اللي بيسمع كلامي ويطبقه هو المدعو فقط

[المسا]

السلام عليكم ورحمة الله وبركاته
اخواني واخواتي الكرام.. انا فخورة اني اكون عضوة من اعضاء هذا المنتدى الوطني
وفخورة اكثر بوجود كثير من الاقلام الواعية واللي على قر عالي من تحمل المسئوليه وتخاف على مصلحة وطنها والشعب ولذا اخواني واخواتي انا ادعوكم دعوة كريمة إلى ان نستمر على هذا الطريق وان نوعي الفئه التي مازالت مسالمه حتى الآن .. هذي الارض وطنا
وهالناس الموجودين فيها اهلنا وهالحقوق اللي قاعده تضيع حقوقنا وهالصوت اللي كلنا خايفين
يطلع صوتنا ومعانتنا نبي حملة توعيه وحملة لا لكل مايعارض مصلحة المواطن طالما لايضر مصلحة الوطن
لاتنتظرون حد يحس فيكم اللي مايعاني معاناتك مستحيل يحس فيها واذا انت ماتكلمت محد بيتكلم عنك وبتزيد المشكله وبتكبر لحد ما تنتشر بين الأغلبيه
مثل ما صار بأسعار علب البيبسي ورجوعها للسعر الأصلي نبي دايم صوتنا يوصل
نبي مصلحة الفرد هي مصلحة الجماعه مانبي غيرنا دايم يحدد مصيرنا احنا اولى بتحديد مصيرنا
انا ما ادعوكم للمعارضه او المشاغبه .. انا ادعوا للوعي والتناقش ومو دايم نسكت على اي شي يخصنا احنا بالمقام الأول.. نبي يكون لنا صوت يوصل بس مايوصل لأنه عالي يوصل لأنه راعي حق وعلى وعي.. ماابي احس ان احنا سلبيين وننتظر من يقرر عنا سمعتوا
نبي قطرترتقي بإرتقائنا احنا.. وسلامتكم

[عاشق الشهادة]

السلام عليكم ورحمة الله وبركاته
اخواني واخواتي الكرام.. انا فخورة اني اكون عضوة من اعضاء هذا المنتدى الوطني
وفخورة اكثر بوجود كثير من الاقلام الواعية واللي على قر عالي من تحمل المسئوليه وتخاف على مصلحة وطنها والشعب ولذا اخواني واخواتي انا ادعوكم دعوة كريمة إلى ان نستمر على هذا الطريق وان نوعي الفئه التي مازالت مسالمه حتى الآن .. هذي الارض وطنا
وهالناس الموجودين فيها اهلنا وهالحقوق اللي قاعده تضيع حقوقنا وهالصوت اللي كلنا خايفين
يطلع صوتنا ومعانتنا نبي حملة توعيه وحملة لا لكل مايعارض مصلحة المواطن طالما لايضر مصلحة الوطن
لاتنتظرون حد يحس فيكم اللي مايعاني معاناتك مستحيل يحس فيها واذا انت ماتكلمت محد بيتكلم عنك وبتزيد المشكله وبتكبر لحد ما تنتشر بين الأغلبيه
مثل ما صار بأسعار علب البيبسي ورجوعها للسعر الأصلي نبي دايم صوتنا يوصل
نبي مصلحة الفرد هي مصلحة الجماعه مانبي غيرنا دايم يحدد مصيرنا احنا اولى بتحديد مصيرنا
انا ما ادعوكم للمعارضه او المشاغبه .. انا ادعوا للوعي والتناقش ومو دايم نسكت على اي شي يخصنا احنا بالمقام الأول.. نبي يكون لنا صوت يوصل بس مايوصل لأنه عالي يوصل لأنه راعي حق وعلى وعي.. ماابي احس ان احنا سلبيين وننتظر من يقرر عنا سمعتوا
نبي قطرترتقي بإرتقائنا احنا.. وسلامتكم




انا واحد مطبق وبدون نقاش :)

اما بخصوص البيبسي الصراحه ضحكتيني اختي هي دعايه لهم كانت لا اكثر ولا اقل وثاني شي ايش الفايده من شرب البيبسي مافيه اشياء اهم من البيبسي المفروض مش المواطن هو الي يتكلم بل الدوله وتضرب من حديد لكل من يحاول ان يتلاعب بالاسعار ..

[المسا]

ههههههههه حياك الله اخوي اقصد بالبيبسي مثال لأني شفت الاوادم محتشره عليه عشان نص ريال

[فراغ]

ههههههههه حياك الله اخوي اقصد بالبيبسي مثال لأني شفت الاوادم محتشره عليه عشان نص ريال
حسب معلوماتي البيبسي مافيه فيتامينات

[غدير البورصه]

وهالناس الموجودين فيها اهلنا وهالحقوق اللي قاعده تضيع حقوقنا

الحمد لله حقوقنا محفوظه
ومصيرنا بيد رب العالمين
وقطر مرتقيه ومقامها عالي بين الدول العربيه والاجنبيه

ما علينا قاصر طال عمر شيخنا حمد عايشين في خير ونعمه (
(( ولئن شكرتم لازيدنكم ولئن كفرتم فان عذابي شديد ))


سبحان الله محد يحمد ويشكر
يمه منكم

[غدير البورصه]

.. نبي يكون لنا صوت يوصل بس مايوصل لأنه عالي يوصل لأنه راعي حق وعلى وعي.. ماابي احس ان احنا سلبيين وننتظر من يقرر عنا سمعتوا
نبي قطرترتقي بإرتقائنا احنا.. وسلامتكم

انا ما بطبق
ولابيكون لي صوت لاني واعيه وعندي حقوقي والدوله مب مقصره في شعبها ولا في المقيمين
وقطر مرتقيه من غيرنا من زمان مرتقيه بشيوخها وحكمها العادل وكرم بو مشعل

[المسا]

الأخت غدير البورصه انا مافرضت عليج تدخلين الموضوع بس فرضت ان اللي يدخل يطبق كلامج صحيح أميرنا الله يحفظه مو مقصر.. وانا ما قلت ان بلادنا مو مرتقيه .. طالما انج ماخذه حقج مثل ما تقولين طيب شنو بيصير لو ضميتي صوتج لصوت فيه حق بلد وحق اخ ومصلحه عامه مو ضروري تكون شخصيه.. وانا طرحت الموضوع كفكره عامه انا ماطالبت بشي خاص ولا شخصي طالبت يكون لنا حق باتخاذ بعض القرارات او التعديل فيها للمصلحه العامه ومافيها شي لو ارتقينا اكثر واكثر مو لازم نوصل عند حد معين ونوقف وشاكره لج مرورج أختي