+++ المطبات الصناعية +++

[jajassim]

http://www.tawaasel.com/up//uploads/images/tawaasel-4a2bc07d05.jpg (http://www.tawaasel.com/vb//uploads/images/tawaasel-4a2bc07d05.jpg)



هل أنت مع المطبات الصناعية ؟

وهل تشتكي من نوع معين ؟

هل عند فكرة جيدة لنوع المطبة أو شكلها ؟

ولمن يرغب لعمل مطبة امام بيته او امام المدرسة ،، فليتفضل :nice:

[روميت]

شوارعنا ما تحتاج مطبات ...منها وفيها مطباتها .

[اسعاف]

المطبات لها تأثير سلبي على فقرات الظهر

وعلى الحوامل في السيارات خاصة اذا لم يتنبه السائق لها في الظلام

البلوى ان هناك مناطق ترى المطبات حسب كبر وحجم ( جيب ) راعي البيت القريب منها

المفروض يكون هناك نظام لبناء المطبات مب كل يبني على كيفه

وين البلدية

وين ادارة المرور عن فوضى بناء المطبات

[ANONYMOUS]

انت ماتدري ياجاجاسم شكثر انا امشي عشان اتجنب المطبات..

يعني الطريق اللي طوله 2 كيلو.. ادور لي طريق ابعد .. يمكن 3 ولا 4 كيلو عشان اتجنب المطبات..



وتقول لي من يبي يسوي مطبات


:sneaky:

:court:

crazy

:waiting:

:swoon:

ياريت بدال ما تعاقبون الجميع.. تشددوا مع الفئه الضاله اللي تتجاوز\تتجاهل القانون لمروريه..

[ANONYMOUS]

سؤال ع الطاير

ليش مخالفة الرادار 500 ريال..

ليش ماتكون 3000 ريال مثلا..؟

هل لازم تكون المخالفه في متناول الجميع .؟ عشان الواحد يتساهل ويكررها..

اللي يقطع اشاره.. لازم يكون عقابه مصادرة المركبه....

أو حجزها.. واللي يبي يطلعها.. يدفع 80% من قيمتها الفعليه للمرور..

هنا الجميع بيفكر ألف مره ..

[jajassim]

شوارعنا ما تحتاج مطبات ...منها وفيها مطباتها .

بس في اماكن تحتاج مطبات ،، :victory:

[حــــــوريـه]

مـســــــاء الـخـيـــــــر 00

الـمـطـبـــــــات ومــا أدراك مــاالـمـطـبـــــــات !!

أنــــا مـعـــهـــا إذا كــانــــت أمـــام الـمــدارس 00 بـيـــــن الـمـنـــازل 00 الـمـجـمـعــــات والـجـمـعـيـــات

ولـكـــــــن 000 وضــع تـحـــت لـكـــــن الــف خــط أحـمــــر 00 الـمـطـلـــوب مـطـبــتــيـــن00 ثــلاث

وبـحـجـــم معـقـــــول 00 لأن الـهـــدف مـنـهـــا هــــو الـحــــد مـن ســـرعـــه الـســـيــاره بـشـكــل مـؤقــت

ولـكـــن الــــــواقــع غــيــر ذلــك 00 لـدرجـــة أصـبـحـــت أعـتـــقــــد أن الـهــــدف مـنــهــــا ( تـخــريــب )

الـســــيـارات 00

اولآ : كـثــــرة عـــددهـــا فــي شـــارع قـــد يـكــــــــون طــولــه 30 مـتـــر أو أطــول قــليــلآ

ثـانـيـــآ : حـجـــم هـــذه الـمـطــبـــات كـبــير لـدرجـــة عــدم قــدرة السـيـــارات الـصـغــيــره تـجــاوزهـــا

إلا وقـــد احـتكــــت بـهـــا 00 ومــا الـنـتـيـــجـــه ؟؟

لـمـــاذا أكـثـــرنـــا يـمـلـــك سـيــــاره كـبــيـــره ؟؟


تـحـيــــــاتـــي

[jajassim]

المطبات لها تأثير سلبي على فقرات الظهر

وعلى الحوامل في السيارات خاصة اذا لم يتنبه السائق لها في الظلام

البلوى ان هناك مناطق ترى المطبات حسب كبر وحجم ( جيب ) راعي البيت القريب منها

المفروض يكون هناك نظام لبناء المطبات مب كل يبني على كيفه

وين البلدية

وين ادارة المرور عن فوضى بناء المطبات





عيل حاسب وانت تسوق بالليل ـــ :nice:

[jajassim]

انت ماتدري ياجاجاسم شكثر انا امشي عشان اتجنب المطبات..

يعني الطريق اللي طوله 2 كيلو.. ادور لي طريق ابعد .. يمكن 3 ولا 4 كيلو عشان اتجنب المطبات..

وتقول لي من يبي يسوي مطبات

:sneaky:

:court:

crazy

:waiting:

:swoon:

ياريت بدال ما تعاقبون الجميع.. تشددوا مع الفئه الضاله اللي تتجاوز\تتجاهل القانون لمروريه..

تبي نخلي كل طائش معه عسكري ،، :secret:

[jajassim]

سؤال ع الطاير

ليش مخالفة الرادار 500 ريال..

ليش ماتكون 3000 ريال مثلا..؟

هل لازم تكون المخالفه في متناول الجميع .؟ عشان الواحد يتساهل ويكررها..

اللي يقطع اشاره.. لازم يكون عقابه مصادرة المركبه....

أو حجزها.. واللي يبي يطلعها.. يدفع 80% من قيمتها الفعليه للمرور..

هنا الجميع بيفكر ألف مره ..


ممكن نفكر في كلامك ، ،، :nice:

[!الشايمه!]

كلهم كوووووووووم .........والمطبة الحديد اللي على شكل 8
اففففففففففف .....حق تكسر السيايير.

تحية

[jajassim]

كلهم كوووووووووم .........والمطبة الحديد اللي على شكل 8
اففففففففففف .....حق تكسر السيايير.

تحية

وين مكانها ،،،

[واحد 11]

اخوي جاجاسم اذا صوتنا بيوصل...في عندي اسم شارع بعض الربع يشتكون منه
هو تقريبا اكثر شارع فيه مطبات في العالم بالنسبة لطول الشارع

اسمه شارع ام الدوم.....هالشارع مريت عليه تقريبا طوله كيلو ونص..بس تصدق فيه حوالي 11 او 12 مطبه...معقول يعني كل واحد يسكن في بيت يطلب مطبه وياه...كثرة المطبات تسبب زحمة في هالشارع لان السيارات تمشيء ببطء وتتكدس ورا بعض....


بعدين محد خرب شوارعنا الا المطبات اللي حسب الطلب ويامكثرها....علما ان معظم الحوادث تكون في الخطوط السريعة ...اللي مافيها مطبات فما الفائدة منها

وبعد اتمنى لو بيحطون مطبة يراعون السيارات الصالون لان مطباتنا ماشاء الله ضخمة جدا ماتصلح للسيارات الرياضية ابدا ابدا

[jajassim]

اخوي جاجاسم اذا صوتنا بيوصل...في عندي اسم شارع بعض الربع يشتكون منه
هو تقريبا اكثر شارع فيه مطبات في العالم بالنسبة لطول الشارع

اسمه شارع ام الدوم.....هالشارع مريت عليه تقريبا طوله كيلو ونص..بس تصدق فيه حوالي 11 او 12 مطبه...معقول يعني كل واحد يسكن في بيت يطلب مطبه وياه...كثرة المطبات تسبب زحمة في هالشارع لان السيارات تمشيء ببطء وتتكدس ورا بعض....


بعدين محد خرب شوارعنا الا المطبات اللي حسب الطلب ويامكثرها....علما ان معظم الحوادث تكون في الخطوط السريعة ...اللي مافيها مطبات فما الفائدة منها

وبعد اتمنى لو بيحطون مطبة يراعون السيارات الصالون لان مطباتنا ماشاء الله ضخمة جدا ماتصلح للسيارات الرياضية ابدا ابدا

ارسلي اسم الشارع ورقمة او اسم المنطقة ،، :nice:

[بومحمد911]

في حياتنا توجد مطبات تشبه كثيرا المطبات الصناعية فلنتعامل معها بشفافية

امسك مطبك ليجيك مطب اجن منه

[واحد 11]

ارسلي اسم الشارع ورقمة او اسم المنطقة ،، :nice:

شارع ام الدوم في معيذر ...شارع تجاري....لو تمر عليه بتشوف بعينك 11 مطبة لدرجة ان السيارة ماتمشي 30 كيلو في الساعة...حتى صحيا اهل المنطقة يتعبون من كثرتها

وشاكرلك تعاونك :nice:

[jajassim]

شارع ام الدوم في معيذر ...شارع تجاري....لو تمر عليه بتشوف بعينك 11 مطبة لدرجة ان السيارة ماتمشي 30 كيلو في الساعة...حتى صحيا اهل المنطقة يتعبون من كثرتها

وشاكرلك تعاونك :nice:

يوم الاحد باذن الله باشوف شغلي معهم ،، :playball:

[ANONYMOUS]

تبي نخلي كل طائش معه عسكري ،، :secret:


لا طبعا..

بس لين يكون في تشدييد ع المتهورين.. الكل بيحسبها عدل..

ماعلينا اشكرك ع الرد..



ممكن نفكر في كلامك ، ،، :nice:


اشرك بعنف

====


نجاوب ع الاسئله الآن..

احسن نوع مطبات اللي هو اعتقد ستاندرد عالمي..

يجيك ميلان مرتفع.. عقب.. سييده.. عقب ميلان نازل.. مادري شسمونه هالنوع

شوف المرفق.. بس هاذي مرسومه باليد..


http://www.qatarshares.com.qa/data/332/335/storm_181775358_898409609.jpg

وهذي اكثر وضوحا..

http://www.statesassembly.gov.je/documents/propositions/7343-17508_files/image008.png

طبعا المقاسات يعتمد ع الشارع واللود..


وقواكم الله

[اسعاف]

عيل حاسب وانت تسوق بالليل ـــ :nice:

آنه باطه كبدي مطبات اشارة ازغوى :anger1:

من كم شهر صار هناك حادث بليغ عنده

تصور انت تريد تلحق الشارة الخضرة فإذا المطب يطلع لك فجأة ، وهات يا بريك

ويا غافلين لكم الله

[واحد في حاله]

بخصوص المطبات ليش مايكون فيه ستااااااااااااااااااندرد لكل المطبات

مثلآ يكون للمطبه حجم معين من عرض او ارتفاع وتكون ملونه بالابيض والاصفر
وقبل المطبه ب50 متر او 100 متر على حسب سرعة الشارع لوحه تحذيريه اماااااااااامك مطب او امامك حفره :tease:

وعلى الاقل يكون فيه مسافه بين كل مطبه والثانيه ,, بعض المطبات ورى بعض

بالعربي نبي ستاندرد لكل المطبات مش اذا شفنا مطبه وسوسنا السياره بتحك لالالا لازم امشي على جنب لالالا لازم ارجع :rolleyes2:

[الرايــق]

انا اعتقد ان شوارعنا تحتاج مطبات صناعية

على الاقل حفاظا على أرواح المشاة خصوصا من المستهترين من السائقين في الشوارع الفرعية..

ولكن المشكلة في المطب بحد ذاته

احيانا يكون المطب مش واضح ومش ملون مما يتسبب في وقوع اضرار للسيارة ..

باختصار انا مع انشاء المطبات ولكن لازم تكون واضحة في الشارع ..

يعطيك العافية .

[وطن]

أهم شي المطبات تكون عليها اشارات مضيئة في الظلام
وتكون واضحه جدا في النهار
وما تكون وايد دفشه وعاليه

السيارات يا تحك
يا كأن صاعدين جبل !!

أو نطير لو ما شفناه

بس قلت كل شي :p

[جمال اليافعي]

اخوي جاجاسم انا يا ما حلقت في السماء بسبب المطبات الي مب مصبوغه .

[أم وضحى]

انا مع المطبات عند المدارس والبيوت ..:anger1: ويحطون اشاره تنبيهيه بوجودها ..
معاناااااااااااااه مع الطايشيين اللي يسوقون السيارات بسرعه هائلة بين البيوت ..
والله ان مع كل صوت بريك قلبي يوقف من الخوف على عيالي :weeping:

ماراح تحسووووون بمشاعرنا ياللي ترفضونها الا لما تصيرون ابااااء وامهااات :(

[كاتم الاسرار]

شوارعنا ما تحتاج مطبات ...منها وفيها مطباتها .

اي والله صدقتي في كلامج

[بدور]

فكونا من المطبات كنها تله

تكسرت سياراتنا من الحك والتنقز

قطر كل شوارعها حفريات وتكسر وبعد يزيدونا

[relaax]

انا مقدم من شهرين ف المرور اللي ف ازغوى

عشان اسوي مطب وقالوا بيطرشون لي شخص يشوف المكان

ولين الحين ماوصل الشخص من الزحمه

[بابا الضحية]

ولمن يرغب لعمل مطبة امام بيته او امام المدرسة ،، فليتفضل :nice:

يصير اطلب مطب في الكورنيش ؟؟

[jajassim]

يصير اطلب مطب في الكورنيش ؟؟

:nono::nono:

[واحد 11]

انا مقدم من شهرين ف المرور اللي ف ازغوى

عشان اسوي مطب وقالوا بيطرشون لي شخص يشوف المكان

ولين الحين ماوصل الشخص من الزحمه

انشاء الله مايوافقون على طلبك...:secret: احنا نبي نقللها وانتوا تزيدونها...

[بنت ابوها 19]

احنا مانبي مطبات


جاتنا شركه حفرت لنا جدام كل ببيت عشان تبديل ولفات
وخلت الحفر مبطله والحفر شكبرها بصراحه

وقسم بالله كل شبر فتحه طول المطبه وعرض المطبه شنو هاااااااااااااااااااااي
بنص الشارع

يعني الشارع الواحد في سبع أحفر

رجااااءً اخووووي جاسم اذا لك حد تكلمه خله يرحمنا

تكسرت سيارتنا وقسم بالله شي يقهر
حفرو لنا الشوارع وراحو وتركوها

مانبي مطبات بس خل يجون يعدلون الي سووووه

[بوعلي-Qtr]

في شارع في الهلال يمكن طوله 600 متر او اقل ... وفي 7 مطبات .. بكره باجيبلك الاسم

[ANONYMOUS]

أهم شي المطبات تكون عليها اشارات مضيئة في الظلام
وتكون واضحه جدا في النهار
وما تكون وايد دفشه وعاليه

السيارات يا تحك
يا كأن صاعدين جبل !!

أو نطير لو ما شفناه

بس قلت كل شي :p



الـ cat eyes

او عيون القط

طبعا ضروريه تكون على كل المطبات.. عشان ماحد يطير في الهوى شاشي وهوا مايدراشي ياقدع

http://www.iconocast.com/B000000000000132/Q6/News5_0.jpg

http://shrootandshroot.com/img/products/cateyes_onroad.jpg

[!الشايمه!]

وين مكانها ،،،

في المدينة التعليمية....هناك مطبتين...بهذا الشكل.....المزعج....امام جامعة تكساس.
اعتقد في مثلها بجنب بعض المدارس.......
وفي الشوارع......المطبات الكبيرة اكثر من اللازم.....اللي مثل ماقالوا الاخوة......تحتك بالسيارات الصغيرة.....وايد مزعجة.

تحية

[jfal]

تكفى يا جاسم الشاحنات كنهم داخلين رالي عند بيتنا بعد ما ما صبوا القار
الله يوفقك اذا تقدر توصل طلبي بطلب مطب او اثنين بارسل رقمي على الخاص
والله اني كم مرة وقفت كم واحد علشان ازجره بس مافي فايدة

المنطقة الوكرة ..الطريق اللي يوصلك لاول دوار في الوكرة متفرع من شارع البيروني تكملة لشارع العين
حد من عندكم يتكرم ويدوام عليه من الصبح الى المغرب وشوف المسابق بين الشاحنات

انتظر ردك

تقبل خالص ودي تقديري

[بنت ابوها 19]

في شارع في الهلال يمكن طوله 600 متر او اقل ... وفي 7 مطبات .. بكره باجيبلك الاسم


شوارعنا ابدااااااااع


مطبات وحفر شكل مطباااااااااااااااات

والله تعبناااااااااا

[Fahad Alqahtani]

ويا المطبات 100%
شارع في شمال معيذر اسمه ام الدوم تجاري عليه كم مطبه
بحلف انه لولا المطبات لكان اسم الشارع نار على علم من كثرة الوفيات عليه مع ان طوله مايتعدى 2 كم
ومع ذلك والله اني اسوق فيه ومركز 100% عشان محد يدعمني .
ولا عليك امر جاجاسم ابي اسوي مطبات قدام باب البيت ويش الاجراأت المتبعه هل اقدم على البلديه او على المرور

[Fahad Alqahtani]

اخوي جاجاسم اذا صوتنا بيوصل...في عندي اسم شارع بعض الربع يشتكون منه
هو تقريبا اكثر شارع فيه مطبات في العالم بالنسبة لطول الشارع

اسمه شارع ام الدوم.....هالشارع مريت عليه تقريبا طوله كيلو ونص..بس تصدق فيه حوالي 11 او 12 مطبه...معقول يعني كل واحد يسكن في بيت يطلب مطبه وياه...كثرة المطبات تسبب زحمة في هالشارع لان السيارات تمشيء ببطء وتتكدس ورا بعض....


بعدين محد خرب شوارعنا الا المطبات اللي حسب الطلب ويامكثرها....علما ان معظم الحوادث تكون في الخطوط السريعة ...اللي مافيها مطبات فما الفائدة منها

وبعد اتمنى لو بيحطون مطبة يراعون السيارات الصالون لان مطباتنا ماشاء الله ضخمة جدا ماتصلح للسيارات الرياضية ابدا ابدا

الشارع اللي امتداد من شارع الدوم كم واحد توفى فيه من السرعه ؟؟؟

[theeb_qatar]

في شارع في الهلال يمكن طوله 600 متر او اقل ... وفي 7 مطبات .. بكره باجيبلك الاسم

جا جاسم ...
شحالك ..

شرايك تاخذ لفه في فريج هلال العلي ...
وتشووفه حالته المزريه .. من بعد ماكان حلووو ... !! ؟؟

واللي باط جبدي هالمطبة اللي من تاخذ الدوار بتدش الفريج تحصلها في ويهك
اغلب مواتـرنا تحك هناك ... اذا الالتيما تحك هناك !! ...

وتسبب حوادث ...

شوف بوصف لك اياها ..
اممم كنك ياي من التضامن بتروح على دوار خميس العبيدلي ..
بجيك دوار قبل خميس العبيدلي .. اخذه يمين .. بتحصل مطبتـين في وجهك
ورى بعض ...

الاولى كبيره بشكل ماتتصور ( روح بموتر صالون ) ..

اتمنى تعدلوونها لنا لان بصراحه تعبنا واحنا نضرب جمب .. ... :omen2::omen2:

[Me&OnLy]

انا والله ابي مطبات قدام بيتنا فريجنا كله يهال وكله العالم مستهتره تسرع ولا عليها من احد :(


تسوي خير لو تقدر او تعرف حد يحط لنا مطبات :(

[][ الوحيد ][]

فريجنا فيه 4 مطبات من الحجم الكبير
وبين كل مطبه والثانيه تقريبا 150 متر اذا مب اقل

[Bu Rashid]

صراحه مزعجه جداٌ ...
والشئ الي يزيد عن حده ينقلب ضده ...

[الرايــق]

احنا مانبي مطبات


جاتنا شركه حفرت لنا جدام كل ببيت عشان تبديل ولفات
وخلت الحفر مبطله والحفر شكبرها بصراحه

وقسم بالله كل شبر فتحه طول المطبه وعرض المطبه شنو هاااااااااااااااااااااي
بنص الشارع

يعني الشارع الواحد في سبع أحفر

رجااااءً اخووووي جاسم اذا لك حد تكلمه خله يرحمنا

تكسرت سيارتنا وقسم بالله شي يقهر
حفرو لنا الشوارع وراحو وتركوها

مانبي مطبات بس خل يجون يعدلون الي سووووه

الخير عندنا وعندكم :shy:

شتقولون عن اللي ما قدر يصف موتره بكراج البيت 7 اشهر بس :shy:

[jajassim]

وهذا المقال منقول ،،، للافائدة ،،، :nice:

لا تخلو الطرق والشوارع من المطبات سواء الطبيعية أو الصناعية فنجد بعض الأشخاص يصنعون مطبات عشوائية غير مطابقة للمواصفات والقياسات الدولية بغرض تقليل سرعة السيارات مما يعرضها آلي خسائر وأضرار فادحة


وهناك نوعين من المطبات :


الأول مطب عالي : ويكون ظاهرا لقائد السيارة أثناء السير نهارا ويمكن تفاديه عن المطب المنخفض .


الثاني المطب المنخفض : وهو صعب تفاديه وخسائر السيارات التي تعبره اكبر من المرتفع

ويتحدد مقدار الخسائر بالسيارات الناتجة عن عبور المطبات حسب :

نوع السيارة وموديلها سواء كانت حديثة أو قديمة .
سرعة السيارة لحظة عبورها على المطب 0
حمولة السيارة أثناء العبور 0
حالة المساعدين والسوست وإطارات السيارة .
مقدار ارتفاع أو انخفاض المطب واتساعه .


خسائر آي سيارة بعد عبورها المطب هي :

1- تفكك الصواميل والمسامير المثبتة لأجزاء السيارة .
2- كسر أحد المساعدين أو السوست أو كليهما .
3- كسر أحد المقصات .
4- كسر في أحد الكبالن وبيض الدركسيون .
5- كسر في الميزان أو إحدى الشدادات .
6- حدوث اعوجاج بالقنطرة الأمامية الطولية أو العرضية أو الخلفية .
7- تلف قواعد المحرك أو صندوق التروس وإطارات الكاوتش أو جنط العجل .
8- تلف علبة الشكمان .
9- تلف علبة الدركسيون وبلى العجل الأمامي أو الخلفي .
10- كسر أي جزء من الأجزاء السفلية بالسيارة مثل المحرك أو صندوق التروس أو الردياتير .
11- انحراف زوايا اتزان السيارة .


وينصح مهندسي الصيانة قائدي السيارات أثناء العبور لآي مطب صناعي أو طبيعي ما يلي :

-عبور أي مطب بأقل سرعة ممكنة للمحافظة على أجزاء السيارة 0
-عد تعرض السيارة لعدة مطبات يلزم الكشف على العفشة واعادة تربيط جميع الأجزاء وتغيير الجزء التالف .
-ضبط ضغط الإطارات وضبط اتزانها .
-ضبط زوايا العجل .
-وضع علامات تحذيرية فسفورية قبل أي مطب بمسافة كافية .
-دهان المطبات بلون فسفوري لتكون واضحة ليلا .
-إلغاء المطبات المفاجئة في الطرق السريعة .

[جوال 11]

نحتاج مطبات ولكن المطبات تحتاج الى صيانة مثل الصبغ ووضع علامة قبل المطبات وليس الأهمال فتجد لونها مثل لون الشارع .

قدمنا من 4 أشهر على مطبات عن طريق عضو المجلس البلدي لمنطقة الريان لعمل مطبات أمام مسجد في أزغوة
وحتى تاريخه لم يحصل أي شئ .

وشاكرين تعاونك

[ريان]

مع المطبات 100 % وفي كل مكان

-- انتاخر ونتكسر-- ارحم من فقدان ارواح بسبب هالجهال وفعايلهم

[جمال اليافعي]

http://img264.imageshack.us/img264/2711/speedbump.jpg


في هذا الخط وفي الليل شفت القمر قدامي بسبب المطباتين الرائعتين الي مايبانون وبينهم 20 متر بس . كل شكري لأشغال و الداخليه لموافقتهم .. لبناء هذا الصرح التدميري الرائع ,, الاحد مايقدر يقول الا حسبي الله ونعم الوكيل

[حنان الدنيا]

انا مع المطبات اذا عند المدارس او البيوت لان البعض وخاصه الدريوليه والشباب الصغار يشخطون

عند البيوت وخاصه عندنا صاير اكثر من حادث عند اللفه بس لا حياة من تنادي ويقولون شنو حياتنا تهمهم

مو باين للاسف محد سوا شئ

مشكور اخوي جاسم

[الخير كله]

اخوي شارعنا طويل وجنب مدرسه وما فيه مطبات
كيف ووين واشلون
نتواصل

[بن يوسف الثقفي]

المطب لا بد منه وبعد الاشارات المرورية اللي تدل على وجود مطب بعد لا بد منها

استقرب يوم اشوف مطب بدون اشاره تدل على وجود مطب شدعوه انتقام

المطب مفيد اتمنى ان يتم تركيب اشارات او لافتات مروريه تدل على وجود مطب
مطب بدون اشاره يعتبر مخالف للقانون


جزاك الله خير اخوي

[thefoox]

افففف سياراتنا تكسرت بسبه هذي المطبات الله لا يسامح من كان السبب

[hich]

سؤال ع الطاير

ليش مخالفة الرادار 500 ريال..

ليش ماتكون 3000 ريال مثلا..؟

هل لازم تكون المخالفه في متناول الجميع .؟ عشان الواحد يتساهل ويكررها..

اللي يقطع اشاره.. لازم يكون عقابه مصادرة المركبه....

أو حجزها.. واللي يبي يطلعها.. يدفع 80% من قيمتها الفعليه للمرور..

هنا الجميع بيفكر ألف مره ..

يرحم والديك أهم قاعدين يعدلون في القانون وينزلون المخالفات اونت تقول زيدوها :anger1:

[محمد_ قطر]

المطبات معظمها مفيده
تصدقون انا محتاج مطبه صوب بيتنا .. للاسف الشباب يسرعون في الشوارع الضيقه لو طلع ياهل من البيت لو سمح الله علطول بيدعمه ...

وانا قاعد احاول واكلم البلديه علشان يطون لنا مطبه ....

اذا حد عنده واسطه يسوي خير

[سعادة الوزير]

انا عندي تجربة أليمة بالنسبة لهالموضوع ، الشارع الي قدام البيت كان شارع قصير وبعدين فتحوا معاه شارع ثاني وصار خط طوله تقريبا 700 متر وفجأة صارت عليه حركة مرور كثيفة واغلبها للأسف من الشباب الصغار الي مايعرف يمشي اقل من 60 او 80 داخل الفريج!! ، وللأسف صار عندنا حادثين دهس لاطفالنا (احنا 4 بيوت اخوان جنب بعض) وفي الحالتين السايق يشرد (الحمدلله ان الطفلين تلاحقنا عليهم) ، ومن بعدها الحين هالشارع عليه 5 مطبات ، وبعد ليحين يسرعون ويحفصون !! .. وصدقوني بعد الي شفناه من هالمجرمين الي يدهسون عيالنا ويشردون ، لو يجيني من يكون ويقول لي نبي نزيل لو مطبة وحده ، باجيب عمال وباسكر الشارع بكبره.

ياخوي لاتلومنا ، من الي نشوفه من شباب هالايام واستهتارهم بالغير ، ودي اني اسكر الشارع بكبره خير شر، مب احط مطبات.

[سوق واقف]

اليوم كنت أبي أكتب لك

أخوي وانت رايح الخريطيات يا أخي حاطين مطبات ولا حتى صابغينهم ولا يبينون وفي مطبتين في مكان مافي حتى إضاءة ...والله مريت عليهم ولا كأنه مطبه موجودة سيارتي تكسرت ... أتمنى صبغ المطبات ...


الشيء الثاني محطة بترول الخور أذا جيت تصب بترول وتبي تحرك حاطين مطب ليش وفكرة من ...

[سوق واقف]

وعلى فكرة أنا غيرت سيارتي العام لأنه سيارتي الي بعتها ضربت فيها المطبة الي كانت خلف المتحف الي ما كانت عليها حتى لوحة إرشادية وضربتها ضربة قوية وأنبط الراديتر وعقبها بعت السيارة من القهر وصلحت السيارة 16 الف ريال

[سهم الصناعات]

والله فريجنا ( فريج اسلطه ) فريج ابو المطبات

توها الشركه مخلصه الشوارع اشزينها مابغينا نفتك من المليون مطبه .. قبل انا اوصل للبيت بعد ماتعدى سبع مطبات

الحين مع التعديلات في شوارعنا قامو ورجعو لنا المطبات , في مطبات زينه بالانترلوك طبعا يعني نازله وفي مطبات جنك ضارب لك طعس , حتى السياره الصالون تحك فيها .. انا مع المطبات بس المطبات المعقوله في الارتفاع لازم يراعون السيارات الصالون والسبورت , قلنا عبد الغني مكتسح بس مب جي

[فلفل حار]

مــــع:nice: .... وليـــس ضـــــد

ولكــــن ..!!:rolleyes2:

بشـــــروط ....:telephone:

واهم شي انه يكون في مقاييس للمطبات:nice:

مب يحطون مطبات تكسر خلق الله ومواترهم .... شوارعنا مب ناقصه

يعطيك العافيه يا جاجاسم :)

[ALRAYYAN]

اتصدق يالجسمي أن في لفه عندنا في الريان عليها 3 مطبات وهي لفه ترى مو شارع .. والله لفه
وعقب ماتخلص اللفه بعد في مطب يعني توتل 4 مطبات في اقل من 30 متر .. عسى ماشر
وانت في الموتر تحس انك في طراد مب موتر .. تنزل من مطب تركب الثاني تنزل من الثاني تركب الثالث وانت رايح
الشارع ماعرف اسمه بس هالمطبات في الشارع الخلفي لسوبر ماركت السعودية

وتصدق عندنا مطب صوب البيت .. سووه وعلى طول حركوه عنه وعلى طول السيارات فوقه
لين صارت فيه حفر
تخيل حتى المطب في حفر !!

المفروض المطبات تكون ستاندرد .. نوع واحد عشان الكل ياخذ عليه ويعرف له
في سيارات صالون والله تشخطت من تحت بسبب هالمطبات .. حزوم بعضها مب مطبات

[eclipse]

المطبات كلها سيئه لكن شتقول غير الله يعين
واللي الحلول موجوده لكن الناس متكاسله حتى تفكر

[diab911]

رجاء خاص حطو مطبات في شارع النصر

[فاضي عمل]

والله اذا بتسوون مطبات سووها نفس اللي فازغوى تاخذ الاشارات سيده في مطبتين عند المسجد يازينهم والله
مب بعض المطبات كنك إلا راكب طعس وتكره الساعه اللي مريت من هالشارع لو انك بموتر صالون
في طريق فرعي فالخريطيات صوب كنتاكي حاطين فيه مطبات والحمدلله انهم حطوا لان اكثر من 4 حوادث في 6 شهور يمكن بس مطبات مب مصبوغين وتوهم حاطينهم يعني شوف كم موتر طار الحين وقام يدعي
اتمنى بس تصبغونهم

[الفيلسـوف]

http://www.tawaasel.com/up//uploads/images/tawaasel-4a2bc07d05.jpg (http://www.tawaasel.com/vb//uploads/images/tawaasel-4a2bc07d05.jpg)



هل أنت مع المطبات الصناعية ؟

وهل تشتكي من نوع معين ؟

هل عند فكرة جيدة لنوع المطبة أو شكلها ؟

ولمن يرغب لعمل مطبة امام بيته او امام المدرسة ،، فليتفضل :nice:


يعطيك العافية - انا مع مطبات في الشوارع الطويلة - حتى الشخص يضطر يخفف من فترة

وفترة - ولا يسابق الريح - وياخذ معا ارواح

[دوحة الجميع]

المفروض بعد يحطون مطبات خفيفة جداً قبل كل دوار حتى انعرف انه قربنا على الدوار مب ناقصين مفاجئات مثل الدوارات الموجودة في الصناعية

[هذلان]

السلام عليكم

انا واحة مع المطبات .... طبعا ما اقصد المطبات الي في شوارعنا حاليا .. المطبات الي نشوفها في الشوارع هذي اسمها عذاااب.
ولو تسئل نفسك ماهو الغرض من وجود مطب ؟؟ الاجابه .. عشان الناس تهدي .. مش توقف عشان موترك مايتعور .
مطبات الانتر لوك هذي الي في الخريطيات تكسر رنقات المواتر شيء مؤذي بصراحه .. سئلت مهندس في الطرق عن المطبات قالي المطبات لها ستاندر معين مثل ان المطب لازم مايقل طوله عن 7 متر .. على اساس السياره تركب وتنزل مرتاحه لكن محد يلتزم ولافيه رقابه على الموضوع.
مطبه في زغوى تسببت بقتل نفس (مره حامل سقطت) لول يوم حطو المطب و ماصبغوه زوجها ماشاف المطب و ضربه

لازم الناس يستوعبون بان الغرض من المطب هو تهدئه السرعه لا التوقف التام

[بوالفاروق]

يالسمي بسالك تكفى وين اقدر اشتكي على المطبات

ياخي امسوين صوب بيتنا ثلاث مطبات وكل وحده بشكل

ولا صابغين المطبات ولا لوحات ولا شيييييييي وصار لها اكثر من شهر

ماعرف وين اشتكي عشان يشوفون صرفة للموضوع

واذا تبي تعرف المكان منطقة الهلال شارع تطوان

حزات وانا في البيت اسمع اصوات بريكات والسبه الناس مايشوفون المطبه :anger1:

[سهم الصناعات]

رجاء خاص حطو مطبات في شارع النصر

ليش تقدر تمشي فالنصر .. السيد كله واقف

[مبتدئة]

مرة مرسيدس علقت في المطب الصناعي
@@

[bluelion]

انا ضد المطبات بشكل عام ... تكسر السيارات على الفاضي.

[eastqatar]

قد سمعتوا مطبات علشان السيارات الثقيله ( مشاريع شارع بروه ) , مب علشان المدارس و البيوت

مع انه في في نفس المنطقة طالبين مطبات قدام البيوت ( بسبب سيارات طايشه ) وما صار شي

للعلم الشارع المقصود في بوهامور قريب شارع بروه التجاري

[jajassim]

نتنظر المزيد ،،

[العمـادي]

في شارع في فريجنا قريب من جمعية الميره الي في الهلال الي صوب النعيمي

فيه يمكن 5 مطبات والشارعه طوله ما يتعدى 300 متر ؟؟؟!!!!!!

وصوب بيتنا وعلى منحنى خطر ما حطين ولا مطبه

[jajassim]

تفتقر لوجود علامات فسفورية ومبالغة في عددها وارتفاعها...

المطبات الاصطناعية تزعج سكان معيذر الشمالي والجنوبي

2009-11-26


السكان:عشوائية وضع المطبات حولها من وسيلة للحماية إلى مصدر خطورة

نجاتي بدر:

تلعب المطبات الاصطناعية دوراً بالغ الأهمية في الحد من السرعات الجنونية لبعض المستهترين والمخالفين للقواعد وقوانين المرور، وبالتالي الحد من وقوع الحوادث المميتة، التي كثيراً ما تحدث ويروح ضحيتها الأبرياء من سكان المناطق والأحياء السكنية، وبالتالي فان وجود مثل تلك المطبات الاصطناعية بالمناطق والأحياء السكنية أصبح ضرورة، خاصة في ظل قيام بعض مستخدمي الطرق بالسير داخل تلك المناطق على سرعات مرتفعة تتعدى السرعات المحددة من قبل إدارة المرور، لا يمكن لأحد إنكار أهمية وجود المطبات الاصطناعية، خاصة داخل الأحياء السكنية، حيث إنها تعد السبيل الوحيد للقضاء على مصادر الخطورة، التي تكمن في سير السيارات بسرعات كبيرة قد تؤدي إلى إزهاق أرواح بعض السكان نتيجة تعرضهم لحوادث دعس لا قدر الله أثناء الخروج من بيوتهم، تلك البيوت التي قد يقع الكثير منها على الطريق مباشرة، من حق الجميع حماية أبنائهم وحماية أنفسهم بكافة الطرق والوسائل على أن تكون تلك الوسائل مشروعة ولا تعالج مشكلة وتخلق أخرى، في منطقتي معيذر الشمالي والجنوبي يعاني السكان منذ فترة طويلة من المطبات الاصطناعية التي تنتشر بغزارة بالشوارع الفرعية والداخلية للمنطقتين، عشوائية وضع المطبات بأعداد كبيرة جداً لا يتماشيان مع طول الشارع الواحد بارتفاعات تؤدي إلى صعوبة اجتيازها وافتقار العديد منها لوجود علامات فسفورية، جميعها أدى إلى الشكوى من وجود تلك المطبات في الوقت الذي تنادي فيه شوارع ومناطق أخرى بضرورة وضعها للحد من السرعات الجنونية والحوادث الخطيرة.


يقول أحد السكان لـ "تحقيقات الشرق" إن الهدف من وضع مطبات اصطناعية على الطرق، خاصة تلك الطرق والشوارع الداخلية والفرعية الواقعة بالمناطق والأحياء السكنية هو حماية المواطنين والمقيمين من سكان تلك المناطق، خاصة لوقوع الكثير من البيوت بشكل مباشر على الطرق المستخدمة من قبل عشرات السيارات، والحقيقة أن وجود المطبات الاصطناعية داخل المناطق والأحياء السكنية ذات أهمية كبيرة في الحد من وقوع الحوادث، حيث إن وجودها يؤدي إلى الحد من قيام بعض مستخدمي الطرق بالسير بسرعات كبيرة تتعدى السرعة المحددة من قبل إدارة المرور، في الوقت الذي ينادي فيه سكان بعض الشوارع أو المناطق بأهمية وضع مطبات اصطناعية فإننا نشكو من وجود تلك المطبات التي أصبحت تمثل مصدر إزعاج دائم لنا، وذلك ليس لوجودها فإننا نعترف بأهميتها، لكن مشكلتنا مع تلك المطبات تنحصر في عشوائيتها، حيث إنها تفتقر إلى وجود علامات فسفورية مما يجعل منها أفخاخا تصطاد السيارات ليلاً وقد تؤدي إلى وقوع الحوادث بدلاً من الحد منها نتيجة عدم رؤيتها في ظلمة الليل، كما أن وجودها بأعداد كبيرة جداً ومبالغ فيها من السلبيات التي تؤدي إلى إزعاج مستخدمي الشوارع التي يضم بعضها أكثر من 20 مطبا في حين أن طول الشارع قد لا يتعدى 2 ك متر، وهذا يؤدي إلى عرقلة حركة السير، خاصة بالشوارع الحيوية التي قد تشهد في ساعات الذروة ازدحامات واختناقات مرورية نتيجة تلك المطبات الاصطناعية، التي وضع الكثير منها بمعرفة بعض العمال غير المتخصصين، مما أدى إلى وجود الكثير منها على ارتفاع كبير يؤدي إلى صعوبة اجتيازها، وأكثر السيارات التي تتضرر من تلك المطبات ذات الارتفاعات الخطيرة هي السيارات الصغيرة، بينما كافة أشكال وأنواع وأحجام السيارات تعاني بسبب عدم وضع علامات فسفورية أو كثرة تلك المطبات بالعديد من شوارع منطقتي معيذر الشمالي والجنوبي، نأمل في أن تقوم الجهات المختصة بجولة ميدانية بشوارع المنطقتين بسيارات متنوعة الحجم نهاراً وليلاً للتأكد من هل تلك المطبات تؤدي الدور الإيجابي من وجودها وليس السلبي الذي نراه ونعاني بسببه؟.

[بوالفاروق]

نتنظر المزيد ،،

:telephone::telephone::telephone:


يالسمي بسالك تكفى وين اقدر اشتكي على المطبات

ياخي امسوين صوب بيتنا ثلاث مطبات وكل وحده بشكل

ولا صابغين المطبات ولا لوحات ولا شيييييييي وصار لها اكثر من شهر

ماعرف وين اشتكي عشان يشوفون صرفة للموضوع

واذا تبي تعرف المكان منطقة الهلال شارع تطوان

حزات وانا في البيت اسمع اصوات بريكات والسبه الناس مايشوفون المطبه :anger1:

[PathFinder]

اخوي جاجاسم, في المطار القديم شارع الكرامة قريب من تقاطعه مع شارع عقبة بن نافع مطبين ورا بعض كل واحد كالجبل واحنا متأذيين منهم كثير, وجزاكم الله خير اذا بتشلونهم, وهذه خريطة الموقع

http://img81.imageshack.us/img81/1629/capturezx.jpg

[بومحمد911]

انا مع المطبات لكي تكبح جماح المتهورين

بس تكون مطبه عصرية فيها امان حتى لراعي السيكل

[محمد11]

هل أنت مع المطبات الصناعية ؟

المفروض السؤال ..

هل انت مع وضع المطبات الصناعية " العشوائي " من غير لفت انباه السائق ؟؟

وهل تشتكي من نوع معين ؟

جميع المطبات الي امام البيوت ..

هل عند فكرة جيدة لنوع المطبة أو شكلها
حتى لو كانت هناك فكره

سوف تطرح ولكن لا استجابه

للعلم تم وضع مطبه في منطقة العزيزيه ف الشارع العام ..
سيارتي تكسرة وتصليحها مبلغ وقدرة ......
في اول يوم المطبه راحب فيييها بسبب احتكاك السياره بالمطبه


يعطيك العافيه ج جاسم

[Phenomenon]

الاخ jajassim

شكرا على الموضوع وعلى جهودك المبذوله

ماعندي اي تعليق بخصوص المطبات ... اللي قبلي كفو ووفوا

بس ياليت لو ما عليك أمر تفتح موضوع ( إنـــارة الشـــوارع ) عقب ما تخلص من موضوع المطبات :nice:

[alrheeb2020]

محد معور راسنه ومكسر ظهورنه غير هالمطبات :anger1:


هالشي مايقلل من جهدك الطيب اخوي جاسم ويعطيك العافيه :nice:

[بن علان]

أرجوا مراجعة الطرق التي أصبحت ذو اتجاه واحد وكانت ذو اتجاهين فالمطبات الصناعية لا حاجة لها في إعتقادي

على سبيل المثال التقاطع الذي يسبق دوار خميس العبيدلي هناك طريق للدخول لفريج العلي أصبح ذو اتجاه واحد وبه ثلاث مطبات مع أن طوله 100 متر بالتقريب يبدو لي لا حاجة لهم الآن

[PathFinder]

ما رديت علينا اخوي جاجاسم!

[نجم سهيل]

السلام عليكم

مطبات الستي سنتر ومثيلاتها .. مزعجة بشكل كبير .. واتوقع انها مضرة للحوامل .. لأنها ترض السيارة رض وبعيدة حق البعد عن الإنسيابية ..

بس أعتقد انه المرور مالهم خص فهالمكان ..

الله يجزيك خير

[BuNooR]

سؤال ع الطاير

ليش مخالفة الرادار 500 ريال..

ليش ماتكون 3000 ريال مثلا..؟

هل لازم تكون المخالفه في متناول الجميع .؟ عشان الواحد يتساهل ويكررها..

اللي يقطع اشاره.. لازم يكون عقابه مصادرة المركبه....

أو حجزها.. واللي يبي يطلعها.. يدفع 80% من قيمتها الفعليه للمرور..

هنا الجميع بيفكر ألف مره ..



مبالغ في اقتراحك الله يجزاك خير

[Me&OnLy]

اي والله جاجاسم انا ابي اسوي مطبات قدام بيتنا بزران وهالشباب هابين هبه يمشي في الخط 120 140 والمنطقه كله بزران اذا عندك استطاعه تسوي خير وشكرا

[حقل الشمال]

جا جاسم انا مع المطبات واحتاج مب مطبة بل مطبات عند البيت روضة اطفال والسواقين كل يفرش عضلاتة على الشارع . قولي وين أقدم على مطب أو حد يشوف السواقين لين ياخذون اليهال من الروضة .
ويسلمو عمو

[فيصـــل]

يرجى اعادة النظر في بعض المطبات اللي في المجمعات التجاريه

[الصريحه]

كم من روووووووووووووووووح بريئه ازهقت بسبه السرعه وخصوصا الاطفال لانه مافيه تخطيط عدل ولا مطبات دعسوا عيال العالم
:(:(:(:(