اياك ومصاحبه الرخوم

[بوحارب]

السلام عليكم ورحمه الله وبركاته

مساء / صباح الخير على الجميع

أول ما يفكر فيه الشخص
إذا نوى برحله انه يفكر في الخوي.
خوي الرحله.

ولهذا كان الموضوع بإسم
الرخوم

الرخوم اجارنا الله واياكم منهم جمع لكلمة رخمة.
والرخمة نوع من انواع الطيور يقال انها فصيلة من فصائل النسور
الا ان الرخمة لها إختصاص معين تتميز به
الا وهو أكل الجيف (اكرمكم الله)
فالرخمة تحلق فوق الارض بالساعات باحثة عن جيفه
او عن( حَرْمَه) والحرمة لمن لا يعرفها الحيوان الميت بدون تحليل شرعي
ولهذا يطلق لقب (حَرْمَـه) على غير الكفو من الرجال او النساء.

نرجع إلى الرخوم
فاقول ذا نوى احدكم برحلة ولو قصيره فعليه الابتعاد عن الرخوم
حتى ولو كانوا تكملة عدد. لان الرخمة يغث اللي حوله ، ويدبل كبد الكبير والصغير
الرخمة دائماً يفشل في كلامه ، في جلوسه ، في أكله وشربه . في كل شي.

والرخمة من الرجال يدبل الكبد في اي مكان ، ولكن في البر الوضع يختلف.
لان وجهك بوجه حتى ترجعون مقركم. يعني (أم بلابها الشيطان) اما الرخوم اللي نقابل دايم
فامرهم هين ، كلها ساعه والا ساعتين في مجلس وكلٍ يروح في حاله .

والخوي عند الرجال العارفين له مكانته وقدره واحترامه وعاداتنا وتقاليدنا
تحثنا على مراعاة كل شي يخص الخوي.:)
ولهذا احذركم ونفسي من خوة الرخمة. اتركوا الرخوم على جنب. لانك اذا خاويته
لازم تعطيه حق الخوة ورايح تبلش .

انظروا ماذا يقول الشعراء في الرخوم:

يقول احد الشعراء:




حالفن ما أرد شوري للجبـان @ مثل حلفي عن مخاواة الرخوم
ومايسبك في قفاك الا الجبان @ ((ومايذم الطيبين الا الرخوم))




ويقول الآخر:

لية يادنيا تعزين الرخوم

..................... والشجاع يعيش عمره في نكد


ويقول غيره:




ممساك في حيدٍ طويل الحناتيف أخير مـن ممسـاك زل ٍ وفلـه
مابين هطفان الرخوم المخاصيف اللّي تعيش انفوسهـا بالمذلـه




يقول احد الشعراء:
ولاياك تاخذ هرج بعض الرخومي....................الي اليا صديت بالكذب يقفاك

والآخر يقول :





حاذرك لا تتبع عيال الرخومي
يورطونك بين حاذف وحذاف




ويقول آخر:




حنا مراجلنا على هبـة الريـح @ لا خالف الواجب عيال الرخومي







وختاماُ أسأل الله ان يجنبنا خوة الرخوم
وان يهدي الجميع لما فيه الخير.

منقول :)

[a.a.a.qatar]

اقولك حكيم ... تعرف تختار المواضيع والمحتوى عدل وفي الوقت العدل بعد
يعطيك العافيه على هالموضوع :)

والله يوفقك وينجحك بالامتحانات

[بو الجوري]

ميرسي عالموضوع الكيوت .. << شدخل :rolleyes2:


تسلم فديت خشمك .. عسى بس مب مخاوي رخووووم :nice:

[بوحارب]

اقولك حكيم ... تعرف تختار المواضيع والمحتوى عدل وفي الوقت العدل بعد
يعطيك العافيه على هالموضوع :)

والله يوفقك وينجحك بالامتحانات

ما عليج زود يالشاعرة

الله يعافيج ومنورة الموضوع:)

امييييين

[بوحارب]

ميرسي عالموضوع الكيوت .. << شدخل :rolleyes2:


تسلم فديت خشمك .. عسى بس مب مخاوي رخووووم :nice:

الله يسلمك بالجوري واللي مخاويهم مثلك وشرواك ^ ــ ^

يمكن فيه منهم كذا واحد يبيله (اعادة جدولة:D) لكن بعد فيهم الخير

[ابودجانه]

الله يبعدنا عن الرخوم ...............................

مبدع يابوحارب

[بوحارب]

الله يبعدنا عن الرخوم ...............................

مبدع يابوحارب

مرحبا ومسهلا الشيخ ابودجانه

وهالبيت لك اهداء:)

ابودجانه على هبـة الريـح @ لا خالف الواجب عيال الرخومي

[( الفهد )]

http://www.pic4ever.com/images/25r30wi.gif

مشكور يا بوحارب

[$الملياردير$]

بوحارب موضوعك و الله العظيم ممتاز لا ومحتاجينه ......واحب اهديك و اهدي الربع اللي ردو ........بعض ما ورد لي و اعجبني

(( المراجل ماتجي بلمع النجوم .. والحرار تبين وقت الهدد ))
((والشوارب تنفتل وقت اللزوم.. ولايجيب النايفة كود الولد ))
((والرخوم رخوم لوقامت تحوم.. مرجعة للدم لامنه برد ))
(( واضح فعل طيبك بليا علوم.. مثلك البيض ماجابن ولد ))


وسلامتك

[غير البشر]

الله يبعدنا عن الرخوم في الرحلات وغيرها

مشكووور بوحارب يا مبدع صج انك خطير :shy:

مشكلتي انا اكتشف المرخمين متاخر :rolleyes2:

[بوحارب]

http://www.pic4ever.com/images/25r30wi.gif

مشكور يا بوحارب

العفو اخوي الفهد

بس ليش تضحك؟؟؟؟ :anger1:

[بوحارب]

بوحارب موضوعك و الله العظيم ممتاز لا ومحتاجينه ......واحب اهديك و اهدي الربع اللي ردو ........بعض ما ورد لي و اعجبني

(( المراجل ماتجي بلمع النجوم .. والحرار تبين وقت الهدد ))
((والشوارب تنفتل وقت اللزوم.. ولايجيب النايفة كود الولد ))
((والرخوم رخوم لوقامت تحوم.. مرجعة للدم لامنه برد ))
(( واضح فعل طيبك بليا علوم.. مثلك البيض ماجابن ولد ))


وسلامتك


صح السانك اخوي الملياردير واشكرك على الأبيات الطيبة:)

نورت الموضوع

[بوحارب]

الله يبعدنا عن الرخوم في الرحلات وغيرها

مشكووور بوحارب يا مبدع صج انك خطير :shy:

مشكلتي انا اكتشف المرخمين متاخر :rolleyes2:

اي والله الله يبعدهم عنا

العفو غير البشر واكتشف الزين من الشين بسرعه

لاتصير غبي:anger1:

[الزاجل]

http://www.pic4ever.com/images/25r30wi.gif

مشكور يا بوحارب

هاهاها

اما انت يا الفهد
ضحكتني ....> فلة ذيه اللي حاطه http://www.pic4ever.com/images/25r30wi.gif

تسلم بو حروب ...> اشهالموضوع الزين ؟
الا اشبلاه الفهد يضحك :secret:

[سداوي&مدريدي]

أحسنت في الأختيار بابا بوحارب :discuss:

[التـسـعـة]

موضوع متميّز يدل على تميّز صاحبه

دايماً متميّز يابوحارب :victory:

[بيسان]

اولاً: شكراً على المعلومة المفيدة، اول مره اعرف معنى الرخوم
كلما جميلة احب اضافتها هنا
خف الله تأمن غيره
خالف نفسك تسترح.
خير الاصحاب من يدلك على الخير.
خابت صفقة من باع الدين بالدنيا.
خليل المرء دليل عقله
خوف الله يجلي القلب

[miss-qatr]

ممساك في حيدٍ طويل الحناتيف أخير مـن ممسـاك زل ٍ وفلـه
مابين هطفان الرخوم المخاصيف اللّي تعيش انفوسهـا بالمذلـه



تسلم يا بوحارب على هالإختيار الحلو :)

إلا وش سبب الإختيار :nop:


بوحارب موضوعك و الله العظيم ممتاز لا ومحتاجينه ......واحب اهديك و اهدي الربع اللي ردو ........بعض ما ورد لي و اعجبني

(( المراجل ماتجي بلمع النجوم .. والحرار تبين وقت الهدد ))
((والشوارب تنفتل وقت اللزوم.. ولايجيب النايفة كود الولد ))
((والرخوم رخوم لوقامت تحوم.. مرجعة للدم لامنه برد ))
(( واضح فعل طيبك بليا علوم.. مثلك البيض ماجابن ولد ))



وسلامتك


روووووعة الأبيات :nice:

[اّل ثاني 77]

يقولك الرفيق ما يبين غير وقت السفر وعند الشدايد
وفعلا واحد اتحسبة ذيب ووقت السفر والشدايد يطلع:secret: مب ذيب:rolleyes2:
الله يعطيك العافيه أخوي الصغير بوحارب

[h9466]

السلام عليكم ورحمه الله وبركاته

مساء / صباح الخير على الجميع

أول ما يفكر فيه الشخص
إذا نوى برحله انه يفكر في الخوي.
خوي الرحله.

ولهذا كان الموضوع بإسم
الرخوم

الرخوم اجارنا الله واياكم منهم جمع لكلمة رخمة.
والرخمة نوع من انواع الطيور يقال انها فصيلة من فصائل النسور
الا ان الرخمة لها إختصاص معين تتميز به
الا وهو أكل الجيف (اكرمكم الله)
فالرخمة تحلق فوق الارض بالساعات باحثة عن جيفه
او عن( حَرْمَه) والحرمة لمن لا يعرفها الحيوان الميت بدون تحليل شرعي
ولهذا يطلق لقب (حَرْمَـه) على غير الكفو من الرجال او النساء.

نرجع إلى الرخوم
فاقول ذا نوى احدكم برحلة ولو قصيره فعليه الابتعاد عن الرخوم
حتى ولو كانوا تكملة عدد. لان الرخمة يغث اللي حوله ، ويدبل كبد الكبير والصغير
الرخمة دائماً يفشل في كلامه ، في جلوسه ، في أكله وشربه . في كل شي.

والرخمة من الرجال يدبل الكبد في اي مكان ، ولكن في البر الوضع يختلف.
لان وجهك بوجه حتى ترجعون مقركم. يعني (أم بلابها الشيطان) اما الرخوم اللي نقابل دايم
فامرهم هين ، كلها ساعه والا ساعتين في مجلس وكلٍ يروح في حاله .

والخوي عند الرجال العارفين له مكانته وقدره واحترامه وعاداتنا وتقاليدنا
تحثنا على مراعاة كل شي يخص الخوي.:)
ولهذا احذركم ونفسي من خوة الرخمة. اتركوا الرخوم على جنب. لانك اذا خاويته
لازم تعطيه حق الخوة ورايح تبلش .

انظروا ماذا يقول الشعراء في الرخوم:

يقول احد الشعراء:




حالفن ما أرد شوري للجبـان @ مثل حلفي عن مخاواة الرخوم
ومايسبك في قفاك الا الجبان @ ((ومايذم الطيبين الا الرخوم))




ويقول الآخر:

لية يادنيا تعزين الرخوم

..................... والشجاع يعيش عمره في نكد


ويقول غيره:




ممساك في حيدٍ طويل الحناتيف أخير مـن ممسـاك زل ٍ وفلـه
مابين هطفان الرخوم المخاصيف اللّي تعيش انفوسهـا بالمذلـه




يقول احد الشعراء:
ولاياك تاخذ هرج بعض الرخومي....................الي اليا صديت بالكذب يقفاك

والآخر يقول :





حاذرك لا تتبع عيال الرخومي
يورطونك بين حاذف وحذاف




ويقول آخر:




حنا مراجلنا على هبـة الريـح @ لا خالف الواجب عيال الرخومي







وختاماُ أسأل الله ان يجنبنا خوة الرخوم
وان يهدي الجميع لما فيه الخير.

منقول :)

موضوع نادر ويا ريت تحدثنا اكثر عن الخوي,,,تعرفت على شخص من مدة وقال لي انا اريد اكون لك خوي وكان يتكلم بجدية كبيرة بصراحة ادهشتني,,,,فارجو منك ذكر بعض المعلومات فيما يخص ذلك...
وشكرا لك على مواضيعك الرائعة...

[làst çhàncè]

http://www.tabe3e.com/vb/imgcache/2523.imgcache
هذا الطير المسمى (الرخمه)

[بوحارب]

هاهاها

اما انت يا الفهد
ضحكتني ....> فلة ذيه اللي حاطه http://www.pic4ever.com/images/25r30wi.gif

تسلم بو حروب ...> اشهالموضوع الزين ؟
الا اشبلاه الفهد يضحك :secret:

الله يسلمك يالزاجل ومرورك الزين يالحبيب ^ ــ ^

مادري اشفيه مستانس

يمكن ربح في سهم الرعاية:secret:


أحسنت في الأختيار بابا بوحارب :discuss:

منوور الموضوع يالسداوي:)

[بوحارب]

موضوع متميّز يدل على تميّز صاحبه

دايماً متميّز يابوحارب :victory:

ما عليك زود اخوي التسعه

تسلم على المرور الحلو :)


اولاً: شكراً على المعلومة المفيدة، اول مره اعرف معنى الرخوم
كلما جميلة احب اضافتها هنا
خف الله تأمن غيره
خالف نفسك تسترح.
خير الاصحاب من يدلك على الخير.
خابت صفقة من باع الدين بالدنيا.
خليل المرء دليل عقله
خوف الله يجلي القلب

العفو ولاهنت بيسان على الأبيات الجميلة:)

[الزاجل]

الله يسلمك يالزاجل ومرورك الزين يالحبيب ^ ــ ^

مادري اشفيه مستانس

يمكن ربح في سهم الرعاية:secret:



منوور الموضوع يالسداوي:)


يا فرحنا ويا سعدنا
اخيرا شفنا واحد منا وفينا ربح في الرعاية

عزوز يا عم عزوز تعاااااااااااااال

يا خم خم تعال
يا روز
يا حالي
تعالوا :telephone:

[قطر دزاين]

ذكرتني بيت شعر يردد جدي الله يرحمة

اذا رابعت فا رابع اخيار قوم ... ولا ترابع الرديان تنثني
وانظر المرء وانظر جليسهو ... فاهو من جليسه يغتدي

البيت لا اعرف من قائله

[بوحارب]

ممساك في حيدٍ طويل الحناتيف أخير مـن ممسـاك زل ٍ وفلـه
مابين هطفان الرخوم المخاصيف اللّي تعيش انفوسهـا بالمذلـه



تسلم يا بوحارب على هالإختيار الحلو :)

إلا وش سبب الإختيار :nop:




روووووعة الأبيات :nice:

الله يسلمج وسبب الأختيار حتى اتجنب (أنا) واخواني الأعضاء مخاواهـ الرخوم :)


يقولك الرفيق ما يبين غير وقت السفر وعند الشدايد
وفعلا واحد اتحسبة ذيب ووقت السفر والشدايد يطلع:secret: مب ذيب:rolleyes2:
الله يعطيك العافيه أخوي الصغير بوحارب

وقت السفر يطلع دجاجة الله يكافينا الشر

الله يعافيك اخوي العود :victory:

[بوحارب]

موضوع نادر ويا ريت تحدثنا اكثر عن الخوي,,,تعرفت على شخص من مدة وقال لي انا اريد اكون لك خوي وكان يتكلم بجدية كبيرة بصراحة ادهشتني,,,,فارجو منك ذكر بعض المعلومات فيما يخص ذلك...
وشكرا لك على مواضيعك الرائعة...
شوف هالرابط ويمكن يكون هذا هو الخوي الحقيقي:)

http://qatarshares.com/vb/showthread.php?t=229623

الله يعافيك وشاكر لك مرورك:)


http://www.tabe3e.com/vb/imgcache/2523.imgcache
هذا الطير المسمى (الرخمه)


يا خطير انتهـ :)

[بوحارب]

يا فرحنا ويا سعدنا
اخيرا شفنا واحد منا وفينا ربح في الرعاية

عزوز يا عم عزوز تعاااااااااااااال

يا خم خم تعال
يا روز
يا حالي
تعالوا :telephone:
اووووووووووووهـ الحبيب قام يصووت على شله الرعاية ههههههههههههههههه


ذكرتني بيت شعر يردد جدي الله يرحمة

اذا رابعت فا رابع اخيار قوم ... ولا ترابع الرديان تنثني
وانظر المرء وانظر جليسهو ... فاهو من جليسه يغتدي

البيت لا اعرف من قائله

الله يرحم جدك يارب

تسلم على المرور

[al.wajbah]

موضوع رررائع ..


الصراحة .. أبدعت في طرحه ..


لاهنت ..

[اكسجين]

يا بوحارب

جعل تفداك السلاتيح الرخوم... والبخيل اللي حياته في كبد... بالكفو نفخر

وتفخر كل قوم... وانت من ينصاك يبشر بالسعد.

[سيزن]

حنا مراجلنا على هبـة الريـح @ لا خالف الواجب عيال الرخومي

سلامي عليك يا بو حارب .

[لاداعي]

يعطيك العافيه أخوي بوحارب..

[بوحارب]

موضوع رررائع ..


الصراحة .. أبدعت في طرحه ..


لاهنت ..

تسلمين على الاطراء الجميل :)

[بوحارب]

يا بوحارب

جعل تفداك السلاتيح الرخوم... والبخيل اللي حياته في كبد... بالكفو نفخر

وتفخر كل قوم... وانت من ينصاك يبشر بالسعد.

تعيش ياحر تعلى المراقيب@حر ولد حر على الجم عالي

يحتار فيك الشعر تشريق وتغريب@رجل عزيز النفس مالك مثالي

تسلم اخوي اكسجين :)

[ابوسعود]

ابوحروووووووب مساك الله بالخير

موضوع رائع

عزالله صدقت والرخمه يضرك مايسرك

والرخمه ماينفع لافي رحله ولا سفر

ولا مجلس

الحي يحييك والميت يزيدك غبن

تسلم على الموضوع والابداع

اخووووووووووووووك

ابوسعوووووووود

[قطري vip]

شكلك طالع مع احد وغير مزاجك وكتبت هالموضوع بس ترى هالاشكال اتحصلها لكن الحمدلله اذا عرفته

عطه في وجهه ولا تستحي علشان يعتدل

[الفيلسـوف]

ولاياك تاخذ هرج بعض الرخومي....................الي اليا صديت بالكذب يقفاك

يعطيك العافية وبارك الله فيك اخوي بوحارب

[بوحارب]

سلامي عليك يا بو حارب .

كلك ذوق اختي سيزن :)


يعطيك العافيه أخوي بوحارب..

الله يعافيك كتكوت:)

[بوحارب]

ابوحروووووووب مساك الله بالخير

موضوع رائع

عزالله صدقت والرخمه يضرك مايسرك

والرخمه ماينفع لافي رحله ولا سفر

ولا مجلس

الحي يحييك والميت يزيدك غبن

تسلم على الموضوع والابداع

اخووووووووووووووك

ابوسعوووووووود

مرحبا ومسهلا بأخوي ابوسعووود

الله يسلمك ولاهنت على ردك الحلو يا حلو انتهـ :nice:


شكلك طالع مع احد وغير مزاجك وكتبت هالموضوع بس ترى هالاشكال اتحصلها لكن الحمدلله اذا عرفته

عطه في وجهه ولا تستحي علشان يعتدل

اممممممم

والله هالأشكال ما ينفع معاها الا الكاش ومب ةوجهة حشيمة بعد :)

تسلم على المرور يالفي اي بي ^ ــ *



ولاياك تاخذ هرج بعض الرخومي....................الي اليا صديت بالكذب يقفاك

يعطيك العافية وبارك الله فيك اخوي بوحارب

صح السانك اخوي الفيلسوف

الله يعافيك وتسلم على الرد الممتع :victory:

[яέέⓜ]

ترتبيشن

واسمح لي آزيد




مايزعلون من الصحيح الا الرخوم ابناء الرخوم
اللـي تلولـح بيـن جيـلان العـدود حبالهـا
والا القروم تشوش من قول الحقيقـة بالقـروم
وكلٍ يقـول الله يبيـض وجـه رجـلٍ قالهـا



مناسب لموضوعك..صح؟!:shy:

[بوحارب]

ترتبيشن

واسمح لي آزيد




مايزعلون من الصحيح الا الرخوم ابناء الرخوم
اللـي تلولـح بيـن جيـلان العـدود حبالهـا
والا القروم تشوش من قول الحقيقـة بالقـروم
وكلٍ يقـول الله يبيـض وجـه رجـلٍ قالهـا



مناسب لموضوعك..صح؟!:shy:

صح :)

مشكورة على الأضافة

[ورقــة أمــل]

شلتي مافيها رخميات

ثنكيووو

[بوحارب]

مشكورة على المرور كيو والله لا يرويج الرخيمات & ــ &

[شارع الأصمخ]

والله انك فنان يا بو حارب في طرح المواضيع

تسلم على الموضوع الطيب
والله يرزقني وياكم مخاواة النشامى ................................

[شاي كرك]

موفق اخوي بوحارب .. وموضوعك يحمل هدف ونصيحة قيمة .. :) لاهنت يالحربي ..وجزاك الله خير

[Q6RI-001]

يسلمووووووووو يا بو حارب على الموضوع

اي والله زادو الرخوم في هاي الوقت والزمن

وخاصه في الألفيه الجديده .. الله المستعان

والله ابتلشنا فيهم :anger1:

[Mansour_qa]

تصـدق فـي السفـر خاصـة ينكشفـون ..

وياهـي أقنعـه تطيـح ..

ومشكـور في إختيارك للموضـوع ..

[بوحارب]

والله انك فنان يا بو حارب في طرح المواضيع

تسلم على الموضوع الطيب
والله يرزقني وياكم مخاواة النشامى ................................

امين

الله يسلمك ولاهنت على ردك :)

[بوحارب]

موفق اخوي بوحارب .. وموضوعك يحمل هدف ونصيحة قيمة .. :) لاهنت يالحربي ..وجزاك الله خير

مرحبا ومسهلا بالغالي وتسلم على المشاركة :victory:


يسلمووووووووو يا بو حارب على الموضوع

اي والله زادو الرخوم في هاي الوقت والزمن

وخاصه في الألفيه الجديده .. الله المستعان

والله ابتلشنا فيهم :anger1:

الله المستعان

تسلم على المشاركة والله يبعد عنك الرخوم


تصـدق فـي السفـر خاصـة ينكشفـون ..

وياهـي أقنعـه تطيـح ..

ومشكـور في إختيارك للموضـوع ..

يقولون ماتعرف ارفيجك الا في السفر!!!!! :)

العفو وشاكر لك مرورك منصور :victory:

[بوعلي2]

موضوع طيب بوحارب

سلمت يمناك على النقل

والله لايحرمنا من جديدك

[سوبرقطري]

جزاكم الله خيرا ..

[شاهيناز]

خلني ساكته ابرك:weeping:

[بوحارب]

موضوع طيب بوحارب

سلمت يمناك على النقل

والله لايحرمنا من جديدك

العفو ولاهنت على ردك يالسنافي


جزاكم الله خيرا ..
ويجزاك بمثله

منوور


خلني ساكته ابرك:weeping:

اووووهـ

شكلج تأذيتي من الرخيمات:(

الله يعينج واذا لج خاطر تفضفضين كلنا اذان صاغية

[شاهيناز]

[COLOR="red"]اووووهـ

شكلج تأذيتي من الرخيمات:(

الله يعينج واذا لج خاطر تفضفضين كلنا اذان صاغية



و ش اقول وش افض فض ,, الرخوم يقهروني انهم يحسسوني اني ارجل منهم جذيه ماحب اتعامل معاهم ماحب اكون ولا اشعر اني خشنه لكن للاسف الرخوم غصب عني يخلوني اشعر اني خشنه بحضورهم.....وبس:weeping:

[بوحارب]

و ش اقول وش افض فض ,, الرخوم يقهروني انهم يحسسوني اني ارجل منهم جذيه ماحب اتعامل معاهم ماحب اكون ولا اشعر اني خشنه لكن للاسف الرخوم غصب عني يخلوني اشعر اني خشنه بحضورهم.....وبس:weeping:

الله يبعد عنج الرخوم ولا تشوفينهم في طريقج بعد:)

[opama]

مشكووور اخوي بوحارب على الموضوع

ولكن لية ماكتبت عن الخوي النشمي احسن من كتابتك عن الرخوم
دايما شووووف النصف الممتلىء من الكاس ولا تشوووف الفاضي
واحب اقول لك
سلامي على الطيب سلام ينوب الذات @@@ من القلب يشرح صدق الاحساس تعبيرة
يخص الرفيق اللي يبين على الشدات @@@ قوي العزايم في مقامة و تقديرة
صديق صدوق القول مايخلف الهقوات @@@ يسد اللزوم إليا عجز واختفى غيرة





منقووول

[♣شيبةالنخرة♣]

حالفن ما أرد شوري للجبـان @ مثل حلفي عن مخاواة الرخوم
ومايسبك في قفاك الا الجبان @ ((ومايذم الطيبين الا الرخوم))



يقول احد الشعراء:
ولاياك تاخذ هرج بعض الرخومي....................الي اليا صديت بالكذب يقفاك


ايه يا بوك اترك عنك الرخوم وخلك مع السنافية


الرخوم كما كلب ينبح والسنافي كما اسد يصدح


مع تحيات\


ابوك الشيبه

[بوحارب]

مشكووور اخوي بوحارب على الموضوع

ولكن لية ماكتبت عن الخوي النشمي احسن من كتابتك عن الرخوم
دايما شووووف النصف الممتلىء من الكاس ولا تشوووف الفاضي
واحب اقول لك
سلامي على الطيب سلام ينوب الذات @@@ من القلب يشرح صدق الاحساس تعبيرة
يخص الرفيق اللي يبين على الشدات @@@ قوي العزايم في مقامة و تقديرة
صديق صدوق القول مايخلف الهقوات @@@ يسد اللزوم إليا عجز واختفى غيرة





منقووول


سبق وان تكلمنا على الطيبين اللي مثلك وشرواك

تسلم على المرور الطيب ايها الرئيس الأمريكي :eek5:

حالفن ما أرد شوري للجبـان @ مثل حلفي عن مخاواة الرخوم
ومايسبك في قفاك الا الجبان @ ((ومايذم الطيبين الا الرخوم))



يقول احد الشعراء:
ولاياك تاخذ هرج بعض الرخومي....................الي اليا صديت بالكذب يقفاك


ايه يا بوك اترك عنك الرخوم وخلك مع السنافية


الرخوم كما كلب ينبح والسنافي كما اسد يصدح


مع تحيات\


ابوك الشيبه

مشكور على المرور باباتي:shy: