اذا انتوا اهل صمــــــــــــــــــــــــله... تعالوا !!!

[الراقي18]

عندي فكره

طبعا بمناسبة الزياده في الاسعار


اللي بداعي واللي بدون داعي

بس بصراحه يبيلها رجال وانتوا قدها

بس علشان يعرفون ان احنا مب لعبه عنهم

دام حماية المستهلك ما فادونا احنا نفيد نفوسنا

تذكرون يوم الزيادات في اسعا رالايجارات شصار

نزل قانون علشان الاجانب ما نستثني القطريين لكن القصد مب القطريين القصد كانوا الاجانب

المهم مالكم بالطويله

فكرتي ان نحدد يوم معين في الاسبوع نروح كلنا شباب المنتدى

مثلا نتفق كلنا في يوم معين نروح مطعم من المطاعم اللي زادوا في اسعارهم

ونطلب عادي مثلنا مثل غيرنا وعقب ما يجينا الطلب نسأل بكم وبيعطينا السعر ومعروف انه زياده فنقول له خلاص ما نبي خل اكلك لك كل يوم تزيد على كيفك ونروح عنه

تخيلوا لو انا وانتوا وغيرنا سووا نفس الحركه مره ومرتين وثلاث شنو بيصير في راعي المطعم

فشرايكم في الفكره تقدرون عليها ولا تستحون ...

وكل اسبوع نحدد مطعم او محل معين يزيد في اسعاره بدون مبرر

ها شقلتوا

[الموضوعي]

أنا اقترح أن يتم وضع أسماء المحلات والمطاعم التي قامت بزيادة اسعارها لمقاطعتها مع وضع البديل لها

[الراقي18]

أنا اقترح أن يتم وضع أسماء المحلات والمطاعم التي قامت بزيادة اسعارها لمقاطعتها مع وضع البديل لها

اخوي الموضوعي اقتراحك حلو

بس تخيل معاي بعد ما تحط الاسم تروح للمطعم وتسوي فيه هالحركه

شنو بتكون ردة فعل صاحب المطعم

[الكايـــده]

فكررررررررررره حلوه

[الراقي18]

فكررررررررررره حلوه

الأحلى تطبيقها:nice:

[hich]

أقتراح جيد ولكن ممكن الأفضل ان نطلب توصيل للمنزل وبعد مايوصل نقول له كم سعرك ونسئلها ليش الزياده وبعدين نقول له خلاص مانبي لأنكم زدتوا أسعاركم

و أيضا نقاطع المحلات والميره بالذات لأنها زادت أسعارها مع ان مديرها ياخذ 130الف و موب فارقه وياه

[rashid-1]

أنا اقترح أن يتم وضع أسماء المحلات والمطاعم التي قامت بزيادة اسعارها لمقاطعتها مع وضع البديل لها


افضل حل مقاطعة المطاعم

مطعم توينكي

مطعم عاليشان


بحر الخليج

نجمة الهن

والله المطاعم تستنزف المعاش ولو كل شخص يجيب طباخ محترف يوفر نصف مايصرفة على المطاعم

انا بلشت بالمقاطعه

ولازم نسوي حملة على المطاعم السارقة

والله اللي يقهرني اذا اكل من مطعم يجيك القرسون يتبسم يبي بخشيش وهم ضاربين علي فوق ال 150 على 2 برياني وبيبسي

[سهم متردد]

الغالي رايك (جهنمي) يس شنو يحدك تاكل من المطاعم يازييين أكل البيت

ووشو حادك تسوي هالفلم مطعمه وكييييفه

الغلط منا نحن قاعطعووهم وشوفوا اذا ماسكروا عقب كمن شهر ولا بيتسنعوووووووون

[ســـهم]

اليوم مطعم

طجين

مافيه مكان تقعد فيه شلون لو نقول لهم بكم

الله المستعان ...

[كيفـي]

و أيضا نقاطع المحلات والميره بالذات لأنها زادت أسعارها مع ان مديرها ياخذ 130الف و موب فارقه وياه


راضية بالـ 30 :nice:

واهم شي رضى الزباين..

ومن طمع طبع..

وحسبي الله ونعم الوكيل..

[ام حبيبتي]

يااااااااات عالمطااااااعم مساااااااااكين ؟؟؟؟؟؟؟؟؟؟

كل شي زاااااااد ........... حتى ملابس اليهال صارت نار ........

[وحيد-الشوق]

فكره حلوة

احلى شيء النذاله :nice: هههههههههه

حسبي الله عليهم شكلم بيشفطون فلوسنا عقب الزيادة مايدرون ان البعض راتبه بينقص :weeping:

[ALRAYYAN]

فكره حلوه بس تطبيقها صعب

[فراغ]

المنتدى لوحدة لا يستطيع أن يحل مثل هذه المشكلة
يجب أن تتظافر جميع الجهود لحلها مثل (الصحافة - الأعلام - المنتديات - حماية المستهلك - الشركات - البلدية) أي الجهات الحكومية والجهات المدنية
ويجب على الأعلام (أذاعة -تلفزيون -صحافة) توجيه المجتمع على الأسعار والتشهير بالمتلاعب بالأسعار
أعتقد الموضوع كبير ويحتاج لجهور كبيرة للقيام به
نحن في العالم الثالث نعيش في فوضة وأتذكر على سبيل المثال بريطانيا لو تروح حتى لاخر بلدة تحصل سعر السلعة نفسها وهنا أتكلم عن السلع الأستهلاكيه

[حبر سري]

بس اخوي عقب مايجيك الطلب؟؟
طيب قبلها مب احسن

لان النية الشينة ترى الله مايرضاها

يعني انا لو اعرف واحد يبيع البيبسي بعشرين ريال مثلا , مب رايح له واقول له افتح البيبسي وبعدين اقول له ماابيه , لا او اني باشتكي عليه مباشرة , او اني باسأل قبل واذا ماعجبني باقول له مع السلامة