التوظيف في النيابة العامة

[قطري مغامر]

]مرحبا يا أخوان عندي واحد من الاصدقاء مقدم على النيابة العامة ومحتار ما يعرف عنها أي شي من ناحية
1- الدرجة الوظيفية - ثانوية عامة
2- الراتب - متزوج
3- الترقيات من درجة الى درجة

اتمنى الافادة لكي تعمم الفائدة لصديقي وللاخوان ايضاً[/size]

[وتبقى الدنيا حلوه]

صعب التوظيف عندهم

اسالني قدمت عندهم و في الجنايات والله ماخليت حد الا وكلمته عقب طنشت :(

[وتبقى الدنيا حلوه]

بس انشالله ربي يوفق رفيجك

وينكم يا اعضاء همتكم

[Grnas]

وشو تخصص رفيجك؟

[رجل الجزيرة]

أنصحك إنك تخلي النيابة العامة
والسبب إن الواحد منهم إذا في إجازة مرضية إقطعوا عنه العلاوات ماعدا الراتب الأساسي والعلاوة الزوجية فقط.

[سوق واقف]

إن شاء الله يتوظف يا خوي بعطيك علاج للخير

والله العظيم صلاة الفجر فيه الخير الكثير جرب تصلي في جماعه الفجر وشوف

[الـقـاسـي]

]مرحبا يا أخوان عندي واحد من الاصدقاء مقدم على النيابة العامة ومحتار ما يعرف عنها أي شي من ناحية
1- الدرجة الوظيفية - ثانوية عامة
2- الراتب - متزوج
3- الترقيات من درجة الى درجة

اتمنى الافادة لكي تعمم الفائدة لصديقي وللاخوان ايضاً[/size]

شوف أخوي سابقا كان الثانويه على الدرجه العاشره ..

لكن الحين صار على التاسعه .. حسب قانون الموارد البشريه الجديد ..

وفيه إداري أو كاتب تحقيق .. طبعا راتب كاتب التحقيق أحسن ..

طبعا راح يحطونه كاتب تحقيق مسمى وظيفي يعني .. لان النقص في هالوظيفه ..

الدوام من 7.30 الى 2 ..

الراتب حسب ماسمعت أنه قريب 12 الف ممكن ينقص 200 ريال تقريبا

هذا للعزوبي .. متزوج طبعا يزيد ممكن يوصل 15 او 16 بهالحدود ..

الترقيات طال عمرك أسهل من باقي الوزارات والجهات الحكوميه ..

يعني اذا كنت ملتزم بالدوام الرسمي وشاد حيلك في سنتين ممكن تترقى عادي ..

طبيعه العمل حسب القسم اللي بيحطونك فيه .. لكن بشكل عام مافي ضغط كبير ..

بيكون عندك يوم تقريبا في الشهر اسمه نيابه مسائيه تداوم من 6 الى 10 أو يومين وهذي

ناادرا ماتصير .. وتاخذ عليها 40% علاوه .. بإمكانك ماتحظر لاكن راح يخضم منك عمل

إظافي ال 40% اللي يطلع تقريبا 2400 ريال ..

إذا في أي سؤال ثاني أنا حاظر .. واذا ماقبلو صاحبك أو أخرو إجرائاته قولي وفالك طيب ..

نمون على الشباب هناك وبيتوظف ان شاء الله ..

[الـقـاسـي]

صعب التوظيف عندهم

اسالني قدمت عندهم و في الجنايات والله ماخليت حد الا وكلمته عقب طنشت :(

من قال أنه صعب .. بالعكس ترى ممكن شوي يتاخر بس مب صعب ..

[حقيقه]

الله يوفقه
ويوفقنا
ويقبلوني بالمكان اللي ابيه
بس المشكله الواسطه :weeping:

[قطري مغامر]

انا شاكر ووجزاكم الله الف الف الف خير على الردود وبالنسبة للاخ القسا كفيت ووفيت وبيض لله وجهك الرجال اوراقه عندهم واذا تعقدات الامور لا سمح الله بيني وبينك اتصل بذن الله

واسف على التاخير بسبب ضروف العمل

[um abdulla]

من قال أنه صعب .. بالعكس ترى ممكن شوي يتاخر بس مب صعب ..

ليش يتأخر ؟؟

[ROSE]

ليش يتأخر ؟؟

عشان يبحثون عن الشخص عدل ويعرفون تاريخه من بداية مولده لين الحين :secret:

[قطري مغامر]

عشان يبحثون عن الشخص عدل ويعرفون تاريخه من بداية مولده لين الحين :secret:

لا بحثوء في تاريخه عزتي توظف صديقي ؟؟؟؟ :rolleyes2:

[um abdulla]

عشان يبحثون عن الشخص عدل ويعرفون تاريخه من بداية مولده لين الحين :secret:

يعني لو عبد الله ولدي تقدم للعمل في النيابة على سبيل المثال
هل ستقف مشاركاتي في منتدى الاسهم حجر عثرة في طريق دخوله الى النيابة العامة ؟؟

[ROSE]

لا بحثوء في تاريخه عزتي توظف صديقي ؟؟؟؟ :rolleyes2:

:secret: ليش شمسوي ههههههههههههههههه


لازم يبحثون اخي وهالشي طبيعي

[ROSE]

يعني لو عبد الله ولدي تقدم للعمل في النيابة على سبيل المثال
هل ستقف مشاركاتي في منتدى الاسهم حجر عثرة في طريق دخوله الى النيابة العامة ؟؟

ليش بخصوص مشاركاتج اشوف مافيها شي ممكن ينافي ومتطلبات العمل

بس مادري بصراحه شنهي مقاييسهم للاختيار او الرفض


بس اتوقع اكثر شي البحث يرتكز على الجانب الجنائي

[um abdulla]

ليش بخصوص مشاركاتج اشوف مافيها شي ممكن ينافي ومتطلبات العمل

بس مادري بصراحه شنهي مقاييسهم للاختيار او الرفض


بس اتوقع اكثر شي البحث يرتكز على الجانب الجنائي


مسا الفل يا روز
سألتك علشان اسمّع ناس ثانيين
وشكرا اجابتك صح :nice:

[سهم مديون]

إذا على الكادر المدني بيكون مثل الوزارات اما إذا على كادر وكلاء النيابة بيكون وضعه على كادر خاص:)