال..قلتي تعلمتي الحزن والصبر..

هل كانت طفولتك بائسة وحزينة..؟

:omen2:
تحداني
06-04-2009, 01:59 PM
توهتيني..ياتحداني الزمن..

افهم انك كنتي مسالمه..بريئه نوعا ما..حبوبه

لكن سؤال..قلتي تعلمتي الحزن والصبر..

هل كانت طفولتك بائسة وحزينة..؟

:omen2:


كانت ما بين الابتسامه ..والدموع ..
هتـان قطر
06-04-2009, 02:10 PM
كانت ما بين الابتسامه ..والدموع ..



تدرين تحداني الزمن..الماضي مهما كان حزين او فيه منغصات

الا انه لا بد يحمل في طياته شي جميل..ذكريات طريفه..

والاجمل من ذلك ان الانسان يفترض انه ما يتذكر الا كل شي حلو

مر بحياته..ويترك الاشياء المؤلمه للسنين..تمحيها ان شاءت

او تطويها بعيد عنا..



الله يسعدك يارب
شارع الأصمخ
07-04-2009, 02:00 AM
تبون الصج
احلى ايام عمري فتره مراهقتي ......................... تدرون ليش ؟؟؟؟

لاني ما اعتقد اني حسيت بكل هالكلام الي اسمعه عن المراهقه
كل الامور كانت عاديه يمكن لان تعامل والدي معاي كان بشكل ناجح للتغلب على اثار المراهقه
وما ادري انا الحين خلصت مراهقه والا لا

هي من سن كم لين كم الي يعرف يفيدني ؟؟
الزاجل
07-04-2009, 11:41 AM
تبون الصج
احلى ايام عمري فتره مراهقتي ......................... تدرون ليش ؟؟؟؟

لاني ما اعتقد اني حسيت بكل هالكلام الي اسمعه عن المراهقه
كل الامور كانت عاديه يمكن لان تعامل والدي معاي كان بشكل ناجح للتغلب على اثار المراهقه
وما ادري انا الحين خلصت مراهقه والا لا

هي من سن كم لين كم الي يعرف يفيدني ؟؟

جزاك الله كل خير انك تطرقت للموضوع من هالزاوية..

الطفل من يحس ان العالم ينظرون له انه في مرحلة عمرية
تتصف بالاندفاع وانه ممكن تنبدر منه تصرفات غير محبوبة
اتحصلونه يستغل هالشي..

هذا اللي حاصل
في كل مكان يسمع ويقرا مراهق.. مراهق.. مراهق
وعلى الوالدين انهم يراعون سنه وتقلباتها في هالعمر
في الوقت اللي هو يتمادى في في قلة ادبه ..
البنت تقل أدبها على امها جدام خوالها
تبتسم الأم تقول عمر مراهقة وما عندها القدرة على ضبط نفسها..
الولد يستعبط على الأبو في الميلس
يقولون لك مرحلة مراهقة مرده بيتعلم..

اللي ما بيتعلم السنع في مثل هالعمر
بيكبر وهو مب متسنع .

التريبة قديما كانت وحدة طفل والا مراهق والا يافع
ما عرفنا شنهو يعني مراهقة.. وانضربنا لين تزوجنا :secret:
OTOsan
07-04-2009, 12:57 PM
جزاك الله كل خير انك تطرقت للموضوع من هالزاوية..

الطفل من يحس ان العالم ينظرون له انه في مرحلة عمرية
تتصف بالاندفاع وانه ممكن تنبدر منه تصرفات غير محبوبة
اتحصلونه يستغل هالشي..

هذا اللي حاصل
في كل مكان يسمع ويقرا مراهق.. مراهق.. مراهق
وعلى الوالدين انهم يراعون سنه وتقلباتها في هالعمر
في الوقت اللي هو يتمادى في في قلة ادبه ..
البنت تقل أدبها على امها جدام خوالها
تبتسم الأم تقول عمر مراهقة وما عندها القدرة على ضبط نفسها..
الولد يستعبط على الأبو في الميلس
يقولون لك مرحلة مراهقة مرده بيتعلم..

اللي ما بيتعلم السنع في مثل هالعمر
بيكبر وهو مب متسنع .

التريبة قديما كانت وحدة طفل والا مراهق والا يافع
ما عرفنا شنهو يعني مراهقة.. وانضربنا لين تزوجنا :secret:


استشف من كلامك اتهام مبطن لعلم الاجتماع والعلوم النفسيه السايكولوجيه :)


بالعكس ، كلام منطقي جدا .. اعتقد انه ينطبق كذلك على المراهق نفسه احيانا !!
قد يعلم انه يقوم باخطاء واضحه .. ولكنه بينه وبين نفسه يقول ( عادي انا مراهق .. مسيري باعقل ------> هم قالوا في الكتاب الفلاني ) !!
الزاجل
07-04-2009, 01:17 PM
استشف من كلامك اتهام مبطن لعلم الاجتماع والعلوم النفسيه السايكولوجيه :)


بالعكس ، كلام منطقي جدا .. اعتقد انه ينطبق كذلك على المراهق نفسه احيانا !!
قد يعلم انه يقوم باخطاء واضحه .. ولكنه بينه وبين نفسه يقول ( عادي انا مراهق .. مسيري باعقل ------> هم قالوا في الكتاب الفلاني ) !!

هذا هو .. بس هذا لا يعني ان الأب يصير غوغائي
يضرب عمال على بطال .. او يصرخ متى ما حب ويسكت
متى ما انبسط ..

عجبني كتاب محمد بن فهد الثويني
افتخر انني مراهق.. الكلام المذكور يبين للمراهق
وين التغيير اللي يصير واشلون يجب ان يكون ..

اما كتب علم النفس اللي تترك للمراهق انه يخيط ويبيط على راحته
هذه ضيعت عيال المختصين قبل ما اتضيع عيال الناس ..