المساعد الشخصي الرقمي

مشاهدة النسخة كاملة : ممكن حد يفيدنا عن اسعار متر الرخام في قطر ؟؟


هاجن داز
29-03-2009, 10:03 PM
السلام عليكم ورحمة الله وبركاته

اتمنى الكل يدلي بدلوه ... ويثري معلوماتنا بخبرته
بو راشد 1
29-03-2009, 10:28 PM
السلام عليكم ورحمة الله وبركاته

اتمنى الكل يدلي بدلوه ... ويثري معلوماتنا بخبرته

كنت في كورس مع واحد من الشباب الاسبوع الماضي يشطب بيته، يقول ان اللي عجبة و يبي يركبه في الصاله و المجلس ب 800 للمتر المربع.
الجاهلي
29-03-2009, 10:38 PM
ب 800 للمتر المربع.

:eek5::eek5::eek5:
منصجك
يعني صاله 8x6 تكلف قريب 40000
بورسلان المتر على 35
بو راشد 1
29-03-2009, 10:42 PM
:eek5::eek5::eek5:
منصجك
يعني صاله 8x6 تكلف قريب 40000
بورسلان المتر على 35

والله انا في بيتي بركب بورسلان، رفيجي يقول انه محصل سعر الرخام اقل 400 ريال، بس مدري نوعه شنو
بومحمد911
29-03-2009, 11:16 PM
بالتوفيق
محيّر الانظار
30-03-2009, 12:43 AM
يعتمد سعره على حسب بلد الصنع وعلى حسب حجم الحبة ال60 في 60 اغلى من ال30 في 60 انا جالس اركب رخام تركي على 220 ريال للمتر حجم الحبه 60 في 60 يبين عليه زين بس الي باعني ملعوزني شوي لين الحين ماخلصت وياه بس اخوي شرى من نفس المحل نوعية ثانية المتر ب180 وطلع حلو
شموخ دائم
30-03-2009, 04:47 PM
,

,


مرحبا اخوي

بعد ردود الاخوه جزاهم الله خير

وخاصه عن الاحجام والمقاسات

احب اضيف عن الانواع

عندك النوع الايراني وهو الارخص بالسوق 60 ريال للمتر

وعندك بعده احسن جوده

السعودي والعماني تلاقيه بحدود 90 الى 100 ريال للمتر حسب اللون

وغالبا الي ماشي هو اللون ( البيج ) و ( الشوكليت ) كل الطلب عليهم تقريبا

وهو نوعيه جيده ومجرب للارضيات الصالات والمجالس ومافيه اي عيوب تذكر

وهو قديم في قطر

نروح للنوعيه الاحسن وهي الايطالي واسعاره من 120 ريال

مثل الكراره الايطالي وفي 140 و 160 و ريال220 حسب لون العرق والسماكه

الى 5000 ريال للمتر وهو النوع الازرق وموجود في قصر الوجبه

السنوات الاخيره دخل النوع الصيني واسعاره تختلف حسب النوع

موجود من 80 ريال الى 300 ريال للمتر

وعليه اقبال ايضا

انصحك في النوع ( الشوكليت ) سعره معقول وجميل في الارضيات

خاصه اذا صار معاه خطوط وحركه دائريه في الوسط يطلع من اروع ما يمكن

والان يعملونهم بالليزر وشطف الماء وفيها الوان وتشطيب ممتاز

وكانها لوحات فنيه

يعملها ( شركه مركز الرخام والجرانيت )


اتمنى التوفيق لكم


,

,


شموخ دائم
هاجن داز
30-03-2009, 08:39 PM
معلومات جداً رائعه من ناس اروع

وبانتظار باقي المشاركات ...
jassim72
31-03-2009, 02:38 PM
بالتوفيق
QAT2020
31-03-2009, 09:15 PM
متابع لاهمية الموضوع ،،، شكراً لكم جميعاً ...
dream~qa
31-03-2009, 10:11 PM
تتراوح من 150 ريال للمتر لين 800 ريال وعلى حسب الحجم والنوعية وبلد التصنيع .
الكتاروني
01-04-2009, 07:33 PM
نصيحة
لا تعور راسك و تشتري من قطر بأسعار تقريبا الضعف
تعال إلي دبي ... هناك في دراجون مول ( هذا مول مخصص فقط للصينيين )
تقدر تحصل كل مواد البناء بأرخص الأسعار
رخام بأسعار من 60 درهم
شواروفسكي
17-04-2009, 07:58 PM
الله يعينك على الاختيار
بوحمد2
18-04-2009, 05:06 PM
متابع لاهمية الموضوع ،،، شكراً لكم جميعاً ...

ولنل نفس الشي
تراثكم
19-04-2009, 08:12 AM
:rolleyes2: انا درت لين افتر راسي

مثل ماقالو الاخوان عن الاسعار من 90 لين 3500 للمتر على حسب
النوعيه الزينه اللي ممكن تركبها مب اقل من 250 ريال

اول شئ الرخام انواع ولاتاخذ غير الايطالي واذا بتركب 60 في 60 للمجالس والصالات اما باقي الغرف ممكن 30 في 60 .. مشكلة الرخام اذا تم تركيبه تلاقي بلاطات افتح من الباقي وهالشئ عادي حتى في نويعه اسمها (كريمه مارفل) بس اللي سمتعه في نوع اسمه (ببتشينو)(يذكرني في الكبتشينو) لونه حلو وماتلاقي اختلاف الالوان في البلاطات.

العماني لابأس به وسعره وايد مناسب .. نابينا منزلين نوعيه جديده ورخصيه.

الايراني ماينصح فيه لانه يتآكل ويتقشر.

درت السوق واسعارهم نفس الشئ بس ارخص واحد لقيته الحين يشتغل لي اذا تبيه برسل لك رقمه.
الاسماء الكبيره مثل مركز الرخام والجرانيت هذول ناس شبعانه وحتى مايجونك البيت ياخذون المقاسات واسعارهم غاليه.

على فكره لاتنسى عقب ماتركب الرخام بيجي دور الجلي وهذيه بروحه سالفته سالفه يكلفك نصف قيمة الرخام.

المحلات أغلبهم على طريق سلوى.

سلام
رحال
19-04-2009, 08:39 AM
موضوع جدير بالمتابعة !!!:nice:
bond007
19-04-2009, 04:53 PM
:rolleyes2: انا درت لين افتر راسي

مثل ماقالو الاخوان عن الاسعار من 90 لين 3500 للمتر على حسب
النوعيه الزينه اللي ممكن تركبها مب اقل من 250 ريال

اول شئ الرخام انواع ولاتاخذ غير الايطالي واذا بتركب 60 في 60 للمجالس والصالات اما باقي الغرف ممكن 30 في 60 .. مشكلة الرخام اذا تم تركيبه تلاقي بلاطات افتح من الباقي وهالشئ عادي حتى في نويعه اسمها (كريمه مارفل) بس اللي سمتعه في نوع اسمه (ببتشينو)(يذكرني في الكبتشينو) لونه حلو وماتلاقي اختلاف الالوان في البلاطات.

العماني لابأس به وسعره وايد مناسب .. نابينا منزلين نوعيه جديده ورخصيه.

الايراني ماينصح فيه لانه يتآكل ويتقشر.

درت السوق واسعارهم نفس الشئ بس ارخص واحد لقيته الحين يشتغل لي اذا تبيه برسل لك رقمه.
الاسماء الكبيره مثل مركز الرخام والجرانيت هذول ناس شبعانه وحتى مايجونك البيت ياخذون المقاسات واسعارهم غاليه.

على فكره لاتنسى عقب ماتركب الرخام بيجي دور الجلي وهذيه بروحه سالفته سالفه يكلفك نصف قيمة الرخام.

المحلات أغلبهم على طريق سلوى.

سلام


الشيخ ممكن ترسلي رقم المحل اللي يركب لك الرخام؟
bu_hussain99
20-04-2009, 03:16 PM
ممكن اسامي احسن محلات رخام تعرفونهم و تكون اسعارهم رخيصه
الوفي
20-04-2009, 10:10 PM
أخوي انا اشوف الرخام مايتركب في اي مكان لانه مكلف يعني يتركب في درج البيت او اي درج او رفعة داخل البيت عندك مثلا الرخام المصري والعماني وسعرهم 150 ريال في المتناول وفي غيرهم اسعارهم اوكيه وعندك مثلا البرســــــــلان للصالات تقني عن الرخام ياريال فيه ناس اعرفهم يركبون برسلان وتشوفه تحسبنه رخام تر الناس ماتميز وانا اخوك وايد والرخام غالي لانه من المعادن النفيسه يعني غالي على الفاضي لو تحطه برى البيت يصوفر مع الشمس يعني الغرانيت احسن منه وبالنسبة للبرسلان عليك بالحجم ال60في 60 او 80في80 فيه أنواع زينه وايد للبرسلان مثل الاندنوسي والاماراتي (جبل علي)وغيره والكولتي فوق الاوكيه عملي اكثر من الرخام وأسعارهم مثل الاندنوسي 70 ريال وبالنسبة للغرف يكون بلاط عادي يعني شعبي علشان تركب عليه موكيت ((زوليه)) لان اذا الواحد بيركب للبيت كله رخام وبرسلان وسراميك بيسير البيت ملق وله سلبيات مثلا في الغرف مايرتاح الي بالغرفه ممكن يزلق وهو طالع من الحمام عليه ويكون بارد جدا على الرجل ويسبب رتوزم ولو فكر يجلس بالارض كنه قاعد فوق صبيه تتعب مفاصل واصابع الرجل لو الواحد يشوف تنسيق الغرف والسويتات الفنادف الخمس نجوم هذا هو الستاندر طبعا هذا يكون تنسيق مهندسين لان يهم الفندق راحت النزيل عندهم.......
طبعا المداخل الخارجيه مافيه غير الغرانيت.....
بالنسبه للمحلات البرسلان الاندنوسي عند المهيدب يم حلويات باتشي الي يم جسر العسيري بطريق سلوى..
اما الاماراتي ((جبل علي)) بنابينا على طريق المطار وفيه محلات غيرها بس غالي لو تاخذه من الامارات احسن او دور محلات غيرها بسلوى..
الرخام عندك بيت العمر والعبيدلي وفيه محلات وايد يم حسين فكري كلها بسلوى(((عنده رخام وبرسلان وسراميك)))...
أن شاء الله اكون فدتك......
تحياتي لك يالغالي......
i.qatar
20-04-2009, 10:25 PM
الرخام الاسباني هو الافضل .. والسعر يختلف مع التركيب

واقدر اساعدك اذا حبيبت .. طرشلي على الخاص
dream~qa
20-04-2009, 10:32 PM
ممكن مساعدة في معرفة أفضل محل في تركيب الرخام أو عامل شاطر في التركيب ؟؟؟
قطريه مغروره
27-08-2009, 04:03 AM
الشيخ ممكن ترسلي رقم المحل اللي يركب لك الرخام؟



ممكن رقم المحل
مشتاقة لقطر
27-08-2009, 05:09 AM
التوفيق يارب
واقع
28-08-2009, 04:49 PM
نصيحة
لا تعور راسك و تشتري من قطر بأسعار تقريبا الضعف
تعال إلي دبي ... هناك في دراجون مول ( هذا مول مخصص فقط للصينيين )
تقدر تحصل كل مواد البناء بأرخص الأسعار
رخام بأسعار من 60 درهم

عندي صديق له محلات سيراميك وبورسلان فذكرت له الدراجون مارت وقالي ترا اسعارهم جيده للزبون العادي فقط لكن كتجار ياخذ عن نفسه من دبي والشاارقه لان نص المحلات اللي بدراجون مول موجوده بدبي والشاارقه

بمعنى ان المول ليس مخصص لصينين بل هي شركات موجوده اصلا بالامارات وتستورد من الصين واسعارهم جيده نوعا ما في بعض الشغلات وليست الكل
بوحمد2
29-08-2009, 12:04 AM
موضوع شييييق
فتى الجود
29-08-2009, 07:10 PM
الشكر لكل من أثــــــــــــــــــــــرا الموضوع

ومتابعكم