اللي يبحث عن عيادة اسنان

[omar2]

السلام عليكم ورحمة الله وبركاته

طبعا من العنوان واضح الموضوع

من فينا ما تعب من اللف والدوران على طبيب اسنان ممتاز وتثق فيه عشان يعالج اسنانك
شخصيا لفيت الدوحة وتعبت وحاليا حصلت عيادة جدا رائعة بكل معنى الكلمة والاطباء تقدر تثق فيهم وما يهمني المبلغ المدفوع اذا راح احصل عمل ممتاز بأسناني
وطبعا اول عيادة راقية جدا ...أحصله بالدوحة......على هذا المستوى....


التوفيق للجميع

[شيط ويط]

وينها ذي العيادة

[q6ri_vip]

السلام عليكم ورحمة الله وبركاته

طبعا من العنوان واضح الموضوع

من فينا ما تعب من اللف والدوران على طبيب اسنان ممتاز وتثق فيه عشان يعالج اسنانك
شخصيا لفيت الدوحة وتعبت وحاليا حصلت عيادة جدا رائعة بكل معنى الكلمة والاطباء تقدر تثق فيهم وما يهمني المبلغ المدفوع اذا راح احصل عمل ممتاز بأسناني
وطبعا اول عيادة راقية جدا ...أحصلها بالدوحة......على هذا المستوى....


التوفيق للجميع

باليت اخوي تذكرلي اسم العياده وهل يعملون جراحه + زراعه ؟

والدكاتره وش مؤهلاتهم ؟

ولك جزيل الشكر

[omar2]

اسم العيادة

Doha Dental

دوحة دينتل
بمنطقة السد
الهاتف 4317766
دكاترة والتمريض من امريكا وبريطانيا

وبالتوفيق

[الواعد]

اسم العيادة

Doha Dental

دوحة دينتل
بمنطقة السد
الهاتف 4317766
دكاترة والتمريض من امريكا وبريطانيا

وبالتوفيق

زراعة السن عندهم بكم ؟؟؟ عند أكثر العيادات تقريبا 5000 - 6000 للسن الواحد

اسعار مبالغ فيها جدا جدا

[مستثمره جديده]

زراعة السن عندهم بكم ؟؟؟ عند أكثر العيادات تقريبا 5000 - 6000 للسن الواحد

اسعار مبالغ فيها جدا جدا

ليش ماتزرعون في مستشفى الاسنان اللي في الرميله .. الدوله موفره لكم هالشي مجانا

وتروحون للحراميه علشان ينهبونكم واللي مستعجل ياخذ مواعيده في العيادات المسائيه

بالكثير اسبوع ويجي موعده ..

[omar2]

أخوي
اعتقد تتصل فيهم وتسأل عن الاسعار يكون افضل
بس دايما ابحث عن الشغل الزين

[سهم مساهم]

طبعا من العنوان واضح من الموضوع انو عبارة عن دعاية دعاية دعاية لاكثر ل للمركز دوحة دنتل
ونصيحة ياخوان مافي احسن من الرميلة



:secret::secret::secret::secret::secret::secret:

[الـقـاسـي]

السلام عليكم ورحمة الله وبركاته

طبعا من العنوان واضح الموضوع

من فينا ما تعب من اللف والدوران على طبيب اسنان ممتاز وتثق فيه عشان يعالج اسنانك
شخصيا لفيت الدوحة وتعبت وحاليا حصلت عيادة جدا رائعة بكل معنى الكلمة والاطباء تقدر تثق فيهم وما يهمني المبلغ المدفوع اذا راح احصل عمل ممتاز بأسناني
وطبعا اول عيادة راقية جدا ...أحصله بالدوحة......على هذا المستوى....


التوفيق للجميع


شكرا على الفلم الهندي والدعايه من الطراز القديم
يعني واااضح انك تشتغل هناك ولا لك مصلحه من ورا هالدعايه

والله مافيه احسن من عياده الرميله العيادات الخاصه مايهتمون بالتعقيم + الشغل فاشل لانه مادي بحت ..

[q6ri_vip]

ليش ماتزرعون في مستشفى الاسنان اللي في الرميله .. الدوله موفره لكم هالشي مجانا

وتروحون للحراميه علشان ينهبونكم واللي مستعجل ياخذ مواعيده في العيادات المسائيه

بالكثير اسبوع ويجي موعده ..

اختي مستثمره كلامج صحيح بس للأسف المواعيد أتطول من موعد للموعد الثاني

بس من ناحية العلاج وبكل امانه ماشاء الله عليهم الله يعطيهم العافيه وبالأخص الدكتور اسماعيل .

انا اعرف ان اسعار العيادات مبالغ فيها بزياده يعني لو قلنا زراعة السن اتكلف 5000 الاف

مقارنة ب سوريا ب 1200 ريال

بس الواحد مجبور اذا كان مستعجل .

[omar2]

السلام عليكم ورحمة الله وبركاته
انا ما اعمل دعايه
الله شاهد اني رحت الرميله عشان العياده المسائية قالوا لي بعد شهرين
يعني معقول انا الحين اشتكي من اسناني ويقولون بعد شهرين عشان علينا زحمة طيب وانا ايش اسوي خلال هاي الشهرين يعني الضرس في التهاب رحت فيها
ورحت ادور مني ومناك واستقريت على عياده من العيادات الخاصه لكن ما توفقت بالاخير صار لازم يصير خلع للضرس
من القهر اللي فيني من اللي شفته مع العام والخاص
كتبت الموضوع لوجه الله
يمكن في حد مثلي يدور على دكتور له ذمة وممكن يثق فيه
وما عنده مشكله اذا يدفع مبالغ لكن بالمقابل يحصل شغل زين وانا اركز على شغل زين
هاي اهم شيء
بالنسبة لي شخصيا ما عندي مشكلة ادفع مبلغ وقدره اذا احصل شغل زين يتم معاي سنين
في ناس يدفعون حق شنط وساعات الالاف انا احب اللاوليه يكون لجسمي استفيد من النعمة اللي رزقني الله به
وبالاخير رضا الناس غاية لا تدرك
انا كتبته لوجه الله يمكن في شخص مثلي كان يدور



ولكم تحياتي بالصحه

[كاتم الاسرار]

يعطيك العافيه

[وتبقى الدنيا حلوه]

السلام عليكم ورحمة الله وبركاته
انا ما اعمل دعايه
الله شاهد اني رحت الرميله عشان العياده المسائية قالوا لي بعد شهرين
يعني معقول انا الحين اشتكي من اسناني ويقولون بعد شهرين عشان علينا زحمة طيب وانا ايش اسوي خلال هاي الشهرين يعني الضرس في التهاب رحت فيها
ورحت ادور مني ومناك واستقريت على عياده من العيادات الخاصه لكن ما توفقت بالاخير صار لازم يصير خلع للضرس
من القهر اللي فيني من اللي شفته مع العام والخاص
كتبت الموضوع لوجه الله
يمكن في حد مثلي يدور على دكتور له ذمة وممكن يثق فيه
وما عنده مشكله اذا يدفع مبالغ لكن بالمقابل يحصل شغل زين وانا اركز على شغل زين
هاي اهم شيء
بالنسبة لي شخصيا ما عندي مشكلة ادفع مبلغ وقدره اذا احصل شغل زين يتم معاي سنين
في ناس يدفعون حق شنط وساعات الالاف انا احب اللاوليه يكون لجسمي استفيد من النعمة اللي رزقني الله به
وبالاخير رضا الناس غاية لا تدرك
انا كتبته لوجه الله يمكن في شخص مثلي كان يدور
هاي كل الموضوع

ولكم تحياتي بالصحه

بالفعل أنا عانيت مثلك

صراحه عالجت برميله لفتره

( مواعيد بعيده - دكاتره نفسهم بخشمهم - شغل خرابيط )
ومافي ذمه << انا اتكلم عن دكتورين تعاملت معاهم

والله اني دورت على عيادات زينة ومالقيت اللي يعجبني بالرغم اني مالفيت وايد

رحت عيادة الدانة بالسد
( غالي واااايد لدرجة السرقة )
والمشكلة اني كنت ابيه يسوي لي حشو و قلت له اذا عجبني شغلك على اخر جلسه بسوي تبييض و المشكله انه اقنعني اسوي تبييض و بعدين أكمل الحشو

و التبيض سوه لي ب2500 و لقيته بعيادة ثانية أعتقد ب1000 ريال

و نفس الجهاز Zoom 3

و رحت عيادة حسن محمد حسن

وعالجت عندهم فتره أسعارهم واااااااااااايد زينه و دكتور بمعنى الكلمة و بنجه وااايد زين و يده خفيفة

بس شغله ما يناسب اسناني لأنه انا اسناني يبي لها شغل عدل << رقيقة لدرجة انها شفافة نوعا ما :( و بعد في شوية سوس

الحين أفكر في رأفت الخراشي و في مركز الشفاء و اللي تعامل أو تعاملت معاه ياليت مايبخل علينا بذكر تجربتة معاه

[omar2]

السلام عليكم ورحمة الله وبركاته

عشان اللي ردوا على الموضوع وقالوا انه دعايه
اقول لهم خافوا ربكم
ان بعض الظن اثم
ان بعض الظن اثم

وانا ما كتبت هاي الموضوع الا للقهر والتعب اللي شفته
راح اقول لكم قصتي
عشان اللي اساء الفهم لا يسيء الظن بالناس لان حرام انا جيت افضفض وانتوا فهمتم غلط
القصه عندي صديق جدا عزيز علي عايش بلندن اكثر من عشر سنوات
متصل فيني من ايام يقول ترى اذا لحد الان تبحث عن دكتور اسنان ابشرك دكتوري اللي بلندن جاي يشتغل عندكم بالدوحة (وطبعا صديقي يعرف بمشكلتي مع عيادات الاسنان وحظي التعيس معاهم)
طبعا صديقي زعلان عشان بعد هاي السنين مع دكتوره اللي يثق فيه والشغل الزين راح يبدأ يدور له على دكتور ثاني حقه
انا ما عطيت الثقه لهاي الدكتور مني والسلام

لا هاي عن تجربه صديقى العزيز الله يحفظه بغربته ويرجعه الدوحة بالسلامه بعد انتهاء مهمته
فانا اثق بصديقي ولما قال عن الدكتور رحت له وشفت المعاملة الزينه وكفايه انه يشرح لك خطوة بخطوة ايش قاعد ايسوي
واقول الله يسامح اللي اساء الظن وانا ما اعرف حد بالعياده لكن عشان صديقي قال لي رحت للدكتور ماله
وانا ما احب اقطع رزق احد
واذا فهمتم من الموضوع انه دعايه فالرجاء من السؤولين حذف الموضوع بالكامل كانه ما كان موجود اصلا
ان بعض الظن اثم
ودائما تمنوا للناس الخير مثل ما تتمنون لانفسكم الخير

تحياتي

[Nasser2006]

مشكور أخوي على الموضوع

[asadfg]

شكرا على الفلم الهندي والدعايه من الطراز القديم
يعني واااضح انك تشتغل هناك ولا لك مصلحه من ورا هالدعايه

والله مافيه احسن من عياده الرميله العيادات الخاصه مايهتمون بالتعقيم + الشغل فاشل لانه مادي بحت ..


هههههههههههههههههههه :eek5:

[Hamad7788]

مافي أحسن من رميله

واذا ماتقدرون تروحون الصبح روحوا عيادة المساء بفلوس

[La Bella]

مافي أحسن من مستشفى رميلة

[q6ri_vip]

السلام عليكم ورحمة الله وبركاته

عشان اللي ردوا على الموضوع وقالوا انه دعايه
اقول لهم خافوا ربكم
ان بعض الظن اثم
ان بعض الظن اثم

وانا ما كتبت هاي الموضوع الا للقهر والتعب اللي شفته
راح اقول لكم قصتي
عشان اللي اساء الفهم لا يسيء الظن بالناس لان حرام انا جيت افضفض وانتوا فهمتم غلط
القصه عندي صديق جدا عزيز علي عايش بلندن اكثر من عشر سنوات
متصل فيني من ايام يقول ترى اذا لحد الان تبحث عن دكتور اسنان ابشرك دكتوري اللي بلندن جاي يشتغل عندكم بالدوحة (وطبعا صديقي يعرف بمشكلتي مع عيادات الاسنان وحظي التعيس معاهم)
طبعا صديقي زعلان عشان بعد هاي السنين مع دكتوره اللي يثق فيه والشغل الزين راح يبدأ يدور له على دكتور ثاني حقه
انا ما عطيت الثقه لهاي الدكتور مني والسلام

لا هاي عن تجربه صديقى العزيز الله يحفظه بغربته ويرجعه الدوحة بالسلامه بعد انتهاء مهمته
فانا اثق بصديقي ولما قال عن الدكتور رحت له وشفت المعاملة الزينه وكفايه انه يشرح لك خطوة بخطوة ايش قاعد ايسوي
واقول الله يسامح اللي اساء الظن وانا ما اعرف حد بالعياده لكن عشان صديقي قال لي رحت للدكتور ماله
وانا ما احب اقطع رزق احد
واذا فهمتم من الموضوع انه دعايه فالرجاء من السؤولين حذف الموضوع بالكامل كانه ما كان موجود اصلا
ان بعض الظن اثم
ودائما تمنوا للناس الخير مثل ما تتمنون لانفسكم الخير

تحياتي


الله يعلم مافي القلوب .. والله يجزاك خير ع التوضيح

المهم اخواني الأعضاء ياليت اللي عنده خلفيه عن عيادات الأسنان ياليت يفيدنا

من ناحية خبرة الدكتور ونظافة العيادة واسعارهم .

مع الشكر

[المتأمل خيرا]

.. .. ..
.. .. ..

انا اسناني يبي لها شغل عدل << رقيقة لدرجة انها شفافة نوعا ما :( و بعد في شوية سوس

.. .. ..
.. .. ..



ربما الفرصة مناسبة لأشير لتجربتي.. في معالجة الأسنان الرقيقة.. وأيضاً عندمل يكون هناك كسر "ثلم" في أحد الأسنان الأمامية..

الحقيقة حاولت كثيراً مع العيادة الحكومية.. ودخلت التجربة مرات عديدة.. والنتيجة "عود على بدء"..

إلى أن - وبالصدفة - زرت مجمـّـع المها في المنتزه.. وهناك طبيبة عراقية رائعة.. "لا أذكر إسمها هذه اللحظة".. وتكلفة عمل السن الواحد "1000 " ألف ريال .. والشيء الطيب في الأمر أنه في مثل هذه الحالة تتم عملية "بناء" أي إضافة على السن الموجود، بالطبع بعد تنظيف التسوس إن كان هناك تسوس اسنان.

[بلاهويـــــة]

الصراحة رميلة ما في أحسن منهم

[ALHAJAJI]

اخوكم في الله عنده فوبيا الخووووووووووووووووووووووووف من الم الاسنان

وفي احد الايام صار عندي كسر في احد الضروس يعني ما بقي منه الا اقل من الثلث والباقي على مستوى اللثة , المهم تميت على هالحال اكثر من سنة واخوكم في الله يأكل بصوب واحد ( صارت عندي عضلات في الصوب اليمين بعكس اليسار ) المهم في احد المرات التعيسة الا يشب علي الضرس مره وحدة وقسم بالله اني كنت اروح ادور على عيادات الاسنان وكنت ارجع من الباب, وتميت على هالحاله تقريبا اسبوع , الى ان فاض بي الكيل , وقلت خلاص ياولد توكل على الله ومثل ما يقولون ( وجع ساعة ولا كل ساعة ) ورحت عيادة الملكة للاسنان اللي في خليفة الجنوبية ولسؤ حظي لقيتها مقفولة مسويين لها صيانة , قالي العامل اللي هناك ممكن تروح اللي في السيتي سنتر اهي مفتوحة .

المهم رحت وامري لله , وماشاء الله اكثر زبائنها من ذوي الشعر الاشقر وسبحان الله اشوف كل واحد بعائلتة كاملة ( اش علية التأمين الصحي شغال ) اللهم لا حسد .

اخذت دوري في الانتظار بعد ما حكيت لهم السالفة وجا دوري على دكتور مصري اسمة مهدي وهذا دكتور مال عصب , المهم وقبل لا اكلمة عن الوجع اكلمه عن فوبيا الخوف والى اخره من هاي الخرابيط وووووو...

طبعا اشتغلي تطمينات وانه عادي ولا تخاف وانا حاعمل لك بنج والبنج حانأخدة بالحئنة اللي زي دي ( اخوكم من شاف الابره تجمدت في الكرسي ) حشا مب ابره .

طبعا فتحت بؤؤي عقب ساعة من التطمينات وفجاة الاقي براطمي طايحة كأنها مب لي , اقول يادكتور شسالفة يقولي خلاص ( انا عملت البنج وكمان شوية حنشيل العصب ) .

يعني اهو سوا الابره وانا مب عارف . طبعا السالفة طويلة ,بس بأختصار لاني حسيت اني مصختها شوي , عقبها قعد يحفر في هالضرس لين ما شال العصب ورد سوا حشو مؤقت لمدة اسبوع .

عقد هالاسبوع رديت له وسوا ضرس سيراميك ما ادري بورسلان مع قاعدة مسمار ذهبي , والحين والحمد لله ابشركم كل شي على خير ما يرام بفضل من الله سبحانة وتعالى .

طبعا نجي حق الاسعار , صراحة انا في البداية ما سألت عن الاسعار بس صراحة كانت غالية وهي كالتالي:
في اليوم الاول يوم شال العصب مبلغ 2500 ريال ينطح ريال
في المره الثانية لزراعة الضرس مبلغ 2000 ريال بس هالمرة بالفيزا .
طبعا ادوية بمبلغ 200 ريال ( خلاص عادي دفعنا الوف )
وغير بترول السيارة والبحث عن موقف في السيتي وهذه سالفة ثانية , وصارت علي مخالفة في الممنوع بس اخوكم طلع منها , كسرت خاطر الشرطي ,كنت مطيح الغترة وفاتح الحلج , عاد هو فهمها .

الخلاصة : الدكتور مهدي طلع فعلا ( مهدئ ) شددو على د , وصراحة اايدينه يتلفوا بحرير .
الخدمة: صراحة جيده جدا
الاسعار : مرررررررررررررررررتفعة وغالية بالنسبة لي . ( بس كله يهون في سبيل الانتصار على الفوبيا )

والسموحة منكم جميع على الاطالة .

تحياتي

[درب السعادة]

اخي العزيز أنتظر ست شهور بتطيح الحشوه . كل حشوات الملكه اللي سووها لي طاحت

[غناتي1]

اللي يبي دكتور ممتاز في سوريا والاهم انه رخيص

وشغله سريع يعني ما يعطلك لو قلت له انا جايك من الدوحه

وابيك تخلصني في الدة اللي انت اتحددها 0

عن تجربة هالدكتور ممتاز واخلاق واللي يبي رقمه يراسلني

اعطيه الرقم ويتصل له ويحجز له موعد 00 ومنها اجازة وسفرة لسوريا

الصيف قرب

[miss-qatr]

8888888

الحين الواحد بيروح سوريا على شان ضرس :secret:

[قطري vip]

8888888

الحين الواحد بيروح سوريا على شان ضرس :secret:

:nice: ومنها سياحه

[جهام]

ليش ماتزرعون في مستشفى الاسنان اللي في الرميله .. الدوله موفره لكم هالشي مجانا

وتروحون للحراميه علشان ينهبونكم واللي مستعجل ياخذ مواعيده في العيادات المسائيه

بالكثير اسبوع ويجي موعده ..
بس مواعيدهم تلوع الجبد ولا شغلهم حلو ..انا اراجع عندهم الحين

[dream~qa]

أنا جربت عيادات وايد وأخيرا لقيت أن رميلة هي أفضل من الجميع . واللي مستعجل ياخذ موعد في العيادة المسائية .

[q6ri_vip]

اللي يبي دكتور ممتاز في سوريا والاهم انه رخيص

وشغله سريع يعني ما يعطلك لو قلت له انا جايك من الدوحه

وابيك تخلصني في الدة اللي انت اتحددها 0

عن تجربة هالدكتور ممتاز واخلاق واللي يبي رقمه يراسلني

اعطيه الرقم ويتصل له ويحجز له موعد 00 ومنها اجازة وسفرة لسوريا

الصيف قرب


يعطيج العافيه اختي ممكن رقمه ع الخاص

[نبـــــراس]

العياده المسائيه من الساعه كم تفتح ولين متى ؟؟