عملية سطو بس هالمرة البنك هو الي يبوق العميل.....

[بواردي]

السلام عليكم ورحمة الله وبركاته


صارت معاي قصة عادية يمكن تصير مع اي واحد فيكم


:omen2:


:omen2:


من فترة اودعت 9 الاف عن طريق الاي تي ام
وبعد يومين اكتشفت ان حسابي ما نزل فيه غير 8 الاف

رحت للفرع الي اودعت عن طريقه ( في شار ع الشافي لونه احمر) اخخخخخخ

قالوا لي انت مودع 8 الاف فقط

يشباب تاكدوا
قالوا حنا مستحيل نغلط
لانه في 3 موظفين يشيكون الظرف
قلت لهم زين يبو لي الظرف

((يمكن الظرف حرامي ))

يوم راح الموظف الي في الحسابات وياب الظرف
قالي بالحرف الواحد
( شوف قلت لك انك غلطان) يعني هو كان وده يقولي انت حرامي
قال لي الظرف مكتوب عليه 18* 500
يعني 18مضروبة ب 500

يطلع 8الاف
هذا كلامه
وهو مازال ياكد انه 18*500 = 8000
والي قاهرني ان موظف خدمة العملاء يأشر له ويحوس يبي يقوله انطم ترا مصختها بس الثاني صلعته مضادة للفهم( كان اصلع )
قلت له انت منو الي وظفك هني
يبيلك تعرف جدول الضرب بعدين تقدم على اقرب بقالة خضرة

[سوق واقف]

أشتك عليهم يالغالي ومرة ثانية خذ وصل الإيداع
البنك التجاري الصراحة ماكينة الإيداع روعه المبلغ يدخل في الحساب دايركت ويعطيك وصل يالإيداع .

[وتبقى الدنيا حلوه]

زين رجعوهااا

[الـقـاسـي]

ههههههههههه شدعوه مايعرف يحسب ..
ياخي اضربها قدامه .. أو سهل له عملية الضرب ..

[السلطان]

أشتك عليهم يالغالي ومرة ثانية خذ وصل الإيداع
البنك التجاري الصراحة ماكينة الإيداع روعه المبلغ يدخل في الحساب دايركت ويعطيك وصل يالإيداع .

كلامك صحيح عن البنك التجاري في نفس الوقت اللي تودع فيه يطلع رصيدك

أما البنك ((بوخط أحمر)) يبيلك يومين من زين التدقيق على ماتنزل في حسابك
بصراحة طرق بدائية

[بوخالد911]

خذ الوصل ورووح لبنكك

[وطن]

هاهاهاهاهاهاها

خل يحسبها على جواله اذا صعبه عليه !!

[قناصه]

ههههههههههههههه .. والله صج صج ضحكتني ..

اشلك فيهم .. !!

[سهم متردد]

والله العظيم مشكله يالربع

الواحد يدور الحلال ولكن هل البنوك الي لونها أحمر في ال شافي شبعت نصب واحتييييال منهم
بس ابشركم الشيخ السالوس (ربي يحفظه ويطول عمره) قال مافي مشكله في فتح حساب في الوطني الاسلامي وقال ان بعض معاملات الوطني الاسلامي احسن من بعض البنوك الاسلاميه نفسها

[بواردي]

زين رجعوهااا

افا عليج اختي

ما طلعت من عندهم الا والالف ريال في الحساب
وقاعدين يترجوني مدير الفرع والحسابات و خدمة العملاء

سويت لهم سالفة فضحتهم في جلاجل

وعلى جوجل
وفي الاسهم القطرية

[بواردي]

أشتك عليهم يالغالي ومرة ثانية خذ وصل الإيداع
البنك التجاري الصراحة ماكينة الإيداع روعه المبلغ يدخل في الحساب دايركت ويعطيك وصل يالإيداع .

اي وصل يابن الحلال قالوا لي اذا انت تسوي ايداع 1000 ريال وتدخل في المكينة انك اودعت 100 الف ريال فهم بالنهاية يشيكون على الظرف مالهم بالارقام


ههههههههههه شدعوه مايعرف يحسب ..
ياخي اضربها قدامه .. أو سهل له عملية الضرب ..

المشكلة انه موظف بنك



كلامك صحيح عن البنك التجاري في نفس الوقت اللي تودع فيه يطلع رصيدك

أما البنك ((بوخط أحمر)) يبيلك يومين من زين التدقيق على ماتنزل في حسابك
بصراحة طرق بدائية

ماحدنا على بوخط احمر الى الزمن
نبي خدمات اسلامية بس حسبي الله ونعم الوكيل

خذ الوصل ورووح لبنكك
ما ينفع

هاهاهاهاهاهاها

خل يحسبها على جواله اذا صعبه عليه !!
قطيت عليه الحاسبة الي كانت على الطاولة وقلت له تاكد من الناتج

ههههههههههههههه .. والله صج صج ضحكتني ..

اشلك فيهم .. !!

انشالله دوم تضحك ومستانس

والله العظيم مشكله يالربع

الواحد يدور الحلال ولكن هل البنوك الي لونها أحمر في ال شافي شبعت نصب واحتييييال منهم
بس ابشركم الشيخ السالوس (ربي يحفظه ويطول عمره) قال مافي مشكله في فتح حساب في الوطني الاسلامي وقال ان بعض معاملات الوطني الاسلامي احسن من بعض البنوك الاسلاميه نفسها

تبقى الشبهات هاجس

[hxamad]

أهم شى فلوسك موجودة وهالموظف الشرهة مب علية على ألى وظفه

[][ الوحيد ][]

الله يعينك
والله انا كنت فالمصرف وغيرت على الوطني بس عشان خدمه الانترنت والتحويل السريع
بس يبيلي ارجع حسابي

[nor85]

بس لما تودي الايصال اكيد بيكون الحق معاك

[بواردي]

[ الوحيد ][;3943723']الله يعينك
والله انا كنت فالمصرف وغيرت على الوطني بس عشان خدمه الانترنت والتحويل السريع
بس يبيلي ارجع حسابي

ياخي قالوا لنا ربا وبطيخ وشمام
مانبي عوار راس




أهم شى فلوسك موجودة وهالموظف الشرهة مب علية على ألى وظفه

اخوي المشكلة مو بالاف ريال
المشكلة انه اذا انعدمت الثقة رحنا وطي

[المهندي911]

انا كل مره يبوقوني ويحولون جزء من راتبي حق عميل ثاني الي هو الرقم فرق بيني وبين رقم حسابه رقم واحد واذا عليه سلفه يسحبون من عندي ولين راجعتهم يقولون لي تأكد من راتبك ولين زأرت عليهم ردوا لي فلوسي

[لـبـيـه]

هاهاهاهاهاهاها

خل يحسبها على جواله اذا صعبه عليه !!

هو ماعرف 16في500 كم وهو موظف في بنك

تهقى بيحصل الكلكليتير على جواله؟

[alsenator]

حبيبي والله على هالموقف انا من ست اشهر اودعت 100 ريال كتجربة في حسابي وعن طريق نفس البنك الاحمر وما نزلت للحين .....

[فراغ]

حاميها حراميها

[Qataraholic]

السلام عليكم ورحمة الله وبركاته


صارت معاي قصة عادية يمكن تصير مع اي واحد فيكم


:omen2:


:omen2:


من فترة اودعت 9 الاف عن طريق الاي تي ام
وبعد يومين اكتشفت ان حسابي ما نزل فيه غير 8 الاف

رحت للفرع الي اودعت عن طريقه ( في شار ع الشافي لونه احمر) اخخخخخخ

قالوا لي انت مودع 8 الاف فقط

يشباب تاكدوا
قالوا حنا مستحيل نغلط
لانه في 3 موظفين يشيكون الظرف
قلت لهم زين يبو لي الظرف

((يمكن الظرف حرامي ))

يوم راح الموظف الي في الحسابات وياب الظرف
قالي بالحرف الواحد
( شوف قلت لك انك غلطان) يعني هو كان وده يقولي انت حرامي
قال لي الظرف مكتوب عليه 18* 500
يعني 18مضروبة ب 500

يطلع 8الاف
هذا كلامه
وهو مازال ياكد انه 18*500 = 8000
والي قاهرني ان موظف خدمة العملاء يأشر له ويحوس يبي يقوله انطم ترا مصختها بس الثاني صلعته مضادة للفهم( كان اصلع )
قلت له انت منو الي وظفك هني
يبيلك تعرف جدول الضرب بعدين تقدم على اقرب بقالة خضرة

تصدق بالله انا صدقت انها بالخطاء....انا الله يسلمك صارت معاي في فرع حمد الكبير
نفس الاسلوب والسناريو
صارت من شهر وقلت سبحان اللي مايخطي...بشر وخلني اروح من البنك دام كل واحد يصلح موتره...طلعت السالفة احتراف
الدولـــــــــــــــــــــــــــــــــــــــــــــ ـــــــــــي الأسلامــــــــــــــــــــــــــــــي
هذا بنكك؟

[GOOKLUCK]

انا انصح الاخوان بالبنوك الاسلاميه ..

حسابي الحالي في بنك غير اسلامي وطبعا صارتلي سالفه وياهم ..

كنت مديون للفيزه تقريبا ب 50 الف ورحت وحطيت فيها تقريبا حول 40 الف ريال ..

فالمفترض ان المتبقي علي دفعه هو في حدود ال 10 الف ريال .. وطبعا بعد شهرين من الموضوع حبيت اشيك على حساب الفيزا عندي تفاجأة اني مديون بـ 25 الف ريال ؟!!

طبعا انا على طول راجعت البنك وحاولت معهم بشتى الطرق ودايما يحاولون يبينون لي اني انا الغلطان ..
طلبت كشف حساب وقلت لهم هذا الكشف قدامكم وين الخلل ؟؟

ردوا علي وقالوا لي راجع الفرع الرئيسي ..

انا في هاللحظه طلبت كشف 6 شهور + كشف بالمديونية .. عشان انقل لبنك جديد ..

في اليوم الثاني اتصل علي موظف من البنك ويحاول انه يستفسر مني الاسباب .. وبعد ما وضحت له الاسباب تخيلوا شيقول ؟؟

يسألني يعني انت تتهم احد الموظفين بأنه باقك ؟؟

طبعا رديت عليه (( لا ما اظن .. بس اتوقع هذي سياسة البنك نفسها ))

تخيلوا يرد ويقول اصلا البنك مهب محتاج ياخذ منك 10الف ولا 15 الف ريال من حسابك ؟!! << ضحكني ..

وبعدين يقول ليش ما تشتكي في العاصمه ؟!! << تخيلوا هذا رد موظف في البنك متصل عشان يستفسر ؟؟

طبعا انا رديت عليه وقلت له انت الحين متصل عشان شنو ؟؟ رد وقال خلاص انا بوقع الطلب ؟؟ قلت : خلاص ماله داعي تزعجني وصكرت التلفون ..

فتخيلوا وياي ( مبلغ مفقود وبدون اي توضيح او كشف مفصل ؟ ) << طبعا الفيزه محد يقدر يصيدهم فيها وراح يردون عليك ويقولون هذي فوائد متراكمه ..

وتخيلوا وياي ( اسلوب موظف في البنك يتعامل بهالطريقه ) ؟؟

وانا اقول الحمد لله على كل حال .. البنوك الاسلاميه مهما كانت مساوئها بتم افضل بكثير من البنوك الاخرى ..

تحياتي للجميع

[بوعلي2]

زين سويت فيهم تعجبني انك فضحتهم وانا فضحت بنك الدوحه على شان يركبون مكاين عدله لان بكل مكان بمكينة بنك الدوحه صادتني سالفه

الحين خلاص مب ساحب من عندهم ولا ريال

خلني على بنك قطر الوطني والبنوك الاسلاميه مكاينهم جديده وسنعه مب مثل بنك الدوحه

[بواردي]

تصدق بالله انا صدقت انها بالخطاء....انا الله يسلمك صارت معاي في فرع حمد الكبير
نفس الاسلوب والسناريو
صارت من شهر وقلت سبحان اللي مايخطي...بشر وخلني اروح من البنك دام كل واحد يصلح موتره...طلعت السالفة احتراف
الدولـــــــــــــــــــــــــــــــــــــــــــــ ـــــــــــي الأسلامــــــــــــــــــــــــــــــي
هذا بنكك؟

جبتهاااااااااااااااااااااااااا على الجرح كانك مااااااااادريت :victory:

[الحزين4800]

لو انا منك جان سطرت طلعته لين ما يحسب صح
واذا فيه خير يتكلم

[بواردي]

لو انا منك جان سطرت طلعته لين ما يحسب صح
واذا فيه خير يتكلم

شكلك عصبي

والله اني كنت ناويله نية شينة :anger1:
بس قالي كلمة سكتني فيها:secret:

لاتقطع رزقي يرحم والديك:weeping:

[بواردي]

انا انصح الاخوان بالبنوك الاسلاميه ..

حسابي الحالي في بنك غير اسلامي وطبعا صارتلي سالفه وياهم ..

كنت مديون للفيزه تقريبا ب 50 الف ورحت وحطيت فيها تقريبا حول 40 الف ريال ..

فالمفترض ان المتبقي علي دفعه هو في حدود ال 10 الف ريال .. وطبعا بعد شهرين من الموضوع حبيت اشيك على حساب الفيزا عندي تفاجأة اني مديون بـ 25 الف ريال ؟!!

طبعا انا على طول راجعت البنك وحاولت معهم بشتى الطرق ودايما يحاولون يبينون لي اني انا الغلطان ..
طلبت كشف حساب وقلت لهم هذا الكشف قدامكم وين الخلل ؟؟

ردوا علي وقالوا لي راجع الفرع الرئيسي ..

انا في هاللحظه طلبت كشف 6 شهور + كشف بالمديونية .. عشان انقل لبنك جديد ..

في اليوم الثاني اتصل علي موظف من البنك ويحاول انه يستفسر مني الاسباب .. وبعد ما وضحت له الاسباب تخيلوا شيقول ؟؟

يسألني يعني انت تتهم احد الموظفين بأنه باقك ؟؟

طبعا رديت عليه (( لا ما اظن .. بس اتوقع هذي سياسة البنك نفسها ))

تخيلوا يرد ويقول اصلا البنك مهب محتاج ياخذ منك 10الف ولا 15 الف ريال من حسابك ؟!! << ضحكني ..

وبعدين يقول ليش ما تشتكي في العاصمه ؟!! << تخيلوا هذا رد موظف في البنك متصل عشان يستفسر ؟؟

طبعا انا رديت عليه وقلت له انت الحين متصل عشان شنو ؟؟ رد وقال خلاص انا بوقع الطلب ؟؟ قلت : خلاص ماله داعي تزعجني وصكرت التلفون ..

فتخيلوا وياي ( مبلغ مفقود وبدون اي توضيح او كشف مفصل ؟ ) << طبعا الفيزه محد يقدر يصيدهم فيها وراح يردون عليك ويقولون هذي فوائد متراكمه ..

وتخيلوا وياي ( اسلوب موظف في البنك يتعامل بهالطريقه ) ؟؟

وانا اقول الحمد لله على كل حال .. البنوك الاسلاميه مهما كانت مساوئها بتم افضل بكثير من البنوك الاخرى ..

تحياتي للجميع


اخوي ليش ما تشوف لك بنك اسلامي وتبعد عن البنوك الربوية الله يهديك
هم كلهم حرامية
بس الرمد ولا العمى
وانا اخوك