هل ترون ان ذوي الاحتياجات الخاصه ماخذين حقوقهم ام حقوقهم مسلوبه

[غير البشر]

السلام عليكم

طبعا عنوان الموضوع واضح


واحب اضيف بعض الحقوق لذوي الاحتياجات الخاصه

وهي : نظره المجتمع لهم ، حقوقهم في الوظيفه ، حقوقهم في الرعايه ، والتعليم


وغيرها من الحقوق ام انها مسلوبه

ياليت لو نشوف الموضوع من كل جوانبه

[هذلان]

السلام عليكم

من وجهة نظري والله اعلم انهم ماخذين حقوقهم الى حد ما . من ناحية التوظيف مره شفت شخص مقعد موظف بداله في مؤسسه حكومية.

اما بالنسبة للرعاية الصحيه . اكاد اجزم ان ذوي الاحتياجات الخاصه في قطر سواء قطري او مقيم .. يحصل على راعيه طبيه لامثيل لها .

ولكن للاسف حقهم مهظوم في المواقف العامه للاسف .. مثلا في الستي تلقى مواقف المعاقين متروسه سيارات وكلها بدوت ستكر المعاقين.. هذي اعتبرها قله ادب بصراحه .
فتخيل نفسك بعيد الشر معاق وعندك سياره و الحكومه جزاها الله خير موفرتلك موقف مخصص و تلقى واحد صاحي ماخذ موقفك .. يظطر المعاق يوقف بعيد ؟

[a.a.a.qatar]

قبل ما نحاسب المجتمع اذا كان معطي ذوي الاحتياجات الخاصة حقوقهم وإلا لا ؟ لازم نحاسب اهل ذوي الاحتياجات الخاصة لأن بعضهم الله يهداهم يتعرون منهم ويخشونهم !!!!!!!!!! حابسينهم مع الخدامه في البيت لا طلعه ولا شي وإذا فكروا يطلعونهم خلوا الدريول والا الخدامه معاهم وبس !!!!!!!!!! بس في فئة بسيطه والحمدلله ما تخجل من هالشي بالعكس انشوفهم في المجمعات مع عيالهم من ذوي الاحتياجات الخاصة يطلعونهم ويودونهم ويقعدون معاهم قدام الكل ما يخجلون ولا ينحرجون بالعكس يتفاخرون بنعمة رب العالمين لهم ... والله ذولي الناس احطهم على راسي واقدرهم لانهم برعايتهم لعيالهم ذوي الاحتياجات الخاصة يزرعون الثقه في عيالهم وينمون الروح الاسري لهم
ومن ناحية حقوقهم في المجتمع في اماكن الحمدلله تعطي هالحقوق بصفة كامله وبعض الاماكن للحين ... بس نتمنى ان شاء الله تتغير نظرة الناس لاخوانا وخواتنا ذوي الاحتياجات الخاصة لانهم بشر مثلنا ما يفرقون عنا وبالعكس يمكن اعاقتهم تدفعهم للعطاء اكثر منا احنا الاصحاء
والله يشفيهم يارب وتسلم اخوي على هالموضوع

[ابـو مــحــــمـــــد]

والله ياخوك لا مب ماخذين حقهم

بنسبه للدوله لا والله الا ماقصرت وعملت لهم الشي الكثير

ولكن المصيبه في الي ينفذون الامر القصور فيهم

يعني لو بنتكلم عن مركز العلاج الطبيعي وهو شي مهم مافيه من الاطباء الكفايه
علشان يكفون العدد الهائل من ذوي الاحتياجات الخاصه
اعتقد فترة ساعه علاج طبيعي مرتين في الاسبوع ماعتقد انها تسوي شي في المريض
لان العلاج الطبيعي يبي له متابعه يوميه ومكثفه

المجلس الاعلى والمدارس المستقله

انا بنتي ومعها مايقارب 30 طالبه من نفس الحاله جلسو شهرين من بداية الفتره الدراسيه
مب عارفين اي مدرسه تقبلهم والمشكله بعد ماقبلتهم المدرسه المستقله بعد اسبوعين
متصلين في اولياء امورهم يقولون لهم تعالو خذو ملفاتهم وشوفو لهم مدرسه تقبلهم
وفي الاخير تقبلهم مدرسه حكوميه والدرسه في غرف بورت كابن

الاجهزه الطبيه من كراسي و اسره ومشيات غير متوفره ومن الصعب الحصول عليها
واذا حصلت علي شي منها تكون بسعار مرتفعه يصعب على الواحد يشتريها

الخطوط القطريه مالها اي دور ترويجي لذوي الاحتياجات الخاصه
والمشكله اذا تجيب لهم بطاقة جمعية قطر لذوي الاحتياجات الخاصه تطلع عليك التذكره اغلى

وفيه اشياء كثيره وكثيره لكن وشنسوي مع ها المسوالين