><>< تنســـيم فالدرايش .. + مشكله فـ ضغط الموتر [ مســآآعده الله لايهينكم ] ><><

[قطراوي للأبد]

السلام عليكم ورحمه الله وبركاته ..


شحآآلكم يالربع ..

اليوم عندي استفسار .. عن موترين الصراحه !


كانوا يسولفون الشباب .. وقلت لهم اني بستفسر لهم .. وان شاء الله يكون عندكم حلول حق هالمشاكل ..


المشكله الأولى ..

في واحد من الشباب .. عنده جي اكس ار 2005 .. انكسرت عنده الدريشه الخلفيه .. إلي عالجنب فوق الرفرف ..

بدلها فـ قراج فالصناعيه .. والظاهر ان الشغل ماكان تمام ..

وو في تنسيم فالموتر .. مادري من هالدريشه .. او وحده ثانيه .. الله أعلم ..

شتنصحونه .. شيسوي ؟ .. يبدل الربلات ؟ .. يروح مكان يجيك له على الدرايش ؟ ..

ووين .. وكم تكلفه السالفه ..



-----------------------------


الموضوع الثاني ..

جي اكس 2006 ! ..تماتيك .. الموتر صااحي .. مافيه شي ..

بس فجأه !!!!! .. ضغط الموتر مايرتفع عن 2 .. لو تدوس الريس كامل .. يبدل .. 2 و 3 و4 .. بس تتم سرعه الموتر 80 ! .. ماتزيد

وبعدها بشوي .. ترجع حاله الموتر طبيعيه .. ويمشي .

المشكله تصير بشكل يومي .. ووداه الشركه . . يقولون له الموتر مافيه شي :omg:

لكن شالعمل مع هالمشكله :rolleyes2: .. وين يسأل .. شيسوي .. إذا الشركه مايعرفون شنو فالموتر ..



والله لايهين كل من قرى الموضوع او رد عليه =) ..

ويعطيكم ألف عافيه

[نيساني]

بالنسبه للمشكله الثانيه اعتقد الكلجات على العموم خله يوديه قراج دكار وان شاء الله بيطلعون علته

والشباب بعد ماراح يقصرون

[فلفل حار]

المشكله الاولى ........ ماعندي خلفيه كبيره بس خله يمر علي كراج العبيدلي ويشوف له الحل هناك ويتأكدون أي دريشه منسمه عشان يبدلون لها ربلاتها ...... أو ...... تدبل لها الربلات وتركب الربلات الاسنفج علي ربلات الوكاله ( مثل ألي يركبونها في الاحساء جان عندك خبر عنها )

وبنفس الوقت يخليهم يبطلون له الكرنكيس وينظفون له مخ القير ويغيرون القازقيت ...... والاغراض يمكن بحدود 200 وشي ومع شغل اليد أقل من 500 ريال

بس حاسب أهم شي لايغيرون له ولا قطعه في القير ....... لانه كل قطعه لها برمجتها مع القير ...... حتي لو قالو لك غيرها هالقطعه خربانه ....... ماعليك منهم

سو ألي قلت لك عليه وان شاء الله تروح مشكلته مع القير :)

[جاسم الكواري]

هلا اخوي عن المشكله الثانيه

خله يبدل سنسر ايجووون حبتين سعرهم في الوكاله 500 الحبه

في الامارات الحبه 200 وانشالله بعدها احلا مايكون

تقبل مروري

[بن درويش]

المشكله الاولى التنسيم عادى كل الجيات تنسم تنسيم بسيط
الشكله الثانيه اخوى خله يقطع فى الموتر ويشيك على المنفول اذا سار حمر هاى فى دبه مالت البيئه صغير عقب المنفول تحصل الفلاتر متكسره داخلها تمسك الموتر يروح طريق سلوى يقصها ويشيلها واذا مافتح الموتر يشيك على السنسر

[بوسيف الهاجري]

جي اكس 2006 ! ..تماتيك .. الموتر صااحي .. مافيه شي ..

بس فجأه !!!!! .. ضغط الموتر مايرتفع عن 2 .. لو تدوس الريس كامل .. يبدل .. 2 و 3 و4 .. بس تتم سرعه الموتر 80 ! .. ماتزيد

وبعدها بشوي .. ترجع حاله الموتر طبيعيه .. ويمشي .

المشكله تصير بشكل يومي .. ووداه الشركه . . يقولون له الموتر مافيه شي

لكن شالعمل مع هالمشكله .. وين يسأل .. شيسوي .. إذا الشركه مايعرفون شنو فالموتر ..

هذا المشكله من دبة البيه مر على بروسلي وخله يفتحا الدبه ويشل الكربون الي فيها

[بـن شـهـوان]

انا مشكلتي نفس المشكله الاولى :) << متابع للاستفاده

وبـ التوفيق يالغالي

[قطراوي للأبد]

الله لايهين كل من مر على الموضووع ..

بس بخصوص المشكله الأولى .. أدري ان كل الجيات تنسم .. بــس تنسيم عن تنسيم يفرق !

وهو ماكان جي إلا يوم انكسرت الدريشه ..

وبخصوص الربلات الإسفنج .. شسالفتهم ذيلا ؟

ويعطيكم العافيه

[بن درويش]

الله لايهين كل من مر على الموضووع ..

بس بخصوص المشكله الأولى .. أدري ان كل الجيات تنسم .. بــس تنسيم عن تنسيم يفرق !

وهو ماكان جي إلا يوم انكسرت الدريشه ..

وبخصوص الربلات الإسفنج .. شسالفتهم ذيلا ؟

ويعطيكم العافيه

الربلات تحصلهم فى محلات الزينه قوله ربله للباب لانه ينسم
محلات الزينه الى فى راس بوعبود

[بوحارب]

انصحك تركب صيخ مترلا :eek5: