+++ السرعة 80 ك / س لطريق الشمال ،، والله يعين الجميع +++

[jajassim]

تنسيق الجهود بين لجنتي طريق الشمال بالداخلية والمجلس البلدي


http://www.moi.gov.qa/site/arabic/resources/images/2009/04/07_12344.jpg





نظمت إدارة أمن الشمال صبـاح يـوم الاثـنين المـوافق 6 / 4 / 2009 اجتماعا مشتركا بين لجنة مشروع طريق الشمال التي يترأسها العقيد / علي محمد النعيمي مدير إدارة أمن الشمال ولجنة طريق الشمال العام المكونة من عدد من أعضاء المجلس البلدي.

حضر الاجتماع عدد من ممثلي لجنة مشروع طريق الشمال العام وكل من السادة أعضاء المجلس البلدي السيد/ سيف علي النعيمي , والسيد/ صقر المهندى , والسيد/ محمد خميس وذلك بهدف تنسيق الجهود بين اللجنتين فيما يتعلق بإجراءات السلامة على طريق الشمال العام في ظل أعمال التطوير التي يشهدها الطريق حاليا.

في بداية الاجتماع أكد العقيد / علي محمد النعيمي على أهمية التنسيق والتعاون بين كافة الأطراف المعنية والجهات المختلفة من أجل تحقيق أفضل النتائج والوصول إلى الحلول التي تضمن سلامة مرتادي طريق الشمال العام وكذلك عدم تعطيل المشروع أو تأخيره.

واطلع أعضاء المجلس البلدي على الجهود التي بذلتها اللجنة منذ تأسيسها وأهم التوصيات التي أصدرتها والأعمال التي قامت بها الشركة المنفذة للمشروع استجابة لتوصيات اللجنة، كما دارت نقاشات مطولة بين أعضاء المجلس البلدي وممثلي هيئة الأشغال العامة والشركة المنفذة للمشروع واستشاري المشروع حول بعض الأمور الفنية في تنفيذ المشروع ،

وأبدى أعضاء المجلس عددا من الملاحظات أكد خلالها رئيس لجنة مشروع طريق الشمال أنها سوف توضع في الاعتبار ومنها ضرورة الاستمرار في زيادة أعمدة الإنارة على التحويلات والتقاطعات وزيادة عدد الإشارات التحذيرية وزيادة عدد الفتحات في بعض مناطق المشروع.

وفى إطار الوصول إلى حلول أفضل وعدت الشركة المنفذة بعمل حلول فنية تضمن انسيابية حركة السير وعدم إلغاء مسار الطوارئ.

من ناحيته قدم العقيد / علي محمد النعيمي الشكر لأعضاء المجلس البلدي لسرعة استجابتهم وتلبيتهم للدعوة لحضور الاجتماع المشترك مثمنا حرص الجميع على توحيد الجهود والسعي نحو انجاز مشروع طريق الشمال على الوجه الأكمل.

وكرر رئيس لجنة مشروع طريق الشمال مناشدته لجميع مرتادي طريق الشمال العام بأهمية أخذ الحيطة والحذر والالتزام بالسرعة المحددة على الطريق

وهى 80 كلم / ساعة للسيارات الخفيفة

و60 كلم / ساعة للشاحنات والحافلات

والالتزام بقواعد السير والإشارات التحذيرية والمرورية على الطريق.


منقول من موقع وزارة الداخلية

[::.Silent.::]

ليش هالكرم

80

!!

متى تبونا نطلع من البيت عشان نوصل راس لفااااان

4 الفجـــر ؟؟؟

[Only Me]

اشدعوا 80
خط الوكرة الي كيلويين 120
خط الشمال 80 متى بنوصل عيل بعد يومين

[بو الجوري]

:eek5:

[dewyguy]

الظاهر لو نروح مشي بنوصل اسرع

[skyjacker]

يمكن المقصود 180 او في روايه اخرى 280

لانه 80 هالسرعه مايبيلها سياره سيكل كفايه اتوقع

هههههههههههههه

[سداوي&مدريدي]

اما 80 الصراحه شوي متى الواحد بيوصل ؟

عيل مافي الا الحل الي فبالي نغطي رقم السياره لين نوصل :D

[::.Silent.::]

ذكرتوني بالصعايده

اللي عندهم حفره كبيــــره في القريه و مب قادرين يدفنونها .. راحوا و بنوا مستشفى حذاها .. عشان اللي يطيح ياخذونها على طوووول المستشفى !!!

و احنا بدل ما نوقف الشاحنات في ساعات الذروة .. شنسوي: نخفض السرعة الى 80

حشى نمشى في الفريج احسن

[dewyguy]

اما 80 الصراحه شوي متى الواحد بيوصل ؟

عيل مافي الا الحل الي فبالي نغطي رقم السياره لين نوصل :D


هههههههههههههههههههههههههههههههههههههههههه
:nice::nice::nice:

[سداوي&مدريدي]

هههههههههههههههههههههههههههههههههههههههههه
:nice::nice::nice:

اعجبتك الحركه صح

خلاص بقص كرتون على مقاس اللوحه

وبحط فيه اسيام عشان اثبته

:nice:

[q6ri_vip]

وشوالمقصد من تخفيض السرعه الى 80 ؟

يعني بتقلل من الحوادث ؟

صدقوني لو يسوون تحويلات وأناره صح عند التحويلات مب كشافات ملعب ضاربه في الويه

تخلي الواحد يغمض عينه وهو يسوق لين مايدش في اللي قدامه . كانت بتقلل من الحوادث لكن شنقول .

لأن بالعقل 80 بتسبب حوادث أكثر والايام جايه .

[Nasser2006]

مشرف المنتدى العام راح يغلق الموضوع ، على ما أعتقد!!!!!

[السهم الحلال]

دليل على الفشل

[دوحة الجميع]

اعتقد أن سرعة طلال منصور ( بطل قطري سابق في سباقات العدو ) أكثر من 80 كيلو متر في الساعة

[اّل ثاني 77]

بالعكس اقتراح عبقري
بس ناقص يفتحون فندق على الخط عشان الواحد يمسي فيه إذا حل عليه الليل
يعني لوواحد راح الشمال ورجع يمكن اهلة مايعرفون من طول الفراق:rolleyes2:
جاسم ارحمونا :anger1:

[همس العيون]

80 عاد متى بنوصل

[فتى الجود]

80

80

80

80

81=500

والله بيربحون

[فلفل حار]

بصراحه انا مع هالقرار

لانه في الاول والاخير لمصلحتنا

والشارع مكسر والله كم مره اكون سايق 120 ولاصق في ألي جدامي وفجأه أنصدم أنه في لفه جديده او تحويله او الموتر يترضخ ويخضخضني انا وألي معاي بالموتر من عمق الحفر

الافضل تعاون المواطنين والمقيميين مع هالوضع ....

وان شاء الله تفرج بأسرع وقت

كفايــة سرعه وحوادث وألي يرحم والديكم .... راحو اغلى الناس وربعنا علي هالخط ....:(

[amal qatar]

بالعكس احسن شي سووه .. الصراحه الطريق يخوف .. وبعض من الشباب الله يهداه طاااااااااير طيرااااااااان ويطير قلوبنا معاه ..

[Khaled Qatar]

وشوالمقصد من تخفيض السرعه الى 80 ؟

يعني بتقلل من الحوادث ؟

صدقوني لو يسوون تحويلات وأناره صح عند التحويلات مب كشافات ملعب ضاربه في الويه

تخلي الواحد يغمض عينه وهو يسوق لين مايدش في اللي قدامه . كانت بتقلل من الحوادث لكن شنقول .

لأن بالعقل 80 بتسبب حوادث أكثر والايام جايه .

اما ضاربه في الويه صدقت يا خوي وأنا وايد أعاني من هذا الشي اتم مغمض عيني لين اطوفها

الله الحافط

[Khaled Qatar]

بصراحه انا مع هالقرار

لانه في الاول والاخير لمصلحتنا

والشارع مكسر والله كم مره اكون سايق 120 ولاصق في ألي جدامي وفجأه أنصدم أنه في لفه جديده او تحويله او الموتر يترضخ ويخضخضني انا وألي معاي بالموتر من عمق الحفر

الافضل تعاون المواطنين والمقيميين مع هالوضع ....

وان شاء الله تفرج بأسرع وقت

كفايــة سرعه وحوادث وألي يرحم والديكم .... راحو اغلى الناس وربعنا علي هالخط ....:(

انا بعد أيد القرار بس لو خلوها 100 أفضل

[السد]

عقبال طريق سلوى يسوون فيه السرعة 50 كم
ومسيعيد 30 كم
ودخان 10 كم

[تاجر البواخر]

وين العداله في السرعه 80 كلم خط الشمال

خط مسيعيد 120 كلم

أنا ادري أن السرعه بتكون بس عند الكاميرات 80 كلم وعقبها شوفوا الامسابق

هههههههههههههههههههههههههههههههههههههههههه

والله شي يدلدغ

[Mansour_qa]

بصراحه انا مع هالقرار

لانه في الاول والاخير لمصلحتنا

والشارع مكسر والله كم مره اكون سايق 120 ولاصق في ألي جدامي وفجأه أنصدم أنه في لفه جديده او تحويله او الموتر يترضخ ويخضخضني انا وألي معاي بالموتر من عمق الحفر

الافضل تعاون المواطنين والمقيميين مع هالوضع ....

وان شاء الله تفرج بأسرع وقت

كفايــة سرعه وحوادث وألي يرحم والديكم .... راحو اغلى الناس وربعنا علي هالخط ....:(

اللفات الجديده مافـي توعيـه من إدارة المرور على شكـل خط الشمال مع التحويلات وغيرها وبعدين بدل مايتعاونون على تقليل السرعة يتعاونون على سد الحفر ، كثـرة الإشارات التنبيهيه من مسافة كافيـة ، وضع مطبات تخفيف سرعة ، تقليل أو عدم السماح للشاخنات بالسير وقت الذروة ، تعديل الإنارات فوراً وليـس الدراسـة ثم الإستشارة ثم التعاقد ثم التعديل البطيئ ,, :anger1:

وبعديـن شنـو 80 ..!:telephone:

والله يرحم جميع موتـى المسلمين ، والأعمار بيد الله ..

[ANONYMOUS]

انا مع هالقرار

وخصوصا اني ماروح صوب الشمال إلا نادرا..

:p

[الزاجل]

مع هالقرار وخاصة ان الشارع غير صالح للاستخدام البشري..

بس لو انهم يعدلون من زاوية الانارة اللي اتبط العين عند الانحناءات
يكون افضل للعيون ..

[بوعلي2]

80؟

متى بيوصل الواحد

انا واحد اسوق 120 والله الحافظ لان لو اسوق 80 شكلي باوصل بعد 4 ساعات

[LionFish]

يعني اللي كان يقبض الخط لمدة 30 دقيقة على سرعة 120 كم\س
بيوصل نفس المكان بعد 45 دقيقة على سرعة 80 كم\س

ربع ساعة رايح وربع ساعة جاي.. هذي نص ساعة..

يعني اللي يبي يضيع نص ساعة من حياته يمشي 80
واللي يبي يضيع فلوسه يمشي فوق ال80
واللي يبي يضيع حياته يمشي 120

في كل الحالات احنا خسرانين.. بس خسارة عن خسارة تفرق :(

[alkaabi]

قرار مجحف بصراحة

مب ذنبنا التحويلات التعبانة اللي سووها

سوو تحويلات مثل الناس وبتخف الحوادث

هذي ضريبة التحويلات المميتة من قبل الشركة المنفذة

[وتبقى الدنيا حلوه]

شدعوووووووووووووووووووووووووووووووووه

[كاتم الاسرار]

اشدعوه 80 كيلو وخط الشمال شكلهم مايعرفون خط الشمال حسبالهم 40 كيلو وباقي الخطوط 120 خاطري اعرف اشلون يحطون النظام مافي واحد على الاقل يفهمهم ان 80 حق الشاحنات مش السيارات الصغيره الله يعيييييييينا والله ارقاااااااااااااااد على الخط

[skyjacker]

يعني اللي كان يقبض الخط لمدة 30 دقيقة على سرعة 120 كم\س
بيوصل نفس المكان بعد 45 دقيقة على سرعة 80 كم\س

ربع ساعة رايح وربع ساعة جاي.. هذي نص ساعة..

يعني اللي يبي يضيع نص ساعة من حياته يمشي 80
واللي يبي يضيع فلوسه يمشي فوق ال80
واللي يبي يضيع حياته يمشي 120

في كل الحالات احنا خسرانين.. بس خسارة عن خسارة تفرق :(


كلامك صحيح اخوي بالنسبه للي يسوق 80 بيوصل خلال 45 دقيقه مثلن واللي يسوق 120 بيوصل بعد نص ساعه

هذا اذا كنت تستخدم خط الشمال مره في الشهر نقوووول

لكن نفس حالتي يومياااااااااااا خط الشمال رايح جاااااي بحكم العمل والله ملللللللللللللللللللللللللل

خلاص تعودت اذا ما اشوف الجييييج على 180 تصيدني حكه في ريوووولي ههههههههههههههههه وخاصه الابهام :victory:

[OTOsan]

يعني اللي كان يقبض الخط لمدة 30 دقيقة على سرعة 120 كم\س
بيوصل نفس المكان بعد 45 دقيقة على سرعة 80 كم\س

ربع ساعة رايح وربع ساعة جاي.. هذي نص ساعة..

يعني اللي يبي يضيع نص ساعة من حياته يمشي 80
واللي يبي يضيع فلوسه يمشي فوق ال80
واللي يبي يضيع حياته يمشي 120

في كل الحالات احنا خسرانين.. بس خسارة عن خسارة تفرق :(


عجبني هذا التقسيم :)

الله يعين اللي يسوقون في هالخط .. احس بيكونون بين نارين .. التاخير والرادار @@

[ام محمد 83]

يمكن المقصود 180 او في روايه اخرى 280

لانه 80 هالسرعه مايبيلها سياره سيكل كفايه اتوقع

هههههههههههههه

هههههههههههههههههههههههههههههههههههههههههههههاي

[حقيقه]

الحين بيستانسون بعض الحريم اللي يستخدمون الخط :p

[Bu Rashid]

يمشوووووووون على بيض .... :anger1:

[..أم خليفة..]

ينوا والا ينوا ذول؟؟

وهل الشمال مساكين شيسوون؟؟ واللي بيي الدوحة عنده موعد والا عنده شغل الصبح متى يطلع؟؟

ما تسوى الصراحة.. قلنا عدلو الشارع ادمروه.. واترسوه شاحنات.. وردو قالو خفوو السرعه؟؟!! وبعدين؟

[skyjacker]

ينوا والا ينوا ذول؟؟

وهل الشمال مساكين شيسوون؟؟ واللي بيي الدوحة عنده موعد والا عنده شغل الصبح متى يطلع؟؟

ما تسوى الصراحة.. قلنا عدلو الشارع ادمروه.. واترسوه شاحنات.. وردو قالو خفوو السرعه؟؟!! وبعدين؟



حلوووه ينوا والا ينوا
اعتقد ينوا الاولى ههههههههههههههههههه

والله انا اقترح يسووون قطار من مدينة الدوحه لين مدينة الشمال ويكون في محطات طبعا
في الخريطيات وام صلال وام قرن وام العمد وسميسمه الخ..... لحد يتطنز او يضحك
ليش لا نبي قطااااااااااااااااااااار نبي نسمع طووووووووط طووووووووط
ونبي نسمع عيالنا يغنون انا القطار السريع طوط طوط امشي ولا استريح طوط طوط

مجرد اقتراح

[خبير أقتصادي]

كلام غريب من المرور
ليش 80
خايفين على أرواح الناس
إفتحوا خط الخور الجديد للشاحنات لأن محد مسبب الحوادث إلا الشاحنات و بالرغم من التصليحات و ضيق خط الشمال لازلتم توجهون الشاحنات بأتجاة الخط القديم .. هل الشارع الجديد أهم من أرواح البشر
المثل يقول إذا أرت أن تطاع أطلب المستطاع و صدقوني إلي بيلتزمون ناس تنعد باليد لأنها صعبة لسكان الدوحة و الموظفين بالشمال وراس لفان أو الساكنيين بالشمال و الموظفين بالدوحة لأنة حدث يومي ومن الصعب تخفيظ السرعة الى 110 فما بالكم بال80

[وحيد-الشوق]

ههههههههههههههه

ماشاء الله 80 كيلو ايش هالكرم الي نازل << :secret:

ياخوفي خط بوسمرة يخلونه 80 :rolleyes2:

يعطيك العافية اخوي جاسم :)

[وحيد-الشوق]

اعتقد أن سرعة طلال منصور ( بطل قطري سابق في سباقات العدو ) أكثر من 80 كيلو متر في الساعة


عقبال طريق سلوى يسوون فيه السرعة 50 كم
ومسيعيد 30 كم
ودخان 10 كم

ههههههههههه

ردود هالمنتدى تضحك والله

[jajassim]

يسعدني مروركم وترحيبكم :nice:



بس بدون تعليق ،، :whistling:

[جمال اليافعي]

بصراحه انا مع هالقرار

لانه في الاول والاخير لمصلحتنا

والشارع مكسر والله كم مره اكون سايق 120 ولاصق في ألي جدامي وفجأه أنصدم أنه في لفه جديده او تحويله او الموتر يترضخ ويخضخضني انا وألي معاي بالموتر من عمق الحفر

الافضل تعاون المواطنين والمقيميين مع هالوضع ....

وان شاء الله تفرج بأسرع وقت

كفايــة سرعه وحوادث وألي يرحم والديكم .... راحو أغلى الناس وربعنا علي هالخط ....:(

ليش يعني لاصق , ناوي على حادث , المفروض من 15 لـ 20 متر مسافه ولا جاعد تتسابق

[Ross]

يعني لو بيتنا في الوكير اوصل لفان

امممممممم تقريبا بعد 3 ايام

شي حلو

[الخطاب]

يمكن المقصود 180 او في روايه اخرى 280

لانه 80 هالسرعه مايبيلها سياره سيكل كفايه اتوقع

هههههههههههههه

ههههههههههههههههه الله يقطع ابليسك
اي والله قالي شو قالي 80 هذي وين اصرفه لهم:tease:

[..أم خليفة..]

حلوووه ينوا والا ينوا
اعتقد ينوا الاولى ههههههههههههههههههه

والله انا اقترح يسووون قطار من مدينة الدوحه لين مدينة الشمال ويكون في محطات طبعا
في الخريطيات وام صلال وام قرن وام العمد وسميسمه الخ..... لحد يتطنز او يضحك
ليش لا نبي قطااااااااااااااااااااار نبي نسمع طووووووووط طووووووووط
ونبي نسمع عيالنا يغنون انا القطار السريع طوط طوط امشي ولا استريح طوط طوط

مجرد اقتراح


لا كلش يعني لين سوو قطار بيركبون فيه؟؟

زين واللي ركب القطار من الشمال لين الدوحة ويبي يروح السوق ويتفرفر فالدوحة شيسوي؟؟ من وين اييب سيارة؟؟ يقلصها فالقطار من ورا؟؟

[الموضوعي]

طيب طريق سلوي عقب ماخلص المفروض يعدلون السرعة كما هو معمول في دولة الإمارات الذكية إلى 140 كيلومتر في الساعة ، لكن ربعنا كل تفكيره فلوس فلوس فلوس فلوس فلوس

[وطن]

هل تعلم

أن الرقم 80 هو الرقم المفضل لدى ادارة المرور

ويستخدم في كل لوح السرعه داخل وخارج المدن



:tease:



الله كريم

[زقرتي]

انا عندي اقتراااح احسن

يمنعون الشاحنات على خظ الشمال

ويبدلونها بحناطير



واركب الحنطوووور واتحنطر

قال ايش قال 80

انا احلف الي حط القرار ما يروح الشمال ولا عنده اهل ولا شغل فيه

[قطري vip]

بس عاد لاتكون كذبة ابريل

[hqaheri]

لا كلش يعني لين سوو قطار بيركبون فيه؟؟

زين واللي ركب القطار من الشمال لين الدوحة ويبي يروح السوق ويتفرفر فالدوحة شيسوي؟؟ من وين اييب سيارة؟؟ يقلصها فالقطار من ورا؟؟

ردك ياام خليفه،،،،، عور بطني من ضحك والله طير النوم من عيني :nice::nice::nice: