المساعد الشخصي الرقمي

مشاهدة النسخة كاملة : ضـــروري جــدا..اللي يعرف دكتور لجراحة العظام لا يبخل علي



ابو جاسم
03-04-2009, 12:13 PM
السلام عليكم ورحمة الله وبركاتة

اخواني واخواتي اعضاء المنتدي ..

ارجو منكم المساعدة اذا كان عندكم خلفة .. صارلي 9 سنين اعاني من مشكلة في رجلي وكل سنة تقريبا اسوي عملتين في نفس المكان ومع ذلك ترجع وبنفس الحجم
وفالاخير رحت مستشفى الاهلي وقالو لى هذا ورم وحجمه كبير ولازم ينشال وسالت عن تكلفة العملية طلع المبلغ وايد

فللي يعرف دكتور جراحه في اى دولة من دول الخليج لا يبخل على يرسل لى التفاصيل في الخاص


ولكم مني جزيل الشكر

J & N
03-04-2009, 12:23 PM
الله يشفيك

دعيت لك في ذا المطر المبروك

ابو جاسم
03-04-2009, 12:31 PM
الله يشفيك

دعيت لك في ذا المطر المبروك

يزاج الله الف خير والله يتقبل دعائج

قطري vip
03-04-2009, 12:50 PM
الله يشفيك يارب اخوي لو تشتغل بمكان اعتقد هالمكان يقدر يعالجك على حسابه وتقدر اتسافر

مثلا المانيا وبيكون نفس سعر الخليجي على الاقل ناس فاهمه اما عندنا وبالخليج الله يعين بس

السد
03-04-2009, 01:36 PM
اعتقد يوجد دكتور اسمه بات في مشتشفى حمد
او نصيحة
روح عيادة اسباير للعلاج الطبيعي خلف استاد خليفة

قطري vip
03-04-2009, 04:43 PM
اعتقد يوجد دكتور اسمه بات في مشتشفى حمد
او نصيحة
روح عيادة اسباير للعلاج الطبيعي خلف استاد خليفة


صح بات زين او مستشفى اسباير واسمه اسبيتار عندهم دكاتره متخصصين

تحداني
03-04-2009, 05:07 PM
...السلام عليكم ورحمه الله وبركاته ...
الله يشفيك يارب ..وما عليك شر ان شاء الله ..
انا الوالده جربت دكتور ( بات ) في عياده الدوحه ...او مستشفى اسبيتار ..التابع لاسباير ...
الله يشفيك يارب ..هذا والله اعلم ..
الله يسعدك :)

صقر عربي
03-04-2009, 05:32 PM
السلام عليكم ورحمه الله وبركاته ...
الله يشفيك يارب ..وما عليك شر ان شاء الله .

شوف اذا تقدر اتسافر السعوديه جدة فية السعودي الالماني

او الله يعينك روح تايلند المستشفى الملكي التايلندي صراحه مستشفي جداً حلو وفيه دكاتره على مستوى العالم

ومجربينه العام كنا هناك ومسويين عمليه حق واحد من الاهل في الظهر

والله يشفيك

hxamad
03-04-2009, 06:04 PM
الله يشفيك اخوي

ترى على فكره الدكتور اللي في المستشفى الاهلي للعظام
هو الاستشاري امريكي مادري كنه اسمه اومنويل وايد زين توه من كم شهر اسئصل ورم في عمود فقري حق واحد
ونجحت العمليه ونكتب الخبر في الجرايد
يمدحونه واايد انصحك تروح له واذا التكلفة وايد
اعتقد تقدر تقصدها

وماتشوف شر ان شاء الله

بومحمد911
03-04-2009, 06:17 PM
ما تشوف شر

الله يشفيك

جراح
03-04-2009, 06:38 PM
مستشفى حمد يوجد به استشاريين قطريين لاباس بهم

ابو جاسم
03-04-2009, 06:53 PM
مشكورين وما قصرتوا ويزاكم الله الف خير على المعلومات الطيبة وان شاء الله انى بروح حق الدكاترة اللى دليتوني عليهم

Most Wanted
03-04-2009, 07:14 PM
بات نصيحه أبعد عنه

من كم سنه صارت لي مشكله بالحوض وناس وايد ادوا لي اياه يوم رجت له وراويته الاشعه او ما شافهم قال لي الا تسوي عمليه هني تروعت رحت حق الدكتور صالح اليزيدي قال لا محتاج عمليه ولا شي كلها علاج طبيعي

ورجت لدكتور بالبحرين اسمه عبدالعزيز محمد وقال نفس كلام الدكتور صالح

نصيحه بات ابعد عنه

روح ح الدكتور صالح اليزيدي او الدكتور اللي في البحرين


والله يشفيك انشالله

AL HAJRI
03-04-2009, 09:24 PM
مرحبا ياخوي وجعلك ماتشوف شر انشاء الله ,,

انا اسمع كلاااااااااااااااااااااااااااااااااااااام واجد وزين عن اسبيتار ,, واحد من الربع مسوي عمليه عنده في الرجل وانت بكرامه ,, وولد عمي مسوي عنده الرباط ,,

وفيه طبيب استشاري سعودي مودي الوالده له قبل سنه وجيته خلال سنه 3 مرات في مستشفى المانع بالخبر ,, دكتور عليه ظغط واااااااجد ومن كل صوووب في دول الخليج ,, دكتور بصراحه ممتاز من تجربتي الشخصيه ,, علماً ان امي كانت تشكتكي آلام حاده في عرقوب الرجل وفي الركبه ,, والحمد لله عالجها بأدويه فقط وبدون عمليات جراحيه او علاج طبيعي ,,

الدكتور اسمه ,, عبدالله العثمان


والشباب عندنا في الدوحه قالوا غظروف زايد ولازم نشق الرجل ونزيله ,,,

لاموشي
04-04-2009, 01:08 AM
خل عنك مستشفى حمد والاهلى
روح لاسبيتار شمال استاد خليفة بالضبط
وافضل دكتور فى الشرق الاوسط موجود ادفع الله لايهينك 300 ريال وبتقابلة على طول
وعلى فكرة اهل الامارات والكويت والسعودية من الرياضيين يتعالجون عندة
(((( الدكتور بيبو فيتش)))
واسال الله العظيم ان يشفيك

ولد الشقب
04-04-2009, 01:34 AM
عليك بالدكتور ناصر السبيعي او الدكتورالاستشاري محمدالخيارين
في وحدة العظام

ابو جاسم
04-04-2009, 01:51 AM
مشكورين وما قصرتوووا

ولا تنسوني بالدعاء ..

اسعاف
04-04-2009, 01:59 AM
في قطر
الدكتور صالح اليزيدي استشاري عظام ورئيس الجراحين بحمد

في البحرين

الدكتور جمال صالح استشاري عظام

M O 7 A M M E D
04-04-2009, 10:54 AM
الله يشفيك ان شاء الله يالسمي ..

انصحك تروح حق عبدالسلام الحجازي او محمد الخيارين في وحدة العظام ..

:)