المساعد الشخصي الرقمي

مشاهدة النسخة كاملة : كتاب فاخر لعشاق مسلسل Friends-collector's edition


قلب طفلة
29-03-2009, 08:11 PM
.. السلام عليكم ورحمة الله وبركاته ..




لمحبي مسلسل Friends

أقدم لكم عرض نادر ومميز وهو عبارة عن كتاب خاص بالمسلسل الشهير Friends..

حيث يحتوي الكتاب على العديد من الصور ذات الجودة الممتازة والخاصة بكل حلقة ،

بالاضافة إلى أخبار ماوراء الكواليس ، والمقابلات والتعليقات وغيرها من الاخبار

المتعلقة بهاي المسلسل المتميز..




وفيما يتعلق بالكتاب حبيت اقول إن :


- حجم الكتاب

11x 8.9 x 0.7 inches

- الكتاب يحتوي على 288 صفحة ، وهاي يعني ان الكتاب متين

-ووزن الكتاب 3 باوند تقريبا

- حالة الكتاب من جيد جداً إلى ممتاز

- اللغة المستخدمة في الكتاب هي اللغة الانجليزية نظراً لاني جايبته من أمريكا.

- طبعا الصور ملونة ومطبوعة على ورق فاخر جدا وممتاز .. بالعربي الكتااب تحفة:victory:




وأنا يبته من أمريكا مثل ماقلت لكم .. وموجود عندي حالياً .. فمايحتاي تنطرون أسابيع لين

مايوصلكم الكتاب .. غير مصاريف الشحن اللي بتكلفكم وايد لأن الكتاب واايد ثقيل وهو اوردي

out of print في امريكا .. يعني فرصة ماتتعوض انكم تحصلونه بحاله شبه ممتازة..



وبالنسبة للسعر المكتوب على الكفر وهو السعر اللي شريته فيه ،غير الشحن وغير التاكس ،

بس ماكلفني شحن لان يايبته معاي واللي يبي يغتنم الفرصة يتفضل..




وهاي صور للكتاب توضح جودة الأوراق والصور..



http://up1.al-qatarya.org//uploads/images/al-qatarya-1fd49e795e.jpg (http://up1.al-qatarya.org//uploads/images/al-qatarya-1fd49e795e.jpg)




http://up1.al-qatarya.org//uploads/images/al-qatarya-08d220021e.jpg (http://up1.al-qatarya.org//uploads/images/al-qatarya-08d220021e.jpg)




http://up1.al-qatarya.org//uploads/images/al-qatarya-cf7eafd588.jpg (http://up1.al-qatarya.org//uploads/images/al-qatarya-cf7eafd588.jpg)





وبالنسبة للسعر إذا ياب لي من 150 لين 200 ريال ببيعه ويتهنى راعيه..:shy:

بس فرصة ذهبية للي يبي يشتري الكتاب فوري من دون ماينتظر ..

وفرصة ذهبية لاتفرطونا .. وعرض ماعتقد بتلقون مثله ..

فمن سبق لبق ..
بومحمد978
29-03-2009, 10:04 PM
أختي

لاهنتي لو انج ساتره النسوان لاتاخذين اثم من واره الصورر

وربي يغفر لنا ولج ياب
aljuri
30-03-2009, 12:09 AM
موفقه اختي
قلب طفلة
30-03-2009, 04:44 PM
موفقه اختي

تسلمين حبووبة .. :shy:
shaikha ma
30-03-2009, 04:47 PM
مووووفقههه
قلب طفلة
30-03-2009, 04:58 PM
تسلمييين حبوووبة ^_^
قلب طفلة
31-03-2009, 12:25 AM
سبحان الله وبحمده سبحان الله العظيم...




للرفع ^_^
مسك قطر
01-04-2009, 01:07 AM
موفقه اختي .. للرفع لخاطر عيون هذا الكتاب الرائع

بس للأسف عندي نفسه وكلفني شحنه من أمريكا حدود ال100 ريال غير سعره .. جان زين كان عندج من قبل جان خذته منج .. صراحه يستاهل وااااايد فيه كل شي عن المسلسل الأسطوري فرررررررندزززززز .. حتى اللي ما يعرف انجليزي بيستانس يقلب فيه من كثر الصور اللي فيه اذا كان شايف المسلسل ..

حبيت أضيف على الوصف انه هاي الكتاب صفحاته فيهم لمعه Gloosy Finish ... يعني أكشخ شي في عالم طباعة الصور .. وبس

قواج ربي ...
قلب طفلة
01-04-2009, 11:41 PM
مشكورة حبيبتي مسك على الرد الروعة منج .. اسعدتيني فديتج على الشهادة الطيبة منج..

وفعلا انا خذت من الكتاب 2 بسبب الفنش المرتب شي خياال بصراحة .. اول مرة القى كتاب

فيه كل المواصفات اللي تدش مزاجي .. لان اهتم وااايد بكوندشن الايتم .. وعاد انا امووت على فرندز

فاول مالقيت الفرصة اغتنمتها... واضافتج فيما يخص اللعمة اللي فالكتاب صحيحة تسلمين عليها..

يزاج الله خير وارحم الله والديج.. ويوفقنا للي فيه الخير...
قلب طفلة
02-04-2009, 12:15 PM
الكتاب لحد احين موجود...
قلب طفلة
03-04-2009, 07:09 AM
للرفع...

سبحان الله والحمدلله ولا اله الا الله والله اكبر...
قلب طفلة
03-04-2009, 03:24 PM
^_^ ......
قلب طفلة
07-04-2009, 04:27 PM
تم بحمدالله تعالى بيع الكتاب..

الله يهني صاحبته ^_^ ..