لحد يتعب نفسه ويتصل الوزاره يسأل عن الراتب الجديد - وزارة التربيه -

[amal qatar]

السلام عليكم ورحمة الله وبركاته


حبيت أفيدكم وبالذات العاملين في وزارة التربيه .. اليوم من الصبح وآنه أتصل على قسم الحسابات وشؤون الموظفين .. كله مشغول أو محد يرد ..

قلت بجرب اتصل على تلفونات الإدارة .. يمكن يرد علي مدير ولا رئيس قسم يفيدني بشي .. بالفعل رد علي واحد بس مب عارفه اسمه .. هو من الحسابات .. قال لي :

لين الحين ماوصلنا شي بخصوص الرواتب الجديده .. يعني لو تتصلين طول هالاسبوع مراح تستفيدين شي ..راح يوصلنا السيدي الخاص بالقانون مع اللوائح وكل شي بيتضح لنا ولكم خلال هالاسبوع .. واحنا بنكون جاهزين على يوم الاثنين الجاي تقريبا أو الثلاثاء ..

وقال : مب بس احنا اللي ماستلمنا السي دي .. معظم الوزارات ماستلمته



بننطر وبنشوف .. نطرنا طول هالأشهر .. جات على اسبوع يعني :(

[مناحي السادس عشر]

يقولج الزين غالي بس الازين اغلي
اصبري والصبر زين وان شاء الله راتبج يصير دبل :)

[الاعــلامية]

::

عااادي اختي

اصبري .. كلنا صااابرين

^_____^


ومبروووك عليكم الزيادات تستاهلون

:
:

[saaam]

يتأخر ولا ما يتأخر السيدي

الرواتب بتنزل بتنزل

اذا مب هالشهر الشهر الياي على اثر رجعي

عادي لاتضيقون على نفسكم ولا شي اهم شي انه صدر

[amal qatar]

الله كريم .. ان شالله عقب هالصبر .. ينزل لنا شي حلو .. ماننصدم في شي مني ولا مناك

[ANONYMOUS]

لن تموت نفس حتى تستوفي رزقها

لاتجزعوا يا إخوان

[زمان]

بالتوفيق

[بلاتينيوم]

راحت عليكم يبه

المحالين للبند المركزي هم السبب في تجميد القرار الى اجل مسمى

والله حرام ...حرام وايش ذنب المحالين الى البند غير انهم مايعرفون احد غير الله

والحمد لله..... الله استجاب لدعائهم لان دعاء المظلوم مستجاب

[الفهد1]

اتصلى المالية الرئيسية وبيفيدونج

[قناص قطر]

محد يدري شالسالفه كل الجهات لين الحين الرد ( ماوصل شيء الى الان )

[AL HAJRI]

الركاده زينه ,,

[amal qatar]

شكرا للجميع ع التعقيب ..

[joOoreee]

الله يعين الجميع
والحمد لله رب العالمين