بعد توحيد الرواتب هل يتم توحيد ساعات العمل ؟؟

[maskalrose]

ممكن حد يفيدنا هل سيتم توحيد ساعات العمل بين الهئيات والوزارات والمجالس وغيرها من الي صدر فيهم قانون الموارد البشرية ..

حيث تعلمون أن بعضهم يدوام 7 ساعات والبعض 6 ساعات ..

شاكرة للجميع مقدما ..

[الفهد1]

خلهم اول شي نشوف اشكثر هالزيادة الي حتى الحين مابين كم مقدار الزيادة وبعدين انشاء الله لاحقين على توحيد ساعات العمل

[أحبك يا قطر]

ما اعتقد ....

[وطن]

لو تم توحيد ساعات العمل
بتزيد الزحمة

لان الكل يبي يوصل دوامه بالوقت المحدد الموحد
والكل بيطلع في نفس الوقت !!!

البلاد مو ناقصه ازمة سير
كفايه معاناتنا

[مستثمر تحت التعليم]

أتمنا توحيد ساعات العمل .............. ليش العساكر من 6 الى 1 ظهرا والمدنيين من 7 الوحده ولاتقولون لي 2 لأن ليس كل مايقال صحيح الا في قليل من الأدارات المنتظمه وهي قليله جدا وتعد على اصابع اليد الواحده فالتوحيد في الرواتب يجب أن يتبعه أشياء أخرى لأحقاق الحق

[بويوسف]

طيب واحنا لي 3 شلون نفس الراتب والدوام زيادة !!

[مساهم مقرود]

المجلس الاعلى للتعليم تشمله الزيادات ؟

[روح الاطلس]

اووووص لا تفتحون موضوع ساعات العمل احنا مو ناقصين زحمة
هذا غير اللي عندهم ثلاث او اربع موظفات والسيارة وحده بتوصل من ولا من ؟؟ على جذي لازم من الحين نجيب لنا اربع دريولية

ان شاء الله مايصير توحيد لساعات العمل لان في اعمال صحيح دوامها طويل لكن الشغل نفسه خفيف
وفي اعمال دوامها قصير بس من الدقيقة الاولى لين اخر دقيقة وهي كرف في كرف

يعني مافي معيار ثابت والتوحيد فيه ظلم

[امل الحب]

مممم

اذا عندكم استعداد يصير انفجار من الزحمة طالبوا بهالشي..

وماراح توصلون بيوتكم قبل 6 او 7 المغرب..

قولوا الحمدلله والوقت يمر فالدوام ..

[اغلى الغاليات]

ياليت حد يفيدنا

[ANONYMOUS]

عادي..

ناس من 6 لين 2

وناس من 7 لين 3

وناس من 8 لين 4

شالمشكله !

[اغلى الغاليات]

وناس من 7 لين 3
crazy

[مريش]

وناس من 9 بالليل لين 6 الصبح @@
وومع الدرب تطلع 12 ساعه
في حد بيتكلم !! أحمدو ربكم بس

التوحيد في حاله وحده
مثلاً وزاره من 6 الى 12 ووزاره من 7 الى 1
ووزاره من 8 الى 3

عشان يمدي ماتصير الزحمه
او الدوام نفسه يسوي جدول كل يوم يرخص فلان وعلان
ويعطي هذا اجازه وجذي

يازين العسكريه والله بدون اوامر عليا
تداوم ويا ناس نظاميين شوي
االحمدلله على كل حال

[بو نايف]

انا نقصو راتبي

!!!


يعني لازم اداوم اقل

[binhlail]

انا نقصو راتبي

!!!


يعني لازم اداوم اقل


المفروض
نداوم من 7.3 إلى 12.3
على الخصومات اللي سوواها
أو راح أنقل لإدارات ثانية الشغل
اللي فيها أقل من شغلي الحالي
ما دام الراتب نفسه في كل الإدارات

على فكرة
الراتب نقص و الأسعار ولعت

[::.Silent.::]

واللي يداوم 8 ساعات

و ساعه روحه

و ساعه جيــه

يعني 10 ساعات

[بلاتينيوم]

سؤال وجيه ويستاهل الشكر والثناء

والله فعلا هذا هو الظلم بعينه

ناس ورا مكاتبهم وتجيهم الزياده بارده مبرده وناس بنجبرون انهم يجلسون في بيوتهم ولا يحلمون بالزياده

والله حرام

المفروض يزيدون الي حولوهم للبند المركزي

احس ان اللقمه ما تنزل من بعد الزياده والمطلقات والارامل وكل الي تحولوا للبند المركزي يخزون بطرف عين

ويقولون يا حيهم ويا ,,,, و من حقهم والله يستاهلون

لازم يوحدون ساعلت العمل او على الاقل الدوائر الحكوميه الى الساعه 4

لتفادي الزحمه

[Ross]

والله انا مافهمت شي من ناحيه الزياده

بس موضوع ساعات العمل مهم يعني اهل الشفتات

شنو اللي بيصير عليهم

[لينا]

ياليت يوحدونها افكر اطلع من الشغل عشان ساعات الدوام طويله حيل

[بابا الضحية]

ياليت يوحدونها افكر اطلع من الشغل عشان ساعات الدوام طويله حيل

ليش وين تشتغلين ؟

[غزالة الوادي]

مانبي توحيد ساعات عمل احنا مرتاحين في دوامنا

[UmmAzoz]

ياليت يوحدونها افكر اطلع من الشغل عشان ساعات الدوام طويله حيل

انا نفس الشي
انا عندي ساعة رضاعة وحده وما اقدر اخذها بسبب الشغل والاجتماعات
الشغل وايد ومن 6 ونص لين 2 ونص (كهرماء) بس الحمد لله في ناس يتمنون راتبي لو يشتغلون 12 ساعة حتى بعد الخصم (يمكن 6000)
الحمد لله

[جمال اليافعي]

انا دوامي من 6:30 لــ 3:30 وأحيانا للـ 5:00 المسا .. والحمدالله على كل حال ..