هل أنت ... مع أو ضد ..... العنـــــــــــه ....؟

[قطـــركوم]

السلام عليكم
سؤال واضح ، انت مع:discuss: أو ضد :mad:...؟!
الواحد يتملل :weeping: و يزهق ، و يبي يطلع يغير جو :tease:، و يستانس مع الربع :dance، وسيلين حلوه ، وفويرط ، و و و و ...
لكن بعد كل إلى سمعناه من أمور تصير داخل هالعنن إنت وش موقفك منها ؟؟
مأيدها وإلا إنها تنشال أبرك ؟؟
المشكله وين ؟؟
إن هالأماكن تكون حلوه ، والجلسه فيها تشرح الصدر ، بس للأسف بعض الشباب :sneaky: الله يهدينا وياهم ، ياخذون هالأماكن ، أوكار خراب ، ودعارة ، و تعاطي للمسكرات ، و هالأمور إلى ما تخفى على أحد .. صحيح ممكن حد يقول الخراب في كل مكان ... اي نعم صحيح ، بس تكون مستورة عن الناس ، وانت مهما حاولت ما راح تلحق الناس في كل مكان و تابعهم ، بس على الأقل ، مهوب الواحد ياخذ له مكان ، و يضبط فيه ، و يسوي حركات ، و في الأخير ، يخرب جهده و فلوسه بهالافعال !! :anger2:و شنو ... تكون قدام كل الناس ..؟
صار الواحد يتجنب ياخذ هله بعض المناطق عشان فيها عنن !! و هذا من حقه .. من زود ما يسمع وش يصير فيها ، و المضايقة إلى يسونها بعض الشباب الله يصلحنا وياهم من مغازل و هالحركات ...
أنا من رأيي تكون فيه رقابة صارمه على مثل هالأماكن ، بحيث تتواجد الدوريات بشكل مستمر حول المناطق المسموحة فيها هالعنن ، و ما تكون مغلقة بشكل تام ، بحيث ما تعرف وش يصير حولها ؟؟ شفت عنه حق واحد من الشباب ، قلت له هذه عنه وإلا بيتكم ؟؟؟
من كثر ما هو مصكرها صححححححححح من كل جهه !
اشدعوه انت طالع تستانس و تشوف الدنيا وإلا طالع ميلس بيتكم ؟؟
عالعموم خلونا نعرف وش الأراء إلى عندكم ؟؟
مع ... أو ... ضد ؟؟

وسلامي .:cool:

[حبر سري]

اخوي انت مع ولا ضد قيادة السيارات؟؟؟

لان في شباب ماخذين السيارات مسابق وتحفيص

وشرايك؟

[قطـــركوم]

الله يحييك اخوي حبر سري ..
طبعا انا مع قيادة السيارات لا مجال لرأي ثاني .. بس ضد التحفيص والمسابق ..
و الدوريات ما تقصر في المتابعه في مجال القيادة ..
و شفنا قوانين المرور الأخيرة ، وشكثر قللت من الحوادث و الأخطاء إلى تصير في الطريق ..
بس بقولك شي اخوي ..
القيادة أمر لابد منه ، يعني مستحيل تقدر تستغني عن السيارة ، وإلا شلون بتروح و تتنقل من مكان لمكان ؟؟ بالسيكل مثلاً ؟؟
يعني القيادة ماعليها إشكال .. مع وبكل إصرار بعد ..
بس ما أحط القيادة مقارنة مع العنه ..!!
مثل ما قلت القيادة ما تقدر تستغني عنها .. لكن العنه ؟؟ هل هي شيء أساسي ؟؟؟
يعني مثلاً لو مافي عنه ، خلاص مافي وناسه في البلاد ؟؟
خلصت باقي أماكن الترفيه عندنا في الدوحه ؟؟؟
طبعا لا ...
بس مع هذا برجع وأقول .. صحيح ما نقدر نتابع أول بأول ... بس على الأقل ممكن تكون هناك قوانين تحد من هالافعال إلى تصير فيها ، مثل ما هناك قوانين حدت وبشكل ملحوظ جداً من حوادث الطريق ...


وشكرا على مرورك اخوي ... تسلم .


وسلامي .

[hemoud123]

انا ضد التدخل في الخصوصيات

[حبر سري]

الله يحييك اخوي حبر سري ..
طبعا انا مع قيادة السيارات لا مجال لرأي ثاني .. بس ضد التحفيص والمسابق ..
و الدوريات ما تقصر في المتابعه في مجال القيادة ..
و شفنا قوانين المرور الأخيرة ، وشكثر قللت من الحوادث و الأخطاء إلى تصير في الطريق ..
بس بقولك شي اخوي ..
القيادة أمر لابد منه ، يعني مستحيل تقدر تستغني عن السيارة ، وإلا شلون بتروح و تتنقل من مكان لمكان ؟؟ بالسيكل مثلاً ؟؟
يعني القيادة ماعليها إشكال .. مع وبكل إصرار بعد ..
بس ما أحط القيادة مقارنة مع العنه ..!!
مثل ما قلت القيادة ما تقدر تستغني عنها .. لكن العنه ؟؟ هل هي شيء أساسي ؟؟؟
يعني مثلاً لو مافي عنه ، خلاص مافي وناسه في البلاد ؟؟
خلصت باقي أماكن الترفيه عندنا في الدوحه ؟؟؟
طبعا لا ...
بس مع هذا برجع وأقول .. صحيح ما نقدر نتابع أول بأول ... بس على الأقل ممكن تكون هناك قوانين تحد من هالافعال إلى تصير فيها ، مثل ما هناك قوانين حدت وبشكل ملحوظ جداً من حوادث الطريق ...


وشكرا على مرورك اخوي ... تسلم .


وسلامي .

اخوي حتى الترفيه عن النفس ضروري ولا الواحد بيمل ويكره حياته
(روّحوا القلوب ساعة بعد ساعة فان القلب اذا اكره عمي)

لكن المبدأ واحد:
كل شي له منافع ومضار

لكن اذا كانت المضار اكثر من المنافع , فالمفروض وقف هذا الشئ

القاعدة بسيطة وواضحة


لكن اذا في كل شئ ركّزنا على السلبيات , فأكيد المفرضو نمنع كل شئ , قيادة السيارات لانها ممكن تجلب الحوادث , السفر بالطائرة لان احتمال الطائرة تقع!! بيع السكاكين لان احتمال تستخدم في ارتكاب جريمة!!
وهلم جرّا

لكن احنا اللي نحوّل الشئ من مفيد الى ضار , وبالعكس

[Night KNight]

انا عن نفس ماحط عنـه في سيلين ولا ع السيف
بس اروح اذا صنفت ونادر يمكن 5 مرات رحت السنه
واقعد على البحر دايمـآ بدون عنـه ( بحر الغاريـه ) ولا ( المفير )
اما عنتـا فهـي فالبـر يازين قعدت البـر
خاصتـآ اذا كان ماحوولك ربيع :weeping:

يعطيك العافيه اخوي قطركوم على طرحك للموضوع

[قطـــركوم]

انا ضد التدخل في الخصوصيات


تسلم اخوي على مرورك ..
بس لما تكون فيه قوانين تحد من بعض هالمشاكل ، ما تعتبر تدخل في الخصوصيات ...!
صحيح إحنا مانقول تعالوا دخلوا العنه كل شوي و راقبوا ...!!!!:omg:
بس على الأقل تعليمات وقوانين تساعد على تقليل الضرر قدر الأمكان ..
الله يوفقك أخوي و ما قصرت ..

[قطـــركوم]

اخوي حتى الترفيه عن النفس ضروري ولا الواحد بيمل ويكره حياته
(روّحوا القلوب ساعة بعد ساعة فان القلب اذا اكره عمي)

لكن المبدأ واحد:
كل شي له منافع ومضار

لكن اذا كانت المضار اكثر من المنافع , فالمفروض وقف هذا الشئ

القاعدة بسيطة وواضحة


لكن اذا في كل شئ ركّزنا على السلبيات , فأكيد المفرضو نمنع كل شئ , قيادة السيارات لانها ممكن تجلب الحوادث , السفر بالطائرة لان احتمال الطائرة تقع!! بيع السكاكين لان احتمال تستخدم في ارتكاب جريمة!!
وهلم جرّا

لكن احنا اللي نحوّل الشئ من مفيد الى ضار , وبالعكس


كلامك ميه بالمية اخوي تسلم .. يعني انت مع حد هالمشكلة قدر المستطاع بقوانين إلزامية ..
و صدقت اخوي إحنا إللي نحول الشيء من مفيد إلى ضار ... و العكس ...
الانسان بيده السعادة و بيده الحزن .. مثل ما بيده النافع و بيده الضار من أمور هالدنيا .. و المثل يقول إذا ما طاعك الزمان ... طيعه ...
رحم الله والديك اخوي و تسلم ما قصرت ..

[حبر سري]

كلامك ميه بالمية اخوي تسلم .. يعني انت مع حد هالمشكلة قدر المستطاع بقوانين إلزامية ..
و صدقت اخوي إحنا إللي نحول الشيء من مفيد إلى ضار ... و العكس ...
الانسان بيده السعادة و بيده الحزن .. مثل ما بيده النافع و بيده الضار من أمور هالدنيا .. و المثل يقول إذا ما طاعك الزمان ... طيعه ...
رحم الله والديك اخوي و تسلم ما قصرت ..

ووالديك الجنة اخوي

بس انا ماقلت حلها بقوانين الزامية

شوف اخوي

نحل شنو؟؟

انت تقول في شباب يحولونها الى اوكار دعارة , وخمور

طيب اذا الدعارة بنفسها ممنوعة اصلا!!
اذا في عنة ولا غيرها

طيب شنهو الحل؟

الحل في التوعية

يعني مثل ماقلت لك اخوي الناس هم اللي يحولون كل شي مفيد الى ضار , وكل شي ضار الى مفيد

لكن هل معنى هذا نترك الحبل على الغارب؟؟

طبعا لا

لكن الرد كان على الجزئية التالية:
هل انت مع او ضد العنة!!

لأن القاعدة العامة ان كل شي له مزايا وعيوب , طيب ليش انركّز عالعيوب ونبرزها بشكل يجرّد اي شي من المزايا؟؟
وقتها راح نمنع كل شي


والله يهدي الجميع

[قطـــركوم]

انا عن نفس ماحط عنـه في سيلين ولا ع السيف
بس اروح اذا صنفت ونادر يمكن 5 مرات رحت السنه
واقعد على البحر دايمـآ بدون عنـه ( بحر الغاريـه ) ولا ( المفير )
اما عنتـا فهـي فالبـر يازين قعدت البـر
خاصتـآ اذا كان ماحوولك ربيع :weeping:

يعطيك العافيه اخوي قطركوم على طرحك للموضوع


يسلم مرورك أخوي على الموضوع ..
و صدقت والله ... يازين قعدت البر .. لازم اتواعد معاك نروح مع بعض ...:telephone:
و أنا عن نفسي احب قعدت البحر بدون شيء في الهواء الطلق و بس ..
عشان أتأمل على كيفي .. :rolleyes:
ماقصرت اخوي ..

[بوحارب]

الله يسانحك ذكرتني في ايام العنهـ





http://www.qatarshares.com.qa/data/689/692/storm_1955158611_1233077615.jpg

[قطـــركوم]

ووالديك الجنة اخوي

بس انا ماقلت حلها بقوانين الزامية

شوف اخوي

نحل شنو؟؟

انت تقول في شباب يحولونها الى اوكار دعارة , وخمور

طيب اذا الدعارة بنفسها ممنوعة اصلا!!
اذا في عنة ولا غيرها

طيب شنهو الحل؟

الحل في التوعية

يعني مثل ماقلت لك اخوي الناس هم اللي يحولون كل شي مفيد الى ضار , وكل شي ضار الى مفيد

لكن هل معنى هذا نترك الحبل على الغارب؟؟

طبعا لا

لكن الرد كان على الجزئية التالية:
هل انت مع او ضد العنة!!

لأن القاعدة العامة ان كل شي له مزايا وعيوب , طيب ليش انركّز عالعيوب ونبرزها بشكل يجرّد اي شي من المزايا؟؟
وقتها راح نمنع كل شي


والله يهدي الجميع


اللهم آمين ..
وهذا إلي ابي اوصل له اخوي .. إن إحنا ما نترك الخيط و المخيط ، وعلى ما تجي نخليها تجي ..!
لازم المتابعة .. ومهوب شرط بقوانين .. المتابعة لها طرق عديدة ..
صدقني اخوي لولا الأمور إلى اسمعها و أشوفها ، تصير في هالعنن والله ما تكلمت .. بس حرام الشاب يضيع ، و يدمر ، في بعض و أكرر بعض هالعنن ، وهالشي ما يحرك ساكن ....؟!
جات حالات كثيرة للأمن الوقائي ، و البحث الجنائي ، و إدارة المكافحة ، وآنا إطلعت عليها ، و كلها كانت داخل هالعنن ، طيب وين الرقابة ؟
إذا بعض الأهل غافلين عن عيالهم ، وين مصلحة المجتمع ؟؟
و حرام بعض هالشباب صغار ، مراهقين ، محتاجين توجيه و إرشاد ..
وإلي يقهر بعض الأهالي لما نسألهم ، يقولون لك ، و الله وين ألحقه كل مكان ؟؟
طيب إحنا مانقول الحقه كل مكان .. بس تابعه ، وجّهه ، علمه الصح من الغلط ..
و بعض هالأهالي ماتقدر تفرض عليهم متابعة عيالهم .. طيب في هالحالة وش السواة ؟؟
مافي إلا المتابعة عن طريق الدوريات ، أو حتى بعض التعليمات إلي تمنع ولو القليل من هالمساويء ..
الله يجزاك الجنة اخوي ، ماقصرت على مداخلتك ..

[قطـــركوم]

الله يسانحك ذكرتني في ايام العنهـ





http://www.qatarshares.com.qa/data/689/692/storm_1955158611_1233077615.jpg

تسلم على مرورك اخوي ...
يازين القعدة الحلوة هاا ؟؟ :nice: و الأحلى لما تكون ذكرى طيبه الواحد يذكرها في المكان ...:victory:
ان شاء الله تلاقي الاحسن و يسعدك ربي في كل مكان .. اللهم آمين ..