في حالة عقم الزوج او الزوجه ، هل ستطلبين الطلاق، هل ستتزوج عليها؟

[المخفي]

السلام عليكم

قال الله تعالى ((المال و البنون زينةُ الحياة الدنيا)

عد الله الأطفال من نعم الدنيا و محل التفاخر فيما بين الناس و لذلك تجد كثير من الرجال يتحرق الى الذرية و الى النسل و تشتاق كثير من النساء الى طفل يسكن عواطف الأمومة في قلبها و تعاني كثير من النساء في صمت من تلميحات حماتها من عدم إنجابها للأطفال و تبدأ أم الزوج في إقناع إبنها بالزواج مرة أخرى لعل الله يرزقه الذرية

و السؤال الآن هو

أيها الزوج هل ستتزوج على زوجتك اذا كانت عقيم

أيها الزوجة ماذا ستفعلين في حالة معرفة أن سبب عدم إنجابك هو عقم زوجك

عسى الله يرزق كل محروم الذرية الصالحة قولوا آمين

[al7oooot]

انا زوجتي 8 سنوات لم تنجب

وبسبب حبي لها ضحيت وانتظرت رغم تجريح البعض اللي يقول مايقدر يعرس ولي يقول ماينجب طنشت لهم وقلت في خاطري لجل عين تكرم مدينه

ولله الحمد بعد 8 سنوات ربي رزقني ولدين وبنتين احمدك يارب اللهم لك الحمد والشكر

[المخفي]

يتربون في عزك و يجعلهم من الذرية الصالحة

[al7oooot]

يتربون في عزك و يجعلهم من الذرية الصالحة

اللهم آمين

[غزلان]

-وعسى ان تكرهوا شيئا ويجعل الله فيه خيرا كثيرا-

اذا فيه كل الصفات الى اتمناها بصبر والحين العلاج متوفر بعد الله سبحانه وتعالى

شكرا

[๏̯͡๏]

انا زوجتي 8 سنوات لم تنجب

وبسبب حبي لها ضحيت وانتظرت رغم تجريح البعض اللي يقول مايقدر يعرس ولي يقول ماينجب طنشت لهم وقلت في خاطري لجل عين تكرم مدينه

ولله الحمد بعد 8 سنوات ربي رزقني ولدين وبنتين احمدك يارب اللهم لك الحمد والشكر

لجل عين تكرم مدينه

:nice:

[وتبقى الدنيا حلوه]

<< مب متزوجة

بالعكس عادي ومافيها شي

دام رجال و شاريني ليش ابيعه

هذي اشياء الله كاتبها و الحمدلله على كل حال

[بابا الضحية]

انا زوجتي 8 سنوات لم تنجب

وبسبب حبي لها ضحيت وانتظرت رغم تجريح البعض اللي يقول مايقدر يعرس ولي يقول ماينجب طنشت لهم وقلت في خاطري لجل عين تكرم مدينه

ولله الحمد بعد 8 سنوات ربي رزقني ولدين وبنتين احمدك يارب اللهم لك الحمد والشكر

:nice: والله تأثرت بقصتك
الله يبارك فيك :)

[ورقــة أمــل]

:(

خل اتزوج اول بعدين بفكر في الموضوع

[بنت ابوها 19]

مافي امل ابيعه اذا هو ريال وكفو وقايم فيني ويحبني
اخر شي افكر فيه هل المووضوع
هو راح يعوضني باذن الله كلشششششششششششي


وخاطري اعرف هو شراح تـــكون ردت فعله ؟؟

[شهد]

انا تاخرت عن الانجاب 10 سنوات
يوم تعبت ترجيت ريلي يتزوج رفض ماكنت ابيه ينحرم من العيال بسببي
ولكن بعد 10 سنوات الله رزقنا بولد وبنت

سالته ليش ماتزوج على اني كنت بتقبل الوضع

قالي انا اتزوج واحرق قلبج علشان ياهل لا والله ماتحمل اشوفج كذا
بكيت وعرفت معزتي بقلبه ومكانتي عنده

الف حمد وشكر لله

[ANONYMOUS]

اكيد بتزوج الثانيه على طول.. اذا في امكانيه..

No Drama

[اسعاف]

الصراحة اذا ما تنجب :anger1:



ولا يمكن الأنجاب عن طريق ( اطفال الأنابيب ):shy:



لا تزعلون من كلامي :secret:




v


v



v



v



v



v



v



v



v



باخذ على راسهه وحده ولود ( ضرّة )

:)

علشان اتونّس وحدتهه واتسالف معاها:telephone:

وتربي معها العيال :nice:

إيش رايكم في رايي:secret:

( الله يستر من راي النسوان في اقتراحي :secret: 0 تدرون مع السلامة escape )

[بنت^البحرين1]

انا زوجتي 8 سنوات لم تنجب

وبسبب حبي لها ضحيت وانتظرت رغم تجريح البعض اللي يقول مايقدر يعرس ولي يقول ماينجب طنشت لهم وقلت في خاطري لجل عين تكرم مدينه

ولله الحمد بعد 8 سنوات ربي رزقني ولدين وبنتين احمدك يارب اللهم لك الحمد والشكر



انا اختي لها الحين ثمان سنوات، مانجبت مثلك، يارب يارب يارب ياربي ترزقها بالذرية الصالحة وتقر عينها بشوفتهم وترزق بنت المنتدى يااااااااااارب اللهم آمين

[اسعاف]

انا تاخرت عن الانجاب 10 سنوات
يوم تعبت ترجيت ريلي يتزوج رفض ماكنت ابيه ينحرم من العيال بسببي
ولكن بعد 10 سنوات الله رزقنا بولد وبنت

سالته ليش ماتزوج على اني كنت بتقبل الوضع

قالي انا اتزوج واحرق قلبج علشان ياهل لا والله ماتحمل اشوفج كذا
بكيت وعرفت معزتي بقلبه ومكانتي عنده

الف حمد وشكر لله

فلم هندي:nice:

[اسعاف]

انا اختي لها الحين ثمان سنوات، مانجبت مثلك، يارب يارب يارب ياربي ترزقها بالذرية الصالحة وتقر عينها بشوفتهم وترزق بنت المنتدى يااااااااااارب اللهم آمين


آمين

بس

ان شاء الله ( ما شوفين مشاركتي:secret:)

[ورقــة أمــل]

اكيد بتزوج الثانيه على طول.. اذا في امكانيه..

No Drama


انا بعد اقول جي :nice:

[سهم متردد]

مموضوع حساس جداُ

عاد توني متزوج وبكره بأذن الله نشوف نتيجه فحص الحمل (يالله الذريه الصالحه)

ادعولي يالربع خاطري بطفل يونسنا ويسندرنا ويكسر اغراض البيت

يالله ارزقني الذريه الصالحه
آمــــــــــــــــــــــــين

[ورقــة أمــل]

8
8
8

الله يرزقك بالذرية الصالحة ويفرح قلبك

[ANONYMOUS]

مموضوع حساس جداُ

عاد توني متزوج وبكره بأذن الله نشوف نتيجه فحص الحمل (يالله الذريه الصالحه)

ادعولي يالربع خاطري بطفل يونسنا ويسندرنا ويكسر اغراض البيت

يالله ارزقني الذريه الصالحه
آمــــــــــــــــــــــــين

توك متزوج وبتفحص بكره

العجله من الشيطان اخوي.. خلك ريلاكس

والله يرزقك المال والبنون

[*فارس قطر*]

والله هذا الشى مافيه مجاملات وتضحيات ،،،،أنا عمي تزوج وحده وماتت بعد الزواج بسنتين

وماتزوج بعدها ؟ يقول من معزتها فى قلبي ؟ مارأح أتزوج ،،،وفعلا توفى وما تزوج ،

وأعرف واحد من أهلنا ،زوجته ماتجيب عيال ،ومحكره للرجال ،وتقوله أذا تزوجت الثانيه

طلقني ؟ فمن واقع تجربه ؟ وهذا الشخص الحين يربي عيال اخته لأنهم أيتام .ويعوض مشاعر ألابوبه

ولكن أنا عن نفسي ،،،راح أتزوج عقب 3 سنوات من الزواج ؟ هذا حد أقصى ؟

وأذا المشكله فيني ؟وتبي تتطلق ؟ بقولها الله يحفظج ويرزقج الذريه الصالحه؟

مثل ماهو من حقى أنى أفرح بالأنجاب ،،،،من حق الزوجه أنها تفرح وتقرر مصيرهأ؟

وكل التقدير لصاحب الموضوع

[لوردغاليري]

حلقة الساكنات في قلوبنا ع m b c
اليوم

[اسعاف]

مموضوع حساس جداُ

عاد توني متزوج وبكره بأذن الله نشوف نتيجه فحص الحمل (يالله الذريه الصالحه)

ادعولي يالربع خاطري بطفل يونسنا ويسندرنا ويكسر اغراض البيت

يالله ارزقني الذريه الصالحه
آمــــــــــــــــــــــــين

ما دام انك سهم متردد

عيل اترك الفحص لي بعدين :nice:

تراك لاحق حق عوار الراس والسندارة

آوصي استانس اشوي مع ام العيال لا تستعجل ابهم تاهم اذا جوع راحت وناستك مع هلك

[المخفي]

انا عن نفسي اذا أكتشفت اني عقيم بطلقها و بضحي بسعادتي علشان سعادتها

[قناص الاسهم]

الصراحه راحة .. وصراحتي مصدر راحتي :nice:

لو كان السبب مني لا سمح الله بتضايق لو طلبت مني الانفصال .. ولو كان السبب منها راح انتظر اول فرصة عرض منها .. تعرض فيها موافقتها لزواجي من امرأة جديدة .

وعشان اكون صريح .. 99.99% من الرجال هم على هذه الشاكلة .

[Ghost]

عسى الله يرزق كل محروم الذرية الصالحة قولوا آمين

[بنت ذياب]

الريال اشكره ! ماراح ينطر على طول بيتزوج

الا البعض ممكن يضحي ..

بس .. اذا كنت احبه .. ليش اتطلق !!!؟

شضمني بعدين بييني ريال عدل

خصوصا ان مافي رياييل بهالزمن !!!! :omen2:


الله يرزق كل محروم يارب

[بنت ذياب]

حلقة الساكنات في قلوبنا ع m b c
اليوم

اليووووم ؟؟؟ ..

متى الاعاده :(

[๏̯͡๏]

الريال اشكره ! ماراح ينطر على طول بيتزوج

الا البعض ممكن يضحي ..

بس .. اذا كنت احبه .. ليش اتطلق !!!؟

شضمني بعدين الله بيرزقني بريال عدل

خصوصا ان مافي رياييل بهالزمن !!!! :omen2:


الله يرزق كل محروم يارب

:omg:

زعلتيني

[بنت ذياب]

:omg:

زعلتيني

أأقصد يعني الرياييل ينعدون عالاصااابع !!:omen2:

[๏̯͡๏]

أأقصد يعني الرياييل ينعدون عالاصااابع !!:omen2:

اكيد انا واحد من اللي ينعدون عالاصابع :D

زين الحين فهمتج

:nice:

[المخفي]

و أنا الصبع الي احذاك :D

[๏̯͡๏]

و أنا الصبع الي احذاك :D

http://www.alsayad4smile.com/smile_files/70eb333821.gif (http://www.alsayad4smile.com)

http://www.alsayad4smile.com/smile_files/00890a5b9f.gif (http://www.alsayad4smile.com)

[فلفل حار]

أأقصد يعني الرياييل ينعدون عالاصااابع !!:omen2:

وانتي خليتي فيها قصد وتبرير...! :rolleyes2:

[هداف]

الريال اشكره ! ماراح ينطر على طول بيتزوج

الا البعض ممكن يضحي ..

بس .. اذا كنت احبه .. ليش اتطلق !!!؟

شضمني بعدين بييني ريال عدل

خصوصا ان مافي رياييل بهالزمن !!!! :omen2:

الله يرزق كل محروم يارب


صدقتي في الحكم على محيطج الخاص من اهلج وجماعتج بأن مافيهم رجاجيل !! بسبب قربج منهم ومعرفتج بهم ,,,,,,,,,,,,,,, ولكن خارج محيطج الخاص يوجد الكثير من الرجال ومن المستحيل انج تعرفينهم وتعرفين مراجلهم لانهم خارج محيطج الاسري... لذلك التمس لج العذر لان الكثير فهمج غلط وظن انج اتعممين :)


والخيار مفتوح للزوج او الزوجه ولايوجد زعل بأن يتمنى اي منهم الانجاب حتى لو كان على حساب الزواج بأخرى او الطلاق

[هند]

حلو الموضوع
انا اللى الاحظة بصفة عامة المرأة هي اللى دايما تضحي وتصبر على الرجال حتى لو كان عقيم
لان المرأة بطبيعتها العاطفية راح تصبر على زوجها وخاصة اذا كانوا متفاهمين ...
بعكس الرجل لانة رجل فمطالب بزيادة النسل وشى ثاني ان الاسلام سمح له بالتعدد عكس المرأة
ماظن راح يصبر راح يتزوج على طول ...
الا اذا كان يحبها ويموووت فيها ومايقدر يعيش بدونها اكيد راح يستمر معاها حتى لو ماجابت له الذرية وهالشى يعتبر نادر وخاصة عند جنس الرجال!!!

[بنت ذياب]

وانتي خليتي فيها قصد وتبرير...! :rolleyes2:

:eek5::eek5:

زين ليش زعلتوا ..

انا اتكلم عن اللي اشوفه فالمجتمع

والاغلب جذي ... انا ماقلت الكل

صعب نشوف ريال الحين قد المسؤوليه وقد كلمته

خصوصا كل يوم الاخوانيه يزيدون ..

وفي فرق بين قبل والحين .. هاي اللي قصدته!!!!!!!

وسوري لوغلطت يعني .. ماقصدت شي:(

[بنت ذياب]

صدقتي في الحكم على محيطج الخاص من اهلج وجماعتج بأن مافيهم رجاجيل !! بسبب قربج منهم ومعرفتج بهم ,,,,,,,,,,,,,,, ولكن خارج محيطج الخاص يوجد الكثير من الرجال ومن المستحيل انج تعرفينهم وتعرفين مراجلهم لانهم خارج محيطج الاسري... لذلك التمس لج العذر لان الكثير فهمج غلط وظن انج اتعممين :)


والخيار مفتوح للزوج او الزوجه ولايوجد زعل بأن يتمنى اي منهم الانجاب حتى لو كان على حساب الزواج بأخرى او الطلاق

بررت كلامي فوق !!

وبعدين شدخل هلي وجماعتي .. انا اتكلم عن المحيط الخارجي !!!!!

الريايييل نادرين .. بهالزمن

كل يوم نسمع قصص يديدة وبلاوي يديده .. تشيب الراااس

عالعموم اكرر آسفي ..

ما اقصد شي من جملتي .. انتوا فهمتوا الموضوع غلط .. انا اتكلم عن الاغلبيه .. مب الكل !!!

والسموحة من صاحب الموضوع ..

[هجمة مرتدة]

يعتمد على علاقة الزوج بالزوجة والزوجة بالزوج .. العلاقة الحميمة والحب العميق المتبادل قد يجعل الزوج يضحي بشيء كبيرة كالذرية من أجل زوجته .. ومن ناحية أخرى الزوجة قد تضحي بالأمر نفسه من أجل زوجها .. أصابعك مو سوا وهذه سنة الحياة .. :)

الله يرزق الجميع الذرية الصالحة ..

[بوخليفة3]

الريال اشكره ! ماراح ينطر على طول بيتزوج

الا البعض ممكن يضحي ..

بس .. اذا كنت احبه .. ليش اتطلق !!!؟

شضمني بعدين بييني ريال عدل

خصوصا ان مافي رياييل بهالزمن !!!! :omen2:


الله يرزق كل محروم يارب


انا اشهد

[بـن عدوان]

بنت ذياب سبق وقلت في احد المواضيع

الرجال قليل ومع الأيام مابتحصلين رجاجيل :)

واشهد انج صادقه في كلامـج


واما بخصوص الموضوع

طبعا انا الحين مب متزوج

بس اذا اكتشفت انه زوجتي فيها العقم

بحبها زيادة
:shy::shy::shy::shy::shy:

[وتبقى الدنيا حلوه]

والله هذا الشى مافيه مجاملات وتضحيات ،،،،أنا عمي تزوج وحده وماتت بعد الزواج بسنتين

وماتزوج بعدها ؟ يقول من معزتها فى قلبي ؟ مارأح أتزوج ،،،وفعلا توفى وما تزوج ،

وأعرف واحد من أهلنا ،زوجته ماتجيب عيال ،ومحكره للرجال ،وتقوله أذا تزوجت الثانيه

طلقني ؟ فمن واقع تجربه ؟ وهذا الشخص الحين يربي عيال اخته لأنهم أيتام .ويعوض مشاعر ألابوبه

ولكن أنا عن نفسي ،،،راح أتزوج عقب 3 سنوات من الزواج ؟ هذا حد أقصى ؟

وأذا المشكله فيني ؟وتبي تتطلق ؟ بقولها الله يحفظج ويرزقج الذريه الصالحه؟

مثل ماهو من حقى أنى أفرح بالأنجاب ،،،،من حق الزوجه أنها تفرح وتقرر مصيرهأ؟

وكل التقدير لصاحب الموضوع

عجبني عمك الله يرحمه

القى عندكم نفسه

[ROSE]

قصة من الواقع

فيه واحد تزوج وحده من قرايبنا ماانجبت له لمدة 17 سنه

هله متدينين وهو متدين وهي متدينه ولله الحمد الله يثبتهم

وهي بنفسها كانت تقول له تزوج وتجي تصيح عندنا انه بيتزوج

وهو كلما ينوي يتراجع يقول يمكن الله كاتب علي مع انهم راحوا

شكثر مستشفيات ويقولون له لا انت فيك عيب ولا هي

وتموا ولله الحمد مع بعض ويحبون بعض لين ما الله اكرمهم بالاطفال

الله يحفظهم ان شاء الله


مااقدر اتكلم عن نفسي بفرضيات لاني ولله الحمد عندي اطفال والله اكرمني فيهم ويبارك لي فيهم

[سارونه]

الله يرزق الجميع بالذرية الصالحة

بس اهم شي التربية السليمة - لا تهملونهم - مثل بعض الناس :(

الله يهدي الجميع .....

[العين مليانة]

ياشينها لا صرت بين أختيارين &&&&&&& مستقبلك ولاحبيب (ن) تودة

[محاسب]

مافي امل ابيعه اذا هو ريال وكفو وقايم فيني ويحبني
اخر شي افكر فيه هل المووضوع
هو راح يعوضني باذن الله كلشششششششششششي


وخاطري اعرف هو شراح تـــكون ردت فعله ؟؟

ممكن تكون عكس ردة فعلج


أول شيء القادر على التعويض هو الله سبحانه ( النافع الضار)
ومن يضمن لج أنه بيعيش لج أكثر من يوم أوساعه ولو عاش العمر كله من يضمن لج
أستمرار العطاء والتضحيه

أذا بحثتو في كل الأسباب وما حصل نصيب
المفروض أنكم تحكمون العقل والقلب (الحب) معااا في أتخاذ القرار


ومن أعراض الحب الجانبيه هوأغلاق العقل لفتره
ممكن ينفتح العقل ويطلع الحل الصحيح بعد ما ياتي سن اليأس للزوجين


وأنا شايف جدامي الأن أثنين متزوجين من 50 سنه والحياه شلون صعبه عليهم وعاجزين
ومضطرين للأخرين

[هدوء الصباح]

المال والبنون زينة الحياة الدنيا...وقليلون من الرجال (بشكل خاص)اللذين يصبرون على عقم زوجاتهم..
وان كنا نصادف نساء لم يعدن يقبلن بالاستمرار مع رجل عقيم.

[eXpert*]

انا عن نفسيّ ،، اذا كان العيب فيني راح اترك الخيار للبنت بالاستمرار معاي او اسرحها بـ احسان تشوف نصيبها مع غيري .

ولكن ان كان العيب في الفتاة ،، انا راضي بـ حكمة ربي وبـ أصبر واحتسب الاجر ،، الا اذا سمحت لي بالزواج بأخري شريطة أن تبقى الاولى على ذمتي .

[Hamad7788]

اذا اكن العقم مني


بطلق زوجي وبخليها تشوف حياتها.. حرام اقطع املها في اليهال .. هي مالها ذنب