ابتداءً من 1/4/2009 بنك قطر الوطني يفرض رسوم جديدة [الأرشيف]

eXpert*

01-04-2009, 03:44 PM

بسم الله الرحمن الرحيم

اليوم قاعد اشيك على موقع بنك قطر الوطنيّ ،، باللغة الانجليزية وصادف اني شفت رسوم جديدة ستطبق ابتداءًَ من اليوم !!!

عندما راجعت النسخة العربية من الموقع لم اجد أي ذكر للرسوم ؟

المهم ماعلينا أصلاً احنا العرب دائماً مظلومين ,,

طبعاً هناك تعديلات عديدة ،، ولكن كـ عملاء اكثر ما يهمنا التالي :

- حساب التوفير : سيتم خصم مبلغ 50 ريال قطري في حال نزل معدل الرصيد في الحساب عن مبلغ 5000 ريال قطري ..

حساب التوفير بلس : سيتم خصم مبلغ 50 ريال قطري في حال نزل معدل الرصيد في الحساب عن مبلغ 5000 ريال قطري ..

الحساب الجاري : سيتم خصم مبلغ 50 ريال قطري في حال نزل معدل الرصيد في الحساب عن مبلغ 5000 ريال قطري .

واللي راتبه كله على بعضه 5000 شيسوي في هالحالة ؟ اعتقد كثير من العملاء سيعيدون النظر في الرسوم الجديدة .

للتفاصيل كاملة يرجى مراجعة موقع بنك قطر الوطني - اللغة الانجليزية على الرابط التالي :

http://www.qnb.com.qa/qnb/marketingnewsletter/wealthdoc.pdf

بوخالد911

01-04-2009, 03:47 PM

الله المستعااان

فئة العمال هم اللي بياكلووونها !!!

الظااهر بيخشوون فلووسهم تحت البلاطة !!!

alsenator

01-04-2009, 03:47 PM

المصرف بداها

والحين الوطني الي هو مفروض يدعم المواطن

وين احط حسابي

Bu Rashid

01-04-2009, 03:49 PM

الله يعيين أصحاب الدخل المقروووووووود .....

مروض المهـرة

01-04-2009, 03:52 PM

تعويض لخسايرهم على عاتق العملاء نفس ماسوا معاي بنك الدوحه خاصم علي 2000 ريال عمولة 4 شيكات مرتجعة كل شيك 500 ريال واحنا نخبرها 200 ريال لكن مااقول إلا
( حسبي الله ونعم الوكيل )

MzYoN-QaTaR

01-04-2009, 04:06 PM

واللي راتبه كله على بعضه 5000 شيسوي في هالحالة ؟ اعتقد كثير من العملاء سيعيدون النظر في الرسوم الجديدة .

اللي راتبه 5000 أو أقل ... يتصل حق فرعه ... ويكلمهم ... ويقولهم ان راتبه أقل من 5000
وهم من نفسهم بيلغون الرسوم (50 ريال)

صارت لي مثل هالمشكله ... واتصلت حق البنك ... وقالوا لي ... أكلم فرعي ... بس قبل كان غير ... يعني اذا حسابي فيه أقل من 3000 يخصمون 25 ريال

=)

q6ri_vip

01-04-2009, 04:12 PM

http://www.qnb.com.qa/qnb/marketingnewsletter/arwealthdoc.pdf

شيط ويط

01-04-2009, 04:12 PM

عادي يالربع البنك محتاج (سيولة) وقام يسحب من (عملاءه) بمثل هالطرق اللي يضحك فيها ع الذقون :secret:

Grnas

01-04-2009, 04:13 PM

http://www.qnb.com.qa/qnb/marketingnewsletter/arwealthdoc.pdf

الوطني أرسلوا إيميل لعملائهم وحطوا في موقعهم بالعربي والانجليزي

البرونزي

01-04-2009, 04:13 PM

والله توهم مطرشين لي رساله
ودخلت موقعهم ولا لقيت شي وطلعت ( العربي )

المشكله واحد من الربع شكله بيذبحني
حسابه في الصفا الاسلامي ويخصمون
عليه 50 ريال اذا ماعنده في الحساب 5000 ريال
وقلت له تعال بنك الوطني الاسلامي وبترتاح
والحين قاعد يكمل اجراءات النقل :rolleyes2:

الظاهر اختكي مثلكي

بنلقها من وين ولا من وين
لاحد حاس فينا ولا حد بمهتم فينا
أصلا خساره اضيع وقتي اتكلم في هالموضوع

سلام عليكم

بوخليفة3

01-04-2009, 04:14 PM

باجر ناقل حسابي
توهم مطرشين لي مسج يقولون انهم بيطبقون التعرفه الجديده وكاتبين للمعلومات ادخل موقع البنك

binhlail

01-04-2009, 04:21 PM

هم لقونا مقصة وقالوا يالله نستهبل عليهم وناخذ فلوسهم

البرونزي

01-04-2009, 04:21 PM

باجر ناقل حسابي

ريح نفسك
الخير جاي :nice:

قصدي الموضوع شكله بيتطبق في كل البنوك

lawyer

01-04-2009, 04:23 PM

الله يعين العالم

بوخليفة3

01-04-2009, 04:24 PM

ريح نفسك
الخير جاي :nice:

قصدي الموضوع شكله بيتطبق في كل البنوك

بس اللي اعرفه ان البنوك الاسلاميه مافيها هالسوالف:anger1:

البرونزي

01-04-2009, 04:24 PM

هم لقونا مقصة وقالوا يالله نستهبل عليهم وناخذ فلوسهم

لا والله مب مقصه احنا فاهمين اكثر منهم الله يسلمك
لاكن عارفينا مسالمين ولا نسوي نفس الدول الثانيه
بنحن في البدايه وبعدين بنسكت يعني ( حنت عجوز )

شيزكيك

01-04-2009, 04:24 PM

شالغباء انزين الي حسابه جاري اكيد بيسحب راتبه كامل حق الالتزامات الي عليه شذنبه ينخصم

منه كل شهر ومدام هالبنك بدا عيل الكل وراه

والواحد وين ما يطقها عويه

البرونزي

01-04-2009, 04:26 PM

بس اللي اعرفه ان البنوك الاسلاميه مافيها هالسوالف:anger1:

شكلك طوفت ردي السابق الي تكلمت فيه عن بنك الصفا الاسلامي :nice:

لولوتي

01-04-2009, 04:33 PM

الله المستعان

من قبل كان الخصم اذا نزل الرصيد عن 1000 ريال

عضو المنتدى

01-04-2009, 04:34 PM

والبنك بنك وطني حكومي .

المفروض يكون البنك الوحيد إلي ما يطبق هذا القرار على عملائة .

لكن شنسوى إذا وزير المالية السيد حسين كمال هو رئيس مجلس الإدارة .

هو أول من طبق القرار قبل البنوك التجارية . :(

ولا ننسي أن أعضاء مجلس الإدارة البنوك كلهم ياخذون نصيب الأسد من الأرباح

السنوية تقريبا نصف مليون على أجتماعاتهم السنوية .

المفروض ياخذون 50 ريال على إلي رصيده 5 مليون . :shy:

القاعده إللي ماشية : الغني يزداد غنى والفقير يزداد فقر

بلاهويـــــة

01-04-2009, 04:37 PM

لا حول ولا قوة الا بالله العلي العظيم

أمة الله

01-04-2009, 04:53 PM

انزين الجاري أولريدي يصّك تحت الـــ 5000 ريال غالباً من كثر السحب! يعني ما بيبقى لنا شي :(

الرصاصي

01-04-2009, 05:03 PM

انا وصلني مسج اليوم من البنك : سيبدأ البنك بتطبيق تعرفة الرسوم المعدله في 1 أبريل . للمزيد قم بزيارة موقعنا . وطبعآ الهوامير اللي تنسمع اصواتهم مب متكلمين لان حساباتهم بالملايين ومحد منهم يقل في حسابه عن5000 ريال !!!! ودائمآ نلاحظ منهم يحطون قراراتهم على اصحاب الدخل المحدود مثل هالفئه بس مانقول الاحسبي الله ونعم الوكيل ولا حول ولاقوة الا بالله وكل هذيه من ابن كمال ونسيبه اللي حاطه مدير عام البنك والبنوك ماتبي تعلن شبه افلاسها وقاعده ترفع فوايد وماشابه ذلك على اهل قطر .

qatar lady

01-04-2009, 05:17 PM

شموا طاري الزيادة من هني..قالوا نلهف من هناك..

@@ الله يخلي تجوري يدتي @@

مستثمر تحت التعليم

01-04-2009, 06:10 PM

ويقولون القطريين أكثر شعوب العالم دخلاً الا أكثر شعوب العالم قهراً
شوف هالرسوم لو في دوله ثانيه جان صارت مظاهرات واعتصامات بس أحنا شعب مسالم

والقهر ايقولون أن هالبلاد مافيها ضرايب البركه في البنوك بتعصرنا وبتسحب رسوم لمجرد تفكير الحكومه تعديل الرواتب عيل لو تم تعديل الرواتب شبيصير عزالله راحت فلوسنا وطي الحين هبابي أخليلي 3000 ريال في الرصيد لين آخر الشهر علشان مايخصمون مني شيء شلون باوفر 5000 ............. الله المستعان
حسبي الله ونعم الوكيل على كل ظالم ومفتري

][ الوحيد ][

01-04-2009, 06:23 PM

مب شي ..
لو واحد راتبه اقل من 5000 شيسوي ؟

عضو المنتدى

01-04-2009, 06:39 PM

بسم الله الرحمن الرحيم

حساب التوفير بلس : سيتم خصم مبلغ 50 ريال قطري في حال نزل معدل الرصيد في الحساب عن مبلغ 5000 ريال قطري ..

للتفاصيل كاملة يرجى مراجعة موقع بنك قطر الوطني - اللغة الانجليزية على الرابط التالي :[/RIGHT]
http://www.qnb.com.qa/qnb/marketingnewsletter/wealthdoc.pdf

أحسبوا معاي

خصم 50 ريال * بفرض 100,000 عميل فقط = 5000,000 ريال في شهر فقط .

في السنة = 5000,000 * 12 شهر = 60,000,000 ريال في السنة

60 مليون أرباح البنك في السنة عند فرض هذه الضريبه .

ههههههههههه مبروك لأعضاء مجلس الأدارة على هذه الأرباح . :nice:

بابا الضحية

01-04-2009, 06:44 PM

والدولي الاسلامي !!!!شخباره زاد هو الاخر ؟

eXpert*

01-04-2009, 06:54 PM

أحسبوا معاي

خصم 50 ريال * بفرض 100,000 عميل فقط = 5000,000 ريال في شهر فقط .

في السنة = 5000,000 * 12 شهر = 60,000,000 ريال في السنة

60 مليون أرباح البنك في السنة عند فرض هذه الضريبه .

ههههههههههه مبروك لأعضاء مجلس الأدارة على هذه الأرباح . :nice:

الظاهر الواحد لازم يبدأ يفكر يستثمر ويشتري اسهم في بنك قطر الوطني عقب الحسبه اللي حسبتها :)

رحال

01-04-2009, 07:13 PM

12 ألف مواطن محالين على البند المركزي

أعمارهم فوق 45 سنه وطالع ، رواتبهم في

حدود 10000 آلاف ونازل !!!

وعندهم بيت ويهال وخدم ومصاريف كيوتل

والمرور ومدارس ومستشفيات ... الخ

وش مصيرهم ، هل لازم يصرفون نصف

راتبهم ، من أجل قرار بنك قطر الوطني !!!

لاحول ولاقوة الا بالله العلي العظيم !!!

wrc

01-04-2009, 07:25 PM

م. عبدالعزيز

01-04-2009, 07:30 PM

الوطني مشكله.. كنت فيه وافتكيت منه
هالشي بعد بيطبق على الوطني الاسلامي ولا بس الوطني ؟؟
الله يعينا ان شاء الله المصرف مايسويها بعد بنروح فيها

عزوز المضارب

01-04-2009, 07:32 PM

للاسف قرار لا يليق باكبر بنك رائد في السوق القطري

قرار رخيص جدا ولا يوجد اي فائده من هذا القرار

وما هو المغزى من رفع سقف المبلغ ,,,,,,,,

للاسف انها الضريبه والمغلفه بكلمه رسوم

القرار لا علاقه له ببنك خسران او ربحان

القرار واضح انه ضريبه وللاسف من اكبر بنوك قطر

الذي يدعي بانه امين على اموال العملاء ,,,,

لكن هل يكتفي بنك قطر والبنوك الاخرى فقط بهذه الضريبه

وهل نحن مقبلين على فتح ابواب اخرى من الضرائب
في مؤسسات اخرى ,,,,,,,,,,!!!!!!!!!!!!!!!!!!!!!!!!!!!!!!

SASAS

01-04-2009, 07:47 PM

المفروض الحين من الجميع الذين لديهم حسابات في Qnb
اغلاق حساباتهم بصورة فورية
ليكون عامل ضغط حقيقي .... وغير هالشي لن يتم التراجع منهم ...
أبدأ بنفسك
أنقل حسابك غداً ....

بابا الضحية

01-04-2009, 07:49 PM

المفروض الحين من الجميع الذين لديهم حسابات في Qnb
اغلاق حساباتهم بصورة فورية
ليكون عامل ضغط حقيقي .... وغير هالشي لن يتم التراجع منهم ...
أبدأ بنفسك
أنقل حسابك غداً ....

:nice: انا سكرته من زمان

سحر الليالي

01-04-2009, 08:17 PM

وين نروووووووووووووووح ؟؟؟؟؟امحق حاله ؟؟ماصدقو االزيادة؟؟؟؟
لاحول ولا قوة الا بالله

شـعـشـبـونـه

01-04-2009, 08:42 PM

المفروض الحين من الجميع الذين لديهم حسابات في Qnb
اغلاق حساباتهم بصورة فورية
ليكون عامل ضغط حقيقي .... وغير هالشي لن يتم التراجع منهم ...
أبدأ بنفسك
أنقل حسابك غداً ....

والي عنده قرض شيسوووووووووي ؟؟؟؟
:anger1:

شاهيناز

01-04-2009, 08:42 PM

وصلني المسج الحين

بسكر حسابي عندهم نحاسه فيهم مب على كيفيهم

المفروض يكون للعميل راي

بابا الضحية

01-04-2009, 08:56 PM

وصلني المسج الحين

بسكر حسابي عندهم نحاسه فيهم مب على كيفيهم

المفروض يكون للعميل راي

:nice:

شموخ

01-04-2009, 09:01 PM

والله بالراحة أول من بيسكره بكرة أنا
شالمسخرة لاعبين بحسبتنا لكن المفروض بكرة كلنا نسكر الحساب
ونعلمهم الأدب

عضو المنتدى

01-04-2009, 09:15 PM

المفروض الحين من الجميع الذين لديهم حسابات في Qnb
اغلاق حساباتهم بصورة فورية
ليكون عامل ضغط حقيقي .... وغير هالشي لن يتم التراجع منهم ...
أبدأ بنفسك
أنقل حسابك غداً ....

حاليا القرار مب مطبق على باقي البنوك .

ورئيس مجلس إدارة بنك قطر الوطني بعتباره وزير المالية راح يعمم ويطبق القرار

على باقي البنوك في حالة هروب العملاء و أغلاق حساباتكم من بنك قطر الوطني .

علشان يعتقد الجميع أن القرار خارج إرادته ويبرئ ذمته وأنه صادر

من مصرف قطر المركزي وليس من رئيس مجلس إدارة بنك قطر .

والقرار للأسف راح يطبق على جميع البنوك في هذه الحالة :secret: .

الموضوعي

01-04-2009, 10:40 PM

ليش زعلانين من هو رئيس مجلس إدارة البنك ، وراح تعرفون شخص من 3 اشخاص - في مجلس الوزارء - هم سبب تعاسة اهل قطر من سنين

بابا الضحية

01-04-2009, 10:41 PM

والله بالراحة أول من بيسكره بكرة أنا
شالمسخرة لاعبين بحسبتنا لكن المفروض بكرة كلنا نسكر الحساب
ونعلمهم الأدب

:nice:

كيفـي

01-04-2009, 10:42 PM

واللي راتبه كله على بعضه 5000 شيسوي في هالحالة ؟ اعتقد كثير من العملاء سيعيدون النظر في الرسوم الجديدة .

للتفاصيل كاملة يرجى مراجعة موقع بنك قطر الوطني - اللغة الانجليزية على الرابط التالي :
http://www.qnb.com.qa/qnb/marketingnewsletter/wealthdoc.pdf

اكيد بنعيد النظر.. واغلب الظن..

سنغير الى بنك ارقى من أسلوب القوة..

وسنجعل هذا البنك فقط للاغنياء.. ليس لان رواتبنا اقل..

ولكن لان يعتبر اهانة.. فمن ينزل رصيده عن 5000 اكيد محتاج..

والا يبغونه طول العمر فوق ال 5000

شكلي بجد بعيد نظر في هالبنك المصخرة دامه يفرض شيء بالقوة في سبيل الربح بالقوة ليعوض ما خسره بالفترة الأخيرة..

والله الغني عنه.. غيره الف بنك..:tease:

على الاقل اخذ 15 ريال.. لكن لا اعلم ما الدافع لاخذ 50 ;)

jajassim

01-04-2009, 10:46 PM

ليش زعلانين من هو رئيس مجلس إدارة البنك ، وراح تعرفون شخص من 3 اشخاص - في مجلس الوزارء - هم سبب تعاسة اهل قطر من سنين

كلامك صحيح ،،

والقرار جاء في الوقت المناسب للدمار واستغلال الأسواء :rolleyes2:

لان معظم المواطنيين ،، لديهم ارتباطات مع هالبنك ،،

من الصعب ان يسكروا حسابتهم ويدفعوا اللي عليهم ،،

الا من رحم ربي ،،، :(

كيفـي

01-04-2009, 10:47 PM

حاليا القرار مب مطبق على باقي البنوك .

ورئيس مجلس إدارة بنك قطر الوطني بعتباره وزير المالية راح يعمم ويطبق القرار

على باقي البنوك في حالة هروب العملاء و أغلاق حساباتكم من بنك قطر الوطني .

علشان يعتقد الجميع أن القرار خارج إرادته ويبرئ ذمته وأنه صادر

من مصرف قطر المركزي وليس من رئيس مجلس إدارة بنك قطر .

والقرار للأسف راح يطبق على جميع البنوك في هذه الحالة :secret: .

ليش هاللى مايتسماش عليه قصور..!!

والا يبغي يعوض خساير البنك بهالطريقة الراقية..

ما اقول الا حسبي الله ونعم الوكيل..

واللى يده في الماي مب مثل اللى يده في النار..

والله يجعل كيدهم في نحورهم..

الرايــق

01-04-2009, 11:08 PM

انا لي حساب في فرع الجامعة

حساب توفير "فيه ميزة حلوة جدا" .. أيام ما كنت أدرس خاص للطلاب ما يخصم ولا ريال حتى لو رصيدك صفر لشهر..

:tease:

غناتي1

01-04-2009, 11:14 PM

جاتني رسالة منهم بهاالخصوص

يقولون لأنه بنك حكومي وقوي والناس خايفة من البنوك الأخرى

بلاهويـــــة

02-04-2009, 12:44 AM

لا حول ولا قوة الا بالله

شكلهم اسمعوا عن الزيادة ويبون يتقاسمونها معانا

ابـو مــحــــمـــــد

02-04-2009, 12:48 AM

زين مايصير نرجع على الزمن القديم
كل واحد ياخذ راتبه من خزنة عمله

مساهم فنان

02-04-2009, 01:04 AM

المتضرر الأكبر هو القطري ، والله موب كل الناس معاشاتهم مرتفعة
حرام يدفعون الناس 50 ريال على نقص الجاري عن 5000ريال ، يبه هذيلا اللي في البنك معاشاتهم قوية ، ويظنون الناس كلهم أغنيا.
وغير هل قطر الأجانب ابتاع زمان رواتبهم قليلة .. أما الأجانب اللي ياوا بعد الطفرة فجيوبهم مليانة .
الله يعين الجميع ... بنوك تعوض خسارتها من العملاء ... البيوت والأراضي غالية والأجارات غالية... والسلع التموينية غاليه .... الله يعينّا ويعين الجميع .

Aljans

02-04-2009, 01:32 PM

أذا كان سيتم خصم 50 ريال قطري شهراً من حساب التوفير في حال نزل معدل الرصيد في الحساب عن مبلغ 5000 ريال قطري , أعيالي أذا كبروا بيكونون كل واحد فيهم مديونين للبنك بعد عشرين سنة فقط بمبلغ قدرة 11,000 ريال لأن كل واحد منهم في حسابة التوفير في الوقت الحالي 1000 ريال. النقطة هذة على البنك توضيحها, وإلا الوحد أحسن له يسكر أحسابات توفير أعياله.

nor85

02-04-2009, 01:56 PM

حرام عليهم كلواااااااااا الناس والله

яέέⓜ

02-04-2009, 02:48 PM

الله المستعااان

فئة العمال هم اللي بياكلووونها !!!

الظااهر بيخشوون فلووسهم تحت البلاطة !!!

انا وحده حجزت لي بلاطه في بيتنا:victory:
والباقي بأجره:nice:

بوخليفة3

02-04-2009, 04:04 PM

اتصلت اليوم واستفسر عن العموله هذي في بنك قطر الوطني الاسلامي قالوا لي ان العموله الموجده اللحين عندهم هي 25 ريال اذا كان الرصيد اقل من 3000

واتصلت مصرف قطر الاسلامي قالوا لي العموله 15 ريال اذا كان الرصيد اقل من 2000

بوخالد911

02-04-2009, 10:49 PM

انا وحده حجزت لي بلاطه في بيتنا:victory:
والباقي بأجره:nice:

:victory::nice::nice::victory:

الهاوي28

02-04-2009, 11:47 PM

بنك قطر من شوي مطرشين لي مسج على تلفوني

مكتوب فيه

لن يتم تغيير تعرفة الرسوم لدى QNB وستظل كما هي

في السابق

برشلوني قطر

03-04-2009, 01:00 AM

^^^^^^^

هههههههههههههههههههههههههههه

عليكم بالاسلامي ياجماعه...اخبر الدولي ياخذ 10 ريال اذا نزل المبلغ الموجود فالبنك عن 1000 ريال

qatar lady

03-04-2009, 01:05 AM

الظاهر كنسلوا الموضوع .. قاعدين يطرشون مسجات للعملاء :
لن يتم تغيير تعرفة الرسوم لدى Qnb وستظل كما هي في السابق.

هذا والعلم عند الله.. خوفي تكون كذبة ابريل !

اسعاف

03-04-2009, 01:09 AM

بنك قطر من شوي مطرشين لي مسج على تلفوني

مكتوب فيه

لن يتم تغيير تعرفة الرسوم لدى QNB وستظل كما هي

في السابق

الله اكبر
\
الظاهر دعاوى الزقوم خوفت بو كمال في البنك

آحيي الأخوان الي اغلقوا حساباتهم في الوطني

لأن الموظفي اشتكوا الى المدراء وقالوا :telephone:

لحقووا علينا هل قطر اطلعوا من البنك

( بسبب الزقوم الّي بناخذه من كبودهم)

مما جعل المسؤولين في الوطني يضربون اخماس في اسداس ويرجّعون الوضع الى ماهم عليه

( وهاهم بعثوا لي رسالة تقول :

لن نغير اي شئ في رسومنا القديمة ،توبة وما آعيدهه حنّوبة ، بس تكفون لا تسكروا حساباتكم

من عندهه)

صج ما يستحون على وجههم يعني اتحطون حرة خسايركم في افلوسنه

حسبي الله على الظالم

اسعاف

03-04-2009, 01:14 AM

يعله زحير في جبودهم :victory:

كان ابوي اذا استحمق على شئ يقول له

ازحير

لكن ايش معناها:omen2:

الظاهر معناها جاية من كلمة فارسية ( زهرمان )

اي سم في كبودهم )

hich

03-04-2009, 01:23 AM

الحمد لله بسبب الضغوط الكبيره وتكاتف المواطنين تم ألغاء الرسوم

مساهم فنان

03-04-2009, 01:52 AM

بنك قطر من شوي مطرشين لي مسج على تلفوني

مكتوب فيه

لن يتم تغيير تعرفة الرسوم لدى QNB وستظل كما هي

في السابق

وأنا وصلني نفس المسج ...:nice: الظاهر إن المسؤولين يدخلون المنتديات ويشوفون ردود الناس عند تطبيق شي أو يراد تطبيقه .