اذا حد يدعي انه يفهم في العقار ... خل يدخل

[حمد]

شباب

انا محتاج استشاره منكم وابيكم اذا تقدرون اتساعدوني جزاكم الله اخير


اول شي جهزوا قلم وورقه :

ارض حجمها 1422 متر

على شارعين .. من شمال وجنوب .... اما شرق وغرب فيه فلتين

معاي :)

طلتها على الشارع 37 متر ... اوكي ... يعني من جدام الارض ووراها ...لان قلت لكم شارعين

وعمق الارض يعني على الجنبين ... 38،44

في شارع الي هو الشمالي عرض 16 متر

اما الشارع الجنوبي فعرض 24 متر

--------------------

الزبد ه
------

ابي اقسم هالارض لاربع فلل صغار

الخيار الاول :
-------

يعني ايصير احط فلتين امشاهدين جنوب وفلتين امشاهدين شمال

يعني فلتين على امواجهين الشارع بو 24 متر وفلتين امواجهين الشارع بو 16 متر

رايكم : )

-----

الخيار الثاني :
----
ايصير اسوي نظام مجمع يعني افتح باب واحد على الشارع بو 16 متر ...

وسوي شارع صغير .... في النص

وفلتين متلاصقين امشاهدين شرق وفلتين متلاصقين امشاهدين غرب

----

والله محتار ... :confused:

لان في ناس اتقول ان البلديه ماراح اتخليك تفتح باب الى على الشارع بو 16 متر ...

تحياتي لكم

وشكرا مقدما

حمد

[حمد]

على فكره انا ماخذت الارض لين الحين .... وابي اشةف اذا الارض تصلح لاربع فلل باخذها ..

اما اذا اقل لالالا

وسعر الفوت 50

السالفه تسوى ولالا ؟؟

حمد

[مغروور قطر]

الحل الاول والثاني جميلان ولاكن اخي عليك ان تذهب الي التخطيط وتتأكد بنفسك افضل وتعرف من التخطيط قبل الشروع في الشراء

[sulai6i]

السلام عليكم

اخوي تقدر تروح لأي مكتب هندسي وتاخذ منه الخبر الأكيد .. اهم شي تاخذ وياك صورة من المخطط

انا اللي اعرفه ان الإرتدادات من المبنى لين السور تكون ما تقل عن 5 امتار من باب الصالة لين باب الحوش
وما تقل عن 2 من طوفة البيت لين السور اذا ما في درايش اما اذا في درايش .. الإرتداد لازم يكون 3 متر

والله اعلم

[جمال النعيمي]

نظام البلدية = 1422 متر / 400 لكل فلة = 3.55 فلة

الزبدة مع استثناء يمكن الحصول على اربع فلل

[حمد]

جي اف كي

يمكن الحصول على رابع فلل .... على اي اقتراح ... الاول او الثاني ....

ومشكور .. واعذرني اذا تعبتك

واحد في حاله ومغرور قطر ... مشكورين على المساعده ... وان شاء الله باخذ بارآئكم

حمد

[ابوسعود]

السلام عليكم
حمد
شخبارك اخوي
تمام
مشروعك مشروع بميات الالاف بصراحه لو تراجع البلديه
حتى تعرف لان السالفه مافيها غشمره
بس عندي راى لك
لا تسوي الفلل على شكل مجمع لان مسافة الشارع بتاخذ من الارض ونت
الخسران الله لايقول
اقترح عليك اخوي الاتي
تسوي الارض اربع قطع فلتين تفتح على جهة الجنوب وفلتين على جهة الشمال
بعد لازم تشوف البلديه في الموضوع واذا تبي توفر تكون كل فلتين لاصقين في
بعض حتى توفر (( واقصد كل فلتين حذا بعض ))
واتمنى لك التوفيق

ملاحظه ::: حمد
انا سمعت من سمسار عود يقول لو تنطر الصيف بتحصل ارخص من هالاسعار
حبيت اقولك انصيحه بتاخذ فيها ولا قطها بحر
تقبل تحياتي
اخووووك
ابوسعود

[حمد]

والله ياخوي بوسعود انا محتار

ابي اخذ الحين لاني خايف ان الاراضي بطير ...

والبعض ايقول انها بتنزل

والله مادري ..... انا اسأل عن ارض ايقولون لي سعر ... وعقب شهر ايزيدون ريالين او ثلاث على الفوت ....

صرت اوسوس بالليل .... وكلامي كله بالفوت ... والله الي صاير جنون

حمد

[سعادة الوزير]

ولا توسوس ولا تضيق خلقك .. ان شاء الله يوم الاحد اذا الله احيانا مر على التخطيط العمراني ومعاك الخارطه واسألهم وخذ الجواب الشافي والي ان شاء الله وبحول الله بيرضيك وبينولك الي في بالك بإذن واحد أحد.